പ്രേരണാ കലയി​ലൂ​ടെ ഹൃദയ​ത്തി​ലെ​ത്തി​ച്ചേരൽ

അനേക​രും “പ്രേരണ” എന്ന പദത്തെ സംശയ​ത്തോ​ടെ​യാ​ണു വീക്ഷി​ക്കു​ന്നത്‌. അത്‌ വിടാതെ പിടി​കൂ​ടി​യി​രി​ക്കുന്ന ഒരു വിൽപ്പ​ന​ക്കാ​ര​നെ​യോ ഉപഭോ​ക്താ​വി​നെ പറ്റിക്കാ​നോ വീഴ്‌ത്താ​നോ രൂപകൽപ്പന ചെയ്‌തി​രി​ക്കുന്ന ഒരു പരസ്യ​ത്തെ​യോ അനുസ്‌മ​രി​പ്പി​ച്ചേ​ക്കാം. ബൈബി​ളിൽപ്പോ​ലും പ്രേരണ എന്ന ആശയത്തിന്‌ ചില​പ്പോൾ ദുഷി​പ്പി​ക്ക​ലി​നെ​യോ വഴി​തെ​റ്റി​ക്ക​ലി​നെ​യോ സൂചി​പ്പി​ക്കുന്ന നിഷേ​ധാ​ത്മ​ക​മായ അർഥം കൊടു​ക്കു​ന്നുണ്ട്‌. ഉദാഹ​ര​ണ​ത്തിന്‌, ക്രിസ്‌തീയ അപ്പോ​സ്‌ത​ല​നായ പൗലൊസ്‌ ഗലാത്യർക്ക്‌ എഴുതി: “നിങ്ങൾ നന്നായി മുന്നേ​റി​ക്കൊ​ണ്ടി​രു​ന്നു; സത്യത്തെ അനുസ​രി​ക്കു​ന്ന​തിൽനി​ന്നു നിങ്ങളെ തടഞ്ഞത്‌ ആരാണ്‌? ഈ പ്രേരണ ഉണ്ടായത്‌ ഏതായാ​ലും നിങ്ങളെ വിളി​ച്ച​വ​നിൽനി​ന്നല്ല.” (ഗലാത്യർ 5:7, 8, പി.ഒ.സി. ബൈബിൾ) ‘പ്രേര​ണാ​ത്മക വാദങ്ങൾകൊണ്ട്‌ തങ്ങളെ വഴി​തെ​റ്റി​ക്കാൻ’ ആരെയും അനുവ​ദി​ക്ക​രു​തെന്നു പൗലൊസ്‌ കൊ​ലൊ​സ്സ്യർക്കും മുന്നറി​യി​പ്പു കൊടു​ത്തു. (കൊ​ലൊ​സ്സ്യർ 2:4, NW) വ്യാജ അടിസ്ഥാ​ന​ങ്ങ​ളിൽ പടുത്തു​യർത്തിയ സമർഥ​മായ വാദങ്ങ​ളാണ്‌ അത്തരം പ്രേര​ണ​യ്‌ക്കു നിദാനം.

എന്നിരു​ന്നാ​ലും, തിമൊ​ഥെ​യൊ​സി​നുള്ള തന്റെ രണ്ടാമത്തെ ലേഖന​ത്തിൽ പൗലൊസ്‌ അപ്പോ​സ്‌തലൻ പ്രേരണ എന്ന ആശയം ഒരു വ്യത്യസ്‌ത അർഥത്തിൽ ഉപയോ​ഗി​ക്കു​ന്നുണ്ട്‌. അവൻ എഴുതി: “നീ പഠിച്ച​തും വിശ്വ​സി​ക്കാൻ പ്രേരി​പ്പി​ക്ക​പ്പെ​ട്ടി​ട്ടു​ള്ള​തു​മായ കാര്യങ്ങൾ നീ അവ ആരിൽനി​ന്നാ​ണു പഠിച്ച​തെ​ന്നോർത്ത്‌ അവയിൽ തുടർന്നു​കൊൾക.” (2 തിമൊ​ഥെ​യൊസ്‌ 3:14, NW) അവന്റെ അമ്മയും വല്യമ്മ​യു​മാണ്‌ അവനെ തിരു​വെ​ഴു​ത്തു സത്യങ്ങൾ പഠിപ്പി​ച്ചത്‌. അങ്ങനെ “വിശ്വ​സി​ക്കാൻ പ്രേരി​പ്പി​ക്ക​പ്പെട്ട”തിൽ, അവർ അവനെ വീഴ്‌ത്തു​ക​യാ​യി​രു​ന്നില്ല.—2 തിമൊ​ഥെ​യൊസ്‌ 1:5.a

