ശുശ്രൂ​ഷാ​ദാ​സൻമാർ യഹോ​വ​യു​ടെ ജനത്തിന്‌ ഒരു അനു​ഗ്ര​ഹം

“അവർ യോഗ്യത സംബന്ധിച്ച്‌ ആദ്യം പരീക്ഷി​ക്ക​പ്പെ​ട്ടവർ ആയിരി​ക്കട്ടെ, അനന്തരം അവർ കുററാ​രോ​പ​ണ​ത്തിൽനിന്ന്‌ വിമു​ക്ത​രാ​യി​രി​ക്കു​മ്പോൾ ശുശ്രൂ​ഷ​കൻമാ​രാ​യി സേവി​ക്കട്ടെ.”—1 തിമൊ​ഥെ​യോസ്‌ 3:10.

1. സഭാപ​ര​മായ സന്തുഷ്ടി​യും ഐക്യ​വും ഉറപ്പു​വ​രു​ത്തു​ന്ന​തിന്‌ ആർ സഹായി​ക്കു​ന്നു?

യഹോവ “സന്തുഷ്ട​നായ ദൈവം” ആണ്‌. അവന്റെ ദാസൻമാർ സന്തുഷ്ട​രാ​യി​രി​ക്കാൻ അവൻ ആഗ്രഹി​ക്കു​ന്നു. (1 തിമൊഥെയോസ്‌ 1:11) ആ ഉദ്ദേശ്യ​ത്തിൽ തന്റെ ജനത്തിന്റെ അനു​ഗ്ര​ഹ​ത്തി​നു വേണ്ടി അവൻ മൂപ്പൻമാ​രെ​യും ശുശ്രൂ​ഷാ​ദാ​സൻമാ​രെ​യും പ്രദാനം ചെയ്‌തി​രി​ക്കു​ന്നു. ഈ ഉത്തരവാ​ദി​ത്വ​മുള്ള പുരഷൻമാർ പ്രയോ​ജ​ന​പ്ര​ദ​മായ ഉദ്ദേശ്യ​ങ്ങൾക്ക്‌ സേവ ചെയ്യു​ക​യും ക്രിസ്‌തീയ സഭയുടെ സന്തുഷ്ടി​യും ഐക്യ​വും തടസ്സമി​ല്ലാത്ത പ്രവർത്ത​ന​വും ഉറപ്പു​വ​രു​ത്തു​ക​യും ചെയ്യുന്നു. ദൈവ​ത്തി​ന്റെ ദിവ്യാ​ധി​പത്യ സ്ഥപനത്തി​നു​ള്ളിൽ ഈ നിയമി​തർ നിർവ്വ​ഹി​ക്കുന്ന സ്‌നേ​ഹ​പൂർവ്വ​ക​വും സഹായ​ക​ര​വു​മായ സേവന​ത്തി​നു​വേണ്ടി യഹോ​വ​യു​ടെ സാക്ഷികൾ എത്ര നന്ദിയു​ള്ള​വ​രാ​കു​ന്നു!

2. മൂപ്പൻമാർക്കും ശുശ്രൂ​ഷാ​ദാ​സൻമാർക്കും ഏതു മനോ​ഭാ​വം ഉണ്ടായി​രി​ക്കണം, എന്നാൽ അവർ ഒരിക്ക​ലും എന്തു മറന്നു​ക​ള​യ​രുത്‌?

² എന്നിരു​ന്നാ​ലും, മൂപ്പൻമാ​രും ശുശ്രൂ​ഷാ​ദാ​സൻമാ​രും സഭയ്‌ക്കു മർമ്മ​പ്ര​ധാ​ന​മായ സഹായം ചെയ്യു​ന്നെ​ങ്കി​ലും അവർ തങ്ങളുടെ സ്വന്തം പ്രാധാ​ന്യം മുഴു​പ്പി​ച്ചു​കാ​ണി​ക്ക​രുത്‌. യേശു തന്റെ അനുഗാ​മി​കൾ വിനീ​ത​രാ​യി​രി​ക്കാൻ പ്രബോ​ധി​പ്പി​ച്ചു​വെന്ന കാര്യം അവർ ഓർമ്മി​ക്കണം. “ഈ കൊച്ചു​കു​ട്ടി​യേ​പ്പോ​ലെ തന്നെത്താൻ താഴ്‌ത്തു​ന്ന​വ​നാണ്‌—സ്വർഗ്ഗ​രാ​ജ്യ​ത്തിൽ ഏററവും വലിയവൻ” എന്ന്‌ അവൻ ഒരിക്കൽ അവരോ​ടു പറഞ്ഞു. (മത്തായി 18:4) “യഹോ​വ​യു​ടെ ദൃഷ്ടി​യിൽ നിങ്ങ​ളേ​ത്തന്നെ താഴ്‌ത്തുക അവൻ നിങ്ങളെ ഉയർത്തും” എന്ന്‌ ശിഷ്യ​നായ യാക്കോബ്‌ എഴുതി. (യാക്കോബ്‌ 4:10; റോമർ 12:3) എന്നാൽ ഒരു വിനീത മനോ​ഭാ​വം ഉണ്ടായി​രി​ക്കു​ന്ന​തിന്‌ ഈ പുരു​ഷൻമാർ മൂപ്പൻമാ​രും ശുശ്രൂ​ഷാ​ദാ​സൻമാ​രും എന്ന നിലയി​ലുള്ള തങ്ങളുടെ വേലയു​ടെ പ്രാധാ​ന്യം കൊച്ചാ​ക്കേണ്ട ആവശ്യ​മില്ല. അവർക്ക്‌ വിനീ​ത​രാ​യി​രി​ക്കാ​നും അപ്പോൾത്തന്നെ സേവന പ്രവർത്ത​ന​ങ്ങളെ നയിക്കാ​നും കഴിയും. അവരുടെ പ്രവർത്ത​ന​ങ്ങ​ളാൽ സാധി​ക്കുന്ന പ്രയോ​ജ​ന​ക​ര​മായ ഉദ്ദേശ്യ​ങ്ങൾ അവർ ഒരിക്ക​ലും മറന്നു​ക​ള​യ​രുത്‌, പിന്നെ​യോ തങ്ങളുടെ പരമാ​വധി പ്രവർത്തി​ക്കാൻ യഹോ​വ​യോ​ടും ക്രിസ്‌തീയ സഹോ​ദ​ര​ങ്ങ​ളോ​ടു​മുള്ള കടപ്പാട്‌ അവർ എപ്പോ​ഴും ഓർമ്മി​ക്കണം.

3. യഹോ​വ​യു​ടെ സാക്ഷി​ക​ളു​ടെ​യി​ട​യി​ലെ ഏകീകൃത പ്രവർത്ത​നത്തെ എന്തു​നോട്‌ ഉപമി​ക്കാൻ കഴിയും, സമർപ്പിത പുരു​ഷൻമാർക്ക്‌ അത്തരം ഐക്യ​വും രാജ്യ​താ​ല്‌പ​ര്യ​ങ്ങ​ളു​ടെ പുരോ​ഗ​തി​യും എങ്ങനെ ഉന്നമി​പ്പി​ക്കാൻ കഴിയും?

