ദൈവ​സേ​വ​ന​ത്തിൽ ഗൃഹവി​ര​ഹ​ദുഃ​ഖത്തെ തരണം​ചെ​യ്യൽ

യേശു​ക്രി​സ്‌തു അനുഗാ​മി​ക​ളോ​ടു കൽപ്പിച്ചു: “പുറ​പ്പെട്ടു . . . സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.” (മത്തായി 28:19) അനേകം ക്രിസ്‌ത്യാ​നി​കളെ സംബന്ധി​ച്ചു പറയു​ക​യാ​ണെ​ങ്കിൽ, ആ കൽപ്പന നിറ​വേ​റ​റുക എന്നു​വെ​ച്ചാൽ വീട്ടിൽനി​ന്നു വളരെ അകലെ​യുള്ള ദുഷ്‌കര സാഹച​ര്യ​ങ്ങ​ളു​മാ​യി പൊരു​ത്ത​പ്പെ​ടുക എന്നാണർഥം. സഞ്ചാര​മേൽവി​ചാ​ര​കൻമാർ, അവരുടെ ഭാര്യ​മാർ എന്നിവ​രും മററു​ള്ള​വ​രും ദൈവ​സേ​വ​ന​ത്തി​നു​വേണ്ടി അനേകം സംഗതി​കൾ പിന്നിൽ വിട്ടേ​ച്ചു​പോ​രു​ന്നു. യഹോ​വ​യു​ടെ ഈ സാക്ഷി​കൾക്കെ​ല്ലാം ഗൃഹവി​ര​ഹ​ദുഃ​ഖം ഒരു വലിയ വെല്ലു​വി​ളി ആയിരു​ന്നേ​ക്കാം.

സുരക്ഷി​ത​ത്വ​വും സ്‌നേ​ഹ​വും അനുഭ​വി​ച്ചി​രുന്ന സുഖാ​നു​ഭൂ​തി​കൾനി​റഞ്ഞ ഒരു കഴിഞ്ഞ​കാ​ല​ത്തി​ലേക്ക്‌ ഓർമകൾ നിങ്ങളു​ടെ ചിന്തകളെ കൊണ്ടു​പോ​കു​മ്പോ​ഴാണ്‌ ഗൃഹവി​ര​ഹ​ദുഃ​ഖം അനുഭ​വ​പ്പെ​ടു​ന്നത്‌. ഇതു വളരെ കടുത്ത വിഷമ​ത്തി​നും കാരണ​മാ​കാം. ചില​പ്പോൾ തനിക്ക്‌ ഇനി മുന്നോ​ട്ടു പോകാ​നാ​വില്ല എന്നു തോന്നു​മാ​റു വിഷാ​ദ​ത്തി​ലാ​യെ​ന്നും വരും. വാസ്‌ത​വ​ത്തിൽ, വസ്‌തു​വ​കകൾ വിററ്‌ വളരെ ചെല​വേ​റിയ യാത്ര​യും നടത്തി വിദേ​ശത്ത്‌ എത്തിയ ചിലർ തങ്ങളുടെ പരിപാ​ടി​യെ​ല്ലാം വേണ്ടന്നു​വെച്ചു വീട്ടി​ലേക്കു മടങ്ങി​പ്പോ​ന്നി​ട്ടുണ്ട്‌. കാരണം അവരെ ഗൃഹവി​ര​ഹ​ദുഃ​ഖം പിടി​കൂ​ടി.

വൈകാ​രി​ക​മാ​യ അത്തരം പ്രത്യാ​ഘാ​തങ്ങൾ ആദ്യമാ​യി വീടു​വി​ട്ട​ശേഷം കൂടെ​ക്കൂ​ടെ ഉണ്ടാകു​ന്നതു സാധാ​ര​ണ​മാണ്‌. എന്നാൽ ചിലർക്കാ​കട്ടെ, അവ ആയുഷ്‌കാ​ലം മുഴുവൻ തുടരു​ന്നു. 20 വർഷത്തി​ല​ധി​കം വീട്ടിൽനിന്ന്‌ അകന്നു കഴിഞ്ഞ യാക്കോബ്‌ “പിതൃ​ഭ​വ​ന​ത്തി​ന്നാ​യുള്ള അതിവാ​ഞ്‌ഛയി”ലായി. (ഉല്‌പത്തി 31:30) ആർക്കൊ​ക്കെ​യാണ്‌ ഗൃഹവി​ര​ഹ​ദുഃ​ഖം അനുഭ​വ​പ്പെ​ടുക? എന്താണ്‌ അതിനുള്ള കാരണം? അത്തരം വികാ​ര​ങ്ങളെ ഒരു വ്യക്തിക്ക്‌ എങ്ങനെ​യാ​ണു നേരി​ടാ​നാ​വുക?

