ക്ഷമ—ഇത്ര വിരള​മാ​യി​രി​ക്കു​ന്നത്‌ എന്തു​കൊണ്ട്‌?

എമീലി​യോ തന്റെ 60-കളിലാ​യി​രു​ന്നു.a ഒരു ദുഃഖ​ക​ര​മായ കൃത്യ​ത്തിന്‌—പ്രായ​പൂർത്തി​യായ മകനെ അടക്കം ചെയ്യാൻ—അവാഹു​വിൽ വന്നതാ​യി​രു​ന്നു അദ്ദേഹം. കുന്നും​പു​റ​ത്തുള്ള ശാന്തമായ ഒരു തെരു​വി​ലൂ​ടെ ചില സുഹൃ​ത്തു​ക്ക​ളോ​ടൊ​പ്പം സംസാ​രി​ച്ചു​കൊ​ണ്ടു നടന്ന​പ്പോൾ ഒരു സ്വകാര്യ ഭവനത്തി​ലേ​ക്കുള്ള റോഡി​ലൂ​ടെ ഒരു കാറ്‌ വളരെ വേഗത​യിൽ പുറ​കോ​ട്ടെ​ടു​ത്തത്‌ എമീലി​യോ​യെ പരി​ഭ്രാ​ന്ത​നാ​ക്കി. കാറ്‌ അദ്ദേഹത്തെ ഏതാണ്ട്‌ ഇടിച്ചു​വെന്ന മട്ടിലാ​യി. കോപം മൂത്ത്‌, അക്ഷമനാ​യി എമീലി​യോ ഡ്രൈ​വ​റു​ടെ നേരെ ആക്രോ​ശി​ച്ചു​കൊണ്ട്‌ കാറി​നിട്ട്‌ ഒരടി​കൊ​ടു​ത്തു. അതേത്തു​ടർന്നു വാക്കേ​റ്റ​മാ​യി. ഡ്രൈവർ എമീലി​യോ​യെ തള്ളിയി​ട്ടെന്നു തോന്നു​ന്നു. അദ്ദേഹം പരുപ​രുത്ത തറയിൽ തലയി​ടി​ച്ചു വീണു. തലയിൽ ക്ഷതമേറ്റ എമീലി​യോ ഏതാനും ദിവസ​ങ്ങൾക്കകം മരിച്ചു​പോ​യി. എന്തൊരു ദുഃഖ​ക​ര​മായ ഫലം!

ക്ഷമയെന്ന ഗുണം വിരള​മാ​യി​രി​ക്കുന്ന ഒരു ലോക​ത്താ​ണു നാം ജീവി​ക്കു​ന്നത്‌. അമിത​വേ​ഗ​ത്തിൽ വണ്ടി​യോ​ടി​ക്കുന്ന ഡ്രൈ​വർമാർ കൂടി​ക്കൂ​ടി​വ​രു​ക​യാണ്‌. ചിലർ തൊട്ടു തൊട്ടില്ല എന്ന മട്ടിൽ—വളരെ അടുത്ത്‌—പരിധി​വി​ട്ടുള്ള വേഗത​യി​ലും. മറ്റു ചിലരാ​ണെ​ങ്കിൽ വണ്ടി വെട്ടി​ച്ചോ​ടി​ക്കു​ന്നു, കാരണം മറ്റൊരു വാഹന​ത്തി​ന്റെ പിന്നി​ലാ​കു​ന്നത്‌ അവർക്ക്‌ അസഹനീ​യ​മാണ്‌. വീട്ടിൽ കുടും​ബാം​ഗങ്ങൾ കോപ​ത്തി​ന്റെ അണക്കെട്ടു തുറന്നു വിടു​ക​യും അക്രമാ​സ​ക്ത​രാ​യി​ത്തീ​രു​ക​യും ചെയ്‌തേ​ക്കാം. ചില ക്രിസ്‌ത്യാ​നി​കൾ പോലും തങ്ങളുടെ ആത്മീയ സഹോ​ദ​ര​ങ്ങ​ളു​ടെ കുറ്റങ്ങ​ളും കുറവു​ക​ളും നിമിത്തം അമിത​മാ​യി അസ്വസ്ഥ​രാ​യെന്നു വരാം.

ക്ഷമ ഇത്ര വിരള​മാ​യി​രി​ക്കു​ന്നത്‌ എന്തു​കൊണ്ട്‌? എല്ലായ്‌പോ​ഴും അത്‌ അങ്ങനെ​യാ​യി​രു​ന്നോ? നമ്മുടെ നാളു​ക​ളിൽ ക്ഷമയു​ള്ള​വ​രാ​യി​രി​ക്കു​ന്നത്‌ ഇത്രമാ​ത്രം പ്രയാ​സ​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