³ ഇന്നത്തെ യഹോ​വ​യു​ടെ സാക്ഷി​ക​ളി​ലെ ഏകീകൃത പ്രവർത്തനം മനുഷ്യ​ശ​രീ​ര​ത്തി​ലെ ഐക്യ​ത്തോട്‌ താരത​മ്യ​പ്പെ​ടു​ത്താൻ കഴിയും. അപ്പോ​സ്‌ത​ല​നായ പൗലോസ്‌ ക്രിസ്‌തു​വി​ന്റെ ആത്മീയ ശരീരത്തെ പല അവയവ​ങ്ങ​ളാൽ നിർമ്മി​ത​മായ മനുഷ്യ​ശ​രീ​ര​ത്തോട്‌ ഉപമി​ക്കു​ക​യു​ണ്ടാ​യി. എങ്കിലും പരസ്‌പര പ്രയോ​ജ​ന​ത്തി​നു​വേണ്ടി ശരീര​ത്തി​ലെ എല്ലാ അവയവ​ങ്ങ​ളും ഒത്തൊ​രു​മിച്ച്‌ പ്രവർത്തി​ക്കു​ന്നു. (1 കൊരി​ന്ത്യർ 12:12-31) തീർച്ച​യാ​യും, നിയമിത മൂപ്പൻമാ​രും ശുശ്രൂ​ഷാ​ദാ​സൻമാ​രും യഹോ​വ​യു​ടെ ജനത്തിന്‌ ഒരു അനു​ഗ്ര​ഹ​മാണ്‌. എന്തെന്നാൽ ഈ പുരു​ഷൻമാർ ഇന്ന്‌ ക്രിസ്‌തീയ സഭയുടെ ഏകീകൃത പ്രവർത്ത​നത്തെ സഹായി​ക്കു​ന്നു. (കൊ​ലോ​സ്യർ 2:18, 19 താരത​മ്യം ചെയ്യുക.) “മേൽവി​ചാ​ര​ക​സ്ഥാ​ന​ത്തി​നാ​യി എത്തിപ്പി​ടി​ക്കു​ന്നതി”നാൽ യഹോ​വ​യു​ടെ സ്ഥാപന​പ​ര​മായ ക്രമീ​ക​ര​ണത്തെ പിന്താ​ങ്ങാൻ കഠിന​ശ്രമം ചെയ്യുന്ന സഭയിലെ സമർപ്പി​ത​രായ പുരു​ഷൻമാർ ക്രിസ്‌തീയ ഐക്യ​ത്തി​നും രാജ്യ​താ​ല്‌പ​ര്യ​ങ്ങ​ളു​ടെ പുരോ​ഗ​തി​ക്കും ഒരു മർമ്മ​പ്ര​ധാ​ന​മായ സഹായ​മാണ്‌ ചെയ്യു​ന്നത്‌. (1 തിമൊ​ഥെ​യോസ്‌ 3:1) എന്നാൽ ക്രിസ്‌ത്യാ​നി​യായ ഒരു പുരുഷൻ ആദ്യം​തന്നെ ഒരു ശുശ്രൂ​ഷാ​ദാ​സ​നാ​യി​ത്തീ​രു​ന്ന​തിന്‌ യോഗ്യത നേടു​ന്നത്‌ എങ്ങനെ​യാണ്‌?

“യോഗ്യത സംബന്ധിച്ച്‌ ആദ്യം പരീക്ഷി​ക്ക​പ്പെ​ട്ടവർ”

4. (എ) ശുശ്രൂ​ഷാ​ദാ​സൻമാ​രാ​കാ​നു​ള്ളവർ “യോഗ്യത സംബന്ധിച്ച്‌ ആദ്യം പരീക്ഷി​ക്ക​പ്പെടേ”ണ്ടത്‌ എന്തു​കൊണ്ട്‌? (ബി) ഈ പുരു​ഷൻമാർ എന്തു ചെയ്യാൻ സന്നദ്ധരാ​യി​രി​ക്കണം?

⁴ പുരു​ഷൻമാ​രെ ശുശ്രൂ​ഷാ​ദാ​സൻമാ​രാ​യി നിയമി​ക്കു​ന്ന​തി​നു​മുമ്പ്‌ എന്തവശ്യ​മാ​ണെന്ന്‌ അപ്പോ​സ്‌ത​ല​നായ പൗലോസ്‌ തന്റെ സഹപ്ര​വർത്ത​ക​നായ തിമൊ​ഥെ​യോ​സി​നോ​ടു പറഞ്ഞു. മററു കാര്യ​ങ്ങൾക്കൊ​പ്പം പൗലോസ്‌ ഇപ്രകാ​രം എഴിതി: “ഇവർ യോഗ്യത സംബന്ധിച്ച്‌ ആദ്യം പരീക്ഷി​ക്ക​പ്പെ​ട്ടവർ ആയിരി​ക്കട്ടെ, അനന്തരം അവർ കുററാ​രോ​പ​ണ​ത്തിൽ നിന്ന്‌ വിമു​ക്ത​രാ​യി​രി​ക്കു​മ്പോൾ ശുശ്രൂ​ഷ​കൻമാ​രാ​യി സേവി​ക്കട്ടെ.” (1 തിമൊ​ഥെ​യോസ്‌ 3:10) ഇത്‌ യോഗ്യത പ്രാപി​ക്കാത്ത പുരു​ഷൻമാ​രു​ടെ, തിരു​വെ​ഴു​ത്തു​പ​ര​മായ ചില അടിസ്ഥാന വ്യവസ്ഥ​ക​ളിൽ എത്തി​ച്ചേ​രാ​ത്ത​വ​രു​ടെ നിയമ​നത്തെ തടയു​മാ​യി​രു​ന്നു. ഇത്‌ ശുശ്രൂ​ഷാ​ദാ​സൻമാർ ആയിത്തീ​രാൻ സാദ്ധ്യ​ത​യു​ള്ള​വ​രു​ടെ ആന്തരങ്ങൾ നിശ്ചയ​പ്പെ​ടു​ത്തു​ന്ന​തിന്‌ സമയം അനുവ​ദി​ക്കു​ക​യും ചെയ്യു​മാ​യി​രു​ന്നു. തീർച്ച​യാ​യും, ഈ പുരു​ഷൻമാർ പ്രശസ്‌തി നേടാ​നുള്ള ഒരു ആഗ്രഹ​ത്താൽ പ്രചോ​ദി​തർ ആയിരി​ക്ക​രു​താ​യി​രു​ന്നു, എന്തു​കൊ​ണ്ടെ​ന്നാൽ അത്‌ താഴ്‌മ​യു​ടെ അഭാവത്തെ സൂചി​പ്പി​ക്കും. പിന്നെ​യോ, ദൈവ​ത്തി​നുള്ള ഒരു ക്രിസ്‌ത്യാ​നി​യു​ടെ സമർപ്പണം നിരു​പാ​ധി​ക​വും സർവ്വവും ഉൾക്കൊ​ള്ളു​ന്ന​തും ആണെന്നുള്ള വസ്‌തുത തിരി​ച്ച​റി​ഞ്ഞു​കൊണ്ട്‌, ഒരു സഹോ​ദരൻ യഹോവ തന്റെ സ്ഥാപന​ത്തിൽ അവനെ ഉപയോ​ഗി​ക്കാൻ യോഗ്യ​മെന്നു കരുതുന്ന ഏതു നിലയി​ലും സേവന​മ​നു​ഷ്‌ഠി​ക്കാൻ സന്നദ്ധനാ​യി​രി​ക്കണം. അതെ, ഭാവി​യിൽ ശുശ്രൂ​ഷാ​ദാ​സൻമാർ ആകാനു​ള്ളവർ വിശ്വ​സ്‌ത​നായ യെശയ്യാ​വി​നേ​പ്പോ​ലെ സേവി​ക്കാൻ സന്നദ്ധരാ​യി​രി​ക്കണം, അവൻ പറഞ്ഞു: “ഞാൻ ഇതാ! എന്നെ അയച്ചാ​ലും.”—യെശയ്യാവ്‌ 6:8.

5. (എ) 1 തിമെ​ഥെ​യോസ്‌ 3:8-ൽ ശുശ്രൂ​ഷാ​ദാ​സൻമാർക്കുള്ള ഏതു വ്യവസ്ഥകൾ വിവരി​ച്ചി​രി​ക്കു​ന്നു? (ബി) “ഗൗരവ​മു​ള്ളവർ” ആയിരി​ക്കു​ന്നത്‌ എന്തർത്ഥ​മാ​ക്കു​ന്നു? (സി) ശുശ്രൂ​ഷാ​ദാ​സൻമാർ “ഇരുവാ​ക്കു​കാർ” ആയിരി​ക്ക​രു​തെന്ന്‌ പറയു​ക​യിൽ പൗലോസ്‌ എന്തർത്ഥ​മാ​ക്കി?