ദുഃഖ​ത്തി​നു കാരണ​മെന്ത്‌?

ഗൃഹവി​ര​ഹ​ദുഃ​ഖം ആരെയും ബാധി​ക്കാ​വു​ന്ന​താണ്‌. മിദ്യാ​ന്യ രാജാ​വായ ആസ്‌റ​റീ​യാ​ഗ​സി​ന്റെ മകളായ ആമീറ​റ​സിന്‌ സന്തോ​ഷി​ക്കാൻ പ്രത്യ​ക്ഷ​ത്തിൽ സകലതും ഉണ്ടായി​രു​ന്നു: ധനം, അന്തസ്സ്‌, മനോ​ഹ​ര​മായ ഭവനം. എങ്കിലും മിദ്യാ​ന്യ ദേശത്തെ പർവത​ങ്ങളെ വിട്ടു​പോ​ന്ന​തി​ലുള്ള ദുഃഖം അവളെ വേട്ടയാ​ടി. അതു​കൊണ്ട്‌ അവളുടെ ഭർത്താ​വായ നെബു​ഖ​ദ്‌നേസർ രാജാവ്‌ അവളെ ആശ്വസി​പ്പി​ക്കാൻവേണ്ടി ബാബി​ലോ​നിൽ തൂങ്ങുന്ന ഉദ്യാ​നങ്ങൾ (hanging gardens) പണിക​ഴി​പ്പി​ച്ചു.

വീട്ടി​ലാ​യി​രു​ന്ന​പ്പോ​ഴ​ത്തെ​ക്കാൾ ദുഷ്‌ക​ര​മാണ്‌ ഇപ്പോ​ഴത്തെ ജീവി​ത​മെന്നു തോന്നി​യാൽ ഗൃഹവി​ര​ഹ​ദുഃ​ഖം വിശേ​ഷാൽ പീഡാ​ക​ര​മാ​യി​രു​ന്നേ​ക്കാം. യഹൂദാ​ജനം പ്രവാ​സ​ത്തി​ലാ​യ​പ്പോൾ അവർ ഇങ്ങനെ വിലപി​ച്ചു: “ബാബേൽ നദിക​ളു​ടെ തീരത്തു ഞങ്ങൾ ഇരുന്നു, സീയോ​നെ ഓർത്ത​പ്പോൾ ഞങ്ങൾ കരഞ്ഞു. ഞങ്ങൾ യഹോ​വ​യു​ടെ ഗീതം അന്യ​ദേ​ശത്തു പാടു​ന്ന​തെ​ങ്ങനെ?”—സങ്കീർത്തനം 137:1, 4.

വീടു​വി​ട്ട​തി​നെ​ചൊ​ല്ലി​യുള്ള മൂകവി​കാ​ര​ങ്ങളെ ഇളക്കി​വി​ടാൻ അനേകം സംഗതി​കൾക്കാ​കും. കാനഡ വിട്ടു​പോന്ന ടെറി പറയു​ന്നതു കേൾക്കുക: “ഒരു ദിവസം കുടും​ബ​ഫോ​ട്ടോ പുസ്‌ത​ക​ത്തിൽനി​ന്നു താഴെ വീണു. അതു താഴെ​നിന്ന്‌ എടുത്ത ഞാൻ ഗൃഹവി​ര​ഹ​ദുഃ​ഖ​ത്തിൽ മുങ്ങി. പിന്നെ ഒരുപാ​ടു കരഞ്ഞു.” ഇംഗ്ലണ്ട്‌ വിട്ട ക്രിസ്‌ എത്തിയത്‌ തീർത്തും ദരി​ദ്ര​മായ ഒരു രാജ്യ​ത്താ​യി​രു​ന്നു. അവൾ ഇങ്ങനെ സമ്മതി​ച്ചു​പ​റ​യു​ന്നു: “ഒരു പഴയ പാട്ടൊ​ന്നു കേട്ടാൽ അല്ലെങ്കിൽ ഇഷ്ടപ്പെട്ട ഒരു കറിയു​ടെ വാസന​യൊ​ന്ന​ടി​ച്ചാൽ, പിന്നെ അതുമതി, പഴയ കാര്യങ്ങൾ ഓർക്കാ​നും അതിനാ​യി വാഞ്‌ഛി​ക്കാ​നും.”—താരത​മ്യം ചെയ്യുക: സംഖ്യാ​പു​സ്‌തകം 11:5.