അക്ഷമയു​ടെ ദൃഷ്ടാ​ന്ത​ങ്ങൾ

നിർണാ​യ​ക​മായ ഒരു തീരു​മാ​നം എടുക്കു​ന്ന​തി​നു​മുമ്പ്‌ ഭർത്താ​വു​മാ​യി പര്യാ​ലോ​ചി​ക്കാൻ കാത്തു​നിൽക്കാഞ്ഞ ഒരു സ്‌ത്രീ​യെ​പ്പറ്റി ബൈബിൾ പറയുന്നു. അവളുടെ പേര്‌ ഹവ്വാ എന്നായി​രു​ന്നു. ആദാമി​നു​വേണ്ടി കാത്തു​നിൽക്കാ​തെ ഒരുപക്ഷേ ഭാഗി​ക​മാ​യി അക്ഷമമൂ​ലം അവൾ വിലക്ക​പ്പെട്ട കനി ഭക്ഷിച്ചു. (ഉല്‌പത്തി 3:1-6) അവളുടെ ഭർത്താ​വി​നെ സംബന്ധി​ച്ചെന്ത്‌? സഹായ​ത്തി​നോ മാർഗ​ദർശ​ന​ത്തി​നോ​വേണ്ടി തന്റെ സ്വർഗീയ പിതാ​വായ യഹോ​വയെ ആദ്യം സമീപി​ക്കാ​തെ ഹവ്വായെ പിന്തു​ട​രുന്ന കാര്യ​ത്തിൽ അവനും അക്ഷമ പ്രകടി​പ്പി​ച്ചി​രി​ക്കാം. അവരുടെ അത്യാ​ഗ്രഹം, ഒരുപക്ഷേ പാപത്തി​ലേക്കു നയിക്കാ​നി​ട​യാ​ക്കിയ അക്ഷമ സഹിതം, നമു​ക്കെ​ല്ലാം മാരക​മായ ഫലങ്ങൾ ഉളവാ​ക്കി​യി​രി​ക്കു​ന്നു. അഹംഭാ​വ​വും അക്ഷമയും ഉൾപ്പെടെ പാപം ചെയ്യാ​നുള്ള പ്രവണത അവരിൽനി​ന്നു നമുക്കും അവകാ​ശ​മാ​യി ലഭിച്ചി​രി​ക്കു​ന്നു.—റോമർ 5:12.

നമ്മുടെ ആദ്യ മാതാ​പി​താ​ക്കൾ പാപം ചെയ്‌ത്‌ ഏകദേശം 2,500 വർഷങ്ങൾക്കു ശേഷം ദൈവ​ത്തി​ന്റെ തിര​ഞ്ഞെ​ടു​ക്ക​പ്പെട്ട ജനമാ​യി​രുന്ന ഇസ്രാ​യേ​ല്യർ തുടർച്ച​യാ​യി ആഴമായ അവിശ്വാ​സ​വും അക്ഷമയും പ്രകട​മാ​ക്കി. യഹോവ അവരെ ഈജി​പ്‌തി​ന്റെ അടിമ​ത്ത​ത്തിൽനിന്ന്‌ അത്ഭുത​ക​ര​മാ​യി രക്ഷിച്ചു​വെ​ങ്കി​ലും അവർ “അവന്റെ പ്രവൃ​ത്തി​കളെ മറന്നു; അവന്റെ ആലോ​ച​നെക്കു കാത്തി​രു​ന്ന​തു​മില്ല.” (സങ്കീർത്തനം 106:7-14) അവർ അക്ഷമരാ​യി​രു​ന്ന​തി​നാൽ വീണ്ടും വീണ്ടും ഗുരു​ത​ര​മായ തെറ്റുകൾ ചെയ്യു​ക​യു​ണ്ടാ​യി. അവർ പൊന്നു​കൊ​ണ്ടുള്ള ഒരു കാളക്കു​ട്ടി​യെ ഉണ്ടാക്കി അതിനെ ആരാധി​ക്കാൻ തുടങ്ങി; അവർക്കു​വേ​ണ്ടി​യുള്ള യഹോ​വ​യു​ടെ ഭൗതിക കരുത​ലായ മന്നാ​യെ​പ്പറ്റി അവർ മുറു​മു​റു​ത്തു; കൂടാതെ, അവരി​ല​നേകർ യഹോ​വ​യു​ടെ ദിവ്യ നിയുക്ത പ്രതി​നി​ധി​യായ മോശ​ക്കെ​തി​രെ​പോ​ലും മത്സരിച്ചു. വാസ്‌ത​വ​മാ​യും, അവരുടെ അക്ഷമ അവരെ ദുരന്ത​ത്തി​ലേ​ക്കും നാശത്തി​ലേ​ക്കും നയിച്ചു.

ഇസ്രാ​യേ​ലി​ന്റെ ആദ്യത്തെ മാനുഷ രാജാ​വാ​യി​രുന്ന ശൗലിന്‌ തന്റെ പുത്രൻമാർ രാജകീയ പിൻഗാ​മി​ക​ളാ​കു​ന്ന​തി​നുള്ള അവസരം നഷ്ടമായി. എന്തു​കൊണ്ട്‌? എന്തു​കൊ​ണ്ടെ​ന്നാൽ, യഹോ​വക്കു ബലിയർപ്പി​ക്കേ​ണ്ടി​യി​രുന്ന പ്രവാ​ച​ക​നായ ശമു​വേ​ലി​നു​വേണ്ടി അവൻ കാത്തി​രു​ന്നില്ല. ശമുവേൽ വരുന്ന​തി​നു മുമ്പായി ബലിയർപ്പി​ക്കാൻ മനുഷ്യ​ഭയം ശൗലിനെ ഇടയാക്കി. താൻ ബലിയർപ്പി​ച്ചു കഴിഞ്ഞ​യു​ടനെ ശമുവേൽ ആഗതനാ​യി​രി​ക്കു​ന്നതു കണ്ട ശൗലിന്റെ അവസ്ഥ ഒന്ന്‌ ഊഹി​ച്ചു​നോ​ക്കൂ! ഏതാനും നിമിഷം കൂടെ അവൻ കാത്തി​രു​ന്നെ​ങ്കിൽ!—1 ശമൂവേൽ 13:6-14.

