ന്യായാ​സ​ന​ത്തി​നു മുമ്പാകെ നിങ്ങൾ എങ്ങനെ നിൽക്കും?

“മനുഷ്യ​പു​ത്രൻ തന്റെ തേജ​സ്സോ​ടെ സകലവി​ശു​ദ്ധ​ദൂ​ത​ന്മാ​രു​മാ​യി വരു​മ്പോൾ അവൻ തന്റെ തേജസ്സി​ന്റെ സിംഹാ​സ​ന​ത്തിൽ ഇരിക്കും.”—മത്തായി 25:31.

1-3. നീതി സംബന്ധി​ച്ചു ശുഭാ​പ്‌തി​വി​ശ്വാ​സ​മു​ള്ള​വ​രാ​യി​രി​ക്കാൻ നമുക്ക്‌ എന്തു കാരണ​മുണ്ട്‌?

‘കുറ്റക്കാ​ര​നോ നിരപ​രാ​ധി​യോ?’ ഏതെങ്കി​ലും കോട​തി​ക്കേ​സി​നെ​പ്പ​റ്റി​യുള്ള റിപ്പോർട്ടു​കൾ കേൾക്കു​മ്പോൾ അനേക​രും അതേക്കു​റി​ച്ച​റി​യാൻ ജിജ്ഞാ​സു​ക്ക​ളാണ്‌. ന്യായാ​ധി​പ​ന്മാ​രും ജൂറി അംഗങ്ങ​ളും സത്യസ​ന്ധ​രാ​യി​രി​ക്കാൻ ശ്രമി​ച്ചെ​ന്നു​വ​രാം, എന്നാൽ മിക്ക​പ്പോ​ഴും നീതി നടപ്പി​ലാ​കു​ന്നു​ണ്ടോ? ന്യായ​വി​സ്‌താര നടപടി​യി​ലുള്ള അനീതി​യെ​യും അന്യാ​യ​ത്തെ​യും കുറിച്ചു നിങ്ങൾ കേട്ടി​ട്ടി​ല്ലേ? അത്തരം അനീതി പുത്തരി​യ​ല്ലെന്നു ലൂക്കൊസ്‌ 18:1-8-ലുള്ള യേശു​വി​ന്റെ ദൃഷ്ടാ​ന്ത​ത്തിൽനി​ന്നു നമുക്കു കാണാ​വു​ന്ന​താണ്‌.

² മനുഷ്യ​നീ​തി​യു​മാ​യി നിങ്ങളു​ടെ അനുഭവം എന്തുത​ന്നെ​യാ​യി​രു​ന്നാ​ലും യേശു ഉപസം​ഹ​രി​ച്ചി​രി​ക്കു​ന്നത്‌ എങ്ങനെ​യെന്നു ശ്രദ്ധി​ക്കുക: “ദൈവ​മോ രാപ്പകൽ തന്നോടു നിലവി​ളി​ക്കുന്ന തന്റെ വൃതന്മാ​രു​ടെ കാര്യ​ത്തിൽ . . . പ്രതി​ക്രിയ നടത്തി രക്ഷിക്ക​യി​ല്ല​യോ? വേഗത്തിൽ അവരെ പ്രതി​ക്രിയ നടത്തി രക്ഷിക്കും എന്നു ഞാൻ നിങ്ങ​ളോ​ടു പറയുന്നു. എന്നാൽ മനുഷ്യ​പു​ത്രൻ വരു​മ്പോൾ അവൻ ഭൂമി​യിൽ വിശ്വാ​സം കണ്ടെത്തു​മോ?”

³ ഉവ്വ്‌, തന്റെ ദാസന്മാർക്ക്‌ ഒടുവിൽ നീതി ലഭിക്കു​ന്നു​വെന്നു യഹോവ ഉറപ്പു​വ​രു​ത്തും. യേശു​വും അതിൽ ഉൾപ്പെ​ട്ടി​രി​ക്കു​ന്നു, കാരണം പ്രത്യേ​കി​ച്ചും ഇപ്പോൾ നാം ഈ ദുഷ്ടവ്യ​വ​സ്ഥി​തി​യു​ടെ “അന്ത്യകാല”ത്താണു ജീവി​ക്കു​ന്നത്‌. ഭൂമി​യിൽനി​ന്നു ദുഷ്ടത തുടച്ചു​നീ​ക്കാൻ യഹോവ പെട്ടെ​ന്നു​തന്നെ തന്റെ ശക്തനായ പുത്രനെ ഉപയോ​ഗി​ക്കും. (2 തിമൊ​ഥെ​യൊസ്‌ 3:1; 2 തെസ്സ​ലൊ​നീ​ക്യർ 1:7, 8; വെളി​പ്പാ​ടു 19:11-16) യേശു നൽകിയ അവസാന ഉപമക​ളി​ലൊ​ന്നായ, മിക്ക​പ്പോ​ഴും ചെമ്മരി​യാ​ടു​ക​ളു​ടെ​യും കോലാടുകളുടെയും ഉപമ​യെന്നു പറയ​പ്പെ​ടു​ന്ന​തിൽനി​ന്നു നമുക്ക്‌ യേശു​വി​ന്റെ പങ്കു സംബന്ധിച്ച്‌ ഉൾക്കാഴ്‌ച നേടാൻ കഴിയും.

4. ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയു​ടെ കാലയ​ള​വി​നെ​ക്കു​റി​ച്ചു നാം എങ്ങനെ​യാ​ണു മനസ്സി​ലാ​ക്കി​യി​രു​ന്നത്‌, എന്നാൽ ഇപ്പോൾ നാം ആ ഉപമയിൽ ശ്രദ്ധ കേന്ദ്രീ​ക​രി​ക്കു​ന്നത്‌ എന്തു​കൊണ്ട്‌? (സദൃശ​വാ​ക്യ​ങ്ങൾ 4:18)

⁴ യേശു 1914-ൽ രാജാ​വാ​യി സിംഹാ​സ​ന​സ്ഥ​നാ​കു​ന്ന​തും അന്നുമു​തൽ ന്യായ​വി​ധി​കൾ—ചെമ്മരി​യാ​ടു തുല്യ​രെന്നു തെളി​യി​ക്കു​ന്ന​വർക്കു നിത്യ​ജീ​വ​നും കോലാ​ടു തുല്യ​രെന്നു തെളി​യി​ക്കു​ന്ന​വർക്കു ശാശ്വ​ത​മ​ര​ണ​വും വിധി​ച്ചു​കൊണ്ട്‌—നടപ്പാ​ക്കു​ന്ന​തു​മാ​യാണ്‌ ഈ ഉപമ​യെ​ക്കു​റി​ച്ചു നാം ദീർഘ​കാ​ല​മാ​യി മനസ്സി​ലാ​ക്കി​യി​രു​ന്നത്‌. എന്നാൽ ഈ ഉപമ​യെ​ക്കു​റി​ച്ചുള്ള പുനഃ​വി​ചി​ന്തനം അതിന്റെ കാലയ​ള​വി​നെ​യും അത്‌ എന്താണു ചിത്രീ​ക​രി​ക്കു​ന്നത്‌ എന്നതി​നെ​യും കുറിച്ചു പരിഷ്‌ക​രിച്ച ഗ്രാഹ്യ​ത്തി​ലേക്കു വിരൽ ചൂണ്ടുന്നു. ഈ പരിഷ്‌ക​രണം നമ്മുടെ പ്രസം​ഗ​വേ​ല​യു​ടെ പ്രാധാ​ന്യ​ത്തെ​യും ആളുക​ളു​ടെ പ്രതി​ക​ര​ണ​ത്തി​ന്റെ അർഥ​ത്തെ​യും അധികം ബലിഷ്‌ഠ​മാ​ക്കു​ന്നു. ഉപമ​യെ​ക്കു​റി​ച്ചുള്ള ആഴമായ ഈ ഗ്രാഹ്യ​ത്തി​ന്റെ അടിസ്ഥാ​നം കണ്ടെത്തു​ന്ന​തിന്‌, രാജാ​ക്ക​ന്മാ​രും ന്യായാ​ധി​പ​ന്മാ​രു​മെന്ന നിലയിൽ യഹോ​വ​യെ​യും യേശു​വി​നെ​യും കുറിച്ചു ബൈബിൾ എന്താണു പ്രകട​മാ​ക്കു​ന്ന​തെന്നു നമുക്കു പരിചി​ന്തി​ക്കാം.

