ബൈബിൾ വിശേ​ഷാ​ശ​യങ്ങൾ സങ്കീർത്ത​നങ്ങൾ 73-106

“യഹോ​വയെ പുകഴ്‌ത്തുക”—എന്തു​കൊണ്ട്‌?

യഹോവ നമുക്കു​വേണ്ടി ചെയ്‌ത​തും ചെയ്‌തു​കൊ​ണ്ടി​രി​ക്കു​ന്ന​തും ഇനിയും ചെയ്യാ​നി​രി​ക്കു​ന്ന​തും ആയ എല്ലാറ​റി​നെ​യും സംബന്ധിച്ച്‌ ചിന്തി​ക്കു​മ്പോൾ നമ്മിൽ ആർക്ക്‌ കൃതഘ്‌ന​രാ​യി​രി​ക്കാൻ കഴിയും? നിശ്ചയ​മാ​യും നമ്മുടെ ദൈവത്തെ പുകഴ്‌ത്താൻ നമ്മുടെ ഹൃദയം നമ്മെ പ്രേരി​പ്പി​ക്കണം. സങ്കീർത്ത​നങ്ങൾ മൂന്നും നാലും പുസ്‌ത​ക​ങ്ങ​ളിൽ നാം യഹോ​വയെ പുകഴ്‌ത്തു​ന്ന​തിന്‌ അത്യന്ത​മായ കാരണങ്ങൾ ഉണ്ടെന്ന്‌ നന്നായി ഊന്നി​പ്പ​റ​ഞ്ഞി​രി​ക്കു​ന്നു. നാം സങ്കീർത്ത​നങ്ങൾ 73-106 പരിചി​ന്തി​ക്കു​മ്പോൾ ‘എനിക്ക്‌ യഹോ​വയെ പുകഴ്‌ത്തു​ന്ന​തിന്‌ വ്യക്തി​പ​ര​മായ എന്തു കാരണങ്ങൾ ഉണ്ട്‌?’ എന്ന്‌ സ്വയം ചോദി​ക്കുക.

ദുഷ്ടൻമാ​രോട്‌ അസൂയ തോന്ന​രുത്‌

ദയവായി സങ്കീർത്ത​നങ്ങൾ 73-77 വായി​ക്കുക. ഇവയുടെ എഴുത്തു​കാ​രൻ ആസാഫ്‌ ആണെന്നു പറയ​പ്പെ​ട്ടി​രി​ക്കു​ന്നു, തെളി​വ​നു​സ​രിച്ച്‌ അവന്റെ പുത്രൻമാ​രും. ആസാഫ്‌ സുബോ​ധ​ത്തി​ലേക്ക്‌ മടങ്ങി വന്നതു​വരെ തന്റെ ശത്രു​ക്ക​ളോട്‌ അസൂയ​പ്പെട്ടു എന്ന്‌ കുററ​സ​മ്മതം ചെയ്യുന്നു. (സങ്കീർത്തനം 73) പിന്നീട്‌ യെരൂ​ശ​ലേ​മി​ന്റെ നാശ​ത്തെ​ക്കു​റിച്ച്‌ വിലപി​ക്കു​ന്നു. (സങ്കീർത്തനം 74) അടുത്ത​താ​യി “ഭയജന​ക​നായ” ദൈവ​ത്തിന്‌ നന്ദിവാ​ദു​കൾ നൽകുന്നു. തുടർന്ന്‌ തന്റെ ക്ലേശി​ത​രായ ജനത്തെ ഓർക്ക​ണമേ എന്ന്‌ “മഹാ​ദൈവ”ത്തോടുള്ള ഒരു പ്രാർത്ഥന വരുന്നു.—സങ്കീർത്ത​നങ്ങൾ 75-77.

◆ 73:24—യഹോവ സങ്കീർത്ത​ന​ക്കാ​രനെ ഏതു “മഹത്വ”ത്തിലേക്കു എടുത്തു?

സങ്കീർത്ത​ന​ക്കാ​രൻ ‘ദൈവ​ത്തോ​ടു അടുത്തു ചെല്ലു​ന്ന​താ​യി​രു​ന്നു തനിക്കു നല്ലത്‌’ എന്ന്‌ വിലമ​തി​ക്കാ​നി​ട​യാ​യ​തു​വരെ ദുഷ്ടൻമാർ നീതി​മാൻമാ​രെ​ക്കാൾ മെച്ചമാ​യി കഴിഞ്ഞി​രു​ന്നു എന്നു അവൻ വിചാ​രി​ച്ചു. (സങ്കീർത്തനം 73:2-12, 28) തന്നെ നയിക്കു​ന്ന​തിന്‌ ദൈവ​ത്തി​ന്റെ “ബുദ്ധി​യു​പ​ദേ​ശത്തെ” അനുവ​ദി​ച്ച​തി​നാൽ തനിക്ക്‌ “മഹത്വം” അതായത്‌ യഹോ​വ​യു​ടെ ആനുകൂ​ല്യം, അവനോ​ടുള്ള ഒരു അനുഗൃ​ഹീത ബന്ധം ലഭിക്കു​ന്ന​തിന്‌ ഇടയാക്കി.

