ഭവനഅ​ധ്യാ​പനം അതു നിങ്ങൾക്കു​ള്ള​തോ?

“ദേശീയ പ്രസ്ഥാ​ന​മാ​യി​ത്തീർന്നി​രി​ക്കുന്ന ഒരു അസാമാ​ന്യ​ശീ​ലം.” അങ്ങനെ​യാ​ണു ഐക്യ​നാ​ടു​ക​ളി​ലെ ഭവന അധ്യാ​പ​നത്തെ അടുത്ത​യി​ടെ ടൈം മാസിക വർണി​ച്ചത്‌—ഒരു കുട്ടിക്കു ലഭിക്കാ​വുന്ന ഏററവും നല്ല വിദ്യാ​ഭ്യാ​സം ലഭ്യമാ​യി​രി​ക്കു​ന്നതു പരമ്പരാ​ഗ​ത​മായ ക്ലാസ്സ്‌മു​റി​യി​ലല്ല മറിച്ച്‌, അവന്റെ​യോ അവളു​ടെ​യോ സ്വന്തം മുറി​യി​ലാണ്‌ എന്നു വിശ്വ​സി​ക്കുന്ന മാതാ​പി​താ​ക്കൾ പിന്തു​ണ​ക്കുന്ന വളർന്നു​വ​രുന്ന ഒരു പ്രവണത തന്നെ.

ചിലർ ഇപ്പോ​ഴും അതിനെ അസാമാ​ന്യ​ശീ​ല​മോ വിപ്ലവാ​ത്മകം പോലു​മോ ആയി വീക്ഷി​ക്കു​ന്നു​ണ്ടെ​ങ്കി​ലും ഭവന അധ്യാ​പനം ഓരോ വർഷവും കൂടുതൽ പിന്തു​ണ​ക്കാ​രെ നേടുന്നു. ഭവന അധ്യാ​പനം നടത്തു​ന്ന​വ​രു​ടെ എണ്ണം 1970-ലെ ഏതാണ്ട്‌ 15,000-ത്തിൽ നിന്ന്‌ 1990-ൽ 5,00,000 ആയി വർധി​ച്ച​താ​യി ഗവേഷകർ പറയുന്നു. ഐക്യ​നാ​ടു​ക​ളി​ലെ പത്തുല​ക്ഷ​ത്തി​ല​ധി​കം കുടും​ബങ്ങൾ ഇപ്പോൾ തങ്ങളുടെ കുട്ടി​കളെ വീട്ടി​ലി​രു​ത്തി പഠിപ്പി​ക്കു​ന്നു​ണ്ടെന്നു ചില ഭവന അധ്യാപന പിന്തു​ണ​ക്കാർ അവകാ​ശ​പ്പെ​ടു​ന്നു.

ഭവന അധ്യാ​പനം നടത്തു​ന്ന​വരെ പിന്താ​ങ്ങുന്ന സംഘങ്ങൾ ആസ്‌​ട്രേ​ലിയ, കാനഡ, ഇംഗ്ലണ്ട്‌, ജർമനി, ജപ്പാൻ, ന്യൂസി​ലൻഡ്‌ എന്നിവി​ട​ങ്ങ​ളി​ലും പെട്ടെന്നു പ്രത്യ​ക്ഷ​പ്പെ​ട്ടി​രി​ക്കു​ന്നു, ഭവന അധ്യാ​പ​ന​ത്തി​ലുള്ള താത്‌പ​ര്യം ആഗോ​ള​മാ​യി വ്യാപി​ക്കു​ക​യാ​ണെന്നു സൂചി​പ്പി​ച്ചു​കൊ​ണ്ടു​തന്നെ.

തങ്ങളുടെ കുട്ടി​കളെ വീട്ടി​ലി​രു​ത്തി പഠിപ്പി​ക്കാ​മെന്ന്‌ അനേകം മാതാ​പി​താ​ക്ക​ളും തീരു​മാ​നി​ക്കു​ന്നത്‌ എന്തു​കൊ​ണ്ടാണ്‌? ഭവന അധ്യാ​പനം എത്ര ഫലപ്ര​ദ​മാണ്‌? നിങ്ങളു​ടെ കുടും​ബ​ത്തി​നു​വേണ്ടി പരിഗ​ണി​ക്കാൻ തക്ക മൂല്യ​മുള്ള ഒരു തിര​ഞ്ഞെ​ടു​പ്പാ​ണോ ഇത്‌?

ഭവന അധ്യാ​പനം അതിന്റെ അടിസ്ഥാന സങ്കല്‌പ​ത്തിൽ അതു തോന്നി​ക്കു​ന്ന​തു​പോ​ലെ അത്ര പുതി​യതല്ല. “വിദ്യാ​ല​യമല്ല ഭവനമാ​യി​രു​ന്നു ഏററവും ആദ്യത്തെ വിദ്യാ​ഭ്യാ​സ സമ്പ്രദാ​യം” എന്ന്‌ റെയ്‌മ​ണ്ടും ഡൊരത്തി മൂറും തങ്ങളുടെ ഹോം-സ്‌പൺ സ്‌കൂൾസ്‌ എന്ന പുസ്‌ത​ക​ത്തിൽ അഭി​പ്രാ​യ​പ്പെ​ടു​ന്നു. “കഴിഞ്ഞ നൂററാ​ണ്ടു​വരെ, സ്‌കൂ​ളിൽ പോയി​രുന്ന മിക്ക കുട്ടി​ക​ളും പന്ത്രണ്ടു വയസ്സി​ലോ അതിനു​ശേ​ഷ​മോ ആണു പോയി​ത്തു​ട​ങ്ങി​യത്‌.”