റോമിൽ വീട്ടു​ത​ട​ങ്ക​ലിൽ ആയിരി​ക്കു​മ്പോൾ, പൗലൊസ്‌ അനേകർക്കും “മോ​ശെ​യു​ടെ ന്യായ​പ്ര​മാ​ണ​വും പ്രവാ​ച​ക​പു​സ്‌ത​ക​ങ്ങ​ളും ആധാര​മാ​ക്കി യേശു​വി​നെ​ക്കു​റി​ച്ചു അവർക്കു ബോധം വരുമാ​റു [“പ്രേരണ ഉപയോ​ഗി​ച്ചു​കൊണ്ട്‌,” NW] രാവിലെ തുടങ്ങി സന്ധ്യവരെ” സാക്ഷ്യം നൽകി. (പ്രവൃ​ത്തി​കൾ 28:23) പൗലൊസ്‌ തന്റെ സദസ്സിനെ വഞ്ചിക്കു​ക​യാ​യി​രു​ന്നോ? ഒരിക്ക​ലു​മല്ല! അപ്പോൾ വ്യക്തമാ​യും പ്രേരണ എല്ലായ്‌പോ​ഴും മോശ​മായ സംഗതി​യല്ല.

ക്രിയാ​ത്മ​ക​മാ​യ അർഥത്തിൽ ഉപയോ​ഗി​ക്കു​മ്പോൾ “പ്രേരി​പ്പി​ക്കുക” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്ക്‌ മൂലപദം അർഥമാ​ക്കു​ന്നത്‌ ബോധ്യ​പ്പെ​ടു​ത്തുക, ഈടു​റ്റ​തും യുക്തി​സ​ഹ​വു​മായ ന്യായ​വാ​ദ​ത്തി​ലൂ​ടെ മനസ്സിനു മാറ്റം​വ​രു​ത്തുക എന്നാണ്‌. അങ്ങനെ, മറ്റുള്ള​വ​രിൽ ബൈബിൾ സത്യ​ത്തെ​ക്കു​റി​ച്ചു ബോധ്യം​വ​രു​ത്താൻ ഒരു അധ്യാ​പ​കന്‌ പ്രേരണ ഉപയോ​ഗി​ച്ചു​കൊണ്ട്‌ തിരു​വെ​ഴുത്ത്‌ അടിസ്ഥാ​ന​ത്തി​ന്മേൽ പടുത്തു​യർത്താ​വു​ന്ന​താണ്‌. (2 തിമൊ​ഥെ​യൊസ്‌ 2:15) വാസ്‌ത​വ​ത്തിൽ, ഇത്‌ പൗലൊ​സി​ന്റെ ശുശ്രൂ​ഷ​യു​ടെ ഒരു സവി​ശേ​ഷ​ത​യാ​യി​രു​ന്നു. ക്രിസ്‌തീയ പഠിപ്പി​ക്ക​ലു​കൾ തെറ്റാ​ണെന്നു കരുതി​യി​രുന്ന ദെമേ​ത്രി​യൊസ്‌ എന്ന തട്ടാൻപോ​ലും “ഈ പൌ​ലൊസ്‌ എന്നവൻ കയ്യാൽ തീർത്തതു ദേവന്മാർ അല്ല എന്നു പറഞ്ഞു​കൊ​ണ്ടു എഫെ​സൊ​സിൽ മാത്രമല്ല, മിക്കവാ​റും ആസ്യയിൽ ഒക്കെയും വളരെ ജനങ്ങളെ സമ്മതി​പ്പി​ച്ചു [“പ്രേരി​പ്പി​ച്ചു,” NW] മറിച്ചു​ക​ളഞ്ഞു” എന്നു പറയു​ക​യു​ണ്ടാ​യി.—പ്രവൃ​ത്തി​കൾ 19:26.

ശുശ്രൂ​ഷ​യിൽ പ്രേരണ ഉപയോ​ഗി​ക്കൽ

യേശു​ക്രി​സ്‌തു തന്റെ അനുഗാ​മി​കളെ ഇങ്ങനെ പ്രബോ​ധി​പ്പി​ച്ചു: “ആകയാൽ നിങ്ങൾ പുറ​പ്പെട്ടു, പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ; ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ടു.” (മത്തായി 28:19, 20) 230-ലധികം രാജ്യ​ങ്ങ​ളിൽ, യഹോ​വ​യു​ടെ സാക്ഷികൾ ഈ കൽപ്പന അനുസ​രി​ക്കു​ന്നു. 1997 സേവന​വർഷ​ത്തിൽ, ലോക​വ്യാ​പ​ക​മാ​യി അവർ ഓരോ മാസവും ശരാശരി 45,52,589 ഭവന​ബൈ​ബി​ള​ധ്യ​യ​നങ്ങൾ നടത്തു​ക​യു​ണ്ടാ​യി.

