നാം ഉണർന്നി​രി​ക്കു​ന്നു​വോ—ശ്രദ്ധാ​ശൈ​ഥി​ല്യ​ങ്ങൾ ഒഴിവാ​ക്കി​ക്കൊണ്ട്‌?

¹ സുനി​ശ്ചി​ത​മാ​യും വരാനി​രി​ക്കുന്ന വിപത്തു​കളെ “ഒഴിഞ്ഞു​പോ​കു​ന്ന​തിൽ വിജയി​ക്കേ​ണ്ട​തിന്‌ . . . ഉണർന്നി​രി​ക്കാൻ” യേശു മുന്നറി​യി​പ്പു നൽകി. (ലൂക്കോ. 21:36, NW) മാനുഷ ചരി​ത്ര​ത്തി​ലെ ഏറ്റവും അപകട​ക​ര​മായ സമയത്താ​ണു നാം ജീവി​ക്കു​ന്നത്‌. ആത്മീയ മാന്ദ്യ​ത്തി​ലേക്കു വഴുതി​വീ​ഴു​ന്ന​വരെ അനർഥം കാത്തി​രി​ക്കു​ന്നു. ഇത്‌ നമു​ക്കോ​രോ​രു​ത്തർക്കും ഒരു അപകട​ഭീ​ഷണി ഉയർത്തു​ന്നു. തീറ്റി​യും കുടി​യും ദൈനം​ദിന ജീവി​തോ​ത്‌ക​ണ്‌ഠ​ക​ളും സംബന്ധിച്ച്‌ യേശു പരാമർശി​ച്ചു. എന്തു​കൊണ്ട്‌? എന്തെന്നാൽ ഈ കാര്യ​ങ്ങൾക്കു പോലും നമ്മെ അവയിൽ വ്യാപൃ​ത​രാ​ക്കി നിർത്തു​ന്ന​തി​നും ശ്രദ്ധാ​ശൈ​ഥി​ല്യ​ങ്ങൾ ആയിത്തീ​രു​ന്ന​തി​നും അപകട​ക​ര​മായ ആത്മീയ മാന്ദ്യ​ത്തി​നു പ്രേരി​പ്പി​ക്കു​ന്ന​തി​നും കഴിയും.

² സാധാരണ ശ്രദ്ധാ​ശൈ​ഥി​ല്യ​ങ്ങൾ: ചിലർ അമിത​മാ​യ​തോ ചോദ്യം​ചെ​യ്യ​ത്ത​ക്ക​തോ ആയ വിനോ​ദ​പ​രി​പാ​ടി​ക​ളിൽ വ്യാപൃ​ത​രാ​കു​ന്നു, ടിവി ആസക്തരാ​യി​ക്കൊ​ണ്ടു​പോ​ലും. ഒന്നാമതു ദൈവ​രാ​ജ്യം അന്വേ​ഷി​ക്കു​ന്നത്‌ നാം എല്ലാ തരത്തി​ലു​മുള്ള വിനോ​ദങ്ങൾ ഒഴിവാ​ക്ക​ണ​മെന്ന്‌ തീർച്ച​യാ​യും അർഥമാ​ക്കു​ന്നില്ല. നാം ന്യായ​യു​ക്ത​ത​യും മിതത്വ​വും ഉപയോ​ഗി​ക്കു​മ്പോൾ വിനോ​ദം പ്രയോ​ജ​ന​പ്ര​ദ​മാ​യി​രി​ക്കാൻ കഴിയും. (1 തിമൊ​ഥെ​യൊസ്‌ 4:8 താരത​മ്യം ചെയ്യുക.) എന്നാൽ അതു നമ്മുടെ ജീവി​ത​ത്തി​ലെ ഒരു പ്രധാ​ന​പ്പെട്ട സംഗതി​യാ​യി​ത്തീ​രു​മ്പോൾ നമ്മുടെ സമയത്തി​ന്റെ​യും വിഭവ​ങ്ങ​ളു​ടെ​യും അല്ലെങ്കിൽ രാജ്യ​പ്ര​ഘോ​ഷണ വേലയി​ലെ നമ്മുടെ പങ്കി​ന്റെ​യും അധിക​പ​ങ്കും എടുക്കു​മ്പോൾ അതൊരു ശ്രദ്ധാ​ശൈ​ഥി​ല്യ​മാണ്‌.