◆ 76:6—“തേരാ​ളി​യും കുതി​ര​യും” ‘നിദ്ര​യി​ലായ’തെങ്ങനെ?

യിസ്രാ​യേ​ല്യ​രെ കുതി​ര​ക​ളി​ലും രഥങ്ങളി​ലും ആശ്രയി​ക്കു​ന്ന​തി​നു പകരം യഹോ​വ​യിൽ ആസ്രയി​ക്കു​ന്ന​തിന്‌ പഠിപ്പി​ച്ചി​രു​ന്നു. (സങ്കീർത്തനം 20:7; സദൃശ​വാ​ക്യ​ങ്ങൾ 21:31) അവർക്ക്‌ തങ്ങളുടെ ശത്രു​ക്ക​ളു​ടെ കുതി​ര​ക​ളെ​യും അരിവാൾ ഘടിപ്പിച്ച രഥങ്ങ​ളെ​യും ഭയപ്പെ​ടു​ന്ന​തി​നു കാരണ​മി​ല്ലാ​യി​രു​ന്നു, എന്തു​കൊ​ണ്ടെ​ന്നാൽ യഹോ​വ​യ്‌ക്കു അവരുടെ ശത്രു​ക്കളെ അശക്തരാ​ക്കു​ന്ന​തിന്‌, അവരെ ‘നിദ്ര​യി​ലാ​ക്കു​ന്ന​തിന്‌’ കഴിയു​മാ​യി​രു​ന്നു. ഇവിടത്തെ പരാമർശം “അനിശ്ചി​ത​മാ​യി നിലനിൽക്കുന്ന നിദ്ര”യാണ്‌—മരണം തന്നെ. (യിരെ​മ്യാ​വു 51:39) ഇത്‌ ഇന്ന്‌ തങ്ങളുടെ ആയുധ​ങ്ങ​ളിൽ ആശ്രയി​ക്കുന്ന ലോക നേതാ​ക്കൻമാർക്ക്‌ ഒരു മുന്നറി​യി​പ്പാ​യി​രി​ക്കണം.—സങ്കീർത്തനം 76:12.

നമുക്കു​വേ​ണ്ടി​യുള്ള പാഠം: “നിങ്ങളു​ടെ കൊമ്പ്‌ ഉയർത്ത​രുത്‌” എന്ന്‌ പറഞ്ഞു​കൊണ്ട്‌ സങ്കീർത്തനം 75 അഹങ്കാ​ര​ത്തി​നെ​തി​രെ ഒരു മുന്നറി​യിപ്പ്‌ ഉൾപ്പെ​ടു​ത്തു​ന്നു. (വാക്യം 5) കൊമ്പ്‌ ശക്തിയു​ടെ, ബലത്തിന്റെ ഒരു ചിഹ്നമാ​യി​രു​ന്നു. (ആവർത്തനം 33:17) ഒരുവന്റെ കൊമ്പ്‌ ഉയർത്തു​ന്നത്‌ അഹങ്കാ​ര​ത്തോ​ടെ പെരു​മാ​റാ​നാ​യി​രു​ന്നു. സങ്കീർത്ത​ന​ക്കാ​രൻ ഇവിടെ ദുഷ്ടൻമാർ തങ്ങളുടെ ശക്തമായ സ്ഥാനത്താൽ തോന്നുന്ന സുരക്ഷിത സ്ഥാന​ത്തെ​ക്കു​റിച്ച്‌ അഹംഭാ​വ​ത്തോ​ടു​കൂ​ടി പെരു​മാ​റ​രു​തെന്ന്‌ മുന്നറി​യി​പ്പു നൽകുന്നു. എന്തു​കൊ​ണ്ടെ​ന്നാൽ, ‘യഹോവ ദുഷ്ടൻമാ​രു​ടെ കൊമ്പു​കളെ ഒടിച്ചു​ക​ള​യും.’ (സങ്കീർത്തനം 75:10) ഈ അറിവ്‌ ദുഷ്ടൻമാ​രു​ടെ പ്രകട​മായ സമൃദ്ധി​യു​ണ്ടെ​ങ്കി​ലും ദൈവ​ത്തി​ന്റെ ദാസൻമാർ അവനോട്‌ വിശ്വ​സ്‌ത​മാ​യി നില നിൽക്കാൻ പ്രോ​ത്സാ​ഹനം നൽകുന്നു.—സങ്കീർത്തനം 144:11-15 എ താരത​മ്യ​പ്പെ​ടു​ത്തുക.