ഒരു ഭവന​ബൈ​ബി​ള​ധ്യ​യനം നടത്തു​ക​യെന്ന പദവി നിങ്ങൾ ആസ്വദി​ക്കു​ന്നു​ണ്ടെ​ങ്കിൽ, പ്രേരണാ കല ഉപയോ​ഗി​ക്കേ​ണ്ട​താ​യി​വ​രുന്ന വെല്ലു​വി​ളി​കൾ നിങ്ങൾക്കു മുൻകൂ​ട്ടി​ക്കാ​ണാൻ കഴി​ഞ്ഞേ​ക്കും. ഉദാഹ​ര​ണ​ത്തിന്‌, നിങ്ങൾ അടുത്ത​പ്രാ​വ​ശ്യം അധ്യയ​ന​ത്തി​നി​രി​ക്കു​മ്പോൾ, ത്രിത്വ​ത്തെ​ക്കു​റിച്ച്‌ ഒരു ചോദ്യം പൊന്തി​വ​രു​ന്നു​വെന്നു സങ്കൽപ്പി​ക്കുക. നിങ്ങളു​ടെ വിദ്യാർഥി ഈ ഉപദേശം വിശ്വ​സി​ക്കു​ന്നു​ണ്ടെന്നു നിങ്ങൾക്ക്‌ അറിയാ​മെ​ങ്കി​ലോ? ആ വിഷയം ചർച്ച​ചെ​യ്യുന്ന ഒരു പ്രസി​ദ്ധീ​ക​രണം അയാൾക്കു നൽകാ​വു​ന്ന​താണ്‌. അതു വായി​ച്ച​തി​നു​ശേഷം, ദൈവ​വും യേശു​വും ഒരേ ആൾത​ന്നെയല്ല എന്നു മനസ്സി​ലാ​ക്കാൻ അയാൾ പ്രേരി​പ്പി​ക്ക​പ്പെ​ട്ടി​രി​ക്കു​ന്ന​താ​യി നിങ്ങൾ കണ്ടെത്തി​യേ​ക്കാം. എന്നാൽ സംശയ​ങ്ങ​ളു​ണ്ടെ​ങ്കിൽ, നിങ്ങൾക്കെ​ങ്ങനെ അതു കൈകാ​ര്യം ചെയ്യാ​നാ​കും?

അവധാ​ന​പൂർവം ശ്രദ്ധി​ക്കുക. ഇത്‌ ഒരു പ്രത്യേക വിഷയം സംബന്ധിച്ച്‌ നിങ്ങളു​ടെ വിദ്യാർഥി അതി​നോ​ട​കം​തന്നെ എന്തു വിശ്വ​സി​ക്കു​ന്നു​വെന്ന്‌ നിർണ​യി​ക്കാൻ നിങ്ങളെ സഹായി​ക്കും. ഉദാഹ​ര​ണ​ത്തിന്‌, “ഞാൻ ത്രിത്വ​ത്തിൽ വിശ്വ​സി​ക്കു​ന്നു” എന്നു നിങ്ങളു​ടെ വിദ്യാർഥി പറയു​ന്നെ​ങ്കിൽ, ഈ പഠിപ്പി​ക്കൽ തെറ്റാ​ണെന്നു തെളി​യി​ക്കാൻ നിങ്ങൾക്ക്‌ ഉടൻതന്നെ ഒരു തിരു​വെ​ഴു​ത്തു ചർച്ച നടത്താ​വു​ന്ന​താണ്‌. എന്നാൽ ത്രിത്വ​ത്തെ​ക്കു​റിച്ച്‌ വ്യത്യസ്‌ത വിശ്വാ​സ​ങ്ങ​ളുണ്ട്‌. നിങ്ങൾ ത്രിത്വ​പ​ഠി​പ്പി​ക്കൽ എന്നു നിർവ​ചി​ക്കു​ന്ന​തിൽനി​ന്നു വ്യത്യ​സ്‌ത​മാ​യി​രി​ക്കാം നിങ്ങളു​ടെ വിദ്യാർഥി വിശ്വ​സി​ക്കു​ന്നത്‌. പുനർജന്മം, ആത്മാവി​ന്റെ അമർത്ത്യത, രക്ഷ എന്നിങ്ങ​നെ​യുള്ള മറ്റു വിശ്വാ​സ​ങ്ങ​ളു​ടെ കാര്യ​വും ഇങ്ങനെ​ത​ന്നെ​യാ​കാം. അതു​കൊണ്ട്‌ സംസാ​രി​ക്കു​ന്ന​തി​നു​മുമ്പ്‌ അവധാ​ന​പൂർവം ശ്രദ്ധി​ക്കുക. വിദ്യാർഥി എന്തു വിശ്വ​സി​ക്കു​ന്നു​വെന്നു നിങ്ങൾ ഊഹി​ക്ക​രുത്‌.—സദൃശ​വാ​ക്യ​ങ്ങൾ 18:13.

