വേല നിർവ​ഹി​ക്ക​പ്പെ​ടാൻ നമ്മു​ടെ​യെ​ല്ലാം ആവശ്യ​മുണ്ട്‌

¹ രാജ്യ​പ്ര​സംഗ വേലയെ പിന്തു​ണയ്‌ക്കാ​നും അതിൽ പങ്കെടു​ക്കാ​നു​മുള്ള തന്റെ ഉദ്യമങ്ങൾ വളരെ പ്രാധാ​ന്യ​മർഹി​ക്കു​ന്നു എന്ന്‌ യേശു​ക്രിസ്‌തു​വി​ന്റെ ഓരോ ശിഷ്യ​നും തിരി​ച്ച​റി​യണം. തന്റെ ശിഷ്യ​ന്മാർ വ്യത്യസ്‌ത അളവിൽ രാജ്യ​ഫലം ഉത്‌പാ​ദി​പ്പി​ക്കു​മെന്നു യേശു തിരി​ച്ച​റി​ഞ്ഞു. (മത്താ. 13:23) പ്രസംഗ പ്രവർത്ത​ന​ത്തി​ന്റെ സിംഹ​ഭാ​ഗ​വും നിർവ​ഹി​ക്ക​പ്പെ​ടു​ന്നത്‌ കഠിനാ​ധ്വാ​നി​ക​ളായ പയനി​യർമാ​രാൽ ആണെങ്കി​ലും, തങ്ങളുടെ കഴിവി​ന്റെ പരമാ​വധി ഫലം ഉത്‌പാ​ദി​പ്പി​ച്ചു​കൊണ്ട്‌ ദൈവത്തെ തുടർന്നും മഹത്ത്വ​പ്പെ​ടു​ത്താൻ ഉത്സാഹ​പൂർവം ശ്രമി​ക്കുന്ന ഏവരെ​യും അഭിന​ന്ദി​ക്കേ​ണ്ട​തുണ്ട്‌.—യോഹ. 15:8.

² കൂട്ടായ ശ്രമങ്ങൾ കൂടുതൽ നേട്ടങ്ങൾ കൈവ​രി​ക്കു​ന്നു: തന്റെ ശിഷ്യ​ന്മാ​രു​ടെ ഒത്തു​ചേർന്നുള്ള പ്രവർത്ത​നങ്ങൾ തന്റേതി​ലും മികച്ച ഫലങ്ങൾ ഉത്‌പാ​ദി​പ്പി​ക്കു​മെന്ന്‌ യേശു മുൻകൂ​ട്ടി പറഞ്ഞു. (യോഹ. 14:12) നമ്മുടെ വ്യക്തി​പ​ര​മായ സാഹച​ര്യ​ങ്ങൾ രാജ്യ​പ്ര​സംഗ വേലയി​ലുള്ള നമ്മുടെ പങ്കിനെ പരിമി​ത​പ്പെ​ടു​ത്തു​ക​യോ വർധി​പ്പി​ക്കു​ക​യോ ചെയ്‌താ​ലും, വേല നിർവ​ഹി​ക്ക​പ്പെ​ടു​ന്ന​തി​നു നമ്മു​ടെ​യെ​ല്ലാം ആവശ്യ​മുണ്ട്‌. അതു പൗലൊസ്‌ പ്രസ്‌താ​വി​ച്ചതു പോ​ലെ​യാണ്‌: “ശരീരം മുഴു​വ​നും യുക്തമാ​യി ചേർന്നും ഏകീഭ​വി​ച്ചും ഓരോ അംഗത്തി​ന്റെ അതതു വ്യാപാ​ര​ത്തി​ന്നു ഒത്തവണ്ണം ഉതവി ലഭിപ്പാ​നു​ളള ഏതു സന്ധിയാ​ലും സ്‌നേ​ഹ​ത്തി​ലു​ളള വർദ്ധ​നെ​ക്കാ​യി അവനിൽനി​ന്നു വളർച്ച പ്രാപി​ക്കു​ന്നു.”—എഫെ. 4:16.