⁵ “അതു​പോ​ലെ​തന്നെ ശുശ്രൂ​ഷാ​ദാ​സൻമാർ ഗൗരവ​മു​ള്ള​വ​രാ​യി​രി​ക്കണം, ഇരുവാ​ക്കു​കാ​രും ധാരാളം വീഞ്ഞിന്‌ അടിമ​പ്പെ​ടു​ന്ന​വ​രും സത്യസ​ന്ധ​മ​ല്ലാത്ത ആദായ​ത്തോട്‌ അത്യാ​ഗ്ര​ഹ​മു​ള്ള​വ​രും ആയിരി​ക്ക​രുത്‌,” എന്ന്‌ പൗലോസ്‌ വിശദ​മാ​ക്കി. (1 തിമൊ​ഥെ​യോസ്‌ 3:8) ചില ശുശ്രൂ​ഷാ​ദാ​സൻമാർ താരത​മ്യേന ചെറു​പ്പ​മാ​യി​രി​ക്കാ​മെ​ങ്കി​ലും, അവർ യുവാ​ക്കളല്ല, “ഗൗരവ​മു​ള്ളവർ” ആയിരി​ക്കു​ക​യും വേണം. പ്രധാ​ന​പ്പെട്ട കാര്യങ്ങൾ ഗൗരവ​മാ​യി വീക്ഷി​ക്കാൻ അവർ പഠിച്ചി​ട്ടു​ണ്ടാ​യി​രി​ക്കണം. (സദൃശ​വാ​ക്യ​ങ്ങൾ 22:15 താരത​മ്യ​പ്പെ​ടു​ത്തുക.) അവർ ആശ്രയ​യോ​ഗ്യ​രും സത്യസ​ന്ധ​രും ആയിരി​ക്കണം, ഉത്തരവാ​ദി​ത്വം നിസ്സാ​ര​മാ​യെ​ടു​ക്കാൻ ചായ്‌വു​ള്ളവർ ആയിരി​ക്ക​രുത്‌. വാസ്‌ത​വ​ത്തിൽ, അവർ തങ്ങളുടെ ചുമത​ലകൾ ഗൗരവ​മാ​യെ​ടു​ക്കുന്ന ആശ്രയ​യോ​ഗ്യ​രാ​യി​രു​ന്നേ തീരൂ. യഹോ​വ​ക്കുള്ള വിശു​ദ്ധ​സേ​വ​ന​ത്തേ​ക്കാൾ കൂടുതൽ ഗൗരവ​താ​ല്‌പ​ര്യ​മെ​ടു​ക്കേ​ണ്ട​താ​യി മറെറ​ന്തു​ണ്ടാ​യി​രി​ക്കാൻ കഴിയും? അത്‌ അവരെ​യും മററു​ള്ള​വ​രെ​യും സംബന്ധി​ച്ചി​ട​ത്തോ​ളം ഒരു ജീവൻമരണ സംഗതി​യാണ്‌. (1 തിമൊ​ഥെ​യോസ്‌ 4:16 താരത​മ്യ​പ്പെ​ടു​ത്തുക.) അതിലു​പരി, ശുശ്രൂ​ഷാ​ദാ​സൻമാർ ഇരുവാ​ക്കു​കാ​രാ​യി​രി​ക്ക​രുത്‌ എന്നു പറയു​ക​യിൽ അവർ അപവാദം പറയു​ന്ന​വ​രോ കപടഭ​ക്ത​രോ വക്രഗ​തി​ക്കാ​രോ ആയിരി​ക്കാ​തെ പരമാർത്ഥ​രും സത്യനി​ഷ്‌ഠ​യു​ള്ള​വ​രും ആയിരി​ക്ക​ണ​മെന്ന്‌ പൗലോസ്‌ അർത്ഥമാ​ക്കി.—സദൃശ​വാ​ക്യ​ങ്ങൾ 3:32.

6. ശുശ്രൂ​ഷാ​ദാ​സൻമാർ സമനില പ്രകട​മാ​ക്കേണ്ട ചില വിധങ്ങൾ ഏവ?

⁶ ശുശ്രൂ​ഷാ​ദാ​സൻമാ​രാ​യി​രി​ക്കാൻ യോഗ്യ​ത​നേ​ടുന്ന പുരു​ഷൻമാ​രു​ടെ വ്യക്തി​പ​ര​മായ ജീവി​ത​ത്തിൽ നല്ല സമനില അത്യന്താ​പേ​ക്ഷി​ത​മാണ്‌. അവർ “ധാരാളം വീഞ്ഞിന്‌ അടിമ​പ്പെ​ടു​ന്ന​വ​രോ” “സത്യസ​ന്ധ​മ​ല്ലാത്ത ആദായ​ത്തോട്‌ അത്യാ​ഗ്ര​ഹ​മു​ള്ള​വ​രോ” ആയിരി​ക്ക​രു​തെന്ന്‌ പറഞ്ഞ​പ്പോൾ അവർ മദ്യാ​സ​ക്തി​യും അത്യാ​ഗ്ര​ഹ​വും കള്ളത്തര​വും ഒഴിവാ​ക്ക​ണ​മെന്ന്‌ പൗലോസ്‌ സ്‌പഷ്ട​മാ​യും അർത്ഥമാ​ക്കി. തങ്ങൾ ഉല്ലാസ​ങ്ങ​ളി​ലും ഭൗതിക വസ്‌തു​ക്ക​ളി​ലും അമിത താല്‌പ​ര്യ​മു​ള്ള​വ​രാ​ണെന്ന ധാരണ നൽകു​ന്ന​തു​പോ​ലും ഈ ക്രിസ്‌തീയ പുരു​ഷൻമാർ ഒഴിവാ​ക്കണം. ആത്മീയ കാര്യങ്ങൾ ജീവി​ത​ത്തിൽ ഒന്നാമതു വെക്കാൻ അവർ കഠിന​ശ്രമം ചെയ്യണം. ഇത്‌ സഹമനു​ഷ്യ​രു​ടെ​യും അധികം പ്രധാ​ന​മാ​യി ദൈവ​ത്തി​ന്റെ​യും ദൃഷ്ടി​യിൽ ഒരു ശുദ്ധമ​നഃ​സാ​ക്ഷി കാത്തു​സൂ​ക്ഷി​ക്കാൻ അവരെ സഹായി​ക്കും.—1 തിമൊ​ഥെ​യോസ്‌ 3:8, 9.

7. (എ) ശുശ്രൂ​ഷാ​ദാ​സൻമാ​രു​ടെ ഉത്തരവാ​ദി​ത്വ​ങ്ങൾ ചെറു​പ്പ​ക്കാർക്കു​ള്ളതല്ല എന്നു പറയാൻ കഴിയു​ന്ന​തെ​ന്തു​കൊണ്ട്‌? (ബി) ഒരു ശുശ്രൂ​ഷാ​ദാ​സൻ ഏകാകി​യാ​യി​രി​ക്കു​ന്നു എന്ന വസ്‌തുത അയാളെ സംബന്ധിച്ച്‌ എന്തു വെളി​പ്പെ​ടു​ത്തി​യേ​ക്കാം?

