ദൈവി​ക​ഭക്തി സംബന്ധിച്ച യേശു​വി​ന്റെ ദൃഷ്ടാന്തം അനുക​രി​ക്കു​ക

“ഈ ദൈവി​ക​ഭ​ക്തി​യു​ടെ പാവന​ര​ഹ​സ്യം സമ്മതമാം​വണ്ണം വലിയ​താ​കു​ന്നു: ‘അവൻ [യേശു] ജഡത്തിൽ പ്രത്യ​ക്ഷ​നാ​ക്ക​പ്പെട്ടു.’”—1 തിമൊ​ഥെ​യോസ്‌ 3:16.

1. (എ) ഏതു ചോദ്യ​ത്തിന്‌ 4,000ത്തിൽപരം വർഷങ്ങ​ളിൽ ഉത്തരം​കി​ട്ടാ​തി​രു​ന്നു? (ബി) എപ്പോൾ, എങ്ങനെ, ഉത്തരം നൽക​പ്പെട്ടു?

അത്‌ 4,000ത്തിൽപരം വർഷങ്ങ​ളിൽ ഉത്തരം​കി​ട്ടാഞ്ഞ ഒരു ചോദ്യ​മാ​യി​രു​ന്നു. ഒന്നാം മനുഷ്യ​നാ​യി​രുന്ന ആദാം നിർമ്മലത പാലി​ക്കു​ന്ന​തിൽ പരാജ​യ​പ്പെ​ട്ട​തു​മു​തൽ ചോദ്യം ഇതായി​രു​ന്നു: മനുഷ്യ​വർഗ്ഗ​ത്തി​ന്റെ ഇടയിൽ എങ്ങനെ ദൈവി​ക​ഭക്തി പ്രകട​മാ​ക്ക​പ്പെ​ടാൻ കഴിയും? ഒടുവിൽ, ക്രി. വ. ഒന്നാം നൂററാ​ണ്ടിൽ, ദൈവ​പു​ത്രൻ ഭൂമി​യി​ലേക്കു വന്നതോ​ടെ ഉത്തരം നൽക​പ്പെട്ടു. ഓരോ ചിന്തയി​ലും വാക്കി​ലും പ്രവൃ​ത്തി​യി​ലും യേശു​ക്രി​സ്‌തു യഹോ​വ​യോ​ടുള്ള തന്റെ വ്യക്തി​പ​ര​മായ അടുപ്പം പ്രകട​മാ​ക്കി. അവൻ അങ്ങനെ ‘ദൈവി​ക​ഭ​ക്തി​യു​ടെ പാവന​ര​ഹ​സ്യം’ അനാച്‌ഛാ​ദനം ചെയ്യു​ക​യും സമർപ്പി​ത​മ​നു​ഷ്യർക്ക്‌ അങ്ങനെ​യുള്ള ഭക്തി നിലനിർത്തു​ന്ന​തി​നുള്ള വഴി പ്രകട​മാ​ക്കു​ക​യും​ചെ​യ്‌തു.—1 തിമൊ​ഥെ​യോസ്‌ 3:16.

2. ദൈവി​ക​ഭക്തി പിന്തു​ട​രു​മ്പോൾ, നാം യേശു​വി​ന്റെ ദൃഷ്‌ടാ​ന്തത്തെ അടുത്തു പരിഗ​ണി​ക്കേ​ണ്ട​തെ​ന്തു​കൊണ്ട്‌?

² സമർപ്പി​ത​രും സ്‌നാ​പ​ന​മേ​റ​റ​വ​രു​മായ ക്രിസ്‌ത്യാ​നി​ക​ളെന്ന നിലയിൽ നാം യേശു​ക്രി​സ്‌തു​വി​ന്റെ ദൃഷ്ടാ​ന്തത്തെ “അടുത്തു പരിചി​ന്തി​ക്കുന്ന”തു നല്ലതാണ്‌. (എബ്രായർ 12:3) എന്തു​കൊണ്ട്‌? രണ്ടു കാരണ​ങ്ങ​ളാൽ. ഒന്ന്‌, യേശു​വി​ന്റെ ദൃഷ്ടാ​ന്ത​ത്തിന്‌ ദൈവി​ക​ഭക്തി നട്ടുവ​ളർത്തു​ന്ന​തിന്‌ നമ്മെ സഹായി​ക്കാൻക​ഴി​യും. യേശു​വിന്‌ തന്റെ പിതാ​വി​നെ​ക്കു​റിച്ച്‌ മററാ​രെ​യും​കാൾ കൂടുതൽ അറിയാ​മാ​യി​രു​ന്നു. (യോഹ​ന്നാൻ 1:18) യേശു യഹോ​വ​യു​ടെ വഴിക​ളും ഗുണങ്ങ​ളും വളരെ അടുത്തു അനുക​രി​ച്ച​തു​കൊണ്ട്‌ “എന്നെ കണ്ടിരി​ക്കു​ന്നവൻ എന്റെ പിതാ​വി​നെ​യും കണ്ടിരി​ക്കു​ന്നു” എന്നു പറയാൻ അവനു കഴിഞ്ഞു. (യോഹ​ന്നാൻ 14:9) അപ്പോൾ, യേശു​വി​ന്റെ ജീവി​ത​ത്തി​ലൂ​ടെ​യും ശുശ്രൂ​ഷ​യി​ലൂ​ടെ​യും യഹോ​വ​യു​ടെ കരുണാർദ്ര​മായ ഗുണങ്ങ​ളെ​ക്കു​റിച്ച്‌ നമുക്ക്‌ ആഴമേ​റിയ വിലമ​തി​പ്പു നേടാ​നും അങ്ങനെ നമ്മുടെ സ്‌നേ​ഹ​വാ​നായ സ്രഷ്ടാ​വി​നോ​ടുള്ള നമ്മുടെ വ്യക്തി​പ​ര​മായ ബന്ധത്തെ ബലിഷ്‌ഠ​മാ​ക്കാ​നും കഴിയും. രണ്ട്‌, യേശു​വി​ന്റെ ദൃഷ്ടാ​ന്ത​ത്തിന്‌ ദൈവി​ക​ഭക്തി പ്രകട​മാ​ക്കു​ന്ന​തിൽ നമ്മെ സഹായി​ക്കാൻക​ഴി​യും. അവൻ ദൈവി​ക​ഭക്തി പ്രകട​മാ​ക്കുന്ന നടത്തയു​ടെ പൂർണ്ണ​ത​യുള്ള ദൃഷ്ടാന്തം വെച്ചു. അങ്ങനെ നമുക്ക്‌ എങ്ങനെ ‘ക്രിസ്‌തു​വി​നെ ധരിക്കാ​മെന്ന്‌,’ അതായത്‌, അവനെ ഒരു മാതൃ​ക​യെന്ന നിലയിൽ എടുക്കു​ന്ന​തിന്‌, അവന്റെ ദൃഷ്ടാന്തം അനുക​രി​ക്കു​ന്ന​തിന്‌ കഴിയു​മെന്നു പരിചി​ന്തി​ക്കു​ന്നതു നന്നായി​രി​ക്കും.—റോമർ 13:14.

3. നമ്മുടെ വ്യക്തി​പ​ര​മായ ബൈബി​ള​ദ്ധ്യ​യ​ന​ത്തിൽ എന്തുൾപ്പെ​ടണം, എന്തു​കൊണ്ട്‌?

