കുടും​ബാ​സൂ​ത്രണം ക്രിസ്‌തീയ വീക്ഷണം

ആയിര​ത്തി​തൊ​ള്ളാ​യി​ര​ത്തി​എ​ഴു​പ​ത്തി​നാ​ലിൽ നടന്ന ആദ്യത്തെ ലോക ജനസം​ഖ്യാ സമ്മേള​ന​ത്തിൽ പങ്കെടുത്ത 140 രാജ്യങ്ങൾ, എല്ലാ ദമ്പതി​കൾക്കും “എത്ര കുട്ടികൾ വേണ​മെ​ന്നും എത്ര ഇടവേ​ളക്കു ശേഷം വേണ​മെ​ന്നും, സ്വത​ന്ത്ര​മാ​യും ചുമത​ലാ​ബോ​ധ​ത്തോ​ടെ​യും തീരു​മാ​നി​ക്കു​ന്ന​തി​നും അതിനു​വേണ്ട വിവര​ങ്ങ​ളും വിദ്യാ​ഭ്യാ​സ​വും മാർഗ്ഗ​ങ്ങ​ളും ലഭിക്കു​ന്ന​തി​നും അടിസ്ഥാ​ന​പ​ര​മായ അവകാ​ശ​മുണ്ട്‌” എന്നു പ്രഖ്യാ​പി​ച്ചു.

അനേക​രും ആ പ്രമേ​യത്തെ നല്ലതായി പരിഗ​ണി​ച്ചു. യഹോ​വ​യാം ദൈവം ആദ്യം ആദാമി​നോ​ടും ഹവ്വയോ​ടും പിന്നീടു നോഹ​യു​ടെ കുടും​ബ​ത്തോ​ടും “സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറ”യുന്നതി​നു കല്‌പി​ച്ചു എന്നതു സത്യം തന്നെ, എന്നാൽ ക്രിസ്‌താ​നി​കൾക്ക്‌ അപ്രകാ​ര​മൊ​രു കല്‌പന നൽകി​യി​ട്ടില്ല. (ഉല്‌പത്തി 1:28; 9:1) തിരു​വെ​ഴു​ത്തു​കൾ ക്രിസ്‌തീയ ദമ്പതി​കൾക്കു കുട്ടികൾ ഉണ്ടാകാൻ പ്രോ​ത്സാ​ഹി​പ്പി​ക്കു​ന്നില്ല ഉണ്ടാക​രു​തെ​ന്നൊ​ട്ടു കല്‌പി​ക്കു​ന്നു​മില്ല. കുട്ടികൾ വേണോ വേണ്ടയോ അഥവാ കുട്ടികൾ ഉണ്ടാകാൻ ഉദ്ദേശി​ക്കു​ന്നു​വെ​ങ്കിൽ എത്ര കുട്ടികൾ വേണം, എപ്പോൾ വേണം എന്നും വിവാ​ഹി​ത​രായ ദമ്പതി​കൾക്കു തന്നെ തീരു​മാ​നി​ക്കാ​വു​ന്ന​താണ്‌.

ദൈവ​ദ​ത്ത​മായ ഒരു ഉത്തരവാ​ദി​ത്വം

എങ്കിലും ലോക ജനസം​ഖ്യാ സമ്മേള​ന​ത്തി​ന്റെ പ്രഖ്യാ​പ​ന​ത്തിൽ, ദമ്പതികൾ “എത്ര കുട്ടികൾ വേണ​മെ​ന്നും എത്ര ഇടവേ​ളക്കു ശേഷം വേണ​മെ​ന്നും ചുമത​ലാ​ബോ​ധ​ത്തോ​ടെ” തീരു​മാ​നി​ക്കേ​ണ്ട​തുണ്ട്‌ എന്നു പറഞ്ഞതു നിങ്ങൾ ശ്രദ്ധി​ച്ചോ? ചുമത​ലാ​ബോ​ധ​ത്തി​ന്റെ ഈ തത്ത്വവും ബൈബി​ളി​നോ​ടു ചേർച്ച​യി​ലാണ്‌. കുട്ടികൾ ദൈവ​ത്തിൽ നിന്നുള്ള അമൂല്യ​മായ ദാനമാ​ണെ​ങ്കി​ലും ആ ദാന​ത്തോ​ടു ചേർന്നു ഗണ്യമായ ഉത്തരവാ​ദി​ത്വ​വും വരുന്നു​വെന്നു ക്രിസ്‌തീയ മാതാ​പി​താ​ക്കൾ തിരി​ച്ച​റി​യു​ന്നു.

ഒന്നാമ​താ​യി കുട്ടി​ക​ളു​ടെ ഭൗതിക ആവശ്യങ്ങൾ നിറ​വേ​റേറണ്ട ഉത്തരവാ​ദി​ത്വ​മുണ്ട്‌. ബൈബിൾ പറയുന്നു: “തനിക്കു​ള്ള​വർക്കും പ്രത്യേ​കം സ്വന്ത കുടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.”—1 തിമൊ​ഥെ​യൊസ്‌ 5:8.

