കൂടുതൽ തിക​വോ​ടെ സേവി​ക്കാൻ നിങ്ങൾ വാഞ്‌ഛി​ക്കു​ന്നു​ണ്ടോ?

“എനിക്കു യഹോ​വ​യോ​ടു ദേഷ്യ​മാ​യി​രു​ന്നു,” ലോറ പറയുന്നു. “പയനി​യ​റി​ങ്ങിൽ തുടരാൻ എനിക്കു കഴിയ​ത്ത​ക്ക​വണ്ണം ഞങ്ങളുടെ സാമ്പത്തിക പ്രശ്‌നം പരിഹ​രി​ച്ചു തരാൻ ഞാൻ അവനോട്‌ ഇടവി​ടാ​തെ പ്രാർഥി​ച്ചെ​ങ്കി​ലും ഫലമു​ണ്ടാ​യില്ല. ഒടുവിൽ എനിക്കു പയനിയർ സേവനം നിർത്തേ​ണ്ടി​വന്നു. പയനിയർ സേവനം തുടരാൻ കഴിഞ്ഞ​വ​രോട്‌ എനിക്ക്‌ അസൂയ തോന്നി​യെ​ന്നും പറയാതെ തരമില്ല.”

യഹോ​വ​യു​ടെ സാക്ഷി​ക​ളു​ടെ ഒരു സഭയിൽ ശുശ്രൂ​ഷാ​ദാ​സ​നായ മൈക്ക​ളി​ന്റെ കാര്യ​വും പരിചി​ന്തി​ക്കുക. അദ്ദേഹം മേൽവി​ചാ​ര​ക​സ്ഥാ​നം എത്തിപ്പി​ടി​ക്കാൻ ശ്രമി​ക്കു​ക​യാ​യി​രു​ന്നു. (1 തിമൊ​ഥെ​യൊസ്‌ 3:1) പല വർഷങ്ങ​ളാ​യി​ട്ടും തന്റെ ആഗ്രഹം സഫലമാ​കാ​തെ പോയ​തിൽ നീരസം​പൂണ്ട്‌, അദ്ദേഹം തനിക്കു മേലാൽ ആ പദവി വേണ്ടന്നു​വെച്ചു. “വീണ്ടും നിരാ​ശ​യു​ടെ പടുകു​ഴി​യിൽ വീഴു​ന്ന​തി​ലെ വേദന എനിക്കു സഹിക്കാ​വ​താ​യി​രു​ന്നില്ല,” അദ്ദേഹം പറയുന്നു.

നിങ്ങൾക്കു സമാന​മായ അനുഭവം ഉണ്ടായി​ട്ടു​ണ്ടോ? പ്രിയ​പ്പെട്ട ഒരു ദിവ്യാ​ധി​പത്യ പദവി പരിത്യ​ജി​ക്കേ​ണ്ടി​വ​ന്നി​ട്ടു​ണ്ടോ? ഉദാഹ​ര​ണ​ത്തിന്‌, ഒരു പയനിയർ—ഒരു മുഴു​സമയ രാജ്യ പ്രഘോ​ഷകൻ—എന്ന നിലയി​ലുള്ള സേവനം നിങ്ങൾക്കു നിർത്തേണ്ടി വന്നിട്ടു​ണ്ടോ? അതോ മറ്റുള്ള​വരെ ഏൽപ്പി​ച്ചി​രി​ക്കുന്ന ചില സഭാ ഉത്തരവാ​ദി​ത്വ​ങ്ങൾ നിങ്ങൾ കാംക്ഷി​ക്കു​ന്നു​ണ്ടോ? ഒരുപക്ഷേ ബെഥേ​ലി​ലോ മിഷന​റി​യെന്ന നിലയി​ലോ സേവി​ക്കാൻ നിങ്ങൾ അതിയാ​യി ആഗ്രഹി​ക്കു​ന്നു​ണ്ടാ​വാം. എന്നാൽ നിങ്ങളു​ടെ സാഹച​ര്യം അതിന്‌ അനുവ​ദി​ക്കു​ന്നി​ല്ലാ​യി​രി​ക്കാം.