“അത്യു​ന്ന​തനെ” അനുസ​രി​ക്കു​ക

സങ്കീർത്തനം 78-83 വായി​ക്കുക. ആസാഫി​ന്റെ സങ്കീർത്തനം തുടരു​ന്നു. യിസ്രാ​യേ​ലി​ന്റെ ചരി​ത്ര​ത്തി​ന്റെ പാഠങ്ങൾ ആവർത്തി​ക്കു​ന്നു. (സങ്കീർത്തനം 78) പിന്നീട്‌ ആലയത്തി​ന്റെ ശൂന്യ​തയെ സംബന്ധിച്ച്‌ വിലപി​ക്കു​ന്നു, യിസ്രാ​യേ​ലി​ന്റെ പുനഃ​സ്ഥി​രീ​ക​ര​ണ​ത്തി​നു​വേ​ണ്ടി​യുള്ള പ്രാർത്ഥന തുടർന്നു​വ​രു​ന്നു. (സങ്കീർത്ത​നങ്ങൾ 79, 80) ദൈവ​ത്താ​ലുള്ള വിടു​വി​ക്ക​ലി​നെ പ്രതി​ഫ​ലി​പ്പി​ക്കുന്ന ഒരു ഗീതത്തി​നും തന്റെ ജനം അവനെ അനുസ​രി​ക്കു​ന്ന​തി​നുള്ള ഉദ്‌ബോ​ധ​ന​ത്തി​നും ശേഷം അഴിമ​തി​ക്കാ​രായ ന്യായാ​ധി​പൻമാർക്കും യിസ്രാ​യേ​ലി​ന്റെ ശത്രു​ക്കൾക്കും എതിരെ ന്യായം​വി​ധി​ക്കു​ന്ന​തിന്‌ യഹോ​വ​യോ​ടുള്ള അപേക്ഷകൾ ഉണ്ട്‌.—സങ്കീർത്ത​നങ്ങൾ 81-83.

◆ 82:1—ദൈവം “ദൈവ​ങ്ങ​ളു​ടെ​യി​ട​യിൽ” ന്യായം​വി​ധി​ക്കു​ന്ന​തെ​ങ്ങനെ?

തെളി​വ​നു​സ​രിച്ച്‌ “ദൈവങ്ങൾ” യിസ്രാ​യേ​ലി​ലെ ന്യായാ​ധി​പൻമാ​രാ​യി​രു​ന്നു. അവർ നീതി​ന്യാ​യ അധികാ​ര​ത്തിൽ ശക്തരാ​യി​രു​ന്ന​തി​നാൽ അവരെ ദൈവങ്ങൾ എന്നു വിളി​ച്ചി​രു​ന്നു. അത്യുന്നത ന്യായാ​ധി​പൻ എന്ന നിലയിൽ യഹോ​വക്ക്‌ അത്തരം ന്യായാ​ധി​പൻമാ​രു​ടെ​യി​ട​യിൽ പ്രവേ​ശി​ക്കു​ന്ന​തി​നും അവന്റെ നിയമ​ത്തി​ന​നു​യോ​ജ്യ​മാ​യി വിധി​ക്കു​ന്ന​തി​ലുള്ള പരാജ​യത്തെ ശാസി​ക്കു​ന്ന​തി​നും ദിവ്യ​മായ അവകാ​ശ​മു​ണ്ടാ​യി​രു​ന്നു.—യെശയ്യാവ്‌ 33:22; സങ്കീർത്തനം 82:2-4.

◆ 83:9-15—സങ്കീർത്ത​ന​ക്കാ​രന്റെ ഉദ്ദേശ്യം പ്രതി​കാ​ര​മാ​യി​രു​ന്നോ?

അശേഷ​മ​ല്ലാ​യി​രു​ന്നു. അവൻ, യഹോ​വയെ “മന:പൂർവ്വം ദ്വേഷി​ക്കു​ന്നവർ”ക്കെതിരെ ന്യായ​വി​ധി നടത്തു​ന്ന​തിന്‌ ദൈവ​ത്തോട്‌ പ്രാർത്ഥി​ക്ക​യാ​യി​രു​ന്നു. (വാക്യം 2) അപ്രകാ​രം മററു ജനതകൾ നിശ്ചയ​മാ​യും യഹോവ എന്നു നാമമുള്ള ദൈവ​മാണ്‌ “മുഴു​ഭൂ​മി​ക്കും മീതെ അത്യു​ന്നതൻ” എന്നു അറിയും. (വാക്യം 18) ശക്തിയു​ടെ ഈ വെളി​പ്പെ​ടു​ത്തൽ ഭൂവി​സ്‌തൃ​ത​മാ​യി യഹോവ എന്ന ദൈവ​നാ​മം മഹത്വ​പ്പെ​ടു​ന്ന​തിൽ കലാശി​ക്കും.

