കുട്ടികൾ—‘യഹോവ നൽകുന്ന അവകാശം’

¹ “കുട്ടി​കൾക്ക്‌ ആവശ്യ​മായ സമയവും ശ്രദ്ധയും നൽകാ​ത്ത​പക്ഷം, മനുഷ്യ​രാ​ശി​യു​ടെ ഏറ്റവും അടിസ്ഥാ​ന​പ​ര​മായ ദീർഘ​കാല പ്രശ്‌ന​ങ്ങ​ളെ​ല്ലാം അടിസ്ഥാ​ന​പ​ര​മായ ദീർഘ​കാല പ്രശ്‌ന​ങ്ങ​ളാ​യി​ത്തന്നെ അവശേ​ഷി​ക്കും”—ഐക്യ​രാഷ്‌ട്ര ശിശു​ക്ഷേമ നിധി. 1999 ഏപ്രിൽ 8 ലക്കം ഉണരുക!യുടെ ആമുഖ ലേഖന പരമ്പര തുടങ്ങി​യത്‌ അങ്ങനെ​യാണ്‌. യഹോ​വ​യു​ടെ സാക്ഷി​ക​ളായ നാമെ​ല്ലാ​വ​രും ആ മാസിക സന്തോ​ഷ​പൂർവം വിതരണം ചെയ്യു​ന്ന​തി​ലും ലോക​ത്തി​ലെ കുട്ടി​ക​ളു​ടെ ഇന്നത്തെ ദുരവസ്ഥ എടുത്തു​കാ​ണി​ക്കു​ന്ന​തി​ലും പങ്കെടു​ത്തു.

² ആ ആഗോള പ്രചാരണ പരിപാ​ടി​യിൽ പങ്കെടുത്ത ദൈവ​ജ​ന​ത്തി​ലെ ക്രിസ്‌തീയ മാതാ​പി​താ​ക്കൾ വിശേ​ഷാൽ അതീവ സന്തുഷ്ടർ ആയിരു​ന്നി​രി​ക്കണം. കുട്ടി​കളെ നല്ല രീതി​യിൽ വളർത്തു​ന്നതു സംബന്ധിച്ച മികച്ച ബൈബി​ള​ധിഷ്‌ഠിത ബുദ്ധി​യു​പ​ദേ​ശ​ത്തിൽ നിന്ന്‌ അവർ പ്രയോ​ജനം അനുഭ​വി​ച്ചി​രി​ക്കണം. മാത്രമല്ല, ഇക്കാര്യ​ത്തിൽ യഹോ​വ​യു​ടെ മാർഗങ്ങൾ മറ്റുള്ള​വർക്കു ശുപാർശ ചെയ്യു​ന്ന​തി​ലും അവർ മുൻനി​ര​യിൽ ആയിരു​ന്നി​രി​ക്കണം. പ്രചാരണ പരിപാ​ടി​യിൽ ദൈവ​ഭ​ക്തി​യുള്ള കുട്ടികൾ മുഴു​ഹൃ​ദ​യ​ത്തോ​ടെ പങ്കുപ​റ്റി​യത്‌ അവർക്കു ചെവി​കൊ​ടുത്ത സകലരി​ലും നിസ്സം​ശ​യ​മാ​യും മതിപ്പ്‌ ഉളവാ​ക്കി​യി​രി​ക്കണം.—സദൃ. 1:8, 9.

³ യോഗ​ങ്ങ​ളിൽ സംബന്ധി​ക്കു​ന്നത്‌ കുട്ടി​കൾക്കു വളരെ​യ​ധി​കം പ്രയോ​ജനം ചെയ്യുന്നു. ക്രിസ്‌തീയ സഭയിൽ മഹാ പ്രബോ​ധ​ക​നായ യഹോ​വ​യാൽ പഠിപ്പി​ക്ക​പ്പെ​ടു​ക​യെന്ന പദവി അവർക്കുണ്ട്‌. മഹാ ഗുരു​വായ യേശു​ക്രിസ്‌തു​വി​നെ ശ്രദ്ധി​ക്കു​ക​വഴി, അവന്റെ കാൽച്ചു​വ​ടു​കൾ പിൻപ​റ്റാൻ അവർക്കു സഹായം ലഭിക്കു​ന്നു. സർവോ​പരി, യുവജ​ന​ങ്ങൾക്കും—പ്രത്യേ​കിച്ച്‌ കൗമാ​ര​പ്രാ​യ​ക്കാർക്ക്‌—അവരുടെ മാതാ​പി​താ​ക്കൾക്കും കാലോ​ചി​ത​മായ ബുദ്ധി​യു​പ​ദേശം നൽകി​ക്കൊണ്ട്‌ അവരെ സഹായി​ക്കു​ന്ന​തിന്‌ “വിശ്വസ്‌ത​നും വിവേ​കി​യു​മായ അടിമ​വർഗം” പ്രത്യേക ശ്രമം നടത്തുന്നു.