ഒരുവന്റെ കുടും​ബ​ത്തി​നു​വേണ്ടി കരുതു​ന്ന​തിൽ ആഹാരം സമ്പാദി​ക്കു​ന്ന​തി​ലും ബില്ല്‌ അടച്ചു​തീർക്കു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നു, അത്‌ അതിൽതന്നെ ഒരു വലിയ ജോലി​യാ​ണെ​ന്നു​വ​രി​കി​ലും. ഉത്തരവാ​ദി​ത്വ​മുള്ള ക്രിസ്‌തീയ ദമ്പതികൾ കുടും​ബ​ത്തി​ന്റെ വലിപ്പം ആസൂ​ത്രണം ചെയ്യു​മ്പോൾ അമ്മയുടെ ശാരീ​രിക സൗഖ്യ​വും അതോ​ടൊ​പ്പം അവരുടെ വൈകാ​രി​ക​വും മാനസി​ക​വും അദ്ധ്യാ​ത്മി​ക​വു​മായ ക്ഷേമവും പരിഗ​ണ​ന​യിൽ എടുക്കു​ന്നു. ഒരു കുട്ടി​യു​ടെ പരിപാ​ല​ന​ത്തി​നു ധാരാളം സമയം ചിലവി​ടേ​ണ്ട​താ​യി വരുന്നു, പിന്നെ ഒന്നിനു പിറകെ ഒന്നായി കുട്ടികൾ ജനിക്കു​മ്പോൾ അമ്മമാർ മിക്ക​പ്പോ​ഴും അവരുടെ വിശ്രമം, വിനോ​ദം, വ്യക്തി​പ​ര​മായ വളർച്ച, ക്രിസ്‌തീയ പ്രവർത്ത​ന​ങ്ങ​ളി​ലുള്ള തങ്ങളുടെ പങ്കുപ​ററൽ എന്നിവ​മാ​ത്രമല്ല തങ്ങളുടെ ശാരീ​രി​ക​വും ആത്മീയ​വു​മായ ആരോ​ഗ്യ​ത്തെ​പ്പോ​ലും ബലിക​ഴി​ക്കു​ന്നു.

ഉത്തരവാ​ദി​ത്വ​മുള്ള ക്രിസ്‌തീയ മാതാ​പി​താ​ക്കൾ തങ്ങളുടെ കുട്ടി​ക​ളു​ടെ ആവശ്യ​ങ്ങ​ളും പരിഗ​ണി​ക്കു​ന്നു. ലോക​ത്തി​ലെ ജനസം​ഖ്യാ​വസ്ഥ 1991 (The State of the World’s Population 1991) പറയുന്നു: “അധികം അംഗങ്ങൾ ഉള്ള കുടും​ബ​ത്തിൽ, കുറഞ്ഞ ഇടവേ​ള​ക്കു​ള്ളിൽ ജനിക്കുന്ന കുട്ടി​കൾക്കു ഭക്ഷണത്തി​നും, വസ്‌ത്ര​ത്തി​നും, മാതാ​പി​താ​ക്ക​ളു​ടെ വാത്സല്യ​ത്തി​നും വേണ്ടി സഹോ​ദരീ സഹോ​ദ​രൻമാ​രു​മാ​യി മത്സരി​ക്കേ​ണ്ടി​വ​രു​ന്നു. അവർ പകർച്ച​വ്യാ​ധി​കൾക്കും വളരെ എളുപ്പം വിധേ​യ​രാ​കു​ന്നു. ഈ കുഞ്ഞുങ്ങൾ ക്ഷതമേൽക്കാ​വുന്ന ശൈശ​വ​വർഷ​ങ്ങളെ അതിജീ​വി​ച്ചാൽതന്നെ അവരുടെ വളർച്ച മുരടി​ക്കു​ന്ന​തി​നും ബുദ്ധി​യു​ടെ വികസനം തകരാ​റി​ലാ​കു​ന്ന​തി​നും കൂടുതൽ സാദ്ധ്യ​ത​യുണ്ട്‌. പ്രായ​പൂർത്തി​യായ ജീവി​ത​ത്തിൽ ഈ കുട്ടി​ക​ളു​ടെ പ്രതീ​ക്ഷകൾ വളരെ​യ​ധി​കം ചുരു​ങ്ങു​ന്നു.” തീർച്ച​യാ​യും എല്ലാ വലിയ കുടും​ബ​ങ്ങ​ളി​ലെ​യും അവസ്ഥ ഇപ്രകാ​രമല്ല, പക്ഷേ എത്ര കുട്ടികൾ ഉണ്ടാക​ണ​മെന്നു ആസൂ​ത്രണം ചെയ്യു​മ്പോൾ ക്രിസ്‌തീയ ദമ്പതികൾ പരിഗ​ണി​ക്കേണ്ട ഒരു സംഗതി​യാ​ണിത്‌.