³ യേശു പറയു​ക​യും പ്രവർത്തി​ക്കു​ക​യും ചെയ്‌ത സകലവും ലിഖി​ത​രൂ​പ​ത്തിൽ സൂക്ഷി​ക്ക​പ്പെ​ട്ടി​ട്ടില്ല. (യോഹ​ന്നാൻ 21:25) അതു​കൊണ്ട്‌, ദിവ്യ​നി​ശ്വ​സ്‌ത​ത​യാൽ രേഖ​പ്പെ​ടു​ത്ത​പ്പെട്ട കാര്യങ്ങൾ നമുക്ക്‌ പ്രത്യേക താൽപ​ര്യ​മു​ള്ള​വ​യാ​യി​രി​ക്കണം. അതു​കൊണ്ട്‌ വ്യക്തി​പ​ര​മായ ബൈബിൾപ​ഠ​ന​ത്തി​ന്റെ ഒരു പരിപാ​ടി​യിൽ യേശു​വി​ന്റെ ജീവിതം സംബന്ധിച്ച സുവി​ശേ​ഷ​വി​വ​ര​ണ​ങ്ങ​ളു​ടെ ഒരു ക്രമമായ വായന ഉൾപ്പെ​ടണം. എന്നാൽ അങ്ങനെ​യുള്ള വായന നമ്മുടെ ദൈവി​ക​ഭ​ക്തി​യു​ടെ പിന്തു​ട​ര​ലിൽ നമ്മെ സഹായി​ക്ക​ണ​മെ​ങ്കിൽ നാം വായി​ക്കു​ന്ന​തു​സം​ബ​ന്ധിച്ച്‌ വിലമ​തി​പ്പോ​ടെ വിചി​ന്ത​നം​ചെ​യ്യു​ന്ന​തി​നു സമയ​മെ​ടു​ക്കണം. നാം പ്രത്യ​ക്ഷ​ത്തിൽ കാണു​ന്ന​തി​നു​മ​പ്പു​റം നോക്കാൻ ജാഗ്ര​ത​യു​ള്ള​വ​രു​മാ​യി​രി​ക്കണം.

പിതാ​വി​നെ​പ്പോ​ലെ പുത്ര​നും

4. (എ) യേശു ഊഷ്‌മ​ള​ത​യും ആഴമായ വികാ​ര​വു​മുള്ള ഒരു ആളായി​രു​ന്നു​വെന്ന്‌ എന്തു പ്രകട​മാ​ക്കു​ന്നു? (ബി) മററു​ള്ള​വ​രോട്‌ ഇടപെ​ട്ട​പ്പോൾ യേശു എന്തു മുൻകൈ എടുത്തു?

⁴ ഒരു ദൃഷ്ടാന്തം പരിചി​ന്തി​ക്കുക. യേശു ഊഷ്‌മ​ള​ത​യും ആഴമായ വികാ​ര​വു​മുള്ള ഒരാളാ​യി​രു​ന്നു. എല്ലാ പ്രായ​ങ്ങ​ളി​ലും പശ്ചാത്ത​ല​ങ്ങ​ളി​ലു​മുള്ള ആളുകൾ അവനെ സമീപി​ക്കാ​വു​ന്ന​വ​നാ​യി കണ്ടെത്തി​യെന്ന്‌ മർക്കോസ്‌ 10:1, 10, 13, 17, 35 എന്നിവ​യിൽനിന്ന്‌ കാണുക. ഒന്നില​ധി​കം സന്ദർഭ​ങ്ങ​ളിൽ, അവൻ കുട്ടി​കളെ തന്റെ കൈക​ളി​ലെ​ടു​ത്തു. (മർക്കോസ്‌ 9:36; 10:16) ആളുകൾ, കുട്ടികൾ പോലും, യേശു​വി​ന്റെ അടുക്കൽ വളരെ സുഖമ​നു​ഭ​വി​ച്ച​തെ​ന്തു​കൊണ്ട്‌? അവരി​ലുള്ള അവന്റെ ആത്മാർത്ഥ​വും യഥാർത്ഥ​വു​മായ താൽപ​ര്യം​നി​മി​ത്തം. (മർക്കോസ്‌ 1:40, 41) അവൻ മിക്ക​പ്പോ​ഴും സഹായ​മാ​വ​ശ്യ​മുള്ള മററു​ള്ള​വരെ സമീപി​ക്കു​ന്ന​തിന്‌ മുൻ​കൈ​യെ​ടു​ത്ത​തിൽനിന്ന്‌ ഇതു വ്യക്തമാ​യി​രു​ന്നു. അങ്ങനെ നയീനി​ലെ വിധവ അവന്റെ “ദൃഷ്ടി​യിൽപെട്ടു”വെന്ന്‌ നാം വായി​ക്കു​ന്നു, അവളുടെ മരിച്ച പുത്രനെ ആളുകൾ വഹിച്ചു​കൊ​ണ്ടു​പോ​കു​ക​യാ​യി​രു​ന്നു. അപ്പോൾ അവൻ “സമീപി​ക്കു​ക​യും” ബാലനെ ഉയിർപ്പി​ക്കു​ക​യും​ചെ​യ്‌തു. അങ്ങനെ ചെയ്യാൻ ആരും അവനോട്‌ അപേക്ഷി​ച്ച​താ​യി പറയു​ന്നില്ല. (ലൂക്കോസ്‌ 7:13-15) ആവശ്യ​പ്പെ​ടാ​തെ​തന്നെ അവൻ ഒരു വികല​യായ സ്‌ത്രീ​യെ​യും മഹോ​ദ​ര​മു​ണ്ടാ​യി​രുന്ന ഒരു മനുഷ്യ​നെ​യും സൗഖ്യ​മാ​ക്കാൻ മുൻ​കൈ​യെ​ടു​ത്തു.—ലൂക്കോസ്‌ 13:11-13; 14:1-4.

5. യേശു​വി​ന്റെ ശുശ്രൂ​ഷ​യെ​ക്കു​റി​ച്ചുള്ള ഈ വിവര​ണങ്ങൾ യഹോ​വ​യു​ടെ വഴിക​ളെ​യും ഗുണങ്ങ​ളെ​യും​കു​റിച്ച്‌ നമ്മെ എന്തു പഠിപ്പി​ക്കു​ന്നു?

⁵ നിങ്ങൾ അങ്ങനെ​യുള്ള സംഭവ​ങ്ങ​ളെ​ക്കു​റി​ച്ചു വായി​ക്കു​മ്പോൾ, നിന്ന്‌ നിങ്ങ​ളോ​ടു​തന്നെ ചോദി​ക്കുക: ‘യേശു പൂർണ്ണ​മാ​യി തന്റെ പിതാ​വി​നെ അനുക​രി​ച്ച​തു​കൊണ്ട്‌, യഹോ​വ​യു​ടെ ഗുണങ്ങ​ളെ​യും വഴിക​ളെ​യും​കു​റിച്ച്‌ ഈ വിവര​ണങ്ങൾ എന്നോട്‌ എന്തു പറയുന്നു?’ യഹോവ ഊഷ്‌മ​ള​ത​യും ആഴമായ വികാ​ര​വു​മുള്ള ഒരു ദൈവ​മാ​ണെന്ന്‌ അവ വീണ്ടും നമുക്ക്‌ ഉറപ്പു​നൽകേ​ണ്ട​താണ്‌. മനുഷ്യ​കു​ടും​ബ​ത്തി​ലുള്ള അവന്റെ സ്ഥായി​യായ താൽപ​ര്യ​ത്തി​ന്റെ തീവ്രത അവരു​മാ​യി ഇടപെ​ടു​ന്ന​തി​നു മുൻ​കൈ​യെ​ടു​ക്കാൻ അവനെ പ്രേരി​പ്പി​ച്ചി​രി​ക്കു​ന്നു. തന്റെ പുത്രനെ “അനേകർക്കു പകരമാ​യി ഒരു മറുവില”യായി കൊടു​ക്കാൻ അവനെ ബലമായി നിർബ​ന്ധി​ക്കേ​ണ്ടി​യി​രു​ന്നില്ല. (മത്തായി 20:28; യോഹ​ന്നാൻ 3:16) സ്‌നേ​ഹ​ത്തിൽനി​ന്നു തന്നെ സേവി​ക്കു​ന്ന​വ​രോട്‌ “പററി​നിൽക്കാ”നുള്ള അവസരങ്ങൾ അവൻ തേടുന്നു. (ആവർത്തനം 10:15) ബൈബിൾ പറയു​ന്ന​തു​പോ​ലെ: “തന്റെ നേരെ ഹൃദയം പൂർണ്ണ​മാ​യി​രി​ക്കു​ന്ന​വർക്കു​വേണ്ടി തന്റെ ശക്തി പ്രകട​മാ​ക്കാൻ [യഹോ​വ​യു​ടെ] കണ്ണുകൾ സർവഭൂ​മി​യി​ലും ചുററി​ന​ട​ക്കു​ക​യാണ്‌.”—2 ദിനവൃ​ത്താ​ന്തം 16:9.