“ആശാവി​ളം​ബനം ഹൃദയത്തെ ക്ഷീണി​പ്പി​ക്കു​ന്നു” എന്നു സദൃശ​വാ​ക്യ​ങ്ങ​ളു​ടെ പുസ്‌തകം സമ്മതിച്ചു പറയുന്നു. (സദൃശ​വാ​ക്യ​ങ്ങൾ 13:12) നിങ്ങൾ ആഗ്രഹി​ച്ചി​രുന്ന പദവി മറ്റൊ​രാൾക്കു ലഭിക്കു​മ്പോൾ അതു പ്രത്യേ​കി​ച്ചും അങ്ങനെ​തന്നെ. അത്തരം നിരാശ അനുഭ​വി​ക്കു​ന്ന​വർക്കു ദൈവ​വ​ചനം ഉൾക്കാ​ഴ്‌ച​യും സാന്ത്വ​ന​വും പ്രത്യാ​ശ​യും പ്രദാനം ചെയ്യു​ന്നു​ണ്ടോ? തീർച്ച​യാ​യും. വാസ്‌ത​വ​ത്തിൽ, 84-ാം സങ്കീർത്തനം യഹോ​വ​യു​ടെ സേവന​ത്തിൽ സഫലമാ​കാഞ്ഞ ആഗ്രഹം പേറി​യി​രുന്ന ഒരു ദൈവ​ദാ​സന്റെ ഭാവ​പ്ര​ക​ട​ന​മാണ്‌.

ഒരു ലേവ്യന്റെ വിലമ​തിപ്പ്‌

യഹോ​വ​യു​ടെ ആലയത്തിൽ സേവി​ച്ചി​രുന്ന കോരഹ്‌ പുത്ര​ന്മാ​രായ ലേവ്യ​രാ​യി​രു​ന്നു 84-ാം സങ്കീർത്തനം രചിച്ചത്‌. അവർ തങ്ങളുടെ സേവന പദവികൾ അങ്ങേയറ്റം വിലമ​തി​ക്കു​ക​യും ചെയ്‌തി​രു​ന്നു. “സൈന്യ​ങ്ങ​ളു​ടെ യഹോവേ, തിരു​നി​വാ​സം എത്ര മനോ​ഹരം!” എന്ന്‌ അവരി​ലൊ​രാൾ ഉദ്‌ഘോ​ഷി​ക്കു​ന്നു. “എന്റെ ഉള്ളം യഹോ​വ​യു​ടെ പ്രാകാ​ര​ങ്ങളെ വാഞ്‌ഛി​ച്ചു മോഹി​ച്ചു​പോ​കു​ന്നു; എന്റെ ഹൃദയ​വും എന്റെ മാംസ​വും ജീവനുള്ള ദൈവത്തെ നോക്കി ഘോഷി​ക്കു​ന്നു.”—സങ്കീർത്തനം 84:1, 2.

യഹോ​വ​യു​ടെ ആലയത്തിൽ സേവി​ക്കു​ന്ന​തിന്‌ ആ ലേവ്യ​നു​ണ്ടാ​യി​രുന്ന വാഞ്‌ഛ നിമിത്തം യെരൂ​ശ​ലേ​മി​ലേ​ക്കുള്ള വഴിയി​ലെ ഏതൊരു കാഴ്‌ച​യും അവന്‌ ആകർഷ​ക​മാ​യി തോന്നി. “ബാക്കാ​ത്താ​ഴ്‌വ​ര​യി​ലൂ​ടെ കടന്നു​പോ​കു​മ്പോൾ അവർ അതിനെ നീരു​റ​വ​ക​ളു​ടെ താഴ്‌വ​ര​യാ​ക്കു​ന്നു,” അവൻ പറഞ്ഞു. (സങ്കീർത്തനം 84:6, പി.ഒ.സി. ബൈബിൾ) അതേ, സ്വതവേ ഉണങ്ങി​വരണ്ട പ്രദേശം അവന്റെ മനസ്സിൽ നല്ല നീരോ​ട്ട​മു​ള്ള​യി​ടം മാതി​രി​യാ​യി​രു​ന്നു.