ചോദ്യ​ങ്ങൾ ചോദി​ക്കുക. ഇതിൽ പിൻവ​രു​ന്ന​തു​പോ​ലുള്ള ചോദ്യ​ങ്ങൾ ഉൾപ്പെ​ട്ടേ​ക്കാം: ‘നിങ്ങൾ എല്ലായ്‌പോ​ഴും ത്രിത്വ​ത്തിൽ വിശ്വ​സി​ച്ചി​ട്ടു​ണ്ടോ? ഈ വിഷയ​ത്തെ​ക്കു​റി​ച്ചു ബൈബിൾ എന്തു പറയു​ന്നു​വെ​ന്നതു സംബന്ധി​ച്ചു നിങ്ങൾ സമഗ്ര​മായ ഒരു പഠനം നടത്തി​യി​ട്ടു​ണ്ടോ? ദൈവം ഒരു ത്രിത്വ​ത്തി​ന്റെ ഭാഗമാ​യി​രു​ന്നെ​ങ്കിൽ, അവന്റെ വചനമായ ബൈബിൾ വ്യക്തമാ​യും നേരി​ട്ടും അതു നമ്മോടു പറയു​മാ​യി​രു​ന്നി​ല്ലേ?’ വിദ്യാർഥി​യെ പഠിപ്പി​ക്കു​മ്പോൾ, ഇടയ്‌ക്കി​ടെ പിൻവ​രു​ന്ന​തു​പോ​ലുള്ള ചോദ്യ​ങ്ങൾ ചോദി​ക്കുക: ‘നാമി​തു​വരെ പരിചി​ന്തി​ച്ചത്‌ നിങ്ങൾക്കു ന്യായ​യു​ക്ത​മാ​യി തോന്നു​ന്നു​ണ്ടോ?’ ‘ഈ വിശദീ​ക​ര​ണ​ത്തോ​ടു നിങ്ങൾ യോജി​ക്കു​ന്നു​വോ?’ ചോദ്യ​ങ്ങൾ വിദഗ്‌ധ​മാ​യി ഉപയോ​ഗി​ക്കു​ന്ന​തി​ലൂ​ടെ, നിങ്ങൾ വിദ്യാർഥി​യെ പഠന പ്രക്രി​യ​യിൽ ഉൾപ്പെ​ടു​ത്തു​ക​യാണ്‌ ചെയ്യു​ന്നത്‌. നിങ്ങൾ വിഷയം വിശദീ​ക​രി​ക്കു​ന്നത്‌ വിദ്യാർഥി കേൾക്കുക മാത്ര​മാ​യി​രി​ക്കു​ക​യില്ല.

ഈടുറ്റ ന്യായ​വാ​ദം ഉപയോ​ഗി​ക്കുക. ഉദാഹ​ര​ണ​ത്തിന്‌, ത്രി​ത്വോ​പ​ദേശം ചർച്ച​ചെ​യ്യവേ, നിങ്ങളു​ടെ വിദ്യാർഥി​യോട്‌ ഇങ്ങനെ പറയാ​വു​ന്ന​താണ്‌: ‘യേശു സ്‌നാ​പ​ന​മേ​റ്റ​പ്പോൾ, സ്വർഗ​ത്തിൽനിന്ന്‌ ഒരു സ്വരം പറഞ്ഞു: “നീ എന്റെ പ്രിയ​പു​ത്രൻ.” വാസ്‌ത​വ​ത്തിൽ ദൈവ​മാ​ണു ഭൂമി​യിൽ സ്‌നാ​പ​ന​മേ​റ്റു​കൊ​ണ്ടി​രു​ന്ന​തെ​ങ്കിൽ, അവൻ തന്റെ സ്വരം സ്വർഗ​ത്തി​ലേക്ക്‌ അയച്ച്‌ അതിനെ തിരികെ ഭൂമി​യിൽ കേൾപ്പി​ക്കു​ക​യാ​യി​രു​ന്നോ? അത്‌ തെറ്റി​ദ്ധാ​ര​ണാ​ജ​ന​ക​മാ​യി​രി​ക്കുക​യി​ല്ലേ? “വ്യാജം പറയാ​ത്ത​വ​നായ” ദൈവം അത്തരം വഞ്ചനാത്മക സംഗതി ചെയ്യു​മോ?’—ലൂക്കൊസ്‌ 3:21, 22; തീത്തൊസ്‌ 1:1, 2, പി.ഒ.സി. ബൈബിൾ.

