യജമാ​നന്റെ വസ്‌തു​വ​ക​കൾക്കാ​യി കരുതൽ

¹ ബൈബിൾ കാലങ്ങ​ളിൽ ഒരു ഗൃഹവി​ചാ​രകൻ അങ്ങേയറ്റം ആശ്രയ യോഗ്യ​മായ സ്ഥാനം വഹിച്ചി​രു​ന്നു. തന്റെ പുത്ര​നായ യിസ്‌ഹാ​ക്കിന്‌ ഭാര്യയെ കണ്ടെത്താ​നുള്ള ഉത്തരവാ​ദി​ത്വം അബ്രാ​ഹാം തന്റെ ഗൃഹവി​ചാ​ര​കനെ ഭരമേൽപ്പി​ച്ചു. (ഉല്‌പ. 24:1-4) ഫലത്തിൽ, അബ്രാ​ഹാ​മി​ന്റെ വംശത്തി​ന്റെ തുടർച്ച ഉറപ്പാ​ക്കു​ന്നത്‌ ഈ ഗൃഹവി​ചാ​ര​കന്റെ ചുമത​ല​യാ​യി​രു​ന്നു. എത്ര വലി​യോ​രു ഉത്തരവാ​ദി​ത്വം! “ഗൃഹവി​ചാ​ര​കൻമാ​രിൽ അന്വേ​ഷി​ക്കു​ന്ന​തോ അവർ വിശ്വസ്‌ത​രാ​യി​രി​ക്കേണം എന്നത്രേ” എന്ന്‌ അപ്പോസ്‌ത​ല​നായ പൗലൊസ്‌ പ്രസ്‌താ​വി​ച്ച​തിൽ തെല്ലും അത്ഭുത​മില്ല!—1 കൊരി. 4:2.

ക്രിസ്‌തീയ ഗൃഹവി​ചാ​രണ

² ക്രിസ്‌തീയ ശുശ്രൂ​ഷ​യു​ടെ ചില വശങ്ങൾ ബൈബി​ളിൽ ഗൃഹവി​ചാ​ര​ണ​യാ​യി വർണി​ക്ക​പ്പെ​ട്ടി​രി​ക്കു​ന്നു. ഉദാഹ​ര​ണ​ത്തിന്‌, അപ്പോസ്‌ത​ല​നായ പൗലൊസ്‌ എഫെസ്യ​രോട്‌ “നിങ്ങൾക്കാ​യി എനിക്കു ലഭിച്ച ദൈവ​കൃ​പ​യു​ടെ വ്യവസ്ഥ​യെ​ക്കു​റിച്ച്‌ (“ഗൃഹവി​ചാ​ര​ണ​യെ​ക്കു​റിച്ച്‌,” NW)” പ്രസ്‌താ​വി​ക്കു​ക​യു​ണ്ടാ​യി. (എഫെ. 3:2; കൊലൊ. 1:25, NW) ജാതി​ക​ളോ​ടു സുവാർത്ത അറിയി​ക്കാ​നുള്ള തന്റെ നിയോ​ഗം വിശ്വസ്‌ത​ത​യോ​ടെ കൈകാ​ര്യം ചെയ്യേണ്ട ഒരു ഗൃഹവി​ചാ​രണ ആയാണ്‌ അവൻ വീക്ഷി​ച്ചത്‌. (പ്രവൃ. 9:15; 22:21) അപ്പോസ്‌ത​ല​നായ പത്രൊസ്‌ തന്റെ അഭിഷിക്ത സഹോ​ദ​ര​ങ്ങൾക്ക്‌ ഇങ്ങനെ എഴുതി: “പിറു​പി​റു​പ്പു കൂടാതെ തമ്മിൽ അതിഥി​സല്‌ക്കാ​രം ആചരി​പ്പിൻ. ഓരോ​രു​ത്തന്നു വരം ലഭിച്ച​തു​പോ​ലെ വിവി​ധ​മാ​യുള്ള ദൈവ​കൃ​പ​യു​ടെ നല്ല ഗൃഹവി​ചാ​ര​ക​ന്മാ​രാ​യി അതി​നെ​ക്കൊ​ണ്ടു അന്യോ​ന്യം ശുശ്രൂ​ഷി​പ്പിൻ.” (1 പത്രൊ. 4:9, 10; എബ്രാ. 13:16) ഒന്നാം നൂറ്റാ​ണ്ടി​ലെ ആ ക്രിസ്‌ത്യാ​നി​കൾക്കു​ണ്ടാ​യി​രുന്ന ഭൗതിക സമ്പത്തെ​ല്ലാം യഹോ​വ​യു​ടെ അനർഹ​ദ​യ​യു​ടെ ഫലമാ​യി​രു​ന്നു. അതു​കൊണ്ട്‌ അവർ അതിന്റെ ഗൃഹവി​ചാ​ര​ക​ന്മാ​രാ​യി​രു​ന്നു. ഒരു ക്രിസ്‌തീയ വിധത്തിൽ അവർ അത്‌ ഉപയോ​ഗി​ക്കേ​ണ്ടി​യി​രു​ന്നു.

³ ഇന്ന്‌, കാര്യാ​ദി​കൾ സംബന്ധിച്ച്‌ യഹോ​വ​യു​ടെ സാക്ഷി​കൾക്കും സമാന​മായ ഒരു വീക്ഷണ​മാ​ണു​ള്ളത്‌. അവർ തങ്ങളെ​ത്തന്നെ യഹോ​വ​യാം ദൈവ​ത്തി​നു സമർപ്പി​ച്ചി​രി​ക്കു​ന്നു. അതു​കൊണ്ട്‌, ജീവൻ, കായബലം, ഭൗതിക വസ്‌തു​വ​കകൾ എന്നിങ്ങനെ തങ്ങൾക്കു​ള്ള​തെ​ല്ലാം “വിവി​ധ​മാ​യുള്ള ദൈവ​കൃ​പ​യു​ടെ” ഫലങ്ങളാ​യാണ്‌ അവർ കരുതു​ന്നത്‌. ഉത്തമ ഗൃഹവി​ചാ​ര​ക​ന്മാർ എന്ന നിലയിൽ, ഇത്തരം വസ്‌തു​ക്കൾ ഉപയോ​ഗി​ക്കുന്ന വിധം സംബന്ധിച്ച്‌ തങ്ങൾ യഹോ​വ​യോ​ടു കണക്കു ബോധി​പ്പി​ക്കേ​ണ്ട​വ​രാ​ണെന്ന്‌ അവർക്കു തോന്നു​ന്നു. ഇതിനു പുറമേ, സുവാർത്തയെ കുറി​ച്ചുള്ള പരിജ്ഞാ​ന​വും അവർക്കു നൽക​പ്പെ​ട്ടി​രി​ക്കു​ന്നു. സാധ്യ​മാ​യ​തിൽവെച്ച്‌ ഏറ്റവും അഭികാ​മ്യ​മായ വിധത്തിൽ, അതായത്‌ യഹോ​വ​യു​ടെ നാമം മഹത്ത്വ​പ്പെ​ടു​ത്താ​നും സത്യത്തി​ന്റെ പരിജ്ഞാ​ന​ത്തിൽ എത്താൻ മറ്റുള്ള​വരെ സഹായി​ക്കാ​നു​മാ​യി വിനി​യോ​ഗി​ക്കാൻ അവർ ആഗ്രഹി​ക്കുന്ന ഒരു ഉപ നിധി​യാണ്‌ ഇതും.—മത്താ. 28:19, 20; 1 തിമൊ. 2:3, 4; 2 തിമൊ. 1:13, 14.