⁷ ശുശ്രൂ​ഷാ​ദാ​സൻമാ​രിൽ നിക്ഷി​പ്‌ത​മാ​കുന്ന ഭാരിച്ച ഉത്തരവാ​ദി​ത്വ​ങ്ങൾ ചെറു​പ്പ​ക്കാർക്കു​ള്ളതല്ല. ഈ പുരു​ഷൻമാർ വിവാ​ഹി​ത​രും കുടും​ബം ഉള്ളവരും ആയിരി​ക്കാൻ കഴിയുന്ന ഒരു പ്രായ​ത്തിൽ എത്തിയ​വ​രെന്ന നിലയിൽ തിരു​വെ​ഴു​ത്തു സംസാ​രി​ക്കു​ന്നു. ആ സാഹച​ര്യ​ങ്ങ​ളിൽ, അവർ “മക്കളെ​യും തങ്ങളുടെ സ്വന്തം കുടും​ബ​ങ്ങ​ളെ​യും നല്ലരീ​തി​യിൽ ഭരിക്കു​ന്നവർ” ആയിരി​ക്കേ​ണ്ട​തുണ്ട്‌. (1 തിമൊ​ഥെ​യോസ്‌ 3:12) ഒരു യൗവന​ക്കാ​രൻ വിവാഹം ചെയ്‌തു ഒരു കുടും​ബത്തെ വളർത്തു​ന്ന​തു​വരെ ശുശ്രൂ​ഷാ​ദാ​സ​നാ​യി​രി​ക്കാൻ യോഗ്യ​നാ​യി​ത്തീ​രു​ന്നില്ല എന്ന്‌ ഇതർത്ഥ​മാ​ക്കു​ന്നു​വോ? ഒരിക്ക​ലു​മില്ല. വാസ്‌ത​വ​ത്തിൽ ഒരു സമർപ്പിത ക്രിസ്‌തീയ പങ്കാളി​യെ കണ്ടുപി​ടി​ക്കു​ന്ന​തി​നു​മുമ്പ്‌, വിവാ​ഹ​ത്തിന്‌ തിടുക്കം കൂട്ടാ​നുള്ള അയാളു​ടെ വിസമ്മതം വ്യക്തി​പ​ര​മായ കാര്യ​ങ്ങ​ളും കൂടുതൽ ഗൗരവ​ത​ര​മായ സഭാ ഉത്തരവാ​ദി​ത്വ​ങ്ങ​ളും ഉചിത​മാ​യി ശ്രദ്ധി​ക്കാൻ ആവശ്യ​മായ പക്വത​യു​ടെ ഒരളവ്‌ പ്രകട​മാ​ക്കി​യേ​ക്കാം.

8. 1 തിമൊ​ഥെ​യോസ്‌ 3:13-നോടും മത്തായി 24:14-നോടു​മുള്ള ബന്ധത്തിൽ ശുശ്രൂ​ഷാ​ദാ​സൻമാ​രു​ടെ മേൽ എന്ത്‌ ഉത്തരവാ​ദി​ത്വം സ്ഥിതി​ചെ​യ്യു​ന്നു?

⁸ “നല്ല നിലയിൽ ശുശ്രൂ​ഷി​ക്കുന്ന പുരു​ഷൻമാർ തങ്ങൾക്കു​തന്നെ നല്ലനി​ല​യും ക്രിസ്‌തു​യേ​ശു​വി​നോ​ടുള്ള ബന്ധത്തിലെ വിശ്വാ​സ​ത്തിൽ വലിയ സംസാ​ര​സ്വാ​ത​ന്ത്ര്യ​വും സമ്പാദി​ക്കു​ന്നു” എന്ന്‌ പൗലോസ്‌ പറഞ്ഞു. (1 തിമൊ​ഥെ​യോസ്‌ 3:13) അവർക്ക്‌ ആവശ്യ​മാ​യി​രി​ക്കുന്ന “വലിയ സംസാര സ്വാത​ന്ത്ര്യം” പ്രകട​മാ​ക്കാൻ കഴിയുന്ന ഒരു മാർഗ്ഗം “രാജ്യ​ത്തി​ന്റെ ഈ സുവാർത്ത” പ്രസം​ഗി​ക്കു​ന്ന​തിൽ ഒരു സജ്ജീവ പങ്കുണ്ടാ​യി​രി​ക്കു​ന്ന​തി​നാ​ലാണ്‌. (മത്തായി 24:14) വീടു​തോ​റും പ്രസം​ഗി​ക്കു​ന്ന​തി​ലും അവർ മൂപ്പൻമാ​രോ​ടൊ​പ്പം ഉത്തരവാ​ദി​ത്വ​ത്തിൽ പങ്കുവ​ഹി​ക്കു​ന്നു​വെന്ന്‌ തിരി​ച്ച​റി​യേ​ണ്ട​തുണ്ട്‌. (പ്രവൃ​ത്തി​കൾ 5:42; 20:20, 21) സാത്താന്റെ ദുഷ്ടവ്യ​വ​സ്ഥി​തി സത്വരം അതിന്റെ അന്ത്യത്തി​ലേക്ക്‌ സമീപി​ക്കു​മ​ള​വിൽ പ്രസം​ഗ​പ്ര​വർത്ത​ന​ത്തിന്‌ എന്നത്തേ​തി​ലു​മ​ധി​കം അടിയ​ന്തി​ര​ത​യുണ്ട്‌. അതു​കൊണ്ട്‌, വയൽ ശുശ്രൂ​ഷ​യിൽ വ്യക്തി​പ​ര​മാ​യി ഒരു ശ്രേഷ്ട മാതൃ​ക​വെ​ച്ചു​കൊണ്ട്‌ ശുശ്രൂ​ഷാ​ദാ​സൻമാർ രാജ്യ​പ്ര​സം​ഗ​വേ​ല​യു​ടെ അടിയ​ന്തി​രത സഭയുടെ മുമ്പിൽ നിലനിർത്തി​യേ തീരൂ.

മുഴു​സമയ ശുശ്രൂ​ഷ​യാൽ സഹായി​ക്ക​പ്പെ​ടു​ന്നു

9. നമ്മുടെ കാലത്തി​ന്റെ അടിയ​ന്തി​ര​ത​യു​ടെ വീക്ഷണ​ത്തിൽ അനേകം ക്രിസ്‌ത്യാ​നി​കൾ ഏതു സേവനം കയ്യേറ​റി​രി​ക്കു​ന്നു?

⁹ നമ്മുടെ ദുർഘ​ട​കാ​ല​ങ്ങ​ളു​ടെ അടിയ​ന്തി​ര​ത​യു​ടെ വീക്ഷണ​ത്തിൽ അനേകം ക്രിസ്‌തീയ സ്‌ത്രീ​പു​രു​ഷൻമാർ മുഴു​സമയ ശുശ്രൂഷ കയ്യേറ​റി​ട്ടുണ്ട്‌. ശരാശരി രണ്ടിനും അഞ്ചിനും ഇടയ്‌ക്കു മണിക്കൂർ പ്രസം​ഗ​വേ​ല​യിൽ ചെലവ​ഴി​ക്കു​ന്നു, അവരിൽ ചിലർ വിദേ​ശ​രാ​ജ്യ​ങ്ങ​ളിൽ മിഷന​റി​മാ​രാണ്‌. മററു​ള്ളവർ വാച്ച്‌ടവർ സൊ​സൈ​റ​റി​യു​ടെ മുഖ്യ​കാ​ര്യാ​ല​യ​ത്തി​ലോ ഭൂമി​യി​ലെ​മ്പാ​ടു​മുള്ള അതിന്റെ ബ്രാഞ്ച്‌ ഓഫീ​സു​ക​ളി​ലോ മുഴു​സ​മയം സേവന​മ​നു​ഷ്‌ഠി​ക്കു​ന്നു. അവരുടെ സേവനം അവർക്കും അവർ സേവി​ക്കു​ന്ന​വർക്കും സന്തോ​ഷ​ത്തി​ന്റെ​യും സംതൃ​പ്‌തി​യു​ടെ​യും ഒരു ഉറവാണ്‌. കൂടാതെ പലപ്പോ​ഴും മുഴു​സ​മ​യ​സേ​വ​ന​ത്തി​ലെ അനുഭവം ശുശ്രൂ​ഷാ​ദാ​സൻമാ​രെ​ന്ന​നി​ല​യിൽ പ്രയോ​ജ​ന​ക​ര​മാ​യി സഭയെ സേവി​ക്കു​ന്ന​തിന്‌ ആവശ്യ​മായ യോഗ്യ​തകൾ വികസി​പ്പി​ക്കാൻ പുരു​ഷൻമാ​രെ സഹായി​ച്ചി​രി​ക്കു​ന്നു.