ആ സങ്കീർത്ത​ന​ക്കാ​രൻ പുരോ​ഹിത പദവി​യി​ല്ലാത്ത ലേവ്യ​നാ​യി​രു​ന്ന​തി​നാൽ ആറു മാസത്തിൽ ഒരാഴ്‌ച​വീ​തമേ ആലയത്തിൽ അവനു സേവന​മ​നു​ഷ്‌ഠി​ക്കാൻ കഴിയു​മാ​യി​രു​ന്നു​ള്ളൂ. (1 ദിനവൃ​ത്താ​ന്തം 24:1-19; 2 ദിനവൃ​ത്താ​ന്തം 23:8; ലൂക്കൊസ്‌ 1:5, 8, 9) ശിഷ്ടസ​മയം അവൻ ലേവ്യ​ന​ഗ​ര​ങ്ങ​ളി​ലൊ​ന്നി​ലുള്ള വീട്ടിൽ ചെലവ​ഴി​ച്ചു. അതു​കൊണ്ട്‌ അവൻ ഇങ്ങനെ പാടി: “കുരി​കിൽ ഒരു വീടും, മീവൽപക്ഷി കുഞ്ഞു​ങ്ങൾക്കു ഒരു കൂടും കണ്ടെത്തി​യി​രി​ക്കു​ന്നു; എന്റെ രാജാ​വും എന്റെ ദൈവ​വു​മായ സൈന്യ​ങ്ങ​ളു​ടെ യഹോവേ, നിന്റെ യാഗപീ​ഠ​ങ്ങളെ തന്നെ.” (സങ്കീർത്തനം 84:3) ആലയത്തിൽ ഏറെ സുസ്ഥി​ര​മായ വാസസ്ഥാ​നം കണ്ടെത്തിയ പക്ഷിക​ളെ​പ്പോ​ലെ​യാ​യി​രു​ന്നെ​ങ്കിൽ ആ ലേവ്യൻ എത്ര സന്തുഷ്ട​നാ​യി​രു​ന്നേനേ!

ആലയത്തിൽ കൂടെ​ക്കൂ​ടെ സേവി​ക്കാൻ കഴിയാ​ഞ്ഞ​തിൽ ആ ലേവ്യന്‌ എളുപ്പം നീരസം തോന്നാ​മാ​യി​രു​ന്നു. എന്നാൽ, തന്നാലാ​കു​ന്ന​തു​പോ​ലെ സേവന​മ​നു​ഷ്‌ഠി​ക്കു​ന്ന​തിൽ അവൻ സന്തുഷ്ട​നാ​യി​രു​ന്നു. മാത്രമല്ല, യഹോ​വ​യോ​ടുള്ള ഹൃദയം​ഗ​മ​മായ ഭക്തിക്കു തക്ക മൂല്യ​മു​ണ്ടെന്ന്‌ അവൻ തീർച്ച​യാ​യും തിരി​ച്ച​റി​ഞ്ഞു. തന്റെ സേവന പദവി​ക​ളിൽ തൃപ്‌ത​നാ​യി​രി​ക്കാൻ ആ വിശ്വസ്‌ത ലേവ്യനെ സഹായി​ച്ച​തെ​ന്താണ്‌?

തൃപ്‌തി​യ​ട​യാൻ പഠിക്കുക

“നിന്റെ പ്രാകാ​ര​ങ്ങ​ളിൽ കഴിക്കുന്ന ഒരു ദിവസം വേറെ ആയിരം ദിവസ​ത്തെ​ക്കാൾ ഉത്തമമ​ല്ലോ,” ആ ലേവ്യൻ പറയുന്നു. “ദുഷ്ടന്മാ​രു​ടെ കൂടാ​ര​ങ്ങ​ളിൽ പാർക്കു​ന്ന​തി​നെ​ക്കാൾ എന്റെ ദൈവ​ത്തി​ന്റെ ആലയത്തിൽ വാതിൽകാ​വ​ല്‌ക്കാ​ര​നാ​യി​രി​ക്കു​ന്നതു എനിക്കു ഏറെ ഇഷ്ടം.” (സങ്കീർത്തനം 84:10) യഹോ​വ​യു​ടെ ഭവനത്തിൽ ഒരു ദിവസം ചെലവ​ഴി​ക്കു​ന്ന​തു​പോ​ലും അമൂല്യ പദവി​യാ​ണെന്ന്‌ അവൻ മനസ്സി​ലാ​ക്കി. ആ ലേവ്യന്‌ ഒരു ദിവസ​മൊ​ന്നു​മല്ല ആലയത്തിൽ സേവി​ക്കാൻ കഴിഞ്ഞത്‌. തന്റെ പദവി​ക​ളിൽ തൃപ്‌ത​നായ അവൻ സന്തോ​ഷ​ത്താൽ മതിമ​റന്നു പാടി.

