ഉദ്ദേശ്യ​ത്തോ​ടു​കൂ​ടിയ മടക്കസ​ന്ദർശ​ന​ങ്ങൾ

¹ ഒരു മടക്കസ​ന്ദർശനം നടത്തു​മ്പോൾ, നിങ്ങൾ മുമ്പ്‌ ചർച്ച​ചെയ്‌ത വിഷയ​ത്തി​ലുള്ള ആ വ്യക്തി​യു​ടെ അറിവി​നോ​ടു കൂട്ടി​ച്ചേർക്കു​ന്ന​തി​നു പറ്റിയ ഒരു തിരു​വെ​ഴുത്ത്‌ ഉപയോ​ഗി​ക്കാൻ ശ്രമി​ക്കണം.

² വരിസം​ഖ്യ സ്വീക​രി​ച്ചി​ട്ടി​ല്ലെ​ങ്കിൽ, മാസിക സമർപ്പി​ച്ചി​ടത്തു മടക്കസ​ന്ദർശനം നടത്തു​ന്ന​തി​ന്റെ ഒരു ലക്ഷ്യം മാസി​കാ​റൂ​ട്ടു സ്ഥാപി​ക്കുക എന്നതാണ്‌. ഇതു​പോ​ലുള്ള ഒരു ലളിത​മായ അവതരണം ഫലപ്ര​ദ​മാ​യി​രു​ന്നേ​ക്കാം:

◼“ഞാൻ തന്നിട്ടു​പോയ വീക്ഷാ​ഗോ​പു​ര​ത്തി​ലെ, നാം ദൈവത്തെ ഭയപ്പെ​ടു​ന്നവർ ആയിരി​ക്കേ​ണ്ടത്‌ എന്തു​കൊണ്ട്‌ എന്നു വിശദീ​ക​രിച്ച ലേഖനം താങ്കൾ ആസ്വദി​ച്ചു​കാ​ണു​മെന്നു ഞാൻ പ്രതീ​ക്ഷി​ക്കു​ന്നു. ‘ജീവിതം ഇത്ര ഹ്രസ്വ​മാ​യി​രി​ക്കു​ന്നത്‌ എന്തു​കൊണ്ട്‌?’ എന്ന ചോദ്യ​മു​ന്ന​യി​ക്കുന്ന ലേഖന​മുള്ള ഒരു ഉണരുക! മാസിക ഞാൻ ഇന്നു കൊണ്ടു​വ​ന്നി​ട്ടുണ്ട്‌. അതൊരു നല്ല ചോദ്യ​മാണ്‌, അല്ലേ?” നിങ്ങൾക്ക്‌ ഇങ്ങനെ പറഞ്ഞു​കൊ​ണ്ടു തുടരാ​വു​ന്ന​താണ്‌: “യോഹ​ന്നാൻ 3:16-ലെ യേശു​വി​ന്റെ വാക്കുകൾ നിത്യ​ജീ​വന്റെ പ്രത്യാശ നൽകുന്നു. ദയവായി ഈ മാസിക സ്വീക​രി​ക്കു​ക​യും ബൈബി​ളിൽ വാഗ്‌ദാ​നം ചെയ്‌തി​രി​ക്കുന്ന ഉറച്ച പ്രത്യാ​ശ​യാൽ പ്രോ​ത്സാ​ഹി​ത​നാ​കു​ക​യും ചെയ്യുക.” അടുത്ത ലക്കങ്ങളു​മാ​യി നിങ്ങൾ തിരികെ ചെല്ലു​മെ​ന്നും അനുസ​ര​ണ​യുള്ള മനുഷ്യ​വർഗ​ത്തി​നു ദൈവം വാഗ്‌ദാ​നം ചെയ്‌തി​രി​ക്കു​ന്ന​തെ​ന്താ​ണെ​ന്നതു സംബന്ധിച്ച്‌ ഒരുപക്ഷേ കൂടു​ത​ലാ​യി ചർച്ച​ചെ​യ്യാ​മെ​ന്നും വിശദീ​ക​രി​ക്കുക. ഓരോ തവണയും നിങ്ങൾ മാസിക എത്തിച്ചു​കൊ​ടു​ക്കു​മ്പോൾ നിങ്ങൾക്ക്‌ ഒരു മടക്കസ​ന്ദർശനം റിപ്പോർട്ടു ചെയ്യാ​മെന്ന്‌ ഓർമി​ക്കുക.