തിരക്കി​ട്ടു ഫലം ഭക്ഷിക്കു​ന്ന​തി​നു മുമ്പ്‌ ഹവ്വാ ആദാമി​നു​വേണ്ടി കാത്തി​രു​ന്നെ​ങ്കിൽ! യഹോ​വ​യു​ടെ ബുദ്ധ്യു​പ​ദേ​ശ​ത്തി​നു​വേണ്ടി ഇസ്രാ​യേ​ല്യർ കാത്തി​രി​ക്കാൻ ഓർത്തി​രു​ന്നെ​ങ്കിൽ! അതേ, ക്ഷമ അവരെ​യും നമ്മെയും അനേകം ദുഃഖ​ത്തിൽനി​ന്നും വേദന​യിൽനി​ന്നും രക്ഷി​ച്ചേനേ.

അക്ഷമക്കുള്ള കാരണങ്ങൾ

ഇന്ന്‌ അക്ഷമക്കുള്ള ഒരു പ്രധാന കാരണം മനസ്സി​ലാ​ക്കാൻ ബൈബിൾ നമ്മെ സഹായി​ക്കു​ന്നു. നമ്മുടെ തലമുറ “ദുർഘ​ട​സ​മയങ്ങ”ളിൽ ജീവി​ക്കു​ന്ന​താ​യി രണ്ടു തിമൊ​ഥെ​യൊസ്‌ 3-ാം അധ്യായം വിശദീ​ക​രി​ക്കു​ന്നു. മനുഷ്യർ “സ്വസ്‌നേ​ഹി​ക​ളും ദ്രവ്യാ​ഗ്ര​ഹി​ക​ളും വമ്പു പറയു​ന്ന​വ​രും അഹങ്കാ​രി​ക​ളും . . . അജി​തേ​ന്ദ്രി​യൻമാ​രും ഉഗ്രൻമാ​രും സൽഗു​ണ​ദ്വേ​ഷി​ക​ളും” ആയിരി​ക്കു​മെന്ന്‌ അതു പറയുന്നു. (2-ഉം 3-ഉം വാക്യങ്ങൾ) അത്തരം അത്യാ​ഗ്ര​ഹ​വും സ്വാർഥ മനോ​ഭാ​വ​വും അനേക​രു​ടെ​യും ഹൃദയ​ങ്ങ​ളെ​യും മനസ്സു​ക​ളെ​യും ബാധി​ക്കു​ന്നു. അത്‌ സകലർക്കും, ക്രിസ്‌ത്യാ​നി​കൾക്കു​പോ​ലും ക്ഷമ പ്രകടി​പ്പി​ക്കുക പ്രയാ​സ​ക​ര​മാ​ക്കി​ത്തീർക്കു​ന്നു. ലോക​ക്കാ​രായ ആളുകൾ അമിത വേഗത്തിൽ വണ്ടി​യോ​ടി​ക്കു​ക​യോ വെട്ടി​ച്ചു​ക​യ​റു​ക​യോ നമ്മെ പരിഹ​സി​ക്കു​ക​യോ ചെയ്യു​മ്പോൾ നാം ക്ഷമയുടെ നെല്ലി​പ്പലക കണ്ടെന്നു​വ​രാം. അവരെ അനുക​രി​ക്കു​ന്ന​തി​നോ അവരോ​ടു പ്രതി​കാ​രം ചെയ്യു​ന്ന​തി​നോ നാം പ്രലോ​ഭി​പ്പി​ക്ക​പ്പെ​ട്ടേ​ക്കാം. അങ്ങനെ നാം അവരുടെ സ്വാർഥ​മായ അത്യാ​ഗ്ര​ഹ​ത്തി​ന്റെ നിലവാ​ര​ത്തി​ലേക്കു തരംതാ​ഴു​ക​യാണ്‌.

നമ്മു​ടെ​ത​ന്നെ തെറ്റി​ധാ​ര​ണ​യാ​ണു ചില​പ്പോ​ഴൊ​ക്കെ നമ്മുടെ ക്ഷമ കെടു​ന്ന​തി​നു കാരണം. എടുത്തു​ചാ​ടി​യുള്ള, തെറ്റായ ന്യായ​വാ​ദ​വും അക്ഷമയുള്ള, കോപാ​കു​ല​മായ പെരു​മാ​റ്റ​വും തമ്മിലുള്ള ബന്ധം ജ്ഞാനി​യായ ശലോ​മോൻ രാജാവ്‌ വിവരി​ക്കു​ന്ന​തെ​ങ്ങ​നെ​യെന്നു ശ്രദ്ധി​ക്കുക. “ഗർവ്വമാ​ന​സ​നെ​ക്കാൾ ക്ഷമാമാ​നസൻ ശ്രേഷ്‌ഠൻ. നിന്റെ മനസ്സിൽ അത്ര വേഗം നീരസം ഉണ്ടാക​രു​തു; മൂഢൻമാ​രു​ടെ മാർവ്വിൽ അല്ലോ നീരസം വസിക്കു​ന്നതു.” (സഭാ​പ്ര​സം​ഗി 7:8, 9) ഒരു സാഹച​ര്യം സംബന്ധി​ച്ചു നടപടി സ്വീക​രി​ക്കു​ന്ന​തി​നു മുമ്പ്‌ അതേപ്പറ്റി സൂക്ഷ്‌മ​മായ മുഴു വിവര​വും നേടാൻ സമയം കണ്ടെത്തു​ന്നു​വെ​ങ്കിൽ നാം മറ്റുള്ള​വ​രെ​പ്രതി കൂടുതൽ സഹാനു​ഭൂ​തി​യും അനുക​മ്പ​യും ക്ഷമയു​മു​ള്ള​വ​രാ​യി​രി​ക്കാൻ ഏറെ സാധ്യ​ത​യുണ്ട്‌. നേരേ​മ​റിച്ച്‌ അഹങ്കാ​ര​മുള്ള, സ്വാർഥ മനോ​ഭാ​വം ഇടുങ്ങിയ ചിന്താ​ഗ​തി​യും അക്ഷമയും കടുത്ത വിദ്വേ​ഷ​വും ഉള്ളവരാ​യി​രി​ക്കാൻ ഇടവരു​ത്തും—മുറു​മു​റു​ത്തു​കൊണ്ട്‌ മോശയെ പീഡി​പ്പിച്ച, നിർദാ​ക്ഷി​ണ്യം പെരു​മാ​റിയ ഇസ്രാ​യേ​ല്യ​രെ​പ്പോ​ലെ​തന്നെ.—സംഖ്യാ​പു​സ്‌തകം 20:2-5, 10.