ജോർജ്‌ വാഷി​ങ്‌ടൺ, എബ്രാഹം ലിങ്കൺ, തോമസ്‌ ജെഫേ​ഴ്‌സൺ, തോമസ്‌ എഡിസൺ, ആൽബർട്ട്‌ ഐൻസ്‌റ​റീൻ എന്നീ ശ്രദ്ധേ​യ​രായ വ്യക്തികൾ വീട്ടി​ലി​രു​ന്നാ​ണു പഠിച്ചത്‌. വാസ്‌ത​വ​ത്തിൽ, 19-ാം നൂററാ​ണ്ടി​ന്റെ അവസാ​നം​വരെ ഐക്യ​നാ​ടു​ക​ളിൽ നിർബ​ന്ധിത സ്‌കൂൾ ഹാജരാ​കൽ നിയമങ്ങൾ പ്രയോ​ഗ​ത്തിൽ കൊണ്ടു​വ​ന്നി​ട്ടി​ല്ലാ​യി​രു​ന്നു. അതു​കൊണ്ട്‌ ഗ്രന്ഥകാ​രി​യും ഭവന അധ്യാ​പനം നടത്തുന്ന മാതാ​വു​മായ കെയ്‌റി ബെന്നററ്‌ വില്യം​സൺ പറയു​ന്ന​ത​നു​സ​രി​ച്ചു ഭവന അധ്യാ​പനം സമീപ​വർഷ​ങ്ങ​ളി​ലെ ഒരു ഭ്രമം അല്ല, മറിച്ച്‌ “ഒരു പഴയ വിദ്യാ​ഭ്യാ​സ നിലവാര”മാണ്‌. തീർച്ച​യാ​യും, ഭവന അധ്യാ​പനം ബൈബിൾ കാലങ്ങ​ളി​ലെ മിക്കയാ​ളു​ക​ളു​ടെ​യും നിലവാ​രം ആയിരു​ന്നു.

അവർ അതു ചെയ്യു​ന്ന​തി​ന്റെ കാരണം

രസാവ​ഹ​മാ​യി, ഐക്യ​നാ​ടു​ക​ളിൽ ഭവന അധ്യാ​പനം നടത്തുന്ന 50മുതൽ 90വരെ ശതമാനം മാതാ​പി​താ​ക്കൾ മതപര​മായ കാരണ​ങ്ങ​ളാൽ അതു ചെയ്യു​ന്നു​വെന്നു നാഷനൽ കത്തോ​ലിക്ക്‌ റിപ്പോർട്ടർ കണക്കാ​ക്കു​ന്നു. ഈ മാതാ​പി​താ​ക്കൾ സ്‌കൂ​ളു​ക​ളിൽ തങ്ങൾ കാണുന്ന നിരീ​ശ്വ​ര​വാദ സ്വാധീ​നങ്ങൾ പോലു​ള്ള​തിൽനി​ന്നു തങ്ങളുടെ കുട്ടി​കളെ സംരക്ഷി​ക്കു​ന്ന​തി​നെ​ക്കു​റി​ച്ചു പൊതു​വെ ചിന്തയു​ള്ള​വ​രാണ്‌. “ക്ലാസ്സ്‌മു​റി​യിൽ മതം അധി​ക്ഷേ​പി​ക്ക​പ്പെ​ടു​ക​യോ അവഗണി​ക്ക​പ്പെ​ടു​ക​യോ ചെയ്യു​ന്നു​വെന്നു വിശ്വ​സി​ക്കുന്ന ക്രിസ്‌തീയ യാഥാ​സ്ഥി​തിക സമുദാ​യ​മാണ്‌ ഭവന വിദ്യാ​ലയ പ്രസ്ഥാ​ന​ത്തി​ന്റെ നട്ടെല്ല്‌” എന്നു ടൈം മാസിക പറഞ്ഞു.

ചെറു​പ്പ​ത്തിൽ അപകട​ക​ര​മായ അധാർമിക സ്വാധീ​ന​ത്തി​നു വിധേ​യ​രാ​കു​ന്ന​തിൽനി​ന്നു സംരക്ഷി​ക്കു​ന്ന​തി​നു മററു​ചില മാതാ​പി​താ​ക്കൾ തങ്ങളുടെ കുട്ടി​കളെ പൊതു​വി​ദ്യാ​ല​യ​ങ്ങ​ളിൽനി​ന്നു മാററി​യി​രി​ക്കു​ന്നു. “വിദ്യാ​ല​യ​ങ്ങ​ളി​ലെ അധാർമി​കത നിമിത്തം കാര്യങ്ങൾ നിയ​ന്ത്ര​ണാ​തീ​ത​മാ​കു​ക​യാ​യി​രു​ന്നു” എന്ന്‌ ഒരു ക്രിസ്‌തീയ മനുഷ്യൻ പറഞ്ഞു, അദ്ദേഹ​വും ഭാര്യ​യും തങ്ങളുടെ കുട്ടി​കളെ വീട്ടി​ലി​രു​ത്തി പഠിപ്പി​ക്കു​മെന്നു അനേക​വർഷം​മു​മ്പു തീരു​മാ​നി​ച്ചി​രു​ന്നു. “ഞങ്ങളുടെ കുട്ടി​ക​ളെ​ക്കു​റി​ച്ചും സ്‌കൂ​ളി​ലെ പരിതാ​പ​ക​ര​മായ അവസ്ഥ​യെ​ക്കു​റി​ച്ചും ഞങ്ങൾ ഉത്‌ക്ക​ണ്‌ഠാ​കു​ല​രാ​യി​രു​ന്നു.”