ഈടുറ്റ ന്യായ​വാ​ദങ്ങൾ നയത്തോ​ടെ അവതരി​പ്പി​ക്കു​ന്നത്‌ മിക്ക​പ്പോ​ഴും വളരെ ഫലപ്ര​ദ​മാണ്‌. ഒരു സ്‌ത്രീ​യു​ടെ ഉദാഹ​രണം എടുക്കാം. നമുക്ക്‌ അവരെ ബാർബറ എന്നു വിളി​ക്കാം. ഇതുവ​രെ​യും അവർ വിശ്വ​സി​ച്ചി​രു​ന്നത്‌ യേശു ദൈവ​മാ​ണെ​ന്നും പരിശു​ദ്ധാ​ത്മാവ്‌ ഉൾപ്പെട്ട ഒരു ത്രിത്വ​ത്തി​ന്റെ ഭാഗമാ​ണെ​ന്നു​മാ​യി​രു​ന്നു. എന്നാൽ ദൈവ​വും യേശു​വും രണ്ടു വ്യത്യസ്‌ത വ്യക്തി​ക​ളാ​ണെന്ന്‌ ഇപ്പോൾ ഒരു യഹോ​വ​യു​ടെ സാക്ഷി അവരോ​ടു പറഞ്ഞി​രി​ക്കു​ന്നു, തന്റെ പ്രസ്‌താ​വ​നയെ പിന്തു​ണ​യ്‌ക്കുന്ന തിരു​വെ​ഴു​ത്തു​ക​ളും അദ്ദേഹം അവർക്കു കാണി​ച്ചു​കൊ​ടു​ത്തു.b ബൈബി​ളി​നെ ഖണ്ഡിക്കാൻ ബാർബ​റ​യ്‌ക്കു കഴിഞ്ഞില്ല. അതേസ​മയം അവർക്കു നിരാ​ശ​യും തോന്നി. കാരണം, ത്രി​ത്വോ​പ​ദേശം അവർക്കു പ്രിയ​പ്പെട്ട ഒന്നായി​രു​ന്നു.

ആ സാക്ഷി ക്ഷമാപൂർവം ബാർബ​റ​യു​മാ​യി ന്യായ​വാ​ദം നടത്തി. “രണ്ടു വ്യക്തികൾ തുല്യ​രാ​ണെന്ന്‌ എന്നെ പഠിപ്പി​ക്കാൻ നിങ്ങൾ ശ്രമി​ക്കു​ക​യാ​ണെ​ങ്കിൽ, നിങ്ങൾ ഏതു കുടും​ബ​ബന്ധം ഉപയോ​ഗി​ച്ചാ​യി​രി​ക്കും അത്‌ ദൃഷ്ടാ​ന്തീ​ക​രി​ക്കുക?” അയാൾ ചോദി​ച്ചു. അവർ ഒരു നിമിഷം ആലോ​ചി​ച്ചിട്ട്‌ ഇങ്ങനെ മറുപടി പറഞ്ഞു: “ഞാൻ രണ്ടു സഹോ​ദ​ര​ന്മാ​രു​ടെ കാര്യ​മാ​കും ഉപയോ​ഗി​ക്കുക.” “തികച്ചും ശരിയാണ്‌,” സാക്ഷി പറഞ്ഞു. “ഒരുപക്ഷേ, ഒരേ​പോ​ലി​രി​ക്കുന്ന ഇരട്ടക​ളു​ടെ​പോ​ലും. എന്നാൽ ദൈവത്തെ പിതാവ്‌ ആയും തന്നെ പുത്രൻ ആയും വീക്ഷി​ക്കാൻ നമ്മെ പഠിപ്പി​ച്ച​തി​ലൂ​ടെ, യേശു എന്തു സന്ദേശം നൽകു​ക​യാ​യി​രു​ന്നു?” വിടർന്ന കണ്ണുക​ളോ​ടെ ബാർബറ മറുപടി പറഞ്ഞു: “ഇപ്പോൾ എനിക്കു മനസ്സി​ലാ​യി. അവൻ ഒരാളെ പ്രായ​മേ​റി​യ​വ​നാ​യും കൂടുതൽ അധികാ​ര​മു​ള്ള​വ​നാ​യും വർണി​ക്കു​ക​യാ​യി​രു​ന്നു.”

