യുവജ​നങ്ങൾ ചോദി​ക്കു​ന്നു . . .

ആരായി​രി​ക്കണം എന്റെ മാതൃ​കാ​പാ​ത്രം?

“ഒരു ബാസ്‌ക​റ്റ്‌ബോൾ കളിക്കാ​ര​നെന്ന നിലയിൽ അദ്ദേഹ​ത്തി​ന്റെ കഴിവ്‌ അപാരം​തന്നെ ആയിരു​ന്നു. എന്റെ സ്‌നേ​ഹി​തർക്കെ​ല്ലാം അദ്ദേഹം പ്രിയ​ങ്ക​ര​നാ​യി​രു​ന്നു. അദ്ദേഹ​മാ​യി​രു​ന്നു എന്റെ മാതൃ​കാ​പാ​ത്രം. അദ്ദേഹ​ത്തെ​പ്പോ​ലെ ആയിരി​ക്കാൻ, അദ്ദേഹ​ത്തി​നു​ള്ളത്‌ എനിക്കും ഉണ്ടായി​രി​ക്കാൻ ഞാൻ ആഗ്രഹി​ച്ചു.”—പിങ്‌ എന്ന ഒരു ഏഷ്യൻ യുവാവ്‌.

ആദരി​ക്ക​പ്പെ​ടുന്ന, അനുക​രി​ക്ക​പ്പെ​ടുന്ന ആളുകളെ മിക്ക​പ്പോ​ഴും മാതൃ​കാ​പാ​ത്രങ്ങൾ എന്നു വിളി​ക്കാ​റുണ്ട്‌. ഗ്രന്ഥകാ​രി​യായ ലിൻഡ നീൽസെൻ ഇങ്ങനെ അഭി​പ്രാ​യ​പ്പെട്ടു: “തങ്ങളു​ടേ​തി​നോ​ടു സമാന​മായ ചിന്താ​ഗതി ഉള്ളവരും തങ്ങൾ അതിയാ​യി ആഗ്രഹി​ക്കുന്ന ശ്രദ്ധയോ പ്രതി​ഫ​ല​ങ്ങ​ളോ നേടു​ന്ന​വ​രു​മായ വ്യക്തി​കളെ യുവജ​നങ്ങൾ അനുക​രി​ക്കു​ന്നു.” അതു​കൊണ്ട്‌ യുവജ​നങ്ങൾ, പ്രസി​ദ്ധ​രോ ആകർഷ​ക​ത്വം ഉള്ളവരോ ആയ സമപ്രാ​യ​ക്കാർക്കു ശ്രേഷ്‌ഠത കൽപ്പി​ക്കാൻ ചായ്‌വു കാണി​ക്കു​ന്നു. മാതൃ​കാ​പാ​ത്ര​ങ്ങ​ളെന്ന നിലയിൽ ചലച്ചി​ത്ര​താ​രങ്ങൾ, സംഗീ​തജ്ഞർ, കായി​ക​താ​രങ്ങൾ എന്നിവ​രി​ലേക്ക്‌ അനേകം യുവജ​ന​ങ്ങ​ളും ആകർഷി​ക്ക​പ്പെ​ടു​ന്നു.

തീർച്ച​യാ​യും, പ്രസി​ദ്ധ​രായ പലരു​ടെ​യും കീർത്തി മിക്ക​പ്പോ​ഴും കെട്ടി​ച്ച​മ​ച്ചതു തന്നെയാണ്‌. അയാളു​ടെ കുറവു​കൾ മൂടി​വെ​ക്കാ​നും പ്രശംസ പിടി​ച്ചു​പ​റ്റാ​നും സർവോ​പരി വിപണനം ചെയ്യാ​നും ഉദ്ദേശിച്ച്‌ ശ്രദ്ധാ​പൂർവം മെന​ഞ്ഞെ​ടു​ത്തവ! മുമ്പ്‌ ഉദ്ധരിച്ച പിങ്‌ ഇങ്ങനെ സമ്മതി​ക്കു​ന്നു: “ബാസ്‌ക്ക​റ്റ്‌ബോൾ ഹീറോ ആയി ഞാൻ വീക്ഷിച്ച വ്യക്തി​യു​ടെ എല്ലാ വീഡി​യോ​ക​ളും ഞാൻ വാങ്ങി. അദ്ദേഹം ഉപയോ​ഗി​ക്കുന്ന തരം വസ്‌ത്ര​ങ്ങ​ളും ഷൂസു​ക​ളും ധരിച്ചു.” ചില യുവജ​നങ്ങൾ ടിവി, സ്‌പോർട്‌സ്‌ താരങ്ങ​ളെ​പ്പോ​ലെ വസ്‌ത്ര​ധാ​ര​ണ​വും കേശാ​ല​ങ്കാ​ര​വും നടത്തുന്നു. അവർ സംസാ​രി​ക്കു​ന്ന​തും നടക്കു​ന്ന​തു​മൊ​ക്കെ ആ താരങ്ങ​ളെ​പ്പോ​ലെ​യാണ്‌.

