വിവാ​ഹ​മോ​ച​ന​വും വേർപി​രി​യ​ലും—ബൈബി​ളി​ന്റെ വീക്ഷണം

വിവാ​ഹി​തർ വിവാ​ഹ​പ്ര​തി​ജ്ഞ​യോ​ടു വിശ്വ​സ്‌ത​രാ​യി​രി​ക്കാൻ യഹോവ പ്രതീ​ക്ഷി​ക്കു​ന്നു. ആദ്യപു​രു​ഷ​നെ​യും സ്‌ത്രീ​യെ​യും വിവാഹം കഴിപ്പി​ച്ച​പ്പോൾ യഹോവ ഇങ്ങനെ പറഞ്ഞു: “പുരുഷൻ . . . ഭാര്യ​യോ​ടു പറ്റി​ച്ചേ​രും; അവർ രണ്ടു പേരും ഒരു ശരീര​മാ​യി​ത്തീ​രും.” പിൽക്കാ​ലത്ത്‌ യേശു ആ പ്രസ്‌താ​വന ആവർത്തി​ച്ചിട്ട്‌ ഇങ്ങനെ കൂട്ടി​ച്ചേർത്തു: “അതു​കൊണ്ട്‌ ദൈവം കൂട്ടി​ച്ചേർത്ത​തി​നെ ഒരു മനുഷ്യ​നും വേർപെ​ടു​ത്താ​തി​രി​ക്കട്ടെ.” (ഉൽപത്തി 2:24; മത്തായി 19:3-6) അതിനാൽ ഇണകളിൽ ഒരാളു​ടെ മരണം​വരെ നീണ്ടു​നിൽക്കുന്ന ഒരു ആജീവ​നാ​ന്ത​ബ​ന്ധ​മാ​യാണ്‌ യഹോ​വ​യും യേശു​വും ദാമ്പത്യ​ത്തെ കാണു​ന്നത്‌. (1 കൊരി​ന്ത്യർ 7:39) ദാമ്പത്യം പാവന​മായ ഒരു ക്രമീ​ക​ര​ണ​മാ​യ​തി​നാൽ, വിവാ​ഹ​മോ​ച​നത്തെ ലാഘവ​ത്തോ​ടെ കാണാ​നാ​കില്ല. തിരു​വെ​ഴു​ത്ത​ധി​ഷ്‌ഠി​ത​മ​ല്ലാത്ത എല്ലാ വിവാ​ഹ​മോ​ച​ന​ങ്ങ​ളെ​യും യഹോവ വെറു​ക്കു​ന്നു.—മലാഖി 2:15, 16.