നമുക്കു​വേ​ണ്ടി​യുള്ള പാഠം: “ഗോത​മ്പി​ന്റെ കൊഴു​പ്പി”നെ സംബന്ധി​ച്ചുള്ള പരാമർശം യഹോവ തന്നെ അനുസ​രി​ക്കു​ന്ന​വർക്ക്‌ സമൃദ്ധ​മാ​യി പ്രതി​ഫലം നൽകു​ന്നു​വെന്നു സൂചി​പ്പി​ച്ചു. (സങ്കീർത്തനം 81:16) ഇവിടെ “കൊഴുപ്പ്‌” എന്ന പദം ഏററവും നല്ലതിനെ ദ്യോ​തി​പ്പി​ക്കാൻ ആലങ്കാ​രി​ക​മാ​യി ഉപയോ​ഗി​ച്ചി​രി​ക്കു​ന്നു. (സങ്കീർത്തനം 63:5 തരതമ്യ​പ്പെ​ടു​ത്തുക) യിസ്രാ​യേ​ല്യർ ‘യഹോ​വ​യു​ടെ ശബ്ദം ശ്രദ്ധി​ച്ചി​രു​ന്നെ​ങ്കിൽ’ അവൻ അവരെ “ഗോത​മ്പി​ന്റെ കൊഴു​പ്പു​കൊണ്ട്‌”—ഏററവും മേത്തര​മാ​യ​തു​കൊണ്ട്‌, വസ്‌തു​ക്ക​ളിൽ ഏററവും വിശി​ഷ്ട​മാ​യ​തു​കൊണ്ട്‌ അനു​ഗ്ര​ഹി​ക്കു​മാ​യി​രു​ന്നു. (സങ്കീർത്തനം 81:11; ആവർത്തനം 32:13, 14) അതു​പോ​ലെ നാം ‘യഹോ​വ​യു​ടെ ശബ്ദം ശ്രദ്ധി​ക്കു​ന്നെ​ങ്കിൽ’ അവൻ നമ്മെ സമൃദ്ധ​മാ​യി അനു​ഗ്ര​ഹി​ക്കും.—സദൃശ​വാ​ക്യ​ങ്ങൾ 10:22.

ദൈവ​ത്തെത സമീപി​ക്കൽ

സങ്കീർത്ത​നങ്ങൾ 84-89 വായി​ക്കുക. സങ്കീർത്ത​ന​ക്കാർ ദൈവ​ത്തി​ന്റെ ഭവനത്തി​നാ​യി ഉൽക്കട​മായ വാഞ്‌ഛ പ്രകടി​പ്പി​ക്കു​ന്നു. (സങ്കീർത്തനം 84) അടുത്ത​താ​യി, മടങ്ങിവന്ന ബന്ദികൾ ദൈവ​ത്തി​ന്റെ കോപം പിൻവ​ലി​ക്കു​ന്ന​തിന്‌ അപേക്ഷി​ക്കു​ന്നു. (സങ്കീർത്തനം 85) ദാവീദ്‌ മാർഗ്ഗ​നിർദ്ദേ​ശ​ത്തി​നും സംരക്ഷ​ണ​ത്തി​നു​മാ​യി പ്രാർത്ഥി​ക്കു​ന്നു, യഹോവ തനിക്കു​ത്തരം നൽകു​മെന്ന്‌ ഉറപ്പുണ്ട്‌. (സങ്കീർത്തനം 86) ‘സീയോ​നിൽ ജനിച്ച​വരെ’ സംബന്ധി​ച്ചുള്ള ഒരു ഗീതത്തി​നു​ശേഷം ഒരു ക്ലേശി​തന്റെ അപേക്ഷ തുടർന്നു​വ​രു​ന്നു. (സങ്കീർത്തനം 87, 88) അതിനു​ശേഷം ദാവീ​ദു​മാ​യുള്ള ഉടമ്പടി​യിൽ കാണി​ച്ചി​രി​ക്കു​ന്ന​തു​പോ​ലുള്ള യഹോ​വ​യു​ടെ സ്‌നേ​ഹ​ദ​യയെ ഉയർത്തി​ക്കാ​ണി​ക്കുന്ന ഒരു സങ്കീർത്തനം വരുന്നു.—സങ്കീർത്തനം 89.

◆ 84:3—പക്ഷികളെ പരാമർശി​ക്കു​ന്ന​തെ​ന്തു​കൊണ്ട്‌?

കോര​ഹി​ന്റെ വംശത്തിൽപെട്ട ഒരു ലേവ്യ​നായ ഈ സങ്കീർത്ത​ന​ക്കാ​രൻ യഹോ​വ​യു​ടെ “മഹത്തായ സമാഗമന കൂടാര”ത്തിൽ ആയിരി​ക്കു​ന്ന​തിന്‌ വാഞ്ചിച്ചു. (വാക്യങ്ങൾ 1, 2) എന്നാൽ ദശസഹ​സ്ര​ക്ക​ണ​ക്കിന്‌ ലേവ്യ​രു​ണ്ടാ​യി​രു​ന്നു. ലേവ്യ​രു​ടെ ഒരു വിഭാ​ഗത്തെ ഓരോ അർദ്ധ വർഷത്തി​ലും ഒരിക്കൽ മാത്രം ഒരു ആഴ്‌ച സമാഗമന കൂടാ​ര​ത്തിൽ സേവി​ക്കു​ന്ന​തി​നു നിയമി​ച്ചി​രു​ന്നു. നേരെ​മ​റിച്ച്‌, ചെറിയ പക്ഷികൾക്കു​പോ​ലും വിശു​ദ്ധ​സ്ഥ​ല​ത്തുള്ള അവയുടെ കൂടു​ക​ളിൽ കൂറേ​ക്കൂ​ടെ സ്ഥിരമായ ഭവനമു​ണ്ടാ​യി​രു​ന്നു. അതു​പോ​ലെ സങ്കീർത്ത​ന​ക്കാ​രന്‌ യഹോ​വ​യു​ടെ ഭവനത്തിൽ സ്ഥിരമാ​യി വസിച്ചു​കൊണ്ട്‌ യഹോ​വയെ സ്‌തു​തി​ക്കു​ന്ന​തിന്‌ എത്ര സന്തോ​ഷ​മു​ണ്ടാ​യി​രു​ന്നു!