ക്രിസ്‌തീ​യ മാതാ​പി​താ​ക്കൾക്കു കുട്ടി​കളെ ആത്മീയ​മാ​യി പരിര​ക്ഷി​ക്കാ​നുള്ള കടപ്പാ​ടുണ്ട്‌, ബൈബിൾ കല്‌പി​ക്കു​ന്ന​പ്ര​കാ​രം: “പിതാ​ക്കൻമാ​രെ, നിങ്ങളു​ടെ മക്കളെ കോപി​പ്പി​ക്കാ​തെ കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തു​വിൻ.”—എഫെസ്യർ 6:4.

നൈജീ​രി​യിൽ നിയമം പഠിപ്പി​ക്കുന്ന ഒരു ക്രിസ്‌താ​നി​യായ എമീക്കാ വിവാ​ഹി​ത​നാ​യിട്ട്‌ ഒരു വർഷം ആയി, എന്നാൽ ഒരു വലിയ കുടും​ബ​ത്തി​ന്റെ പിതാ​വാ​കാ​നുള്ള തിടു​ക്ക​ത്തി​ലല്ല. “എന്റെ ഭാര്യ​യും ഞാനും എത്ര കുട്ടി​ക​ളു​ണ്ടാ​കണം എന്നതി​നെ​പ്പ​ററി ചർച്ച ചെയ്‌തു. അഞ്ചു കുട്ടി​ക​ളു​ണ്ടാ​കു​ന്ന​തി​നെ​പ്പ​ററി ഞങ്ങൾ പരിചി​ന്തി​ച്ചു, എന്നാൽ മൂന്നു മതി​യെന്നു തീരു​മാ​നി​ച്ചു. രണ്ടു കുട്ടി​ക​ളു​ണ്ടാ​കു​ന്ന​താ​യി​രി​ക്കും മെച്ച​മെന്നു പിന്നീടു ഞങ്ങൾ തീരു​മാ​ന​ത്തി​ലെത്തി. ബൈബിൾ തത്ത്വങ്ങൾക്കു ചേർച്ച​യിൽ കുട്ടി​കളെ വളർത്തി​ക്കൊ​ണ്ടു​വ​രു​ന്നതു പ്രയാ​സ​ക​ര​മാണ്‌. അത്‌ ഒരു വലിയ ഉത്തരവാ​ദി​ത്വ​മാണ്‌.”

ചില ക്രിസ്‌തീയ ദമ്പതികൾ ദൈവത്തെ സേവി​ക്കു​ന്ന​തി​നു തങ്ങളുടെ മുഴു സമയവും അർപ്പി​ക്കു​ന്ന​തി​നു​വേണ്ടി കുട്ടികൾ വേണ്ട എന്നു തീരു​മാ​നി​ച്ചി​ട്ടുണ്ട്‌. സന്താന​ര​ഹി​ത​രാ​യി കഴിയാൻ ഭർത്താ​വി​നോട്‌ അനുകൂ​ലിച്ച ആഫ്രി​ക്ക​യി​ലെ ഒരു മിഷനറി പറയുന്നു: “പ്രസവി​ക്കാ​ത്ത​തി​നാൽ എനി​ക്കെ​ന്തെ​ങ്കി​ലും നഷ്ടമാ​യ​തു​പോ​ലെ തോന്നു​ന്നില്ല. എന്റെ ഭർത്താ​വും ഞാനും പിതൃ​ത്വ​ത്തി​ന്റെ​യും മാതൃ​ത്വ​ത്തി​ന്റെ​യും സന്തോഷം അനുഭ​വി​ച്ചി​ട്ടി​ല്ലെ​ങ്കി​ലും ഞങ്ങളുടെ ജീവിതം മററു​സ​ന്തോ​ഷ​ങ്ങ​ളാൽ പൂരി​ത​മാണ്‌. ബൈബിൾ സത്യങ്ങൾ പഠിക്കു​ന്ന​തി​നു മററു​ള്ള​വരെ സഹായി​ക്കു​ന്ന​തിൽ ഏർപ്പെ​ട്ടി​രി​ക്കു​ന്ന​തി​നാൽ ലോക​ത്തി​ന്റെ അനേക ഭാഗങ്ങ​ളിൽ ഞങ്ങൾക്ക്‌ ആത്മീയ മക്കൾ ഉണ്ട്‌. ഞങ്ങൾ അവരെ സ്‌നേ​ഹി​ക്കു​ന്നു, അവർ ഞങ്ങളേ​യും സ്‌നേ​ഹി​ക്കു​ന്നു. ഞങ്ങളുടെ ഇടയിൽ ഒരു പ്രത്യേക സ്‌നേ​ഹ​ബന്ധം ഉണ്ട്‌. അപ്പോ​സ്‌ത​ല​നായ പൗലൊസ്‌ താൻ ആത്മീയ​മാ​യി സഹായി​ച്ച​വ​രു​ടെ മേൽ കാണിച്ച മൃദുല വാത്സല്യ​ത്താൽ തന്നെത്തന്നെ കുഞ്ഞു​ങ്ങളെ പോറ​റുന്ന അമ്മയോ​ടു സാദൃ​ശ്യ​പ്പെ​ടു​ത്തി​യതു നല്ല കാരണ​ത്താൽ ആണ്‌.”—1 തെസ്സ​ലൊ​നീ​ക്യർ 2:7, 8.