അങ്ങനെ​യെ​ങ്കിൽ വിവാ​ഹ​മോ​ച​ന​ത്തി​നുള്ള ഒരു തിരു​വെ​ഴു​ത്ത​ടി​സ്ഥാ​നം എന്താണ്‌? യഹോവ വ്യഭി​ചാ​ര​ത്തെ​യും ലൈം​ഗിക അധാർമി​ക​ത​യെ​യും വെറു​ക്കു​ന്നു. (ഉല്‌പത്തി 39:9; 2 ശമുവേൽ 11:26, 27; സങ്കീർത്തനം 51:4) വിവാ​ഹ​മോ​ച​ന​ത്തി​നുള്ള സാധു​വായ ഒരു കാരണ​മാ​ണു ലൈം​ഗിക അധാർമി​കത. അതിൽനിന്ന്‌ ദൈവം ലൈം​ഗിക അധാർമി​ക​തയെ എത്ര നികൃ​ഷ്ട​മാ​യാ​ണു കാണു​ന്ന​തെന്നു മനസ്സി​ലാ​ക്കാം. (ലൈം​ഗിക അധാർമി​ക​ത​യിൽ എന്തെല്ലാം ഉൾപ്പെ​ടു​ന്നു​ണ്ടെ​ന്നതു സംബന്ധിച്ച കൂടുതൽ വിവര​ങ്ങൾക്ക്‌ ഈ പുസ്‌ത​ക​ത്തി​ലെ ഒൻപതാം അധ്യാ​യ​ത്തി​ന്റെ ഏഴാം ഖണ്ഡിക കാണുക.) തെറ്റു ചെയ്‌ത ഇണയോ​ടൊ​പ്പം കഴിയ​ണോ അതോ വിവാ​ഹ​മോ​ചനം നേടണോ എന്നു തീരു​മാ​നി​ക്കാ​നുള്ള അവകാശം യഹോവ നിർദോ​ഷി​യായ ഇണയ്‌ക്കു നൽകുന്നു. (മത്തായി 19:9) അതിനാൽ, നിർദോ​ഷി​യായ ഒരു ഇണ വിവാ​ഹ​മോ​ചനം നേടാൻ തീരു​മാ​നി​ച്ചാൽ, അത്‌ യഹോ​വയെ അപ്രീ​തി​പ്പെ​ടു​ത്തില്ല. അതേസ​മയം, വിവാ​ഹ​മോ​ചനം നേടാൻ ക്രിസ്‌തീ​യസഭ ആരെയും പ്രേരി​പ്പി​ക്കു​ക​യു​മില്ല. ചില കേസു​ക​ളിൽ, തെറ്റു ചെയ്‌ത ഇണയോ​ടൊ​പ്പം താമസി​ക്കാൻ നിർദോ​ഷി​യായ ഇണ തീരു​മാ​നി​ച്ചെ​ന്നു​വ​രാം, ആ വ്യക്തിക്ക്‌ ആത്മാർഥ​മായ പശ്ചാത്താ​പ​മു​ണ്ടെ​ങ്കിൽ പ്രത്യേ​കി​ച്ചും. എന്തുത​ന്നെ​യാ​യാ​ലും, തിരു​വെ​ഴു​ത്തു​പ​ര​മായ അടിസ്ഥാ​ന​മു​ള്ള​പ്പോൾ വിവാ​ഹ​മോ​ചനം വേണോ വേണ്ടയോ എന്നു തീരു​മാ​നി​ക്കേ​ണ്ടത്‌ ഓരോ വ്യക്തി​യു​മാണ്‌. അതിന്റെ പരിണ​ത​ഫ​ലങ്ങൾ എന്തായി​രു​ന്നാ​ലും അതു സ്വീക​രി​ക്കാൻ അവർ തയ്യാറാ​യി​രി​ക്കു​ക​യും വേണം.—ഗലാത്യർ 6:5.

ലൈം​ഗി​ക അധാർമി​കത ഉൾപ്പെ​ട്ടി​ട്ടി​ല്ലെ​ങ്കിൽപ്പോ​ലും, അങ്ങേയറ്റം ദുസ്സഹ​മായ ചില സാഹച​ര്യ​ങ്ങ​ളിൽ വേർപി​രി​യാ​നോ വിവാ​ഹ​മോ​ചനം നേടാ​നോ ചില ക്രിസ്‌ത്യാ​നി​കൾ തീരു​മാ​നി​ച്ചി​ട്ടുണ്ട്‌. അത്തരം കേസു​ക​ളിൽ, വേർപി​രി​യുന്ന ഇണ “വിവാഹം കഴിക്കാ​തെ ജീവി​ക്കണം,” അല്ലെങ്കിൽ ഇണയു​മാ​യി “രമ്യത​യി​ലാ​കണം” എന്നാണു ബൈബിൾ വ്യവസ്ഥ ചെയ്യു​ന്നത്‌. (1 കൊരി​ന്ത്യർ 7:11) പക്ഷേ, അത്തര​മൊ​രു ക്രിസ്‌ത്യാ​നി​ക്കു പുനർവി​വാ​ഹം ചെയ്യാ​നുള്ള സ്വാത​ന്ത്ര്യ​മില്ല. (മത്തായി 5:32) വേർപി​രി​യാ​നുള്ള അടിസ്ഥാ​ന​മാ​യി ചിലർ കണ്ടിരി​ക്കുന്ന ചില പ്രത്യേ​ക​സാ​ഹ​ച​ര്യ​ങ്ങ​ളെ​ക്കു​റിച്ച്‌ നമുക്ക്‌ ഇനി നോക്കാം.