◆ 89:49—“സ്‌നേ​ഹ​ദ​യ​യു​ടെ ഈ പ്രവൃ​ത്തി​കൾ” എന്തെല്ലാ​മാ​യി​രു​ന്നു?

“സ്‌നേ​ഹ​ദ​യകൾ” എന്ന പ്രയോ​ഗം രാജ്യ ഉടമ്പടി​യെ അതിന്റെ എല്ലാ സവി​ശേ​ഷ​ത​ക​ളോ​ടും കൂടെ പരാമർശി​ക്കു​ന്നു. പ്രയാ​സ​ഘ​ട്ട​ങ്ങ​ളിൽ യിസ്രാ​യേ​ല്യർ ഈ വാഗ്‌ദാ​നങ്ങൾ യഹോ​വ​യു​ടെ ശ്രദ്ധയി​ലേക്കു കൊണ്ടു​വ​രു​ന്നത്‌ ഉചിത​മാ​യി​രു​ന്നു. അത്‌ അവർ ഉടമ്പടി​യെ സംശയി​ച്ച​തി​നാ​ലാ​യി​രു​ന്നില്ല, എന്നാൽ അതിന്റെ അടിസ്ഥാ​ന​ത്തിൽ ദൈവ​ത്തോ​ടുള്ള അപേക്ഷ​യാ​യി​ട്ടാ​യി​രു​ന്നു.

നമുക്കു​വേ​ണ്ടി​യുള്ള പാഠം: സങ്കീർത്തനം 85 നാം ദൈവ​ത്തി​ന്റെ നൂതന ക്രമത്തി​നു​വേണ്ടി ഉൽക്കട​മായ ആശി​ക്കേ​ണ്ട​തെ​ന്തു​കൊ​ണ്ടെന്ന്‌ ഊന്നി​പ്പ​റ​യു​ന്നു. ഭൗതിക അനു​ഗ്ര​ഹ​ങ്ങ​ളെ​ക്കു​റിച്ച്‌ വളരെ ചുരു​ങ്ങിയ പരാമർശ​നമേ നടത്തി​യി​ട്ടു​ള്ളു. (വാക്യം 12) ആത്മീയ അനു​ഗ്ര​ഹങ്ങൾ: സ്‌നേ​ഹദയ, സത്യസന്ധത, നീതി, സമാധാ​നം എന്നിവ​ക്കാണ്‌ മുഖ്യ ഊന്നൽ കൊടു​ത്തി​രി​ക്കു​ന്നത്‌. (വാക്യങ്ങൾ 10-13) യഹോവ ഭൗതിക വാഞ്ചക​ളി​ലേക്ക്‌ ആകർഷി​ക്കു​ന്നില്ല, എന്നാൽ നൂതന ക്രമത്തി​ലെ ആത്മീയാ​നു​ഗ്ര​ഹങ്ങൾ ആയിരി​ക്കണം നമ്മുടെ ഏററവും ശക്തമായ പ്രേര​ണാ​ശ​ക്തി​യെന്ന്‌ കാണി​ക്കു​ന്നു.

‘യഹോവ രാജാ​വാ​യി​തീർന്നി​രി​ക്കു​ന്നു!’

സങ്കീർത്ത​നങ്ങൾ 90-100 വായി​ക്കുക. മോശെ ദൈവ​ത്തി​ന്റെ നിത്യ​തയെ മമനു​ഷ്യ​ന്റെ ഹ്രസ്വ​മായ ജീവി​ത​കാ​ല​വു​മാ​യി വിപരീത താരത​മ്യം ചെയ്യുന്നു, പിന്നീട്‌ അവൻ യഹോ​വയെ നമ്മുടെ സുരക്ഷി​ത​ത്വ​ത്തി​ന്റെ ഉറവി​ട​മാ​യി വിശേ​ഷ​വൽക്ക​രി​ക്കു​ന്നു. (സങ്കീർത്ത​നങ്ങൾ 90, 91) യഹോ​വ​യു​ടെ ഉന്നത ഗുണങ്ങൾ ഉയർത്തി​പ്പി​ടി​ക്ക​യും തുടർന്ന്‌ വരുന്ന സങ്കീർത്ത​ന​ങ്ങ​ളിൽ ദൈവ​ത്തി​ന്റെ ശക്തിയും സ്‌നേ​ഹ​ദ​യ​യും നീതി​യും അതോ​ടൊ​പ്പം രാജ്യ​വി​ഷ​യ​വും വിശേ​ഷ​വൽക്ക​രി​ക്ക​യും ചെയ്യുന്നു.—സങ്കീർത്ത​നങ്ങൾ 92-100.