⁴ ഗൃഹവി​ചാ​ര​ക​ന്മാ​രെന്ന നിലയി​ലുള്ള തങ്ങളുടെ ഉത്തരവാ​ദി​ത്വ​ങ്ങൾ യഹോ​വ​യു​ടെ സാക്ഷികൾ നിറ​വേ​റ്റു​ന്ന​തെ​ങ്ങനെ? കഴിഞ്ഞ വർഷം മാത്രം, അവർ ലോക​വ്യാ​പ​ക​മാ​യി “രാജ്യ​ത്തി​ന്റെ . . . സുവി​ശേഷം” പ്രസം​ഗി​ച്ചു​കൊണ്ട്‌ നൂറു കോടി​യി​ല​ധി​കം മണിക്കൂർ ചെലവ​ഴി​ക്കു​ക​യും താത്‌പ​ര്യ​ക്കാ​രു​മൊത്ത്‌ 45,00,000-ത്തിലധി​കം ഭവന ബൈബി​ള​ധ്യ​യ​നങ്ങൾ നടത്തു​ക​യും ചെയ്‌തെന്ന്‌ വാർഷിക റിപ്പോർട്ടു പ്രകട​മാ​ക്കു​ന്നു. (മത്താ. 24:14) ലോക​വ്യാ​പക വേലയ്‌ക്കും പ്രാ​ദേ​ശിക രാജ്യ​ഹാ​ളു​കളെ പിന്തു​ണയ്‌ക്കു​ന്ന​തി​നും വേണ്ടി​യുള്ള അകമഴിഞ്ഞ സംഭാ​വ​ന​യാ​ലും സഞ്ചാര മേൽവി​ചാ​ര​ക​ന്മാ​രോ​ടും മറ്റുള്ള​വ​രോ​ടു​മുള്ള അതിഥി​പ്രി​യ​ത്താ​ലും സായുധ പോരാ​ട്ട​ങ്ങൾക്ക്‌ ഇരയാ​കു​ന്ന​വരെ പോലെ ആവശ്യം കൂടു​ത​ലു​ള്ള​വ​രോ​ടുള്ള അനിത​ര​സാ​ധാ​രണ ദയയാ​ലും യഹോ​വ​യു​ടെ ഗൃഹവി​ചാ​ര​ക​ന്മാർ എന്നനി​ല​യി​ലുള്ള തങ്ങളുടെ വിശ്വാ​സ്യത അവർ പ്രകടി​പ്പി​ച്ചു. ഒരു കൂട്ടമെന്ന നിലയിൽ, സത്യ​ക്രിസ്‌ത്യാ​നി​കൾ യജമാ​നന്റെ വസ്‌തു​വ​ക​കൾക്കാ​യി നന്നായി കരുതു​ന്നു.

“വിശ്വസ്‌ത​നും ബുദ്ധി​മാ​നു​മായ ഗൃഹവി​ചാ​രകൻ”

⁵ വ്യക്തി​ക​ളെന്ന നിലയിൽ മാത്രമല്ല, ഒരു സ്ഥാപന​മെന്ന നിലയി​ലും ഗൃഹവി​ചാ​രണ നിലനിൽക്കു​ന്നു. ഭൂമി​യി​ലെ അഭിഷിക്ത ക്രിസ്‌തീയ സഭയെ “വിശ്വസ്‌ത​നും ബുദ്ധി​മാ​നു​മായ ഗൃഹവി​ചാ​രകൻ” എന്നു യേശു വിളിച്ചു. (ലൂക്കൊ. 12:42) “ആഹാര​വീ​തം” പ്രദാനം ചെയ്യു​ക​യും സുവാർത്ത​യു​ടെ സാർവ​ദേ​ശീയ പ്രസം​ഗ​ത്തിൽ നേതൃ​ത്വ​മെ​ടു​ക്കു​ക​യും ആണ്‌ “വിശ്വസ്‌ത . . . ഗൃഹവി​ചാ​രക”ന്റെ ഉത്തരവാ​ദി​ത്വം. (വെളി. 12:17) ഇതി​നോ​ടുള്ള ബന്ധത്തിൽ, ലോക​വ്യാ​പക വേലയ്‌ക്കാ​യുള്ള സാമ്പത്തിക സംഭാ​വ​നകൾ എപ്രകാ​രം ഉപയോ​ഗി​ക്ക​പ്പെ​ടു​ന്നു എന്നതിന്‌, ഭരണസം​ഘ​ത്താൽ പ്രതി​നി​ധീ​ക​രി​ക്ക​പ്പെ​ടുന്ന വിശ്വസ്‌ത ഗൃഹവി​ചാ​രക വർഗം ഉത്തരവാ​ദി​യാണ്‌. അത്തരം സംഭാ​വ​നകൾ നൽക​പ്പെ​ടു​ന്നത്‌ അവ ഉചിത​മാ​യി ഉപയോ​ഗി​ക്കു​മെന്ന ഉറപ്പി​ലാണ്‌. അതു​കൊണ്ട്‌, ആ സംഭാ​വ​നകൾ പ്രതീ​ക്ഷി​ക്ക​പ്പെ​ടുന്ന ഉദ്ദേശ്യ​ത്തി​നാ​യി ഉപയോ​ഗി​ക്ക​പ്പെ​ടു​ന്നെ​ന്നും ജ്ഞാനപൂർവ​വും ലാഭക​ര​വും ഫലപ്ര​ദ​വു​മാ​യി കൈകാ​ര്യം ചെയ്യ​പ്പെ​ടു​ന്നെ​ന്നും ഉറപ്പാ​ക്കാ​നുള്ള ചുമതല “വിശ്വസ്‌ത​നും ബുദ്ധി​മാ​നു​മായ ഗൃഹവി​ചാ​രക”നുണ്ട്‌.

