അധ്യായം 7

മനുഷ്യ​വർഗത്തെ രക്ഷിക്കാൻ ദൈവം ചെയ്‌തി​രി​ക്കു​ന്നത്‌

1, 2. (എ) ദൈവ​പു​ത്രൻ ആരാ​ണെ​ന്നു​ള​ളത്‌ ഒരു റോമൻ ശതാധി​പൻ വിലമ​തി​ക്കാ​നി​ട​യാ​യത്‌ എങ്ങനെ? (ബി) യേശു മരിക്കാൻ യഹോവ അനുവ​ദി​ച്ചത്‌ എന്തു​കൊണ്ട്‌?

ഏകദേശം 2,000 വർഷം മുമ്പ്‌ ഒരു വസന്തദി​ന​ത്തിൽ ഉച്ചതി​രിഞ്ഞ നേരം മൂന്നു പേർ അതി​വേ​ദ​ന​യോ​ടെ ഇഞ്ചിഞ്ചാ​യി മരിക്കു​ന്നത്‌ ഒരു റോമൻ ശതാധി​പൻ നിരീ​ക്ഷി​ച്ചു. ആ പടയാളി അവരിൽ ഒരാളെ വിശേ​ഷാൽ ശ്രദ്ധിച്ചു—യേശു​ക്രി​സ്‌തു​വി​നെ. യേശു​വി​നെ ഒരു മരസ്‌തം​ഭ​ത്തിൽ തറച്ചി​രു​ന്നു. അവന്റെ മരണനി​മി​ഷം സമീപി​ച്ച​പ്പോൾ മധ്യാ​ഹ്ന​സൂ​ര്യൻ ഇരുണ്ടു. അവൻ മരിച്ച​പ്പോൾ ഭൂമി ഉഗ്രമാ​യി കുലുങ്ങി, “ഈ മനുഷ്യൻ ദൈവ​പു​ത്രൻ ആയിരു​ന്നു സത്യം” എന്ന്‌ ആ പടയാളി ഉദ്‌ഘോ​ഷി​ച്ചു.—മർക്കൊസ്‌ 15:39.

² ദൈവ​പു​ത്രൻ! ആ പടയാളി പറഞ്ഞതു സത്യമാ​യി​രു​ന്നു. ഭൂമി​യിൽ നടന്നി​ട്ടു​ള​ള​തിൽവെച്ച്‌ ഏററം പ്രധാ​ന​പ്പെട്ട സംഭവ​ത്തിന്‌ അയാൾ അപ്പോൾ സാക്ഷ്യം​വ​ഹി​ച്ചി​രു​ന്നു. മുൻ സന്ദർഭ​ങ്ങ​ളിൽ ദൈവം​തന്നെ യേശു​വി​നെ തന്റെ പ്രിയ പുത്രൻ എന്നു വിളി​ച്ചി​രു​ന്നു. (മത്തായി 3:17; 17:5) തന്റെ പുത്രൻ മരിക്കാൻ യഹോവ അനുവ​ദി​ച്ചത്‌ എന്തു​കൊ​ണ്ടാ​യി​രു​ന്നു? എന്തു​കൊ​ണ്ടെ​ന്നാൽ ഇതു മനുഷ്യ​വർഗത്തെ പാപത്തിൽനി​ന്നും മരണത്തിൽനി​ന്നും രക്ഷിക്കാ​നു​ളള ദൈവ​ത്തി​ന്റെ മാർഗ​മാ​യി​രു​ന്നു.

ഒരു പ്രത്യേക ഉദ്ദേശ്യ​ത്തി​നു തിര​ഞ്ഞെ​ടു​ക്ക​പ്പെട്ടു

3. മനുഷ്യ​വർഗത്തെ സംബന്ധിച്ച ഒരു പ്രത്യേക ഉദ്ദേശ്യ​ത്തി​നു ദൈവ​ത്തി​ന്റെ ഏകജാ​ത​നായ പുത്രൻ തിര​ഞ്ഞെ​ടു​ക്ക​പ്പെ​ടു​ന്നത്‌ ഉചിത​മാ​യി​രു​ന്നത്‌ എന്തു​കൊണ്ട്‌?

³ നാം ഈ പുസ്‌ത​ക​ത്തിൽ നേരത്തെ പഠിച്ച​തു​പോ​ലെ, യേശു​വി​നു മനുഷ്യ​നാ​കു​ന്ന​തി​നു മുമ്പ്‌ ഒരു അസ്‌തി​ത്വ​മു​ണ്ടാ​യി​രു​ന്നു. യഹോവ അവനെ നേരിട്ടു സൃഷ്ടി​ച്ച​തു​കൊണ്ട്‌ അവൻ ദൈവ​ത്തി​ന്റെ ‘ഏകജാ​ത​നായ പുത്രൻ’ എന്നു വിളി​ക്ക​പ്പെ​ടു​ന്നു. മററു സകലവും ഉളവാ​ക്കു​ന്ന​തി​നു പിന്നീടു ദൈവം യേശു​വി​നെ ഉപയോ​ഗി​ച്ചു. (യോഹ​ന്നാൻ 3:18; കൊ​ലൊ​സ്സ്യർ 1:16) യേശു​വി​നു മനുഷ്യ​വർഗ​ത്തോ​ടു വിശേ​ഷാൽ പ്രിയ​മു​ണ്ടാ​യി​രു​ന്നു. (സദൃശ​വാ​ക്യ​ങ്ങൾ 8:30, 31) മനുഷ്യ​വർഗം മരണശി​ക്ഷാ​വി​ധി​യി​ലാ​യ​പ്പോൾ ഒരു പ്രത്യേക ഉദ്ദേശ്യം സാധി​ക്കാൻ യഹോവ തന്റെ ഏകജാ​ത​നായ പുത്രനെ തിര​ഞ്ഞെ​ടു​ത്തത്‌ അതിശ​യമല്ല!