ജനനനി​യ​ന്ത്ര​ണം

ബൈബിൾ ജനനനി​യ​ന്ത്ര​ണത്തെ കുററം വിധി​ക്കു​ന്നു​ണ്ടോ? ഇല്ല, അത്‌ അപ്രകാ​രം ചെയ്യു​ന്നില്ല. ആ തിര​ഞ്ഞെ​ടു​പ്പു ദമ്പതി​കൾക്കു വിട്ടി​രി​ക്കു​ക​യാണ്‌. ഒരു വിവാ​ഹിത ദമ്പതികൾ ജനനനി​യ​ന്ത്രണം പാലി​ക്കാൻ തീരു​മാ​നി​ക്കുന്ന പക്ഷം, ഗർഭനി​രോ​ധന വസ്‌തു​ക്ക​ളു​ടെ തിര​ഞ്ഞെ​ടു​പ്പു വ്യക്തി​പ​ര​മായ കാര്യ​മാണ്‌. എന്നിരു​ന്നാ​ലും, ഒരു ക്രിസ്‌തീയ ദമ്പതികൾ തിര​ഞ്ഞെ​ടു​ക്കുന്ന ജനനനി​യ​ന്ത്രണ രീതി ജീവന്റെ പവി​ത്ര​ത​യോ​ടുള്ള ആദരവി​നാൽ ഭരിക്ക​പ്പെ​ടണം. ഒരു വ്യക്തി​യു​ടെ ജീവിതം ഗർഭധാ​ര​ണ​ത്തിൽ തുടങ്ങു​ന്നു​വെന്നു ബൈബിൾ സൂചി​പ്പി​ക്കു​ന്ന​തി​നാൽ ഗർഭം അലസ്സി​പ്പി​ക്കുന്ന അഥവാ വളർന്നു വരുന്ന കുഞ്ഞിന്റെ ജീവനെ നശിപ്പി​ക്കുന്ന ഗർഭനി​രോ​ധന രീതികൾ ക്രിസ്‌ത്യാ​നി​കൾ ഒഴിവാ​ക്കും.—സങ്കീർത്തനം 139:16; പുറപ്പാ​ടു 21:22, 23-ഉം യിരെ​മ്യാ​വു 1:5-ഉം താരത​മ്യം ചെയ്യുക.

അതു​കൊണ്ട്‌ കുടും​ബാ​സൂ​ത്ര​ണ​ത്തോ​ടുള്ള ബന്ധത്തിൽ ദമ്പതികൾ ഉചിത​മാ​യും വ്യത്യസ്‌ത തിര​ഞ്ഞെ​ടു​പ്പു​കൾ നടത്തി​യേ​ക്കാം. ചിലർ തങ്ങൾക്കു​ണ്ടാ​കാൻ പോകുന്ന കുട്ടി​ക​ളു​ടെ എണ്ണം പരിമി​ത​പ്പെ​ടു​ത്തി​യേ​ക്കാം. മററു​ചി​ലർ ഏതെങ്കി​ലും​ഗർഭ​നി​രോ​ധന രീതി ഉപയോ​ഗി​ച്ചു​കൊ​ണ്ടു കുട്ടികൾ വേണ്ട എന്നുതന്നെ തീരു​മാ​നി​ച്ചേ​ക്കാം. പല ജനനനി​യ​ന്ത്രണ രീതികൾ ഉണ്ട്‌, ഓരോ​ന്നി​നും അതി​ന്റേ​തായ ഗുണങ്ങ​ളും ദോഷ​ങ്ങ​ളും ഉണ്ട്‌. ഏതു രീതി​യാ​ണു തങ്ങൾക്കു ഉത്തമ​മെന്നു ദമ്പതികൾ തീരു​മാ​നി​ക്കു​മ്പോൾ, ചില രീതികൾ മററു​ള്ള​വ​യേ​ക്കാൾ വളരെ​യേറെ കാര്യ​ക്ഷ​മ​മാ​ണെന്ന്‌ ഓർമ്മി​ക്കേ​ണ്ട​തുണ്ട്‌. ഉണ്ടാ​യേ​ക്കാ​വുന്ന പാർശ്വ​ഫ​ല​ങ്ങ​ളെ​ക്കു​റി​ച്ചും അവർ അന്വേ​ഷി​ക്കണം. ഡോക്ടർമാ​രും കുടും​ബാ​സൂ​ത്രണ കേന്ദ്ര​ങ്ങ​ളും ജനനനി​യ​ന്ത്രണ രീതി​ക​ളെ​ക്കു​റിച്ച്‌ ഉപദേശം നൽകു​ന്ന​തി​നും ദമ്പതി​കളെ തങ്ങളുടെ ആവശ്യം നിവർത്തി​ക്കുന്ന ഉത്തമമായ രീതി തിര​ഞ്ഞെ​ടു​ക്കാൻ സഹായി​ക്കു​ന്ന​തി​നും സജ്ജരാണ്‌.