യഹോ​വ​യിൽനിന്ന്‌ അകന്നു നിൽക്കു​ന്ന​തി​ന്റെ ഫലമാ​യുള്ള പ്രത്യാ​ശാ​ര​ഹി​ത​മായ അവസ്ഥയാണ്‌ ഈ ലോക​ത്തിൽ ക്ഷമാരാ​ഹി​ത്യ​ത്തി​ന്റെ വർധന​വി​നു മറ്റൊരു കാരണം. മനുഷ്യൻ യഹോ​വ​യിൽ പ്രത്യാ​ശി​ക്കേ​ണ്ട​തി​ന്റെ ആവശ്യം ഇങ്ങനെ പ്രകട​മാ​ക്കി: “ദൈവത്തെ നോക്കി മൌന​മാ​യി​രിക്ക; എന്റെ പ്രത്യാശ അവങ്കൽനി​ന്നു വരുന്നു. (സങ്കീർത്തനം 62:5) യഹോ​വയെ അറിയാത്ത അനേകർക്ക്‌ പരിമി​ത​മായ, അവ്യക്ത​മായ വീക്ഷണമേ ഉള്ളൂ, തൻമൂലം, തങ്ങളുടെ കാലം കഴിയു​ന്ന​തി​നു​മുമ്പ്‌ സന്തോ​ഷ​ത്തി​ന്റെ ഓരോ കണങ്ങളും തട്ടി​യെ​ടു​ക്കാൻ അവർ ശ്രമി​ക്കു​ന്നു. തങ്ങളുടെ ആത്മീയ പിതാ​വായ പിശാ​ചായ സാത്താ​നെ​പ്പോ​ലെ അവരും തങ്ങളുടെ പ്രവൃ​ത്തി​കൾ മററു​ള്ള​വരെ എങ്ങനെ വേദനി​പ്പി​ച്ചേ​ക്കാ​മെ​ന്നൊ​ന്നും അത്ര കാര്യ​മാ​ക്കാ​റില്ല.—യോഹ​ന്നാൻ 8:44; 1 യോഹ​ന്നാൻ 5:19.

ക്ഷമ ഇന്നു വിരള​മാ​യി​രി​ക്കു​ന്ന​തിൽ ഒട്ടും അതിശ​യി​ക്കാ​നില്ല. ഈ ദുഷ്ട, സ്വാർഥ വ്യവസ്ഥി​തി, അതിന്റെ ദൈവ​മായ സാത്താൻ, നമ്മുടെ വീഴ്‌ച​ഭ​വിച്ച ജഡത്തിന്റെ പാപപ​ങ്കി​ല​മായ പ്രവണ​തകൾ എന്നിവ ക്ഷമയു​ള്ള​വ​രാ​യി​രി​ക്കുക എന്നത്‌ സകലർക്കും, ആത്മാർഥ​ത​യു​ള്ള​വർക്കു​പോ​ലും, പ്രയാ​സ​ക​ര​മാ​ക്കി​ത്തീർക്കു​ന്നു. എന്നിട്ടും, “ദീർഘ​ക്ഷ​മ​യോ​ടി​രി​പ്പിൻ” എന്നു ബൈബിൾ നമ്മെ അനുശാ​സി​ക്കു​ന്നു, പ്രത്യേ​കി​ച്ചും ദൈവ​ത്തി​ന്റെ ഉദ്ദേശ്യ​പ്രാ​പ്‌തി​യോ​ടുള്ള ബന്ധത്തിൽ. (യാക്കോബ്‌ 5:8) ക്ഷമ ഇത്ര വില​യേ​റി​യ​താ​യി​രി​ക്കു​ന്നത്‌ എന്തു​കൊണ്ട്‌? നമുക്ക്‌ എന്തെല്ലാം പ്രതി​ഫ​ലങ്ങൾ കൈവ​രു​ത്താൻ അതിനു കഴിയും?