⁶ സംഭാവന ചെയ്യപ്പെട്ട ഫണ്ടുകൾ ജ്ഞാനപൂർവ​ക​മാ​യി ഉപയോ​ഗി​ക്കു​ന്നു എന്നതി​നുള്ള ഒരു ഉദാഹ​രണം യഹോ​വ​യു​ടെ സാക്ഷി​ക​ളു​ടെ 20-ാം നൂറ്റാ​ണ്ടി​ലെ അച്ചടി പ്രവർത്ത​ന​ങ്ങ​ളു​ടെ വർധന​വിൽ പ്രതി​ഫ​ലി​ക്കു​ന്നു. ബൈബി​ളി​ന്റെ​യും അതു​പോ​ലെ​തന്നെ മാസി​കകൾ, പുസ്‌ത​കങ്ങൾ, ലഘുപ​ത്രി​കകൾ, ചെറു​പുസ്‌ത​കങ്ങൾ, ലഘു​ലേ​ഖകൾ രാജ്യ​വാർത്തകൾ എന്നിങ്ങ​നെ​യുള്ള ബൈബിൾ സാഹി​ത്യ​ങ്ങ​ളു​ടെ​യും വിതരണം ഈ “അന്ത്യകാ​ലത്തു” “സുവി​ശേഷം” പ്രസി​ദ്ധ​മാ​ക്കു​ന്ന​തിൽ ഒരു പ്രമുഖ പങ്കു വഹിച്ചി​രി​ക്കു​ന്നു. (2 തിമൊ. 3:1; മർക്കൊ. 13:10) “ദൈവ​ത്തി​ന്റെ ഭവനക്കാ”ർക്കും അവരുടെ സുഹൃ​ത്തു​ക്ക​ളായ “വേറെ ആടുക”ളുടെ “മഹാപു​രു​ഷാര”ത്തിനും “തൽസമ​യത്തു ഭക്ഷണം കൊടു”ക്കുന്നതി​നുള്ള ഒരു മുഖ്യ ഉപകര​ണ​മാണ്‌ വീക്ഷാ​ഗോ​പു​രം.—എഫെ. 2:19; യോഹ. 10:16; വെളി. 7:9; മത്താ. 24:45.

⁷ ആദ്യ​മൊ​ക്കെ വ്യാവ​സാ​യിക അച്ചടി ശാലക​ളി​ലാ​യി​രു​ന്നു യഹോ​വ​യു​ടെ സാക്ഷി​ക​ളു​ടെ മുഴു സാഹി​ത്യ​ങ്ങ​ളും അച്ചടി​ച്ചി​രു​ന്നത്‌. എന്നാൽ യഹോ​വ​യു​ടെ ദാസന്മാർ സ്വന്തമാ​യി അച്ചടി​ക്കു​ന്ന​പക്ഷം, അതായി​രി​ക്കും കൂടുതൽ ഫലപ്ര​ദ​വും ലാഭക​ര​വു​മെന്ന്‌ 1920-കളിൽ തീരു​മാ​ന​മാ​യി. 1920-ൽ ചെറിയ അളവിൽ തുടങ്ങിയ അച്ചടി ന്യൂ​യോർക്കി​ലെ ബ്രുക്ലി​നിൽ ക്രമേണ വികസി​ച്ചു. 1967 ആയപ്പോ​ഴേ​ക്കും അതിനാ​യി നാലു ബ്ലോക്കു​കൾ വേണ്ടി​വന്നു. മറ്റു പല രാജ്യ​ങ്ങ​ളി​ലും അച്ചടി ആരംഭി​ച്ചി​രു​ന്നു. എന്നാൽ മിക്ക രാജ്യ​ങ്ങ​ളി​ലും രണ്ടാം ലോക മഹായു​ദ്ധ​ത്തോ​ടെ അച്ചടി തടസ്സ​പ്പെട്ടു.

⁸ ഐക്യ​നാ​ടു​ക​ളി​ലെ അച്ചടി വളരെ​യ​ധി​കം വികസി​ച്ചെ​ങ്കി​ലും, മുഴു ലോക​ത്തി​നും ആവശ്യ​മാ​യതു പ്രദാനം ചെയ്യാൻ അതൊ​രി​ക്ക​ലും പര്യാപ്‌ത​മാ​യി​രു​ന്നില്ല. അതു​കൊണ്ട്‌ ഇംഗ്ലണ്ട്‌, കാനഡ, ഗ്രീസ്‌, ഡെന്മാർക്ക്‌, ദക്ഷിണാ​ഫ്രിക്ക, പശ്ചിമ ജർമനി, സ്വിറ്റ്‌സർലൻഡ്‌ എന്നിവ ഉൾപ്പെടെ നിരവധി രാജ്യ​ങ്ങ​ളിൽ യുദ്ധാ​ന​ന്തരം അച്ചടി പ്രവർത്ത​നങ്ങൾ ആരംഭി​ച്ചു. ഇവയിൽ ചില രാജ്യ​ങ്ങ​ളി​ലാ​കട്ടെ, അണിയറ പ്രവർത്ത​നങ്ങൾ നേര​ത്തേ​തന്നെ തുടങ്ങി​യി​രു​ന്നു. 1970-കളുടെ ആരംഭ​ത്തോ​ടെ, ഓസ്‌ട്രേ​ലിയ, ഘാന, ജപ്പാൻ, നൈജീ​രിയ, ഫിൻലൻഡ്‌, ഫിലി​പ്പീൻസ്‌, ബ്രസീൽ എന്നീ രാജ്യ​ങ്ങ​ളി​ലും അച്ചടി ആരംഭി​ച്ചു. ഇവയിൽ ചില രാജ്യങ്ങൾ ബയന്റിട്ട പുസ്‌ത​ക​ങ്ങ​ളും ഉത്‌പാ​ദി​പ്പി​ച്ചു തുടങ്ങി. കൂടാതെ 1970-കളുടെ ആരംഭ​ത്തിൽ, ഗിലെ​യാദ്‌ മിഷന​റി​മാർക്ക്‌ അച്ചടി​യിൽ പരിശീ​ലനം നൽകു​ക​യും പ്രാ​ദേ​ശിക സഹോ​ദ​ര​ങ്ങളെ സഹായി​ക്കാ​നാ​യി ഈ രാജ്യ​ങ്ങ​ളിൽ ചിലതി​ലേക്ക്‌ അയയ്‌ക്കു​ക​യും ചെയ്‌തു.