നമ്മെ സംബന്ധി​ച്ചോ? നാം നമ്മുടെ അനു​ഗ്ര​ഹ​ങ്ങളെ വിലമ​തി​ക്കു​ന്നു​ണ്ടോ? അതോ യഹോ​വ​യു​ടെ സേവന​ത്തിൽ ഇപ്പോൾതന്നെ നമുക്കുള്ള പദവികൾ മറക്കാൻ നാം പ്രവണത കാട്ടു​ന്നു​വോ? യഹോ​വ​യു​ടെ ജനത്തിന്‌ അവനോ​ടുള്ള ഭക്തി നിമിത്തം, അവൻ അവരെ പലവി​ധ​ത്തി​ലുള്ള പദവി​ക​ളും കർത്തവ്യ​ങ്ങ​ളും ഏൽപ്പി​ച്ചി​രി​ക്കു​ന്നു. മേൽവി​ചാ​രണ, ഇടയവേല, പഠിപ്പി​ക്കൽ എന്നിവ​യും മുഴു​സമയ സേവന​ത്തി​ന്റെ വിവിധ സവി​ശേ​ഷ​ത​ക​ളും അവയിൽ ഉൾപ്പെ​ടും. യഹോ​വ​യു​ടെ ആരാധ​ന​യു​മാ​യി ബന്ധപ്പെട്ട മറ്റു വില​യേ​റിയ സംഗതി​ക​ളും അതിൽ ഉൾപ്പെ​ടു​ന്നുണ്ട്‌.

ക്രിസ്‌തീ​യ ശുശ്രൂഷ ഉദാഹ​ര​ണ​മാ​യെ​ടു​ക്കാം. പൗലൊസ്‌ അപ്പോ​സ്‌തലൻ നമ്മുടെ സുവാർത്താ​പ്ര​സം​ഗത്തെ ‘മൺപാ​ത്ര​ങ്ങ​ളി​ലെ നിക്ഷേപ’ത്തോടു സാമ്യ​പ്പെ​ടു​ത്തി. (2 കൊരി​ന്ത്യർ 4:7) അത്തരം സേവനത്തെ വില​യേ​റിയ നിക്ഷേ​പ​മാ​യി നിങ്ങൾ വീക്ഷി​ക്കാ​റു​ണ്ടോ? രാജ്യ​പ്ര​സം​ഗ​പ്ര​വർത്ത​ന​ത്തി​നു നേതൃ​ത്വം വഹിച്ച യേശു​ക്രി​സ്‌തു അതിനെ അങ്ങനെ​യാ​ണു വീക്ഷി​ച്ചത്‌. അങ്ങനെ അവൻ മാതൃ​ക​യേകി. (മത്തായി 4:17) “ഞങ്ങൾക്ക്‌ ഈ ശുശ്രൂഷ ഉള്ളതു​കൊണ്ട്‌ . . . ഞങ്ങൾ പിന്മാ​റു​ന്നില്ല,” പൗലൊസ്‌ പറഞ്ഞു.—2 കൊരി​ന്ത്യർ 4:1, NW.

ക്രിസ്‌തീ​യ യോഗ​ങ്ങ​ളും നിസ്സാ​ര​മാ​യി കാണരു​താത്ത പവി​ത്ര​മായ കരുത​ലാണ്‌. യോഗ​ങ്ങ​ളിൽ നാം ജീവത്‌പ്ര​ധാ​ന​മായ പ്രബോ​ധനം സ്വീക​രി​ക്കു​ക​യും ആവശ്യ​മായ സഹവാസം ആസ്വദി​ക്കു​ക​യും ചെയ്യുന്നു. ക്രമമാ​യി ഉത്തരം പറയു​ക​യും മറ്റു വിധങ്ങ​ളിൽ പരിപാ​ടി​ക​ളിൽ പങ്കെടു​ക്കു​ക​യും ചെയ്‌തു​കൊ​ണ്ടു യോഗ​ങ്ങ​ളിൽ നമുക്കു നമ്മുടെ വിശ്വാ​സ​ത്തി​ന്റെ​യും പ്രത്യാ​ശ​യു​ടെ​യും പരസ്യ​പ്ര​ക​ട​ന​വും നടത്താ​നാ​കും. (എബ്രായർ 10:23-25) നമ്മുടെ യോഗങ്ങൾ തീർച്ച​യാ​യും വിലമ​തി​ക്കത്തക്ക കരുതൽത്തന്നെ!