6. തന്റെ പുത്ര​നാൽ ഉദാഹ​രി​ക്ക​പ്പെട്ട യഹോ​വ​യു​ടെ ഊഷ്‌മ​ള​ത​യെ​യും ആഴമായ വികാ​ര​ത്തെ​യും നാം വിചി​ന്ത​നം​ചെ​യ്യു​മ്പോൾ എന്തു ഫലമു​ണ്ടാ​കു​ന്നു?

⁶ തന്റെ പുത്ര​നാൽ ദൃഷ്ടാ​ന്തീ​ക​രി​ക്ക​പ്പെ​ട്ട​പ്ര​കാ​രം, യഹോ​വ​യു​ടെ ഊഷ്‌മ​ള​ത​യെ​യും ആഴമായ വികാ​ര​ത്തെ​യും കുറിച്ച്‌ വിചി​ന്തനം ചെയ്യു​ന്നത്‌ നിങ്ങളു​ടെ ഹൃദയത്തെ സ്‌പർശി​ക്കു​ക​യും അവന്റെ സ്‌നേ​ഹ​നിർഭ​ര​വും ആകർഷ​ക​വു​മായ ഗുണങ്ങൾ സംബന്ധിച്ച വർദ്ധിച്ച വിലമ​തി​പ്പു​കൊണ്ട്‌ അതിനെ നിറക്കു​ക​യും​ചെ​യ്യും. ഇത്‌, ക്രമത്തിൽ, നിങ്ങളെ അവനി​ലേക്ക്‌ ആകർഷി​ക്കും. നിങ്ങൾ എല്ലാ സമയങ്ങ​ളി​ലും എല്ലാ സാഹച​ര്യ​ങ്ങ​ളി​ലും പ്രാർത്ഥ​ന​യിൽ യഥേഷ്ടം അവനെ സമീപി​ക്കു​ന്ന​തിന്‌ പ്രേരി​പ്പി​ക്ക​പ്പെ​ടും. (സങ്കീർത്തനം 65:2) അത്‌ അവനോ​ടുള്ള നിങ്ങളു​ടെ വ്യക്തി​പ​ര​മായ ബന്ധത്തെ ബലിഷ്‌ഠ​മാ​ക്കും.

7. യഹോ​വ​യു​ടെ ഊഷ്‌മ​ള​ത​യെ​യും ആഴമായ വികാ​ര​ത്തെ​യും കുറിച്ച്‌ വിചി​ന്ത​നം​ചെ​യ്‌ത​ശേഷം നിങ്ങൾ നിങ്ങ​ളോ​ടു​തന്നെ എന്തു ചോദി​ക്കണം, എന്തു​കൊണ്ട്‌?

⁷ എന്നിരു​ന്നാ​ലും, ദൈവി​ക​ഭ​ക്തി​യിൽ കേവലം ആരാധ​നാ​വി​കാ​ര​ത്തെ​ക്കാ​ള​ധി​കം ഉൾപ്പെ​ട്ടി​രി​ക്കു​ന്നു​വെന്ന്‌ ഓർക്കുക. ബൈബിൾ പണ്ഡിത​നായ ആർ. ലെൻസ്‌ക്കി പ്രസ്‌താ​വി​ക്കു​ന്ന​തു​പോ​ലെ, “അതിൽ ആദരപൂർവ​ക​മായ നമ്മുടെ മുഴു ആരാധ​നാ​മ​നോ​ഭാ​വ​വും അതിൽനിന്ന പുറ​പ്പെ​ടുന്ന പ്രവർത്ത​ന​ങ്ങ​ളും ഉൾപ്പെ​ടു​ന്നു. (ഇററാ​ലി​ക്‌സ്‌ ഞങ്ങളു​ടേത്‌.) അതു​കൊണ്ട്‌ യേശു​വി​നാൽ ഉദാഹ​രി​ക്ക​പ്പെ​ട്ട​പ്ര​കാ​ര​മുള്ള യഹോ​വ​യു​ടെ ഊഷ്‌മ​ള​ത​യേ​യും ആഴമായ വികാ​ര​ത്തെ​യും കുറിച്ചു വിചി​ന്തനം ചെയ്‌ത​ശേഷം നിങ്ങ​ളോ​ടു​തന്നെ ചോദി​ക്കുക: ‘ഈ കാര്യ​ത്തിൽ എനിക്ക്‌ കൂടു​ത​ലാ​യി യഹോ​വ​യെ​പ്പോ​ലെ​യാ​യി​രി​ക്കാൻ എങ്ങനെ കഴിയും? ഞാൻ സമീപി​ക്കാ​വു​ന്ന​വ​നാ​ണെന്ന്‌ മററു​ള്ളവർ കണ്ടെത്തു​ന്നു​ണ്ടോ?’ നിങ്ങൾ ഒരു മാതാ​വോ പിതാ​വോ ആണെങ്കിൽ നിങ്ങൾ നിങ്ങളു​ടെ കുട്ടി​കൾക്കു സമീപി​ക്കാ​വു​ന്ന​വ​രാ​യി​രി​ക്കണം. നിങ്ങൾ ഒരു സഭാമൂ​പ്പ​നാ​ണെ​ങ്കിൽ, നിങ്ങൾ തീർച്ച​യാ​യും സമീപി​ക്കാ​വു​ന്നവൻ ആയിരി​ക്കണം. അപ്പോൾ എന്താണ്‌ നിങ്ങളെ കൂടുതൽ സമീപി​ക്കാ​വു​ന്ന​വ​നാ​ക്കു​ന്നത്‌? ഊഷ്‌മ​ള​ത​യും ആഴമായ വികാ​ര​വും. നിങ്ങൾ മററു​ള്ള​വ​രിൽ ആത്മാർത്ഥ​വും യഥാർത്ഥ​വു​മായ താത്‌പ​ര്യം നട്ടുവ​ളർത്തണം. നിങ്ങൾ മററു​ള്ള​വ​രെ​ക്കു​റിച്ച്‌ യഥാർത്ഥ​ത്തിൽ കരുതു​മ്പോൾ, അവർക്കു​വേണ്ടി നിങ്ങ​ളേ​ത്തന്നെ കൊടു​ക്കാൻ സന്നദ്ധനു​മാ​യി​രി​ക്കു​മ്പോൾ, അവർ ഇതു തിരി​ച്ച​റി​യു​ക​യും നിങ്ങളി​ലേക്ക്‌ ആകർഷി​ക്ക​പ്പെ​ടു​ക​യും​ചെ​യ്യും.

8. (എ) നിങ്ങൾ യേശു​വി​നെ​ക്കു​റി​ച്ചുള്ള ബൈബിൾവി​വ​രണം വായി​ക്കു​മ്പോൾ നിങ്ങൾ എന്തു മനസ്സിൽ പിടി​ക്കണം? (ബി) അടിക്കു​റി​പ്പിൽ സൂചി​പ്പി​ച്ചി​രി​ക്കുന്ന വിവര​ണ​ങ്ങ​ളിൽനിന്ന്‌ നാം യഹോ​വ​യെ​ക്കു​റിച്ച്‌ എന്തു പഠിക്കു​ന്നു?

