ഇന്ത്യയി​ലെ ശൂശ്രൂ​ഷാ പരിശീ​ലന സ്‌കൂ​ളി​ന്റെ ആദ്യ ക്ലാസ്സ്‌

¹ ലൊണാ​വ്‌ല​യിൽ നടന്ന ആദ്യത്തെ ശുശ്രൂ​ഷാ പരിശീ​ലന ക്ലാസ്സിൽ 23 വിദ്യാർഥി​ക​ളും രണ്ടു നിരീ​ക്ഷ​ക​രും സംബന്ധി​ച്ചു. ഇവർ സിക്കിം ഉൾപ്പെടെ ഇന്ത്യയി​ലെ വ്യത്യസ്‌ത ഭാഗങ്ങ​ളിൽ നിന്നും നേപ്പാ​ളിൽനി​ന്നു​മു​ള്ള​വ​രാ​യി​രു​ന്നു. വിദ്യാർഥി​ക​ളിൽ രണ്ടുപേർ മൂപ്പൻമാ​രും ശേഷി​ച്ചവർ ശുശ്രൂ​ഷാ​ദാ​സൻമാ​രു​മാ​യി​രു​ന്നു. അവരിൽ ഏഴു പേർ പ്രത്യേക പയനി​യർമാ​രും ഒമ്പതു പേർ നിരന്തര പയനി​യർമാ​രും മറ്റുള്ളവർ സഭാ പ്രസാ​ധ​ക​രും ആയിരു​ന്നു. 1995 മേയ്‌ 22 മുതൽ ജൂലൈ 16 വരെയുള്ള എട്ട്‌ ആഴ്‌ച​ക​ളിൽ രണ്ട്‌ അധ്യാ​പകർ വിദ്യാർഥി​കളെ പഠിപ്പി​ക്കു​ന്ന​തിൽ ഏർപ്പെ​ട്ടി​രു​ന്നു. മൊത്തം ഏതാണ്ട്‌ 270 മണിക്കൂർ ക്ലാസ്സ്‌മു​റി​യി​ലെ അധ്യാ​പനം ഉൾപ്പെ​ട്ടി​രു​ന്നു, ഗൃഹപാ​ഠം ചെയ്‌തു​കൊ​ണ്ടും പ്രോ​ജ​ക്‌റ്റു​കൾ തയ്യാറാ​ക്കി​ക്കൊ​ണ്ടും വിദ്യാർഥി​കൾ വളരെ​യ​ധി​കം മണിക്കൂ​റു​കൾ ചെലവ​ഴി​ച്ചു. ബെഥേ​ലി​ലെ ജോലി​യു​ടെ കുറച്ചു പ്രാ​യോ​ഗിക പരിച​യ​വും അവർ നേടി​യെ​ടു​ത്തു.

² ജൂലൈ 16 ഞായറാഴ്‌ച ബെഥേൽ രാജ്യ​ഹാ​ളിൽ വളരെ നന്നായി ക്രമീ​ക​രിച്ച ബിരു​ദ​ദാന ചടങ്ങു നടന്നു. പരിപാ​ടി​യു​ടെ അവസാനം വിദ്യാർഥി​കൾക്ക്‌ അവരുടെ നിയമനം കൊടു​ത്തു. മറ്റെവി​ടെ​യെ​ങ്കി​ലും പോകു​ന്ന​തി​നു സാഹച​ര്യം അനുവ​ദിച്ച ആറു പേർക്കു പ്രത്യേക പയനി​യർമാ​രെന്ന നിലയിൽ നിയമനം കൊടു​ത്തു. ശേഷി​ച്ചവർ തങ്ങളുടെ മാതൃ​സ​ഭ​ക​ളി​ലേക്കു തിരി​കെ​പ്പോ​യി, അവിടെ അവർ നിരന്തര പയനി​യർമാ​രോ സഭാ പ്രസാ​ധ​ക​രോ എന്ന നിലയിൽ സേവി​ക്കു​ന്ന​തിൽ തുടരും.