10, 11. ഇവിടെ പറഞ്ഞി​രി​ക്കുന്ന വ്യക്തി​പ​ര​മായ അഭി​പ്രാ​യ​ങ്ങ​ളാൽ സൂചി​പ്പി​ക്ക​പ്പെ​ടുന്ന പ്രകാരം, ശുശ്രൂ​ഷാ​ദാ​സൻമാ​രാ​യി​രി​ക്കാൻ ആഗ്രഹി​ക്കുന്ന പുരു​ഷൻമാർക്ക്‌ മുഴു​സമയ സേവനം കൊണ്ട്‌ എങ്ങനെ പ്രയോ​ജനം ലഭി​ച്ചേ​ക്കാം?

¹⁰ മുമ്പ്‌ ഒരു ശുശ്രൂ​ഷാ​ദാ​സ​നാ​യി​രുന്ന്‌, ഇപ്പോൾ ജർമ്മനി​യി​ലെ ബർലി​നി​ലുള്ള ഒരു സഭയിൽ മൂപ്പനാ​യി​രി​ക്കുന്ന ഒരാൾ വർഷങ്ങൾക്കു​മുമ്പ്‌ ചെറു​പ്പ​മാ​യി​രു​ന്ന​പ്പോൾ താൻ കയ്യേററ പയണിയർ വേല​യേ​ക്കു​റിച്ച്‌ ഇപ്രകാ​രം പറയുന്നു: “അത്‌ ഞാൻ ഒരിക്ക​ലും ദുഃഖി​ച്ചി​ട്ടി​ല്ലാത്ത ഒരു പടിയാ​യി​രു​ന്നു എന്ന്‌ എനിക്കു പറയാൻ കഴിയും. യഹോവ എന്നെ അനു​ഗ്ര​ഹി​ച്ചി​രി​ക്കു​ന്നു. അവനു​മാ​യുള്ള എന്റെ ബന്ധം കൂടുതൽ ഗാഢമാ​യി​ത്തീർന്നി​രി​ക്കു​ന്നു.” അതേ മുഴു​സമയ ശുശ്രൂ​ഷക്ക്‌ യഹോ​വ​യു​മാ​യുള്ള ഒരാളു​ടെ ബന്ധം അഗാധ​മാ​ക്കാ​നും ക്രിസ്‌തീയ പക്വത​യി​ലേ​ക്കുള്ള പുരോ​ഗതി ത്വരി​ത​പ്പെ​ടു​ത്താ​നും കഴിയു​മെന്ന്‌ മററ്‌ ആയിര​ങ്ങ​ളേ​പ്പോ​ലെ ഈ സഹോ​ദരൻ കണ്ടെത്തി.

¹¹ മുഴു​സ​മ​യ​ശു​ശ്രൂഷ തന്നെ സഹായി​ച്ച​തെ​ങ്ങ​നെ​യെന്ന്‌ ദീർഘ​കാ​ലം പയണി​യ​റാ​യി​രുന്ന മറെറാ​രാൾ വിശദീ​ക​രി​ക്കു​ന്നു. “ഞാൻ എന്നെത്തന്നെ അടക്കു​ക​യും തിടു​ക്ക​ത്തിൽ വിധി​ക്കുന്ന കാര്യ​ത്തിൽ കൂടുതൽ സമനി​ല​യു​ള്ള​വ​നാ​യി​ത്തീ​രു​ക​യും ചെയ്‌തു.” എന്ന്‌ അയാൾ പറയുന്നു, “ഞാൻ കൂടുതൽ സന്തുഷ്ട​നാ​യി​രു​ന്നു, വ്യത്യ​സ്‌ത​തരം ആളുക​ളോട്‌ ഇടപെ​ടു​ന്ന​തിൽ കൂടുതൽ വഴക്കമു​ള്ള​വ​നാ​യി​ത്തീ​രു​ക​യും ചെയ്‌തു.” ഇവ ശുശ്രൂ​ഷാ​ദാ​സൻമാ​രെ​ന്ന​നി​ല​യിൽ സേവി​ക്കാൻ ആഗ്രഹി​ക്കുന്ന പുരു​ഷൻമാർക്ക്‌ ആവശ്യ​മുള്ള ഗുണങ്ങ​ളിൽ പെടു​ന്ന​വ​യ​ല്ല​യോ?

12. (എ) മുഴു​സമയ ശുശ്രൂ​ഷ​യിൽ പങ്കെടു​ക്കു​ന്ന​തി​നുള്ള ഏത്‌ അവസര​ങ്ങ​ളുണ്ട്‌? (ബി) ഒരു ശുശ്രൂ​ഷാ​ദാ​സനെ തന്റെ ചുമത​ലകൾ നിറ​വേ​റ​റു​ന്ന​തിന്‌ സഹായി​ക്കുന്ന ഏതു പ്രാപ്‌തി​കൾ മുഴു​സമയ ശുശ്രൂ​ഷ​യിൽ പങ്കുപ​റ​റു​ന്ന​തിന്‌ ആവശ്യ​മാണ്‌?

¹² തിരു​വെ​ഴു​ത്തു​പ​ര​മായ ഉത്തരവാ​ദി​ത്വ​ങ്ങൾ അനുവ​ദി​ക്കു​ന്നെ​ങ്കിൽ മുഴു​സമയ ശുശ്രൂ​ഷ​യിൽ പങ്കെടു​ക്കു​ന്നത്‌ ക്രിസ്‌തീയ പുരു​ഷൻമാ​രെ “യോഗ്യത സംബന്ധിച്ച്‌ ആദ്യം പരീക്ഷി​ക്കു”ന്നതിനുള്ള അത്ഭുത​ക​ര​മായ ഒരു അവസര​മാ​യി ഉതകി​യേ​ക്കാം. ചിലർക്ക്‌ സ്ഥിരമാ​യും മററു​ള്ള​വർക്ക്‌ കാലാ​കാ​ല​ങ്ങ​ളി​ലും അത്തരം ശുശ്രൂഷ കയ്യേൽക്കാൻ കഴിയും. ചെറു​പ്പ​ക്കാർക്ക്‌ സ്‌കൂൾ അവധി​ക്കാ​ല​ത്തും പ്രായ​മു​ള്ള​വർക്ക്‌ അവധി​ക്കാ​ല​ങ്ങ​ളി​ലും അഥവാ വർഷത്തി​ലു​ട​നീ​ളം അനു​യോ​ജ്യ​മായ സമയങ്ങ​ളി​ലും അതു ചെയ്യാൻ കഴി​ഞ്ഞേ​ക്കും. മുഴു​സമയ ശുശ്രൂ​ഷ​യിൽ പങ്കെടു​ക്കു​ന്ന​തിന്‌ സമനി​ല​യും ശ്രദ്ധാ​പൂർവ്വ​ക​മായ ആസൂ​ത്ര​ണ​വും ആവശ്യ​മാ​ണെ​ന്നു​ള്ളത്‌ സത്യം​തന്നെ. ഈ പ്രാപ്‌തി​കൾ ഒരു ശുശ്രൂ​ഷാ​ദാ​സന്‌ ആവശ്യ​മാണ്‌, തന്റെ ചുമത​ലകൾ നിറ​വേ​റ​റു​ന്ന​തിന്‌ അത്‌ അയാളെ സഹായി​ക്കു​ക​യും ചെയ്യും. ഏത്‌ ചുമത​ലകൾ?