⁴ കുട്ടി​കളെ ആത്മീയ​മാ​യി തുടർന്നും സഹായി​ക്കാൻ മാതാ​പി​താ​ക്കൾക്ക്‌ എന്തു ചെയ്യാൻ കഴിയും? ലോക​ത്തി​ലെ കുട്ടികൾ പ്രതി​സ​ന്ധി​യിൽ ആണെന്ന​തും അവർക്ക്‌ യഥാർഥ സഹായം ആവശ്യ​മാ​ണെ​ന്ന​തും ശരിതന്നെ. എന്നാൽ, ലോക​ത്തി​ന്റെ സ്വാധീ​ന​ങ്ങ​ളിൽനി​ന്നു ക്രിസ്‌തീയ കുട്ടി​കൾക്കു പൂർവാ​ധി​കം സംരക്ഷണം ആവശ്യ​മാ​ണെ​ന്ന​തും ഒരു വസ്‌തു​ത​യാണ്‌. ഇക്കാര്യ​ത്തിൽ, പതിവായ കുടുംബ അധ്യയ​ന​ത്തി​നു പകരം നിൽക്കാൻ യാതൊ​ന്നു​മില്ല. നിങ്ങൾക്ക്‌ കുടുംബ അധ്യയനം ഇല്ലെങ്കിൽ അത്‌ ഇന്നുതന്നെ തുടങ്ങാൻ പ്രോ​ത്സാ​ഹി​പ്പി​ക്കു​ക​യാണ്‌. (സദൃ. 2:1-5) നമ്മുടെ കുട്ടി​കളെ വഴി​തെ​റ്റി​ക്കാൻ പിശാ​ചായ സാത്താൻ നടത്തുന്ന ശ്രമങ്ങൾക്കു മുന്നിൽ ബലിഷ്‌ഠ​രാ​യി​രി​ക്കാൻ അർഥവ​ത്തായ കുടുംബ അധ്യയ​ന​വും പതിവായ യോഗ​ഹാ​ജ​രും അവരെ സഹായി​ക്കും.—എഫെ. 6:11, 12, 16.

⁵ കുട്ടി​കളെ വളർത്തുന്ന കാര്യ​ത്തിൽ മാതാ​പി​താ​ക്കൾക്ക്‌ അനുപ​മ​മായ പദവി​യാ​ണു​ള്ളത്‌. നമ്മുടെ സ്വർഗീയ പിതാ​വായ യഹോ​വ​യാം ദൈവം അവർക്കു നൽകി​യി​രി​ക്കുന്ന ഒരു ദൈവിക ചുമത​ല​യാണ്‌ ആ പദവി. വാസ്‌ത​വ​ത്തിൽ, കൂടുതൽ സമയവും ശ്രമവും ആവശ്യ​മാ​യി​രി​ക്കുന്ന വലി​യൊ​രു ഉത്തരവാ​ദി​ത്വ​മാണ്‌ അത്‌. എന്നാൽ ഇപ്പോൾ അവർക്കാ​യി സമയവും ശ്രമവും ചെലവ​ഴി​ക്കു​ന്നെ​ങ്കിൽ, ആദരണീ​യ​രും ദിവ്യാ​ധി​പത്യ മനസ്‌ക​രു​മായ സ്‌ത്രീ​പു​രു​ഷ​ന്മാ​രാ​യി അവർ വളർന്നു​വ​രു​ന്നതു കാണാൻ സാധി​ക്കും, ക്രിസ്‌തീയ മാതാ​പി​താ​ക്കളെ സംബന്ധി​ച്ചി​ട​ത്തോ​ളം അത്‌ എത്ര പ്രതി​ഫ​ല​ദാ​യകം ആയിരി​ക്കും!—സങ്കീ. 127:3-5.