പുതിയ പ്രത്യേക സമ്മേള​ന​ദിന പരിപാ​ടി

“സകലതും സുവാർത്തയ്‌ക്കു​വേണ്ടി ചെയ്യുക” എന്നതാണ്‌ ഈ മാസം ഇന്ത്യയിൽ ആരംഭി​ക്കുന്ന പുതിയ പ്രത്യേക സമ്മേള​ന​ദിന പരിപാ​ടി​യു​ടെ വിഷയം. (1 കൊരി. 9:23, NW) ഇന്നു കേൾക്കുന്ന ഏറ്റവും പ്രധാ​ന​പ്പെട്ട വാർത്ത രാജ്യ​സു​വാർത്ത​യാണ്‌. അത്യത്ഭു​ത​ക​ര​മായ ഈ വാർത്ത​യു​ടെ ഘോഷ​ക​രെന്ന നിലയിൽ നമുക്കുള്ള അനുപ​മ​മായ പദവി വിലമ​തി​ക്കാൻ ഈ പരിപാ​ടി നമ്മെ സഹായി​ക്കും. ഇടതട​വി​ല്ലാ​തെ സുവാർത്ത പ്രഖ്യാ​പി​ക്കാൻ ഇതു നമ്മെ ധൈര്യ​മു​ള്ള​വ​രാ​ക്കു​ക​യും ചെയ്യും.—പ്രവൃ. 5:42.

ശുശ്രൂഷ ഏറ്റവും മെച്ചമാ​യി നിർവ​ഹി​ക്ക​ത്ത​ക്ക​വണ്ണം നമ്മുടെ ദിവ്യാ​ധി​പത്യ പരിശീ​ലനം എപ്രകാ​രം പ്രയോ​ജ​ന​പ്പെ​ടു​ത്താ​മെന്ന്‌ ഈ പരിപാ​ടി വ്യക്തമാ​ക്കും. തങ്ങൾക്കുള്ള സകലതും സുവാർത്ത​യു​ടെ ഉന്നമന​ത്തി​നാ​യി അർപ്പി​ക്കുന്ന യുവജ​ന​ങ്ങ​ളുൾപ്പെടെ, തങ്ങളുടെ സേവനം കൂടുതൽ വിശാ​ല​മാ​ക്കാൻ പൊരു​ത്ത​പ്പെ​ടു​ത്ത​ലു​കൾ വരുത്തി​യി​രി​ക്കു​ന്ന​വ​രിൽനി​ന്നു നാം കേൾക്കും.—ഫിലി​പ്പി​യർ 2:22 താരത​മ്യം ചെയ്യുക.

അതിഥി പ്രസം​ഗകൻ നിർവ​ഹി​ക്കുന്ന മുഖ്യ പ്രസംഗം, “സുവാർത്ത ഭരമേൽപ്പി​ക്ക​പ്പെ​ടാൻ യോഗ്യർ” ആയിരി​ക്കേ​ണ്ട​തി​ന്റെ ആവശ്യ​ക​തയ്‌ക്ക്‌ അടിവ​ര​യി​ടും. (1 തെസ്സ. 2:4, NW) മറ്റുള്ള​വ​രു​മാ​യി സുവാർത്ത പങ്കു​വെ​ക്കാ​നുള്ള പദവി നിലനിർത്തു​ന്ന​തിന്‌ നമ്മുടെ ചിന്തയി​ലും നടത്തയി​ലും ദൈവ​നി​യ​മ​ങ്ങ​ളോ​ടും പ്രമാ​ണ​ങ്ങ​ളോ​ടും നിരന്തരം ഒത്തു​പോ​ക​ണ​മെന്നു മനസ്സി​ലാ​ക്കാൻ നാം സഹായി​ക്ക​പ്പെ​ടും. അങ്ങനെ ചെയ്യു​മ്പോൾ നമുക്കു ലഭിക്കുന്ന അനു​ഗ്ര​ഹ​ങ്ങ​ളും പരിപാ​ടി​യിൽ വിശേ​ഷ​വത്‌ക​രി​ക്ക​പ്പെ​ടും.

ജീവത്‌പ്ര​ധാ​ന​മായ ഈ പരിപാ​ടി നഷ്ടപ്പെ​ടു​ത്ത​രുത്‌. പ്രത്യേക സമ്മേള​ന​ദി​ന​ത്തിൽ സ്‌നാ​പ​ന​മേൽക്കാ​നാ​ഗ്ര​ഹി​ക്കുന്ന പുതു​താ​യി സമർപ്പി​ത​രാ​യവർ അധ്യക്ഷ​മേൽവി​ചാ​ര​കനെ എത്രയും പെട്ടെന്ന്‌ അറിയി​ക്കണം. നിങ്ങളു​ടെ എല്ലാ അധ്യേ​താ​ക്ക​ളെ​യും ഹാജരാ​കാൻ ക്ഷണിക്കുക. സുവാർത്തയ്‌ക്കാ​യി നമ്മുടെ കഴിവി​ന്റെ പരമാ​വധി ചെയ്യാ​നും അങ്ങനെ അർമ​ഗെ​ദോ​നു മുമ്പായി ഈ സർവ​പ്ര​ധാന വേല പൂർത്തീ​ക​രി​ക്കാ​നു​മാ​യി യഹോവ നമ്മെ ശക്തീക​രി​ക്കട്ടെ.