⁸ അതു​കൊണ്ട്‌ നിങ്ങൾ യേശു​വി​നെ​ക്കു​റി​ച്ചുള്ള ബൈബിൾവി​വ​രണം വായി​ക്കു​മ്പോൾ യേശു ചെയ്യു​ക​യും പറയു​ക​യും​ചെയ്‌ത കാര്യ​ങ്ങ​ളിൽനിന്ന്‌ ഒരു വ്യക്തി​യെന്ന നിലയിൽ യഹോ​വ​യെ​ക്കു​റിച്ച്‌ നിങ്ങൾക്കു വളരെ​യ​ധി​കം കാര്യങ്ങൾ പഠിക്കാൻ കഴിയു​മെന്ന്‌ മനസ്സിൽപി​ടി​ക്കുക.a യേശു​വി​നാൽ പ്രതി​ഫ​ലി​പ്പി​ക്ക​പ്പെട്ട പ്രകാ​ര​മുള്ള ദൈവ​ത്തി​ന്റെ ഗുണങ്ങ​ളോ​ടുള്ള നിങ്ങളു​ടെ വിലമ​തി​പ്പു കൂടു​ത​ലാ​യി അവനെ​പ്പോ​ലെ​യാ​കാൻ ശ്രമി​ക്കു​ന്ന​തിന്‌ നിങ്ങളെ പ്രേരി​പ്പി​ക്കു​മ്പോൾ നിങ്ങൾ നിങ്ങളു​ടെ ദൈവി​ക​ഭ​ക്തി​യു​ടെ തെളിവു നൽകു​ക​യാണ്‌.

കുടും​ബാം​ഗ​ങ്ങ​ളോ​ടു ദൈവി​ക​ഭ​ക്തി​യാ​ച​രി​ക്കൽ

9, 10. (എ) യേശു മരിക്കു​ന്ന​തി​നു നിമി​ഷ​ങ്ങൾക്കു​മുമ്പ്‌ അവൻ തന്റെ അമ്മയായ മറിയ​യോ​ടുള്ള സ്‌നേ​ഹ​വും താൽപ​ര്യ​വും പ്രകട​മാ​ക്കി​യ​തെ​ങ്ങനെ? (ബി) പ്രസ്‌പ​ഷ്‌ട​മാ​യി, മറിയ​യു​ടെ പരിപാ​ലനം അവന്റെ സ്വന്തം ജഡിക​സ​ഹോ​ദ​രൻമാ​രി​ലൊ​രാ​ളെ ഏൽപ്പി​ക്കാ​തെ അപ്പോ​സ്‌ത​ല​നായ യോഹ​ന്നാ​നെ ഏൽപ്പി​ച്ച​തെ​ന്തു​കൊണ്ട്‌?

⁹ യേശു​ക്രി​സ്‌തു​വി​ന്റെ ജീവി​ത​വും ശുശ്രൂ​ഷ​യും ദൈവി​ക​ഭക്തി പ്രകട​മാ​ക്കേ​ണ്ട​തെ​ങ്ങ​നെ​യെന്ന്‌ വളരെ​യ​ധി​കം വെളി​പ്പെ​ടു​ത്തു​ന്നു. യോഹ​ന്നാൻ 19:25-27ൽ ഒരു വികാ​ര​സ്‌പർശി​യായ ദൃഷ്ടാന്തം രേഖ​പ്പെ​ടു​ത്തി​യി​രി​ക്കു​ന്നു. അവിടെ നാം ഇങ്ങനെ വായി​ക്കു​ന്നു: “എന്നിരു​ന്നാ​ലും, യേശു​ക്രി​സ്‌തു​വി​ന്റെ ദണ്ഡനസ്‌തം​ഭ​ത്തി​ന​രി​കെ അവന്റെ അമ്മയും അവന്റെ അമ്മയുടെ സഹോ​ദ​രി​യും ക്ലോപ്പാ​സി​ന്റെ ഭാര്യ​യായ മറിയ​യും മഗ്‌ദ​ല​ന​മ​റി​യ​യും നിൽക്കു​ന്നു​ണ്ടാ​യി​രു​ന്നു. അതു​കൊണ്ട്‌ യേശു അവന്റെ അമ്മയും അവൻ സ്‌നേ​ഹിച്ച ശിഷ്യ​നും [യോഹ​ന്നാൻ] അരികെ നിൽക്കു​ന്നതു കണ്ടു​കൊണ്ട്‌ അവന്റെ അമ്മയോട്‌: ‘സ്‌ത്രീ​യേ, കാൺമിൻ! നിന്റെ പുത്രൻ!’ എന്നു പറഞ്ഞു. അടുത്ത​താ​യി അവൻ ശിഷ്യ​നോട്‌: ‘കാൺമിൻ നിന്റെ അമ്മ!’ എന്നു പറഞ്ഞു. ആ നാഴി​ക​മു​തൽ ശിഷ്യൻ അവളെ അവന്റെ സ്വന്തം വീട്ടി​ലേക്കു കൊണ്ടു​പോ​യി.”

¹⁰ അതി​നെ​ക്കു​റി​ച്ചു സങ്കൽപ്പി​ക്കുക! യേശു തന്റെ ഭൗമി​ക​ജീ​വൻ അർപ്പി​ക്കു​ന്ന​തി​നു നിമി​ഷ​ങ്ങൾക്കു​മാ​ത്രം മുമ്പ്‌ അവന്റെ സ്‌നേ​ഹ​വും ശ്രദ്ധയും (പ്രത്യ​ക്ഷ​ത്തിൽ ഇപ്പോൾ ഒരു വിധവ​യാ​യി​രുന്ന) അവന്റെ അമ്മയായ മറിയ​യു​ടെ പരിപാ​ലനം അവന്റെ പ്രിയ​പ്പെട്ട അപ്പോ​സ്‌ത​ല​നാ​യി​രുന്ന യോഹ​ന്നാ​നെ ഭരമേൽപ്പി​ക്കാൻ അവനെ പ്രേരി​പ്പി​ച്ചു. എന്നാൽ യേശു​വി​ന്റെ സ്വന്തം ജഡിക​സ​ഹോ​ദ​രൻമാ​രിൽ ഒരാളെ ഏൽപ്പി​ക്കാ​തെ യോഹ​ന്നാ​നെ ഏൽപ്പി​ച്ച​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ യേശു മറിയ​യു​ടെ ഭൗതി​ക​മായ, ശാരീ​രി​ക​മായ, ആവശ്യ​ങ്ങ​ളിൽ മാത്രമല്ല, വിശേ​ഷ​ത​ര​മാ​യി അവളുടെ ആത്മീയ ക്ഷേമത്തി​ലും തൽപ്പര​നാ​യി​രു​ന്നു. അപ്പോ​സ്‌ത​ല​നായ യോഹ​ന്നാൻ (യേശു​വി​ന്റെ മച്ചുന​നാ​യി​രി​ക്കാ​നി​ട​യുണ്ട്‌) അവന്റെ വിശ്വാ​സം തെളി​യി​ച്ചി​രു​ന്നു, എന്നാൽ യേശു​വി​ന്റെ ജഡിക​സ​ഹോ​ദ​രൻമാർ അപ്പോ​ഴും വിശ്വാ​സി​ക​ളാ​യി​ത്തീർന്ന​താ​യി സൂചന​യില്ല.—മത്തായി 12:46-50; യോഹ​ന്നാൻ 7:5.

11. (എ) പൗലോസ്‌ പറയു​ന്ന​ത​നു​സ​രിച്ച്‌ ഒരു ക്രിസ്‌ത്യാ​നിക്ക്‌ സ്വന്തം ഭവനത്തിൽ എങ്ങനെ ദൈവി​ക​ഭക്തി ആചരി​ക്കാം? (ബി) യഥാർത്ഥ ക്രിസ്‌ത്യാ​നി പ്രായ​മുള്ള മാതാ​പി​താ​ക്കൾക്കു​വേണ്ടി കരുതൽചെ​യ്യു​ന്ന​തെ​ന്തു​കൊണ്ട്‌?

