പയനി​യർമാർക്കുള്ള മണിക്കൂർ വ്യവസ്ഥ​യി​ലെ ഭേദഗതി

¹ കഠിന​വേല ചെയ്യുന്ന നിരന്തര, സഹായ പയനി​യർമാർ സഭയിൽ ഉണ്ടായി​രി​ക്കു​ന്നതു നാമെ​ല്ലാം വിലമ​തി​ക്കു​ന്നു. പ്രദേശം പരിമി​ത​വും അതേസ​മയം ക്രമമാ​യും സമഗ്ര​മാ​യും പ്രവർത്തി​ക്ക​പ്പെ​ടു​ന്ന​തും ആയിരി​ക്കു​ന്നി​ടത്തു പോലും, പയനി​യർമാർ തീക്ഷ്‌ണ​മായ രാജ്യ​സേ​വ​ന​ത്താൽ വളരെ നല്ല മാതൃക വെച്ചി​രി​ക്കു​ന്നു. “ശരിയായ മനോ​നില” ഉള്ളവരെ അന്വേ​ഷി​ക്കു​ന്ന​തിൽ തിരക്കു​ള്ള​വ​രാ​യി തുടരാൻ അവർ എല്ലാ പ്രസാ​ധ​ക​രെ​യും പ്രോ​ത്സാ​ഹി​പ്പി​ച്ചി​രി​ക്കു​ന്നു.—പ്രവൃ. 13:48, NW.

² വ്യക്തി​പ​ര​മായ ആവശ്യ​ങ്ങൾക്കാ​യി കരുതാ​നും അങ്ങനെ മുഴു​സമയ സേവന​ത്തിൽ തുടരാ​നും തങ്ങളെ പര്യാപ്‌ത​മാ​ക്കുന്ന ഒരു അംശകാല ജോലി കണ്ടെത്തു​ന്നത്‌ ഉൾപ്പെടെ പയനി​യർമാർ അഭിമു​ഖീ​ക​രി​ക്കുന്ന വർധി​ച്ചു​വ​രുന്ന പ്രശ്‌നങ്ങൾ സൊ​സൈറ്റി നിരീ​ക്ഷി​ച്ചി​ട്ടുണ്ട്‌. പയനിയർ വേലയിൽ പ്രവേ​ശി​ക്കുക എന്നതു മറ്റ്‌ അനേക​രു​ടെ​യും ഹൃദയം​ഗ​മ​മായ ആഗ്രഹ​മാ​ണെ​ങ്കി​ലും, നിലവി​ലി​രി​ക്കുന്ന സാമ്പത്തിക സ്ഥിതി​വി​ശേഷം നിമിത്തം അനേക ദേശങ്ങ​ളി​ലും അത്‌ ഏറെ പ്രയാ​സ​കരം ആയിത്തീർന്നി​രി​ക്കു​ന്നു. ഇക്കഴിഞ്ഞ മാസങ്ങ​ളിൽ ഇതും മറ്റു ഘടകങ്ങ​ളും അവധാ​ന​പൂർവം പരിചി​ന്തി​ക്ക​പ്പെ​ടു​ക​യു​ണ്ടാ​യി.

³ മേൽപ്പ​റ​ഞ്ഞ​തി​ന്റെ വീക്ഷണ​ത്തിൽ, നിരന്തര, സഹായ പയനി​യർമാർക്കുള്ള മണിക്കൂർ വ്യവസ്ഥ​യിൽ സൊ​സൈറ്റി കുറവു വരുത്തി​യി​രി​ക്കു​ന്നു. 1999 കലണ്ടർ വർഷം മുതൽ, നിരന്തര പയനി​യർമാർക്കാ​യി വ്യവസ്ഥ ചെയ്‌തി​രി​ക്കു​ന്നതു മാസം 70 മണിക്കൂർ അല്ലെങ്കിൽ വർഷം 840 മണിക്കൂർ ആണ്‌. സഹായ പയനി​യർമാർക്കാ​യി വ്യവസ്ഥ ചെയ്‌തി​രി​ക്കു​ന്നതു മാസം 50 മണിക്കൂർ ആണ്‌. എന്നാൽ, പ്രത്യേക പയനി​യർമാർക്കും മിഷന​റി​മാർക്കും ഉള്ള മണിക്കൂർ വ്യവസ്ഥയ്‌ക്കു മാറ്റമില്ല. അവരുടെ അടിസ്ഥാന ഭൗതിക ആവശ്യ​ങ്ങൾക്കാ​യി സൊ​സൈറ്റി കരുതു​ന്നുണ്ട്‌. ആയതി​നാൽ, അവർക്കു തങ്ങളുടെ പ്രസംഗ-ശിഷ്യ​രാ​ക്കൽ വേലയിൽ കൂടുതൽ തിക​വോ​ടെ ശ്രദ്ധ കേന്ദ്രീ​ക​രി​ക്കാ​വു​ന്ന​താണ്‌.

⁴ മണിക്കൂർ വ്യവസ്ഥ​യി​ലെ ഈ ഭേദഗതി, കൂടുതൽ പയനി​യർമാ​രെ ഈ അമൂല്യ സേവന പദവി മുറുകെ പിടി​ക്കാൻ സഹായി​ക്കു​മെന്നു പ്രത്യാ​ശി​ക്കു​ന്നു. ഇനിയും ഏറെ പ്രസാ​ധകർ നിരന്തര, സഹായ പയനിയർ വേല ഏറ്റെടു​ക്കാ​നും ഇതു വഴി തുറ​ക്കേ​ണ്ട​താണ്‌. സഭയിലെ എല്ലാവർക്കും ഇത്‌ എന്തൊരു അനു​ഗ്ര​ഹ​മെന്നു തെളി​യും!