യഹോവ പരമോ​ന്നത ന്യായാ​ധി​പ​തി

5, 6. യഹോ​വയെ രാജാ​വും ന്യായാ​ധി​പ​തി​യു​മാ​യി കാണു​ന്നത്‌ ഉചിത​മാ​യി​രി​ക്കു​ന്ന​തെ​ന്തു​കൊണ്ട്‌?

⁵ സകലത്തി​ന്മേ​ലും അധികാ​രം പ്രയോ​ഗി​ച്ചു​കൊ​ണ്ടു യഹോവ അഖിലാ​ണ്ഡത്തെ ഭരിക്കു​ന്നു. ആരംഭ​വും അവസാ​ന​വു​മി​ല്ലാത്ത അവൻ “നിത്യ​ത​യു​ടെ രാജാവാ”ണ്‌. (1 തിമൊ​ഥെ​യൊസ്‌ 1:17; സങ്കീർത്തനം 90:2, 4; വെളി​പാട്‌ 15:3, NW) ചട്ടങ്ങളോ നിയമ​ങ്ങ​ളോ ഉണ്ടാക്കു​ന്ന​തി​നും അവ നടപ്പി​ലാ​ക്കു​ന്ന​തി​നും അവന്‌ അധികാ​ര​മുണ്ട്‌. എന്നാൽ ഒരു ന്യായാ​ധി​പ​തി​യാ​യി​രി​ക്കുക എന്നത്‌ അവന്റെ അധികാ​ര​ത്തി​ലുൾപ്പെ​ടു​ന്നു. “യഹോവ നമ്മുടെ ന്യായാ​ധി​പൻ; യഹോവ നമ്മുടെ ന്യായ​ദാ​താ​വു; യഹോവ നമ്മുടെ രാജാവു; അവൻ നമ്മെ രക്ഷിക്കും” എന്നു യെശയ്യാ​വു 33:22 പറയുന്നു.

⁶ വ്യവഹാ​ര​ങ്ങ​ളു​ടെ​യും വിവാ​ദ​ങ്ങ​ളു​ടെ​യും ന്യായാ​ധി​പ​തി​യാ​യി യഹോ​വയെ ദൈവ​ജനം പണ്ടുമു​തലേ അംഗീ​ക​രി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, “സർവ്വഭൂ​മി​ക്കും ന്യായാ​ധി​പ​തി​യാ​യവൻ” സോ​ദോ​മി​ലെ​യും ഗൊ​മോ​റ​യി​ലെ​യും ദുഷ്ടത​യു​ടെ തെളി​വു​കൾ അളന്നു​തൂ​ക്കി​യ​ശേഷം അതിലെ നിവാ​സി​കൾ നാശ​യോ​ഗ്യ​രാ​ണെന്നു വിധി​ക്കു​ക​യും നീതി​യുള്ള ന്യായ​വി​ധി നടപ്പാ​ക്കു​ക​യും ചെയ്‌തു. (ഉല്‌പത്തി 18:20-33; ഇയ്യോബ്‌ 34:10-12) യഹോവ തന്റെ വിധികൾ എല്ലായ്‌പോ​ഴും നടപ്പി​ലാ​ക്കാൻ കഴിയുന്ന നീതി​യുള്ള ന്യായാ​ധി​പ​തി​യാ​ണെന്ന അറിവ്‌ നമു​ക്കെ​ത്ര​മാ​ത്രം ഉറപ്പേ​കണം!

7. ഇസ്രാ​യേ​ല്യ​രു​മാ​യുള്ള ഇടപെ​ട​ലിൽ യഹോവ ന്യായാ​ധി​പ​തി​യെന്ന നിലയിൽ എങ്ങനെ​യാ​ണു പ്രവർത്തി​ച്ചത്‌?

⁷ പുരാതന ഇസ്രാ​യേ​ലിൽ യഹോവ ചില​പ്പോ​ഴൊ​ക്കെ നേരിട്ടു ന്യായ​വി​ധി നടപ്പാക്കി. ഒരു പൂർണ ന്യായാ​ധി​പൻ കാര്യാ​ദി​കൾക്കു തീരു​മാ​ന​മു​ണ്ടാ​ക്കു​ക​യാ​യി​രുന്നു​വെന്ന അറിവ്‌ അന്നു നിങ്ങളെ സാന്ത്വ​ന​പ്പെ​ടു​ത്തു​മാ​യി​രു​ന്നി​ല്ലേ? (ലേവ്യ​പു​സ്‌തകം 24:10-16; സംഖ്യാ​പു​സ്‌തകം 15:32-36; 27:1-11) ന്യായ​വി​ധി​ക്കുള്ള മാനദ​ണ്ഡ​മാ​യി ‘നീതി​ന്യാ​യ തീർപ്പുക’ളും ദൈവം പ്രദാ​നം​ചെ​യ്‌തു. (ലേവ്യ​പു​സ്‌തകം 25:18, 19, NW; നെഹെ​മ്യാ​വു 9:13; സങ്കീർത്തനം 19:9, 10; 119:7, 75, 164; 147:19, 20) അവൻ “സർവ്വഭൂ​മി​ക്കും ന്യായാ​ധി​പതി”യായതി​നാൽ നാമെ​ല്ലാ​വ​രും അതിൽ ഉൾപ്പെ​ടു​ന്നു.—എബ്രായർ 12:23.

8. പ്രസക്ത​മായ എന്തു ദർശന​മാ​ണു ദാനി​യേ​ലിന്‌ ഉണ്ടായത്‌?

⁸ ഈ വസ്‌തുത സംബന്ധി​ച്ചുള്ള ഒരു “ദൃക്‌സാ​ക്ഷി” വിവരണം നമുക്കുണ്ട്‌. ഗവൺമെ​ന്റു​കളെ അഥവാ സാമ്രാ​ജ്യ​ങ്ങളെ ചിത്രീ​ക​രി​ക്കുന്ന ഭീകര മൃഗങ്ങ​ളെ​പ്പറ്റി പ്രവാ​ച​ക​നായ ദാനി​യേ​ലിന്‌ ഒരു ദർശനം നൽക​പ്പെട്ടു. (ദാനീ​യേൽ 7:1-8, 17) അവൻ ഇങ്ങനെ കൂട്ടി​ച്ചേർത്തു: “ന്യായാ​സ​ന​ങ്ങളെ വെച്ചു. വയോ​ധി​ക​നായ ഒരുത്തൻ ഇരുന്നു. അവന്റെ വസ്‌ത്രം ഹിമം​പോ​ലെ വെളുത്ത”തായി​രു​ന്നു. (ദാനീ​യേൽ 7:9) ദാനി​യേൽ സിംഹാ​സ​ന​ങ്ങ​ളും “വയോ​ധി​ക​നായ ഒരുത്തൻ [യഹോവ] ഇരുന്ന”തും കണ്ടു​വെ​ന്നതു ശ്രദ്ധി​ക്കുക. (ചെരി​ച്ചെ​ഴു​ത്തു ഞങ്ങളു​ടേത്‌.) നിങ്ങൾ സ്വയം ചോദി​ക്കുക, ‘ദൈവം രാജാ​വാ​കു​ന്ന​തി​നാ​ണോ ദാനി​യേൽ ഇവിടെ സാക്ഷ്യം വഹിച്ചത്‌?’