4, 5. യേശു ഭൂമി​യി​ലേക്കു വരുന്ന​തി​നു മുമ്പ്‌, മിശി​ഹൈക സന്തതി​യെ​ക്കു​റി​ച്ചു ബൈബിൾ എന്തു വെളി​പ്പെ​ടു​ത്തി?

⁴ ഏദെൻതോ​ട്ട​ത്തിൽവച്ച്‌ ആദാം, ഹവ്വാ, സാത്താൻ എന്നിവ​രു​ടെ​മേൽ വിധി ഉച്ചരി​ച്ച​പ്പോൾ ദൈവം ഭാവി വിമോ​ച​ക​നെ​ക്കു​റിച്ച്‌ ഒരു “സന്തതി” എന്നു പറഞ്ഞു. ഈ സന്തതി അഥവാ സന്താനം ‘ആദ്യ പാമ്പ്‌’ ആയ പിശാ​ചായ സാത്താൻ വരുത്തി​ക്കൂ​ട്ടി​യി​രുന്ന ഭയങ്കര വിനകൾ നീക്കം​ചെ​യ്യു​ന്ന​തി​നാ​യി​രി​ക്കും വരുന്നത്‌. യഥാർഥ​ത്തിൽ വാഗ്‌ദത്ത സന്തതി സാത്താ​നെ​യും അവനെ അനുഗ​മിച്ച സകല​രെ​യും തകർക്കും.—ഉല്‌പത്തി 3:15; 1 യോഹ​ന്നാൻ 3:8; വെളി​പ്പാ​ടു 12:9.

⁵ മിശിഹാ എന്നും വിളി​ക്ക​പ്പെട്ട സന്തതി​യെ​ക്കു​റി​ച്ചു ദൈവം പിന്നീ​ടു​ളള നൂററാ​ണ്ടു​ക​ളിൽ ക്രമേണ കൂടുതൽ കാര്യങ്ങൾ വെളി​പ്പെ​ടു​ത്തി. 37-ാം പേജിലെ ചാർട്ടിൽ കാണി​ച്ചി​രി​ക്കു​ന്ന​തു​പോ​ലെ, ഒട്ടേറെ പ്രവച​നങ്ങൾ ഭൂമി​യി​ലെ അവന്റെ ജീവി​ത​ത്തി​ന്റെ അനേകം വശങ്ങളു​ടെ വിശദാം​ശങ്ങൾ നൽകി. ഉദാഹ​ര​ണ​ത്തിന്‌, ദൈ​വോ​ദ്ദേ​ശ്യ​ത്തിൽ അവന്റെ പങ്കു നിറ​വേ​റ​റു​ന്ന​തിന്‌ അവൻ ഭയങ്കര ദ്രോഹം സഹിക്ക​ണ​മാ​യി​രു​ന്നു.—യെശയ്യാ​വു 53:3-5.

മിശിഹാ മരി​ക്കേ​ണ്ട​തി​ന്റെ കാരണം

6. ദാനീ​യേൽ 9:24-26 അനുസ​രി​ച്ചു മിശിഹാ എന്തു സാധി​ക്കും, എങ്ങനെ?

⁶ മിശിഹാ—ദൈവ​ത്തി​ന്റെ അഭിഷി​ക്തൻ—ഒരു വലിയ ഉദ്ദേശ്യം നിറ​വേ​റ​റു​മെന്നു ദാനീ​യേൽ 9:24-26-ൽ രേഖ​പ്പെ​ടു​ത്തി​യി​രുന്ന ഒരു പ്രവചനം മുൻകൂ​ട്ടി പറഞ്ഞു. അവൻ എന്നേക്കു​മാ​യി “അതി​ക്ര​മത്തെ തടസ്ഥം​ചെ​യ്‌തു പാപങ്ങളെ മുദ്ര​യി​ടു​വാ​നും അകൃത്യ​ത്തി​ന്നു പ്രായ​ശ്ചി​ത്തം ചെയ്‌തു നിത്യ​നീ​തി വരുത്തു​വാ​നും” ഭൂമി​യി​ലേക്കു വരുമാ​യി​രു​ന്നു. മിശിഹാ വിശ്വസ്‌ത മനുഷ്യ​വർഗ​ത്തിൽനി​ന്നു മരണശി​ക്ഷാ​വി​ധി നീക്കം​ചെ​യ്യും. എന്നാൽ അവൻ ഇത്‌ എങ്ങനെ​യാ​ണു ചെയ്യുക? അവൻ ‘ഛേദി​ക്ക​പ്പെ​ടു​മെന്ന്‌’ അഥവാ വധിക്ക​പ്പെ​ടു​മെന്നു പ്രവചനം വിശദീ​ക​രി​ക്കു​ന്നു.

7. യഹൂദൻമാർ മൃഗയാ​ഗങ്ങൾ അർപ്പി​ച്ചത്‌ എന്തു​കൊണ്ട്‌, ഇവ എന്തിനെ മുൻനി​ഴ​ലാ​ക്കി?