³ “യുദ്ധമി​ല്ലാത്ത ഒരു ലോകം—എപ്പോൾ?” എന്ന ലേഖന​മാണ്‌ അവതരി​പ്പി​ച്ച​തെ​ങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“പരിപൂർണ സമാധാ​ന​മാ​യി​രു​ന്നു​വെ​ങ്കിൽ ഈ ഭൂമി​യി​ലെ ജീവിതം എങ്ങനെ​യാ​യി​രി​ക്കു​മാ​യി​രു​ന്നു? [പ്രതി​ക​ര​ണ​ത്തിന്‌ അനുവ​ദി​ക്കുക.] ദൈവം എന്താണു ചെയ്യാൻ പോകു​ന്ന​തെന്നു വാഗ്‌ദാ​നം ചെയ്‌തി​രി​ക്കു​ന്നതു ഞാൻ താങ്കളെ കാണി​ക്കാം.” സങ്കീർത്തനം 37:10, 11 വായി​ച്ചിട്ട്‌ ദൈ​വേഷ്ടം ഭൂമി​യിൽ ചെയ്യ​പ്പെ​ടു​മ്പോൾ അവസ്ഥകൾ എങ്ങനെ​യാ​യി​രി​ക്കും എന്നു വിശദീ​ക​രി​ക്കുക. മത്തായി 6:9, 10-ൽ രേഖ​പ്പെ​ടു​ത്തി​യി​രി​ക്കു​ന്ന​തു​പോ​ലെ, യേശു തന്റെ അനുഗാ​മി​കളെ എന്താണു പ്രാർഥി​ക്കാൻ പഠിപ്പി​ച്ച​തെന്ന്‌ ആ വ്യക്തി​യോ​ടു പറയുക. യേശു​വി​ന്റെ വാക്കു​ക​ളു​ടെ അർഥം സംബന്ധി​ച്ചു ന്യായ​വാ​ദം ചെയ്യാൻ വീട്ടു​കാ​രനെ സഹായി​ക്കുക. വീട്ടു​കാ​രൻ മുമ്പു വീക്ഷാ​ഗോ​പു​ര​ത്തി​നോ ഉണരുക!യ്‌ക്കോ വരിസം​ഖ്യ​യെ​ടു​ത്തി​ട്ടി​ല്ലെ​ങ്കിൽ നിങ്ങൾ അത്‌ ഇപ്പോൾ സമർപ്പി​ക്കു​ക​യും കൂടു​ത​ലായ ചർച്ചയ്‌ക്കു​വേണ്ടി മടങ്ങി​വ​രു​ന്ന​തി​നുള്ള ക്രമീ​ക​ര​ണങ്ങൾ നടത്തു​ക​യും ചെയ്യുക.

⁴ “ജീവിതം വളരെ ഹ്രസ്വ​മാ​യി​രി​ക്കു​ന്നത്‌ എന്തു​കൊണ്ട്‌” എന്ന കവർ ലേഖന പരമ്പരകൾ സംബന്ധി​ച്ചു കുടുതൽ ചർച്ച​ചെ​യ്യു​ന്ന​തി​നു​വേണ്ടി നിങ്ങൾ മടങ്ങി​ച്ചെ​ല്ലു​ന്നു​വെ​ങ്കിൽ, നിങ്ങൾക്ക്‌ ഇങ്ങനെ പറഞ്ഞു​തു​ട​ങ്ങാ​വു​ന്ന​താണ്‌:

◼“കഴിഞ്ഞ​തവണ ഞാൻ സന്ദർശി​ച്ച​പ്പോൾ നമ്മൾ മനുഷ്യ​ന്റെ ആയുർ​ദൈർഘ്യ​ത്തെ​ക്കു​റി​ച്ചു സംസാ​രി​ച്ചു. 70 അല്ലെങ്കിൽ 80 വർഷത്തി​ലേറെ ജീവി​ക്കു​ന്ന​തി​നു നമ്മെ സഹായി​ക്കു​ന്ന​തി​നു ശാസ്‌ത്ര​ജ്ഞൻമാർ ഒരു പ്രത്യാ​ശ​യും തരുന്നില്ല എന്നു നിങ്ങൾ ഉണരുക! ലേഖന​ങ്ങ​ളിൽ ശ്രദ്ധി​ച്ചു​വെ​ന്ന​തിൽ സംശയ​മില്ല. എന്നാൽ ബൈബിൾ വാഗ്‌ദാ​നം ചെയ്യു​ന്നതു സംബന്ധി​ച്ചു നിങ്ങൾ എന്തു വിചാ​രി​ക്കു​ന്നു? [ഉത്തരത്തിന്‌ അനുവ​ദി​ക്കുക.] മനുഷ്യ​നു​വേണ്ടി വളരെ മെച്ചമായ എന്തോ ദൈവം കരുതു​ന്നു​ണ്ടെന്നു ബൈബിൾ പ്രകട​മാ​ക്കു​ന്നു.” തുടർന്ന്‌ യോഹ​ന്നാൻ 17:3 വായി​ച്ചിട്ട്‌ അറിവു സമ്പാദി​ക്കു​ന്നതു നിത്യ​ജീ​വ​നി​ലേക്കു നയി​ച്ചേ​ക്കാ​വു​ന്നത്‌ എങ്ങനെ​യെന്നു വിശദീ​ക​രി​ക്കുക. ഈ ഘട്ടത്തിൽ ഒരുപക്ഷേ ഒരു ഭവന ബൈബി​ള​ധ്യ​യ​ന​ത്തി​നോ മറ്റൊരു ചർച്ചയ്‌ക്കോ വേണ്ടി ക്രമീ​ക​രി​ക്കു​ന്ന​തി​നു നിങ്ങൾക്കു കഴി​ഞ്ഞേ​ക്കും.

⁵ ഒരു ബൈബി​ള​ധ്യ​യനം ആരംഭി​ക്കു​ന്നതു നമ്മുടെ ശൂശ്രൂ​ഷ​യി​ലെ ഒരു പ്രധാന ലക്ഷ്യമാണ്‌. മാസി​കകൾ സ്വീക​രിച്ച ഒരു വ്യക്തിയെ നിങ്ങൾ പല തവണ സന്ദർശി​ച്ചി​ട്ടു​ണ്ടാ​യി​രി​ക്കാം. അടുത്ത തവണ നിങ്ങൾ സന്ദർശി​ക്കു​മ്പോൾ ഈ സമീപനം എന്തു​കൊ​ണ്ടൊ​ന്നു പരീക്ഷി​ച്ചു​കൂ​ടാ?:

◼“മതത്തെ സംബന്ധി​ച്ചും ആധുനിക ജീവി​ത​ത്തിൽ അതിനുള്ള മൂല്യം സംബന്ധി​ച്ചും ആളുകൾക്ക്‌ അനേകം വ്യത്യസ്‌ത ആശയങ്ങ​ളുണ്ട്‌. ദൈവം ദുഷ്ടത അനുവ​ദി​ച്ചി​രി​ക്കു​ന്നത്‌ എന്തു​കൊണ്ട്‌ അല്ലെങ്കിൽ നാം വാർധ​ക്യം പ്രാപി​ക്കു​ക​യും മരിക്കു​ക​യും ചെയ്യു​ന്നത്‌ എന്തു​കൊണ്ട്‌ എന്നതു സംബന്ധി​ച്ചു പരസ്‌പര വിരു​ദ്ധ​മായ വിശ്വാ​സ​ങ്ങ​ളുണ്ട്‌. ദൈവം കേൾക്കു​ന്ന​വി​ധം എങ്ങനെ പ്രാർഥി​ക്ക​ണ​മെന്ന്‌ അറിയാൻ ചിലർ ആഗ്രഹി​ക്കു​ന്നു.” വീട്ടു​കാ​രനു താത്‌പ​ര്യ​ജ​ന​ക​മാ​യി​രി​ക്കു​മെന്നു നിങ്ങൾക്കു തോന്നുന്ന ഒരു വിഷയ​ത്തി​ലേക്കു നമ്മുടെ ബൈബി​ള​ധ്യ​യന പ്രസി​ദ്ധീ​ക​ര​ണ​ങ്ങ​ളി​ലൊ​ന്നു തുറന്നിട്ട്‌ ഒരു അധ്യയനം നടത്തു​ന്ന​തെ​ങ്ങ​നെ​യെന്നു ഹ്രസ്വ​മാ​യി പ്രകടി​പ്പി​ക്കുക.

⁶ യഹോവ ഉദ്ദേശ്യ​മുള്ള ഒരു ദൈവ​മാണ്‌. ഒക്ടോ​ബ​റിൽ ഒരു ഉദ്ദേശ്യ​ത്തോ​ടു കൂടി മടക്കസ​ന്ദർശ​നങ്ങൾ നടത്തി​ക്കൊണ്ട്‌ നമുക്ക്‌ അവനെ അനുക​രി​ക്കാം.