¹¹ ഇപ്പോൾ, ഇത്‌ ദൈവി​ക​ഭ​ക്തി​യു​ടെ ഒരു പ്രകട​ന​മാ​യി​രു​ന്ന​തെ​ങ്ങനെ? അപ്പോ​സ്‌ത​ല​നായ പൗലോസ്‌ വിശദീ​ക​രി​ക്കു​ന്നു: “യഥാർത്ഥ​ത്തിൽ വിധവ​ക​ളായ വിധവ​മാ​രെ ബഹുമാ​നി​ക്കുക. എന്നാൽ ഏതെങ്കി​ലും വിധവക്ക്‌ മക്കളോ മക്കളുടെ മക്കളോ ഉണ്ടെങ്കിൽ, അവർ ആദ്യം തങ്ങളുടെ സ്വന്തം ഭവനങ്ങ​ളിൽ ദൈവി​ക​ഭക്തി ആചരി​ക്കാ​നും തങ്ങളുടെ മാതാ​പി​താ​ക്കൾക്കും വല്യമ്മ​വ​ല്യ​പ്പൻമാർക്കും ഒരു തക്ക പ്രതി​ഫലം കൊടു​ത്തു​കൊ​ണ്ടി​രി​ക്കാ​നും പഠിക്കട്ടെ, എന്തു​കൊ​ണ്ടെ​ന്നാൽ ഇത്‌ ദൈവ​ത്തി​ന്റെ ദൃഷ്ടി​യിൽ സ്വീകാ​ര്യ​മാണ്‌.” (1 തിമൊ​ഥെ​യോസ്‌ 5:3, 4) പൗലോസ്‌ പറയു​ന്ന​തു​പോ​ലെ, തങ്ങളുടെ മാതാ​പി​താ​ക്കൻമാർക്ക്‌ ആവശ്യ​മാ​യി​വ​രു​മ്പോൾ ഭൗതി​ക​സ​ഹാ​യം കൊടു​ത്തു​കൊണ്ട്‌ അവരെ ബഹുമാ​നി​ക്കു​ന്നത്‌ ദൈവി​ക​ഭ​ക്തി​യു​ടെ ഒരു പ്രകട​ന​മാണ്‌. (എഫേസ്യർ 3:14, 15; 6:1-3) അതു​കൊണ്ട്‌, അങ്ങനെ​യുള്ള കുടുംബ ഉത്തരവാ​ദി​ത്വ​ത്തി​ന്റെ അനുഷ്‌ഠാ​നം ഒരുവന്റെ മാതാ​പി​താ​ക്ക​ളോ​ടുള്ള സ്‌നേഹം പ്രകട​മാ​ക്കു​ന്നു​വെ​ന്നു​മാ​ത്രമല്ല, പിന്നെ​യൊ ദൈവ​ത്തോ​ടുള്ള ഭക്തിയും അവന്റെ കൽപ്പന​ക​ളോ​ടുള്ള അനുസ​ര​ണ​വും പ്രകട​മാ​ക്കു​ന്നു​വെന്ന്‌ യഥാർത്ഥ ക്രിസ്‌ത്യാ​നി തിരി​ച്ച​റി​യു​ന്നു.—കൊ​ലോ​സ്യർ 3:20 താരത​മ്യ​പ്പെ​ടു​ത്തുക.

12. നിങ്ങൾക്ക്‌ പ്രായ​മുള്ള മാതാ​പി​താ​ക്ക​ളോട്‌ എങ്ങനെ ദൈവി​ക​ഭക്തി ആചരി​ക്കാം, ആന്തര​മെ​ന്താ​യി​രി​ക്കണം?

¹² അപ്പോൾ നിങ്ങൾക്ക്‌ എങ്ങനെ കുടും​ബാം​ഗ​ങ്ങ​ളോട്‌ ദൈവി​ക​ഭക്തി ആചരി​ക്കാൻ കഴിയും? ഇതിൽ തീർച്ച​യാ​യും യേശു ചെയ്‌ത​തു​പോ​ലെ, പ്രായ​മുള്ള മാതാ​പി​താ​ക്ക​ളു​ടെ ആത്മീയ​വും ഭൗതി​ക​വു​മായ ആവശ്യ​ങ്ങൾക്കു​വേണ്ടി കരുതാൻ ഏർപ്പാ​ടു​ചെ​യ്യു​ന്നത്‌ ഉൾപ്പെ​ടു​ന്നു. അങ്ങനെ ചെയ്യു​ന്ന​തി​ലുള്ള പരാജയം ദൈവി​ക​ഭ​ക്തി​യു​ടെ അഭാവത്തെ വെളി​പ്പെ​ടു​ത്തും. (2 തിമൊ​ഥെ​യോസ്‌ 3:2, 3, 5 താരത​മ്യ​പ്പെ​ടു​ത്തുക.) സമർപ്പിത ക്രിസ്‌ത്യാ​നി ഞെരു​ക്ക​മുള്ള മാതാ​പി​താ​ക്കൾക്കു​വേണ്ടി കരുതു​ന്നത്‌ കേവലം ദയയിൽനി​ന്നോ കടമയിൽനി​ന്നോ അല്ല, പിന്നെ​യോ അയാൾ തന്റെ കുടും​ബത്തെ സ്‌നേ​ഹി​ക്കു​ന്ന​തു​കൊ​ണ്ടും അത്തരം ഉത്തരവാ​ദി​ത്ത​നിർവ​ഹ​ണ​ത്തിന്‌ യഹോവ കൊടു​ക്കുന്ന ഉന്നതപ​രി​ഗണന തിരി​ച്ച​റി​യു​ന്ന​തു​കൊ​ണ്ടു​മാണ്‌. അങ്ങനെ, അയാൾ തന്റെ പ്രായ​മുള്ള മാതാ​പി​താ​ക്കളെ പരിപാ​ലി​ക്കു​ന്നത്‌ ദൈവി​ക​ഭ​ക്തി​യു​ടെ ഒരു പ്രകട​ന​മാണ്‌.b

13. ഒരു ക്രിസ്‌തീ​യ​പി​താ​വിന്‌ തന്റെ കുടും​ബ​ത്തോട്‌ എങ്ങനെ ദൈവി​ക​ഭക്തി ആചരി​ക്കാം?

¹³ കുടും​ബ​ത്തിൽ മററു വിധങ്ങ​ളി​ലും ദൈവി​ക​ഭക്തി ആചരി​ക്കാ​വു​ന്ന​താണ്‌. ദൃഷ്ടാ​ന്ത​മാ​യി, ഒരു ക്രിസ്‌തീയ പിതാ​വിന്‌ തന്റെ കുടും​ബ​ത്തി​നു​വേണ്ടി ഭൗതി​ക​മാ​യും വൈകാ​രി​ക​മാ​യും ആത്മീയ​മാ​യും കരുതാ​നുള്ള ഉത്തരവാ​ദി​ത്ത​മുണ്ട്‌. അതു​കൊണ്ട്‌, ഭൗതി​ക​സ​ഹാ​യം കൊടു​ക്കു​ന്ന​തി​നു പുറമേ, അയാൾ സ്‌നേ​ഹ​പൂർവം ക്രമമായ ഒരു കുടും​ബ​ബൈ​ബി​ള​ദ്ധ്യ​യ​ന​ത്തിന്‌ ക്രമീ​ക​ര​ണം​ചെ​യ്യു​ന്നു. അയാൾ തന്റെ കുടും​ബ​ത്തോ​ടൊത്ത്‌ ക്രമമാ​യി വയൽശു​ശ്രൂ​ഷ​യി​ലേർപ്പെ​ടാൻ സമയം പട്ടിക​പ്പെ​ടു​ത്തു​ന്നു. വിശ്ര​മ​ത്തി​നും വിനോ​ദ​ത്തി​നും​വേ​ണ്ടി​യുള്ള അവരുടെ ആവശ്യം തിരി​ച്ച​റി​ഞ്ഞു​കൊണ്ട്‌ അയാൾ സമനില പാലി​ക്കു​ന്നു. സഭാ​പ്ര​വർത്തനം തന്റെ കുടും​ബത്തെ അയാള​വ​ഗ​ണി​ക്കാ​നി​ട​യാ​ക്കാ​തെ ബുദ്ധി​പൂർവം മുൻഗ​ണ​നകൾ വെക്കുന്നു. (1 തിമൊ​ഥെ​യോസ്‌ 3:5, 12) അയാൾ ഇതെല്ലാം ചെയ്യു​ന്ന​തെ​ന്തു​കൊണ്ട്‌? കേവലം ഒരു കർത്തവ്യ​ബോ​ധം​കൊ​ണ്ടല്ല പിന്നെ​യോ കുടും​ബ​ത്തോ​ടുള്ള തന്റെ സ്‌നേ​ഹം​കൊ​ണ്ടാണ്‌. ഒരുവന്റെ കുടും​ബ​പ​രി​പാ​ല​ന​ത്തിന്‌ യഹോവ കൊടു​ക്കുന്ന പ്രാധാ​ന്യ​ത്തെ അയാൾ തിരി​ച്ച​റി​യു​ന്നു. അങ്ങനെ ഭർത്താ​വും പിതാ​വു​മെന്ന നിലയി​ലുള്ള അയാളു​ടെ ഉത്തരവാ​ദി​ത്തം നിറ​വേ​റ​റു​ന്ന​തി​നാൽ അയാൾ ദൈവി​ക​ഭക്തി ആചരി​ക്കു​ക​യാണ്‌.