◆ 90:10—മോശെ 80 വർഷത്തിൽ കൂടുതൽ ജീവി​ച്ചി​രു​ന്നി​ല്ലേ?

നൂററി​യി​രു​പ​തു​വർഷം ജീവി​ച്ചി​രുന്ന മോശെ സാധാരണ ജനങ്ങളു​ടെ മാതൃ​കയല്ല. ഈജി​പ്‌റ​റിൽ നിന്നുവന്ന ആ അവിശ്വസ്‌ത തലമു​റ​യിൽ, ഒരിക്കൽ “20 വയസ്സു മുതൽ മേലോ​ട്ടു എണ്ണപ്പെ​ട്ട​വ​രാ​യി” രജിസ്‌ററർ ചെയ്‌തവർ 40 വർഷങ്ങൾക്കകം മരിക്ക​ണ​മാ​യി​രു​ന്നു, ശരിക്കും മോശെ പറഞ്ഞതി​നു​ള്ളിൽ. (സംഖ്യാ​പു​സ്‌തകം 14:29-34) മോ​ശെ​യു​ടെ മരണ സമയത്ത്‌ അവന്റെ കണ്ണു മങ്ങിയി​രു​ന്നില്ല, ശക്തിക്ഷ​യി​ച്ചി​രു​ന്നു​മില്ല എന്ന വാക്കുകൾ അവന്‌ ദൈവ​ത്തി​ന്റെ താങ്ങി​നിർത്തുന്ന ശക്തിയു​ണ്ടാ​യി​രു​ന്നു എന്നു സൂചി​പ്പി​ക്കു​ന്നു.—ആവർത്തനം 34:7.

◆ 95:3—യഹോവ “മറെറ​ല്ലാ​ദൈ​വ​ങ്ങൾക്കു​മു​പരി ഒരു രാജാവാ”കുന്ന​തെ​ങ്ങനെ?

അഖിലാണ്ഡ പരമാ​ധി​കാ​രി എന്ന നിലയിൽ യഹോവ പരമോ​ന്ന​ത​നും എല്ലാ വ്യാജ​ദേ​വൻമാ​രു​ടെ​യും​മേൽ രാജാ​വു​മാ​കു​ന്നു. ആ നിലക്ക്‌ അവൻ അവർക്കെ​ല്ലാം വളരെ ഉയർന്ന​വ​നാ​കു​ന്നു. ലളിത​മാ​യി പറഞ്ഞാൽ യഹോ​വ​യാം ദൈവത്തെ ഏതേങ്കി​ലും ദൂതൻമാ​രോ ആസ്‌തി​ക്യ​ത്തിൽ ഇല്ലാത്ത വ്യാജ​ദൈ​വങ്ങൾ ഉൾപ്പെടെ ചിലർ ആരാധി​ച്ചേ​ക്കാ​വുന്ന മറെറ​ന്തെ​ങ്കി​ലു​മോ ആയി താരത​മ്യ​പ്പെ​ടു​ത്താ​വു​ന്നതല്ല.

നമുക്കു​വേ​ണ്ടി​യുള്ള പാഠം: സങ്കീർത്തനം 91 നാം യഹോ​വയെ മഹത്വ​പ്പെ​ടു​ത്തു​ന്ന​തി​നുള്ള മറെറാ​രു കാരണം—“അത്യു​ന്ന​തന്റെ രഹസ്യ​സ്ഥലം” വിശേ​ഷ​വൽക്ക​രി​ക്കു​ന്നു. (വാക്യം 1) അത്‌ ഈ സങ്കീർത്ത​ന​ത്തിൽ വിവരി​ച്ചി​രി​ക്കുന്ന നിബന്ധ​നകൾ പാലി​ക്കു​ന്ന​വർക്ക്‌ ആത്മീയ ദ്രോ​ഹ​ത്തിൽ നിന്നുള്ള ഒരു സംരക്ഷ​ണ​മായ ഒരു ആത്മീയ സുരക്ഷി​തത്വ സ്ഥലമാണ്‌. അത്‌ ആത്മീയ വീക്ഷണ​മി​ല്ലാത്ത ലോക മനുഷ്യർക്ക്‌ അജ്ഞാത​മാണ്‌ എന്നനി​ല​യിൽ അത്‌ “രഹസ്യ”മാണ്‌. അത്‌ “അത്യു​ന്ന​തന്റെ” രഹസ്യ​സ്ഥലം ആണെന്ന വസ്‌തുത നാം അഖിലാണ്ഡ പരമാ​ധി​കാ​രം എന്ന പ്രശ്‌നം സംബന്ധിച്ച്‌ യഹോ​വ​യു​ടെ പക്ഷം ഉയർത്തി​പ്പി​ടി​ക്കു​ന്നെ​ങ്കിൽ മാത്രമേ നാം അവിടെ സുരക്ഷി​ത​ത്വം കണ്ടെത്തു​ക​യു​ള്ളു എന്നു സൂചി​പ്പി​ക്കു​ന്നു.

“ജനങ്ങളേ, യാഹിനെ സ്‌തു​തി​പ്പിൻ!”