ക്ഷമ—വില​യേ​റി​യ​താ​യി​രി​ക്കു​ന്ന​തി​നു കാരണം

“ക്ഷമയോ​ടെ കാത്തി​രി​ക്കു​ന്ന​വരെ അവസരങ്ങൾ തേടി​യെ​ത്തു​ന്നു.” ആംഗലേയ കവിയാ​യി​രുന്ന ജോൺ മിൽട്ടൺ മുന്നൂറു വർഷങ്ങൾക്കു​മുമ്പ്‌ “അയാളു​ടെ അന്ധതയിൽ” (ഇംഗ്ലീഷ്‌) എന്ന അദ്ദേഹ​ത്തി​ന്റെ ഗീതക​ത്തിൽ ഉരുവിട്ട പദങ്ങളാണ്‌ അത്‌. തന്റെ നാൽപ്പ​തു​ക​ളിൽ അന്ധനാ​യ​തു​മൂ​ലം ദൈവത്തെ മുഴു​വ​നാ​യി സേവി​ക്കാൻ കഴിയാ​ത്ത​തി​ലുള്ള ഇച്ഛാഭം​ഗ​വും ഉത്‌ക​ണ്‌ഠ​യും അദ്ദേഹം കവിത​യിൽ ആദ്യം പ്രകട​മാ​ക്കി​യി​രു​ന്നു. എങ്കിലും മേലു​ദ്ധ​രിച്ച കവിത​യു​ടെ അവസാന വരിയിൽ പ്രതി​ഫ​ലി​ച്ചി​രി​ക്കു​ന്ന​പോ​ലെ, കഷ്ടതകൾ ക്ഷമാപൂർവം സഹിക്കു​ക​യും ലഭ്യമായ സേവന അവസരങ്ങൾ തേടു​ക​യും ചെയ്‌തു​കൊണ്ട്‌ ഒരുവനു ദൈവത്തെ ആരാധി​ക്കാൻ കഴിയു​മെന്ന്‌ അദ്ദേഹം തിരി​ച്ച​റി​ഞ്ഞു. ദൈവ​ത്തിൽ ക്ഷമാപൂർവം ആശ്രയി​ക്കു​ന്ന​തി​ന്റെ മൂല്യം മിൽട്ടൺ തിരി​ച്ച​റി​ഞ്ഞു.

നമ്മിൽ മിക്കവർക്കും നല്ല കാഴ്‌ച​ശക്തി ഉണ്ടായി​രു​ന്നേ​ക്കാം, എങ്കിലും നമ്മെ കോപി​ഷ്ട​രും ഉത്‌ക​ണ്‌ഠ​യു​ള്ള​വ​രും ആക്കിത്തീർത്തേ​ക്കാ​വുന്ന പരിമി​തി​കൾ നമു​ക്കെ​ല്ലാം ഉണ്ട്‌. നമുക്ക്‌ എങ്ങനെ ക്ഷമ കൈവ​രി​ക്ക​യും അഭ്യസി​ക്കു​ക​യും ചെയ്യാ​നാ​വും?

പ്രോ​ത്സാ​ഹ​ജ​ന​ക​മായ ദൃഷ്ടാ​ന്ത​ങ്ങൾ

ബൈബിൾ ക്ഷമയുടെ പല ഉത്തമ ദൃഷ്ടാ​ന്തങ്ങൾ നമുക്കു പ്രദാനം ചെയ്യുന്നു. യഹോ​വ​യു​ടെ ക്ഷമ കോടി​ക്ക​ണ​ക്കിന്‌ ആളുകൾക്കു നിത്യ​ജീ​വൻ സാധ്യ​മാ​ക്കി​ത്തീർക്കു​ന്നു. (2 പത്രൊസ്‌ 3:9, 15) തന്റെ നുകം ഏറ്റു​കൊണ്ട്‌ “[നമ്മുടെ] ആത്മാക്കൾക്ക്‌ ആശ്വാസം കണ്ടെത്തു”വാൻ നമുക്കു നൽകുന്ന ദയാപു​ര​സ്സ​ര​മായ ക്ഷണത്തിൽ യേശു തന്റെ പിതാ​വി​ന്റെ അത്ഭുത​ക​ര​മായ ക്ഷമ പൂർണ​ത​യിൽ പ്രതി​ഫ​ലി​പ്പി​ക്കു​ന്നു. (മത്തായി 11:28-30) യഹോ​വ​യു​ടെ​യും യേശു​വി​ന്റെ​യും ദൃഷ്ടാ​ന്ത​ങ്ങ​ളെ​പ്പറ്റി ധ്യാനി​ക്കു​ന്നത്‌ കൂടുതൽ ക്ഷമയു​ള്ള​വ​രാ​യി​രി​ക്കാൻ നമ്മെ സഹായി​ക്കും.