മനഃപൂർവം കുടും​ബം നോക്കാ​തി​രി​ക്കുക. കഴിവു​ണ്ടാ​യി​ട്ടും ഭർത്താവ്‌ കുടും​ബത്തെ പോറ്റാ​ത്ത​തി​നാൽ കുടും​ബാം​ഗങ്ങൾ അടിസ്ഥാ​നാ​വ​ശ്യ​ങ്ങൾക്കു​പോ​ലും വഴികാ​ണാ​തെ നട്ടംതി​രി​യുന്ന ഒരു അവസ്ഥയി​ലാ​യേ​ക്കാം. “തനിക്കു​ള്ള​വർക്കു​വേണ്ടി, പ്രത്യേ​കിച്ച്‌ സ്വന്തകു​ടും​ബ​ത്തി​നു​വേണ്ടി, കരുതാ​ത്ത​യാൾ വിശ്വാ​സം തള്ളിക്ക​ളഞ്ഞ്‌ അവിശ്വാ​സി​യെ​ക്കാൾ മോശ​മാ​യി​രി​ക്കു​ന്നു” എന്നു ബൈബിൾ പറയുന്നു. (1 തിമൊ​ഥെ​യൊസ്‌ 5:8) ഭർത്താവ്‌ ആ നിലയിൽ മനഃപൂർവം തുടരു​ക​യാ​ണെ​ങ്കിൽ, തന്റെയും കുട്ടി​ക​ളു​ടെ​യും സംരക്ഷ​ണാർഥം നിയമ​പ​ര​മാ​യി വേർപി​രി​യ​ണോ വേണ്ടയോ എന്നു ഭാര്യക്കു തീരു​മാ​നി​ക്കേ​ണ്ടി​വ​ന്നേ​ക്കാം. ഒരു ക്രിസ്‌ത്യാ​നി കുടും​ബം നോക്കു​ന്നി​ല്ലെ​ന്നുള്ള പരാതി കിട്ടി​യാൽ ക്രിസ്‌തീ​യ​മൂ​പ്പ​ന്മാർ ആ സംഗതി സഗൗരവം വിലയി​രു​ത്തണം. കുടും​ബത്തെ പോറ്റാൻ വിസമ്മ​തി​ക്കു​ന്നെ​ങ്കിൽ ആ വ്യക്തിയെ പുറത്താ​ക്കേ​ണ്ടി​വ​ന്നേ​ക്കാം.

കടുത്ത ശാരീ​രി​കോ​പ​ദ്രവം. ചിലർക്കു തങ്ങളുടെ ആരോ​ഗ്യ​വും ജീവനും അപകട​ത്തി​ലാ​കുന്ന അളവോ​ളം ഇണയിൽനിന്ന്‌ ദേഹോ​പ​ദ്രവം ഏൽക്കേ​ണ്ടി​വ​ന്നേ​ക്കാം. കുറ്റക്കാ​ര​നായ ഇണ ക്രിസ്‌ത്യാ​നി​യാ​ണെ​ങ്കിൽ മൂപ്പന്മാർ പരാതി​യെ​ക്കു​റിച്ച്‌ അന്വേ​ഷിച്ച്‌ സത്യാവസ്ഥ മനസ്സി​ലാ​ക്കേ​ണ്ട​തുണ്ട്‌. ഇണയോ​ടുള്ള ക്രോ​ധ​വും അക്രമാ​സ​ക്ത​മായ പെരു​മാ​റ്റ​വും സഭയിൽനിന്ന്‌ പുറത്താ​ക്കാൻ മതിയായ കാരണ​ങ്ങ​ളാണ്‌.—ഗലാത്യർ 5:19-21.

ആരാധ​നാ​പ​ര​മാ​യ കാര്യ​ങ്ങൾക്കു കടുത്ത ഭീഷണി​യു​ള്ള​പ്പോൾ. വിശ്വാ​സി​യ​ല്ലാത്ത ഇണ, സത്യാ​രാ​ധ​ന​യോ​ടു ബന്ധപ്പെട്ട കാര്യങ്ങൾ ചെയ്യു​ന്ന​തിൽനിന്ന്‌ തന്റെ ഇണയെ സ്ഥിരം തടയു​ക​യോ ഏതെങ്കി​ലും വിധത്തിൽ ദൈവ​നി​യ​മങ്ങൾ ലംഘി​ക്കാൻ നിർബ​ന്ധി​ക്കു​ക​യോ ചെയ്യു​ന്നു​വെ​ന്നി​രി​ക്കട്ടെ. ഈ സാഹച​ര്യ​ത്തിൽ ‘മനുഷ്യ​രെയല്ല, ദൈവത്തെ അനുസ​രി​ക്കാൻ’ നിയമ​പ​ര​മായ വേർപി​രി​യ​ലാ​ണോ ഏകപോം​വഴി എന്നു വിശ്വാ​സി​യായ ഇണയ്‌ക്കു തീരു​മാ​നി​ക്കേ​ണ്ടി​വ​ന്നേ​ക്കാം.—പ്രവൃ​ത്തി​കൾ 5:29.