കുട്ടികൾ അധികം വേണ​മെ​ന്നോ കുറച്ചു​മ​തി​യെ​ന്നോ ഒന്നും വേണ്ടെ​ന്നോ ഉള്ള ഒരു ദമ്പതി​ക​ളു​ടെ തീരു​മാ​നം തീർത്തും വ്യക്തി​പ​ര​മായ ഒന്നാണ്‌. ദൂരവ്യാ​പ​ക​ഫ​ല​ങ്ങ​ളുള്ള ഒരു പ്രധാന തീരു​മാ​നം കൂടി​യാ​ണിത്‌. വിവാ​ഹി​ത​ദ​മ്പ​തി​കൾ സൂക്ഷ്‌മ​ത​യോ​ടെ​യും പ്രാർത്ഥ​നാ​പൂർവ്വ​വും ഈ വിഷയം തൂക്കി​നോ​ക്കു​ന്നതു ബുദ്ധി​യാ​യി​രി​ക്കും. (g93 2/22)

[8, 9 പേജു​ക​ളി​ലെ ചതുരം]

പ്രചാരത്തിലുള്ളജനനനിയന്ത്രണ രീതികൾ

വന്ധ്യംകരണം

പുരുഷൻമാരിൽ: വൃഷണ സഞ്ചിയിൽ ഒരു ചെറിയ മുറി​വു​ണ്ടാ​ക്കി ഇരുവ​ശ​വു​മുള്ള ബീജവാ​ഹി​നി​ക്കു​ഴ​ലു​കൾ മുറി​ച്ചു​ക​ള​യുന്ന ഒരു ലളിത​മായ ശസ്‌ത്ര​ക്രിയ.

സ്‌ത്രീകളിൽ: അണ്ഡം ഗർഭാ​ശ​യ​ത്തി​ലേക്കു കടക്കു​ന്ന​തി​നെ തടയു​ന്ന​തി​നു​വേണ്ടി ഇരുവ​ശ​വു​മുള്ള അണ്ഡവാ​ഹി​നി​ക്കു​ഴ​ലു​കൾ കെട്ടി​യി​ടു​ക​യൊ മുറി​ച്ചു​മാ​റ​റു​ക​യൊ ചെയ്യുന്ന ശസ്‌ത്ര​ക്രിയ.

ഗുണങ്ങൾ: എല്ലാ ജനനനി​യ​ന്ത്രണ രീതി​ക​ളി​ലും​വച്ച്‌ ഏററവും ഫലപ്ര​ദ​മായ മാർഗ്ഗം വന്ധ്യം​ക​ര​ണ​മാണ്‌.

ദോഷങ്ങൾ: സ്ഥിരമാ​യി​രു​ന്നേ​ക്കാം. സ്‌ത്രീ​ക​ളി​ലും പുരു​ഷൻമാ​രി​ലും ഉത്‌പാ​ദ​ക​ശക്തി ശസ്‌ത്ര​ക്രിയ മുഖാ​ന്തരം വീണ്ടെ​ടു​ത്തി​ട്ടുണ്ട്‌, എങ്കിലും ഇതിന്‌ ഉറപ്പു നൽകാൻ കഴിയു​ക​യില്ല.a

ജനനനിയന്ത്രണ ഗുളി​ക​കൾ

ഇതിൽ ഹോർമോൺ മിനി​പിൽ ഉൾപ്പെ​ടു​ന്നു. അണ്ഡം പാകമാ​യി വിട്ടു​കൊ​ടു​ക്കു​ന്നതു തടയു​ന്ന​തി​നാ​യി അവ ഒരു സ്‌ത്രീ​യു​ടെ സാധാരണ ഹോർമോൺ നിലയെ തടസ്സ​പ്പെ​ടു​ത്തു​ന്നു.b

ഗുണങ്ങൾ: ഗർഭധാ​രണം തടയു​ന്ന​തിന്‌ അത്യന്തം ഫലപ്ര​ദ​മായ മാർഗ്ഗം.

ദോഷങ്ങൾ: ശാരീ​രി​ക​മായ ചില പാർശ്വ​ഫ​ലങ്ങൾ ഉണ്ടെങ്കി​ലും 40 വയസ്സിൽ താഴെ​യുള്ള, പുകവ​ലി​ക്കാത്ത ആരോ​ഗ്യ​വ​തി​ക​ളിൽ ഇതു കുറവാണ്‌.