നേരത്തെ സൂചി​പ്പിച്ച മൈക്കൾ ഈ കരുത​ലു​കൾ അത്യന്തം മൂല്യ​മു​ള്ള​താ​യി കരുതു​ക​യും അവയെ ആഴമായി വിലമ​തി​ക്കു​ക​യും ചെയ്‌തു. എന്നാൽ മൂപ്പനാ​യി സേവി​ക്കാൻ കഴിയാ​ഞ്ഞ​തി​ലുള്ള നിരാശ അവയോ​ടുള്ള അദ്ദേഹ​ത്തി​ന്റെ വിലമ​തി​പ്പി​നെ താത്‌കാ​ലി​ക​മാ​യി കുറച്ചു. വീണ്ടും അവയിൽ ശ്രദ്ധ​കേ​ന്ദ്രീ​ക​രി​ക്കു​ക​വഴി തന്റെ സന്തുലി​താ​വസ്ഥ വീണ്ടെ​ടു​ക്കാ​നും യഹോ​വ​യ്‌ക്കാ​യി ക്ഷമാപൂർവം കാത്തി​രി​ക്കാ​നും അദ്ദേഹ​ത്തി​നു കഴിഞ്ഞു.

ഒരു പ്രത്യേക പദവി ലഭിക്കാ​ത്ത​തിൽ അതൃപ്‌തി തോന്നു​ന്ന​തി​നു പകരം യഹോവ നമ്മെ അനു​ഗ്ര​ഹി​ക്കുന്ന വിധങ്ങ​ളെ​ക്കു​റി​ച്ചു പുനഃ​പ​രി​ശോ​ധന നടത്തു​ന്നത്‌ ഉചിത​മാ​യി​രി​ക്കും. സങ്കീർത്ത​ന​ക്കാ​രൻ അതാണു ചെയ്‌തത്‌.a നാം വളരെ​യൊ​ന്നും കാണു​ന്നി​ല്ലെ​ങ്കിൽ വീണ്ടും നോ​ക്കേ​ണ്ട​തുണ്ട്‌. നമ്മുടെ പദവി​ക​ളും അവൻ നമ്മെ അനു​ഗ്ര​ഹി​ക്കു​ക​യും അവന്റെ സ്‌തു​തി​ക്കാ​യി നമ്മെ ഉപയോ​ഗി​ക്കു​ക​യും ചെയ്യുന്ന വിധങ്ങ​ളും കാണേ​ണ്ട​തി​നു നമ്മുടെ കണ്ണുകൾ തുറക്കാ​നാ​യി യഹോ​വ​യോട്‌ അപേക്ഷി​ക്കേ​ണ്ട​തുണ്ട്‌.—സദൃശ​വാ​ക്യ​ങ്ങൾ 10:22.

മേൽവി​ചാ​രക സ്ഥാനം പോലുള്ള പ്രത്യേക പദവി​കൾക്കു നിർദിഷ്ട യോഗ്യ​തകൾ ആവശ്യ​മാ​ണെന്നു തിരി​ച്ച​റി​യു​ന്നതു പ്രധാ​ന​മാണ്‌. (1 തിമൊ​ഥെ​യൊസ്‌ 3:1-7; തീത്തൊസ്‌ 1:5-9) അതു​കൊണ്ട്‌, നാം ആത്മപരി​ശോ​ധന നടത്തേ​ണ്ട​തുണ്ട്‌. പുരോ​ഗതി ആവശ്യ​മാ​യി​രി​ക്കുന്ന ഏതെങ്കി​ലും വശങ്ങളു​ണ്ടോ എന്നു പരി​ശോ​ധി​ച്ചു​കൊണ്ട്‌ പുരോ​ഗ​മി​ക്കു​ന്ന​തിന്‌ ആത്മാർഥ ശ്രമം ചെലു​ത്തു​ക​യും ചെയ്യണം.—1 തിമൊ​ഥെ​യൊസ്‌ 4:12-15.

നിരു​ത്സാ​ഹ​പ്പെ​ട​രുത്‌

നമുക്ക്‌ ഒരു പ്രത്യേക സേവന​പ​ദവി ലഭിക്കു​ന്നി​ല്ലെ​ങ്കിൽ, അതു ലഭിച്ചി​രി​ക്കു​ന്ന​വ​രോ​ടു യഹോ​വ​യ്‌ക്കു കൂടുതൽ സ്‌നേ​ഹ​മു​ണ്ടെ​ന്നോ നമ്മിൽനിന്ന്‌ അവൻ നന്മ പിടി​ച്ചു​വെ​ക്കു​ക​യാ​ണെ​ന്നോ നിഗമനം ചെയ്യേ​ണ്ട​തില്ല. മറ്റുള്ളവർ അനർഹ​മാ​യി, ദിവ്യാ​ധി​പത്യ നിയമ​ന​ത്തി​നു പകരം മാനുഷ പക്ഷപാതം നിമിത്തം ആ പദവികൾ നേടി​യി​രി​ക്കു​ന്നു​വെന്നു നാം ഒരിക്ക​ലും ഈർഷ്യാ​പൂർവം ഊഹി​ക്ക​രുത്‌. അത്തരം ആശയങ്ങളെ ഊട്ടി​വ​ളർത്തു​ന്നത്‌ അസൂയ​യ്‌ക്കോ മത്സരത്തി​നോ വഴിച്ചാ​ലി​ട്ടേ​ക്കാം. അതുമല്ല, നാം ശ്രമം ഉപേക്ഷി​ക്കാൻപോ​ലും അത്‌ ഇടവരു​ത്തി​യേ​ക്കാം.—1 കൊരി​ന്ത്യർ 3:3; യാക്കോബ്‌ 3:14-16.