⁷ അകൃത്യ​ത്തി​നു പരിഹാ​രം വരുത്തു​ക​യെന്ന ആശയം പുരാതന ഇസ്രാ​യേ​ല്യർക്കു പരിചി​ത​മാ​യി​രു​ന്നു. മോശ​മു​ഖാ​ന്തരം ദൈവം അവർക്കു കൊടുത്ത ന്യായ​പ്ര​മാ​ണ​ത്തിൻകീ​ഴി​ലെ അവരുടെ ആരാധ​ന​യിൽ അവർ ക്രമമാ​യി മൃഗയാ​ഗങ്ങൾ അർപ്പി​ച്ചി​രു​ന്നു. ഇവ മനുഷ്യർക്കു തങ്ങളുടെ പാപങ്ങൾക്കു പരിഹാ​രം വരുത്താൻ അഥവാ പാപങ്ങൾ മറെക്കു​ന്ന​തി​നു ചിലത്‌ ആവശ്യ​മാ​ണെന്ന്‌ ഇസ്രാ​യേൽ ജനത്തെ അനുസ്‌മ​രി​പ്പി​ച്ചു. അപ്പോ​സ്‌ത​ല​നായ പൗലോസ്‌ ഈ വിധത്തിൽ ഈ തത്ത്വം സംഗ്ര​ഹി​ച്ചു​പ​റഞ്ഞു: “രക്തം ചൊരി​ഞ്ഞി​ട്ട​ല്ലാ​തെ വിമോ​ച​ന​മില്ല.” (എബ്രായർ 9:22) ക്രിസ്‌ത്യാ​നി​കൾ യാഗങ്ങൾപോ​ലെ​യു​ളള വ്യവസ്ഥ​ക​ളോ​ടു​കൂ​ടിയ മോ​ശൈക ന്യായ​പ്ര​മാ​ണ​ത്തിൻ കീഴിലല്ല. (റോമർ 10:4; കൊ​ലൊ​സ്സ്യർ 2:16, 17) മൃഗയാ​ഗ​ങ്ങൾക്കു സ്ഥിരവും പൂർണ​വു​മായ പാപ​മോ​ചനം നൽകുക സാധ്യ​മ​ല്ലെ​ന്നും അവർക്ക​റി​യാം. പകരം, ഈ യാഗാർപ്പ​ണങ്ങൾ വളരെ​യേറെ മൂല്യ​വ​ത്തായ ഒരു യാഗത്തെ—മിശി​ഹാ​യു​ടെ അഥവാ ക്രിസ്‌തു​വി​ന്റെ യാഗത്തെ—മുൻനി​ഴ​ലാ​ക്കി. (എബ്രായർ 10:4, 10; ഗലാത്യർ 3:24 താരത​മ്യം ചെയ്യുക.) എന്നാൽ, ‘മിശിഹാ യഥാർഥ​ത്തിൽ മരി​ക്കേ​ണ്ട​താ​വ​ശ്യ​മാ​യി​രു​ന്നോ?’ എന്നു നിങ്ങൾ ചോദി​ച്ചേ​ക്കാം.

8, 9. ആദാമും ഹവ്വായും ഏതു വില​യേ​റിയ കാര്യങ്ങൾ നഷ്ടപ്പെ​ടു​ത്തി, അവരുടെ നടപടി​കൾ അവരുടെ സന്തതി​കളെ ബാധി​ച്ചത്‌ എങ്ങനെ?

⁸ ഉവ്വ്‌, മനുഷ്യ​വർഗം രക്ഷിക്ക​പ്പെ​ട​ണ​മെ​ങ്കിൽ മിശിഹാ മരിക്ക​ണ​മാ​യി​രു​ന്നു. എന്തു​കൊ​ണ്ടെന്നു മനസ്സി​ലാ​ക്കു​ന്ന​തി​നു നാം ഏദെൻതോ​ട്ട​ത്തെ​ക്കു​റിച്ച്‌ ഓർക്കു​ക​യും ആദാമും ഹവ്വായും ദൈവ​ത്തി​നെ​തി​രെ മത്സരി​ച്ച​പ്പോൾ അവർക്കു ഭവിച്ച നഷ്ടത്തിന്റെ വൈപു​ല്യം ഗ്രഹി​ക്കാൻ ശ്രമി​ക്കു​ക​യും വേണം. അവരുടെ മുമ്പാകെ നിത്യ​ജീ​വൻ വെക്ക​പ്പെ​ട്ടി​രു​ന്നു! ദൈവ​ത്തി​ന്റെ മക്കൾ എന്നനി​ല​യിൽ അവർ അവനോ​ടു നേരി​ട്ടു​ളള ഒരു ബന്ധവും ആസ്വദി​ച്ചി​രു​ന്നു. എന്നാൽ അവർ യഹോ​വ​യു​ടെ ഭരണാ​ധി​പ​ത്യ​ത്തെ തളളി​ക്ക​ള​ഞ്ഞ​പ്പോൾ അതെല്ലാം നഷ്ടപ്പെ​ടു​ത്തു​ക​യും മനുഷ്യ​വർഗ​ത്തിൻമേൽ പാപവും മരണവും വരുത്തി​ക്കൂ​ട്ടു​ക​യും ചെയ്‌തു.—റോമർ 5:12.