³ വിദ്യാർഥി​കൾക്കു ലഭിച്ച പ്രബോ​ധനം വളരെ​യ​ധി​കം വിലമ​തി​ക്ക​പ്പെട്ടു. അത്തരം പഠിപ്പി​ക്കൽ അവർക്കു തങ്ങളെ​ത്തന്നെ ആത്മീയ​മാ​യി സജ്ജരാ​ക്കു​ന്ന​തി​നു മാത്രമല്ല, അവർ സഹവസി​ക്കുന്ന സഭയെ​യും സഹായി​ക്കു​ന്ന​തിന്‌ ഉതകു​മെന്നു ഞങ്ങൾക്കു​റ​പ്പുണ്ട്‌. അത്തരം പരിശീ​ല​ന​ത്തി​ന്റെ ഗണ്യമായ ആവശ്യ​മുണ്ട്‌. അതു​കൊണ്ട്‌ 23-നും 50-നും ഇടയ്‌ക്കു പ്രായ​മുള്ള, കുറഞ്ഞ​പക്ഷം രണ്ടു വർഷമാ​യി ശുശ്രൂ​ഷാ​ദാ​സൻമാ​രാ​യി സേവി​ക്കുന്ന സഹോ​ദ​രൻമാർക്കു ഭാവി ക്ലാസ്സു​ക​ളിൽ പേർ ചാർത്താൻ കഴിയു​മെന്നു പ്രത്യാ​ശി​ക്കു​ന്നു.

⁴ എല്ലാ വർഷവും ശൂശ്രൂ​ഷാ പരിശീ​ലന സ്‌കൂ​ളി​ന്റെ ഓരോ ക്ലാസ്സ്‌ നടത്താൻ ഞങ്ങൾ ക്രമീ​ക​രി​ക്കു​ന്നു. അതു​കൊണ്ട്‌ അടുത്ത ക്ലാസ്സി​നു​വേണ്ടി യോഗ്യ​ത​നേ​ടാൻ തക്കവണ്ണം പ്രവർത്തി​ക്കു​ന്ന​തി​നു സഹോ​ദ​രൻമാർക്കു കഴിയും. ഉദാഹ​ര​ണ​ത്തിന്‌, ഇംഗ്ലീഷ്‌ അറിഞ്ഞി​രി​ക്കേ​ണ്ടത്‌ അത്യാ​വ​ശ്യ​മാ​യ​തി​നാൽ, മറ്റു രീതി​യിൽ യോഗ്യ​ത​യുള്ള എന്നാൽ ഇംഗ്ലീഷ്‌ നന്നായി അറിയി​ല്ലാ​ത്ത​വർക്ക്‌ ഇംഗ്ലീഷ്‌ മെച്ച​പ്പെ​ടു​ന്ന​തി​നു​വേണ്ടി ക്ലാസ്സു​ക​ളിൽ സംബന്ധി​ക്കാ​വു​ന്ന​താണ്‌. അടുത്ത ക്ലാസ്സിൽ പേർചാർത്താൻ ആഗ്രഹി​ക്കുന്ന സഹോ​ദ​രൻമാർ അവരുടെ ഡിസ്‌ട്രി​ക്‌റ്റ്‌ മേൽവി​ചാ​ര​ക​നു​മാ​യി ബന്ധപ്പെ​ടു​ന്ന​തിന്‌ അടുത്ത സർക്കിട്ട്‌ സമ്മേള​ന​ത്തിൽ ഭാവി വിദ്യാർഥി​കൾക്കു വേണ്ടി നടത്ത​പ്പെ​ടുന്ന യോഗ​ത്തിൽ പങ്കെടു​ക്കു​ന്ന​തി​നും അഭ്യർഥി​ക്കു​ന്നു. അവർ യോഗ​ത്തിൽവെച്ച്‌ ഒരു പ്രാഥ​മിക അപേക്ഷാ​ഫാ​റം വാങ്ങി അതു ഞങ്ങൾക്ക്‌ അയച്ചു​ത​രു​ന്ന​തി​നു​വേണ്ടി ഉടൻതന്നെ പൂരി​പ്പിച്ച്‌ ഡിസ്‌ട്രി​ക്‌റ്റ്‌ മേൽവി​ചാ​ര​കനെ ഏൽപ്പി​ക്കുക. യോഗ്യ​ത​യുള്ള വിദ്യാർഥി​ക​ളു​മാ​യി സൊ​സൈറ്റി ബന്ധപ്പെ​ടു​ന്ന​താണ്‌.