14. ഒരു ക്രിസ്‌തീയ ഭാര്യക്ക്‌ ഭവനത്തിൽ എങ്ങനെ ദൈവി​ക​ഭക്തി പ്രകട​മാ​ക്കാം?

¹⁴ ക്രിസ്‌തീയ ഭാര്യ​മാർക്കും ഭവനത്തിൽ ദൈവി​ക​ഭക്തി ആചരി​ക്കാ​നുള്ള ഉത്തരവാ​ദി​ത്ത​മുണ്ട്‌. എങ്ങനെ? ഒരു ഭാര്യ ഭർത്താ​വിന്‌ “കീഴ്‌പ്പെ​ട്ടി​രി​ക്കണ”മെന്നും അയാ​ളോട്‌ “അഗാധ​മായ ആദരവു”ണ്ടായി​രി​ക്ക​ണ​മെ​ന്നും ബൈബിൾ പറയുന്നു. (എഫേസ്യർ 5:22, 23) അവളുടെ ഭർത്താവ്‌ ഒരു വിശ്വാ​സി​യ​ല്ലെ​ങ്കിൽപോ​ലും അവൾ അയാൾക്ക്‌ “കീഴ്‌പ്പെ​ട്ടി​രി​ക്കു​ന്നു”. (1 പത്രോസ്‌ 3:1) തന്റെ ഭർത്താവ്‌ ചെയ്യുന്ന തീരു​മാ​നങ്ങൾ ദൈവ​നി​യ​മ​ങ്ങൾക്കു വിരു​ദ്ധ​മ​ല്ലാ​ത്തി​ട​ത്തോ​ളം​കാ​ലം അവക്കു പിന്തുണ കൊടു​ത്തു​കൊണ്ട്‌ ക്രിസ്‌തീയ സ്‌ത്രീ അങ്ങനെ​യുള്ള ഭാര്യാ​സ​ഹ​ജ​മായ കീഴ്‌പ്പെടൽ പ്രകട​മാ​ക്കു​ന്നു. (പ്രവൃ​ത്തി​കൾ 5:29) അവൾ ഈ റോൾ സ്വീക​രി​ക്കു​ന്ന​തെ​ന്തു​കൊണ്ട്‌? അവൾ തന്റെ ഭർത്താ​വി​നെ സ്‌നേ​ഹി​ക്കു​ന്ന​തു​കൊ​ണ്ടു മാത്രമല്ല, പിന്നെ​യോ വിശേ​ഷാൽ അത്‌ “കർത്താ​വിൽ ഉചിത​മാ​യി​രി​ക്കു​ന്നു”വെന്ന്‌ അവൾ തിരി​ച്ച​റി​യു​ന്ന​തു​കൊ​ണ്ടു​മാണ്‌—അതായത്‌ അത്‌ കുടും​ബ​ത്തി​നു​വേ​ണ്ടി​യുള്ള ദൈവ​ത്തി​ന്റെ ക്രമീ​ക​ര​ണ​മാണ്‌. (കൊ​ലോ​സ്യർ 3:18) അങ്ങനെ അവളുടെ ഭർത്താ​വി​നോ​ടുള്ള അവളുടെ മനസ്സോ​ടെ​യുള്ള കീഴ്‌പ്പെടൽ അവളുടെ ദൈവി​ക​ഭ​ക്തി​യു​ടെ ഒരു പ്രകട​ന​മാണ്‌.

“ഈ ഉദ്ദേശ്യ​ത്തിൽ ഞാൻ വെളി​യിൽ പോയി​രി​ക്കു​ന്നു”

15. ഏതു പ്രമുഖ വിധത്തിൽ യേശു ദൈവി​ക​ഭക്തി പ്രകട​മാ​ക്കി?

¹⁵ യേശു​ക്രി​സ്‌തു ദൈവി​ക​ഭക്തി പ്രകട​മാ​ക്കിയ പ്രമു​ഖ​മായ വിധങ്ങ​ളി​ലൊന്ന്‌ ‘ദൈവ​രാ​ജ്യ​ത്തി​ന്റെ സുവാർത്ത ഘോഷി​ക്കുക’യായി​രു​ന്നു. (ലൂക്കോസ്‌ 4:43) ക്രി.വ. 29-ൽ യോർദ്ദാ​നിൽ നടന്ന അവന്റെ സ്‌നാ​പ​നത്തെ തുടർന്ന്‌ യേശു ഈ സർവ​പ്ര​ധാ​ന​മായ വേലയിൽ ഉററി​രു​ന്നു​കൊണ്ട്‌ അടുത്ത മൂന്നര വർഷം ചെലവ​ഴി​ച്ചു. “ഈ ഉദ്ദേശ്യ​ത്തി​ലാണ്‌ ഞാൻ വെളി​യിൽ പോയി​രി​ക്കുന്ന”തെന്ന്‌ അവൻ വിശദീ​ക​രി​ച്ചു. (മർക്കോസ്‌ 1:38; യോഹ​ന്നാൻ 18:37) എന്നാൽ ഇത്‌ അവന്റെ ദൈവി​ക​ഭ​ക്തി​യു​ടെ ഒരു പ്രകട​ന​മാ​യി​രു​ന്ന​തെ​ങ്ങനെ?

16, 17. (എ) പ്രസം​ഗ​ത്തി​ലും പഠിപ്പി​ക്ക​ലി​ലും ഉററി​രി​ക്കാൻ യേശു​വി​നെ പ്രേരി​പ്പി​ച്ച​തെന്ത്‌? (ബി) പ്രസം​ഗി​ക്ക​ലും പഠിപ്പി​ക്ക​ലു​മാ​യി​രുന്ന യേശു​വി​ന്റെ ശുശ്രൂഷ അവന്റെ ദൈവി​ക​ഭ​ക്തി​യു​ടെ ഒരു പ്രകട​ന​മാ​യി​രു​ന്ന​തെ​ന്തു​കൊണ്ട്‌?