⁹ മാസിക അച്ചടി​ക്കുന്ന രാജ്യ​ങ്ങ​ളു​ടെ എണ്ണം 1980-കളിൽ 51 ആയി വർധിച്ചു.a യജമാ​നന്റെ വസ്‌തു​വ​ക​ക​ളു​ടെ എത്ര മെച്ചമാ​യുള്ള ഉപയോ​ഗ​ത്തെ​യാണ്‌ ഇതു കാണി​ക്കു​ന്നത്‌! രാജ്യ​വേ​ല​യു​ടെ വികസ​ന​ത്തി​ന്റെ എത്ര ശക്തമായ തെളിവ്‌! ‘യഹോ​വയെ തങ്ങളുടെ വില​യേ​റിയ വസ്‌തു​ക്കൾ കൊണ്ട്‌ ബഹുമാ​നിച്ച’ ദശലക്ഷ​ക്ക​ണ​ക്കി​നു യഹോ​വ​യു​ടെ സാക്ഷി​ക​ളു​ടെ അകമഴിഞ്ഞ പിന്തു​ണ​യു​ടെ എത്ര ഈടുറ്റ സാക്ഷ്യം! (സദൃ. 3:9, NW) അങ്ങനെ, യഹോ​വ​യിൽ നിന്നുള്ള വിവിധ അനു​ഗ്ര​ഹ​ങ്ങ​ളായ വസ്‌തു​വ​ക​ക​ളു​ടെ ഉത്തമ ഗൃഹവി​ചാ​ര​ക​ന്മാ​രാ​ണു തങ്ങളെന്ന്‌ അവർ സ്വയം തെളി​യി​ച്ചു.

ഒരു മാറ്റം ദൃഷ്ടി​പ​ഥ​ത്തിൽ

¹⁰ 1970-കളിലും 1980-കളുടെ ആരംഭ​ത്തി​ലും അച്ചടി സാങ്കേ​തി​ക​വി​ദ്യ ഗണ്യമായ പുരോ​ഗതി കൈവ​രി​ച്ചു. യഹോ​വ​യു​ടെ സാക്ഷികൾ പുത്തൻ അച്ചടി വിദ്യകൾ സ്വീക​രി​ച്ചു. പരമ്പരാ​ഗത രീതി​യി​ലുള്ള ലറ്റർ പ്രസ്സ്‌ അച്ചടി​യാ​യി​രു​ന്നു അവർ നേരത്തേ ഉപയോ​ഗി​ച്ചി​രു​ന്നത്‌. എന്നാൽ ആധുനിക ഓഫ്‌സെറ്റ്‌ അച്ചടി വിദ്യ സ്വീക​രി​ക്കാൻ തുടങ്ങി​യ​തോ​ടെ ഇതിനു മാറ്റം​വന്നു. തത്‌ഫ​ല​മാ​യി, പഴയ ലറ്റർ പ്രസ്സിൽ അച്ചടി​ച്ചി​രുന്ന ദ്വിവർണ ചിത്ര​ങ്ങൾക്കു (കറുപ്പും മറ്റൊരു വർണവും) പകരം മുഴു​വർണ ചിത്ര​ങ്ങ​ളോ​ടു കൂടിയ അതിമ​നോ​ഹ​ര​മായ പ്രസി​ദ്ധീ​ക​ര​ണങ്ങൾ ഉത്‌പാ​ദി​പ്പി​ച്ചു തുടങ്ങി. തുടർന്ന്‌, കമ്പ്യൂട്ടർ സാങ്കേ​തി​ക​വി​ദ്യ പ്രീ പ്രസ്സ്‌ ഓപ്പ​റേ​ഷനെ (അച്ചടി​ക്കുള്ള ഒരുക്കങ്ങൾ) പൂർണ​മാ​യും മാറ്റി​മ​റി​ച്ചു. യഹോ​വ​യു​ടെ സാക്ഷികൾ ബഹുഭാ​ഷാ ഇലക്‌ട്രോ​ണിക്ക്‌ ഫോട്ടോ ടൈപ്പ്‌സെ​റ്റിങ്‌ സിസ്റ്റം (മെപ്‌സ്‌) വികസി​പ്പി​ച്ചെ​ടു​ത്തു. ഇപ്പോൾ 370-ലധികം വ്യത്യസ്‌ത ഭാഷക​ളിൽ അച്ചടി സാധ്യ​മാ​ക്കുന്ന ഒരു കമ്പ്യൂ​ട്ടർവത്‌കൃത സംവി​ധാ​ന​മാണ്‌ ഇത്‌. ഇത്രയ​ധി​കം ഭാഷകൾ കാര്യ​ക്ഷ​മ​മാ​യി കൈകാ​ര്യം ചെയ്യു​ന്ന​തിൽ മെപ്‌സി​ന്റെ അടു​ത്തെ​ത്താൻ മറ്റൊരു വ്യാവ​സാ​യിക പ്രോ​ഗ്രാ​മി​നും സാധി​ക്കു​ക​യില്ല.