⁹ അതു നമ്മുടെ ആദ്യ മാതാ​പി​താ​ക്കൾ തങ്ങളേ​ത്തന്നെ കടത്തിൽ മുക്കി​ക്കൊണ്ട്‌ ഒരു വലിയ സ്വത്തു ധൂർത്ത​ടി​ച്ച​തു​പോ​ലെ​യാ​യി​രു​ന്നു. ആദാമും ഹവ്വായും ആ കടം അവരുടെ സന്തതി​ക​ളി​ലേക്കു കൈമാ​റി. നാം പൂർണ​രും പാപര​ഹി​ത​രു​മാ​യി ജനിക്കാ​ഞ്ഞ​തു​കൊ​ണ്ടു നമ്മിൽ ഓരോ​രു​ത്ത​രും പാപി​ക​ളാ​യി മരിക്കു​ന്നു. നാം രോഗി​ക​ളാ​വു​ക​യോ നമുക്കു തിരി​ച്ചെ​ടു​ക്കാൻ കഴിഞ്ഞി​രു​ന്നെ​ങ്കിൽ എന്നാശി​ച്ചു​പോ​കുന്ന ഹാനി​ക​ര​മായ എന്തെങ്കി​ലും പറയു​ക​യോ ചെയ്യു​മ്പോൾ നാം അവകാ​ശ​പ്പെ​ടു​ത്തിയ കടത്തിന്റെ ഫലങ്ങൾ—മനുഷ്യാ​പൂർണത—നമുക്ക്‌ അനുഭ​വ​പ്പെ​ടു​ക​യാണ്‌. (റോമർ 7:21-25) നമ്മുടെ ഏക പ്രത്യാശ ആദാം നഷ്ടപ്പെ​ടു​ത്തി​യതു വീണ്ടും നേടു​ന്ന​തി​ലാ​ണു സ്ഥിതി​ചെ​യ്യു​ന്നത്‌. എന്നിരു​ന്നാ​ലും, നമുക്കു പൂർണ മനുഷ്യ​ജീ​വൻ നേടി​യെ​ടു​ക്കുക സാധ്യമല്ല. അപൂർണ​മ​നു​ഷ്യ​രെ​ല്ലാം പാപം​ചെ​യ്യു​ന്ന​തു​കൊ​ണ്ടു നമ്മളെ​ല്ലാം സമ്പാദി​ക്കു​ന്നതു മരണമാണ്‌, ജീവനല്ല.—റോമർ 6:23.

10. ആദാം നഷ്ടപ്പെ​ടു​ത്തി​യതു തിരികെ വാങ്ങാൻ ആവശ്യ​മാ​യി​രു​ന്നത്‌ എന്ത്‌?

¹⁰ എന്നിരു​ന്നാ​ലും, ആദാം നഷ്ടപ്പെ​ടു​ത്തിയ ജീവനു പകരമാ​യി എന്തെങ്കി​ലും അർപ്പി​ക്കാൻ കഴിയു​മോ? “ജീവന്നു പകരം ജീവൻ” എന്നവിധം ദൈവ​ത്തി​ന്റെ നീതി​പ്ര​മാ​ണം സമതു​ലനം ആവശ്യ​പ്പെ​ടു​ന്നു. (പുറപ്പാ​ടു 21:23) അതു​കൊ​ണ്ടു നഷ്ടപ്പെട്ട ജീവന്റെ വില ഒടുക്കു​ന്ന​തിന്‌ ഒരു ജീവൻ അർപ്പി​ക്ക​ണ​മാ​യി​രു​ന്നു. ഏതെങ്കി​ലും ജീവൻ മതിയാ​ക​യി​ല്ലാ​യി​രു​ന്നു. അപൂർണ മനുഷ്യ​രെ​ക്കു​റി​ച്ചു സങ്കീർത്തനം 49:8, 9 ഇങ്ങനെ പറയുന്നു: “അവനെ വീണ്ടെ​ടു​പ്പാ​നോ ദൈവ​ത്തി​ന്നു വീണ്ടെ​ടു​പ്പു​വില കൊടു​പ്പാ​നോ ആർക്കും കഴിക​യില്ല. അവരുടെ പ്രാണന്റെ വീണ്ടെ​ടു​പ്പു വില​യേ​റി​യതു.” അതു​കൊ​ണ്ടു സാഹച​ര്യം ആശയറ​റ​താ​ണോ? തീർച്ച​യാ​യും അല്ല.

11. (എ) എബ്രാ​യ​യിൽ “മറുവില” എന്ന പദം എന്തിനെ അർഥമാ​ക്കു​ന്നു? (ബി) മനുഷ്യ​വർഗത്തെ ആർക്കു​മാ​ത്രമേ വീണ്ടെ​ടു​ക്കാൻ കഴിയു​മാ​യി​രു​ന്നു​ളളു, എന്തു​കൊണ്ട്‌?

¹¹ എബ്രായ ഭാഷയിൽ “മറുവില” എന്ന പദം ഒരു ബന്ദിയെ വീണ്ടെ​ടു​ക്കു​ന്ന​തി​നു കൊടു​ക്കുന്ന തുകയെ അർഥമാ​ക്കു​ന്നു, തുല്യ​ത​യെ​യും അതു സൂചി​പ്പി​ക്കു​ന്നു. ആദാം നഷ്ടപ്പെ​ടു​ത്തി​യ​തി​നു തുല്യ​മാ​യത്‌ അർപ്പി​ക്കാൻ പൂർണ മനുഷ്യ​ജീ​വൻ ഉളള ഒരു മനുഷ്യ​നു മാത്രമേ കഴിയു​മാ​യി​രു​ന്നു​ളളു. ആദാമി​നു​ശേഷം ഭൂമി​യിൽ ജനിച്ച ഏക പൂർണ മനുഷ്യൻ യേശു​ക്രി​സ്‌തു ആയിരു​ന്നു. അതു​കൊ​ണ്ടു ബൈബിൾ യേശു​വി​നെ “ഒടുക്കത്തെ ആദാം” എന്നു വിളി​ക്കു​ക​യും ക്രിസ്‌തു “എല്ലാവർക്കും​വേണ്ടി മറുവി​ല​യാ​യി തന്നെത്താൻ കൊടു”ത്തുവെന്നു നമുക്ക്‌ ഉറപ്പു​നൽകു​ക​യും ചെയ്യുന്നു. (1 കൊരി​ന്ത്യർ 15:45; 1 തിമൊ​ഥെ​യൊസ്‌ 2:5, 6) ആദാം തന്റെ മക്കളി​ലേക്കു മരണം കൈമാ​റി​യ​പ്പോൾ, യേശു കൈമാ​റി​ത്ത​രു​ന്നത്‌ നിത്യ​ജീ​വ​നാണ്‌. “ആദാമിൽ എല്ലാവ​രും മരിക്കു​ന്ന​തു​പോ​ലെ ക്രിസ്‌തു​വിൽ എല്ലാവ​രും ജീവി​പ്പി​ക്ക​പ്പെ​ടും” എന്ന്‌ 1 കൊരി​ന്ത്യർ 15:22 വിശദീ​ക​രി​ക്കു​ന്നു. അപ്പോൾ യേശു​ക്രി​സ്‌തു “നിത്യ​പി​താവ്‌” എന്ന്‌ ഉചിത​മാ​യി വിളി​ക്ക​പ്പെ​ടു​ന്നു.—യെശയ്യാ​വു 9:6, 7.