സങ്കീർത്ത​നങ്ങൾ 101 മുതൽ 106 വരെ വായി​ക്കുക. ദാവീദ്‌ ഇവിടെ, അവൻ രാജ്യ​കാ​ര്യ​ങ്ങൾ നിർവ്വ​ഹി​ക്കുന്ന വിധം വിവരി​ക്കു​ന്നു. (സങ്കീർത്തനം 101) ക്ലേശി​ത​നായ ഒരുവൻ “സീയോ​നെ പണിയു​ന്ന​തിന്‌” യഹോ​വ​യോട്‌ പ്രാർത്ഥി​ക്കു​ന്നു. (സങ്കീർത്തനം 102) “യഹോ​വയെ പുകഴ്‌ത്തു​ന്ന​തിന്‌” ക്ഷണിക്കു​ന്നു, തുടർന്നുള്ള സങ്കീർത്ത​ന​ങ്ങ​ളിൽ ദൈവ​ത്തി​ന്റെ കരുണ, മഹത്വം, സൃഷ്ടി​ക്രി​യകൾ എന്നിവ​യി​ലേക്ക്‌ ശ്രദ്ധ തിരി​ക്ക​യും ചെയ്യുന്നു. “ജനങ്ങളേ യാഹിനെ സ്‌തു​തി​പ്പിൻ!” എന്നു 20-ൽ പരം പ്രാവ​ശ്യം പറഞ്ഞി​രി​ക്കു​ന്ന​തിൽ ആദ്യത്തവ ഇവി​ടെ​യാണ്‌. (സങ്കീർത്ത​നങ്ങൾ 103, 104) അവസാ​ന​മാ​യി, രണ്ടു ചരി​ത്ര​പ​ര​മായ സങ്കീർത്ത​നങ്ങൾ തന്റെ ജനങ്ങൾക്കു​വേ​ണ്ടി​യുള്ള യഹോ​വ​യു​ടെ പ്രവൃ​ത്തി​കൾക്കാ​യി അവനെ മഹത്വ​പ്പെ​ടു​ത്തു​ന്നു.—സങ്കീർത്ത​നങ്ങൾ 105, 106.

◆ 102:25—ഭൂമി​യു​ടെ “അടിസ്ഥാ​നങ്ങൾ ഇട്ടത്‌” ആര്‌?

സങ്കീർത്ത​ന​ക്കാ​രൻ ദൈവ​ത്തെ​ക്കു​റി​ച്ചു സംസാ​രി​ക്ക​യാ​യി​രു​ന്നു, എന്നാൽ അപ്പോ​സ്‌ത​ല​നായ പൗലോസ്‌ ഈ വാക്കുകൾ യേശു​ക്രി​സ്‌തു​വി​നു ബാധക​മാ​ക്കി, (എബ്രായർ 1:10, 11) വിശദീ​ക​രി​ക്കു​മ്പോൾ ഈ വാക്കുകൾ യേശു​വി​നും ബാധക​മാ​കു​ന്നു, എന്തു​കൊ​ണ്ടെ​ന്നാൽ അവൻ അഖിലാ​ണ്ഡത്തെ സൃഷ്ടി​ക്കു​ന്ന​തിൽ യഹോ​വ​യു​ടെ കാര്യസ്ഥൻ എന്നനി​ല​യിൽ പ്രവർത്തി​ച്ചു. (കൊ​ലോ​സ്യർ 1:15, 16) അതു​കൊണ്ട്‌ യേശു “ഭൂമി​യു​ടെ അടിസ്ഥാ​നങ്ങൾ ഇട്ടു” എന്നു പറയാൻ കഴിഞ്ഞു.

◆ 103:14—“ഘടന” എന്തിനെ പ്രതി​നി​ധാ​നം ചെയ്യുന്നു?

“ഘടന” എന്ന്‌ ഇവിടെ ഭാഷാ​ന്തരം ചെയ്‌തി​രി​ക്കുന്ന പദം ഉല്‌പത്തി 2:7-ൽ ഉപയോ​ഗി​ച്ചി​രി​ക്കുന്ന “രൂപീ​ക​രി​ക്കുക” എന്ന ക്രിയ​യോ​ടും കളിമ​ണ്ണു​കൊ​ണ്ടു രൂപ​പ്പെ​ടു​ത്തു​ന്ന​വ​നോ​ടുള്ള ബന്ധത്തിൽ “കുശവൻ” എന്ന നാമരൂ​പ​ത്തോ​ടും ബന്ധപ്പെ​ട്ടി​രി​ക്കു​ന്നു. (യെശയ്യാവ്‌ 29:16; യിരെ​മ്യാവ്‌ 18:2-6) അതു​കൊണ്ട്‌ സങ്കീർത്ത​ന​ക്കാ​രൻ, വലിയ കുശവ​നായ യഹോവ നാം മൺപാ​ത്ര​ങ്ങ​ള​പോ​ലെ പെട്ടെ​ന്നു​ട​യു​ന്ന​വ​രാ​ണെന്ന്‌ അറിഞ്ഞു​കൊണ്ട്‌ ആർദ്ര​ത​യോ​ടെ നമ്മെ കൈകാ​ര്യം ചെയ്യുന്നു.—2 കൊരി​ന്ത്യർ 4:7 താരത​മ്യ​പ്പെ​ടു​ത്തുക.