9. ഒരു സിംഹാ​സ​ന​ത്തിൽ ‘ഇരിക്കു​ന്നു’ എന്നതിന്റെ ഒരർഥ​മെന്ത്‌? ഉദാഹ​ര​ണങ്ങൾ നൽകുക.

⁹ കൊള്ളാം, ഒരുവൻ ഒരു സിംഹാ​സ​ന​ത്തിൽ “ഇരുന്നു” എന്നു നാം വായി​ക്കു​മ്പോൾ അവൻ രാജാ​വാ​കു​ന്ന​താ​യി നാം ചിന്തി​ച്ചേ​ക്കാം, കാരണം ബൈബിൾ ചില​പ്പോ​ഴൊ​ക്കെ അത്തരം ഭാഷ പ്രയോ​ഗി​ക്കു​ന്നുണ്ട്‌. ഉദാഹ​ര​ണ​ത്തിന്‌, “[സിമ്രി] രാജാ​വാ​യി സിംഹാ​സ​ന​ത്തിൽ ഇരുന്ന ഉടനെ . . . ” (1 രാജാ​ക്ക​ന്മാർ 16:11; 2 രാജാ​ക്ക​ന്മാർ 10:30; 15:12; യിരെ​മ്യാ​വു 33:17) “അവൻ . . . സിംഹാ​സ​ന​ത്തിൽ ഇരുന്നു വാഴും” എന്ന്‌ ഒരു മിശി​ഹൈക പ്രവചനം പറഞ്ഞു. (ചെരി​ച്ചെ​ഴു​ത്തു ഞങ്ങളു​ടേത്‌.) തന്മൂലം, ‘സിംഹാ​സ​ന​ത്തിൽ ഇരിക്കു​ന്നു’ എന്നതു രാജാ​വാ​യി​ത്തീ​രു​ന്ന​തി​നെ അർഥമാ​ക്കാം. (സെഖര്യാ​വു 6:12, 13) സിംഹാ​സ​ന​ത്തി​ലി​രി​ക്കുന്ന ഒരു രാജാ​വാ​യി​ട്ടാ​ണു യഹോ​വയെ വർണി​ച്ചി​രി​ക്കു​ന്നത്‌. (1 രാജാ​ക്ക​ന്മാർ 22:19; യെശയ്യാ​വു 6:1; വെളി​പ്പാ​ടു 4:1-3) അവൻ “നിത്യ​ത​യു​ടെ രാജാവാ”ണ്‌. എങ്കിലും, പരമാ​ധി​കാ​ര​ത്തി​ന്റെ പുതിയ വശം ഉറപ്പാ​ക്കി​യ​തു​കൊണ്ട്‌ അവൻ രാജാവ്‌ ആയിത്തീർന്നു എന്ന്‌, തന്റെ സിംഹാ​സ​ന​ത്തിൽ പുതു​താ​യി ഇരിക്കു​ന്നു​വെ​ന്ന​പോ​ലെ, പറയാൻ കഴിയും.—1 ദിനവൃ​ത്താ​ന്തം 16:1, 31; യെശയ്യാ​വു 52:7; വെളി​പ്പാ​ടു 11:15-17; 15:3, NW; 19:1, 2, 6.

10. ഇസ്രാ​യേല്യ രാജാ​ക്ക​ന്മാ​രു​ടെ ഒരു പ്രധാന ധർമ​മെ​ന്താ​യി​രു​ന്നു? ദൃഷ്ടാ​ന്തീ​ക​രി​ക്കുക.

¹⁰ എന്നാൽ ഒരു മുഖ്യ ആശയമി​താ: പുരാതന രാജാ​ക്ക​ന്മാ​രു​ടെ ഒരു മുഖ്യ ധർമം വ്യവഹാ​രങ്ങൾ കേട്ടു ന്യായ​വി​ധി കൽപ്പി​ക്ക​ലാ​യി​രു​ന്നു. (സദൃശ​വാ​ക്യ​ങ്ങൾ 20:8; 29:14) ഒരു കുട്ടി​ക്കു​വേണ്ടി രണ്ടു സ്‌ത്രീ​കൾ അവകാ​ശ​മു​ന്ന​യി​ച്ച​പ്പോൾ ശലോ​മോൻ നടത്തിയ ജ്ഞാനപൂർവ​ക​മായ ന്യായ​വി​ധി​യെ​പ്പറ്റി അനുസ്‌മ​രി​ക്കുക. (1 രാജാ​ക്ക​ന്മാർ 3:16-28; 2 ദിനവൃ​ത്താ​ന്തം 9:8) അവന്റെ ഭരണനിർവ​ഹ​ണ​ത്തി​നുള്ള കെട്ടി​ട​ങ്ങ​ളി​ലൊ​ന്നു ‘ന്യായം വിധി​ക്കേ​ണ്ട​തി​നുള്ള ആസ്ഥാന​മണ്ഡപ’മായി​രു​ന്നു, അതിനെ ‘സിംഹാ​സ​ന​മ​ണ്ഡപം’ എന്നും വിളി​ച്ചി​രു​ന്നു. (1 രാജാ​ക്ക​ന്മാർ 7:7) ‘ന്യായാ​സ​നങ്ങൾ . . . ഇരിക്കുന്ന’ സ്ഥലമായി യെരു​ശ​ലേ​മി​നെ വർണി​ച്ചി​രു​ന്നു. (സങ്കീർത്തനം 122:5) ‘സിംഹാ​സ​ന​ത്തിൽ ഇരിക്കു​ന്നതു’ ന്യായാ​ധി​കാ​രം നിർവ​ഹി​ക്കു​ന്ന​തി​നെ​യും അർഥമാ​ക്കാ​മെന്നു വ്യക്തമാണ്‌.—പുറപ്പാ​ടു 18:13; സദൃശ​വാ​ക്യ​ങ്ങൾ 20:8.

11, 12. (എ) യഹോവ ഇരിക്കു​ന്ന​താ​യി ദാനീ​യേൽ 7-ാം അധ്യാ​യ​ത്തിൽ സൂചി​പ്പി​ച്ചി​രി​ക്കു​ന്ന​തി​ന്റെ അർഥ​മെന്ത്‌? (ബി) യഹോവ ന്യായം​വി​ധി​ക്കാൻ ഇരിക്കു​ന്നു​വെന്നു മറ്റു വാക്യങ്ങൾ കാണി​ക്കു​ന്ന​തെ​ങ്ങനെ?