ശുശ്രൂ​ഷാ​ദാ​സൻമാ​രു​ടെ ചുമത​ല​കൾ

13. ശുശ്രൂ​ഷാ​ദാ​സൻമാർക്ക്‌ നിയമി​ക്ക​പ്പെ​ടുന്ന വേലയു​ടെ തരം സംബന്ധിച്ച്‌ പ്രവൃ​ത്തി​കൾ 6:1-6 എന്തു സൂചി​പ്പി​ക്കു​ന്നു?

¹³ പ്രവൃ​ത്തി​കൾ 6:1-6 ശുശ്രൂ​ഷാ​ദാ​സൻമാ​രെ നിയമി​ക്കു​ന്ന​തിന്‌ നേരിട്ട്‌ ബാധക​മാ​കു​ന്നി​ല്ലെ​ങ്കി​ലും അവിടെ പറഞ്ഞി​രി​ക്കുന്ന കാര്യങ്ങൾ സാധാ​ര​ണ​ഗ​തി​യിൽ ശുശ്രൂ​ഷാ​ദാ​സൻമാർക്ക്‌ നിയമി​ക്ക​പ്പെ​ടുന്ന ചുമത​ല​യു​ടെ സ്വഭാവം അഥവാ വേലയു​ടെ മാതൃക നിർദ്ദേ​ശി​ക്കു​ന്നു. അപ്പോൾ തെര​ഞ്ഞെ​ടുത്ത “സാക്ഷ്യ​മുള്ള ഏഴുപു​രു​ഷൻമാർ” സഹവി​ശ്വാ​സി​കളെ പ്രബോ​ധി​പ്പി​ച്ചു​കൊ​ണ്ടല്ല പിന്നെ​യോ ഭക്ഷണം വിതരണം ചെയ്‌തു​കൊണ്ട്‌ ‘പ്രാർത്ഥ​ന​ക്കും വചന ശുശ്രൂ​ഷ​ക്കും തങ്ങളെ​ത്തന്നെ അർപ്പി​ക്കു​ന്ന​തിന്‌’ അപ്പോ​സ്‌ത​ലൻമാ​രെ സ്വത​ന്ത്ര​രാ​ക്കി. ഇന്ന്‌ സമാന​മായ ചുമത​ലകൾ ശ്രദ്ധി​ച്ചു​കൊണ്ട്‌ ശുശ്രൂ​ഷാ​ദാ​സൻമാർ ഇടയ​വേ​ല​ക്കും “ദൈവ​ത്തി​ന്റെ ആട്ടിൻകൂട്ട”ത്തെ പഠിപ്പി​ക്കു​ന്ന​തി​നും മൂപ്പൻമാർക്ക്‌ കൂടുതൽ സമയം പ്രദാനം ചെയ്യുന്നു.—1 പത്രോസ്‌ 5:2, 3.

14. ഏതു വിവിധ ചുമത​ലകൾ ശുശ്രൂ​ഷാ​ദാ​സൻമാർക്ക്‌ നിയമി​ച്ചു​കൊ​ടു​ക്കാ​വു​ന്ന​താണ്‌?

¹⁴ ശുശ്രൂ​ഷാ​ദാ​സൻമാ​രു​ടെ ചുമത​ലകൾ സംബന്ധിച്ച്‌ നമ്മുടെ ശുശ്രൂഷ നിർവ്വ​ഹി​ക്കാൻ സംഘടി​തർ എന്ന പുസ്‌തകം ഇപ്രകാ​രം പറയുന്നു: “വ്യക്തി​പ​ര​മായ ഉപയോ​ഗ​ത്തി​നും വയൽസേ​വ​ന​ത്തി​നും നമു​ക്കെ​ല്ലാം ആവശ്യ​മാ​യി​രി​ക്കുന്ന സാഹി​ത്യം ലഭിക്കാ​നുള്ള സൗകര്യം ഉണ്ടാക്കു​മാറ്‌ സഭാസാ​ഹി​ത്യം കൈകാ​ര്യം ചെയ്യാൻ ഒരു ശുശ്രൂ​ഷാ​ദാ​സനെ നിയോ​ഗി​ക്കാ​വു​ന്ന​താണ്‌. മറെറാ​രാൾക്ക്‌ സഭയിൽ മാസി​കകൾ കൈകാ​ര്യം ചെയ്യാ​വു​ന്ന​താണ്‌. മററു ചിലർക്ക്‌ സഭാക​ണ​ക്കു​കൾക്കോ പ്രദേശ നിയമ​ന​ങ്ങൾക്കോ ഉള്ളതു​പോ​ലുള്ള രേഖകൾ സൂക്ഷി​ക്കാ​നുള്ള ചുമതല നിയമി​ച്ചു കൊടു​ക്കു​ന്നു. അല്ലെങ്കിൽ മൈ​ക്രോ​ഫോ​ണു​കൾ ഉപയോ​ഗി​ക്കു​ന്ന​തി​നോ ഉച്ചഭാ​ഷി​ണി പ്രവർത്തി​പ്പി​ക്കു​ന്ന​തി​നോ പ്ലാററ്‌ഫോം സൂക്ഷി​ക്കു​ന്ന​തി​നോ ഒരുപക്ഷെ മററു​വി​ധ​ങ്ങ​ളിൽ മൂപ്പൻമാ​രെ സഹായി​ക്കു​ന്ന​തി​നോ അവർ ഉപയോ​ഗി​ക്ക​പ്പെ​ടു​ന്നു. രാജ്യ​ഹോൾ അററകു​ററം നോക്കി ശുചി​യാ​യി സൂക്ഷി​ക്കു​ന്ന​തിന്‌ വളരെ​യ​ധി​കം വേല ചെയ്യേ​ണ്ട​തുണ്ട്‌. അതു​കൊണ്ട്‌ അങ്ങനെ​യുള്ള ഉത്തരവാ​ദി​ത്വ​ങ്ങൾ നോക്കു​ന്ന​തിൽ സഹായി​ക്കു​ന്ന​തിന്‌ മിക്ക​പ്പോ​ഴും ശുശ്രൂ​ഷാ​ദാ​സൻമാർ ആഹ്വാനം ചെയ്യ​പ്പെ​ടു​ന്നു. സേവകൻമാ​രാ​യി പ്രവർത്തി​ക്കു​ന്ന​തി​നും പുതി​യ​വരെ സ്വാഗതം ചെയ്യു​ന്ന​തി​നും സഭാമീ​റ​റിം​ഗു​ക​ളിൽ ക്രമം പാലി​ക്കു​ന്ന​തിന്‌ സഹായി​ക്കു​ന്ന​തി​നും കൂടെ ശുശ്രൂ​ഷാ​ദാ​സൻമാർ നിയോ​ഗി​ക്ക​പ്പെ​ടു​ന്നു.”—പേജ്‌ 57-8.

15. (എ) ഒരു ശുശ്രൂ​ഷാ​ദാ​സ​നെന്ന നിലയിൽ ഫലകര​മാ​യി സേവി​ക്കു​ന്ന​തിന്‌, പ്രവർത്തന സാമർത്ഥ്യ​ത്തി​നു പുറമെ എന്താവ​ശ്യ​മാണ്‌? (ബി) ശുശ്രൂ​ഷാ​ദാ​സൻമാർ വിവിധ കാര്യങ്ങൾ നോക്കു​ന്നെ​ങ്കി​ലും അവരുടെ മുഖ്യ​താ​ല്‌പ​ര്യം എന്തായി​രി​ക്കണം?