തുടക്ക​ത്തിൽ പരാമർശിച്ച ലോറ തളർന്നു പിൻമാ​റി​യില്ല. കോപം, അസൂയ എന്നീ വികാ​ര​ങ്ങളെ അവൾ ഒടുവിൽ നിയ​ന്ത്ര​ണ​ത്തി​ലാ​ക്കി. പയനി​യ​റിങ്‌ ചെയ്യാ​നാ​വാ​ത്തതു നിമിത്തം ഉടലെ​ടുത്ത നിഷേ​ധാ​ത്മക പ്രതി​ക​ര​ണത്തെ തരണം​ചെ​യ്യാൻ സഹായി​ക്കു​ന്ന​തി​നു ലോറ ദൈവ​ത്തോട്‌ ആവർത്തി​ച്ചു പ്രാർഥി​ച്ചു. സഭയിലെ യോഗ്യ​ത​യുള്ള പുരു​ഷ​ന്മാ​രിൽനി​ന്നും അവൾ സഹായം തേടി. ദൈവ​സ്‌നേ​ഹ​ത്തെ​ക്കു​റിച്ച്‌ അവൾക്കു വീണ്ടും ഉറപ്പു​തോ​ന്നി. “യഹോവ എനിക്കു മനസ്സമാ​ധാ​ന​മേകി. എനിക്കും ഭർത്താ​വി​നും ഇപ്പോൾ പയനി​യ​റിങ്‌ ചെയ്യാൻ കഴിയു​ന്നി​ല്ലെ​ങ്കി​ലും പയനി​യ​റിങ്‌ ചെയ്‌തി​രുന്ന നാളു​ക​ളി​ലെ ഓർമ​കളെ ഞങ്ങൾ താലോ​ലി​ക്കു​ന്നു. ഞങ്ങൾക്കു​ണ്ടായ അനുഭ​വ​ങ്ങ​ളിൽനി​ന്നു ശക്തി​നേ​ടു​ന്നു. കൂടാതെ ഞങ്ങളുടെ, വളർച്ച​യെ​ത്തിയ പുത്രനെ പയനി​യ​റിങ്‌ ചെയ്യാൻ ഞങ്ങൾ സഹായി​ക്കു​ന്നുണ്ട്‌.” ലോറ​യ്‌ക്ക്‌ ഇപ്പോൾ തൃപ്‌തി​യോ​ടെ, പയനിയർ സേവന​ത്തിൽ “സന്തോ​ഷി​ക്കു​ന്ന​വ​രോ​ടു​കൂ​ടെ സന്തോഷി”ക്കാൻ കഴിയു​ന്നു.—റോമർ 12:15.

എത്തിപ്പി​ടി​ക്കാ​വുന്ന ലാക്കുകൾ വെക്കുക

ഇപ്പോ​ഴുള്ള സേവന പദവി​ക​ളിൽ തൃപ്‌ത​രാ​യി​രി​ക്കുക എന്നതിന്റെ അർഥം കൂടുതൽ ദിവ്യാ​ധി​പത്യ ലാക്കുകൾ വെക്കു​ന്നതു നിർത്ത​ണ​മെന്നല്ല. സ്വർഗീയ പുനരു​ത്ഥാ​ന​ത്തെ​ക്കു​റി​ച്ചു ചർച്ച ചെയ്യവെ, ‘മുമ്പി​ലു​ള്ള​തി​നാ​യി ആഞ്ഞു​കൊ​ണ്ടി’രിക്കു​ന്ന​തി​നെ​ക്കു​റി​ച്ചു പൗലൊസ്‌ പറഞ്ഞു. “നാം ഏതളവു​വരെ പുരോ​ഗതി നേടി​യി​രി​ക്കു​ന്നു​വോ, നമുക്ക്‌ അതേ ക്രമത്തിൽ നിഷ്‌ഠ​യോ​ടെ നടക്കു​ന്ന​തിൽ തുടരാം” എന്നും അവൻ പറഞ്ഞു. (ഫിലി​പ്പി​യർ 3:13-16, NW) മുന്നി​ലേക്ക്‌ ആഞ്ഞു​കൊ​ണ്ടി​രി​ക്കാൻ ദിവ്യാ​ധി​പത്യ ലാക്കു​കൾക്കു നമ്മെ സഹായി​ക്കാൻ കഴിയും. എന്നാൽ, അവയെ വാസ്‌ത​വി​ക​മാ​ക്കി നിർത്തു​ന്ന​താ​ണു വെല്ലു​വി​ളി.

