നമുക്കു വലിയ പ്രവൃ​ത്തി​കൾ ചെയ്യാ​നാ​കും

¹ യേശു​ക്രിസ്‌തു​വി​ന്റെ ശുശ്രൂ​ഷ​യു​ടെ സവി​ശേഷത ആയിരു​ന്നു ശ്രദ്ധേ​യ​മായ പ്രവൃ​ത്തി​കൾ. അവൻ ആയിര​ക്ക​ണ​ക്കിന്‌ ആളുകളെ അത്ഭുത​ക​ര​മാ​യി പോഷി​പ്പി​ച്ചു, നിരവധി ആളുകളെ സുഖ​പ്പെ​ടു​ത്തി, മരിച്ചു​പോയ ചിലരെ ഉയിർപ്പി​ക്കു​ക​യും ചെയ്‌തു. (മത്താ. 8:1-17; 14:14-21; യോഹ. 11:38-44) അവന്റെ പ്രവർത്തനം ഒരു വൻ ജനതയു​ടെ​തന്നെ ശ്രദ്ധ പിടി​ച്ചു​പറ്റി. എന്നിരു​ന്നാ​ലും, തന്റെ മരണത്തി​ന്റെ തലേ സായാ​ഹ്ന​ത്തിൽ അവൻ തന്റെ വിശ്വസ്‌ത അനുഗാ​മി​ക​ളോട്‌ ഇങ്ങനെ പറഞ്ഞു: “ഞാൻ ചെയ്യുന്ന പ്രവൃത്തി എന്നിൽ വിശ്വ​സി​ക്കു​ന്ന​വ​നും ചെയ്യും; . . . അതിൽ വലിയ​തും അവൻ ചെയ്യും.” (യോഹ. 14:12) നമുക്ക്‌ എപ്രകാ​രം “വലിയ” പ്രവൃ​ത്തി​കൾ ചെയ്യാ​നാ​കും?

² കൂടുതൽ പ്രദേശം പ്രവർത്തി​ച്ചു തീർക്കു​ന്ന​തി​നാൽ: യേശു​വി​ന്റെ പ്രവർത്തന മണ്ഡലം പലസ്‌തീൻ മാത്ര​മാ​യി​രു​ന്നു. എന്നാൽ അവന്റെ ആദ്യകാല ശിഷ്യ​രോ​ടു ‘ഭൂമി​യു​ടെ അറ്റത്തോ​ളം,’ അതായത്‌ യേശു പ്രസം​ഗി​ച്ച​തി​നെ​ക്കാൾ കൂടുതൽ വ്യാപ​ക​മാ​യി സാക്ഷീ​ക​രി​ക്കാൻ അവൻ പറയു​ക​യു​ണ്ടാ​യി. (പ്രവൃ. 1:8) അവൻ തുടങ്ങി​വെച്ച പ്രസംഗ വേല ഇപ്പോൾ ഗോള​വ്യാ​പ​ക​മാ​യി​രി​ക്കു​ന്നു. അതേ, 232 രാജ്യ​ങ്ങ​ളിൽത്തന്നെ. (മത്താ. 24:14) നിങ്ങളു​ടെ സഭയുടെ നിയമിത പ്രദേ​ശത്തു പ്രവർത്തി​ക്കു​ന്ന​തിൽ നിങ്ങൾക്കു പൂർണ​മായ ഒരു പങ്കുണ്ടോ?

³ കൂടുതൽ ആളുകളെ സമീപി​ക്കു​ന്ന​തി​നാൽ: താരത​മ്യേന വളരെ കുറച്ച്‌ ശിഷ്യ​രെ​യാണ്‌ യേശു, തനിക്കു ശേഷം പ്രസംഗ വേല തുടരാൻ ഏൽപ്പി​ച്ചത്‌. പൊ.യു. 33-ലെ പെന്ത​ക്കോസ്‌തിൽ അവർ സതീക്ഷ്‌ണം സാക്ഷീ​ക​രി​ച്ച​തി​ന്റെ ഫലമായി മൂവാ​യി​ര​ത്തോ​ളം ആളുകൾ സത്യം സ്വീക​രി​ച്ചു സ്‌നാ​പ​ന​മേറ്റു. (പ്രവൃ. 2:1-11, 37-41) ‘നിത്യ​ജീ​വ​നാ​യി ശരിയായ മനോ​നി​ല​യു​ള്ള​വ​രു​ടെ’ ഈ കൂട്ടി​ച്ചേർക്കൽ നാളി​തു​വരെ തുടർന്നി​രി​ക്കു​ന്നു. ഇപ്പോൾ ദിവസ​വും ശരാശരി 1,000-ത്തിലധി​കം ആളുകൾ സ്‌നാ​പ​ന​മേൽക്കു​ന്നുണ്ട്‌. (പ്രവൃ. 13:48, NW) പരമാർഥ ഹൃദയ​രായ ആളുകളെ കണ്ടുമു​ട്ടി​യേ​ക്കാ​വുന്ന എവി​ടെ​യും അവരെ സമീപി​ക്കു​ന്ന​തി​നും കഴിവ​തും നേര​ത്തേ​തന്നെ താത്‌പ​ര്യ​ക്കാ​രു​ടെ അടുക്കൽ മടങ്ങി​ച്ചെ​ല്ലു​ന്ന​തി​നും നിങ്ങൾ പരമാ​വധി ശ്രമി​ക്കു​ന്നു​ണ്ടോ?

⁴ കൂടുതൽ കാലം പ്രസം​ഗി​ക്കു​ന്ന​തി​നാൽ: യേശു​വി​ന്റെ ഭൗമിക ശുശ്രൂ​ഷ​യു​ടെ ദൈർഘ്യം മൂന്നര വർഷമാ​യി​രു​ന്നു. നമ്മിൽ മിക്കവ​രും പ്രസം​ഗ​വേ​ല​യിൽ ഏർപ്പെ​ടാൻ തുടങ്ങി​യിട്ട്‌ അതിലു​മേറെ വർഷങ്ങ​ളാ​യി​രി​ക്കു​ന്നു. ഈ വേല തുടരാൻ യഹോവ അനുവ​ദി​ക്കു​ന്നി​ട​ത്തോ​ളം കാലം, ജീവനി​ലേക്കു നയിക്കുന്ന പാതയി​ലൂ​ടെ ചരിക്കാൻ ഓരോ പുതിയ ശിഷ്യ​നെ​യും സഹായി​ക്കാൻ നാം സന്തോ​ഷ​മു​ള്ള​വ​രാണ്‌. (മത്താ. 7:14) ഓരോ മാസവും കർത്താ​വി​ന്റെ വേലയിൽ നിങ്ങൾ വർധിച്ചു വരുന്നു​വോ?—1 കൊരി. 15:58.

⁵ യേശു​വി​ന്റെ പിന്തു​ണ​യോ​ടെ, അവന്റെ യഥാർഥ ശിഷ്യ​ന്മാർ എന്ന നിലയിൽ നാം വലിയ പ്രവൃ​ത്തി​കൾ ചെയ്യു​മെന്നു നമുക്ക്‌ ദൃഢവി​ശ്വാ​സം ഉള്ളവരാ​യി​രി​ക്കാം.—മത്താ. 28:19, 20.