ഡയഫ്രവും ബീജഹ​ത്യാ​വ​സ്‌തു​വും

വഴക്കമുള്ള ഒരു വട്ടിൽ ബന്ധിച്ച അർദ്ധവൃ​ത്താ​കൃ​തി​യി​ലുള്ള ഒരു റബ്ബർ കപ്പാണു ഡയഫ്രം. ബീജത്തെ നശിപ്പി​ക്കുന്ന കുഴമ്പ്‌ (ബീജഹ​ത്യാ​വ​സ്‌തു) ഈ ഉപാധി​യിൽ പുരട്ടി​യ​ശേഷം ഇത്‌, ഗർഭാ​ശ​യ​മു​ഖം മറയ്‌ക്ക​ത്ത​ക്ക​വണ്ണം യോനി​ക്കു​ള്ളിൽ നിക്ഷേ​പി​ക്കു​ന്നു.

ഗുണങ്ങൾ: ശരിയാ​യി ഉപയോ​ഗി​ക്കു​മ​ള​വിൽ ജനനനി​യ​ന്ത്ര​ണ​ത്തി​നു സുരക്ഷി​ത​വും തീർത്തും ആശ്രയ​യോ​ഗ്യ​വു​മായ ഒരു രീതി.

ദോഷങ്ങൾ: ദമ്പതികൾ സംഭോ​ഗം നടത്തു​മ്പോ​ഴെ​ല്ലാം ഉപയോ​ഗി​ക്കണം. ഉപാധി ഉള്ളിൽ നിക്ഷേ​പി​ക്കു​ന്ന​തി​നു വൈഭവം ആവശ്യ​മാണ്‌. കൂടാതെ, സംഭോ​ഗ​ത്തി​നു മുമ്പ്‌ അത്‌ ഉള്ളിൽ നിക്ഷേ​പി​ക്കു​ക​യും അതിനു​ശേഷം ആറു മണിക്കൂർമു​തൽ എട്ടു മണിക്കൂർവരെ അവി​ടെ​ത്തന്നെ വെച്ചി​രി​ക്കേ​ണ്ട​തു​മുണ്ട്‌.

ഗ്രൈവേയ ആവരണം

ഡയഫ്രത്തെക്കാൾ ചെറി​യ​തും പ്ലാസ്‌റ​റിക്ക്‌ അല്ലെങ്കിൽ റബ്ബർ കൊണ്ടു​ണ്ടാ​ക്കി​യ​തു​മായ കപ്പ്‌ പോലുള്ള ഒരു ഉപാധി. ഡയഫ്രം മാതിരി ഇതും ഗർഭാ​ശ​യ​മു​ഖത്തു നിക്ഷേ​പി​ക്കു​ന്നു, എന്നാൽ ഇതു കൂടുതൽ ഒതുക്ക​ത്തോ​ടെ ചേർന്നി​രി​ക്കും, അതു​പോ​ലെ ബീജഹ​ത്യാ കുഴമ്പ്‌ കുറച്ചു​മ​തി​താ​നും.

ഗുണങ്ങൾ: ഫലപ്ര​ദ​ത്വ​ത്തി​ന്റെ കാര്യ​ത്തിൽ ഈ ആവരണം ഡയഫ്രം​പോ​ലെ​ത​ന്നെ​യാണ്‌. കൂടാതെ, 48 മണിക്കൂർ അത്‌ അവിടെ ഇരുന്നു​കൊ​ള്ളും. സംഭോ​ഗം ആവർത്തി​ക്കുന്ന സാഹച​ര്യ​ത്തിൽ ബീജഹ​ത്യാ​വ​സ്‌തു പുര​ട്ടേ​ണ്ട​തില്ല.

ദോഷങ്ങൾ: ഇതു ഗർഭാ​ശ​യ​മു​ഖത്തു നിക്ഷേ​പി​ക്കാൻ ഡയഫ്ര​ത്തേ​ക്കാൾ കൂടുതൽ പ്രയാ​സ​മാണ്‌, തന്നെയു​മല്ല ഓരോ പ്രാവ​ശ്യ​വും സംഭോ​ഗ​ത്തി​നു മുമ്പും പിമ്പും ഗർഭാ​ശ​യ​മു​ഖത്തെ അതിന്റെ സ്ഥാനം പരി​ശോ​ധി​ക്കേ​ണ്ട​തുണ്ട്‌. ഗർഭപാ​ത്ര​ത്തി​ലൊ ഗർഭാ​ശ​യ​മു​ഖ​ത്തൊ രോഗ​ബാ​ധ​യു​ണ്ടാ​കാൻ സാദ്ധ്യ​ത​ക​ളുണ്ട്‌. ഈ ഉപാധി കുചാ​ഗ്ര​പ​രി​ശോ​ധ​ന​ക​ളിൽ സാധാരണ നിലയുള്ള സ്‌ത്രീ​കൾ മാത്രമേ ധരിക്കാ​വൂ.