വാസ്‌ത​വി​ക ലാക്കുകൾ ന്യായ​യു​ക്ത​വും എത്തിപ്പി​ടി​ക്കാ​വു​ന്ന​തു​മാണ്‌. (ഫിലി​പ്പി​യർ 4:5) വർഷങ്ങ​ളോ​ളം നീണ്ടു​നിൽക്കുന്ന, കഠിനാ​ധ്വാ​നം ആവശ്യ​മാ​യി​രി​ക്കുന്ന ലാക്ക്‌ വാസ്‌ത​വി​ക​മ​ല്ലെന്ന്‌ ഇതിനർഥ​മില്ല. കൊച്ചു കൊച്ചു ലാക്കുകൾ വെച്ചു​കൊണ്ട്‌ അഥവാ പടികൾ സ്വീക​രി​ച്ചു​കൊ​ണ്ടു ദീർഘ​കാ​ലം നിലനിൽക്കുന്ന ലക്ഷ്യം ക്രമേണ നേടി​യെ​ടു​ക്കാ​വു​ന്ന​താണ്‌. ആത്മീയ പുരോ​ഗ​തി​ക്കുള്ള അടയാ​ള​ങ്ങ​ളാ​യി ഇവ ഉതകുന്നു. ഓരോ പടിയും വിജയ​പ്ര​ദ​മാ​യി ചെയ്‌തു​തീർക്കു​മ്പോൾ അവ നിരാ​ശ​യ്‌ക്കു പകരം തൃപ്‌തി​യേ​കും.

നല്ല സമനില

എങ്കിലും, ചില പദവികൾ ലഭിക്കാ​തെ പോകു​ന്നതു നമ്മുടെ സാഹച​ര്യ​ങ്ങ​ളും പരിമി​തി​ക​ളും നിമി​ത്ത​മാ​ണെന്നു തിരി​ച്ച​റി​യു​ന്നതു പ്രധാ​ന​മാണ്‌. അവ ലാക്കാ​ക്കു​ന്നതു നിരാ​ശ​യി​ലേ​ക്കും ഇച്ഛാഭം​ഗ​ത്തി​ലേ​ക്കും നയിക്കും. അത്തരം ലാക്കുകൾ ഇപ്പോൾ വയ്‌ക്കേ​ണ്ട​തില്ല. ദൈവിക സംതൃ​പ്‌തി​ക്കാ​യി പ്രാർഥി​ക്കു​ക​യും യഹോ​വ​യു​ടെ ഇഷ്ടം ചെയ്യു​ന്നതു നമ്മുടെ മുഖ്യ താത്‌പ​ര്യ​മാ​ക്കു​ക​യും ചെയ്യു​ന്ന​പക്ഷം അതു ബുദ്ധി​മു​ട്ടുള്ള കാര്യ​മാ​യി​രി​ക്കു​ക​യില്ല. പദവി​കൾക്കാ​യി എത്തിപ്പി​ടി​ക്കു​മ്പോൾ യഹോ​വ​യു​ടെ മഹത്ത്വ​മാ​ണു മുഖ്യം, അല്ലാതെ നമ്മുടെ വ്യക്തി​പ​ര​മായ നേട്ടങ്ങൾക്കുള്ള അംഗീ​കാ​രമല്ല. (സങ്കീർത്തനം 16:5, 6; മത്തായി 6:33) “നിന്റെ പ്രവൃ​ത്തി​കളെ യഹോ​വെക്കു സമർപ്പിക്ക; എന്നാൽ നിന്റെ ഉദ്ദേശങ്ങൾ സാധി​ക്കും” എന്നു ബൈബിൾ യഥോ​ചി​തം നമ്മോടു പറയുന്നു.—സദൃശ​വാ​ക്യ​ങ്ങൾ 16:3.

