നേതൃ​ത്വം വഹിക്കുന്ന മേൽവി​ചാ​ര​ക​ന്മാർ—സഭാ പുസ്‌തക അധ്യയന നിർവാ​ഹ​ക​ന്മാർ

¹ സഭാ പുസ്‌തക അധ്യയന നിർവാ​ഹകൻ ആയി സേവി​ക്കു​ക​യെ​ന്നതു യോഗ്യ​ത​യുള്ള ഒരു മൂപ്പ​നെ​യോ ശുശ്രൂ​ഷാ ദാസ​നെ​യോ സംബന്ധി​ച്ചി​ട​ത്തോ​ളം ഒരു വില​യേ​റിയ പദവി​യാണ്‌. തന്റെ കൂട്ടത്തി​ന്റെ ആത്മീയ ആവശ്യങ്ങൾ നോക്കി​ന​ട​ത്തുക എന്നതു ഗൗരവ​മുള്ള ഒരു ഉത്തരവാ​ദി​ത്വ​മാണ്‌. അദ്ദേഹ​ത്തി​ന്റെ ചുമത​ല​കളെ മൂന്നായി തരംതി​രി​ക്കാം.

² കഴിവുറ്റ പഠിപ്പി​ക്കൽ: ഓരോ ആഴ്‌ച​യി​ലും തന്റെ കൂട്ടത്തി​നു ഗ്രാഹ്യം പകർന്നു കൊടു​ക്കാൻ സഭാ പുസ്‌തക അധ്യയന നിർവാ​ഹ​കന്റെ ഭാഗത്ത്‌ നല്ല തയ്യാറാ​കൽ ആവശ്യ​മാണ്‌. പഠിക്കുന്ന വിവര​ങ്ങ​ളോ​ടുള്ള വിലമ​തി​പ്പു വളർത്തി​യെ​ടു​ക്കാൻ അദ്ദേഹം ശ്രമി​ക്കു​ന്നു. അധ്യയന സമയത്ത്‌ അമിത​മാ​യി അഭി​പ്രാ​യങ്ങൾ പറയു​ന്ന​തി​നു പകരം, പാഠത്തി​ലെ പ്രധാന ആശയങ്ങൾ പുറത്തു​കൊ​ണ്ടു​വ​രാൻ, ആവശ്യ​മെ​ങ്കിൽ കുറി​ക്കു​കൊ​ള്ളുന്ന ചോദ്യ​ങ്ങൾ അദ്ദേഹം കൂടു​ത​ലാ​യി ചോദി​ക്കും. അധ്യയനം രസകര​വും പ്രബോ​ധ​നാ​ത്മ​ക​വും ആക്കിത്തീർക്കു​ക​യും എല്ലാവ​രെ​യും ചർച്ചയിൽ ഉൾപ്പെ​ടു​ത്തു​ക​യും ചെയ്യുക എന്നതാണ്‌ അദ്ദേഹ​ത്തി​ന്റെ മുന്നി​ലുള്ള വെല്ലു​വി​ളി. ആത്മീയ​മാ​യി കെട്ടു​പണി ചെയ്യുക, അധ്യയ​ന​ത്തി​ന്റെ പ്രാ​യോ​ഗിക മൂല്യം എടുത്തു​കാ​ട്ടുക, മനസ്സി​ലേ​ക്കും ഹൃദയ​ത്തി​ലേ​ക്കും വിവരങ്ങൾ ഇറങ്ങു​മാ​റാ​ക്കുക എന്നിവ​യാണ്‌ അദ്ദേഹ​ത്തി​ന്റെ ലക്ഷ്യങ്ങൾ.—1 തെസ്സ. 2:13.