സ്‌പഞ്ച്‌

ഗർഭാശയമുഖം മറയ്‌ക്ക​ത്ത​ക്ക​വണ്ണം യോനി​യിൽ സ്ഥാപിച്ചു ബീജത്തിന്‌ ഭൗതി​ക​വും രാസസം​ബ​ന്ധ​വു​മായ തടസ്സം സൃഷ്ടി​ക്കുന്ന പോളീ​യു​റെ​ത്തെൻ സ്‌പഞ്ച്‌ അടങ്ങുന്ന ഒരു ബീജഹ​ത്യാ​വ​സ്‌തു. ഉപയോ​ഗ​ത്തി​നു​ശേഷം ഉപേക്ഷി​ക്കു​ന്നു.

ഗുണങ്ങൾ: സ്‌പഞ്ച്‌ 24 മണിക്കൂർവരെ അവിടെ വെച്ചേ​ക്കാൻ കഴിയും തന്നെയു​മല്ല ആ സമയത്തി​നു​ള്ളിൽ ലൈം​ഗിക വേഴ്‌ച ആവർത്തി​ക്കു​ക​യാ​ണെ​ങ്കിൽ ഇതു ഫലപ്ര​ദ​വു​മാണ്‌.

ദോഷങ്ങൾ: ചിലതരം അലർജി​ക​ളും ടോക്‌സിക്ക്‌ ഷോക്കി​ന്റെ ലക്ഷണങ്ങൾ ബാധിച്ച ഏതാനും കേസു​ക​ളും റിപ്പോർട്ടു ചെയ്യ​പ്പെ​ട്ടി​ട്ടുണ്ട്‌.

ഗർഭാശയാന്തരമാർഗങ്ങൾ ഐയുഡി എന്നോ, ലൂപ്പ്‌ എന്നോ, കോയിൽ എന്നോ വിളി​ക്കുന്ന, ലോഹ​മൊ പ്ലാസ്‌റ​റി​ക്കൊ കൊണ്ടു​ണ്ടാ​ക്കുന്ന ഈ വസ്‌തു ഗർഭാ​ശ​യ​ത്തി​നു​ള്ളിൽ സ്ഥാപി​ക്കു​ന്നു. ഇതിന്റെ യഥാർത്ഥ പ്രവർത്ത​ന​രീ​തി​യെ സംബന്ധിച്ച്‌ അനിശ്ചി​ത​ത്വ​മു​ണ്ടെ​ങ്കി​ലും നാനാ​വി​ധ​ങ്ങ​ളിൽ ഇതു ഗർഭധാ​ര​ണത്തെ തടയുന്നു എന്നു ഡോക്ടർമാർ വിശ്വ​സി​ക്കു​ന്നു. ഇതി​ലൊ​രു വിധം ഗർഭാ​ശ​യ​ഭി​ത്തി​യിൽ പററി​പ്പി​ടി​ക്കു​ന്ന​തിൽനി​ന്നും ഭ്രൂണത്തെ തടയു​ക​യാണ്‌.

ഗുണങ്ങൾ: ആശ്രയി​ക്കാ​വുന്ന ഒരു ജനനനി​യ​ന്ത്രണ ഉപാധി.

ദോഷങ്ങൾ: ചില​പ്പോൾ രക്തസ്രാ​വ​ത്തി​ലും വേദന​യി​ലും കലാശി​ക്കു​ന്നു. മററു​ചി​ല​പ്പോൾ അതിന്റെ പ്രവർത്തന വിധം ഗർഭച്ഛി​ദ്ര​വു​മാ​യി​രു​ന്നേ​ക്കാം.c

ഉറകൾ

വിസർജിതശുക്ലം യോനി​യിൽ പ്രവേ​ശി​ക്കാ​തി​രി​ക്കാൻ സംഭോ​ഗാ​വ​സ​ര​ത്തിൽ പുരു​ഷ​ലിം​ഗ​ത്തിൽ ധരിക്കുന്ന ഉറ.

ഗുണങ്ങൾ: സുരക്ഷി​ത​വും ഫലപ്ര​ദ​വു​മായ ഒരു ജനനനി​യ​ന്ത്രണ ഉപാധി. എയ്‌ഡ്‌സ്‌ ഉൾപ്പെ​ടെ​യുള്ള ലൈം​ഗി​ക​മാ​യി പകരുന്ന രോഗങ്ങൾ പകരാ​നുള്ള സാദ്ധ്യത കുറയ്‌ക്കു​ന്നു.

ദോഷങ്ങൾ: ഇതിന്റെ ഉപയോ​ഗം ലൈം​ഗിക വേഴ്‌ചക്കു ഭംഗം വരുത്തു​ന്ന​തി​നാൽ ചിലർ ഇഷ്ടപ്പെ​ടു​ന്നില്ല.