സേവന​പ​ദ​വി​ക​ളു​ടെ കാര്യ​ത്തിൽ സങ്കീർത്ത​ന​ക്കാ​രൻ അത്തര​മൊ​രു മനോ​ഭാ​വം പ്രകട​മാ​ക്കി​യ​താ​യും യഹോവ അവനെ സമൃദ്ധ​മാ​യി അനു​ഗ്ര​ഹി​ച്ച​താ​യും 84-ാം സങ്കീർത്തനം പരിചി​ന്തി​ക്കു​മ്പോൾ നമുക്കു കാണാൻ കഴിയു​ന്നു. കൂടാതെ, ഈ സങ്കീർത്തനം ഇന്നോളം യഹോ​വ​യു​ടെ ജനത്തിനു പ്രയോ​ജ​കീ​ഭ​വി​ക്കു​ന്ന​തിൽ തുടരു​ന്നു.

പ്രാർഥ​നാ​പൂർവം യഹോ​വ​യിൽ ആശ്രയി​ച്ചു​കൊണ്ട്‌, കൂടുതൽ സേവന​പ​ദ​വി​കൾക്കാ​യുള്ള നിങ്ങളു​ടെ വാഞ്‌ഛ​യും ഇപ്പോൾ ആസ്വദി​ക്കുന്ന പദവി​ക​ളിൽനി​ന്നു കിട്ടുന്ന സംതൃ​പ്‌തി​യും സമനി​ല​യിൽ നിർത്താൻ കഴിയും. കൂടുതൽ ചെയ്യാ​നുള്ള ആഗ്രഹം, നിങ്ങൾക്ക്‌ ഇപ്പോ​ഴുള്ള പദവി​ക​ളോ​ടുള്ള വിലമ​തി​പ്പി​നെ​യും യഹോ​വയെ എന്നേക്കും സേവി​ക്കു​ന്ന​തി​ലെ സന്തോ​ഷ​ത്തെ​യും കവർന്നു​ക​ള​യാ​തി​രി​ക്കട്ടെ. യഹോ​വ​യിൽ ആശ്രയി​ക്കുക. അതു സന്തോ​ഷ​ത്തിൽ കലാശി​ക്കും. ആ ലേവ്യന്റെ പിൻവ​രുന്ന വാക്കുകൾ അതാണു കാട്ടു​ന്നത്‌: “സൈന്യ​ങ്ങ​ളു​ടെ യഹോവേ, നിന്നിൽ ആശ്രയി​ക്കുന്ന മനുഷ്യൻ ഭാഗ്യ​വാൻ [“സന്തുഷ്ടൻ,” NW].”—സങ്കീർത്തനം 84:12.

[അടിക്കു​റി​പ്പു​കൾ]

[11-ാം പേജിലെ ചതുരം]

നമുക്കു വയ്‌ക്കാ​നാ​കുന്ന ലാക്കുകൾ

ദിവസേനയുള്ള ബൈബിൾ വായന.—യോശുവ 1:8; മത്തായി 4:4

തിരുവെഴുത്തുകളുടെ അഭ്യാ​സ​ത്താൽ ഇന്ദ്രി​യ​ങ്ങൾക്കു തഴക്കം വരുത്തൽ.—എബ്രായർ 5:14

ദൈവവുമായി ഉറ്റ ബന്ധം വളർത്തി​യെ​ടു​ക്കൽ.—സങ്കീർത്തനം 73:28

ആത്മാവിന്റെ ഫലങ്ങ​ളോ​രോ​ന്നും നട്ടുവ​ളർത്തൽ.—ഗലാത്യർ 5:22, 23

പ്രാർഥനയുടെ ഗുണം മെച്ച​പ്പെ​ടു​ത്തൽ.—ഫിലി​പ്പി​യർ 4:6, 7

പ്രസംഗ, പഠിപ്പി​ക്കൽ വേലയിൽ കൂടുതൽ ഫലപ്ര​ദ​രാ​യി​ത്തീ​രൽ.—1 തിമൊ​ഥെ​യൊസ്‌ 4:15, 16

വീക്ഷാഗോപുരത്തിന്റെയും ഉണരുക!യുടെ​യും ഓരോ ലക്കവും വായിച്ച്‌, ധ്യാനി​ക്കൽ.—സങ്കീർത്തനം 49:3

[9-ാം പേജിലെ ചിത്രം]

വ്യക്തിപരമായ ലാക്കുകൾ വെക്കു​മ്പോൾ ദൈ​വേഷ്ടം ചെയ്യു​ന്ന​തി​നു മുൻഗണന കൊടു​ക്കു​ക