¹¹ ‘വയോ​ധി​കൻ ഇരുന്ന’തായി ദാനി​യേൽ കണ്ട രംഗ​ത്തേക്ക്‌ ഇപ്പോൾ നമുക്കു മടങ്ങി​ച്ചെ​ല്ലാം. “ന്യായ​വി​സ്‌താ​രസഭ ഇരുന്നു; പുസ്‌ത​കങ്ങൾ തുറന്നു” എന്നു ദാനീ​യേൽ 7:10 കൂട്ടി​ച്ചേർക്കു​ന്നു. അതേ, ലോകാ​ധി​പ​ത്യ​ത്തെ ന്യായം​വി​ധി​ക്കു​ന്ന​തി​നും ഭരിക്കു​ന്ന​തി​നു മനുഷ്യ​പു​ത്രനെ യോഗ്യ​നെന്നു വിധി​ക്കു​ന്ന​തി​നു​മാ​ണു വയോ​ധി​കൻ ഇരുന്നത്‌. (ദാനീ​യേൽ 7:13, 14) ‘വയോ​ധി​ക​നാ​യവൻ വന്നു അത്യു​ന്ന​ത​നാ​യ​വന്റെ വിശു​ദ്ധ​ന്മാർക്ക്‌ [മനുഷ്യ​പു​ത്ര​നോ​ടൊ​പ്പം ഭരിക്കു​ന്ന​തി​നു യോഗ്യ​രാ​യി ന്യായം​വി​ധി​ക്ക​പ്പെ​ട്ട​വർക്ക്‌] ന്യായാ​ധി​പ​ത്യം നൽകി’യതായി നാം പിന്നീടു വായി​ക്കു​ന്നു. (ദാനീ​യേൽ 7:21) ഒടുവിൽ “ന്യായ​വി​സ്‌താ​രസഭ ഇരുന്നു​കൊ​ണ്ടു” ഒടുവി​ലത്തെ ലോക​ശ​ക്തി​യു​ടെ​മേൽ പ്രതി​കൂ​ല​മാ​യി ന്യായം​വി​ധി​ക്കാൻ തുടങ്ങി.—ദാനീ​യേൽ 7:26a

¹² തദനു​സ​രണം, ദൈവം ‘സിംഹാ​സ​ന​ത്തിൽ ഇരുന്ന’തായി ദാനി​യേൽ കാണു​ന്നത്‌ അവൻ ന്യായം​വി​ധി​ക്കാൻ വരുന്ന​തി​നെ​യാണ്‌ അർഥമാ​ക്കു​ന്നത്‌. മുമ്പു ദാവീദ്‌ പാടി: “നീ [യഹോവ] എന്റെ കാര്യ​വും വ്യവഹാ​ര​വും നടത്തി​യി​രി​ക്കു​ന്നു; നീ നീതി​യോ​ടെ വിധി​ച്ചു​കൊ​ണ്ടു സിംഹാ​സ​ന​ത്തിൽ ഇരിക്കു​ന്നു.” (സങ്കീർത്തനം 9:4, 5) കൂടാതെ യോവേൽ ഇങ്ങനെ എഴുതി: “ജാതികൾ ഉണർന്നു യഹോ​ശാ​ഫാത്ത്‌ താഴ്‌വ​ര​യി​ലേക്കു പുറ​പ്പെ​ടട്ടെ. അവിടെ ഞാൻ [യഹോവ] ചുറ്റു​മുള്ള സകലജാ​തി​ക​ളെ​യും ന്യായം വിധി​ക്കേ​ണ്ട​തി​ന്നു ഇരിക്കും.” (യോവേൽ 3:12; യെശയ്യാ​വു 16:5 താരത​മ്യം ചെയ്യുക.) യേശു​വും പൗലോ​സും ഒരു മനുഷ്യൻ ഇരുന്നു വിചാ​ര​ണ​കേട്ടു ന്യായം​വി​ധി​ക്കുന്ന സാഹച​ര്യ​ത്തി​ലാ​യി​രു​ന്നി​ട്ടുണ്ട്‌.b—യോഹ​ന്നാൻ 19:12-16; പ്രവൃ​ത്തി​കൾ 23:3; 25:6.

യേശു​വി​ന്റെ സ്ഥാനം

13, 14. (എ) യേശു രാജാ​വാ​കു​മെ​ന്ന​തിൽ ദൈവ​ജ​ന​ത്തിന്‌ എന്ത്‌ ഉറപ്പാ​ണു​ണ്ടാ​യി​രു​ന്നത്‌? (ബി) യേശു തന്റെ സിംഹാ​സ​ന​ത്തിൽ എന്നാണ്‌ ഇരുന്നത്‌, പൊ.യു. 33 മുതൽ എന്തർഥ​ത്തി​ലാണ്‌ അവൻ വാഴ്‌ച തുടങ്ങി​യത്‌?

¹³ യഹോവ രാജാ​വും ന്യായാ​ധി​പ​തി​യു​മാണ്‌. യേശു​വോ? അവന്റെ ജനനം വിളി​ച്ച​റി​യിച്ച ദൂതൻ ഇങ്ങനെ പറഞ്ഞു: “കർത്താ​വായ ദൈവം അവന്റെ പിതാ​വായ ദാവീ​ദി​ന്റെ സിംഹാ​സനം അവന്നു കൊടു​ക്കും. . . . അവന്റെ രാജ്യ​ത്തി​ന്നു അവസാനം ഉണ്ടാക​യില്ല.” (ലൂക്കൊസ്‌ 1:32, 33) യേശു ദാവീ​ദിക രാജത്വ​ത്തി​ന്റെ നിത്യാ​വ​കാ​ശി ആയിരി​ക്കും. (2 ശമൂവേൽ 7:12-16) അവൻ സ്വർഗ​ത്തിൽനി​ന്നു ഭരിക്കും. കാരണം, “യഹോവ എന്റെ കർത്താ​വി​നോ​ടു [യേശു] അരുളി​ച്ചെ​യ്യു​ന്നതു: ഞാൻ നിന്റെ ശത്രു​ക്കളെ നിന്റെ പാദപീ​ഠ​മാ​ക്കു​വോ​ളം നീ എന്റെ വലത്തു​ഭാ​ഗ​ത്തി​രിക്ക. നിന്റെ ബലമുള്ള ചെങ്കോൽ യഹോവ സീയോ​നിൽനി​ന്നു നീട്ടും; നീ നിന്റെ ശത്രു​ക്ക​ളു​ടെ മദ്ധ്യേ വാഴുക” എന്നു ദാവീദ്‌ പറഞ്ഞു.—സങ്കീർത്തനം 110:1-4.