പലപ്പോ​ഴും, അടുത്ത കുടും​ബ​ബ​ന്ധങ്ങൾ ഈ സംഗതിക്ക്‌ ആക്കം കൂട്ടുന്നു. ഇപ്പോൾ അയൽരാ​ജ്യത്ത്‌ താമസി​ക്കുന്ന ബ്രസീ​ലു​കാ​രി​യായ റൊ​സേ​ലി​യു​ടെ അഭി​പ്രാ​യം ഇതാണ്‌: “വീട്ടിൽനിന്ന്‌ അസുഖ​ക​ര​മായ വാർത്ത ലഭിക്കു​മ്പോൾ എനിക്ക്‌ അവിടെ എത്തി അവരെ സഹായി​ക്കാ​നാ​വു​ന്നി​ല്ല​ല്ലോ എന്നോർത്ത്‌ ഭയങ്കര മനോ​വി​ഷമം. ഇനി മററു​ചി​ല​പ്പോ​ഴാ​ണെ​ങ്കി​ലോ, വീട്ടിൽനി​ന്നു യാതൊ​രു വിവര​വു​മില്ല. അപ്പോൾപ്പി​ന്നെ ചിന്ത അവിടെ എന്തെങ്കി​ലും സംഭവി​ച്ചി​രി​ക്കു​മോ എന്നാകും. അതു സംഗതി​കളെ കൂടുതൽ വഷളാ​ക്കും.” വടക്കേ അമേരി​ക്ക​യിൽനിന്ന്‌ ആമസോൺ ഉഷ്‌ണ​മേ​ഖലാ പ്രദേ​ശത്തെ ഒരു ചെറു​പ​ട്ട​ണ​ത്തി​ലെ​ത്തിയ ജാനസ്‌ പറയുന്നു: “വീട്ടിൽനി​ന്നു നല്ല വിശേഷം കേൾക്കു​മ്പോൾ എനിക്കു വീട്ടിൽ പോക​ണ​മെന്നു തോന്നും. അവർ ഒത്തൊ​രു​മി​ച്ചു സഹവാസം ആസ്വദി​ക്കുന്ന വിധ​മെ​ല്ലാം കേൾക്കു​മ്പോൾ ഞാനും അവരോ​ടൊ​പ്പം ഉണ്ടായി​രു​ന്നെ​ങ്കിൽ എന്ന്‌ ആശിച്ചു​പോ​കും.”

ആളുകളെ വിട്ടേ​ച്ചു​പോ​രു​ന്നതു മാത്രമല്ല ഗൃഹവി​ര​ഹ​ദുഃ​ഖ​ത്തി​നു കാരണ​മാ​കു​ന്നത്‌. ലിൻഡ​യു​ടെ വിശദീ​ക​രണം കേൾക്കുക: “എനിക്കാ​വ​ശ്യ​മുള്ള വസ്‌തു​ക്കൾ എവി​ടെ​നി​ന്നു കിട്ടു​മെ​ന്ന​റി​യാ​തെ ഞാൻ കുണ്‌ഠി​ത​പ്പെ​ടു​ന്നു. വിലയ​റി​യില്ല, പകരം എന്തു കൊടു​ക്ക​ണ​മെ​ന്ന​റി​യില്ല. ഒരു കാർ വാങ്ങാമെന്നു​വെ​ച്ചാൽ അതിനു ഭയങ്കര വിലയാ. തിങ്ങി​നി​റഞ്ഞ പൊതു​വാ​ഹ​ന​ങ്ങ​ളിൽ ഒന്നു കയറി​പ്പ​റ​റാൻ ഞാൻ എത്ര പാടു​പെ​ടു​ന്നു. പക്ഷേ തിക്കി​ലും തിരക്കി​ലും പെട്ട്‌ എപ്പോ​ഴും പുറത്താ​വു​ന്നു. ഇത്‌ എന്നെ വീട്ടിൽ പോക​ണ​മെന്ന ചിന്തയി​ലാ​ക്കി.” സാംസ്‌കാ​രി​ക​വും സാമ്പത്തി​ക​വു​മായ അന്തര​ത്തെ​പ്പ​ററി പറയു​മ്പോൾ ജാനറ​റി​ന്റെ അഭി​പ്രാ​യം ഇങ്ങനെ​യാണ്‌: “ദാരി​ദ്ര്യ​മാ​യി​രു​ന്നു എന്നെ വിഷമി​പ്പി​ച്ചത്‌. ആളുകൾ അപ്പത്തി​നാ​യി യാചി​ക്കു​ന്ന​തോ വെള്ളത്തി​നുള്ള സൗകര്യ​ങ്ങ​ളൊ​ന്നു​മി​ല്ലാത്ത ഒററ മുറി​യിൽ വലിയ കുടും​ബങ്ങൾ താമസി​ക്കു​ന്ന​തോ ഞാൻ ഇതിനു​മമ്പ്‌ ഒരിക്ക​ലും കണ്ടിട്ടില്ല. . . . ഇനി എനിക്കി​വി​ടെ താമസി​ക്കാ​നാ​വില്ല, എന്നു പോലും തോന്നി​പ്പോ​യി. ആ സംഗതി​കൾ എന്നെ അത്രയ്‌ക്ക്‌ വിഷമി​പ്പി​ച്ചു.”