³ ആത്മീയ ഉറക്കത്തി​നു കാരണ​മാ​ക്കുന്ന മറ്റൊരു സാധാരണ ശ്രദ്ധാ​ശൈ​ഥി​ല്യം അത്യാ​വ​ശ്യ​മി​ല്ലാത്ത ഭൗതിക വസ്‌തു​ക്കൾക്കു വേണ്ടി​യുള്ള ആഗ്രഹ​മാണ്‌. ഇത്‌ ഒരു വ്യക്തി കൂടുതൽ സമയം ലൗകിക ജോലി​യിൽ ചെലവ​ഴി​ക്കേ​ണ്ടത്‌ ആവശ്യ​മാ​ക്കി​ത്തീർക്കു​ക​യും ആത്മീയ അനുധാ​വ​നങ്ങൾ പുറന്ത​ള്ളു​ന്ന​തിന്‌ ഇടയാ​ക്കു​ക​യും ചെയ്യുന്നു. കൂടുതൽ സുഖക​ര​മായ ജീവിതം നയിക്കു​ന്ന​തി​നു​വേണ്ടി ഭൗതിക വസ്‌തു​ക്കൾ സമ്പാദി​ക്കു​ന്ന​തിൽ പൂർണ​മാ​യി മുഴു​കു​ന്ന​തി​നാൽ ചിലർ ആത്മീയ ലക്ഷ്യങ്ങൾ മറന്നു​ക​ള​ഞ്ഞി​രി​ക്കു​ന്നു. നമുക്ക്‌ “ഉണ്മാനും ഉടുപ്പാ​നും” ഉള്ളത്‌ ആവശ്യ​മാ​യി​രി​ക്കെ, പണത്തോ​ടുള്ള സ്‌നേഹം വളർത്തി​യെ​ടു​ക്കു​ന്ന​തി​നെ​തി​രെ നാം ജാഗരി​ക്കണം, അതിനു നമ്മെ വിശ്വാ​സ​ത്തിൽനി​ന്നു വ്യതി​ച​ലി​പ്പി​ക്കാൻ കഴിയും. (1 തിമൊ. 6:8-10) രാജ്യ താത്‌പ​ര്യ​ങ്ങ​ളിൽ നമ്മുടെ ദൃഷ്ടി​പ​തി​പ്പി​ക്കു​ന്ന​തിൽ പരാജ​യ​പ്പെ​ടു​ക​വഴി നമ്മുടെ കുടും​ബ​ത്തി​ന്റെ ആത്മീയ ആവശ്യ​ങ്ങൾക്കു​വേണ്ടി കരുതു​ന്ന​തിൽ നിഷ്‌ഠ​യി​ല്ലാ​ത്ത​വ​രും നമ്മുടെ ശുശ്രൂഷ പൂർത്തീ​ക​രി​ക്കു​ന്ന​തിൽ പരാജ​യ​പ്പെ​ടു​ന്ന​വ​രും ആയിത്തീ​രാൻ കഴിയും.—1 തിമൊ. 5:8; 2 തിമൊ. 4:5.

⁴ മറ്റു ചിലർ തങ്ങൾ ആത്മീയ​മാ​യി ഉറക്കത്തി​ലാ​കുന്ന ഘട്ടത്തോ​ളം തങ്ങളുടെ ‘ഹൃദയം ഉപജീ​വ​ന​ചി​ന്ത​ക​ളാൽ ഭാര​പ്പെ​ടാൻ’ അനുവ​ദി​ക്കു​ന്നു. (ലൂക്കൊ. 21:34) ചില സമയങ്ങ​ളിൽ, ആരോ​ഗ്യ​പ്ര​ശ്‌ന​ങ്ങ​ളാ​ലോ കഷ്ടകര​മായ കുടുംബ അവസ്ഥക​ളാ​ലോ ഉത്‌കണ്‌ഠ അനുഭ​വ​പ്പെ​ടു​ന്നു. എന്നാൽ അത്തരം വ്യക്തി​പ​ര​മായ പരിഗ​ണ​നകൾ ഈ വ്യവസ്ഥി​തി​യു​ടെ സത്വരം സമീപി​ച്ചു​കൊ​ണ്ടി​രി​ക്കുന്ന അവസാ​നത്തെ സംബന്ധിച്ച നമ്മുടെ ജാഗ്ര​ത​യ്‌ക്കു മങ്ങലേൽക്കാൻ അനുവ​ദി​ക്ക​രുത്‌.—മർക്കൊ. 13:33.