¹¹ മെപ്‌സ്‌ കമ്പ്യൂട്ടർ സാങ്കേ​തിക വിദ്യ​യു​ടെ​യും ഇലക്‌ട്രോ​ണിക്‌ തപാൽ പോലുള്ള മറ്റു നൂതന വിദ്യ​ക​ളു​ടെ​യും സഹായ​ത്താൽ, തക്കസമ​യത്ത്‌ ആത്മീയാ​ഹാ​രം ഉത്‌പാ​ദി​പ്പി​ക്കു​ന്ന​തിൽ ഗണ്യമായ പുരോ​ഗതി കൈവ​രി​ച്ചി​രി​ക്കു​ന്നു. പഴയ സാങ്കേ​തി​ക​വി​ദ്യ ഉപയോ​ഗി​ച്ചി​രുന്ന കാലത്ത്‌, ഇംഗ്ലീഷ്‌ മാസി​ക​യി​ലെ വിവരങ്ങൾ മാസങ്ങ​ളോ വർഷങ്ങൾ പോലു​മോ കഴിഞ്ഞാ​യി​രു​ന്നു മറ്റു ഭാഷക​ളിൽ പ്രസി​ദ്ധീ​ക​രി​ക്ക​പ്പെ​ട്ടി​രു​ന്നത്‌. ഇപ്പോൾ വീക്ഷാ​ഗോ​പു​രം 115 ഭാഷക​ളി​ലും ഉണരുക! 62 ഭാഷക​ളി​ലും ഏകകാ​ലി​ക​മാ​യി പ്രസി​ദ്ധീ​ക​രി​ക്ക​പ്പെ​ടു​ന്നു. ലോക​വ്യാ​പ​ക​മാ​യി യഹോ​വ​യു​ടെ സാക്ഷി​ക​ളു​ടെ പ്രതി​വാര വീക്ഷാ​ഗോ​പുര അധ്യയ​ന​ത്തിന്‌ സന്നിഹി​ത​രാ​കു​ന്ന​വ​രിൽ 95 ശതമാ​ന​ത്തി​ല​ധി​ക​വും ഒരേ വിവരങ്ങൾ ഒരേ സമയത്തു പഠിക്കു​ന്നു എന്നാണ്‌ അതിന്റെ അർഥം. എന്തൊ​ര​നു​ഗ്രഹം! പുത്തൻ സാങ്കേ​തിക വിദ്യയ്‌ക്കാ​യി പണം മുടക്കി​യത്‌ യജമാ​നന്റെ വസ്‌തു​വ​ക​ക​ളു​ടെ ഒരു ഉത്തമ ഉപഭോ​ഗ​മാ​യി​രു​ന്നു എന്നതു തീർച്ച​യാണ്‌!

സംഘട​നാ​പ​ര​മായ വ്യത്യസ്‌ത ആവശ്യങ്ങൾ

¹² ഈ പുതിയ അച്ചടി സംവി​ധാ​നങ്ങൾ യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക അച്ചടി പ്രവർത്ത​ന​ങ്ങ​ളു​മാ​യി ബന്ധപ്പെട്ട സംഘട​നാ​പ​ര​മായ വ്യത്യസ്‌ത ആവശ്യ​ങ്ങ​ളിൽ മാറ്റങ്ങൾ വരുത്തി. വെബ്‌ ഓഫ്‌സെറ്റ്‌ പ്രസ്സുകൾ പഴയ ലറ്റർ പ്രസ്സു​ക​ളെ​ക്കാൾ വളരെ വേഗ​മേ​റി​യ​താണ്‌. എന്നാൽ അവ വളരെ ചെല​വേ​റി​യ​താണ്‌. എഴുത്ത്‌, തർജമ, ആർട്ട്‌, ഗ്രാഫിക്‌സ്‌ എന്നീ മേഖല​ക​ളിൽ പഴയ സംവി​ധാ​ന​ങ്ങളെ അപേക്ഷിച്ച്‌ കമ്പ്യൂട്ടർ സംവി​ധാ​നം കൂടുതൽ മെച്ചമാ​ണെ​ങ്കി​ലും അതു വളരെ ചെല​വേ​റി​യ​താണ്‌. അതിനാൽ 51 രാജ്യ​ങ്ങ​ളിൽ മാസിക അച്ചടി​ക്കു​ന്നതു മേലാൽ സാമ്പത്തി​ക​മാ​യി ഫലപ്ര​ദ​മ​ല്ലെന്ന്‌ പെട്ടെ​ന്നു​തന്നെ പ്രകട​മാ​യി. അതു​കൊണ്ട്‌, “വിശ്വസ്‌ത​നും ബുദ്ധി​മാ​നു​മായ ഗൃഹവി​ചാ​രകൻ” 1990-കളിൽ കാര്യാ​ദി​കൾ പുനഃ​പ​രി​ശോ​ധി​ച്ചു. ഫലമെ​ന്താ​യി​രു​ന്നു?

¹³ അച്ചടി​വേല ഏകീഭ​വി​പ്പി​ക്കുന്ന പക്ഷം, യഹോ​വ​യു​ടെ സാക്ഷി​ക​ളും അവരുടെ സുഹൃ​ത്തു​ക്ക​ളും സംഭാവന ചെയ്യുന്ന “വില​യേ​റിയ വസ്‌തു​ക്കൾ” കൂടുതൽ ഫലപ്ര​ദ​മാ​യി വിനി​യോ​ഗി​ക്കാ​മെന്ന്‌ പഠനങ്ങൾ പ്രകട​മാ​ക്കി. അതു​കൊണ്ട്‌, അച്ചടി നടത്തുന്ന ബ്രാഞ്ചു​ക​ളു​ടെ എണ്ണം ക്രമേണ കുറച്ചു. നേരത്തേ സ്വന്തമാ​യി അച്ചടി​ച്ചി​രുന്ന ചില രാജ്യങ്ങൾ ഉൾപ്പെടെ, പശ്ചിമ-പൂർവ യൂറോ​പ്പി​ലെ നിരവധി രാജ്യ​ങ്ങൾക്കു​വേണ്ട മാസി​ക​യും സാഹി​ത്യ​വും ജർമനി​യിൽ അച്ചടി​ക്കാൻ തുടങ്ങി. ആഫ്രി​ക്ക​യു​ടെ ചില പ്രദേ​ശ​ങ്ങൾക്കും അൽബേ​നി​യ​യും ഗ്രീസും ഉൾപ്പെടെ ദക്ഷിണ​പൂർവ യൂറോ​പ്പി​നും വേണ്ട സാഹി​ത്യം ഇറ്റലി​യാ​ണു പ്രദാനം ചെയ്യു​ന്നത്‌. നൈജീ​രി​യയ്‌ക്കും ദക്ഷിണാ​ഫ്രി​ക്കയ്‌ക്കും വേണ്ട മാസി​കകൾ മാത്രമേ ആഫ്രി​ക്ക​യിൽ അച്ചടി​ക്കു​ന്നു​ള്ളൂ. ലോക​മെ​മ്പാ​ടും ഇത്തരം ഏകീക​രണം നടപ്പാക്കി.