ചിലസ​മ​യ​ങ്ങ​ളിൽ, മാതാ​പി​താ​ക്കൾ പ്രത്യ​യ​ശാ​സ്‌ത്ര​പ​ര​മായ കാരണ​ങ്ങ​ളെ​ക്കാൾ വിദ്യാ​ഭ്യാ​സ​പ​ര​മായ കാരണ​ങ്ങ​ളാൽ ഭവന അധ്യാ​പനം തിര​ഞ്ഞെ​ടു​ക്കു​ന്നു. പല പൊതു​വി​ദ്യാ​ല​യ​ങ്ങ​ളി​ലും നിലവി​ലുള്ള തിങ്ങി​നി​റഞ്ഞ ക്ലാസ്സ്‌മു​റി​ക​ളാ​ലും തരംതാഴ്‌ന്ന അധ്യയന നിലവാ​ര​ങ്ങ​ളാ​ലും സുരക്ഷാ​പ്ര​ശ്‌ന​ങ്ങ​ളാ​ലും അവർ മടുത്തു​പോ​യി​രി​ക്കു​ന്നു. വിദ്യാ​ല​യ​ത്തി​ലെ പഠിപ്പി​ക്ക​ലി​ന്റെ മിക്ക​പ്പോ​ഴും നിഷ്‌പ്ര​ഭ​മായ ഫലങ്ങളാൽ നിരാ​ശി​ത​രാ​യി​രി​ക്കുന്ന അവർ വ്യക്തി​ഗ​ത​മാ​യി ശ്രദ്ധ​കൊ​ടു​ക്കാൻ കഴിയുന്ന ഭവന അധ്യാ​പ​ന​ത്താൽ തങ്ങളുടെ കുട്ടി​കളെ കൂടുതൽ സഹായി​ക്കാൻ കഴിയു​മെന്നു വിശ്വ​സി​ക്കു​ന്നു.

ഭവന അധ്യാ​പനം ചിലർ ഇഷ്ടപ്പെ​ടു​ന്നത്‌ എന്തു​കൊ​ണ്ടെന്നു വിശദീ​ക​രി​ച്ചു​കൊ​ണ്ടു ഭവന വിദ്യാ​ല​യങ്ങൾ: ഒരു പകരോ​പാ​ധി (Home Schools An Alternative) എന്ന പുസ്‌തകം പറയുന്നു: “[ഭവനത്തിൽ പഠിപ്പി​ക്കുന്ന] മാതാ​പി​താ​ക്കൾക്ക്‌ തങ്ങളുടെ കുട്ടി​ക​ളു​മാ​യി 100% ഉൾപ്പെടൽ ഉണ്ട്‌ . . . അവർക്കു തങ്ങളുടെ സ്വന്തം കുട്ടി​യു​ടെ വിദ്യാ​ഭ്യാ​സ​ത്തി​നു ശ്രദ്ധ കൊടു​ക്കാൻ കഴിയും.”

അതു ഫലപ്ര​ദ​മാ​കു​ന്നു​ണ്ടോ?

വീട്ടിൽ കുട്ടികൾ കൂടുതൽ ഫലപ്ര​ദ​മാ​യി പഠിക്കു​ന്നു​വെന്നു ഭവന അധ്യാ​പ​നത്തെ പിന്തു​ണ​ക്കു​ന്നവർ പറയുന്നു, കാരണം പാഠങ്ങൾ കുടും​ബ​ത്തി​ന്റെ ദൈനം​ദിന പ്രവർത്ത​ന​ത്തി​ന്റെ എല്ലാ വശങ്ങളു​മാ​യി നെയ്‌തു​ചേർത്തി​രി​ക്കു​ന്നു. “അനേകം കുടും​ബ​ങ്ങ​ളും ഒരു കണക്കു പാഠപു​സ്‌ത​കം​കൊ​ണ്ടു തുടങ്ങു​ന്നു, എന്നാൽ ദൈനം​ദിന അനുഭ​വ​ങ്ങ​ളാൽ പാഠങ്ങൾ പഠിക്കാൻ കഴിയു​മെന്ന്‌ അവർ പിന്നീടു കണ്ടെത്തു​ക​യും ചെയ്യുന്നു” എന്ന്‌ സ്‌കൂൾ ലൈ​ബ്രറി ജേർണ​ലിൽ ജെയ്‌ൻ എ. ആവ്‌നർ എഴുതു​ന്നു. സാധനങ്ങൾ വാങ്ങു​ന്ന​തും ചെക്ക്‌ബു​ക്കി​ലെ മിച്ചം പരി​ശോ​ധി​ക്കു​ന്ന​തും പണം കൈകാ​ര്യം ചെയ്യു​ന്നതു ഗ്രഹി​ക്കാൻ വിദ്യാർഥി​കളെ സഹായി​ച്ചേ​ക്കാം, വീടിന്റെ കേടു​പാ​ടു​കൾ പോക്കു​ന്നതു അളവു​സം​ബ​ന്ധിച്ച ഒരു അത്യുത്തമ പാഠാ​വ​ലി​യാണ്‌.”