മാതൃ​കാ​പാ​ത്രങ്ങൾ—നല്ലതും ചീത്തയും

‘ഒരാളെ ശ്രേഷ്‌ഠ​നാ​യി കരുതു​ന്ന​തിൽ എന്താണു കുഴപ്പം?’ എന്നു നിങ്ങൾ ചോദി​ച്ചേ​ക്കാം. നിങ്ങൾ ആരെ ശ്രേഷ്‌ഠ​നാ​യി കരുതു​ന്നു എന്നതിനെ ആശ്രയി​ച്ചി​രി​ക്കു​ന്നു അത്‌. ബൈബിൾ ഇങ്ങനെ പറയുന്നു: “ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും; ഭോഷ​ന്മാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും.” (സദൃശ​വാ​ക്യ​ങ്ങൾ 13:20) മനുഷ്യ​രു​ടെ അനുഗാ​മി​ക​ളാ​യി​രി​ക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നില്ല. (മത്തായി 23:10) എന്നാൽ “വിശ്വാ​സ​ത്താ​ലും ദീർഘ​ക്ഷ​മ​യാ​ലും വാഗ്‌ദ​ത്ത​ങ്ങളെ അവകാ​ശ​മാ​ക്കു​ന്ന​വ​രു​ടെ അനുകാ​രി​ക​ളാ​യി”ത്തീരാൻ അതു നമ്മോടു പറയുന്നു. (എബ്രായർ 6:12) ആ വാക്കു​ക​ളെ​ഴു​തിയ അപ്പോ​സ്‌ത​ല​നായ പൗലൊസ്‌ ആദിമ ക്രിസ്‌ത്യാ​നി​കൾക്കു നല്ലൊരു മാതൃക വെച്ചു. അതു​കൊണ്ട്‌ “ഞാൻ ക്രിസ്‌തു​വി​ന്റെ അനുകാ​രി​യാ​യി​രി​ക്കു​ന്ന​തു​പോ​ലെ നിങ്ങളും എന്റെ അനുകാ​രി​കൾ ആകുവിൻ” എന്ന്‌ അവനു പറയാൻ കഴിഞ്ഞു.—1 കൊരി​ന്ത്യർ 11:1.

തിമൊ​ഥെ​യൊസ്‌ എന്ന യുവാവ്‌ അതാണു ചെയ്‌തത്‌. ഒന്നിച്ചുള്ള മിഷനറി യാത്ര​ക​ളിൽ അവൻ പൗലൊ​സു​മാ​യി അടുത്ത സൗഹൃദം വളർത്തി​യെ​ടു​ത്തു. (പ്രവൃ​ത്തി​കൾ 16:1-4) ‘കർത്താ​വിൽ വിശ്വ​സ്‌ത​നായ തന്റെ പ്രിയ മകൻ’ എന്ന നിലയി​ലാണ്‌ പൗലൊസ്‌ അവനെ വീക്ഷി​ച്ചത്‌. (1 കൊരി​ന്ത്യർ 4:17) പൗലൊ​സി​ന്റെ സഹായ​ത്താൽ തിമൊ​ഥെ​യൊസ്‌ ഒരു മികച്ച ക്രിസ്‌തീയ പുരുഷൻ ആയിത്തീർന്നു.—ഫിലി​പ്പി​യർ 2:19-23.