“വാസ്‌തവം. പിതൃ​പ്ര​ധാ​ന്യം കൽപ്പി​ച്ചി​രുന്ന സമുദാ​യ​ത്തിൽ ജീവി​ച്ചി​രുന്ന യേശു​വി​ന്റെ ശ്രോ​താ​ക്ക​ളാ​യി​രുന്ന യഹൂദ​ന്മാർക്ക്‌ വിശേ​ഷി​ച്ചും അത്തര​മൊ​രു നിഗമ​ന​ത്തി​ലേ എത്തി​ച്ചേ​രാ​നാ​കു​മാ​യി​രു​ന്നു​ള്ളൂ” എന്നു സാക്ഷി ഉത്തരം​പ​റഞ്ഞു. പ്രസ്‌തുത ആശയം ഊന്നി​പ്പ​റ​ഞ്ഞു​കൊണ്ട്‌ സാക്ഷി ഇങ്ങനെ ഉപസം​ഹ​രി​ച്ചു: “തുല്യ​ത​യെ​ക്കു​റി​ച്ചു പഠിപ്പി​ക്കാൻ അത്തരം ഉചിത​മായ ദൃഷ്ടാന്തം—സഹോ​ദ​ര​ന്മാ​രു​ടെ​യോ ഒരേ​പോ​ലി​രി​ക്കുന്ന ഇരട്ടക​ളു​ടെ​യോ—നാം ഉപയോ​ഗി​ക്കു​ന്നെ​ങ്കിൽ, തീർച്ച​യാ​യും മഹദ്‌ഗു​രു​വായ യേശു​വി​നും അങ്ങനെ ചെയ്യാ​നാ​കു​മാ​യി​രു​ന്നു. അതിനു​പ​കരം, താനും ദൈവ​വും തമ്മിലുള്ള ബന്ധം വർണി​ക്കാൻ ‘പിതാവ്‌,’ ‘പുത്രൻ’ എന്നീ പദങ്ങളാണ്‌ അവൻ ഉപയോ​ഗി​ച്ചത്‌.

അവസാനം, ബാർബ​റ​യ്‌ക്ക്‌ സംഗതി പിടി​കി​ട്ടി, അവർ അത്‌ അംഗീ​ക​രി​ച്ചു. പ്രേരണാ കലയി​ലൂ​ടെ അവരുടെ ഹൃദയ​ത്തിൽ എത്തി​ച്ചേ​രാൻ കഴിഞ്ഞു.

വികാ​രങ്ങൾ ഉൾപ്പെ​ട്ടി​രി​ക്കു​മ്പോൾ

രൂഢമൂ​ല​മാ​യി​രി​ക്കുന്ന മതവി​ശ്വാ​സ​ങ്ങൾക്ക്‌ പലപ്പോ​ഴും ഒരു വൈകാ​രിക വശമു​ണ്ടാ​യി​രി​ക്കും. തീക്ഷ്‌ണ​ത​യുള്ള ഒരു കത്തോ​ലിക്ക വിശ്വാ​സി​യായ എഡ്‌ന​യു​ടെ കാര്യ​മെ​ടു​ക്കുക. അവരുടെ കൗമാ​ര​പ്രാ​യ​ത്തി​ലുള്ള കൊച്ചു​മക്കൾ ദൈവ​വും യേശു​വും ഒരേ വ്യക്തി​യ​ല്ലെ​ന്ന​തി​നുള്ള വ്യക്തമായ തിരു​വെ​ഴു​ത്തു തെളി​വു​കൾ അവർക്കു കാണി​ച്ചു​കൊ​ടു​ത്തു. എഡ്‌ന​യ്‌ക്കു സംഗതി മനസ്സി​ലാ​കു​ക​യും ചെയ്‌തു. എന്നിട്ടും, അവർ ദയാപു​ര​സ്സ​ര​മെ​ങ്കി​ലും ദൃഢമാ​യി പറഞ്ഞു: “ഞാൻ പരിശുദ്ധ ത്രിത്വ​ത്തിൽത്തന്നെ വിശ്വ​സി​ക്കു​ന്നു.”