നിങ്ങളു​ടെ വികാ​ര​ങ്ങളെ തരണം ചെയ്യൽ

നാം സ്‌നേ​ഹി​ക്കു​ന്ന​വ​രോ​ടോ നാം വളർന്നു​വന്ന കുടുംബ ചുററു​പാ​ടു​ക​ളോ​ടോ ഒരു ശക്തമായ വികാ​ര​വാ​യ്‌പ്‌ അനുഭ​വ​പ്പെ​ടു​ന്നെ​ങ്കിൽ നാം അമ്പരക്കേണ്ട കാര്യ​മില്ല. ഊഷ്‌മ​ള​മായ വ്യക്തി​ബ​ന്ധങ്ങൾ ആസ്വദി​ക്കാൻ യഹോ​വ​യാം ദൈവ​മാണ്‌ നമുക്കു വികാ​രങ്ങൾ തന്നിരി​ക്കു​ന്നത്‌. എഫേസൂസ്‌ സഭയിലെ ക്രിസ്‌തീയ മേൽവി​ചാ​ര​കൻമാർ വൈകാ​രി​ക​മായ പക്വത​യു​ള്ള​വ​രാ​യി​രു​ന്നു. പക്ഷേ, അവർക്കു​വേണ്ടി പൗലോസ്‌ നടത്തിയ സന്ദർശനം അവസാ​നി​ക്കാ​റാ​യ​പ്പോൾ എന്താണു സംഭവി​ച്ചത്‌? “എല്ലാവ​രും വളരെ കരഞ്ഞു. . . . അവർ ഏററവും ദുഃഖി​ച്ചു പൌ​ലോ​സി​ന്റെ കഴുത്തിൽ കെട്ടി​പ്പി​ടി​ച്ചു അവനെ ചുബിച്ചു.” (പ്രവൃ​ത്തി​കൾ 20:37, 38) തീർച്ച​യാ​യും, ഈ സംഭവ​ത്തിൽ ഗൃഹവി​ര​ഹ​ദുഃ​ഖം വരുന്നില്ല. എന്നാൽ, അതു ചിന്തയ്‌ക്കു വക നൽകു​ന്നുണ്ട്‌. വികാ​രങ്ങൾ ഉണ്ടാവുക എന്നതു സ്വാഭാ​വി​ക​മാണ്‌. എന്നാൽ അവ നമ്മെ നിയ​ന്ത്രി​ക്ക​രു​തെന്നു മാത്രം. അപ്പോൾ, ഗൃഹവി​ര​ഹ​ദുഃ​ഖത്തെ നിങ്ങൾക്ക്‌ എങ്ങനെ വിജയ​ക​ര​മാ​യി നേരി​ടാ​നാ​വും?

പ്രദേ​ശ​ത്തെ ഭാഷ സംസാ​രി​ക്കാൻ പഠി​ച്ചെ​ടു​ക്കണം. അതാണ്‌ അവിട​വു​മാ​യി ഇണങ്ങാ​നുള്ള ഒരു മാർഗം. അന്യഭാഷ കൈകാ​ര്യം ചെയ്യണ്ട​തി​നാൽ ആശയവി​നി​മ​യ​ത്തി​നു വിഘ്‌നം നേരി​ടു​മ്പോൾ ഗൃഹവി​ര​ഹ​ദുഃ​ഖം അതിന്റെ ഉച്ചസ്ഥാ​യി​യിൽ എത്തും. അതു​കൊണ്ട്‌, സാധ്യ​മെ​ങ്കിൽ ഒരു പുതിയ സ്ഥലത്തേക്കു പോകു​ന്ന​തി​നു മുമ്പു​തന്നെ അവിടു​ത്തെ ഭാഷ വായി​ക്കാ​നും സംസാ​രി​ക്കാ​നും പഠിക്കുക. അല്ലെങ്കിൽ അവിടെ എത്തി ആദ്യത്തെ ഏതാനും ആഴ്‌ചകൾ ഭാഷാ​പ​ഠ​ന​ത്തി​നാ​യി മാററി​വെ​ക്കുക. അതിനുള്ള ശക്തമായ പ്രേരണ നിങ്ങൾക്ക്‌ ഉണ്ടാകു​ന്ന​തും അങ്ങനെ അതു പഠിക്കു​ന്ന​തി​നുള്ള ഏററവും നല്ല സമയത്താ​യി​രി​ക്കു​ന്ന​തും അപ്പോ​ഴാണ്‌. ഈ ആഴ്‌ചകൾ മുഖ്യ​മാ​യും ഭാഷാ​പ​ഠ​ന​ത്തി​നാ​യി മാററി​വെ​ച്ചാൽ, താമസി​യാ​തെ നിങ്ങൾ സംഭാ​ഷ​ണങ്ങൾ ആസ്വദി​ച്ചു​തു​ട​ങ്ങും. അതോടെ ഗൃഹവി​ര​ഹ​ദുഃ​ഖ​വി​കാ​രങ്ങൾ ശമിച്ചു​തു​ട​ങ്ങു​ക​യും ചെയ്യും.