ഭവന അധ്യാ​പനം എത്ര ഫലപ്ര​ദ​മാ​ണെന്നു തെളി​ഞ്ഞി​രി​ക്കു​ന്നു? ഭവനത്തി​ലി​രു​ന്നു പഠിക്കു​ന്നവർ പ്രാമാ​ണിക വിജ്ഞാന പരീക്ഷ​ക​ളിൽ സാധാ​ര​ണ​മാ​യി ദേശീയ ശരാശ​രി​യോ അതിൽ കൂടു​ത​ലോ ആയ സ്ഥാനങ്ങൾ നേടു​ന്നു​വെന്നു ചില പഠനങ്ങൾ കാണി​ച്ചി​ട്ടുണ്ട്‌. എന്നാൽ അത്തരം ഫലങ്ങൾ, കീഴ്‌ന​ട​പ്പ​നു​സ​രി​ച്ചു സ്‌കൂ​ളു​ക​ളിൽ പഠിക്കുന്ന കുട്ടി​ക​ളെ​ക്കാൾ മെച്ചമായ വിദ്യാ​ഭ്യാ​സം ഭവനത്തി​ലി​രു​ന്നു പഠിക്കു​ന്ന​വർക്കു​ണ്ടെന്ന്‌ അവശ്യം തെളി​യി​ക്കു​ന്നില്ല.

“ഇപ്പോ​ഴത്തെ തെളിവു നിർണാ​യ​കമല്ല” എന്നു ദ ഹോം സ്‌കൂൾ മാനുവൽ പുസ്‌തകം പറയുന്നു. “ഈ പഠനങ്ങ​ളെ​ല്ലാം സംബന്ധിച്ച പ്രാഥ​മിക പ്രശ്‌നം വീട്ടി​ലി​രു​ന്നു പഠിക്കുന്ന അനേക​രു​ടെ പരീക്ഷാ​മാർക്കു​കൾ ഗവേഷ​കർക്കു ലഭ്യമല്ല എന്നതാണ്‌.”

ഭവന വിദ്യാ​ഭ്യാ​സം അധ്യാ​പ​ന​പ​ര​മാ​യി ശ്രേഷ്‌ഠ​മായ വിദ്യാ​ഭ്യാ​സ രീതി​യാണ്‌ എന്നു അന്തിമ​മാ​യി തെളി​യി​ക്കാൻ “പരമാർഥ​ത്തിൽ അനുഭ​വ​ത്തി​ല​ധി​ഷ്‌ഠി​ത​മായ തെളി​വു​കൾ ഒന്നും ലഭ്യമല്ല” എന്നു ദ ഹോം സ്‌കൂൾ മാനുവൽ വിശദീ​ക​രി​ക്കു​ന്നു. “ഭവനത്തിൽ വിദ്യാ​ഭ്യാ​സം ചെയ്യു​ന്നവർ പൊതു​വെ നന്നായി പഠിക്കു​ന്നു​വെ​ങ്കി​ലും ശരിയായ ഗവേഷണ പരിപാ​ടി ഏതു വ്യത്യാ​സ​വും മററു ഘടകങ്ങ​ളാ​ലല്ല എന്നു കാണി​ക്കേണ്ട ആവശ്യ​മുണ്ട്‌.”

അനേകർ ഇപ്പോ​ഴും സംശയാ​ലു​ക്കൾ

ഭവന അധ്യാ​പ​നത്തെ വിമർശി​ക്കു​ന്ന​വ​രു​മുണ്ട്‌. ഭവന അധ്യാപന ശ്രമങ്ങ​ളി​ലൂ​ടെ നൽക​പ്പെ​ടുന്ന തൃപ്‌തി​ക​ര​മ​ല്ലാത്ത ഗുണ​മേൻമ​യോ​ടു​കൂ​ടിയ വിദ്യാ​ഭ്യാ​സ​ത്തെ​ക്കു​റിച്ച്‌ അനേകം സ്‌കൂ​ള​ധി​കാ​രി​കൾ ഉത്‌ക്കണ്‌ഠ പ്രകടി​പ്പി​ച്ചി​ട്ടുണ്ട്‌. ടൈം മാസിക അതിങ്ങനെ പറയുന്നു: “നല്ല ഉദ്ദേശ്യ​ങ്ങൾ സ്വതവെ ഈടുററ വിദ്യാ​ഭ്യാ​സ​ത്തിൽ കലാശി​ക്കു​ന്നില്ല.”

അക്കാര​ണ​ത്താൽ, മാതാ​പി​താ​ക്കൾ തങ്ങളുടെ കുട്ടി​കളെ പഠിപ്പി​ക്കാ​നുള്ള ആസൂ​ത്ര​ണ​ങ്ങ​ളെ​ക്കു​റിച്ച്‌ അറിയി​ക്കു​മ്പോൾ ജില്ലാ വിദ്യാ​ഭ്യാ​സ വിഭാഗം ചിലസ​മ​യ​ങ്ങ​ളിൽ സഹകരി​ക്കാ​തി​രി​ക്കു​ക​യോ എതിർക്കു​ക​പോ​ലു​മോ ചെയ്യുന്നു. ചില ജില്ലാ​വി​ദ്യാ​ഭ്യാ​സ യൂണി​റ​റു​കൾ സമീപ​വർഷ​ങ്ങ​ളിൽ ഭവന അധ്യാ​പനം നടത്തു​ന്ന​വ​രോ​ടു കൂടുതൽ അടുത്തു പ്രവർത്തി​ക്കാൻ ശ്രമി​ക്കവെ മററു​ചില വിദ്യാ​ഭ്യാ​സ അധികാ​രി​കൾ സംശയാ​ലു​ക്ക​ളാ​യി നില​കൊ​ള്ളു​ന്നു. ചില മാതാ​പി​താ​ക്കൾ വേണ്ടത്ര വിദ്യാ​ഭ്യാ​സം പ്രദാനം ചെയ്യു​ന്ന​തിൽ പ്രാപ്‌ത​രാ​യി​രി​ക്കു​ക​യില്ല എന്നു ഭയപ്പെ​ട്ടു​കൊ​ണ്ടു പ്രാഥ​മിക വിദ്യാ​ലയ പ്രിൻസി​പ്പൾമാ​രു​ടെ ദേശീയ സംഘവും ദേശീയ വിദ്യാ​ഭ്യാ​സ സംഘവും (NEA) ഭവന അധ്യാ​പ​ന​ത്തി​നെ​തി​രെ നിലപാ​ടു സ്വീകരിച്ചിരിക്കുന്നു. NEA-യുടെ ഔദ്യോ​ഗിക പ്രസ്‌താ​വന അനുസ​രിച്ച്‌, “ഭവന അധ്യാപന പരിപാ​ടി​കൾക്ക്‌ ഒരു വിദ്യാർഥി​ക്കു സമഗ്ര വിദ്യാ​ഭ്യാ​സ അനുഭവം പ്രദാനം ചെയ്യാൻ കഴിയു​ക​യില്ല.”