¹⁵ പ്രവർത്തന സാമർത്ഥ്യ​മുള്ള ഏതു സഹോ​ദ​ര​നും അത്തരം വേല ചെയ്യാൻ കഴിയു​മോ? ഇല്ല, കാരണം ഒന്നാം നൂററാ​ണ്ടിൽ യെരൂ​ശ​ലേ​മിൽ തെര​ഞ്ഞെ​ടു​ക്ക​പ്പെട്ട സാക്ഷ്യ​മുള്ള പുരു​ഷൻമാർ “ആത്മാവും ജ്ഞാനവും നിറഞ്ഞവർ” ആയിരു​ന്നു, അഥവാ “അനുഭവ സിദ്ധരും ആത്മീയ മനസ്ഥി​തി​ക്കാ​രും” ആയിരു​ന്നു. (പ്രവൃ​ത്തി​കൾ 6:3, ഫിലി​പ്‌സ്‌) യഹോ​വ​യു​ടെ ജനത്തി​ന്റെ​യി​ട​യിൽ അവർ അപ്പോൾതന്നെ പ്രായ​മുള്ള പുരു​ഷൻമാർ ആയിരു​ന്നെ​ങ്കിൽത​ന്നെ​യും ഇന്ന്‌ ശുശ്രൂ​ഷാ​ദാ​സൻമാർ നിർവ്വ​ഹി​ക്കു​ന്ന​തിന്‌ സമാന​മായ വേല അവർക്ക്‌ നിയമി​ച്ചു​കൊ​ടു​ക്ക​പ്പെട്ടു. അതു​കൊണ്ട്‌, ഇന്നത്തെ ശുശ്രൂ​ഷാ​ദാ​സൻമാർ തങ്ങളുടെ ചുമത​ലകൾ ഫലകര​മാ​യി നിറ​വേ​റ​റ​ണ​മെ​ങ്കിൽ, അവർ “അനുഭ​വ​സി​ദ്ധ​രും ആത്മീയ മനസ്ഥി​തി​ക്കാ​രും” ആയിരി​ക്കണം. അവർ സ്ഥാപന​പ​ര​മായ കാര്യ​ങ്ങ​ളിൽ വ്യാപ​രി​ക്കു​മ്പോൾ അവരുടെ മുഖ്യ​താ​ല്‌പ​ര്യം ആത്മീയ​മാ​യി പ്രയോ​ജ​ന​പ്ര​ദ​മായ വിധങ്ങ​ളിൽ ആളുകളെ സേവി​ക്കു​ന്ന​തിൽ ആയിരി​ക്കണം.

16. ഒരു സഭയിൽ വേണ്ടത്ര മൂപ്പൻമാ​രി​ല്ലെ​ങ്കിൽ ശുശ്രൂ​ഷാ​ദാ​സൻമാർക്ക്‌ എന്തു ചുമത​ലകൾ നിയമി​ച്ചു​കൊ​ടു​ക്കാ​വു​ന്ന​താണ്‌?

¹⁶ ശുശ്രൂ​ഷാ​ദാ​സൻമാർ ആത്മീയ മനസ്ഥി​തി​ക്കാ​രാ​യി​രി​ക്ക​ണ​മെ​ന്ന​തു​കൊണ്ട്‌ ചില​പ്പോ​ഴൊ​ക്കെ അവരെ മൂപ്പൻമാർ ചെയ്യുന്ന വേലക്കാ​യി ഉപയോ​ഗി​ക്കാൻ കഴിയും. നമ്മുടെ ശുശ്രൂഷ നിർവ്വ​ഹി​ക്കാൻ സംഘടി​തർ (പേജ്‌ 58-9) ഇപ്രകാ​രം വിശദീ​ക​രി​ക്കു​ന്നു: “സഭാ പുസ്‌ത​കാ​ദ്ധ്യ​യ​നങ്ങൾ നടത്താൻ വേണ്ടത്ര മൂപ്പൻമാ​രി​ല്ലെ​ങ്കിൽ, നിയമിത ഗ്രൂപ്പു​ക​ളു​ടെ ശുശ്രൂ​ഷാ​ദാ​സൻമാ​രിൽ ചിലർ അദ്ധ്യയന നിർവ്വാ​ഹ​കൻമാ​രാ​യി ഉപയോ​ഗി​ക്ക​പ്പെ​ടു​ന്നു. സേവന യോഗ​ത്തി​ലും ദിവ്യാ​ധി​പത്യ ശുശ്രു​ഷാ​സ്‌കൂ​ളി​ലും ഭാഗങ്ങൾ കൈകാ​ര്യം ചെയ്യാ​നും സ്ഥലത്തെ സഭയിൽ പരസ്യ​പ്ര​സം​ഗങ്ങൾ ചെയ്യാ​നും അവരെ നിയോ​ഗി​ക്കാ​വു​ന്ന​താണ്‌. പ്രത്യേക ആവശ്യ​മു​ള്ള​ടത്ത്‌, നിയമ​ന​ത്തി​നുള്ള യോഗ്യ​ത​യു​ണ്ടെ​ങ്കിൽ ചില ശുശ്രൂ​ഷാ​ദാ​സൻമാർക്ക്‌ മററ്‌ പദവികൾ കൊടു​ക്കാ​വു​ന്ന​താണ്‌.—പത്രോസ്‌ 4:10 താരത​മ്യ​പ്പെ​ടു​ത്തുക.”

17. സ്‌തേ​ഫാ​നോസ്‌ ഏതുതരം മനുഷ്യ​നാ​യി​രു​ന്നു, ഇത്‌ ശുശ്രൂ​ഷാ​ദാ​സൻമാ​രെ സംബന്ധിച്ച്‌ ഏതു ചോദ്യം ഉന്നയി​ക്കു​ന്നു?

¹⁷ ബൈബിൾ കാലങ്ങ​ളിൽ “സാക്ഷ്യ​മുള്ള ഏഴുപു​രു​ഷൻമാ​രി”ൽ ഒരാൾ “വിശ്വാ​സ​വും പരിശു​ദ്ധാ​ത്മാ​വും നിറഞ്ഞ ഒരു മനുഷ്യ​നായ സ്‌തേ​ഫാ​നോസ്‌” ആയിരു​ന്നു. (പ്രവൃ​ത്തി​കൾ 6:5) ഒരു വിശ്വസ്‌ത രക്തസാ​ക്ഷി​യാ​യി മരിക്കു​ന്ന​തി​നു മുമ്പ്‌ സ്‌തേ​ഫാ​നോസ്‌ യഹൂദ സന്നദ്രീ​മി​നു മുമ്പാകെ ഉത്തേജ​ക​മായ ഒരു സാക്ഷ്യം നൽകി. വിവരണം വായി​ക്കുക, അപ്പോൾ അവൻ ആത്മീയ മനസ്ഥി​തി​ക്കാ​ര​നും ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ മാർഗ്ഗ​നിർദ്ദേ​ശ​ത്തോട്‌ അനുസ​ര​ണ​മുള്ള ഒരു മുന്തിയ സാക്ഷി​യും യഹോ​വ​യു​ടെ സേവന​ത്തിൽ തന്റെ ജീവൻ അർപ്പി​ക്കാൻ മനസ്സു​ള്ള​വ​നും ആയിരു​ന്നു​വെന്ന്‌ നിങ്ങൾക്ക്‌ ബോദ്ധ്യ​പ്പെ​ടും. (പ്രവൃ​ത്തി​കൾ 6:8-7:60) നിങ്ങൾ ഒരു ശുശ്രൂ​ഷാ​ദാ​സ​നാ​ണെ​ങ്കിൽ, സ്‌തേ​ഫാ​നോസ്‌ തന്റെ ഉത്തരവാ​ദി​ത്വ​ങ്ങ​ളും സത്യം സംസാ​രി​ക്കാ​നുള്ള തന്റെ പദവി​യും കണ്ട അതേ ഗൗരവ​ത്തോ​ടെ നിങ്ങൾ സഭാപ​ര​മായ നിങ്ങളു​ടെ ചുമത​ല​ക​ളും വയൽ ശുശ്രൂ​ഷ​യും നിർവ്വ​ഹി​ക്കു​ന്നു​വോ?