സാധി​ക്കു​ന്ന​ത്ര വേഗത്തിൽ പുതിയ കൂട്ടു​കാ​രെ കണ്ടെത്തുക. ഇതിന്‌ അസ്വസ്ഥ​ത​യ​ക​ററി ആശ്വാസം പ്രദാനം ചെയ്യാ​നാ​വും. യഥാർഥ സുഹൃ​ത്തു​ക്കളെ കണ്ടെത്താൻ പററിയ ഏററവും നല്ല സ്ഥലമാണ്‌ യഹോ​വ​യു​ടെ സാക്ഷി​ക​ളു​ടെ സഭ. മുൻകൈ എടുത്തു മററു​ള്ള​വ​രു​ടെ കാര്യ​ത്തിൽ താത്‌പ​ര്യം പ്രകട​മാ​ക്കുക. അവരുടെ പശ്ചാത്തലം, കുടും​ബം, പ്രശ്‌നങ്ങൾ, താത്‌പ​ര്യ​ങ്ങൾ എന്നിവ​യെ​ല്ലാം അറിയാൻ ഒരു ശ്രമം നടത്തുക. സഹവി​ശ്വാ​സി​കളെ നിങ്ങളു​ടെ വീട്ടി​ലേക്കു ക്ഷണിക്കുക. തത്‌ഫ​ല​മാ​യി, നിങ്ങളു​ടെ കാര്യ​ത്തി​ലും മററു​ള്ളവർ താത്‌പ​ര്യ​മെ​ടു​ക്കു​ന്ന​താ​യി നിങ്ങൾക്കു കാണാ​വു​ന്ന​താണ്‌.

ദൈവ​ജ​ന​ത്തി​നി​ട​യിൽ സുഹൃ​ദ്‌ബ​ന്ധ​ങ്ങൾക്കു കുടും​ബ​ബ​ന്ധ​ങ്ങ​ളെ​പ്പോ​ലെ അടുപ്പ​മു​ള്ള​താ​യി​രി​ക്കാൻ കഴിയും. “ദൈവ​ത്തി​ന്റെ ഇഷ്ടം ചെയ്യു​ന്നവൻ തന്നേ എന്റെ സഹോ​ദ​ര​നും സഹോ​ദ​രി​യും അമ്മയും ആകുന്നു” എന്നു യേശു പറയു​ക​യു​ണ്ടാ​യി. (മർക്കൊസ്‌ 3:35) യേശു തന്റെ അനുഗാ​മി​കൾക്കു കൊടുത്ത ഉറപ്പ്‌ ഇങ്ങനെ​യാ​യി​രു​ന്നു: “എന്റെ നിമി​ത്ത​വും സുവി​ശേഷം നിമി​ത്ത​വും വീടോ സഹോ​ദ​രൻമാ​രെ​യോ സഹോ​ദ​രി​ക​ളെ​യോ അമ്മയെ​യോ അപ്പനെ​യോ മക്കളെ​യോ നിലങ്ങ​ളെ​യോ വിട്ടാൽ, ഈ ലോക​ത്തിൽ തന്നേ, ഉപദ്ര​വ​ങ്ങ​ളോ​ടും​കൂ​ടെ നൂറു മടങ്ങു വീടു​ക​ളെ​യും സഹോ​ദ​രൻമാ​രെ​യും സഹോ​ദ​രി​ക​ളെ​യും അമ്മമാ​രെ​യും മക്കളെ​യും നിലങ്ങ​ളെ​യും വരുവാ​നുള്ള ലോക​ത്തിൽ നിത്യ​ജീ​വ​നെ​യും പ്രാപി​ക്കാ​ത്തവൻ ആരുമില്ല.” (മർക്കൊസ്‌ 10:29, 30) അത്തരം അത്ഭുത​ക​ര​മായ ആത്മീയ സാഹോ​ദ​ര്യ​മു​ള്ള​പ്പോൾ നാം ഒരു പുതിയ രാജ്യ​ത്താ​ണെ​ങ്കിൽപ്പോ​ലും ഒററയ്‌ക്കാ​യി​പ്പോ​വില്ല.