കോപാ​കു​ല​നും വിദ്വേ​ഷ​മു​ള്ള​വ​നും പ്രതി​കാ​ര​മ​നോ​ഭാ​വ​മു​ള്ള​വ​നും ആയിരി​ക്കാൻ തക്ക കാരണ​മു​ണ്ടാ​യി​രുന്ന ഒരുവ​നാ​ണു യാക്കോ​ബി​ന്റെ മകനായ യോ​സേഫ്‌. അവന്റെ സഹോ​ദ​രങ്ങൾ അവനോ​ടു തികച്ചും അന്യാ​യ​മാ​യി പെരു​മാ​റു​ക​യും അവനെ കൊല്ലാൻ ഗൂഢാ​ലോ​ചന ചെയ്യു​ക​യും ഒടുവിൽ അവനെ അടിമ​യാ​യി വിറ്റു​ക​ള​യു​ക​യും ചെയ്‌തു. ഈജി​പ്‌തിൽ അവൻ മനസ്സാ​ക്ഷി​പൂർവം വിശ്വ​സ്‌ത​ത​യോ​ടെ പോത്തീ​ഫ​റി​നെ സേവി​ച്ചി​ട്ടും യോ​സേഫ്‌ അന്യാ​യ​മാ​യി കുറ്റം ചുമത്ത​പ്പെ​ടു​ക​യും തടവി​ലാ​ക്ക​പ്പെ​ടു​ക​യു​മു​ണ്ടാ​യി. അവൻ ക്ഷമാപൂർവം സകല കഷ്ടതക​ളും സഹിച്ചു, അത്തരം പരി​ശോ​ധ​നകൾ യഹോ​വ​യു​ടെ ഉദ്ദേശ്യം നിവർത്തി​ക്കാൻ ഉതകി​യേ​ക്കു​മെന്ന്‌ അവൻ ഒരുപക്ഷേ മനസ്സി​ലാ​ക്കി​യി​രി​ക്കും. (ഉല്‌പത്തി 45:5) യോ​സേഫ്‌ താഴ്‌മ​യും സഹാനു​ഭൂ​തി​യും സഹിതം വിശ്വാ​സ​വും പ്രത്യാ​ശ​യും നട്ടുവ​ളർത്തി​യ​തു​കൊണ്ട്‌ വളരെ പീഡനാ​ത്മ​ക​മായ സാഹച​ര്യ​ങ്ങ​ളി​ലും അവനു ക്ഷമ പ്രകടി​പ്പി​ക്കാൻ കഴിഞ്ഞു.

മറ്റൊരു പ്രധാന സഹായി യഹോ​വ​യു​ടെ പരിശു​ദ്ധാ​ത്മാ​വാണ്‌. ഉദാഹ​ര​ണ​ത്തിന്‌, നമുക്ക്‌ പൊട്ടി​ത്തെ​റി​ക്കുന്ന സ്വഭാ​വ​വും മെരു​ക്ക​മി​ല്ലാത്ത നാവു​മു​ണ്ടെ​ങ്കിൽ പരിശു​ദ്ധാ​ത്മാ​വി​നു​വേണ്ടി പ്രാർഥി​ക്കാം, തൻമൂലം നമുക്ക്‌ അതിന്റെ ഫലം നട്ടുവ​ളർത്താം. ദീർഘ​ക്ഷ​മ​യും ആത്മനി​യ​ന്ത്ര​ണ​വും പോലുള്ള ഈ ഫലങ്ങ​ളെ​പ്പറ്റി ധ്യാനി​ക്കു​ന്നത്‌ അവ ക്ഷമയു​മാ​യി എങ്ങനെ ആഴത്തിൽ ബന്ധപ്പെ​ട്ടി​രി​ക്കു​ന്നു എന്നു മനസ്സി​ലാ​ക്കാൻ നമ്മെ സഹായി​ക്കും.—ഗലാത്യർ 5:22, 23.

ക്ഷമയുടെ പ്രതി​ഫ​ല​ങ്ങൾ

ക്ഷമയു​ള്ള​വ​രാ​യി​രി​ക്കു​ന്നത്‌ നമുക്ക്‌ അനേകം പ്രയോ​ജ​നങ്ങൾ കൈവ​രു​ത്തും. അതു നമ്മുടെ സ്വഭാ​വ​ഗു​ണ​ങ്ങളെ ബലപ്പെ​ടു​ത്തു​ക​യും വീണ്ടു​വി​ചാ​ര​മി​ല്ലാത്ത, മൗഢ്യ​മായ പ്രവൃ​ത്തി​കൾ ചെയ്യു​ന്ന​തിൽനി​ന്നു നമ്മെ സംരക്ഷി​ക്കു​ക​യും ചെയ്യുന്നു. പ്രയാ​സ​ക​ര​മോ സമ്മർദ​ക​ര​മോ ആയ സാഹച​ര്യ​ങ്ങ​ളിൽ എടുപി​ടീ​ന്നു പെരു​മാ​റി​യ​തി​ന്റെ ഫലമായി നമ്മിൽ ആരാണ്‌ ദോഷ​ക​ര​മായ തെറ്റു ചെയ്യാ​തി​രു​ന്നി​ട്ടു​ള്ളത്‌? നാം നിർദാ​ക്ഷി​ണ്യം സംസാ​രി​ക്കു​ക​യോ പരുഷ​മായ രീതി​യിൽ പെരു​മാ​റു​ക​യോ ചെയ്‌തി​ട്ടു​ണ്ടാ​വാം. പ്രിയ​പ്പെട്ട ഒരാളു​മാ​യി നടന്ന ഒരു നിസ്സാര സംഭവം വിട്ടു​കൊ​ടു​ക്കാത്ത മത്സരത്തിൽ കലാശി​ക്കാൻ നാം അനുവ​ദി​ച്ചി​ട്ടു​ണ്ടാ​വാം. വളരെ​യ​ധി​കം കോപ​ത്തി​നും ഇച്ഛാഭം​ഗ​ത്തി​നും വേദന​യ്‌ക്കും ശേഷം നാം ‘ഞാൻ അൽപ്പം കൂടെ ക്ഷമയു​ള്ള​വ​നാ​യി​രു​ന്നെ​ങ്കിൽ’ എന്നു വ്യസന​ത്തോ​ടെ ചിന്തി​ച്ചി​ട്ടു​ണ്ടാ​വാം. ക്ഷമ പ്രകടി​പ്പി​ക്കു​ന്നതു സകലവിധ ദുഃഖ​ങ്ങ​ളിൽനി​ന്നും നമ്മെ സംരക്ഷി​ക്കു​ന്നു. ആ വസ്‌തു​ത​തന്നെ നമ്മുടെ ജീവി​ത​ത്തിൽ നമുക്കു കൂടുതൽ സമാധാ​ന​വും സ്ഥിരത​യും സംതൃ​പ്‌തി​യും പ്രദാനം ചെയ്യുന്നു.—ഫിലി​പ്പി​യർ 4:5-7.