³ സഹായം പ്രദാനം ചെയ്യുന്ന ഇടയവേല: സഭാ പുസ്‌തക അധ്യയന നിർവാ​ഹകൻ “കാറ്റിൽനി​ന്നുള്ള ഒരു മറവി​ട​വും വൻമഴ​യിൽനി​ന്നുള്ള ഒരു ഒളിപ്പി​ട​വും​പോ​ലെ” ആണ്‌. (യെശ. 32:2, NW) അദ്ദേഹം തന്റെ കൂട്ടത്തി​ലുള്ള എല്ലാവർക്കും വേണ്ടി യഥാർഥ​ത്തിൽ കരുതു​ക​യും തന്റെ മേൽനോ​ട്ട​ത്തി​ലുള്ള ഒരാൾ നിരു​ത്സാ​ഹി​ത​നാ​കു​ന്നെ​ങ്കിൽ അയാൾക്ക്‌ ആത്മീയ സഹായം ലഭിക്കു​ന്നു​വെന്ന്‌ ഉറപ്പാ​ക്കു​ക​യും ചെയ്യുന്നു.—യെഹെ. 34:15, 16; 1 തെസ്സ. 2:7, 8.

⁴ തീക്ഷ്‌ണ​ത​യോ​ടെ സുവി​ശേ​ഷി​ക്കൽ: തന്റെ കൂട്ടത്തി​ലുള്ള എല്ലാവ​രും വയൽ ശുശ്രൂ​ഷ​യിൽ പൂർണ​മാ​യി പങ്കുപ​റ്റു​ന്ന​തി​നു​വേണ്ട പ്രാ​യോ​ഗിക ക്രമീ​ക​ര​ണങ്ങൾ ചെയ്യു​ന്ന​തി​നു സഭാ പുസ്‌തക അധ്യയന നിർവാ​ഹകൻ അതീവ ശ്രദ്ധയു​ള്ള​വ​നാണ്‌. സേവന​ത്തി​ലുള്ള തന്റെ ക്രമവും തീക്ഷ്‌ണ​ത​യും ഉത്സാഹ​വും കൂട്ടത്തി​ലെ മറ്റുള്ള​വ​രി​ലും പ്രതി​ഫ​ലി​ക്കു​മെന്ന്‌ അറിഞ്ഞു​കൊണ്ട്‌ അദ്ദേഹം സുവി​ശേ​ഷി​ക്കൽ വേലയിൽ നേതൃ​ത്വ​മെ​ടു​ക്കു​ന്നു. (കൊലൊ. 4:17; 2 തെസ്സ. 3:9) തന്റെ കൂട്ടത്തി​ലെ ഓരോ അംഗ​ത്തോ​ടൊ​പ്പ​വും പ്രവർത്തി​ക്കാൻ അദ്ദേഹം പരി​ശ്ര​മി​ക്കു​ന്നു. ശുശ്രൂ​ഷ​യി​ലെ നമ്മുടെ പ്രസംഗ-പഠിപ്പി​ക്കൽ പ്രാപ്‌തി​കൾക്കു മൂർച്ച കൂട്ടാൻ നാം ആഗ്രഹി​ക്കു​ന്നെ​ങ്കിൽ, ആ ലക്ഷ്യം നേടാൻ സഭാ പുസ്‌തക അധ്യയന നിർവാ​ഹ​കനു നമ്മെ സഹായി​ക്കാ​നാ​കും.—1 തിമൊ. 4:16; 2 തിമൊ. 4:5.

⁵ ആത്മീയ സഹായ​വും സ്‌നേ​ഹ​പൂർവ​ക​മായ പിന്തു​ണ​യും നൽകാൻ ഒരുക്ക​മുള്ള ഈ മനുഷ്യ​രാം ദാനങ്ങ​ളാൽ നാം തീർച്ച​യാ​യും അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. (1 തെസ്സ. 5:14) പുസ്‌തക അധ്യയ​ന​ത്തി​ലെ നമ്മുടെ ക്രമമായ പങ്കുപ​റ്റ​ലി​നാ​ലും സുവി​ശേ​ഷി​ക്കൽ വേലയ്‌ക്കു നാം കൊടു​ക്കുന്ന വിശ്വസ്‌ത​മായ പിന്തു​ണ​യാ​ലും യഹോ​വ​യിൽനി​ന്നുള്ള ഈ അത്ഭുത​ക​ര​മായ കരുത​ലി​നോ​ടു നമുക്കു വിലമ​തി​പ്പു പ്രകട​മാ​ക്കാം.—എബ്രാ. 10:25.