നിങ്ങൾ മോശ​മായ ഒരു മാതൃ​കാ​പാ​ത്ര​ത്തെ​യാ​ണു തിര​ഞ്ഞെ​ടു​ക്കു​ന്ന​തെ​ങ്കിൽ എന്തു സംഭവി​ച്ചേ​ക്കാം? റിച്ചാർഡ്‌ എന്നു പേരുള്ള ഒരു യുവാവ്‌ ഇങ്ങനെ വിവരി​ക്കു​ന്നു: “എനിക്ക്‌ 15 വയസ്സു​ണ്ടാ​യി​രു​ന്ന​പ്പോൾ മാരി​യോ എന്ന ഒരു സഹപാഠി എന്റെ ഉത്തമ സുഹൃ​ത്താ​യി​ത്തീർന്നു. ക്രിസ്‌ത്യാ​നി​ക​ളായ മാതാ​പി​താ​ക്കൾ എന്നെ ആത്മീയ​മാ​യി സഹായി​ക്കാൻ ശ്രമിച്ചു. എന്നാൽ മാരി​യോ​യ്‌ക്ക്‌ രസകര​മായ പലതു​മു​ണ്ടാ​യി​രു​ന്നു—ഡിസ്‌കോ, പാർട്ടി​കൾ, മോ​ട്ടോർ​ബൈ​ക്കു​കൾ, അങ്ങനെ എല്ലാം. ആഗ്രഹി​ക്കു​ന്നത്‌ എന്തും എപ്പോൾ വേണ​മെ​ങ്കി​ലും അവനു ചെയ്യാൻ കഴിഞ്ഞി​രു​ന്നു. എനിക്കാ​കട്ടെ അതൊ​ന്നും സാധ്യ​മാ​യി​രു​ന്നില്ല. അങ്ങനെ 16 വയസ്സാ​യ​പ്പോൾ, ഒരു ക്രിസ്‌ത്യാ​നി​യാ​യി​രി​ക്കു​ന്നത്‌ എനിക്ക്‌ ഇഷ്ടമി​ല്ലെന്നു ഞാൻ മാതാ​പി​താ​ക്ക​ളോ​ടു പറഞ്ഞു. അങ്ങനെ ഞാൻ ക്രിസ്‌തീയ പ്രവർത്ത​നങ്ങൾ നിർത്തി.”

പ്രശസ്‌ത​രെ​യും സ്‌പോർട്‌സ്‌ താരങ്ങ​ളെ​യും മാതൃ​കാ​പാ​ത്ര​ങ്ങ​ളാ​യി വീക്ഷി​ക്കു​ന്ന​തിൽ സമാന​മായ അപകട​ങ്ങ​ളു​ണ്ടോ? തീർച്ച​യാ​യും. ഒരു കായി​ക​താ​ര​ത്തി​ന്റെ​യോ നടന്റെ​യോ സംഗീ​ത​ജ്ഞ​ന്റെ​യോ കഴിവി​നെ വിലമ​തി​ക്കു​ന്ന​തിൽ യാതൊ​രു തെറ്റു​മില്ല. എന്നാൽ സ്വയം ചോദി​ക്കുക, ‘വ്യക്തിഗത ജീവി​ത​ത്തിൽ അവർ എങ്ങനെ​യുള്ള മാതൃ​ക​യാ​ണു വെക്കു​ന്നത്‌?’ സ്‌പോർട്‌സ്‌ രംഗത്തെ പല ഹീറോ​ക​ളും സംഗീ​ത​ജ്ഞ​രും മറ്റു താരങ്ങ​ളും ലൈം​ഗിക അധാർമി​ക​ത​യി​ലും മയക്കു​മ​രു​ന്നു​ക​ളി​ലും ലഹരി​പാ​നീ​യ​ങ്ങ​ളി​ലും അമിത​മാ​യി മുഴു​കു​ന്ന​വ​രല്ലേ? പണവും പെരു​മ​യു​മൊ​ക്കെ ഉണ്ടെങ്കി​ലും, അവരുടെ ജീവിതം അസന്തു​ഷ്ട​വും അസംതൃ​പ്‌തി​ക​ര​വു​മാണ്‌ എന്നതു സത്യമല്ലേ? കാര്യ​ങ്ങളെ ഈ വിധത്തിൽ വീക്ഷി​ക്കു​മ്പോൾ, അത്തരക്കാ​രെ അനുക​രി​ക്കു​ന്ന​തിൽനിന്ന്‌ എന്തു പ്രയോ​ജ​ന​മാ​ണു ലഭിക്കുക?