മറുവില കൊടുത്ത വിധം

12. യേശു എപ്പോൾ മിശിഹാ ആയിത്തീർന്നു, അവൻ അതിനു​ശേഷം ഏതു ജീവി​ത​ഗതി പിന്തു​ടർന്നു?

¹² പൊ.യു. 29-ലെ ശരത്‌കാ​ലത്തു സ്‌നാ​പ​ന​മേൽക്കാ​നും അങ്ങനെ ദൈ​വേഷ്ടം നിറ​വേ​റ​റാൻ തന്നേത്തന്നെ ഏല്‌പി​ച്ചു​കൊ​ടു​ക്കാ​നു​മാ​യി യേശു തന്റെ ബന്ധുവായ യോഹ​ന്നാ​ന്റെ അടുക്ക​ലേക്കു പോയി. ആ അവസര​ത്തിൽ യഹോവ യേശു​വി​നെ പരിശു​ദ്ധാ​ത്മാ​വു​കൊണ്ട്‌ അഭി​ഷേ​കം​ചെ​യ്‌തു. അങ്ങനെ യേശു ദൈവ​ത്താൽ അഭി​ഷേകം ചെയ്യ​പ്പെ​ട്ടവൻ അഥവാ മിശി​ഹാ​യോ ക്രിസ്‌തു​വോ ആയിത്തീർന്നു. (മത്തായി 3:16, 17) പിന്നീടു യേശു തന്റെ മൂന്നര വർഷത്തെ ശുശ്രൂഷ തുടങ്ങി. അവൻ തന്റെ സ്വദേ​ശ​ത്തു​ട​നീ​ളം സഞ്ചരിച്ചു ദൈവ​രാ​ജ്യ​ത്തെ​ക്കു​റി​ച്ചു പ്രസം​ഗി​ക്കു​ക​യും വിശ്വ​സ്‌ത​രായ അനുഗാ​മി​കളെ കൂട്ടി​ച്ചേർക്കു​ക​യും ചെയ്‌തു. എന്നിരു​ന്നാ​ലും മുൻകൂ​ട്ടി പറഞ്ഞി​രു​ന്ന​തു​പോ​ലെ, അവനോ​ടു​ളള എതിർപ്പു പെട്ടെന്നു വർധി​ക്കു​ക​യു​ണ്ടാ​യി.—സങ്കീർത്തനം 118:22; പ്രവൃ​ത്തി​കൾ 4:8-11.

13. ഏതു സംഭവങ്ങൾ ഒരു നിർമ​ല​താ​പാ​ല​ക​നാ​യു​ളള യേശു​വി​ന്റെ മരണത്തി​ലേക്കു നയിച്ചു?

¹³ യേശു സധൈ​ര്യം മതനേ​താ​ക്കൻമാ​രു​ടെ കപടഭക്തി തുറന്നു​കാ​ട്ടി. അവർ അവനെ വകവരു​ത്താൻ ശ്രമിച്ചു. അവർ ഒടുവിൽ ഒററി​ക്കൊ​ടു​ക്ക​ലും അനുചി​ത​മായ അറസ്‌റ​റും നിയമ​ര​ഹി​ത​മായ വിസ്‌താ​ര​വും രാജ​ദ്രോ​ഹ​ത്തി​ന്റെ ഒരു വ്യാജാ​രോ​പ​ണ​വും ഉൾപ്പെ​ട്ടി​രുന്ന ഒരു ഹീനമായ തന്ത്രം മെന​ഞ്ഞെ​ടു​ത്തു. യേശു​വി​നെ അടിക്കു​ക​യും തുപ്പു​ക​യും പരിഹ​സി​ക്കു​ക​യും അവന്റെ മാംസം പറിഞ്ഞു​പോ​കുന്ന വിധം ചാട്ട​കൊ​ണ്ടു പ്രഹരി​ക്കു​ക​യും ചെയ്‌തു. പിന്നീട്‌ റോമൻ ഗവർണ​റായ പൊന്തി​യോസ്‌ പീലാ​ത്തോസ്‌ അവനെ ദണ്ഡനസ്‌തം​ഭ​ത്തി​ലെ മരണത്തി​നു വിധിച്ചു. അവനെ ഒരു മരസ്‌തം​ഭ​ത്തിൽ തറയ്‌ക്കു​ക​യും അവിടെ ലംബമാ​യി തൂക്കു​ക​യും ചെയ്‌തു. ഓരോ ശ്വാ​സോ​ച്ഛ്വാ​സ​വും വേദനാ​ജ​ന​ക​മാ​യി​രു​ന്നു; അവൻ മരിക്കു​ന്ന​തി​നു മണിക്കൂ​റു​കൾ എടുത്തു. ആ യാതനാ​സ​മ​യ​ത്തെ​ല്ലാം യേശു ദൈവ​ത്തോ​ടു പൂർണ​മായ നിർമലത പാലിച്ചു.