⁵ നമ്മെ ഒരു സ്വപ്‌ന​ലോ​ക​ത്തിൽ, ചില ലൗകിക ഭ്രമങ്ങ​ളു​ടെ അനുധാ​വ​ന​ത്തിൽ ആക്കിത്തീർക്കു​ന്ന​തിൽ വിജയി​ക്കു​ന്ന​തി​നെ​ക്കാൾ സാത്താനെ സന്തോ​ഷി​പ്പി​ക്കുന്ന മറ്റൊ​ന്നില്ല. ആത്മീയ​മാ​യി ഉണർന്നി​രി​ക്കു​ന്ന​തി​നു നാം പോരാ​ടേ​ണ്ട​തുണ്ട്‌. ‘യഹോ​വ​യു​ടെ ദിവസം ഒരു കള്ളനെ​പ്പോ​ലെ വരുന്നു​വെന്നു’ നമുക്ക​റി​യാം, അതു​കൊണ്ട്‌ “ഉണർന്നും സുബോധ”വുമാ​യി​രി​ക്കു​ന്നതു ജീവത്‌പ്ര​ധാ​ന​മാണ്‌. (1 തെസ്സ. 5:2, 6, NW) ഉറക്കത്തി​ന്റെ ലക്ഷണങ്ങൾ നാം നമ്മിൽത്തന്നെ കണ്ടുപി​ടി​ക്കു​ന്നു​വെ​ങ്കിൽ, “ഇരുട്ടി​ന്റെ പ്രവൃ​ത്തി​കളെ വിട്ടൊ​ഴി”യുന്നത്‌ അടിയ​ന്തി​ര​മാണ്‌.—റോമ. 13:11-13, NW.

⁶ നമ്മെ ഉണർവു​ള്ള​വ​രാ​യി നിർത്തു​ന്ന​തി​നുള്ള സഹായങ്ങൾ: അത്തരം സഹായങ്ങൾ എന്താണ്‌? പ്രാർഥന ഒഴിച്ചു​കൂ​ടാ​നാ​വാ​ത്ത​താണ്‌. നാം ഇടവി​ടാ​തെ പ്രാർഥി​ക്കണം. (1 തെസ്സ. 5:17) ക്രിസ്‌തീയ സഭയോ​ടുള്ള അടുപ്പം ‘സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും നമ്മെ ഉത്സാഹി​പ്പി​ക്കും.’ (എബ്രാ. 10:24) ക്രമമായ, സത്യസ​ന്ധ​മായ ഒരു പരി​ശോ​ധ​ന​യ്‌ക്കു ബലഹീ​ന​ത​കളെ തരണം​ചെ​യ്യ​ണ്ട​തി​ന്റെ ആവശ്യം സംബന്ധി​ച്ചു ജാഗരൂ​ക​രാ​യി​രി​ക്കാൻ നമ്മെ സഹായി​ക്കാൻ കഴിയും. (2 കൊരി. 13:5) വ്യക്തി​പ​ര​മായ പഠനത്തി​ന്റെ നല്ല ശീലങ്ങൾ നമ്മെ ‘വിശ്വാ​സ​ത്തി​ന്റെ വചനത്താൽ പോഷണം ലഭിച്ച​വ​രാ​യി’ നിർത്തും. (1 തിമൊ. 4:6) നാം ശുഷ്‌കാ​ന്തി​യു​ള്ള​വ​രാ​ണെ​ങ്കിൽ ശ്രദ്ധാ​ശൈ​ഥി​ല്യ​ങ്ങൾ ഒഴിവാ​ക്കു​ന്ന​തി​നും ‘ഉണർന്നി​രി​ക്കു​ന്ന​തി​നും വിശ്വാ​സ​ത്തിൽ നിലനിൽക്കു​ന്ന​തി​നും’ പ്രാപ്‌ത​രാ​യി​രി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—1 കൊരി. 16:13.