പ്രശസ്‌ത​നാ​യ ഒരു വ്യക്തി​യു​ടെ കേശാ​ല​ങ്കാര രീതി​യോ വസ്‌ത്ര​ധാ​ര​ണ​മോ സംസാ​ര​മോ അനുക​രി​ക്കു​ന്ന​തു​കൊണ്ട്‌ അത്ര പ്രശ്‌ന​മൊ​ന്നും ഇല്ല എന്നു തോന്നി​യേ​ക്കാം. എന്നാൽ “ലോകം നിങ്ങളെ അതിന്റെ മൂശയി​ലേക്കു ഞെരി​ച്ച​മർത്താൻ” അനുവ​ദി​ക്കു​ന്ന​തി​ലെ ആദ്യ പടിയാ​യി​രി​ക്കാം അത്‌. (റോമർ 12:2, ഫിലി​പ്‌സ്‌) ആദ്യ​മൊ​ക്കെ ആ മൂശ സുഖ​പ്ര​ദ​മെന്നു തോന്നി​യേ​ക്കാം. എന്നാൽ അതിന്റെ സ്വാധീ​ന​ത്തി​നു തീർത്തും വശംവ​ദ​നാ​യി​ക്ക​ഴി​ഞ്ഞാൽ, ദൈവ​ത്തിൽനി​ന്നു നിങ്ങളെ അകറ്റി​യേ​ക്കാ​വുന്ന വഴിക​ളിൽ അതു തീർച്ച​യാ​യും നിങ്ങളെ കൊ​ണ്ടെ​ത്തി​ച്ചേ​ക്കാം. “ലോക​സ്‌നേഹം ദൈവ​ത്തോ​ടു ശത്രു​ത്വം ആകുന്നു” എന്ന്‌ യാക്കോബ്‌ 4:4-ൽ ബൈബിൾ പറയുന്നു.

നല്ലൊരു മാതൃ​കാ​പാ​ത്ര​ത്തി​നു നിങ്ങളെ സഹായി​ക്കാ​നാ​കുന്ന വിധം

എന്നിരു​ന്നാ​ലും, നല്ല മാതൃക വെക്കുന്ന ഒരാളെ അനുക​രി​ച്ചാൽ നിങ്ങളു​ടെ ജീവി​ത​ത്തിൽ നല്ല ഫലമു​ണ്ടാ​യേ​ക്കാം! “വാക്കി​ലും നടപ്പി​ലും സ്‌നേ​ഹ​ത്തി​ലും വിശ്വാ​സ​ത്തി​ലും നിർമ്മ​ല​ത​യി​ലും . . . മാതൃ​കയാ”യിരി​ക്കുന്ന വ്യക്തി​കളെ സഹക്രി​സ്‌ത്യാ​നി​കൾക്കി​ട​യിൽ കണ്ടെത്താൻ കഴിയും. (1 തിമൊ​ഥെ​യൊസ്‌ 4:12) ക്രിസ്‌തീയ സഭയ്‌ക്കു​ള്ളിൽപ്പോ​ലും സഹകാ​രി​കളെ തിര​ഞ്ഞെ​ടു​ക്കു​ന്ന​തിൽ ശ്രദ്ധ പുലർത്തേ​ണ്ട​തുണ്ട്‌ എന്നതു ശരിതന്നെ. (2 തിമൊ​ഥെ​യൊസ്‌ 2:20, 21) എന്നാൽ സഭയിൽ ആരാണു വാസ്‌ത​വ​ത്തിൽ “സത്യത്തിൽ നടക്കുന്ന”തെന്നു കണ്ടെത്തുക സാധാ​ര​ണ​ഗ​തി​യിൽ ബുദ്ധി​മു​ട്ടുള്ള സംഗതി​യല്ല. (2 യോഹ​ന്നാൻ 4) “അവരുടെ ജീവാ​വ​സാ​നം [“നടത്ത,” NW] ഓർത്തു അവരുടെ വിശ്വാ​സം അനുക​രി​പ്പിൻ” എന്ന തത്ത്വം എബ്രായർ 13:7-ൽ പ്രസ്‌താ​വി​ച്ചി​രി​ക്കു​ന്നു. നിങ്ങളു​ടെ മിക്ക സമപ്രാ​യ​ക്കാ​രു​ടെ​യും നടത്ത എങ്ങനെ​യു​ള്ളത്‌ ആയിത്തീ​രു​മെന്നു കണ്ടറി​യേ​ണ്ടി​യി​രി​ക്കു​ന്നു. എന്നാൽ വിശ്വ​സ്‌തത തെളി​യി​ച്ചി​രി​ക്കുന്ന പ്രായ​മു​ള്ളവർ സഭയി​ലുണ്ട്‌. അവരു​മാ​യി ചങ്ങാത്തം കൂടു​ന്നതു ജ്ഞാനമാണ്‌.