14. തന്റെ പുത്രൻ കഷ്ടപ്പെ​ടാ​നും മരിക്കാ​നും ദൈവം അനുവ​ദി​ച്ചത്‌ എന്തു​കൊണ്ട്‌?

¹⁴ അങ്ങനെ, പൊ.യു. 33-ലെ നീസാൻ 14-ാം തീയതി​യാ​യി​രു​ന്നു യേശു “അനേകർക്കു​വേണ്ടി തന്റെ ജീവനെ മറുവി​ല​യാ​യി” കൊടു​ത്തത്‌. (മർക്കൊസ്‌ 10:45; 1 തിമൊ​ഥെ​യൊസ്‌ 2:5, 6) തന്റെ പ്രിയ​പു​ത്രൻ കഷ്ടപ്പെ​ടു​ന്ന​തും മരിക്കു​ന്ന​തും യഹോ​വക്കു സ്വർഗ​ത്തിൽനി​ന്നു കാണാൻ കഴിയു​മാ​യി​രു​ന്നു. അത്തര​മൊ​രു ഭയങ്കര​സം​ഗതി സംഭവി​ക്കാൻ ദൈവം അനുവ​ദി​ച്ചത്‌ എന്തു​കൊ​ണ്ടാ​യി​രു​ന്നു? അവൻ മനുഷ്യ​വർഗത്തെ സ്‌നേ​ഹി​ച്ച​തു​കൊ​ണ്ടാണ്‌ അങ്ങനെ ചെയ്‌തത്‌. യേശു പറഞ്ഞു: “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം ലോകത്തെ സ്‌നേ​ഹി​ച്ചു.” (യോഹ​ന്നാൻ 3:16) യഹോവ പൂർണ​നീ​തി​യു​ളള ഒരു ദൈവ​മാ​ണെ​ന്നും യേശു​വി​ന്റെ മരണം നമ്മെ പഠിപ്പി​ക്കു​ന്നു. (ആവർത്ത​ന​പു​സ്‌തകം 32:4) ജീവനു പകരം ജീവൻ ആവശ്യ​പ്പെട്ട തന്റെ നീതി​യു​ടെ പ്രമാണം ദൈവം വിട്ടു​ക​ള​ക​യും ആദാമി​ന്റെ പാപഗ​തി​യു​ടെ വിലയെ അവഗണി​ക്കു​ക​യും ചെയ്യാ​ഞ്ഞത്‌ എന്തു​കൊ​ണ്ടെന്നു ചിലർ അതിശ​യി​ച്ചേ​ക്കാം. അതിന്റെ കാരണം യഹോവ എല്ലായ്‌പോ​ഴും തന്റെ നിയമങ്ങൾ അനുസ​രി​ച്ചു പ്രവർത്തി​ക്കു​ക​യും തനിക്കു​തന്നെ വലിയ നഷ്ടം വന്നാൽപ്പോ​ലും അവയെ ഉയർത്തി​പ്പി​ടി​ക്കു​ക​യും ചെയ്യുന്നു എന്നതാണ്‌.

15. യേശു​വി​ന്റെ അസ്‌തി​ത്വം സ്ഥിരമാ​യി അവസാ​നി​ക്കു​ന്നത്‌ അനീതി ആയിരി​ക്കു​മാ​യി​രു​ന്ന​തു​കൊണ്ട്‌, യഹോവ എന്തു ചെയ്‌തു?

¹⁵ യേശു​വി​ന്റെ മരണത്തിന്‌ ഒരു സന്തുഷ്ട​ഫലം ഉണ്ടാക​ണ​മെ​ന്നും യഹോ​വ​യു​ടെ നീതി ആവശ്യ​പ്പെട്ടു. ഏതായാ​ലും, വിശ്വ​സ്‌ത​നായ യേശു എന്നേക്കും മരണനി​ദ്ര​യി​ലി​രി​ക്കു​ന്ന​തിൽ നീതി ഉണ്ടായി​രി​ക്കു​മോ? തീർച്ച​യാ​യും ഇല്ല! ദൈവ​ത്തി​ന്റെ വിശ്വ​സ്‌തൻ ശവക്കു​ഴി​യിൽ തുടരു​ക​യി​ല്ലെന്ന്‌ എബ്രായ തിരു​വെ​ഴു​ത്തു​കൾ പ്രവചി​ച്ചി​രു​ന്നു. (സങ്കീർത്തനം 16:10; പ്രവൃ​ത്തി​കൾ 13:35) അവൻ മൂന്നു ദിവസ​ങ്ങ​ളു​ടെ ഭാഗങ്ങ​ളിൽ മരണത്തിൽ നിദ്ര​കൊ​ണ്ടു; പിന്നെ യഹോ​വ​യാം ദൈവം അവനെ ശക്തനായ ഒരു ആത്മജീവി എന്നനി​ല​യി​ലു​ളള ജീവി​ത​ത്തി​ലേക്കു പുനരു​ത്ഥാ​ന​പ്പെ​ടു​ത്തി.—1 പത്രൊസ്‌ 3:18.

16. സ്വർഗ​ത്തി​ലേക്കു മടങ്ങി​പ്പോ​യ​പ്പോൾ യേശു എന്തു ചെയ്‌തു?