¹⁴ അതെന്നാ​യി​രി​ക്കും? മനുഷ്യ​നാ​യി​രു​ന്ന​പ്പോൾ യേശു രാജാ​വാ​യി വാണില്ല. (യോഹ​ന്നാൻ 10:33-37) പൊ.യു. (പൊതു​യു​ഗം) 33-ൽ അവൻ മരിച്ച്‌, ഉയിർത്തെ​ഴു​ന്നേറ്റ്‌, സ്വർഗാ​രോ​ഹണം ചെയ്‌തു. “യേശു​വോ പാപങ്ങൾക്കു വേണ്ടി ഏകയാഗം കഴിച്ചി​ട്ടു എന്നേക്കും ദൈവ​ത്തി​ന്റെ വലത്തു​ഭാ​ഗത്തു ഇരുന്നു” എന്ന്‌ എബ്രായർ 10:12 പറയുന്നു. യേശു​വിന്‌ എന്തധി​കാ​ര​മാണ്‌ ഉണ്ടായി​രു​ന്നത്‌? “[ദൈവം] അവനെ സ്വർഗ്ഗ​ത്തിൽ തന്റെ വലത്തു​ഭാ​ഗത്തു എല്ലാ വാഴ്‌ചെ​ക്കും അധികാ​ര​ത്തി​ന്നും . . . അത്യന്തം മീതെ ഇരുത്തു​ക​യും . . . അവനെ സർവത്തി​ന്നും മീതെ തലയാ”ക്കുകയും ചെയ്‌തു. (എഫെസ്യർ 1:20-22) യേശു​വിന്‌ അന്നു ക്രിസ്‌ത്യാ​നി​ക​ളു​ടെ​മേൽ രാജകീയ അധികാ​ര​മു​ണ്ടാ​യി​രു​ന്ന​തി​നാൽ യഹോവ “നമ്മെ ഇരുട്ടി​ന്റെ അധികാരത്തിൽനി​ന്നു വിടു​വി​ച്ചു തന്റെ സ്‌നേ​ഹ​സ്വ​രൂ​പ​നായ പുത്രന്റെ രാജ്യ​ത്തി​ലാ​ക്കി” എന്നു പൗലോ​സിന്‌ എഴുതാൻ കഴിഞ്ഞു.—കൊ​ലൊ​സ്സ്യർ 1:13; 3:1.

15, 16. (എ) പൊ.യു. 33-ൽ യേശു ദൈവ​രാ​ജ്യ​ത്തി​ന്റെ രാജാ​വാ​യി​ല്ലെന്നു നമ്മൾ പറയു​ന്ന​തെ​ന്തു​കൊണ്ട്‌? (ബി) യേശു ദൈവ​രാ​ജ്യ​ത്തിൽ വാഴ്‌ച തുടങ്ങി​യ​തെന്ന്‌?

¹⁵ എന്നിരു​ന്നാ​ലും, യേശു ആ സമയത്തു രാജാ​വും ന്യായാ​ധി​പ​തി​യു​മാ​യി ജാതി​ക​ളു​ടെ​മേൽ വാണി​രു​ന്നില്ല. ദൈവ​രാ​ജ്യ​ത്തി​ന്റെ രാജാ​വാ​യി വാഴാ​നുള്ള സമയത്തി​നാ​യി അവൻ ദൈവ​ത്തി​ന്റെ അടുത്ത്‌ കാത്തി​രു​ന്നു. ‘“ഞാൻ നിന്റെ ശത്രു​ക്കളെ നിനക്കു പാദപീ​ഠ​മാ​ക്കു​വോ​ളം നീ എന്റെ വലത്തു​ഭാ​ഗ​ത്തി​രിക്ക” എന്നു ദൂതന്മാ​രിൽ ആരോ​ടെ​ങ്കി​ലും വല്ലപ്പോ​ഴും അരുളി​ച്ചെ​യ്‌തി​ട്ടു​ണ്ടോ?’ എന്നു പൗലോ​സിന്‌ യേശു​വി​നെ​പ്പറ്റി എഴുതാൻ കഴിഞ്ഞു.—എബ്രായർ 1:13.

¹⁶ ദൈവ​രാ​ജ്യ​ത്തി​ന്റെ രാജാ​വാ​യി 1914-ൽ യേശു അദൃശ്യ സ്വർഗ​ങ്ങ​ളിൽ വാഴാൻ തുടങ്ങി​യ​തോ​ടെ കാത്തി​രി​പ്പിൻ കാലം അവസാ​നി​ച്ചു​വെ​ന്ന​തി​നു ധാരാളം തെളി​വു​കൾ യഹോ​വ​യു​ടെ സാക്ഷികൾ പ്രസി​ദ്ധീ​ക​രി​ച്ചി​ട്ടുണ്ട്‌. “ലോക​രാ​ജ​ത്വം നമ്മുടെ കർത്താ​വി​ന്നും അവന്റെ ക്രിസ്‌തു​വി​ന്നും ആയിത്തീർന്നി​രി​ക്കു​ന്നു; അവൻ എന്നേക്കും വാഴും” എന്നു വെളി​പ്പാ​ടു 11:15, 18 പറയുന്നു. “ജാതികൾ കോപി​ച്ചു: നിന്റെ കോപ​വും വന്നു.” അതേ, ഒന്നാം ലോക​മ​ഹാ​യു​ദ്ധ​കാ​ലത്തു രാജ്യങ്ങൾ പരസ്‌പരം ക്രോധം പ്രകടി​പ്പി​ച്ചു. (ലൂക്കൊസ്‌ 21:24) നാം 1914 മുതൽ കണ്ടുവ​രുന്ന യുദ്ധങ്ങ​ളും ഭൂകമ്പ​ങ്ങ​ളും മഹാമാ​രി​യും ഭക്ഷ്യക്ഷാ​മ​വും അതു​പോ​ലുള്ള മറ്റു സംഗതി​ക​ളും യേശു ഇപ്പോൾ ദൈവ​രാ​ജ്യ​ത്തിൽ വാഴു​ക​യാ​ണെ​ന്ന​തി​നും ലോക​ത്തി​ന്റെ അന്തിമ നാശം സമീപി​ക്കു​ക​യാ​ണെ​ന്ന​തി​നു​മുള്ള സ്ഥിരീ​ക​ര​ണ​മാണ്‌.—മത്തായി 24:3-14.

17. ഇതി​നോ​ടകം നാം എന്തെല്ലാം മുഖ്യ ആശയങ്ങ​ളാ​ണു സ്ഥാപി​ച്ചത്‌?

¹⁷ ഒരു ഹ്രസ്വ പുനര​വ​ലോ​കനം: ദൈവ​ത്തെ​ക്കു​റിച്ച്‌ അവൻ രാജാ​വാ​യി സിംഹാ​സ​ന​സ്ഥ​നാ​യി​രി​ക്കു​ന്നു​വെന്നു പറയാ​വു​ന്ന​താണ്‌, എന്നാൽ മറ്റൊ​രർഥ​ത്തിൽ, ന്യായം​വി​ധി​ക്കു​ന്ന​തി​നു സിംഹാ​സ​ന​സ്ഥ​നാ​കാൻ അവനു കഴിയും. പൊ.യു. 33-ൽ യേശു ദൈവ​ത്തി​ന്റെ വലത്തു ഭാഗത്തി​രു​ന്നു, ഇപ്പോൾ അവൻ രാജ്യ​ത്തി​ന്റെ രാജാ​വാണ്‌. എന്നാൽ ഇപ്പോൾ രാജാ​വാ​യി ഭരിക്കുന്ന യേശു ന്യായാ​ധി​പ​തി​യാ​യും സേവന​മ​നു​ഷ്‌ഠി​ക്കു​ന്നു​ണ്ടോ? ഇതു നമ്മിൽ, പ്രത്യേ​കി​ച്ചും ഇപ്പോൾ, എന്തിനു താത്‌പ​ര്യ​മു​ണർത്തണം?

18. യേശു ന്യായാ​ധി​പ​തി​യാ​യും വാഴു​മെ​ന്ന​തിന്‌ എന്തു തെളി​വാ​ണു​ള്ളത്‌?