ഒരുപക്ഷേ, നിങ്ങൾക്കും അത്തരം അനുഭ​വ​മു​ണ്ടാ​യി​ട്ടു​ണ്ടാ​കാം. അനേക​രും തങ്ങളുടെ മതപഠി​പ്പി​ക്ക​ലു​കളെ തങ്ങളുടെ വ്യക്തി​ത്വ​ത്തി​ന്റെ​തന്നെ ഭാഗമാ​യി വീക്ഷി​ക്കു​ന്നു. അത്തരം ബൈബിൾ വിദ്യാർഥി​കളെ പ്രേരി​പ്പി​ക്കു​ന്ന​തിന്‌, വ്യക്തി​പ​ര​മാ​യി അവരെ സ്‌പർശി​ക്കാത്ത യുക്തി​യെ​ക്കാൾ, അല്ലെങ്കിൽ അവരുടെ വീക്ഷണം തെറ്റാ​ണെന്നു തെളി​യി​ക്കുന്ന ഒരു കൂട്ടം, തിരു​വെ​ഴു​ത്തു​ക​ളെ​ക്കാൾ അധികം ആവശ്യ​മാണ്‌. അത്തരം സ്ഥിതി​വി​ശേ​ഷ​ങ്ങളെ ഫലപ്ര​ദ​മാ​യി നേരി​ടാൻ പ്രേരണാ കലയും അനുക​മ്പ​യും സമനി​ല​യിൽ കൊണ്ടു​വ​രേ​ണ്ട​തുണ്ട്‌. (റോമർ 12:15-ഉം കൊ​ലൊ​സ്സ്യർ 3:12-ഉം താരത​മ്യം ചെയ്യുക.) ഫലപ്ര​ദ​നായ ഒരു അധ്യാ​പ​കന്‌ ശക്തമായ ബോധ്യ​മു​ണ്ടാ​യി​രി​ക്കണം എന്നതു ശരിതന്നെ. ഉദാഹ​ര​ണ​ത്തിന്‌, പൗലൊസ്‌ “എനിക്കു ബോധ്യ​മുണ്ട്‌,” “ഞാനറി​യു​ന്നു, കർത്താ​വായ യേശു​വിൽ പ്രേരി​പ്പി​ക്ക​പ്പെ​ട്ടു​മി​രി​ക്കു​ന്നു” എന്നിങ്ങ​നെ​യുള്ള പ്രയോ​ഗങ്ങൾ ഉപയോ​ഗി​ച്ചു. (റോമർ 8:38; 14:14, NW) എന്നിരു​ന്നാ​ലും, നമ്മുടെ ബോധ്യ​ങ്ങൾ പ്രകടി​പ്പി​ക്കു​മ്പോൾ, നാം കടും​പി​ടു​ത്ത​വും സ്വയനീ​തീ​ക​ര​ണ​വും ഒഴിവാ​ക്കണം. കൂടാതെ അവരുടെ വിശ്വാ​സ​ങ്ങളെ പരിഹ​സി​ക്കു​ക​യോ തരംതാ​ഴ്‌ത്തു​ക​യോ ചെയ്യു​ന്ന​മ​ട്ടിൽ ബൈബിൾ സത്യങ്ങൾ അവതരി​പ്പി​ക്ക​രുത്‌. വിദ്യാർഥി​യെ മുറി​വേൽപ്പി​ക്കാ​നോ ആക്ഷേപി​ക്കാ​നോ നാം തീർച്ച​യാ​യും ആഗ്രഹി​ക്കു​ക​യില്ല.—സദൃശ​വാ​ക്യ​ങ്ങൾ 12:18.

വിദ്യാർഥി​യു​ടെ വിശ്വാ​സ​ങ്ങ​ളോട്‌ ആദരവു​ണ്ടാ​യി​രി​ക്കു​ന്ന​തും അതു സൂക്ഷി​ക്കാ​നുള്ള അദ്ദേഹ​ത്തി​ന്റെ അവകാ​ശത്തെ അംഗീ​ക​രി​ക്കു​ന്ന​തും ഏറെ ഫലപ്ര​ദ​മാണ്‌. താഴ്‌മ​യാണ്‌ അതിനുള്ള താക്കോൽ. താഴ്‌മ​യുള്ള ഒരു അധ്യാ​പ​കന്‌ താൻ സഹജമാ​യി​ത്തന്നെ വിദ്യാർഥി​യെ​ക്കാൾ ശ്രേഷ്‌ഠ​നാ​ണെന്നു തോന്നു​ക​യില്ല. (ലൂക്കൊസ്‌ 18:9-14; ഫിലി​പ്പി​യർ 2:3, 4) ദൈവിക പ്രേര​ണ​യിൽ വാസ്‌ത​വ​ത്തിൽ ‘യഹോ​വ​യു​ടെ ദയയാൽ മനസ്സി​ലാ​ക്കി​യി​രി​ക്കുന്ന ഈ സംഗതി​കൾ ഞാൻ താങ്കളു​മാ​യി പങ്കു​വെ​ക്കട്ടെ’ എന്ന താഴ്‌മ​യോ​ടു​കൂ​ടിയ മനോ​നില ഉൾപ്പെ​ട്ടി​രി​ക്കു​ന്നു.