¹⁶ യേശു മരണത്തി​ങ്കൽ തന്റെ മനുഷ്യ ജീവനെ എന്നേക്കു​മാ​യി വെച്ചു​കൊ​ടു​ത്തു. സ്വർഗ​ത്തി​ലെ ജീവി​ത​ത്തി​ലേക്ക്‌ ഉയിർപ്പി​ക്ക​പ്പെ​ട്ട​പ്പോൾ അവൻ ജീവദാ​താ​വായ ഒരു ആത്മാവാ​യി​ത്തീർന്നു. മാത്ര​വു​മല്ല, യേശു അഖിലാ​ണ്ഡ​ത്തി​ലെ അതിപ​രി​ശുദ്ധ സ്ഥലത്തേക്ക്‌ ആരോ​ഹ​ണം​ചെ​യ്‌ത​പ്പോൾ, അവൻ തന്റെ പ്രിയ പിതാ​വി​നോ​ടു വീണ്ടും ചേരു​ക​യും ഔപചാ​രി​ക​മാ​യി തന്റെ പൂർണ മാനു​ഷ​ജീ​വന്റെ മൂല്യം അവന്‌ കാഴ്‌ച​വെ​ക്കു​ക​യും ചെയ്‌തു. (എബ്രായർ 9:23-28) അപ്പോൾ ആ വില​യേ​റിയ ജീവന്റെ മൂല്യം അനുസ​ര​ണ​മു​ളള മനുഷ്യ​വർഗ​ത്തി​നു​വേണ്ടി പ്രയോ​ഗി​ക്കാൻ കഴിയു​മാ​യി​രു​ന്നു. അതു നിങ്ങളെ സംബന്ധിച്ച്‌ എന്തർഥ​മാ​ക്കു​ന്നു?

ക്രിസ്‌തു​വി​ന്റെ മറുവി​ല​യും നിങ്ങളും

17. നമുക്കു ക്രിസ്‌തു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ എങ്ങനെ പാപ​മോ​ചനം നേടാം?

¹⁷ ക്രിസ്‌തു​വി​ന്റെ മറുവി​ല​യാ​ഗം ഇപ്പോൾപ്പോ​ലും നിങ്ങൾക്കു പ്രയോ​ജ​നം​ചെ​യ്യുന്ന മൂന്നു വിധങ്ങൾ പരിചി​ന്തി​ക്കുക. ഒന്നാമത്‌, അതു പാപങ്ങ​ളു​ടെ മോചനം കൈവ​രു​ത്തു​ന്നു. യേശു​വി​ന്റെ ചൊരി​യ​പ്പെട്ട രക്തത്തി​ലു​ളള വിശ്വാ​സ​ത്താൽ നമുക്കു “വീണ്ടെ​ടു​പ്പു” ഉണ്ട്‌, അതേ ‘അതി​ക്ര​മ​ങ്ങ​ളു​ടെ മോചനം’ ഉണ്ട്‌. (എഫെസ്യർ 1:7) അതു​കൊ​ണ്ടു നാം ഗൗരവ​മായ ഒരു പാപം ചെയ്‌തി​രി​ക്കു​ന്നു​വെ​ങ്കിൽപ്പോ​ലും യേശു​വി​ന്റെ നാമത്തിൽ നമുക്കു ദൈവ​ത്തോ​ടു ക്ഷമക്കായി യാചി​ക്കാൻ കഴിയും. നാം യഥാർഥ​ത്തിൽ അനുതാ​പ​മു​ള​ള​വ​രാ​ണെ​ങ്കിൽ, യഹോവ തന്റെ പുത്രന്റെ മറുവി​ല​യാ​ഗ​ത്തി​ന്റെ മൂല്യം നമുക്കു പകർന്നു​ത​രു​ന്നു. നാം പാപം​ചെ​യ്‌തു​കൊ​ണ്ടു വരുത്തി​ക്കൂ​ട്ടുന്ന മരണമാ​കുന്ന പിഴ നിർബ​ന്ധ​മാ​യി ആവശ്യ​പ്പെ​ടു​ന്ന​തി​നു പകരം ഒരു നല്ല മനഃസാ​ക്ഷി​യു​ടെ അനു​ഗ്രഹം നമുക്കു നൽകി​ക്കൊ​ണ്ടു ദൈവം നമ്മോടു ക്ഷമിക്കു​ന്നു.—പ്രവൃ​ത്തി​കൾ 3:19; 1 പത്രൊസ്‌ 3:21.

18. യേശു​വി​ന്റെ യാഗം ഏതു വിധത്തിൽ നമുക്കു പ്രത്യാശ നൽകുന്നു?

¹⁸ രണ്ടാമത്‌, ക്രിസ്‌തു​വി​ന്റെ മറുവി​ല​യാ​ഗം നമ്മുടെ ഭാവി​ക്കു​വേ​ണ്ടി​യു​ളള പ്രത്യാ​ശ​യു​ടെ അടിസ്ഥാ​നം നൽകുന്നു. ദർശന​ത്തിൽ, അപ്പോ​സ്‌ത​ല​നായ യോഹ​ന്നാൻ “ആർക്കും എണ്ണിക്കൂ​ടാത്ത ഒരു മഹാപു​രു​ഷാ​രം” ഈ വ്യവസ്ഥി​തി​യു​ടെ വിപത്‌ക​ര​മായ അന്തത്തെ അതിജീ​വി​ക്കു​മെന്നു കണ്ടു. മററ​നേ​കരെ ദൈവം നശിപ്പി​ക്കു​മ്പോൾ അവർ അതിജീ​വി​ക്കു​ന്നത്‌ എന്തു​കൊണ്ട്‌? ഈ മഹാപു​രു​ഷാ​രം യേശു​ക്രി​സ്‌തു​വാ​കുന്ന “കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി വെളു​പ്പി​ച്ചി​രി​ക്കു​ന്നു” എന്ന്‌ ഒരു ദൂതൻ യോഹ​ന്നാ​നോ​ടു പറഞ്ഞു. (വെളി​പ്പാ​ടു 7:9, 14) നാം യേശു​ക്രി​സ്‌തു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സ​മർപ്പി​ക്കു​ക​യും ദിവ്യ വ്യവസ്ഥ​കൾക്കു ചേർച്ച​യിൽ ജീവി​ക്കു​ക​യും ചെയ്യു​ന്ന​ട​ത്തോ​ളം കാലം നാം ദൈവ​ദൃ​ഷ്ടി​യിൽ ശുദ്ധരാ​യി​രി​ക്കും, നിത്യ​ജീ​വന്റെ പ്രത്യാ​ശ​യും ഉളളവ​രാ​യി​രി​ക്കും.