¹⁸ ന്യായാ​ധി​പ​തി​കളെ നിയോ​ഗി​ക്കാൻ അധികാ​ര​മുള്ള യഹോവ യേശു​വി​നെ തന്റെ നിലവാ​ര​ങ്ങൾക്കു നിരക്കു​ന്ന​വ​നാ​യി തിര​ഞ്ഞെ​ടു​ത്തു. ആളുകൾ ആത്മീയ​മാ​യി ജീവി​ക്കു​ന്ന​വ​രാ​യി​ത്തീ​രു​ന്ന​തി​നെ​പ്പറ്റി പറഞ്ഞ​പ്പോൾ യേശു അതു പ്രകട​മാ​ക്കി: “പിതാവു ആരെയും ന്യായം വിധി​ക്കാ​തെ ന്യായ​വി​ധി എല്ലാം പുത്രന്നു കൊടു​ത്തി​രി​ക്കു​ന്നു.” (യോഹ​ന്നാൻ 5:22) എങ്കിലും, ന്യായ​വി​ധി നടപ്പാ​ക്കു​ന്ന​തി​നുള്ള യേശു​വി​ന്റെ പങ്ക്‌ അത്തരം ന്യായം​വി​ധി​ക്ക​ലി​നു​മ​പ്പു​റം പോകു​ന്നു, കാരണം അവൻ ജീവി​ച്ചി​രി​ക്കു​ന്ന​വ​രു​ടെ​യും മരിച്ച​വ​രു​ടെ​യും ന്യായാ​ധി​പ​തി​യാണ്‌. (പ്രവൃ​ത്തി​കൾ 10:42; 2 തിമൊ​ഥെ​യൊസ്‌ 4:1) “താൻ നിയമിച്ച പുരുഷൻ[യേശു]മുഖാ​ന്തരം ലോകത്തെ നീതി​യിൽ ന്യായം വിധി​പ്പാൻ [ദൈവം] ഒരു ദിവസത്തെ നിശ്ചയി​ച്ചു; അവനെ മരിച്ച​വ​രിൽനി​ന്നു ഉയിർത്തെ​ഴു​ന്നേ​ല്‌പി​ച്ച​തി​നാൽ എല്ലാവർക്കും അതിന്റെ ഉറപ്പു നല്‌കി​യു​മി​രി​ക്കു​ന്നു.”—പ്രവൃ​ത്തി​കൾ 17:31; സങ്കീർത്തനം 72:2-7.

19. യേശു ന്യായാ​ധി​പ​തി​യാ​യി ഇരിക്കു​ന്നു​വെന്നു പറയു​ന്നതു ശരിയാ​യി​രി​ക്കു​ന്ന​തെ​ന്തു​കൊണ്ട്‌?

¹⁹ അങ്ങനെ, യേശു ന്യായാ​ധി​പ​തി​യു​ടെ സ്ഥാനമ​ല​ങ്ക​രി​ച്ചു​കൊണ്ട്‌ ഒരു മഹനീയ സിംഹാ​സ​ന​ത്തിൽ ആസനസ്ഥ​നാ​യി​രി​ക്കു​ന്നു​വെന്നു നിഗമനം ചെയ്യാൻ നമുക്കു ന്യായ​മു​ണ്ടോ? ഉവ്വ്‌. “എന്നെ അനുഗ​മി​ച്ചി​രി​ക്കുന്ന നിങ്ങൾ പുനർജ്ജ​ന​ന​ത്തിൽ [“പുനഃ​സൃ​ഷ്ടി,” NW] മനുഷ്യ​പു​ത്രൻ തന്റെ മഹത്വ​ത്തി​ന്റെ സിംഹാ​സ​ന​ത്തിൽ ഇരിക്കു​മ്പോൾ നിങ്ങളും പന്ത്രണ്ടു സിംഹാ​സ​ന​ത്തിൽ ഇരുന്നു യിസ്രാ​യേൽഗോ​ത്രം പന്ത്രണ്ടി​ന്നും ന്യായം വിധി​ക്കും” എന്ന്‌ യേശു അപ്പോ​സ്‌ത​ല​ന്മാ​രോ​ടു പറഞ്ഞു. (ചെരി​ച്ചെ​ഴു​ത്തു ഞങ്ങളു​ടേത്‌.) (മത്തായി 19:28) യേശു ഇപ്പോൾ രാജ്യ​ത്തി​ന്റെ രാജാ​വാ​ണെ​ന്നു​വ​രി​കി​ലും മത്തായി 19:28-ൽ സൂചി​പ്പി​ച്ചി​രി​ക്കുന്ന അവന്റെ കൂടു​ത​ലായ പ്രവർത്ത​ന​ത്തിൽ സഹസ്രാബ്ദ വാഴ്‌ച​ക്കാ​ലത്തു ന്യായം​വി​ധി​ക്കു​ന്ന​തി​നു സിംഹാ​സ​ന​സ്ഥ​നാ​കു​ന്ന​തും ഉൾപ്പെ​ടും. അന്ന്‌ അവൻ മനുഷ്യ​വർഗത്തെ മുഴുവൻ, നീതി​മാൻമാ​രെ​യും നീതി​കെ​ട്ട​വ​രെ​യും, ന്യായം​വി​ധി​ക്കും. (പ്രവൃ​ത്തി​കൾ 24:15) നമ്മുടെ കാല​ത്തെ​യും നമ്മുടെ ജീവ​നെ​യും സംബന്ധി​ച്ചു വിവരി​ക്കുന്ന യേശു​വി​ന്റെ ഉപമക​ളി​ലൊ​ന്നി​ലേക്കു നമ്മുടെ ശ്രദ്ധ തിരി​ക്കു​മ്പോൾ ഇതു മനസ്സിൽ പിടി​ക്കു​ന്നതു സഹായ​ക​മാ​യി​രി​ക്കും.

ഉപമ എന്താണു പറയു​ന്നത്‌?

20, 21. നമ്മുടെ സമയ​ത്തോ​ടു ബന്ധപ്പെട്ട എന്തു ചോദ്യ​മാണ്‌ യേശു​വി​ന്റെ അപ്പോ​സ്‌ത​ല​ന്മാർ ചോദി​ച്ചത്‌, അത്‌ എന്തു ചോദ്യ​ത്തി​ലേക്കു നയിക്കു​ന്നു?

²⁰ “ഇതെല്ലാം എപ്പോൾ സംഭവി​ക്കും, നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?” എന്ന്‌ യേശു മരിക്കു​ന്ന​തി​നു തൊട്ടു​മുമ്പ്‌ അവന്റെ അപ്പോ​സ്‌ത​ല​ന്മാർ അവനോ​ടു ചോദി​ച്ചു. (മത്തായി 24:3, NW) ‘അവസാനം വരുന്ന​തി​നു മുമ്പ്‌’ ഭൂമി​യിൽ സംഭവി​ക്കാൻ പോകുന്ന ശ്രദ്ധേ​യ​മായ സംഭവ​വി​കാ​സ​ങ്ങ​ളെ​പ്പറ്റി യേശു മുൻകൂ​ട്ടി​പ്പ​റഞ്ഞു. ആ അന്ത്യത്തി​നു തൊട്ടു​മു​മ്പു “മനുഷ്യ​പു​ത്രൻ ആകാശ​ത്തി​ലെ മേഘങ്ങ​ളി​ന്മേൽ മഹാശ​ക്തി​യോ​ടും തേജ​സ്സോ​ടും കൂടെ വരുന്നതു” ജാതികൾ കാണും.—മത്തായി 24:14, 29, 30.