നല്ല അധ്യാ​പകർ ആയിരി​ക്കാൻ മാതാ​പി​താ​ക്കൾക്കു കോ​ളെജു സാക്ഷ്യ​പ​ത്രങ്ങൾ ആവശ്യ​മി​ല്ലെന്നു ഭവന അധ്യാ​പ​നത്തെ പിന്തു​ണ​ക്കു​ന്നവർ പറയുന്നു. “കുട്ടി​ക​ളു​ടെ ചോദ്യ​ങ്ങൾക്കു സ്വന്തമാ​യി ഉത്തരം കണ്ടുപി​ടി​ക്കാൻ അവരെ പ്രോ​ത്സാ​ഹി​പ്പി​ക്കു​ന്ന​തി​നു മാതാ​പി​താ​ക്കൾ എല്ലാ ഉത്തരങ്ങ​ളും അറിയേണ്ട ആവശ്യ​മില്ല” എന്നു ഭവന അധ്യാ​പന—ചോദ്യ​ങ്ങൾക്ക്‌ ഉത്തരം നൽകൽ (Home Schooling—Answering Questions) എന്ന പുസ്‌തകം പറയുന്നു. കുട്ടി​കളെ വിഷയ​ത്തി​ന്റെ ഉചിത​മായ ഉറവി​ലേക്കു തിരി​ച്ചു​വി​ടാൻ കഴിയും. മാതാ​പി​താ​ക്കൾക്കും കുട്ടി​കൾക്കും ഒരുമി​ച്ചു പഠിക്കാൻ കഴിയും. ഉന്നതപ​രി​ശീ​ല​ന​മോ വൈദ​ഗ്‌ധ്യ​മോ ആവശ്യ​മു​ള്ളി​ടത്ത്‌ അംശകാ​ലാ​ടി​സ്ഥാ​ന​ത്തിൽ സ്വകാര്യ അധ്യാ​പ​കരെ വേതന വ്യവസ്ഥ​യിൽ നിയമി​ക്കാൻ സാധി​ക്കും.

ഭവനത്തിൽ വിദ്യാ​ഭ്യാ​സം നടത്തിയ വിദ്യാർഥി​കൾ വളരെ ഒററ​പ്പെ​ട്ട​വ​രും സമപ്രാ​യ​ക്കാ​രായ മററു​കു​ട്ടി​ക​ളു​മാ​യി പരസ്‌പര ഇടപഴകൽ ഇല്ലാത്ത​വ​രും ആണെന്നും വിമർശകർ പറയുന്നു. വീണ്ടും, പിന്തു​ണ​ക്കാർ ശക്തമായി നിരസി​ക്കുന്ന ഒരു നിഗമ​ന​മാ​ണിത്‌. “ഈ കുട്ടികൾ സാമൂ​ഹി​ക​മാ​യി ഒററ​പ്പെ​ട്ട​വരല്ല” എന്നു ദേശീയ ഭവന വിദ്യാ​ഭ്യാ​സ ഗവേഷണ സ്ഥാപന​ത്തി​ന്റെ ഡയറക്ട​റായ ബ്രിയൻ റേ പറഞ്ഞു. “ഭവനത്തിൽ വിദ്യാ​ഭ്യാ​സം ചെയ്യു​ന്നവർ സാധാ​ര​ണ​മാ​യി മൃഗശാ​ല​യി​ലോ കലാ​പ്ര​ദർശന ശാലയി​ലോ നേരിട്ടു വീക്ഷി​ക്കു​ന്ന​തി​നു സന്ദർശ​നങ്ങൾ നടത്തുന്നു. അവർ മററു കുട്ടി​ക​ളെ​പ്പോ​ലെ​തന്നെ അയൽപ​ക്കത്തു കളിക്കു​ന്നു. രാവിലെ എട്ടുമു​തൽ രാത്രി പത്തുവരെ അവരെ മുറി​യിൽ അടച്ചു​പൂ​ട്ടി​യി​രി​ക്കു​ക​യാണ്‌ എന്ന അഭി​പ്രാ​യം ശരിയല്ല.”

ഇതു നിങ്ങൾക്കു​ള്ള​തോ?