‘പ്രായ​മു​ള്ള​വ​രു​മാ​യി ചങ്ങാത്തം കൂടു​ക​യോ?’ എന്ന്‌ നിങ്ങൾ ചോദി​ച്ചേ​ക്കാം. ആദ്യ​മൊ​ക്കെ ഇത്‌ അത്ര ആകർഷ​ക​മാ​യി തോന്നാ​തി​രു​ന്നേ​ക്കാം എന്നതു സത്യം​തന്നെ. എന്നാൽ തന്നെക്കാൾ ഏറെ പ്രായ​മു​ണ്ടാ​യി​രുന്ന പൗലൊസ്‌ അപ്പോ​സ്‌ത​ല​നു​മാ​യി തിമൊ​ഥെ​യൊ​സിന്‌ ഉണ്ടായി​രുന്ന സൗഹൃ​ദ​ത്തെ​ക്കു​റിച്ച്‌ ഓർക്കുക. തിമൊ​ഥെ​യൊ​സി​ന്റെ പ്രാപ്‌തി​കളെ മനസ്സി​ലാ​ക്കിയ പൗലൊസ്‌ അവനി​ലുള്ള “ദൈവ​ത്തി​ന്റെ കൃപാ​വരം ജ്വലി​പ്പി​ക്കേണ”മെന്നു പ്രോ​ത്സാ​ഹി​പ്പി​ച്ചു. (2 തിമൊ​ഥെ​യൊസ്‌ 1:6) നിങ്ങളി​ലെ ദൈവദത്ത കഴിവു​കളെ വളർത്തി​യെ​ടു​ക്കാൻ ഉത്തേജ​ന​മേ​കി​ക്കൊ​ണ്ടു നിങ്ങളെ സഹായി​ക്കാ​നും പ്രോ​ത്സാ​ഹി​പ്പി​ക്കാ​നും ഒരാൾ ഉണ്ടായി​രി​ക്കു​ന്നതു പ്രയോ​ജ​ന​പ്രദം ആയിരി​ക്കി​ല്ലേ?

അതു ശരിയാ​ണെന്ന്‌ ബ്രയൻ എന്ന യുവാവ്‌ കണ്ടെത്തി. അപകർഷ​താ​ബോ​ധ​വു​മാ​യി മല്ലടി​ച്ചു​കൊ​ണ്ടി​രി​ക്കു​മ്പോ​ഴാണ്‌ സഭയിൽ തന്നെക്കാൾ പ്രായ​ക്കൂ​ടു​ത​ലുള്ള അവിവാ​ഹി​ത​നായ ഒരു ശുശ്രൂ​ഷാ​ദാ​സ​നു​മാ​യി അവൻ പരിച​യ​ത്തി​ലാ​യത്‌. ബ്രയൻ പറയുന്നു: “അദ്ദേഹ​ത്തിന്‌ ഞാനുൾപ്പെടെ മറ്റുള്ള​വ​രോ​ടുള്ള സ്‌നേ​ഹ​മ​സൃ​ണ​മായ താത്‌പ​ര്യ​ത്തെ​യും ശുശ്രൂ​ഷ​യി​ലുള്ള തീക്ഷ്‌ണ​ത​യെ​യും അദ്ദേഹം നടത്തുന്ന നല്ല പ്രസം​ഗ​ങ്ങ​ളെ​യും ഞാൻ അത്യന്തം വിലമ​തി​ക്കു​ന്നു.” ഈ മുതിർന്ന ക്രിസ്‌ത്യാ​നി​യിൽനി​ന്നു ലഭിക്കുന്ന വ്യക്തി​പ​ര​മായ ശ്രദ്ധയിൽനി​ന്നു ബ്രയൻ ഇപ്പോൾത്തന്നെ പ്രയോ​ജനം നേടുന്നു. അവൻ ഇങ്ങനെ തുറന്നു സമ്മതി​ക്കു​ന്നു: “ഞാൻ മുമ്പ്‌ ആയിരുന്ന അവസ്ഥയ്‌ക്കു—ലജ്ജാവ​ഹ​വും ഊഷ്‌മ​ള​ര​ഹി​ത​വു​മായ വ്യക്തി​ത്വ​ത്തിന്‌—മാറ്റം വരുത്താൻ അതെന്നെ സഹായി​ച്ചി​രി​ക്കു​ന്നു.”