ക്ഷമയു​ള്ള​വ​രാ​യി​രി​ക്കു​ന്നത്‌ നമുക്ക്‌ ശാന്തമായ, ആശ്രയ​യോ​ഗ്യ​മായ ഹൃദയ​മു​ണ്ടാ​യി​രി​ക്കു​ന്ന​തി​നും നമ്മെ സഹായി​ക്കു​ന്നു. ഇത്‌ ശാരീ​രി​ക​വും വൈകാ​രി​ക​വും ആത്മീയ​വു​മാ​യി നല്ല ആരോ​ഗ്യം ആസ്വദി​ക്കു​ന്ന​തിന്‌ ഇടയാ​ക്കു​ന്നു. (സദൃശ​വാ​ക്യ​ങ്ങൾ 14:30) അനിയ​ന്ത്രി​ത​മാ​യാൽ അമർഷം​പൂണ്ട കോപം കടുത്ത വൈകാ​രിക, ശാരീ​രിക രോഗ​ത്തി​നും മരണത്തി​നും കാരണ​മാ​കും. നേരേ​മ​റിച്ച്‌, ക്ഷമയു​ള്ള​വ​രാ​യി​രി​ക്കു​ന്ന​തി​നാൽ നമുക്ക്‌ മറ്റുള്ള​വ​രോട്‌, പ്രത്യേ​കി​ച്ചും നമ്മുടെ ആത്മീയ സഹോ​ദ​ര​ങ്ങ​ളോ​ടും കുടും​ബാം​ഗ​ങ്ങ​ളോ​ടും, കൂടുതൽ ക്രിയാ​ത്മ​ക​മായ മനോ​ഭാ​വം പുലർത്താ​നാ​വും. അങ്ങനെ​യാ​കു​മ്പോൾ നാം ശുണ്‌ഠി​യു​ള്ള​വ​രും വിമർശ​ക​രും ആയിരി​ക്കു​ന്ന​തി​നു പകരം പരിഗ​ണ​ന​യു​ള്ള​വ​രും സഹായ​മേ​കു​ന്ന​വ​രും ആയിരി​ക്കു​ന്ന​തി​നു കൂടുതൽ പ്രവണ​ത​യു​ള്ള​വ​രാ​യി​രി​ക്കും. ഫലത്തിൽ അത്‌, നമ്മോടു സഹവസി​ക്കു​ന്നത്‌ മറ്റുള്ള​വർക്ക്‌ എളുപ്പ​മാ​ക്കി​ത്തീർക്കും.

ക്രിസ്‌തീ​യ സഭയി​ലുള്ള മൂപ്പൻമാർ പ്രത്യേ​കി​ച്ചും ക്ഷമ പ്രകടി​പ്പി​ക്കേണ്ട ആവശ്യ​മുണ്ട്‌. ചില​പ്പോ​ഴെ​ല്ലാം സഹക്രി​സ്‌ത്യാ​നി​കൾ ഗുരു​ത​ര​മായ പ്രശ്‌ന​ങ്ങ​ളു​മാ​യി അവരെ സമീപി​ക്കു​ന്നു. ആത്മാർഥ​രായ ഇവർ സംഭ്രാ​ന്ത​രോ അസ്വസ്ഥ​രോ വിഷാ​ദ​മു​ള്ള​വ​രോ ആണെന്നു​വ​രാം. എന്നാൽ അതേ സമയം മൂപ്പൻമാർ തന്നെയും ക്ഷീണി​ത​രോ അവരു​ടെ​തന്നെ വ്യക്തി​പ​ര​മായ പ്രശ്‌ന​ങ്ങ​ളോ കുടുംബ പ്രശ്‌ന​ങ്ങ​ളോ നിമിത്തം അസ്വസ്ഥ​രോ ആണെന്നു​വ​രാം. എങ്കിലും അത്തരം പരി​ശോ​ധ​നാ​ത്മ​ക​മായ സാഹച​ര്യ​ത്തിൽ മൂപ്പൻമാർ ക്ഷമ പ്രകടി​പ്പി​ക്കു​ന്നത്‌ എത്ര മർമ​പ്ര​ധാ​ന​മാണ്‌! ഇവ്വണ്ണം അവർക്ക്‌ ‘ശാന്തത’യോടെ ഉപദേ​ശി​ക്കാ​നും “ആട്ടിൻകൂ​ട്ടത്തെ ആർദ്ര​ത​യോ​ടെ പരിപാ​ലി​ക്കു”വാനും കഴിയും. (2 തിമൊ​ഥെ​യൊസ്‌ 2:24, 25; പ്രവൃ​ത്തി​കൾ 20:28, 29, NW) വില​യേ​റിയ ജീവൻ അപകട​ത്തി​ലാണ്‌. ദയാപു​ര​സ്സ​രും സ്‌നേ​ഹ​പു​ര​സ്സ​രും ക്ഷമയു​ള്ള​വ​രു​മായ മൂപ്പൻമാർ സഭയ്‌ക്ക്‌ എത്ര വലിയ അനു​ഗ്ര​ഹ​മാണ്‌!