19. ക്രിസ്‌തു​വും അവന്റെ പിതാ​വും നിങ്ങളെ സ്‌നേ​ഹി​ക്കു​ന്നു​വെന്ന്‌ അവന്റെ ബലി എങ്ങനെ തെളി​യി​ക്കു​ന്നു?

¹⁹ മൂന്നാ​മ​താ​യി, മറുവി​ല​യാ​ഗം യഹോ​വ​യു​ടെ സ്‌നേ​ഹ​ത്തി​ന്റെ ആത്യന്തി​ക​മായ തെളിവ്‌ ആണ്‌. ക്രിസ്‌തു​വി​ന്റെ മരണം അഖിലാണ്ഡ ചരി​ത്ര​ത്തി​ലെ ഏററവും വലിയ രണ്ടു സ്‌നേ​ഹ​പ്ര​ക​ട​ന​ങ്ങ​ളു​ടെ മൂർത്ത​രൂ​പ​മാ​യി​രു​ന്നു: (1) നമുക്കു​വേണ്ടി മരിക്കാൻ തന്റെ പുത്രനെ അയച്ചതി​ലു​ളള ദൈവ​സ്‌നേഹം; (2) ഒരു മറുവി​ല​യാ​യി തന്നേത്തന്നെ മനസ്സോ​ടെ അർപ്പി​ച്ച​തി​ലു​ളള യേശു​വി​ന്റെ സ്‌നേഹം. (യോഹ​ന്നാൻ 15:13; റോമർ 5:8) നാം സത്യമാ​യി വിശ്വാ​സം പ്രകട​മാ​ക്കു​ക​യാ​ണെ​ങ്കിൽ, ഈ സ്‌നേഹം നമ്മിൽ ഓരോ​രു​ത്തർക്കും ബാധക​മാ​കു​ന്നു. ‘ദൈവ​പു​ത്രൻ എന്നെ സ്‌നേ​ഹി​ച്ചു എനിക്കു​വേണ്ടി തന്നെത്താൻ ഏല്‌പി​ച്ചു​കൊ​ടു​ത്തു’ എന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു.—ഗലാത്യർ 2:20; എബ്രായർ 2:9; 1 യോഹ​ന്നാൻ 4:9, 10.

20. നാം യേശു​വി​ന്റെ മറുവി​ല​യാ​ഗ​ത്തിൽ വിശ്വാ​സം അർപ്പി​ക്കേ​ണ്ടത്‌ എന്തു​കൊണ്ട്‌?

²⁰ അതു​കൊണ്ട്‌, ദൈവ​വും ക്രിസ്‌തു​വും പ്രദർശി​പ്പിച്ച സ്‌നേ​ഹ​ത്തോട്‌, യേശു​വി​ന്റെ മറുവി​ല​യാ​ഗ​ത്തിൽ വിശ്വാ​സം അർപ്പി​ച്ചു​കൊ​ണ്ടു നമുക്കു നന്ദി പ്രകട​മാ​ക്കാം. അങ്ങനെ ചെയ്യു​ന്നതു നിത്യ​ജീ​വ​നി​ലേക്കു നയിക്കു​ന്നു. (യോഹ​ന്നാൻ 3:36) എന്നിരു​ന്നാ​ലും യേശു​വി​ന്റെ ഭൂമി​യി​ലെ ജീവി​ത​ത്തി​ന്റെ​യും മരണത്തി​ന്റെ​യും ഏററവും പ്രധാ​ന​പ്പെട്ട ഉദ്ദേശ്യ​ല​ക്ഷ്യം നമ്മുടെ രക്ഷയല്ല. അല്ല, അവന്റെ മുഖ്യ താത്‌പ​ര്യം അതിലും വലിയ ഒരു വാദവി​ഷ​യ​മാ​യി​രു​ന്നു, സാർവ​ത്രി​ക​മായ ഒന്നുതന്നെ. നാം അടുത്ത അധ്യാ​യ​ത്തിൽ കാണാൻ പോകു​ന്ന​തു​പോ​ലെ, ആ വാദവി​ഷയം നമു​ക്കെ​ല്ലാം ബാധക​മാണ്‌, എന്തു​കൊ​ണ്ടെ​ന്നാൽ ദൈവം ഈ ലോക​ത്തിൽ ഇത്രകാ​ലം ദുഷ്ടത​യും കഷ്ടപ്പാ​ടും നീണ്ടു​നിൽക്കാൻ അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടാ​ണെന്ന്‌ അതു വ്യക്തമാ​ക്കു​ന്നു.

നിങ്ങളുടെ പരിജ്ഞാ​നം പരി​ശോ​ധി​ക്കു​ക

മനുഷ്യവർഗത്തെ രക്ഷിക്കാൻ യേശു മരി​ക്കേ​ണ്ടി​യി​രു​ന്നത്‌ എന്തു​കൊണ്ട്‌?

മറുവില കൊടു​ക്ക​പ്പെ​ട്ടത്‌ എങ്ങനെ​യാ​യി​രു​ന്നു?

നിങ്ങൾക്ക്‌ ഏതു വിധങ്ങ​ളിൽ മറുവി​ല​യിൽനി​ന്നു പ്രയോ​ജനം കിട്ടുന്നു?

[67-ാം പേജ്‌ നിറ​യെ​യുള്ള ചിത്രം]