മാതൃ​കാ​പാ​ത്ര​ങ്ങ​ളെന്ന നിലയിൽ മാതാ​പി​താ​ക്കൾ

“തൃപ്‌തി​ക​ര​മായ വ്യക്തി​ത്വം കൈവ​രി​ക്കു​ന്ന​തിൽ ഒരു സാധാരണ കൗമാ​ര​പ്രാ​യ​ക്കാ​രനെ സഹായി​ക്കാ​നോ തടയാ​നോ കഴിയുന്ന ഏറ്റവും പ്രമുഖ ബാഹ്യ സ്വാധീന”മാണ്‌ മാതാ​പി​താ​ക്കൾ എന്ന്‌ കൗമാരം—സമ്മർദം അനുഭ​വി​ക്കുന്ന തലമുറ (ഇംഗ്ലീഷ്‌) എന്ന പുസ്‌തകം പറയുന്നു. വ്യക്തമായ ലക്ഷ്യ​ബോ​ധ​വും വ്യക്തിത്വ അവബോ​ധ​വും ഇല്ലാതാ​കു​മ്പോൾ യുവജ​നങ്ങൾ “തിരയ്‌ക്ക​നു​സ​രിച്ച്‌ ഗതി മാറി​ക്കൊ​ണ്ടി​രി​ക്കുന്ന, ചുക്കാ​നി​ല്ലാത്ത കപ്പൽപോ​ലെ ആയിത്തീ​രു”മെന്ന്‌ ആ പുസ്‌തകം കൂട്ടി​ച്ചേർക്കു​ന്നു.

1,900-ത്തിലധി​കം വർഷം മുമ്പ്‌ ശിഷ്യ​നായ യാക്കോബ്‌ എഴുതിയ ആശയത്തെ പ്രതി​ഫ​ലി​പ്പി​ക്കു​ന്ന​താണ്‌ ഈ തത്ത്വം. അത്‌ യാക്കോബ്‌ 1:6-ൽ രേഖ​പ്പെ​ടു​ത്തി​യി​രി​ക്കു​ന്നു: “അവൻ ഒന്നും സംശയി​ക്കാ​തെ വിശ്വാ​സ​ത്തോ​ടെ യാചി​ക്കേണം: സംശയി​ക്കു​ന്നവൻ കാറ്റടി​ച്ചു അലയുന്ന കടൽത്തി​രെക്കു സമൻ.” ഇത്തരക്കാ​രായ ചില യുവജ​ന​ങ്ങ​ളെ​ക്കു​റിച്ച്‌ ഒരുപക്ഷേ നിങ്ങൾക്ക്‌ അറിയാ​മാ​യി​രി​ക്കാം. അവർ നാളെ​യെ​ക്കു​റിച്ച്‌ ചിന്തി​ക്കാ​തെ ഇന്നത്തെ ഭ്രമങ്ങൾക്കു വേണ്ടി ജീവി​ക്കു​ന്ന​താ​യി കാണുന്നു.