പൗലൊസ്‌ കൊരി​ന്തി​ലെ തന്റെ സഹക്രി​സ്‌ത്യാ​നി​കൾക്ക്‌ എഴുതി: “ഞങ്ങളുടെ പോരി​ന്റെ ആയുധ​ങ്ങ​ളോ ജഡികങ്ങൾ അല്ല, കോട്ട​കളെ ഇടിപ്പാൻ ദൈവ​സ​ന്നി​ധി​യിൽ ശക്തിയു​ള്ളവ തന്നേ. അവയാൽ ഞങ്ങൾ സങ്കല്‌പ​ങ്ങ​ളും ദൈവ​ത്തി​ന്റെ പരിജ്ഞാ​ന​ത്തി​ന്നു വിരോ​ധ​മാ​യി പൊങ്ങുന്ന എല്ലാ ഉയർച്ച​യും ഇടിച്ചു​ക​ളഞ്ഞു, ഏതു വിചാ​ര​ത്തെ​യും ക്രിസ്‌തു​വി​നോ​ടുള്ള അനുസ​ര​ണ​ത്തി​ന്നാ​യി​ട്ടു പിടി​ച്ച​ടക്കി.” (2 കൊരി​ന്ത്യർ 10:4, 5) ഇന്ന്‌, യഹോ​വ​യു​ടെ സാക്ഷികൾ കോട്ട​ക​ളെ​പ്പോ​ലെ ശക്തമായ വ്യാ​ജോ​പ​ദേ​ശ​ങ്ങ​ളും ദൈവത്തെ അപ്രീ​തി​പ്പെ​ടു​ത്തുന്ന രൂഢമൂ​ല​മായ ആചാര​ങ്ങ​ളും പ്രവണ​ത​ക​ളും ദൈവ​വ​ചനം ഉപയോ​ഗിച്ച്‌ ഇടിച്ചു​ക​ള​യു​ന്നു. (1 കൊരി​ന്ത്യർ 6:9-11) ഇതു ചെയ്യു​ന്ന​തിൽ, യഹോവ തങ്ങളോട്‌ സ്‌നേ​ഹ​പൂർവം ക്ഷമ പ്രകടി​പ്പി​ക്കു​ന്ന​താ​യി സാക്ഷികൾ അനുസ്‌മ​രി​ക്കു​ന്നു. തങ്ങൾക്ക്‌ അവന്റെ വചനമായ ബൈബിൾ ലഭിച്ചി​രി​ക്കു​ന്ന​തി​ലും വ്യാജ പഠിപ്പി​ക്ക​ലു​കൾ പിഴു​തെ​റിഞ്ഞ്‌ പ്രേരണാ കലയോ​ടെ ഹൃദയ​ത്തിൽ എത്തി​ച്ചേ​രാൻ ഈ ശക്തമായ ഉപകരണം ഉപയോ​ഗി​ക്കാൻ സാധി​ക്കു​ന്ന​തി​ലും അവരെത്ര സന്തുഷ്ട​രാണ്‌!

[അടിക്കു​റി​പ്പു​കൾ]

[23-ാം പേജിലെ ചതുരം]

വിദ്യാർഥിയുടെ ഹൃദയ​ത്തി​ലെ​ത്തി​ച്ചേരൽ

□ ബൈബിൾ വിദ്യാർഥി​യു​ടെ ഹൃദയ​ത്തിൽ എത്തി​ച്ചേ​രു​ന്ന​തിൽ യഹോ​വ​യു​ടെ മാർഗ​നിർദേ​ശ​ത്തി​നാ​യി പ്രാർഥി​ക്കുക.—നെഹെ​മ്യാ​വു 2:4, 5; യെശയ്യാ​വു 50:4.

□ വിദ്യാർഥി വിശ്വ​സി​ക്കു​ന്ന​തെ​ന്തെ​ന്നും ഒരു വ്യാജ വിശ്വാ​സം അയാൾക്ക്‌ ആകർഷ​ക​മാ​യി തോന്നു​ന്ന​തെ​ന്തു​കൊണ്ട്‌ എന്നും വിവേ​ചി​ക്കുക.—പ്രവൃ​ത്തി​കൾ 17:22, 23.

□ ദയയോ​ടും ക്ഷമയോ​ടും​കൂ​ടെ യുക്തി​സ​ഹ​വും തിരു​വെ​ഴു​ത്തു​പ​ര​വു​മായ വാദഗതി വികസി​പ്പി​ച്ചെ​ടു​ക്കുക, അതേസ​മയം അവരു​മാ​യി യോജി​ക്കാ​വുന്ന ഇടം നിലനിർത്തു​ക​യും ചെയ്യുക.—പ്രവൃ​ത്തി​കൾ 17:24-34.

□ സാധ്യ​മെ​ങ്കിൽ, ഫലപ്ര​ദ​മായ ദൃഷ്ടാ​ന്ത​ങ്ങ​ളോ​ടെ ബൈബിൾസ​ത്യം സ്ഥിരീ​ക​രി​ക്കുക.—മർക്കൊസ്‌ 4:33, 34.

□ ബൈബി​ളിൽനി​ന്നു സൂക്ഷ്‌മ​പ​രി​ജ്ഞാ​നം സ്വീക​രി​ക്കു​ന്ന​തു​കൊ​ണ്ടുള്ള പ്രയോ​ജ​നങ്ങൾ വിദ്യാർഥി​ക്കു കാണി​ച്ചു​കൊ​ടു​ക്കുക.—1 തിമൊ​ഥെ​യൊസ്‌ 2:3, 4; 2 തിമൊ​ഥെ​യൊസ്‌ 3:14, 15.