ഗൃഹവി​ര​ഹ​ദുഃ​ഖം ഒഴിവാ​ക്കാ​നുള്ള മറെറാ​രു മാർഗം വീട്ടി​ലു​ള്ള​വ​രു​മാ​യുള്ള സൗഹൃദം നിലനിർത്തു​ക​യാണ്‌. നിങ്ങൾ ഇപ്പോൾ വീടു​വി​ട്ടു പോന്നി​രി​ക്കു​ക​യാ​ണ​ല്ലോ. നിങ്ങളു​ടെ എഴുത്തി​ലെ ആശയവി​നി​യമം വിശേ​ഷാൽ അർഥസ​മ്പു​ഷ്ട​മാ​കു​ന്നതു കാണു​മ്പോൾ നിങ്ങൾക്ക്‌ അത്ഭുതം തോന്നും. കാരണം, എഴുതു​മ്പോൾ നിങ്ങൾ കാര്യ​മാ​യി ചിന്തിച്ചു വാക്കുകൾ തിര​ഞ്ഞെ​ടു​ക്കാ​നാ​ണു സാധ്യത. പറയാൻ രസകര​മായ സംഗതി​ക​ളു​ണ്ടാ​വും. നേരത്തെ സൂചി​പ്പിച്ച ജാനററ്‌ നിർദേ​ശി​ക്കു​ന്നത്‌ ഇതാണ്‌: “ദീർഘ​ദൂര ടെലി​ഫോൺ വിളികൾ ചെലവു കൂടി​യ​താണ്‌. എന്നാൽ റെക്കോഡ്‌ ചെയ്‌ത ഒരു കാസെ​ററ്‌ ടേപ്‌ തപാലി​ലൂ​ടെ അയയ്‌ക്കു​ന്ന​തി​നു താരത​മ്യേന നിസ്സാര ചെലവേ വരുക​യു​ള്ളൂ. ഒരു യന്ത്ര​ത്തോ​ടു സംസാ​രി​ക്കൽ, ആദ്യ​മൊ​ക്കെ ഒരപരി​ചി​ത​ത്വം തോന്നാം. എന്നിരു​ന്നാ​ലും, ഒരു മൈ​ക്രോ​ഫോ​ണി​ലൂ​ടെ നിങ്ങൾ ആരെങ്കി​ലു​മാ​യി സംസാ​രി​ക്കു​മ്പോൾ അത്‌ ആയാസ​ര​ഹി​ത​വും രസകര​വു​മാ​കു​ന്നു.” ഒരു കാസെ​ററ്‌ റെക്കോ​ഡിങ്‌ തിരി​ച്ചും അയയ്‌ക്കാൻ നിങ്ങൾക്ക്‌ ആവശ്യ​പ്പെ​ടാം.

25 വർഷം മുമ്പ്‌ ഐക്യ​നാ​ടു​ക​ളിൽനി​ന്നു ലാററിൻ അമേരി​ക്ക​യി​ലേക്കു കുടി​യേ​റി​പ്പാർത്ത ഷെർലി പറയുന്നു: “പ്രശ്‌ന​ങ്ങൾക്കു പകരം ഞാൻ എപ്പോ​ഴും കെട്ടു​പണി ചെയ്യുന്ന അനുഭ​വ​ങ്ങ​ളാണ്‌ എഴുതാറ്‌. എനിക്ക്‌ തുടർന്നും എഴുതി​ക്കൊ​ണ്ടി​രി​ക്കാൻ ഇതു മററു​ള്ള​വരെ പ്രോ​ത്സാ​ഹി​പ്പി​ക്കു​ന്നു.” പക്ഷേ, ഇവി​ടെ​യും ശ്രദ്ധി​ക്കാ​നുണ്ട്‌. എഴുത്ത​യ​യ്‌ക്കൽ കൂടി​പ്പോ​യാ​ലും കുഴപ്പ​മാണ്‌, ചില​പ്പോൾ പുതിയ കൂട്ടു​കാ​രെ കിട്ടു​ക​യി​ല്ലെ​ന്നും വരാം. കാനഡ​യിൽനി​ന്നു മറെറാ​രു രാജ്യ​ത്തേക്കു പോയ ഡെൽ പറയുന്നു: “വീട്ടിൽ കുത്തി​യി​രു​ന്നു നാട്ടിലെ കാര്യ​ങ്ങ​ളൊ​ക്കെ ഓർത്ത്‌ മൂകമാ​യി​രി​ക്ക​രുത്‌. പുറ​ത്തേ​ക്കി​റ​ങ്ങുക. പുതിയ പ്രദേശം ആസ്വദി​ക്കുക.”