¹⁶ ദൈവി​ക​ഭ​ക്തി​യിൽ നിങ്ങൾ ദൈവത്തെ സ്‌നേ​ഹി​ക്കു​ന്ന​തു​കൊ​ണ്ടും അവന്റെ പ്രിയ​ങ്ക​ര​ങ്ങ​ളായ ഗുണങ്ങളെ അഗാധ​മാ​യി വിലമ​തി​ക്കു​ന്ന​തു​കൊ​ണ്ടും ദൈവ​ത്തി​നു പ്രസാ​ദ​ക​ര​മായ ഒരു വിധത്തിൽ ജീവി​ക്കു​ന്നത്‌ ഉൾപ്പെ​ടു​ന്നു​വെ​ന്നോർക്കുക. അപ്പോൾ ഭൂമി​യി​ലെ തന്റെ അന്തിമ​വർഷങ്ങൾ പ്രസം​ഗ​ത്തി​ലും പഠിപ്പി​ക്ക​ലി​ലും ഉററി​രു​ന്നു​കൊണ്ട്‌ ചെലവ​ഴി​ക്കാൻ യേശു​വി​നെ പ്രേരി​പ്പി​ച്ച​തെ​ന്താ​യി​രു​ന്നു? കേവലം കടമയു​ടെ​യോ കടപ്പാ​ടി​ന്റെ​യോ ഒരു ബോധ​മാ​യി​രു​ന്നോ? അവന്‌ ജനങ്ങ​ളോ​ടു താല്‌പ​ര്യ​മു​ണ്ടാ​യി​രു​ന്നു​വെ​ന്ന​തി​നു സംശയ​മില്ല. (മത്തായി 9:35, 36) പരിശു​ദ്ധാ​ത്‌മാ​വി​നാ​ലുള്ള അവന്റെ അഭി​ഷേകം തന്റെ ശുശ്രൂഷ നിർവ​ഹി​ക്കാൻ അവനെ നിയമി​ക്കു​ക​യും നിയോ​ഗി​ക്കു​ക​യും ചെയ്‌തു​വെന്ന്‌ അവൻ പൂർണ്ണ​മാ​യും തിരി​ച്ച​റി​ഞ്ഞു. (ലൂക്കോസ്‌ 4:16-21) എന്നിരു​ന്നാ​ലും, അവന്റെ ആന്തരങ്ങൾ കൂടുതൽ അഗാധ​മാ​യി​രു​ന്നു.

¹⁷ തന്റെ ഭൗമി​ക​ജീ​വി​ത​ത്തി​ന്റെ അവസാ​ന​രാ​ത്രി​യിൽ യേശു തന്റെ അപ്പോ​സ്‌ത​ലൻമാ​രോട്‌ “ഞാൻ പിതാ​വി​നെ സ്‌നേ​ഹി​ക്കു​ന്നു” എന്ന്‌ വ്യക്തമാ​യി പറഞ്ഞു. (യോഹ​ന്നാൻ 14:31) ആ സ്‌നേഹം യഹോ​വ​യു​ടെ ഗുണങ്ങൾ സംബന്ധിച്ച വളരെ അഗാധ​വും ഗാഢവു​മായ പരിജ്ഞാ​ന​ത്തിൽ അധിഷ്‌ഠി​ത​മാണ്‌. (ലൂക്കോസ്‌ 10:22) അഗാധ​മായ വിലമ​തി​പ്പി​നാൽ ഉത്തേജി​ത​മായ ഒരു ഹൃദയ​ത്താൽ പ്രേരി​ത​മാ​യി യേശു ദൈ​വേ​ഷ്ടം​ചെ​യ്യു​ന്ന​തിൽ പ്രമോ​ദം കണ്ടെത്തി. (സങ്കീർത്തനം 40:8) അത്‌ അവന്റെ “ആഹാര”മായി​രു​ന്നു—ജീവി​ത​ത്തിന്‌ അത്യാ​വ​ശ്യ​വും വളരെ ആസ്വാ​ദ്യ​വും. (യോഹ​ന്നാൻ 4:34) അവൻ സ്വത്വത്തെ ഒന്നാമതു വെക്കു​ന്ന​തി​നു​പ​കരം “ഒന്നാമതു രാജ്യം അന്വേ​ഷി​ക്കുന്ന”തിന്റെ പൂർണ്ണ​ത​യുള്ള ദൃഷ്ടാന്തം വെച്ചു. (മത്തായി 6:33) അതു​കൊണ്ട്‌ അവൻ കേവലം എന്തു ചെയ്‌തു​വെ​ന്ന​തോ എത്രയ​ധി​കം​ചെ​യ്‌തു​വെ​ന്ന​തോ അല്ല പിന്നെ​യൊ എന്തു​കൊ​ണ്ടു ചെയ്‌തു​വെ​ന്ന​താ​യി​രു​ന്നു അവന്റെ പ്രസം​ഗ​ത്തി​ന്റെ​യും പഠിപ്പി​ക്ക​ലി​ന്റെ​യും ശുശ്രൂ​ഷയെ അവന്റെ ദൈവി​ക​ഭ​ക്തി​യു​ടെ പ്രകട​ന​മാ​ക്കി​യത്‌.

18. ശുശ്രൂ​ഷ​യിൽ ഒരു പങ്കുണ്ടാ​യി​രി​ക്കു​ന്നത്‌ അവശ്യം ദൈവി​ക​ഭ​ക്തി​യു​ടെ ഒരു പ്രകട​ന​മാ​യി​രി​ക്കു​ന്നി​ല്ലാ​ത്ത​തെ​ന്തു​കൊണ്ട്‌?

¹⁸ ഈ കാര്യ​ത്തിൽ നമുക്ക്‌ “മാതൃക”യായ യേശു​വി​ന്റെ ദൃഷ്ടാന്തം എങ്ങനെ പിന്തു​ട​രാൻ കഴിയും? (1 പത്രോസ്‌ 2:21) “വന്ന്‌ എന്റെ അനുഗാ​മി​യാ​കാ”നുള്ള യേശു​വി​ന്റെ ക്ഷണത്തിനു ചെവി​കൊ​ടു​ക്കുന്ന എല്ലാവർക്കും രാജ്യ​സു​വാർത്ത പ്രസം​ഗി​ക്കു​ന്ന​തി​നും ശിഷ്യരെ ഉളവാ​ക്കു​ന്ന​തി​നു​മുള്ള ഒരു ദിവ്യ​നി​യോ​ഗ​മുണ്ട്‌. (ലൂക്കോസ്‌ 18:22; മത്തായി 24:14; 28:19, 20) സുവാർത്താ​പ്ര​സം​ഗ​ത്തിൽ കുറെ പങ്കുണ്ടാ​യി​രു​ന്നാൽ നാം ദൈവി​ക​ഭ​ക്തി​യാ​ച​രി​ക്കു​ക​യാ​ണെന്ന്‌ അതിനർത്ഥ​മു​ണ്ടോ? അവശ്യം അർത്ഥമു​ണ്ടാ​യി​രി​ക്കു​ന്നില്ല. നാം അലസമോ നാമമാ​ത്ര​മോ ആയ രീതി​യിൽ അല്ലെങ്കിൽ കുടും​ബാം​ഗ​ങ്ങ​ളെ​യോ മററു​ള്ള​വ​രെ​യോ പ്രസാ​ദി​പ്പി​ക്കാൻമാ​ത്രം ശുശ്രൂ​ഷ​യി​ലേർപ്പെ​ടു​ക​യാ​ണെ​ങ്കിൽ അത്‌ ‘ദൈവി​ക​ഭ​ക്തി​യു​ടെ ഒരു പ്രവർത്ത​ന​മാ​യി’ അശേഷം പരിഗ​ണി​ക്ക​പ്പെ​ടു​ക​യില്ല.—2 പത്രോസ്‌ 3:11.

19. (എ) നാം ശുശ്രൂ​ഷ​യിൽ ചെയ്യു​ന്ന​തി​ന്റെ ഒരു മുഖ്യ​കാ​രണം എന്തായി​രി​ക്കണം? (ബി) നാം ദൈവ​ത്തോ​ടുള്ള അഗാധ​സ്ഥി​ത​മായ സ്‌നേ​ഹ​ത്താൽ പ്രേരി​ത​രാ​യി​രി​ക്കു​മ്പോൾ എന്തു ഫലമു​ണ്ടാ​കു​ന്നു?