പിൻവലിക്കൽ

സംഭോഗസമയത്ത്‌ ശുക്ലവി​സർജ​ന​ത്തി​നു​തൊ​ട്ടു​മു​മ്പു പുരു​ഷ​ലിം​ഗം യോനി​യിൽനി​ന്നു പിൻവ​ലി​ക്കൽ.

ഗുണങ്ങൾ: പണച്ചെ​ല​വോ തയ്യാ​റെ​ടു​പ്പോ ബാഹ്യ​ഉ​പ​ക​ര​ണ​ങ്ങ​ളൊ ആവശ്യ​മാ​യി വരുന്നില്ല.

ദോഷങ്ങൾ: ലൈം​ഗി​ക​മാ​യി തൃപ്‌തി​ക​രമല്ല, വളരെ ആത്മനി​യ​ന്ത്രണം ആവശ്യ​മാണ്‌, അത്യന്തം ആശ്രയി​ക്കാ​നാ​വാ​ത്ത​തു​മാണ്‌.

സുരക്ഷിതകാലസംഭോഗ രീതി

സ്‌ത്രീയുടെ ആർത്തവ​ച​ക്ര​ത്തിൽ ഗർഭധാ​ര​ണ​ശക്തി ഏറിയ​ദി​വ​സ​ങ്ങ​ളിൽ സംഭോ​ഗം നടത്തു​ന്ന​തിൽ നിന്നും ദമ്പതികൾ ഒഴിഞ്ഞി​രി​ക്കു​ന്നു.

ഗുണങ്ങൾ: സുരക്ഷി​ത​മാണ്‌, ഉപദ്ര​വ​ക​ര​മായ പാർശ്വ​ഫ​ലങ്ങൾ ഇല്ല, സംഭോ​ഗ​സ​മ​യത്ത്‌ ഒരു നടപടി​യും ആവശ്യ​മാ​യി വരുന്നില്ല.

ദോഷങ്ങൾ: കുട്ടികൾ വേണ്ട എന്നു ദമ്പതികൾ ദൃഢനി​ശ്ച​യ​മു​ള്ള​വ​രാ​യി​രി​ക്കു​ക​യും ഇതിനുള്ള നിർദ്ദേ​ശങ്ങൾ കണിശ​മാ​യി പിൻപ​റ​റു​ന്ന​തിൽനി​ന്നും വ്യതി​ച​ലി​ക്കാ​തി​രി​ക്കു​ക​യും ചെയ്യാ​ത്ത​പക്ഷം ഈ ഉപാധി ഗർഭധാ​രണം തടയു​ന്ന​തിൽ വളരെ വിജയ​പ്ര​ദമല്ല.

ഹോർമോണുകളുടെ പ്രതി​ഷ്‌ഠാ​പ​നം

ജനനനിയന്ത്രണത്തിനുള്ള ഏററവും പുതിയ ഗർഭനി​രോ​ധ​ന​വ​സ്‌തു, തീരെ ചെറിയ സിലിക്കൺ സിലി​ണ്ട​റു​ക​ളു​ടെ ഒരു പരമ്പര സ്‌ത്രീ​യു​ടെ കയ്യിലെ തൊലി​ക്കു​ള്ളിൽ സ്ഥാപി​ക്കു​ന്നു. അഞ്ചുവർഷം​വരെ ഇതു ഒരു ചെറിയ അളവു ഹോർമോൺ തുടർച്ച​യാ​യി രക്തപ്ര​വാ​ഹ​ത്തി​ലേക്കു വിട്ടു​കൊ​ടു​ക്കു​ന്നു. ഈ കാലയ​ള​വിൽ അവൾ ഗർഭധാ​ര​ണ​ത്തിൽ നിന്നും സംരക്ഷി​ക്ക​പ്പെ​ടു​ന്നു.

ഗുണങ്ങൾ: അത്യന്തം ഫലപ്രദം. സ്ഥാപി​ത​വ​സ്‌തു നീക്കം ചെയ്‌തു​കൊ​ണ്ടു ഗർഭധാ​ര​ണ​ശക്തി വീണ്ടെ​ടു​ക്കാൻ കഴിയും.

ദോഷങ്ങൾ: ദുല്ലഭ​മാണ്‌. ഗർഭനി​രോ​ധന ഹോർമോൺ ഗുളിക (മിനി​പിൽ) പോ​ലെ​തന്നെ. ഹോർമോൺ ഗുളി​കകൾ ഉപയോ​ഗി​ക്കു​മ്പോൾ ഗർഭച്ഛി​ദ്ര​ത്തി​ലൂ​ടെ​യാ​ണു മിക്ക​പ്പോ​ഴും ഗർഭധാ​ര​ണത്തെ തടയു​ന്നത്‌.d

[അടിക്കു​റി​പ്പു​കൾ]