വിലയി​രു​ത്താ​നുള്ള ഘടകങ്ങൾ

¹⁴ 1998 ജൂ​ലൈ​യോ​ടെ ഓസ്‌ട്രിയ, ഗ്രീസ്‌, ഡെന്മാർക്ക്‌, നെതർലൻഡ്‌സ്‌, ഫ്രാൻസ്‌, സ്വിറ്റ്‌സർലൻഡ്‌ എന്നിവ ഉൾപ്പെടെ നിരവധി യൂറോ​പ്യൻ രാജ്യ​ങ്ങ​ളിൽ മാസിക അച്ചടി​ക്കു​ന്നതു നിർത്ത​ലാ​ക്കും. യൂറോ​പ്പിൽ ഇറ്റലി, ജർമനി, ഫിൻലൻഡ്‌, ബ്രിട്ടൻ, സ്‌പെ​യിൻ, സ്വീഡൻ എന്നീ രാജ്യ​ങ്ങ​ളി​ലേ അച്ചടി ഉണ്ടായി​രി​ക്കു​ക​യു​ള്ളൂ. ഏതൊക്കെ രാജ്യങ്ങൾ അച്ചടി തുടര​ണ​മെ​ന്നും ഏതൊക്കെ രാജ്യങ്ങൾ അച്ചടി നിർത്ത​ലാ​ക്ക​ണ​മെ​ന്നും തീരു​മാ​നി​ച്ച​തെ​ങ്ങനെ? യജമാ​നന്റെ വസ്‌തു​വ​ക​കൾക്കാ​യി ജ്ഞാനപൂർവം കരുതാ​നുള്ള കൽപ്പന അനുസ​രി​ച്ചു​കൊണ്ട്‌, ഓരോ സ്ഥലത്തും അച്ചടി​ക്കു​ന്ന​തി​നും അതു​പോ​ലെ​തന്നെ വിതര​ണ​ത്തി​നും ആവശ്യ​മായ ചെലവ്‌ “വിശ്വസ്‌ത . . . ഗൃഹവി​ചാ​രകൻ” ശ്രദ്ധാ​പൂർവം വിലയി​രു​ത്തി. നിയമ​പ​ര​മാ​യി ഏറ്റവും അനുകൂ​ല​മായ സാഹച​ര്യ​ങ്ങ​ളിൽ സാഹി​ത്യം അച്ചടിച്ചു വിതരണം ചെയ്യാ​നാ​യി ഓരോ രാജ്യ​ത്തെ​യും നിയമ​ങ്ങ​ളും സൂക്ഷ്‌മ​മാ​യി പരി​ശോ​ധി​ച്ചി​രി​ക്കു​ന്നു.

¹⁵ ചില രാജ്യ​ങ്ങ​ളിൽ അച്ചടി നിർത്ത​ലാ​ക്കി മറ്റു രാജ്യ​ങ്ങ​ളിൽ അത്‌ ഏകീഭ​വി​പ്പി​ച്ച​തി​നുള്ള ഏറ്റവും മുഖ്യ കാരണം പ്രാ​യോ​ഗി​കത ആയിരു​ന്നു. ഒരു രാജ്യം മറ്റനേകം രാജ്യ​ങ്ങൾക്കു​വേണ്ടി സാഹി​ത്യം അച്ചടി​ക്കു​ന്നതു കൂടുതൽ സൗകര്യ​പ്ര​ദ​മാണ്‌. കൂടാതെ വിലപി​ടിച്ച ഉപകര​ണങ്ങൾ മെച്ചമാ​യി ഉപയോ​ഗി​ക്കാ​നും സാധി​ക്കും. ചെലവു കുറവും സാധന​ങ്ങ​ളു​ടെ ലഭ്യത​യും നല്ല വിതരണ സൗകര്യ​ങ്ങ​ളും ഉള്ള രാജ്യ​ങ്ങ​ളി​ലാണ്‌ ഇപ്പോൾ അച്ചടി നടത്തു​ന്നത്‌. അങ്ങനെ യജമാ​നന്റെ വസ്‌തു​വ​കകൾ ഉചിത​മാ​യി ഉപയോ​ഗി​ക്ക​പ്പെ​ടു​ന്നു. ഒരു രാജ്യത്ത്‌ അച്ചടി നിർത്ത​ലാ​ക്കി എന്നത്‌ അവിടു​ത്തെ പ്രസം​ഗ​വേല അസ്‌ത​മി​ച്ചു എന്ന്‌ അർഥമാ​ക്കു​ന്നില്ല. അച്ചടിച്ച വിവരങ്ങൾ തുടർന്നും അവിടെ ധാരാ​ള​മാ​യി ലഭ്യമാ​യി​രി​ക്കും. ആ നാടു​ക​ളി​ലുള്ള ആയിര​ക്ക​ണ​ക്കി​നു യഹോ​വ​യു​ടെ സാക്ഷികൾ തങ്ങളുടെ അയൽക്കാ​രു​മാ​യി “സമാധാന സുവാർത്ത” പങ്കു​വെ​ക്കു​ന്ന​തിൽ തീക്ഷ്‌ണ​ത​യോ​ടെ തുടരും. (എഫെ. 2:17, NW) ഈ പുനഃ​സം​ഘാ​ടനം സാമ്പത്തിക നേട്ടങ്ങ​ളിൽ മാത്രമല്ല മറ്റു പ്രയോ​ജ​ന​ങ്ങ​ളി​ലും കലാശി​ച്ചി​രി​ക്കു​ന്നു.

¹⁶ ഗ്രീസ്‌, ഡെന്മാർക്ക്‌, നെതർലൻഡ്‌സ്‌, സ്വിറ്റ്‌സർലൻഡ്‌ എന്നീ രാജ്യ​ങ്ങ​ളിൽനിന്ന്‌ മിക്ക ആധുനിക അച്ചടി​യ​ന്ത്ര​ങ്ങ​ളും നൈജീ​രി​യ​യി​ലേ​ക്കും ഫിലി​പ്പീൻസി​ലേ​ക്കും അയയ്‌ക്കാൻ സാധിച്ചു എന്നതാണ്‌ ഒരു പ്രയോ​ജനം. ഈ യന്ത്രങ്ങൾ പ്രവർത്തി​പ്പി​ക്കു​ന്ന​തിൽ വിദഗ്‌ധ​രായ യൂറോ​പ്യൻ രാജ്യ​ങ്ങ​ളി​ലെ സഹോ​ദ​രങ്ങൾ അതാതു രാജ്യ​ങ്ങ​ളി​ലെ പ്രാ​ദേ​ശിക സഹോ​ദ​ര​ങ്ങൾക്കു പരിശീ​ലനം കൊടു​ക്കാ​നാ​യി അവയോ​ടൊ​പ്പം പോകാ​നുള്ള ക്ഷണം സ്വീക​രി​ച്ചു. അതു​കൊണ്ട്‌ ആ രാജ്യ​ങ്ങൾക്ക്‌ മറ്റു രാജ്യ​ങ്ങ​ളു​ടേ​തു​പോ​ലെ ഉയർന്ന ഗുണനി​ല​വാ​ര​മുള്ള പ്രസി​ദ്ധീ​ക​ര​ണങ്ങൾ ഇപ്പോൾ ലഭ്യമാണ്‌.