²¹ എങ്കിലും, മനുഷ്യ​പു​ത്രൻ തന്റെ തേജസ്സിൽ വന്നെത്തു​മ്പോൾ ആ ജാതി​ക​ളി​ലുള്ള ജനങ്ങൾ എങ്ങനെ വർത്തി​ക്കും? നമുക്ക്‌ ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയിൽനിന്ന്‌ അതു കണ്ടുപി​ടി​ക്കാം. അത്‌ ഇങ്ങനെ തുടങ്ങു​ന്നു: “മനുഷ്യ​പു​ത്രൻ തന്റെ തേജ​സ്സോ​ടെ സകലവി​ശു​ദ്ധ​ദൂ​ത​ന്മാ​രു​മാ​യി വരു​മ്പോൾ അവൻ തന്റെ തേജസ്സി​ന്റെ സിംഹാ​സ​ന​ത്തിൽ ഇരിക്കും. സകല ജാതി​ക​ളെ​യും അവന്റെ മുമ്പിൽ കൂട്ടും.”—മത്തായി 25:31, 32.

22, 23. ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയു​ടെ നിവൃത്തി 1914-ൽ തുടങ്ങി​യി​ല്ലെന്നു കാണി​ക്കുന്ന ആശയങ്ങൾ ഏത്‌?

²² നാം നേരത്തെ മനസ്സി​ലാ​ക്കി​യി​രു​ന്ന​വണ്ണം ഈ ഉപമ 1914-ൽ യേശു തന്റെ രാജകീയ അധികാ​ര​ത്തിൽ ഇരുന്ന​തു​മാ​യി ബന്ധപ്പെ​ട്ടി​രി​ക്കു​ന്നു​വോ? കൊള്ളാം, മത്തായി 25:34 യേശു​വി​നെ രാജാ​വെന്നു വിളി​ക്കു​ന്നുണ്ട്‌. തന്മൂലം 1914-ൽ യേശു രാജാ​വാ​യ​തു​മു​തൽ ഈ ഉപമ ബാധക​മാ​യി​രി​ക്കു​ന്നതു യുക്തി​സ​ഹ​മാണ്‌. അതേത്തു​ടർന്നു പെട്ടെന്ന്‌ അവൻ ഏതു ന്യായ​വി​ധി​യാ​ണു നടപ്പാ​ക്കി​യത്‌? അതു “സകല ജാതിക”ളുടെ​യും ന്യായ​വി​ധി​യാ​യി​രു​ന്നില്ല. മറിച്ച്‌, അവൻ “ദൈവ​ഗൃഹ”മെന്ന്‌ അവകാ​ശ​പ്പെ​ട്ട​വ​രു​ടെ ഇടയിൽ തന്റെ ശ്രദ്ധ കേന്ദ്രീ​ക​രി​ച്ചു. (ചെരി​ച്ചെ​ഴു​ത്തു ഞങ്ങളു​ടേത്‌.) (1 പത്രൊസ്‌ 4:17) മലാഖി 3:1-3-നു ചേർച്ച​യിൽ യഹോ​വ​യു​ടെ സന്ദേശ​വാ​ഹ​ക​നെന്ന നിലയിൽ യേശു ഭൂമി​യിൽ അവശേ​ഷി​ച്ചി​രുന്ന അഭിഷിക്ത ക്രിസ്‌ത്യാ​നി​കളെ നീതി​ന്യാ​യ​പ​ര​മാ​യി പരി​ശോ​ധി​ച്ചു. അതു “ദൈവ​ഗൃഹ”മെന്നു വ്യാജ​രൂ​പേണ അവകാ​ശ​പ്പെട്ട ക്രൈ​സ്‌ത​വ​ലോ​ക​ത്തി​ന്മേൽ ന്യായ​വി​ധി നടപ്പാ​ക്കു​ന്ന​തി​നുള്ള സമയവു​മാ​യി​രു​ന്നു.c (വെളി​പ്പാ​ടു 17:1, 2; 18:4-8) എങ്കിലും അന്നോ അന്നു മുതലോ സകല ജാതി​ക​ളെ​യും ഒടുവിൽ ചെമ്മരി​യാ​ടു​ക​ളോ കോലാ​ടു​ക​ളോ ആയി ന്യായം​വി​ധി​ക്കാൻ യേശു ഇരുന്ന​താ​യി യാതൊ​ന്നും സൂചി​പ്പി​ക്കു​ന്നില്ല.

²³ ആ ഉപമയിൽ യേശു​വി​ന്റെ പ്രവർത്ത​ന​ത്തെ​പ്പറ്റി നാം വിശക​ലനം ചെയ്യു​ന്ന​പക്ഷം അവൻ ഒടുവിൽ സകല ജാതി​ക​ളെ​യും ന്യായം​വി​ധി​ക്കു​ന്ന​താ​യി നാം നിരീ​ക്ഷി​ക്കു​ന്നു. ഇക്കഴിഞ്ഞ ദശകങ്ങ​ളി​ലെ​ല്ലാ​മാ​യി മരിച്ചു​പോയ വ്യക്തികൾ ശാശ്വ​ത​നാ​ശ​ത്തി​നോ നിത്യ​ജീ​വ​നോ യോഗ്യ​രാ​യി ന്യായം​വി​ധി​ക്ക​പ്പെ​ട്ടി​രി​ക്ക​ത്ത​ക്ക​വണ്ണം അത്തരം ന്യായ​വി​ധിക്ക്‌ അനേക വർഷങ്ങ​ളു​ടെ ദൈർഘ്യ​മു​ള്ള​താ​യി ആ ഉപമ കാണി​ക്കു​ന്നില്ല. സമീപ ദശകങ്ങ​ളിൽ മരിച്ച​വ​രിൽ ഭൂരി​പ​ക്ഷ​വും മനുഷ്യ​വർഗ​ത്തി​ന്റെ പൊതു ശവക്കു​ഴി​യി​ലേക്കു പോയ​താ​യി തോന്നു​ന്നു. (വെളി​പ്പാ​ടു 6:8; 20:13) എന്നുവ​രി​കി​ലും, അന്നു ജീവി​ച്ചി​രി​ക്കുന്ന, തന്റെ ന്യായ​വി​ധി​യെ അഭിമു​ഖീ​ക​രി​ക്കുന്ന, “സകല ജാതിക”ളെയും യേശു ന്യായം​വി​ധി​ക്കുന്ന സമയ​ത്തെ​പ്പറ്റി ഉപമ സൂചി​പ്പി​ക്കു​ന്നുണ്ട്‌.

24. ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമ എപ്പോൾ നിവൃ​ത്തി​യേ​റും?

²⁴ മറ്റുവാ​ക്കു​ക​ളിൽ പറഞ്ഞാൽ മനുഷ്യ​പു​ത്രൻ തന്റെ തേജസ്സിൽ വരുന്ന ഭാവി സമയ​ത്തെ​യാണ്‌ ഉപമ ചൂണ്ടി​ക്കാ​ട്ടു​ന്നത്‌. അന്നു ജീവി​ച്ചി​രി​ക്കു​ന്ന​വരെ ന്യായം​വി​ധി​ക്കാ​നാ​യി അവൻ ഇരിക്കും. തങ്ങൾ എന്താ​ണെന്ന്‌ അവർ സ്വയം പ്രകട​മാ​ക്കി​യി​രി​ക്കു​ന്ന​തി​ന്റെ അടിസ്ഥാ​ന​ത്തി​ലാ​യി​രി​ക്കും അവന്റെ ന്യായ​വി​ധി. അന്ന്‌ “ദൈവത്തെ സേവി​ക്കു​ന്ന​വ​നും സേവി​ക്കാ​ത്ത​വ​നും തമ്മിലുള്ള വ്യത്യാ​സം” വ്യക്തമാ​യി സ്ഥാപിച്ചു കഴിഞ്ഞി​രി​ക്കും. (മലാഖി 3:18) ഒരു പരിമി​ത​മായ സമയത്തി​നു​ള്ളിൽ യഥാർഥ ന്യായ​വി​ധി കൽപ്പി​ക്കു​ക​യും നടപ്പാ​ക്കു​ക​യും ചെയ്യു​ന്ന​താണ്‌. വ്യക്തി​ക​ളെ​ക്കു​റി​ച്ചു വ്യക്തമാ​യി​ത്തീർന്നി​രി​ക്കുന്ന സംഗതി​ക​ളു​ടെ അടിസ്ഥാ​ന​ത്തിൽ യേശു നീതി​പൂർവ​ക​മായ തീരു​മാ​നങ്ങൾ എടുക്കും.—2 കൊരി​ന്ത്യർ 5:10 കൂടെ കാണുക.