അവർ എത്ര​ത്തോ​ളം നിർവ്വ​ഹി​ക്കു​ന്നു?

18. പല ശുശ്രൂ​ഷാ​ദാ​സൻമാ​രു​ടെ​യും വേല സംബന്ധിച്ച്‌ എന്തു പറയാൻ കഴിയും, അവർക്ക്‌ എന്തു ഉറപ്പു​ണ്ടാ​യി​രി​ക്കാൻ കഴിയും?

¹⁸ അനേകം ശുശ്രൂ​ഷാ​ദാ​സൻമാർ ക്രിസ്‌തീയ ജീവി​ത​ത്തിൽ ഒരു ഉത്തമ മാതൃക വെക്കു​ക​യും തങ്ങളുടെ സഭാപ​ര​മായ ഉത്തരവാ​ദി​ത്വ​ങ്ങൾ നന്നായി നിർവ്വ​ഹി​ക്കു​ക​യും വയൽ ശുശ്രൂ​ഷ​യിൽ ഒരു നല്ല നേതൃ​ത്വം വഹിക്കു​ക​യും ചെയ്‌തു​കൊ​ണ്ടി​രി​ക്കു​ന്നു. സഹാരാ​ധകർ അവരുടെ വേലയെ വളരെ​യ​ധി​കം വിലമ​തി​ക്കു​ന്നു, യഹോവ അതിന്‌ പ്രതി​ഫലം നൽകാ​തി​രി​ക്കു​ക​യു​മില്ല. കാരണം എബ്രായ ക്രിസ്‌ത്യാ​നി​കൾക്ക്‌ ഇപ്രകാ​രം ഉറപ്പു​നൽകി​യി​രി​ക്കു​ന്നു: “നിങ്ങൾ വിശു​ദ്ധൻമാ​രെ ശുശ്രൂ​ഷി​ച്ച​തി​ലും തുടർന്ന്‌ ശുശ്രൂ​ഷി​ക്കു​ന്ന​തി​ലും നിങ്ങളു​ടെ വേലയും തന്റെ നാമ​ത്തോട്‌ നിങ്ങൾ കാണിച്ച സ്‌നേ​ഹ​വും മറക്കാൻ തക്കവണ്ണം ദൈവം നീതി​കെ​ട്ട​വനല്ല.”—എബ്രായർ 6:10.

19. (എ) ഓരോ ശുശ്രൂ​ഷാ​ദാ​സ​നും തന്നോ​ടു​തന്നെ ഏതു ചോദ്യ​ങ്ങൾ ചോദി​ക്കണം? ചില ശുശ്രൂ​ഷാ​ദാ​സൻമാർ അനുഭ​വി​ച്ചി​ട്ടുള്ള പ്രശ്‌നങ്ങൾ ചർച്ച ചെയ്യു​ന്നത്‌ പ്രയോ​ജ​ന​പ്ര​ദ​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁹ എന്നുവ​രി​കി​ലും, ഓരോ ശുശ്രൂ​ഷാ​ദാ​സ​നും തന്നോ​ടു​തന്നെ ഇപ്രകാ​രം ചോദി​ക്കു​ന്നതു നന്നായി​രി​ക്കും: “തിരു​വെ​ഴു​ത്തു​പ​ര​മായ വ്യവസ്ഥ​ക​ളിൽ ഞാൻ എത്ര​ത്തോ​ളം എന്തുന്നു? ഞാൻ യഥാർത്ഥ​ത്തിൽ സഭയുടെ ഐക്യ​ത്തിന്‌ സംഭാവന ചെയ്യു​ന്നു​വോ? ഞാൻ എന്റെ നിയമിത ചുമത​ലകൾ ഉചിത​മാ​യും ഉത്സാഹ​ത്തോ​ടെ​യും നിർവ്വ​ഹി​ക്കു​ന്നു​വോ? ഞാൻ വയൽ ശുശ്രൂ​ഷ​യിൽ ഒരു നല്ല മാതൃക വെക്കു​ന്നു​വോ? ചില ശുശ്രൂ​ഷാ​ദാ​സൻമാർ അവരുടെ നിലവാ​ര​ത്തിൽ എത്തുന്ന​തിൽ പ്രശ്‌ന​ങ്ങളെ അഭിമു​ഖീ​ക​രി​ച്ചി​ട്ടുണ്ട്‌. അതു​കൊണ്ട്‌ നമുക്ക്‌ ഈ പ്രശ്‌ന​ങ്ങ​ളിൽ ചിലത്‌ ചർച്ച​ചെ​യ്യാം. അത്‌ ഓരോ ശുശ്രൂ​ഷാ​ദാ​സ​നെ​യും “തന്റെ സ്വന്തം പ്രവൃത്തി എന്തെന്ന്‌ തെളി​യി​ക്കാൻ” സഹായി​ച്ചേ​ക്കാം. (ഗലാത്യർ 6:4) അത്‌ ദൈവ​ജ​ന​ങ്ങൾക്ക്‌ ഒരു യഥാർത്ഥ അനു​ഗ്ര​ഹ​വും യഹോ​വ​യു​ടെ സാക്ഷി​ക​ളു​ടെ​യി​ട​യിൽ പ്രയോ​ജ​ന​പ്ര​ദ​മായ ഉദ്ദേശ്യ​ങ്ങൾക്ക്‌ സേവ ചെയ്യു​ന്ന​തും ആയ ഈ പുരു​ഷൻമാർ നിർവ്വ​ഹി​ക്കുന്ന സ്‌നേഹ—പ്രയത്‌ന​ങ്ങ​ളോട്‌ മററു​ള്ള​വർക്കുള്ള വിലമ​തിപ്പ്‌ വർദ്ധി​ക്കാ​നും ഇടയാ​ക്കും. (w85 9/15)

നിങ്ങൾക്ക്‌ വിശദീ​ക​രി​ക്കാൻ കഴിയു​മോ?

◻ ശുശ്രൂ​ഷാ​ദാ​സൻമാർ യഹോ​വ​യു​ടെ ജനത്തിന്‌ ഒരു അനു​ഗ്ര​ഹ​മാ​യി​രി​ക്കു​ന്ന​തെ​ങ്ങനെ?

◻ മുഴു​സമയ ശുശ്രൂ​ഷക്ക്‌ ശുശ്രൂ​ഷാ​ദാ​സൻമാ​രാ​യി​ത്തീ​രാൻ ആഗ്രഹി​ക്കുന്ന സഹോ​ദ​രൻമാ​രെ സഹായി​ക്കാൻ കഴിയു​ന്ന​തെ​ങ്ങനെ?

◻ ശുശ്രൂ​ഷാ​ദാ​സൻമാർ അനുഭ​വ​സി​ദ്ധ​രും ആത്മീയ മനസ്ഥി​തി​ക്കാ​രും” ആയിരി​ക്കേ​ണ്ട​തെ​ന്തു​കൊണ്ട്‌?

◻ സ്‌തേ​ഫാ​നോസ്‌ ഇന്ന്‌ ശുശ്രൂ​ഷാ​ദാ​സൻമാർക്ക്‌ ഒരു ശ്രേഷ്ട​മാ​തൃ​ക​യാ​യി​രു​ന്ന​തെ​ങ്ങനെ?

[22-ാം പേജിലെ ചിത്രം]

മൂപ്പൻമാരും ശുശ്രൂ​ഷാ​ദാ​സൻമാ​രും സഭയ്‌ക്കു ഒരു അനു​ഗ്ര​ഹ​മാണ്‌

[24-ാം പേജിലെ ചിത്രം]

മൂപ്പൻമാരോ ശുശ്രൂ​ഷാ​ദാ​സൻമാ​രോ ആയിത്തീ​രാൻ ആഗ്രഹി​ക്കു​ന്ന​വർക്ക്‌ പയണിയർ സേവനം ഒന്നാം​തരം പരിശീ​ല​ന​മാണ്‌