കുടും​ബ​ത്തി​ലെ തലവൻമാർ തങ്ങളുടെ കുടും​ബാം​ഗ​ങ്ങളെ ക്ഷമയോ​ടും സഹാനു​ഭൂ​തി​യോ​ടും ദയയോ​ടും​കൂ​ടെ പരിപാ​ലി​ക്കണം. കുടും​ബാം​ഗ​ങ്ങ​ളെ​ല്ലാം ഇതേ ഗുണങ്ങൾ പ്രകടി​പ്പി​ക്കാൻ അവർ പ്രതീ​ക്ഷി​ക്കു​ക​യും അതിനാ​യി അവരെ പോത്സാ​ഹി​പ്പി​ക്കു​ക​യും ചെയ്യണം. (മത്തായി 7:12) അത്‌ കുടും​ബ​ത്തി​നു​ള്ളിൽ സ്‌നേ​ഹ​വും സമാധാ​ന​വും വലിയ അളവിൽ സംഭാവന ചെയ്യും.

വയൽശു​ശ്രൂ​ഷ​യിൽ ഏർപ്പെ​ട്ടി​രി​ക്കു​മ്പോൾ ക്ഷമ പ്രകട​മാ​ക്കു​ന്നത്‌ ഈ സേവനം കൂടുതൽ മുഴു​വ​നാ​യി ആസ്വദി​ക്കാൻ ക്രിസ്‌തീയ ശുശ്രൂ​ഷ​കരെ സഹായി​ക്കും. അഭിമു​ഖീ​ക​രി​ക്കുന്ന ഏത്‌ ഉദാസീ​ന​ത​യും എതിർപ്പും സഹിക്കാൻ അവർ കൂടുതൽ പ്രാപ്‌ത​രാ​കും. കോപി​ഷ്‌ഠ​രായ വീട്ടു​കാ​രു​മാ​യി വാഗ്വാ​ദ​ത്തിൽ ഏർപ്പെ​ടു​ന്ന​തി​നു പകരം ക്ഷമയുള്ള ശുശ്രൂ​ഷ​കന്‌ ശാന്തമാ​യി ഉത്തരം പറയു​ന്ന​തി​നോ മിണ്ടാതെ അവിടം വിടു​ന്ന​തി​നോ കഴിയും. അങ്ങനെ സമാധാ​ന​വും സന്തോ​ഷ​വും നിലനിർത്താൻ കഴിയും. (മത്തായി 10:12, 13) കൂടാതെ ക്രിസ്‌ത്യാ​നി​കൾ സകല​രോ​ടും ക്ഷമയോ​ടും ദയയോ​ടും കൂടെ പെരു​മാ​റു​മ്പോൾ ചെമ്മരി​യാ​ടു​തു​ല്യ​രായ ആളുകൾ രാജ്യ​സ​ന്ദേ​ശ​ത്തി​ലേക്ക്‌ ആകർഷി​ത​രാ​കും. ക്ഷമയോ​ടെ​യുള്ള ലോക​വ്യാ​പക ശ്രമത്തെ യഹോവ അനു​ഗ്ര​ഹി​ച്ചി​രി​ക്കു​ന്നു, കാരണം, സൗമ്യ​ത​യുള്ള ദശലക്ഷ​ക്ക​ണ​ക്കി​നു സത്യാ​ന്വേ​ഷി​കൾ ഓരോ വർഷവും യഹോ​വ​യു​ടെ സ്‌നേ​ഹ​പു​ര​സ്സ​ര​മായ സഭയി​ലേക്ക്‌ ഒഴുകി​വ​രു​ക​യാണ്‌.

ക്ഷമ പ്രകടി​പ്പി​ക്കു​ന്നതു നമുക്ക്‌ നല്ല ഫലങ്ങൾ കൈവ​രു​ത്തു​മെ​ന്നതു വാസ്‌ത​വ​മാണ്‌. എടുപി​ടീ​ന്നു കാര്യങ്ങൾ ചെയ്യു​ന്ന​തു​കൊ​ണ്ടോ നാവിൻമേൽ കടിഞ്ഞാ​ണി​ടാ​ത്ത​തു​കൊ​ണ്ടോ ഉണ്ടാകുന്ന അപകട​ങ്ങ​ളും പ്രശ്‌ന​ങ്ങ​ളും നാം ഒഴിവാ​ക്കും. നാം കൂടുതൽ സന്തുഷ്ട​രും കൂടുതൽ ശാന്തരും മിക്കവാ​റും കൂടുതൽ ആരോ​ഗ്യ​മു​ള്ള​വ​രും ആയിരി​ക്കും. നമ്മുടെ ശുശ്രൂ​ഷ​യി​ലും സഭയി​ലും ഭവനത്തി​ലും നാം വലിയ സന്തോ​ഷ​വും സമാധാ​ന​വും ആസ്വദി​ക്കും. എന്നാൽ എല്ലാറ്റി​ലും പ്രധാ​ന​മാ​യി, നാം ദൈവ​വു​മാ​യി ഒരു ഉറ്റ ബന്ധം ആസ്വദി​ക്കും. അതു​കൊണ്ട്‌ യഹോ​വ​ക്കാ​യി കാത്തി​രി​ക്കുക. ക്ഷമ പ്രകടി​പ്പി​ക്കുക!

[അടിക്കു​റി​പ്പു​കൾ]

[10-ാം പേജിലെ ചിത്രങ്ങൾ]

ദൈനംദിന ജീവി​ത​ത്തിൽ നിങ്ങൾ എത്ര ക്ഷമയു​ള്ള​വ​രാണ്‌?