◆ 104:4—യഹോവ തന്റെ ദൂതൻമാ​രെ ആത്മാക്ക​ളാ​ക്കി​ത്തീർക്കു​ന്ന​തെ​ങ്ങനെ?

ദൂതൻമാർ നേരത്തെ തന്നെ ആത്മ സൃഷ്ടി​ക​ളാ​ക​യാൽ ഇത്‌ അവരുടെ ആത്മ ശരീര​ങ്ങളെ കുറി​ക്കാൻ സാദ്ധ്യമല്ല. എന്നാൽ “ആത്മാവ്‌” എന്ന പദത്തിന്‌ “കാററ്‌” അഥവാ “കർമ്മോ​ദ്യു​ക്ത​ശക്തി” എന്നും അർത്ഥമാ​ക്കാൻ കഴിയും. അപ്രകാ​രം ദൈവ​ത്തിന്‌ തന്റെ ദൂതൻമാ​രെ തന്റെ ഇഷ്ടം നിർവ​ഹി​ക്കു​ന്ന​തിന്‌ ശക്തമായ സേനക​ളാ​യി ഉപയോ​ഗി​ക്കാൻ കഴിയും. അവരെ വിധി നിർവ്വഹണ ഏജൻറൻമാർ—“ഒരു നശീക​ര​ണ​ത്തി​ന്റെ തീയ്‌” ആയും ഉപയോ​ഗി​ക്കാൻ കഴിയും. ക്രിസ്‌ത്യാ​നി​കൾക്ക്‌ തങ്ങളുടെ പ്രസം​ഗ​വേല അത്തരം ശക്തമായ ദൂത സൃഷ്ടി​ക​ളാൽ പിൻതാ​ങ്ങ​പ്പെ​ടു​ന്നു എന്ന അറിവ്‌ വീണ്ടും ഉറപ്പു നൽകു​ന്ന​താണ്‌.—വെളി​പാട്‌ 14:6, 7.

നമുക്കു​വേ​ണ്ടി​യുള്ള പാഠം: സങ്കീർത്തനം 106 മത്സരി​ക​ളാ​യി​രുന്ന കോരഹ്‌, ദാഥാൻ, അബീരാം എന്നിവർ ദൈവ​ജ​ന​ങ്ങ​ളു​ടെ ഭരണ കർത്താവ്‌ എന്ന നിലയി​ലുള്ള മോ​ശെ​യു​ടെ സ്ഥാന​ത്തോട്‌ അസൂയ​പ്പെട്ടു എന്ന്‌ ഗ്രഹി​ക്കാൻ നമ്മെ സഹായി​ക്കു​ന്നു. (സങ്കീർത്തനം 106:16; സംഖ്യാ​പു​സ്‌തകം 16:2-11) ഒടുവിൽ മത്സരി​കളെ “ഒരു തീയ്‌ പുറ​പ്പെട്ടു ദഹിപ്പി​ച്ച​പ്പോൾ “മത്സരം തകർക്ക​പ്പെട്ടു. (സങ്കീർത്തനം 106:18) സുനി​ശ്ചി​ത​മാ​യും അഹങ്കാ​ര​ത്തി​ന്റെ​യും അസൂയ​യു​ടെ​യും അപകട​ങ്ങ​ളാണ്‌ ഇവിടെ വെളി​പ്പെ​ടു​ത്തി​യി​രി​ക്കു​ന്നത്‌. അതു​പോ​ലെ ഇന്ന്‌ യഹോ​വ​യു​ടെ നിയമിത ദാസൻമാർക്കെ​തി​രെ സംസാ​രി​ക്കു​ന്ന​തി​നാൽ അവന്റെ അനിഷ്ടം കൈവ​രു​ത്താൻ കഴിയും.—എബ്രായർ 13:17; യൂദാ 4, 8, 11.

നാം നന്ദിയു​ള്ള​വ​രാ​യി​രി​ക്ക​ത്ത​ക്ക​വണ്ണം നിശ്ചയ​മാ​യും യഹോവ നമുക്ക്‌ വളരെ​യ​ധി​കം പ്രദാനം ചെയ്‌തി​രി​ക്കു​ന്നു. അവൻ നമ്മു​ടെ​മേൽ ചൊരി​ഞ്ഞി​രി​ക്കുന്ന എല്ലാ അനു​ഗ്ര​ഹ​ങ്ങ​ളെ​യും പരിഗ​ണി​ക്കു​മ്പോൾ, “എന്റെ ദേഹിയേ യഹോ​വയെ പുകഴ്‌ത്തുക” എന്നു സങ്കീർത്ത​ന​ക്കാ​രൻ നിർബ​ന്ധി​ച്ച​തു​പോ​ലെ നാം ചെയ്യു​ക​യി​ല്ലേ?—സങ്കീർത്തനം 103:1. (w86 12/15)