സഭയിൽ നല്ല മാതൃക വെക്കുന്ന ദൈവ​ഭ​ക്ത​രായ മാതാ​പി​താ​ക്ക​ളാൽ അനുഗൃ​ഹീ​ത​നാ​ണോ നിങ്ങൾ? അങ്ങനെ​യെ​ങ്കിൽ, നിങ്ങൾ അവരുടെ സ്വാധീ​ന​ത്തി​നു കീഴ്‌പെ​ടു​ന്നു​വോ? അതോ സദാ അവരോ​ടു മറുത്തു​നിൽക്കു​ക​യാ​ണോ? നിങ്ങളു​ടെ മാതാ​പി​താ​ക്കൾ പൂർണരല്ല എന്നതു സത്യം​തന്നെ. എന്നാൽ അവരുടെ നല്ല ഗുണങ്ങൾ നിങ്ങൾ മനപ്പൂർവം അവഗണി​ക്ക​രുത്‌—ആ ഗുണങ്ങൾ അനുക​രി​ക്കു​ന്നതു നന്നായി​രി​ക്കും. ജാരൊദ്‌ എന്ന ഒരു യുവ ക്രിസ്‌ത്യാ​നി ഇങ്ങനെ എഴുതു​ന്നു: “എന്റെ മാതാ​പി​താ​ക്കളെ ഞാൻ അങ്ങേയറ്റം വിലമ​തി​ക്കു​ന്നു. . . . ശുശ്രൂ​ഷ​യിൽ അവർ കാട്ടുന്ന സ്ഥിരോ​ത്സാ​ഹം, സാമ്പത്തിക ബുദ്ധി​മു​ട്ടു​കൾ അഭിമു​ഖീ​ക​രിച്ച വിധം, മുഴു​സമയ ശുശ്രൂ​ഷ​യിൽ ഏർപ്പെ​ടാൻ അവർ എനിക്കു നൽകിയ പ്രോ​ത്സാ​ഹനം, ഇവയ്‌ക്കെ​ല്ലാം എന്റെമേൽ നല്ല ഫലം ഉണ്ടായി​രു​ന്നു. എന്നെ സംബന്ധി​ച്ചി​ട​ത്തോ​ളം മാതാ​പി​താ​ക്ക​ളാണ്‌ എന്നും എന്റെ മാതൃ​കാ​പാ​ത്രങ്ങൾ.”

ഉത്തമ മാതൃ​കാ​പാ​ത്രം

അഭി​പ്രായ വോ​ട്ടെ​ടു​പ്പു നടത്തുന്ന ഒരു സംഘടന, ചരി​ത്ര​ത്തി​ലേ​ക്കും ഏറ്റവും മഹാനായ വ്യക്തി ആരെന്നാ​ണു തങ്ങൾ കരുതു​ന്നത്‌ എന്ന്‌ ഐക്യ​നാ​ടു​ക​ളി​ലെ ചില യുവജ​ന​ങ്ങ​ളോ​ടു ചോദി​ച്ച​പ്പോൾ മിക്കവ​രും അമേരി​ക്ക​യി​ലെ രാഷ്‌ട്രീയ പ്രമു​ഖ​രു​ടെ പേരു​ക​ളാണ്‌ പറഞ്ഞത്‌. യേശു​ക്രി​സ്‌തു​വെന്ന്‌ പറഞ്ഞത്‌ 6 ശതമാനം മാത്രം. എന്നിരു​ന്നാ​ലും, “[നാം ക്രിസ്‌തു​വി​ന്റെ] കാൽച്ചു​വടു പിന്തു​ട​രു​വാൻ ഒരു [പൂർണ​ത​യുള്ള] മാതൃക” അവൻ വെച്ചി​രി​ക്കു​ന്നു​വെന്നു ബൈബിൾ നമ്മോടു പറയുന്നു. (1 പത്രൊസ്‌ 2:21; എബ്രായർ 12:3) തന്നിൽനി​ന്നു പഠിക്കാൻ അവൻ ശിഷ്യ​ന്മാ​രെ പ്രോ​ത്സാ​ഹി​പ്പി​ക്കു​ന്നു. (മത്തായി 11:28, 29) എന്നാൽ യേശു​വിൽനി​ന്നു നിങ്ങൾക്കെ​ങ്ങനെ പഠിക്കാൻ സാധി​ക്കും?

യേശു​വി​ന്റെ ജീവി​ത​വു​മാ​യി അടുത്തു പരിചി​ത​രാ​കുക. മുഴു സുവി​ശേഷ വിവര​ണ​ങ്ങ​ളും അതു​പോ​ലെ​തന്നെ ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യൻa എന്ന പുസ്‌ത​ക​വും വായി​ച്ചു​തീർക്കാൻ ശ്രമി​ക്കുക. യേശു പഠിപ്പിച്ച വിധവും ആളുക​ളോട്‌ അനുക​മ്പാ​പൂർവം ഇടപെട്ട വിധവും സമ്മർദ​ത്തിൻ കീഴിൽ അവൻ പ്രകട​മാ​ക്കിയ ധൈര്യ​വും മനസ്സി​ലാ​ക്കുക. നിങ്ങൾക്ക്‌ പിൻപ​റ്റാൻ കഴിയുന്ന അത്യുത്തമ മാതൃ​കാ​പാ​ത്രം യേശു​വാ​ണെന്നു നിങ്ങൾ കണ്ടെത്തും.