¹⁹ യേശു​വി​ന്റെ കാര്യ​ത്തി​ലെ​ന്ന​പോ​ലെ, നമ്മുടെ ആന്തരങ്ങൾ ആഴമേ​റി​യ​താ​യി​രി​ക്കണം. യേശു ഇങ്ങനെ പറഞ്ഞു: “നീ നിന്റെ ദൈവ​മായ യഹോ​വയെ നിന്റെ മുഴു​ഹൃ​ദ​യ​ത്തോ​ടും [ആന്തരി​ക​വ്യ​ക്തി​യു​ടെ വികാ​ര​ങ്ങ​ളും ആഗ്രഹ​ങ്ങ​ളും വിചാ​ര​ങ്ങ​ളും] നിന്റെ മുഴു​ദേ​ഹി​യോ​ടും [നിങ്ങളു​ടെ ജീവനും മുഴു അസ്‌തി​ത്വ​വും] നിന്റെ മുഴു​മ​ന​സ്സോ​ടും [നിങ്ങളു​ടെ ബുദ്ധി​പ​ര​മായ കഴിവു​കൾ] നിന്റെ മുഴു ശക്തി​യോ​ടും​കൂ​ടെ സ്‌നേ​ഹി​ക്കണം.” ഇതി​നോട്‌ വിവേ​ക​മുള്ള ഒരു ശാസ്‌ത്രി ഇങ്ങനെ കൂട്ടി​ച്ചേർത്തു: “ഇത്‌ . . . സർവാം​ഗ​ഹോ​മ​യാ​ഗ​ങ്ങ​ളെ​ക്കാ​ളും ബലിക​ളെ​ക്കാ​ളു​മെ​ല്ലാം മൂല്യ​മു​ള്ള​താ​കു​ന്നു.” (മർക്കോസ്‌ 12:30, 33, 34) അതു​കൊണ്ട്‌ നാം എന്തു​ചെ​യ്യു​ന്നു​വെ​ന്ന​തു​മാ​ത്രമല്ല, പിന്നെ​യോ എന്തു​കൊ​ണ്ടു ചെയ്യു​ന്നു​വെ​ന്ന​തു​മാണ്‌ കാര്യ​മാ​യി​ട്ടു​ള്ളത്‌. നമ്മുടെ ഓരോ തന്തുവും ഉൾപ്പെ​ടുന്ന ദൈവ​ത്തോ​ടുള്ള അഗാധ​സ്ഥി​ത​മായ ഒരു സ്‌നേ​ഹ​മാ​യി​രി​ക്കണം നമ്മുടെ ശുശ്രൂ​ഷാ​പ്ര​വർത്ത​ന​ത്തി​ന്റെ മുഖ്യ​കാ​രണം. വാസ്‌ത​വ​മ​താ​യി​രി​ക്കു​മ്പോൾ, നാം നാമമാ​ത്ര​മായ ഒരു പങ്കിൽ തൃപ്‌ത​രാ​യി​രി​ക്കു​ക​യില്ല, എന്നാൽ നാം നമ്മുടെ പരമാ​വ​ധി​ചെ​യ്യു​ന്ന​തി​നാൽ നമ്മുടെ ദൈവി​ക​ഭ​ക്തി​യു​ടെ ആഴം പ്രകട​മാ​ക്കാൻ നാം പ്രേരി​ത​രാ​കും. (2 തിമൊ​ഥെ​യോസ്‌ 2:15) അതേ സമയം, നമ്മുടെ ആന്തരം ദൈവ​സ്‌നേ​ഹ​മാ​യി​രി​ക്കു​മ്പോൾ, നാം നമ്മുടെ ശുശ്രൂ​ഷയെ മററു​ള്ള​വ​രു​ടേ​തി​നോ​ടു താരത​മ്യ​പ്പെ​ടു​ത്തി​ക്കൊണ്ട്‌ വിമർശി​ക്കു​ന്ന​വ​രാ​യി​രി​ക്ക​യില്ല.—ഗലാത്യർ 6:4.

20. ദൈവി​ക​ഭക്തി പിന്തു​ട​രു​ന്ന​തി​ലെ യേശു​വി​ന്റെ ദൃഷ്ടാ​ന്ത​ത്തിൽനിന്ന്‌ നമുക്ക്‌ എങ്ങനെ പൂർണ്ണ​മാ​യി പ്രയോ​ജനം നേടാം?

²⁰ യഹോവ നമുക്ക്‌ ദൈവി​ക​ഭ​ക്തി​യു​ടെ പാവന​ര​ഹ​സ്യം വെളി​പ്പെ​ടു​ത്തി​യ​തിൽ നമുക്ക്‌ എത്ര നന്ദിയു​ള്ള​വ​രാ​യി​രി​ക്കാൻ കഴിയും! യേശു പറയു​ക​യും പ്രവർത്തി​ക്കു​ക​യും​ചെയ്‌ത കാര്യങ്ങൾ ശ്രദ്ധാ​പൂർവം പഠിക്കു​ന്ന​തി​നാ​ലും അവനെ അനുക​രി​ക്കാൻ ശ്രമി​ക്കു​ന്ന​തി​നാ​ലും തിക​വേ​റിയ അളവിൽ ദൈവി​ക​ഭക്തി നട്ടുവ​ളർത്താ​നും പ്രകട​മാ​ക്കാ​നും നാം സഹായി​ക്ക​പ്പെ​ടും. സമർപ്പി​ത​രും സ്‌നാ​പ​ന​മേ​റ​റ​വ​രു​മായ ക്രിസ്‌ത്യാ​നി​ക​ളെന്ന നിലയിൽ ദൈവി​ക​ഭക്തി പിന്തു​ട​രു​ന്ന​തിൽ നാം യേശു​വി​ന്റെ ദൃഷ്ടാന്തം പിന്തു​ട​രു​മ്പോൾ യഹോവ നമ്മെ സമൃദ്ധ​മാ​യി അനു​ഗ്ര​ഹി​ക്കും.—1 തിമൊ​ഥെ​യോസ്‌ 4:7, 8. (w90 3⁄1)

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ ദൈവി​ക​ഭക്തി പിന്തു​ട​രു​മ്പോൾ നാം യേശു​വി​ന്റെ ദൃഷ്ടാന്തം പരിചി​ന്തി​ക്കേ​ണ്ട​തെ​ന്തു​കൊണ്ട്‌?

◻ യേശു​വി​നാൽ ഉദാഹ​രി​ക്ക​പ്പെട്ട ഊഷ്‌മ​ള​ത​യിൽനി​ന്നും ആഴമായ വികാ​ര​ത്തിൽനി​ന്നും നാം യഹോ​വ​യെ​ക്കു​റിച്ച്‌ എന്തു പഠിക്കു​ന്നു?

◻ നമുക്ക്‌ എങ്ങനെ കുടും​ബാം​ഗ​ങ്ങ​ളോട്‌ ദൈവി​ക​ഭക്തി പ്രത്യ​ക്ഷ​മാ​ക്കാം?

◻ നമ്മുടെ ശുശ്രൂഷ ദൈവി​ക​ഭ​ക്തി​യു​ടെ ഒരു പ്രകട​ന​മാ​യി​രി​ക്കു​ന്ന​തിന്‌ നമ്മുടെ ആന്തര​മെ​ന്താ​യി​രി​ക്കണം?

[21-ാം പേജിലെ ചിത്രം]

ഒരു ക്രിസ്‌തീയ പിതാ​വിന്‌ തന്റെ കുടും​ബ​ത്തി​നു​വേണ്ടി ഭൗതി​ക​മാ​യും വൈകാ​രി​ക​മാ​യും ആത്മീയ​മാ​യും കരുതാ​നുള്ള ഉത്തരവാ​ദി​ത്ത​മുണ്ട്‌

[23-ാം പേജിലെ ചിത്രം]

“എന്നാൽ ഏതെങ്കി​ലും വിധവക്ക്‌ മക്കളോ മക്കളുടെ മക്കളോ ഉണ്ടെങ്കിൽ അവർ . . . തങ്ങളുടെ മാതാ​പി​താ​ക്കൾക്കും വല്യമ്മ വല്യപ്പൻമാർക്കും ഒരു തക്ക പ്രതി​ഫലം കൊടു​ത്തു കൊണ്ടി​രി​ക്കാ​നും പഠിക്കട്ടെ.”