25. മനുഷ്യ​പു​ത്രൻ തേജസ്സുള്ള സിംഹാ​സ​ന​ത്തി​ലി​രി​ക്കു​മെന്നു പറയു​മ്പോൾ മത്തായി 25:31 എന്താണു സൂചി​പ്പി​ക്കു​ന്നത്‌?

²⁵ അങ്ങനെ യേശു ന്യായ​വി​ധി​ക്കാ​യി “തേജസ്സി​ന്റെ സിംഹാ​സ​ന​ത്തിൽ ഇരിക്കു”ന്നതായി സൂചി​പ്പി​ക്കുന്ന മത്തായി 25:31, ശക്തനായ ഈ രാജാവു ജാതി​ക​ളു​ടെ​മേൽ ന്യായ​വി​ധി പ്രഖ്യാ​പി​ച്ചു നടപ്പാ​ക്കുന്ന ഒരു ഭാവി കാലത്തെ അർഥമാ​ക്കു​ന്നു. അതേ, മത്തായി 25:31-33, 46-ൽ കൊടു​ത്തി​രി​ക്കുന്ന യേശു ഉൾപ്പെ​ടുന്ന ന്യായ​വി​ധി​യു​ടെ രംഗം, വാഴ്‌ച നടത്തുന്ന രാജാ​വായ വയോ​ധി​കൻ ന്യായാ​ധി​പ​നെന്ന തന്റെ ധർമം നിർവ​ഹി​ക്കാ​നാ​യി ഇരിക്കുന്ന ദാനീ​യേൽ 7-ലെ രംഗവു​മാ​യി താരത​മ്യ​പ്പെ​ടു​ത്താ​വു​ന്ന​താണ്‌.

26. ആ ഉപമ​യെ​പ്പറ്റി പുതിയ എന്തു വിശദീ​ക​ര​ണ​മാ​ണു വ്യക്തമാ​യി​രി​ക്കു​ന്നത്‌?

²⁶ ചെമ്മരി​യാ​ടു​ക​ളെ​യും കോലാ​ടു​ക​ളെ​യും കുറി​ച്ചുള്ള ഉപമയു​ടെ ഈ രീതി​യി​ലുള്ള ഗ്രാഹ്യം ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ന്യായ​വി​ധി നടത്ത​പ്പെ​ടു​ന്നതു ഭാവി​യി​ലാ​യി​രി​ക്കു​മെന്നു സൂചി​പ്പി​ക്കു​ന്നു. അത്‌, മത്തായി 24:29, 30-ൽ [NW] സൂചി​പ്പി​ച്ചി​രി​ക്കുന്ന “മഹോ​പ​ദ്രവം” പൊട്ടി​പ്പു​റ​പ്പെ​ടു​ക​യും മനുഷ്യ​പു​ത്രൻ ‘തേജ​സ്സോ​ടു​കൂ​ടെ വരുക’യും ചെയ്‌ത​ശേഷം സംഭവി​ക്കും. (മർക്കൊസ്‌ 13:24-26 താരത​മ്യം ചെയ്യുക.) പിന്നീട്‌, മുഴു ദുഷ്ടവ്യ​വ​സ്ഥി​തി​യു​ടെ​യും അന്ത്യത്തിൽ യേശു ന്യായ​വി​സ്‌താ​രസഭ വിളി​ച്ചു​കൂ​ട്ടു​ക​യും ന്യായ​വി​ധി കൽപ്പി​ക്കു​ക​യും നിർവ​ഹി​ക്കു​ക​യും ചെയ്യും.—യോഹ​ന്നാൻ 5:30; 2 തെസ്സ​ലൊ​നീ​ക്യർ 1:7-10.

27. യേശു​വി​ന്റെ അവസാ​നത്തെ ഉപമ​യെ​പ്പറ്റി എന്തറി​യാൻ നാം തത്‌പ​ര​രാ​യി​രി​ക്കണം?

²⁷ ചെമ്മരി​യാ​ടു​ക​ളും കോലാ​ടു​ക​ളും ന്യായം​വി​ധി​ക്ക​പ്പെ​ടു​ന്നതു പ്രകട​മാ​ക്കുന്ന ഉപമയു​ടെ സമയ​ത്തെ​ക്കു​റി​ച്ചുള്ള നമ്മുടെ ഗ്രാഹ്യ​ത്തെ ഇതു വ്യക്തമാ​ക്കു​ന്നു. എന്നാൽ തീക്ഷ്‌ണ​ത​യോ​ടെ രാജ്യ​സു​വാർത്ത പ്രസം​ഗി​ക്കുന്ന നമ്മെ ഇത്‌ എങ്ങനെ ബാധി​ക്കു​ന്നു? (മത്തായി 24:14) ഇതു നമ്മുടെ വേലയെ പ്രാധാ​ന്യം കുറഞ്ഞ​താ​ക്കി​ത്തീർക്കു​ന്നു​ണ്ടോ, അതോ ഉത്തരവാ​ദി​ത്വ​ത്തി​ന്റെ ഒരു വലിയ ഭാരം ഇതു നമ്മു​ടെ​മേൽ കൊണ്ടു​വ​രു​ന്നു​ണ്ടോ? നമ്മെ ഇത്‌ എങ്ങനെ ബാധി​ക്കു​ന്നു​വെന്ന്‌ അടുത്ത ലേഖന​ത്തിൽ നമുക്കു കാണാം.

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ യഹോവ രാജാ​വും ന്യായാ​ധി​പ​തി​യു​മാ​യി സേവന​മ​നു​ഷ്‌ഠി​ക്കു​ന്ന​തെ​ങ്ങനെ?

◻ ‘സിംഹാ​സ​ന​ത്തിൽ ഇരിക്കു​ന്നു’ എന്നതിന്‌ ഏതു രണ്ട്‌ അർഥമു​ണ്ടാ​യി​രി​ക്കാൻ കഴിയും?

◻ മത്തായി 25:31-ന്റെ കാലയ​ള​വി​നെ​പ്പറ്റി നാം നേരത്തെ എന്താണു പറഞ്ഞി​രു​ന്നത്‌, പരിഷ്‌ക​രിച്ച വീക്ഷണ​ത്തിന്‌ എന്ത്‌ അടിസ്ഥാ​ന​മാ​ണു​ള്ളത്‌?

◻ മത്തായി 25:31 സൂചി​പ്പി​ക്കു​ന്ന​പ്ര​കാ​രം മനുഷ്യ​പു​ത്രൻ എന്നാണു തന്റെ സിംഹാ​സ​ന​ത്തിൽ ഇരിക്കു​ന്നത്‌?