¹⁷ മറ്റൊരു പ്രയോ​ജനം ശ്രദ്ധിക്കൂ: മാസി​കകൾ അച്ചടി​ക്കു​ന്ന​തി​നുള്ള ചെലവ്‌, അച്ചടി തുടരുന്ന ഏതാനും രാജ്യ​ങ്ങ​ളാ​ണു വഹിക്കു​ന്നത്‌. തത്‌ഫ​ല​മാ​യി, അച്ചടി നിർത്ത​ലാ​ക്കിയ രാജ്യ​ങ്ങ​ളിൽ, രാജ്യ​ഹാൾ നിർമാ​ണം, ദരിദ്ര ദേശങ്ങ​ളി​ലുള്ള നമ്മുടെ സഹോ​ദ​ര​ങ്ങ​ളു​ടെ ആവശ്യ​ങ്ങൾക്കാ​യി കരുതു​ന്ന​തി​നു സഹായി​ക്കൽ എന്നിങ്ങ​നെ​യുള്ള മറ്റ്‌ ആവശ്യ​ങ്ങൾക്കാ​യി ചെലവ​ഴി​ക്കാൻ ഇപ്പോൾ കൂടുതൽ വിഭവങ്ങൾ ലഭ്യമാണ്‌. അങ്ങനെ, യജമാ​നന്റെ വസ്‌തു​വ​കകൾ ശ്രദ്ധ​യോ​ടെ ഉപയോ​ഗി​ക്കു​ന്നത്‌, കൊരി​ന്ത്യർക്കുള്ള പൗലൊ​സി​ന്റെ പിൻവ​രുന്ന വാക്കുകൾ സാർവ​ദേ​ശീ​യ​മായ അളവിൽ കൂടുതൽ ഫലപ്ര​ദ​മാ​യി ബാധക​മാ​ക്കാൻ സാധി​ക്കു​മെന്ന്‌ അർഥമാ​ക്കു​ന്നു: “മറ്റുള​ള​വർക്കു സുഭി​ക്ഷ​വും നിങ്ങൾക്കു ദുർഭി​ക്ഷ​വും വരേണം എന്നല്ല സമത്വം വേണം എന്നത്രേ. സമത്വം ഉണ്ടാവാൻ തക്കവണ്ണം . . . നിങ്ങൾക്കു​ളള സുഭിക്ഷം അവരുടെ ദുർഭി​ക്ഷ​ത്തി​ന്നു ഉതകട്ടെ.”—2 കൊരി. 8:13, 14.

¹⁸ ഈ ഏകീഭ​വി​പ്പി​ക്ക​ലി​ന്റെ ഫലമായി, ലോക​വ്യാ​പ​ക​മാ​യുള്ള യഹോ​വ​യു​ടെ സാക്ഷികൾ മുമ്പെ​ന്ന​ത്തെ​ക്കാ​ളും കൂടു​ത​ലാ​യി ഒരു അടുത്ത ബന്ധത്തി​ലേക്കു വന്നിരി​ക്കു​ന്നു. തങ്ങൾ അച്ചടി​ച്ചു​കൊ​ണ്ടി​രുന്ന മാസി​കകൾ ജർമനി​യിൽ അച്ചടി​ക്കു​ന്ന​തിൽ ഡെന്മാർക്കി​ലെ സാക്ഷി​കൾക്കു യാതൊ​രു പ്രശ്‌ന​വു​മില്ല. ജർമൻകാ​രായ തങ്ങളുടെ സഹോ​ദ​ര​ങ്ങ​ളു​ടെ സേവന​ത്തെ​പ്രതി അവർ വിലമ​തി​പ്പു​ള്ള​വ​രാണ്‌. ഡെന്മാർക്ക്‌, യൂ​ക്രെ​യിൻ, റഷ്യ തുടങ്ങിയ മറ്റു രാജ്യ​ങ്ങൾക്കു​വേണ്ട ബൈബിൾ സാഹി​ത്യം ഉത്‌പാ​ദി​പ്പി​ക്കാൻ തങ്ങളുടെ സംഭാവന ഉപയോ​ഗി​ക്കു​ന്ന​തിൽ ജർമനി​യി​ലെ സഹോ​ദ​ര​ങ്ങൾക്ക്‌ അമർഷ​മു​ണ്ടോ? ഒരിക്ക​ലു​മില്ല! പകരം, ആ രാജ്യ​ങ്ങ​ളി​ലെ തങ്ങളുടെ സഹോ​ദ​ര​ങ്ങ​ളു​ടെ സംഭാ​വ​നകൾ ഇപ്പോൾ മറ്റ്‌ അത്യാ​വശ്യ കാര്യ​ങ്ങൾക്കാ​യി ഉപയോ​ഗി​ക്കാ​മ​ല്ലോ എന്നറി​യു​ന്ന​തിൽ അവർക്കു സന്തോ​ഷ​മേ​യു​ള്ളൂ.