ഭവന അധ്യാ​പ​ന​ത്തിന്‌ “ധൈര്യം മാത്രമല്ല, കെല്‌പും കണ്ടുപി​ടി​ത്ത​ത്തി​നുള്ള വാസന​യും പിരി​മു​റു​ക്ക​മി​ല്ലാ​യ്‌മ​യും” ആവശ്യ​മാ​ണെന്നു ക്രിസ്‌ത്യാ​നി​ത്വം ഇന്ന്‌ (Christianity Today) പറയുന്നു. അതു​കൊണ്ട്‌ നിങ്ങൾ ഭവന അധ്യാ​പ​ന​ത്തെ​ക്കു​റി​ച്ചു ഗൗരവ​ബു​ദ്ധ്യാ ചിന്തി​ക്കു​ന്നു​വെ​ങ്കിൽ ഉൾപ്പെ​ട്ടി​രി​ക്കുന്ന ചുമത​ല​യെ​ക്കു​റി​ച്ചു യാഥാർഥ്യ ബോധ​ത്തോ​ടെ ചിന്തി​ക്കുക. കുട്ടി​കൾക്കു ദൈനം​ദിന പഠന പരിപാ​ടി പ്രദാനം ചെയ്യു​ന്നതു കൂടാതെ ഗൃഹ ജോലി​ക​ളും മററു കുടുംബ ഉത്തരവാ​ദി​ത്വ​ങ്ങ​ളും ഭംഗം​വ​രാ​തെ തുടരു​ന്ന​തിന്‌ ഉത്സാഹ​ത്തോ​ടെ​യുള്ള ശ്രമവും നല്ല സംഘാ​ട​ന​വും ആവശ്യ​മാ​യി​രി​ക്കും. “തക്ക മൂല്യ​മു​ള്ള​താ​യി തോന്നു​ന്ന​തി​നാൽ നിങ്ങൾ വളരെ കഠിനാ​ധ്വാ​നം ചെയ്യു​ന്നു​ണ്ടാ​വും” എന്നു റേ പറഞ്ഞു. “അതു വളരെ​യ​ധി​കം ആവശ്യ​പ്പെ​ടു​ന്ന​താണ്‌”.

അടുത്ത​താ​യി, നിങ്ങളു​ടെ പ്രദേ​ശത്തെ ഭവന അധ്യാപന നിയമങ്ങൾ കണ്ടുപി​ടി​ക്കുക. ഉദാഹ​ര​ണ​ത്തിന്‌, ഐക്യ​നാ​ടു​ക​ളി​ലെ 50 സംസ്ഥാ​ന​ങ്ങ​ളി​ലും ഭവന അധ്യാ​പനം നിയമാ​നു​സൃ​ത​മാണ്‌, എന്നാൽ നിയമ​വ്യ​വ​സ്ഥ​യു​ടെ നിലവാ​രങ്ങൾ ഗണ്യമാ​യി വ്യത്യാ​സ​പ്പെ​ട്ടി​രി​ക്കു​ന്നു. ചില സ്ഥലങ്ങളിൽ, നിങ്ങളു​ടെ കുട്ടിയെ വീട്ടി​ലി​രു​ത്തി പഠിപ്പി​ക്കു​ന്നതു പ്രാ​ദേ​ശിക സ്‌കൂൾ അധികാ​രി​യെ അറിയി​ക്കു​ന്ന​തും ഒരു പേജുള്ള ഒരു ഫോറം പൂരി​പ്പി​ച്ചു കൊടു​ക്കു​ന്ന​തും മാത്രമെ അർഥമാ​ക്കു​ന്നു​ള്ളു. മററു ചില സംസ്ഥാ​ന​ങ്ങ​ളിൽ, ഭവന അധ്യാ​പനം നടത്താൻ യോഗ്യത നേടു​ന്ന​തിന്‌ ഒരു മാതാ​വോ പിതാ​വോ സാക്ഷ്യ​പ​ത്രം ലഭിച്ച ഒരു അധ്യാ​പി​ക​യോ അധ്യാ​പ​ക​നോ ആയിരി​ക്കേണ്ട ആവശ്യ​മുണ്ട്‌. നിയമ​പ​ര​മായ എല്ലാ നിബന്ധ​ന​കൾക്കും വിധേ​യ​മാ​കാൻ നിങ്ങൾക്കു കഴിയു​മാ​റു പ്രാ​ദേ​ശിക നയം എന്താ​ണെന്ന്‌ ഉറപ്പു​വ​രു​ത്തുക.

അടുത്ത​താ​യി, ചെലവു പരിഗ​ണി​ക്കുക. പഠിപ്പി​ക്കു​ന്ന​തി​നുള്ള സാമ​ഗ്രി​കൾ വാങ്ങു​ന്ന​താ​ണു ഭവന അധ്യാ​പ​ന​ത്തി​ലെ വലിയ വെല്ലു​വി​ളി​ക​ളിൽ ഒന്ന്‌—വിശേ​ഷി​ച്ചും പണം പരിമി​ത​മാ​യി​രി​ക്കു​മ്പോൾ. “പഠനോ​പ​ക​ര​ണങ്ങൾ വിതരണം ചെയ്യു​ന്ന​വർക്ക്‌ എളുപ്പം പിടി​കൂ​ടാ​വുന്ന ഒരു ഇരയാണു നിങ്ങൾ” എന്ന്‌ ഭവന അധ്യാ​പ​ന​ത്തി​ലേ​ക്കുള്ള ഒരു അതിജീ​വ​കന്റെ മാർഗ​നിർദേശം (A Survivor’s Guide to Home Schooling) മുന്നറി​യി​പ്പു നൽകുന്നു.