പുതിയ പ്രദേ​ശ​ത്തി​ന്റെ ആചാരങ്ങൾ, ചരിത്രം, നേര​മ്പോ​ക്കു​കൾ, വിനോ​ദ​സ​ഞ്ചാ​ര​പ്ര​ധാ​ന​മായ സ്ഥലങ്ങൾ എന്നിവ​യെ​ക്കു​റി​ച്ചെ​ല്ലാം അറിയണം. ഇതു നിങ്ങളെ നിഷേ​ധാ​ത്മ​ക​വ​ശ​ങ്ങൾക്കു ശ്രദ്ധ കൊടു​ക്കാ​തി​രി​ക്കാൻ സഹായി​ക്കും. വന്നെത്തി​യി​രി​ക്കുന്ന സ്ഥലത്തു​തന്നെ താമസി​ക്കാ​നാ​ണു നിങ്ങളു​ടെ പരിപാ​ടി​യെ​ങ്കിൽ നിങ്ങളു​ടെ മാതൃ​രാ​ജ്യ​ത്തേക്കു പെട്ടെ​ന്നോ കൂടെ​ക്കൂ​ടെ​യോ പോകാ​തി​രി​ക്കു​ന്ന​താണ്‌ ഏററവും ഉചിതം. പുതിയ കൂട്ടു​കെ​ട്ടു​കൾ ഉണ്ടാക്കി​യെ​ടു​ക്കാ​നും പുതിയ ചുററു​പാ​ടു​ക​ളു​മാ​യി ഇണങ്ങാ​നും സമയ​മെ​ടു​ക്കും. തിരിച്ചു വീട്ടി​ലേ​ക്കാ​യി നടത്തുന്ന ദീർഘ​മായ സന്ദർശ​നങ്ങൾ ആ പ്രക്രി​യയെ തടസ്സ​പ്പെ​ടു​ത്തും. ഒരിക്കൽ നിങ്ങൾ വേരു​റ​പ്പി​ച്ചാൽപ്പി​ന്നെ വീട്ടി​ലേക്ക്‌ ഒരു സന്ദർശനം നടത്തി തിരി​ച്ചു​വ​രു​ന്നത്‌ ആസ്വദി​ക്കാം. അതിനി​ട​യിൽ പുതിയ വീടു​മാ​യുള്ള ബന്ധം പടുത്തു​യർത്തു​ന്ന​തിൽ തിര​ക്കോ​ടെ ഏർപ്പെ​ടുക.

മുന്നോ​ട്ടു​തന്നെ നോക്കി​ക്കൊ​ണ്ടി​രി​ക്കുക

മുഴു​ഭൂ​മി​യെ​യും യഹോവ നമുക്കു നമ്മുടെ ഭവനമാ​യി തന്നിരി​ക്കു​ന്നു. (സങ്കീർത്തനം 115:16) സന്തോ​ഷ​നിർഭ​ര​മായ ക്രിസ്‌തീയ ആത്മാവു​ള്ള​പ്പോൾ ഏതു രാജ്യ​ത്താ​യി​രു​ന്നാ​ലും ജീവിതം ഉല്ലാസ​പ്ര​ദ​മാ​യി​രി​ക്കാ​വു​ന്ന​താണ്‌. മറെറാ​രു രാജ്യത്ത്‌ അഥവാ നിങ്ങളു​ടെ​തന്നെ രാജ്യ​ത്തി​ന്റെ മറെറാ​രു ഭാഗത്ത്‌ [ദൈവ]രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കാ​നും സുവാർത്ത പ്രസം​ഗി​ക്കാ​നു​മാണ്‌ നിങ്ങൾ പോകു​ന്ന​തെ​ങ്കിൽ സന്തോ​ഷ​ക​ര​മായ പ്രതീ​ക്ഷ​യോ​ടെ അങ്ങനെ ചെയ്യു​വിൻ. പുതിയ സുഹൃ​ത്തു​ക്കളെ നേടാൻ, വ്യത്യസ്‌ത ആചാര​ങ്ങ​ളെ​ക്കു​റി​ച്ചു പഠിക്കാൻ, ശിഷ്യരെ ഉളവാ​ക്കാൻ, അല്ലെങ്കിൽ ദൈവ​സേ​വ​ന​ത്തിൽ പ്രതി​ഫ​ല​ദാ​യ​ക​മായ കാര്യങ്ങൾ ചെയ്യാൻ നോക്കി​പ്പാർത്തി​രി​ക്കുക.