മേൽപ്ര​സ്‌താ​വി​ച്ചത്‌ ഉൾപ്പെടെ അങ്ങേയറ്റം ദുസ്സഹ​മായ മറ്റ്‌ ഏതൊരു സാഹച​ര്യ​ത്തി​ലും, വേർപി​രി​യാ​നോ വേർപി​രി​യാ​തി​രി​ക്കാ​നോ നിർദോ​ഷി​യായ ഇണയെ ആരും നിർബ​ന്ധി​ക്ക​രുത്‌. ആത്മീയ​മാ​യി പക്വമ​തി​ക​ളായ സുഹൃ​ത്തു​ക്ക​ളും മൂപ്പന്മാ​രും, പിന്തു​ണ​യും ബൈബി​ള​ധി​ഷ്‌ഠി​ത​മായ ഉപദേ​ശ​വും നൽകി​യേ​ക്കാ​മെ​ങ്കി​ലും ആ ദമ്പതി​കൾക്കി​ട​യിൽ നടക്കുന്ന എല്ലാ കാര്യ​ങ്ങ​ളും അവർക്ക്‌ അറിയാൻ കഴിയില്ല. യഹോ​വ​യ്‌ക്കു മാത്രമേ അത്‌ അറിയാ​നാ​കൂ. തന്റെ ഭർത്താ​വിൽനിന്ന്‌ അകന്നു​ക​ഴി​യാൻവേണ്ടി മാത്രം കുടും​ബ​പ്ര​ശ്‌നങ്ങൾ പെരു​പ്പി​ച്ചു​കാ​ട്ടുന്ന ഒരു ക്രിസ്‌തീ​യ​ഭാ​ര്യ ദൈവ​ത്തെ​യോ ദാമ്പത്യ​ക്ര​മീ​ക​ര​ണ​ത്തെ​യോ ആദരി​ക്കു​കയല്ല ചെയ്യു​ന്നത്‌. ഒരു ക്രിസ്‌തീ​യ​ഭർത്താ​വി​ന്റെ കാര്യ​ത്തി​ലും ഇതു ശരിയാണ്‌. ഇണയിൽനിന്ന്‌ വേർപി​രി​യാ​നാ​യി മനയുന്ന ഏതു തന്ത്രവും, അത്‌ എത്ര രഹസ്യ​മാ​ക്കി​വെ​ച്ചാ​ലും, യഹോവ കാണു​ന്നു​ണ്ടെന്ന്‌ ഓർക്കുക. “എല്ലാം ദൈവ​ത്തി​ന്റെ കൺമു​ന്നിൽ നഗ്നമാ​യി​ക്കി​ട​ക്കു​ന്നു; ദൈവ​ത്തിന്‌ എല്ലാം വ്യക്തമാ​യി കാണാം. ആ ദൈവ​ത്തോ​ടാ​ണു നമ്മൾ കണക്കു ബോധി​പ്പി​ക്കേ​ണ്ടത്‌” എന്നു ദൈവ​വ​ചനം പറയുന്നു. (എബ്രായർ 4:13) എന്നാൽ അങ്ങേയറ്റം അപകട​ക​ര​മായ സാഹച​ര്യം നിലനിൽക്കു​ന്നെ​ങ്കിൽ ഒരു ക്രിസ്‌ത്യാ​നി ഒടുവിൽ വേർപി​രി​യാൻ തീരു​മാ​നി​ച്ചേ​ക്കാം. ആരും അതിനെ വിമർശി​ക്കാൻ പാടില്ല. എന്തായി​രു​ന്നാ​ലും “നമ്മളെ​ല്ലാ​വ​രും ദൈവ​ത്തി​ന്റെ ന്യായാ​സ​ന​ത്തി​നു മുന്നിൽ നിൽക്കേ​ണ്ട​വ​രാണ്‌” എന്ന വസ്‌തുത മനസ്സിൽപ്പി​ടി​ക്കുക.—റോമർ 14:10-12.