ചിലർ മിതമായ ട്യൂഷൻ ഫീസ്‌ ഈടാ​ക്കു​ന്നു​വെ​ന്നി​രി​ക്കെ മററു ഭവന അധ്യാപന പരിപാ​ടി​കൾക്കു നൂറു​ക​ണ​ക്കി​നു ഡോള​റി​ന്റെ ചെലവുണ്ട്‌. ഭവന അധ്യാ​പനം നടത്തു​ന്നവർ വാർഷി​ക​മാ​യി നടത്താൻ ചില സംസ്ഥാ​ന​ങ്ങ​ളിൽ ആവശ്യ​പ്പെ​ടുന്ന പ്രാമാ​ണിക പരീക്ഷകൾ ഓരോ​ന്നി​നും 50 ഡോളർവരെ ചെലവു​വ​രു​ത്തു​ന്നു. പുതിയ പാഠപു​സ്‌ത​ക​ങ്ങ​ളും പലവക ബുക്കു​ക​ളും മററു വസ്‌തു​ക്ക​ളും വർഷം​തോ​റും ആവശ്യ​മാ​യി​രി​ക്കും, അതു​കൊണ്ട്‌ ശ്രദ്ധാ​പൂർവം ആസൂ​ത്ര​ണം​ചെയ്‌ത ഒരു ഭവന അധ്യാപന ബജററ്‌ അനു​പേ​ക്ഷ​ണീ​യ​മാണ്‌.

തീർച്ച​യാ​യും, ഭവന അധ്യാ​പനം വിജയ​പ്ര​ദ​മാ​ക്കു​ന്ന​തിന്‌ ആവശ്യ​മാ​ണെന്നു വിദഗ്‌ധർ പറയുന്ന സമയവും ശ്രമവും പണവും ചെലവ​ഴി​ക്കാൻ എല്ലാ മാതാ​പി​താ​ക്ക​ളും മനസ്സൊ​രു​ക്ക​മു​ള്ള​വ​രോ പ്രാപ്‌ത​രോ അല്ല. “ഭവന അധ്യാ​പനം എല്ലാവർക്കു​മു​ള്ളതല്ല” എന്ന്‌ 7 വയസ്സു​ള്ള​പ്പോൾ ഭവനത്തിൽ വിദ്യാ​ഭ്യാ​സം തുടങ്ങിയ ഒരു 14 വയസ്സു​കാ​രി പറഞ്ഞു. “അതിന്‌ ഉചിത​മായ സാഹച​ര്യ​ങ്ങ​ളും ഉചിത​മായ മനോ​ഭാ​വ​ങ്ങ​ളും നിശിത താത്‌പ​ര്യ​മുള്ള മാതാ​പി​താ​ക്ക​ളും ആവശ്യ​മാണ്‌.” മാതാ​പി​താ​ക്ക​ളു​ടെ​യും കുട്ടി​ക​ളു​ടെ​യും ആത്മശി​ക്ഷ​ണ​വും ഈ പട്ടിക​യോ​ടു കൂട്ടാൻ കഴിയും. ഭവന അധ്യാ​പനം വിജയ​പ്ര​ദ​മാ​ക്കു​ന്ന​തിന്‌ “ഒരു ദൃഢമായ പ്രതി​ബദ്ധത ആവശ്യ​മാണ്‌” എന്നു മുമ്പ്‌ ഉദ്ധരിച്ച മനുഷ്യൻ പറഞ്ഞു. അദ്ദേഹം തുടർന്നു: “യഥാർഥ വെല്ലു​വി​ളി അതു ചെയ്യു​ന്ന​തി​നു സമയം അർപ്പി​ക്കു​ന്ന​തും അതുമാ​യി മുമ്പോ​ട്ടു​പോ​കു​ന്ന​തു​മാണ്‌.”

ഭവന അധ്യാ​പനം ചില സമയങ്ങ​ളിൽ നിഷ്‌ഫ​ല​മോ നിരു​ത്ത​ര​വാ​ദ​പ​ര​മായ രീതി​യി​ലോ പോലും നടത്ത​പ്പെ​ടു​ന്നു​വെന്നു ഭവന അധ്യാ​പ​ന​ത്തി​ന്റെ തീക്ഷ്‌ണ​ത​യുള്ള പിന്തു​ണ​ക്കാർപ്പോ​ലും സമ്മതി​ക്കു​ന്നു. തീർച്ച​യാ​യും, ഓരോ വർഷവും ചില ഭവന അധ്യാപന ശ്രമങ്ങൾ പരാജ​യ​പ്പെ​ടു​ന്നു, കുട്ടി​കളെ ഭാവി വിദ്യാ​ഭ്യാ​സ വെല്ലു​വി​ളി​കളെ അഭിമു​ഖീ​ക​രി​ക്കാൻ സജ്ജരല്ലാ​ത്ത​വ​രാ​യി വിട്ടു​കൊ​ണ്ടു​തന്നെ.