³ തങ്ങളുടെ ശ്രമങ്ങൾ വളരെ തുച്ഛമാ​ണ​ല്ലോ​യെന്നു ചിലർ വിചാ​രി​ച്ചേ​ക്കാം. എന്നാൽ നമ്മുടെ സേവനം മുഴു​ദേ​ഹി​യോ​ടെ ഉള്ളതാ​യി​രി​ക്കണം എന്നതാണ്‌ യഹോ​വ​യു​ടെ ദൃഷ്ടി​യിൽ പ്രധാനം. നാം അവനു​വേണ്ടി ചെയ്യുന്ന സകലവും വില​യേ​റി​യ​തും വിലമ​തി​ക്ക​പ്പെ​ടു​ന്ന​തു​മാണ്‌.—ലൂക്കൊസ്‌ 21:1-4 താരത​മ്യം ചെയ്യുക.

⁴ വേല പിന്തു​ണയ്‌ക്കു​ന്ന​തിൽ തുടരുക: ലോക​വ്യാ​പക വേലയ്‌ക്കു സാമ്പത്തി​ക​മാ​യി സംഭാവന ചെയ്യാ​നുള്ള പദവി നമു​ക്കെ​ല്ലാ​വർക്കും ഉണ്ട്‌. രാജ്യ​വേ​ലയെ പിന്തു​ണയ്‌ക്കു​ന്ന​തിൽ കായി​കാ​ധ്വാ​ന​ത്തി​ലൂ​ടെ സഹായ​മേ​കാൻ ചിലർക്കു സാധി​ക്കും. യോഗ​ങ്ങ​ളിൽ നന്നായി തയ്യാറായ അഭി​പ്രാ​യങ്ങൾ പറയാ​നും ദിവ്യാ​ധി​പത്യ ശുശ്രൂ​ഷാസ്‌കൂ​ളിൽ പങ്കെടു​ക്കാ​നും ഓരോ വ്യക്തി​ക്കും പ്രയത്‌നി​ക്കാ​നാ​കും. പരസ്‌പരം പ്രോ​ത്സാ​ഹി​പ്പി​ക്കാ​നുള്ള അവസരങ്ങൾ മുതലാ​ക്കു​ക​വഴി, നാം സഭയുടെ ആത്മീയ​തയ്‌ക്കു വില​യേ​റിയ സംഭാവന നൽകുന്നു. സഭയെ ഭരമേൽപ്പി​ച്ചി​രി​ക്കുന്ന വേല നിർവ​ഹി​ക്കാൻ അത്‌ കൂടുതൽ സഹായ​മേ​കു​ന്നു.

⁵ അതേ, വേല നിർവ​ഹി​ക്ക​പ്പെ​ടാൻ നമ്മു​ടെ​യെ​ല്ലാം ആവശ്യ​മുണ്ട്‌. പ്രസ്‌തുത സംരം​ഭ​ത്തിൽ തന്റെ ആവശ്യ​മി​ല്ലെന്ന്‌ ആരും കരുത​രുത്‌. യഹോ​വയെ സേവി​ക്കു​ന്ന​തി​ലുള്ള, ചെറു​തും വലുതു​മായ നമ്മുടെ സംയുക്ത ശ്രമം ദൈവ​ത്തി​ന്റെ സത്യാ​രാ​ധ​ക​രു​ടെ ഒരേ​യൊ​രു ഗണമെന്ന നിലയിൽ നമ്മെ വ്യതി​രി​ക്ത​രാ​ക്കു​ന്നു. (മലാ. 3:18) യഹോ​വയെ ബഹുമാ​നി​ക്കു​ന്ന​തി​ലും അവനെ അറിഞ്ഞ്‌, സേവി​ക്കാൻ മറ്റുള്ള​വരെ സഹായി​ക്കു​ന്ന​തി​ലും നമു​ക്കോ​രോ​രു​ത്തർക്കും അർഥവ​ത്തായ പങ്കുവ​ഹി​ക്കാ​നാ​കും.