ആ പൂർണ മാതൃ​കാ​പാ​ത്രത്തെ നിങ്ങൾ എത്രയ​ധി​കം അടുത്ത​റി​യു​ന്നു​വോ അതനു​സ​രിച്ച്‌ ചീത്ത​പ്ര​കൃ​ത​ക്കാ​രായ സമപ്രാ​യ​ക്കാ​രി​ലേ​ക്കും പ്രസി​ദ്ധ​രി​ലേ​ക്കും ആകർഷി​ക്ക​പ്പെ​ടാ​നുള്ള സാധ്യ​ത​യും കുറവാ​യി​രി​ക്കും. പിങ്ങി​നെ​യും അവന്‌ ഒരു സ്‌പോർട്‌സ്‌ താര​ത്തോ​ടു തോന്നിയ മതിപ്പി​നെ​യും കുറിച്ച്‌ നിങ്ങൾ ഓർക്കു​ന്നു​ണ്ടോ? ഇടയ്‌ക്കി​ട​യ്‌ക്കു ബാസ്‌ക്ക​റ്റ്‌ബോൾ കളിക്കു​ന്നത്‌ ഇപ്പോ​ഴും പിങ്ങിന്‌ ഇഷ്ടമാണ്‌. എന്നാൽ പ്രസി​ദ്ധരെ അനുക​രി​ക്കു​ന്നതു മടയത്ത​ര​മാ​ണെന്ന്‌ അവൻ മനസ്സി​ലാ​ക്കി​യി​രി​ക്കു​ന്നു.

റിച്ചാർഡി​ന്റെ കാര്യ​മോ? താൻ തിര​ഞ്ഞെ​ടുത്ത മാതൃ​കാ​പാ​ത്രം ഹേതു​വാ​യി അവൻ ക്രിസ്‌തീയ വിശ്വാ​സം ഉപേക്ഷി​ക്കു​ക​യു​ണ്ടാ​യി. എന്നിരു​ന്നാ​ലും, ഒരു യഹോ​വ​യു​ടെ സാക്ഷി​യായ സൈമൺ എന്ന യുവാ​വി​നെ റിച്ചാർഡ്‌ തന്റെ 20-കളിൽ പരിച​യ​പ്പെട്ടു. റിച്ചാർഡ്‌ പറയുന്നു: “സൈമൺ എന്നെ സ്‌നേ​ഹി​ത​നാ​ക്കി. ബൈബിൾ തത്ത്വങ്ങ​ളിൽ വിട്ടു​വീഴ്‌ച ചെയ്യാതെ ജീവിതം ആസ്വദി​ക്കാൻ ആകു​മെന്നു മനസ്സി​ലാ​ക്കാൻ അവൻ എന്നെ സഹായി​ച്ചു. പെട്ടെ​ന്നു​തന്നെ എന്റെ ഉള്ളിൽ സൈമ​ണോട്‌ ആദരവു വളർന്നു​വന്നു. സഭയി​ലേക്കു തിരി​ച്ചു​വ​രാ​നും എന്റെ ജീവിതം യഹോ​വ​യ്‌ക്കു സമർപ്പി​ക്കാ​നും അവന്റെ മാതൃക നിർണാ​യ​ക​മായ ഒരു പങ്കു വഹിച്ചു. ഇന്ന്‌ ഞാൻ ഏറെ സന്തുഷ്ട​നാണ്‌. എന്റെ ജീവി​ത​ത്തിന്‌ യഥാർഥ അർഥം കൈവ​ന്നി​രി​ക്കു​ന്നു.”

അതേ, നിങ്ങൾ ആരെ മാതൃ​കാ​പാ​ത്രം ആക്കുന്നു എന്നത്‌ പ്രധാ​ന​മാണ്‌!

[അടിക്കു​റിപ്പ്‌]

[13-ാം പേജിലെ ചിത്രം]

സത്‌പേരുള്ള മുതിർന്ന​വ​രു​മാ​യി സഹവസി​ക്കു​ന്നത്‌ നിങ്ങളെ സഹായി​ച്ചേ​ക്കാം