ഗീതം 115
ദൈവത്തിന്റെ ക്ഷമയ്‌ക്കായി നന്ദിയുള്ളവർ
1. യാഹേ, നിൻ സ്‌നേഹനീതി ഞങ്ങൾ
കാൺമൂ നിൻ ദീർഘക്ഷമയിൽ.
ഭൂമിയിൽ തിൻമ വാഴ്‌കയാൽ,
വേദന ഏറുമീ നാളിൽ,
നിൻ ക്ഷമ തീരും, നിൻ വിധി നാൾ
സാന്ത്വനമേകും ശാശ്വതമായ്‌.
(കോറസ്‌)
നിൻ തിരുനാമം വാഴ്‌ത്തുന്നു,
ഈ നൽപ്രത്യാശ തന്നതിനാൽ.
2. ആയിരമാണ്ടുകൾ നിനക്കോ
ഇന്നലെ തീർന്ന നാൾപോലെ.
ആഗതമാകും വൈകാതെ
നിന്റെ മഹാദിനം പാരിൽ.
പാപികൾ പാപം വിട്ടകന്നാൽ
പ്രാപിക്കും രക്ഷ നിൻ ക്ഷമയാൽ.
(കോറസ്‌)
നിൻ തിരുനാമം വാഴ്‌ത്തുന്നു,
ഈ നൽപ്രത്യാശ തന്നതിനാൽ.
(നെഹ. 9:30; ലൂക്കോ. 15:7; 2 പത്രോ. 3:8, 9 കൂടെ കാണുക.)