നിങ്ങൾ എവിടെ ആയിരു​ന്നാ​ലും എല്ലായ്‌പോ​ഴും നിങ്ങ​ളോ​ടൊ​പ്പം ഉണ്ടായി​രി​ക്കുന്ന ഒരു സുഹൃ​ത്താണ്‌ യഹോ​വ​യാം ദൈവം. (സങ്കീർത്തനം 94:14; 145:14, 18) അതു​കൊണ്ട്‌ പ്രാർഥ​ന​യിൽ അവിടു​ത്തോട്‌ അടുത്തി​രി​ക്കുക. (റോമർ 12:12) ദൈവ​ത്തി​ന്റെ ഒരു ദാസനെന്ന നിലയിൽ ജീവി​ത​ത്തിൽ നിങ്ങൾക്കുള്ള ലക്ഷ്യത്തെ മനസ്സിൽ പിടി​ക്കു​വാൻ ഇതു നിങ്ങളെ സഹായി​ക്കും. ഊർ നഗരത്തി​ലെ സുഖ​പ്ര​ദ​മായ വീടു വിട്ടു​പോ​യ​പ്പോൾ അബ്രഹാ​മും സാറാ​യും തങ്ങളുടെ ഉദ്ദേശ്യം മനസ്സിൽ സൂക്ഷിച്ചു. യഹോ​വ​യു​ടെ കൽപ്പന​യോ​ടുള്ള അനുസ​ര​ണ​ത്തിൽ അവർ സുഹൃ​ത്തു​ക്ക​ളെ​യും ബന്ധുക്ക​ളെ​യും വിട്ടേ​ച്ചു​പോ​ന്നു. (പ്രവൃ​ത്തി​കൾ 7:2-4) തങ്ങൾ വിട്ടു​പോന്ന സ്ഥലത്തെ​ക്കു​റിച്ച്‌ ഓർത്തും ആഗ്രഹി​ച്ചും കഴിഞ്ഞി​രു​ന്നെ​ങ്കിൽ അവർക്കു തിരി​ച്ചു​പോ​കാ​നുള്ള അവസരം ഉണ്ടാ​യേനേ. പക്ഷേ അവർ എത്തിപ്പി​ടി​ക്കാൻ ശ്രമി​ച്ചത്‌ അതിലും ഭേദപ്പെട്ട സ്ഥലത്തി​നു​വേ​ണ്ടി​യാ​യി​രു​ന്നു—അന്തിമ​മാ​യി, ദൈവ​ത്തി​ന്റെ സ്വർഗീയ രാജ്യ​ത്തിൻ കീഴിൽ പറുദീ​സാ ഭൂമി​യി​ലെ ജീവി​ത​ത്തി​നു​വേണ്ടി.—എബ്രായർ 11:15, 16.

വിദേ​ശ​വ​യ​ലു​ക​ളി​ലോ മാതൃ​രാ​ജ്യ​ത്തു​തന്നെ രാജ്യ​ഘോ​ഷ​ക​രു​ടെ ആവശ്യം കൂടു​ത​ലു​ള്ള​യി​ട​ങ്ങ​ളി​ലോ പ്രസം​ഗി​ക്കു​ന്നതു തികച്ചും വെല്ലു​വി​ളി​നി​റ​ഞ്ഞ​താ​കാം. എന്നാൽ ആ വേല ഫലമു​ള​വാ​ക്കു​ന്ന​തും ഏററവും പ്രതി​ഫ​ല​ദാ​യ​ക​വും​കൂ​ടി​യാണ്‌. (യോഹ​ന്നാൻ 15:8) താത്‌കാ​ലി​ക​മാ​യി നിഷേ​ധാ​ത്മക ചിന്തകൾ നിങ്ങളെ പിടി​കൂ​ടി​യാൽ നിങ്ങളു​ടെ ലക്ഷ്യം മനസ്സിൽ പിടി​ച്ചു​കൊ​ണ്ടും മുന്നോ​ട്ടു നോക്കി​ക്കൊ​ണ്ടും അവയെ നിങ്ങൾക്കു മറിക​ട​ക്കാ​വു​ന്ന​താണ്‌. വിവാ​ഹി​ത​യ​ല്ലാത്ത ഒരു മിഷനറി സഹോ​ദരി പറഞ്ഞത്‌ ഇതാണ്‌: “എന്നെ ദുഃഖം പിടി​കൂ​ടു​മ്പോൾ ഞാൻ പുതിയ ലോക​ത്തെ​യും അതിൽ സകല മനുഷ്യ​വർഗ​വും എങ്ങനെ​യാണ്‌ ഒററ കുടും​ബ​മാ​യി​രി​ക്കുക എന്നതി​നെ​യും സംബന്ധി​ച്ചു ചിന്തി​ക്കാൻ ശ്രമി​ക്കു​ന്നു.” ഇതു​പോ​ലുള്ള സുഖജ​ന​ക​മായ ചിന്തകൾക്ക്‌ നിങ്ങളു​ടെ സന്തോ​ഷത്തെ നിലനിർത്താ​നും ഗൃഹവി​ര​ഹ​ദുഃ​ഖ​ത്തി​നു വഴി​പ്പെ​ടാ​തി​രി​ക്കാ​നും നിങ്ങളെ സഹായി​ക്കാ​നാ​വും.

[29-ാം പേജിലെ ചിത്രം]

ഗൃഹവിരഹദുഃഖം ക്രിസ്‌തീയ ശുശ്രൂ​ഷ​യ്‌ക്കു വിഘാ​ത​മാ​ക​ണ​മെ​ന്നില്ല