കൂടാതെ, പൊതു​വി​ദ്യാ​ല​യ​ങ്ങ​ളിൽ കാണുന്ന അധാർമിക സ്വാധീ​ന​ങ്ങ​ളിൽനി​ന്നു ഭവന അധ്യാ​പനം മാത്രം തങ്ങളുടെ കുട്ടി​കളെ സംരക്ഷി​ക്കു​മെന്നു ചിന്തി​ച്ചു​കൊ​ണ്ടു മാതാ​പി​താ​ക്കൾ തങ്ങളെ​ത്തന്നെ വഞ്ചിക്ക​രുത്‌. ലോക​വു​മാ​യുള്ള സമ്പർക്ക​ത്തിൽനി​ന്നു പൂർണ​മാ​യി സംരക്ഷി​ക്കാൻ ആർക്കും ഒരു മാർഗ​വു​മില്ല. ചിട്ട​പ്ര​കാ​ര​മുള്ള വിദ്യാ​ഭ്യാ​സ​ത്തി​ന​തീ​ത​മാ​യി, മാതാ​പി​താ​ക്ക​ളു​ടെ ദൃഷ്ടാന്തം സഹവാ​സങ്ങൾ, വിനോ​ദം, വ്യക്തി​പ​ര​വും കുടും​ബ​പ​ര​വു​മായ ബൈബി​ള​ധ്യ​യനം എന്നിവ ഉൾപ്പെടെ അനേകം ഘടകങ്ങൾ ഒരു കുട്ടി​യു​ടെ ചിന്തയെ രൂപ​പ്പെ​ടു​ത്തു​ന്നു. ഈ എല്ലാ മണ്ഡലങ്ങ​ളി​ലു​മുള്ള ഉത്സാഹ​പൂർവ​ക​മായ പരിശീ​ലനം കൂടാതെ ഒരു വിദ്യാ​ഭ്യാ​സ പദ്ധതി​യും ക്രിസ്‌തീയ കുട്ടി​കളെ വളർത്തു​ന്ന​തിൽ വിജയ​പ്ര​ദ​മാ​ണെന്നു തെളി​യു​ക​യില്ല.

സത്യമാ​യും, തങ്ങളുടെ കുട്ടി​ക​ളു​ടെ ആത്മീയ പുരോ​ഗ​തി​ക്കു ഭവന അധ്യാ​പനം സംഭാവന ചെയ്‌തി​ട്ടു​ണ്ടെന്നു ചില മാതാ​പി​താ​ക്കൾക്കു തോന്നി​യി​രി​ക്കു​ന്നു. എന്നാൽ പൊതു​വി​ദ്യാ​ല​യ​ങ്ങ​ളിൽ പഠിക്കുന്ന അനേകം ക്രിസ്‌തീയ യുവാക്കൾ അതു​പോ​ലെ​തന്നെ നല്ല ആത്മീയ പുരോ​ഗതി വരുത്തു​ന്നു​ണ്ടെ​ന്നതു മറക്കരുത്‌. പല കേസു​ക​ളി​ലും, ഗുണമുള്ള വിദ്യാ​ഭ്യാ​സം ലഭിക്കു​ന്നു​വെന്ന്‌ ഉറപ്പു​വ​രു​ത്താൻ പ്രാ​ദേ​ശിക വിദ്യാ​ഭ്യാ​സ വിഭാ​ഗ​വു​മാ​യി അടുത്തു പ്രവർത്തി​ക്കു​ന്ന​തി​നാൽ മാതാ​പി​താ​ക്കൾക്കു നല്ല ഫലങ്ങൾ ഉണ്ടായി​ട്ടുണ്ട്‌.

തങ്ങളുടെ കുട്ടി​ക​ളു​ടെ ഉചിത​മായ വിദ്യാ​ഭ്യാ​സ​ത്തി​നും പരിശീ​ല​ന​ത്തി​നും അന്തിമ​മാ​യി ഉത്തരവാ​ദി​ത്വ​മുള്ള മാതാ​പി​താ​ക്കൾ അവരുടെ കുടും​ബ​ത്തിന്‌ ഏററവും അധികം പ്രയോ​ജനം ചെയ്യു​മെന്നു തോന്നുന്ന തരം വിദ്യാ​ഭ്യാ​സം ഏതാ​ണെന്നു തീരു​മാ​നി​ക്കേണ്ട ആവശ്യ​മുണ്ട്‌. നിങ്ങളു​ടെ കുട്ടിയെ വീട്ടി​ലി​രു​ത്തി പഠിപ്പി​ക്കാ​നുള്ള വെല്ലു​വി​ളി ഏറെറ​ടു​ക്കാൻ നിങ്ങൾ തയ്യാറാ​ണെ​ങ്കിൽ തീരു​മാ​ന​മെ​ടു​ക്കു​ന്ന​തി​നു മുമ്പ്‌ എല്ലാ ഘടകങ്ങ​ളും ശ്രദ്ധാ​പൂർവം തൂക്കി​നോ​ക്കുക.

[12-ാം പേജിലെ ആകർഷ​ക​വാ​ക്യം]

“കുട്ടികൾ തങ്ങൾ സ്‌കൂ​ളിൽ ആയിരു​ന്നാ​ലെ​ന്നതു പോ​ലെ​തന്നെ ഒരു സമയ പട്ടിക​യിൻ കീഴിൽ ആയിരി​ക്കണം.”

മകളെ വീട്ടി​ലി​രു​ത്തി പഠിപ്പിച്ച സി. എഫ്‌. എൽ., മാതാ​പി​താ​ക്കൾ

[10-ാം പേജിലെ ചിത്രങ്ങൾ]

നിങ്ങളുടെ കുട്ടിക്ക്‌ ഏററവും മെച്ചമാ​യത്‌ ഏതെന്നു—പൊതു വിദ്യാ​ഭ്യാ​സ​മോ ഭവന അധ്യാ​പ​ന​മോ—തീരു​മാ​നി​ക്കാൻ നിങ്ങൾക്കു മാത്രമെ കഴിയു