വസ്‌തു​വ​ക​കൾക്കാ​യി കരുതൽ

¹⁹ യഹോ​വ​യു​ടെ സാക്ഷി​ക​ളു​ടെ ലോക​മെ​മ്പാ​ടു​മുള്ള എല്ലാ രാജ്യ​ഹാ​ളു​ക​ളി​ലും, “സൊ​സൈ​റ്റി​യു​ടെ ലോക​വ്യാ​പക വേലയ്‌ക്കുള്ള സംഭാ​വ​നകൾ—മത്തായി 24:14” എന്നെഴു​തിയ സംഭാവന പെട്ടികൾ വെച്ചി​ട്ടുണ്ട്‌. ഈ പെട്ടി​ക​ളിൽ മനസ്സോ​ടെ ഇടുന്ന സംഭാ​വ​നകൾ ആവശ്യ​മു​ള്ളി​ടത്തു ലഭ്യമാ​ക്ക​പ്പെ​ടു​ന്നു. സംഭാ​വ​നകൾ എപ്രകാ​രം ഉപയോ​ഗി​ക്ക​ണ​മെന്നു തീരു​മാ​നി​ക്കു​ന്നത്‌ “വിശ്വസ്‌ത . . . ഗൃഹവി​ചാ​രകൻ” ആണ്‌. അതു​കൊണ്ട്‌, ഒരു സഭയിൽ വെച്ചി​രി​ക്കുന്ന സംഭാവന പെട്ടി​യിൽ ഇടുന്ന പണം ഒരുപക്ഷേ നൂറു​ക​ണ​ക്കി​നു കിലോ​മീ​റ്റർ അകലെ​യുള്ള യഹോ​വ​യു​ടെ സാക്ഷി​ക​ളു​ടെ മറ്റൊരു സഭയുടെ പ്രവർത്ത​ന​ങ്ങളെ പിന്തു​ണയ്‌ക്കു​ന്നു. കൊടു​ങ്കാറ്റ്‌, ചുഴലി​ക്കാറ്റ്‌, ഭൂകമ്പം, ആഭ്യന്തര യുദ്ധങ്ങൾ തുടങ്ങി​യവ നിമിത്തം ദുരി​ത​മ​നു​ഭ​വി​ക്കുന്ന സഹവി​ശ്വാ​സി​കൾക്ക്‌ അടിയ​ന്തിര സഹായം പ്രദാനം ചെയ്യാ​നാ​യി സംഭാ​വ​നകൾ ഉപയോ​ഗി​ച്ചി​ട്ടുണ്ട്‌. കൂടാതെ രാജ്യ​ത്തു​ട​നീ​ളം പ്രത്യേക മുഴു​സമയ സേവന​ത്തി​ലു​ള്ള​വരെ സഹായി​ക്കാ​നും ഇത്തരം സംഭാ​വ​നകൾ ഉപയോ​ഗി​ക്കു​ന്നു.

²⁰ യഹോ​വ​യു​ടെ സാക്ഷി​ക​ളു​ടെ സഭകളിൽ ഒരു പൊതു നിയമം എന്നപോ​ലെ, മാസത്തിൽ കേവലം ഒരു പ്രാവ​ശ്യം മാത്രമേ പണപര​മായ കാര്യങ്ങൾ സൂചി​പ്പി​ക്ക​പ്പെ​ടു​ന്നു​ള്ളൂ. അതും ഏതാനും മിനി​റ്റു​കൾ മാത്രം. രാജ്യ​ഹാ​ളു​ക​ളി​ലോ സമ്മേള​ന​ങ്ങ​ളി​ലോ പിരി​വു​പാ​ത്രങ്ങൾ കൈമാ​റു​ന്നില്ല. ഫണ്ടുകൾക്കാ​യുള്ള യാതൊ​രു അഭ്യർഥ​ന​ക​ളും വ്യക്തി​കൾക്ക്‌ അയച്ചു​കൊ​ടു​ക്കു​ന്നില്ല. കൂലി​ക്കെ​ടു​ക്കുന്ന പണപ്പി​രി​വു​കാ​രില്ല. ലോക​വ്യാ​പക വേലയ്‌ക്കു പിന്തു​ണ​യേ​കാ​നാ​യി വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റിക്ക്‌ സംഭാവന നൽകാൻ ആഗ്രഹി​ക്കു​ന്ന​വർക്ക്‌ അതെങ്ങനെ ചെയ്യാ​നാ​കും എന്നു വിശദീ​ക​രി​ക്കുന്ന ഒരു ലേഖനം മാത്രമേ സാധാ​ര​ണ​മാ​യി ഓരോ വർഷവും വീക്ഷാ​ഗോ​പു​ര​ത്തിൽ പ്രസി​ദ്ധീ​ക​രി​ക്കു​ന്നു​ള്ളൂ. സൊ​സൈ​റ്റി​യു​ടെ സാമ്പത്തിക കാര്യ​ങ്ങളെ കുറിച്ച്‌ ഉണരുക!യിൽ ക്രമമായ യാതൊ​രു പരാമർശ​വു​മില്ല. അപ്പോൾപ്പി​ന്നെ, ലോക​വ്യാ​പ​ക​മാ​യുള്ള ബൃഹത്തായ സുവാർത്താ​പ്ര​സംഗ വേല, ആവശ്യ​മുള്ള രാജ്യ​ഹാ​ളു​ക​ളു​ടെ നിർമാ​ണം, പ്രത്യേക മുഴു​സമയ സേവന​ത്തി​ലു​ള്ള​വർക്കാ​യി കരുതൽ, സഹായം ആവശ്യ​മുള്ള ക്രിസ്‌ത്യാ​നി​കളെ സഹായി​ക്കൽ എന്നിവ​യും മറ്റും എങ്ങനെ​യാ​ണു നിർവ​ഹി​ക്ക​പ്പെ​ടു​ന്നത്‌? ഔദാര്യ മനോ​ഭാ​വ​ത്താൽ യഹോവ തന്റെ ജനത്തെ അത്ഭുത​ക​ര​മായ വിധത്തിൽ അനു​ഗ്ര​ഹി​ച്ചി​രി​ക്കു​ന്നു. (2 കൊരി. 8:2) ‘തങ്ങളുടെ വില​യേ​റിയ വസ്‌തു​ക്കൾ കൊണ്ട്‌ യഹോ​വയെ ബഹുമാ​നി​ക്കു​ന്ന​തിൽ’ പങ്കുള്ള എല്ലാവ​രോ​ടും നന്ദിപ​റ​യാൻ ഞങ്ങൾ ഈ അവസരം വിനി​യോ​ഗി​ച്ചു​കൊ​ള്ളു​ക​യാണ്‌. “വിശ്വസ്‌ത . . . ഗൃഹവി​ചാ​രകൻ” യജമാ​നന്റെ വസ്‌തു​വ​കകൾ കാത്തു പരിപാ​ലി​ക്കു​ന്ന​തിൽ തുടരു​മെന്ന്‌ അവർക്ക്‌ ഉറപ്പു​ള്ള​വ​രാ​യി​രി​ക്കാൻ കഴിയും. ലോക​വ്യാ​പക വേലയു​ടെ വികസ​ന​ത്തി​നാ​യുള്ള എല്ലാ ക്രമീ​ക​ര​ണ​ങ്ങ​ളെ​യും യഹോവ തുടർന്നും അനു​ഗ്ര​ഹി​ക്കേ​ണ്ട​തി​നു നാം പ്രാർഥി​ക്കു​ന്നു.

[അടിക്കു​റി​പ്പു​കൾ]