സംഭാ​ഷണം തുടങ്ങാൻ ലഘു​ലേ​ഖകൾ ഉപയോ​ഗി​ക്കു​ക

¹ ഫലകരമായ സാക്ഷീ​ക​രണം മുഖ്യ​മാ​യും, സംഭാ​ഷണം തുടങ്ങാൻ നിങ്ങൾ മുൻകൈ എടുക്കു​ന്ന​തി​നെ ആശ്രയി​ച്ചി​രി​ക്കു​ന്നു എന്നതി​നോ​ടു നിങ്ങൾ യോജി​ക്കി​ല്ലേ? വ്യക്തി​യു​ടെ താത്‌പ​ര്യ​ത്തെ ഉണർത്തുന്ന ഒരു സംഗതി പറഞ്ഞു​കൊണ്ട്‌ അയാളെ ചർച്ചയിൽ ഉൾപ്പെ​ടു​ത്തുക എന്നത്‌ ഒരു വെല്ലു​വി​ളി​യാണ്‌. ഇത്‌ ഫലകര​മാ​യി എങ്ങനെ ചെയ്യാൻ കഴിയും?

² ശ്രദ്ധാപൂർവം തിര​ഞ്ഞെ​ടുത്ത ഏതാനും വാക്കുകൾ പറഞ്ഞു​കൊണ്ട്‌ നമ്മുടെ ബൈബി​ള​ധി​ഷ്‌ഠിത ലഘു​ലേ​ഖ​ക​ളിൽ ഒന്നു സമർപ്പി​ക്കു​ക​വഴി സംഭാ​ഷണം തുടങ്ങാൻ കഴിയു​മെന്നു മിക്ക പ്രസാ​ധ​ക​രും കണ്ടെത്തി​യി​രി​ക്കു​ന്നു. ലഘു​ലേ​ഖ​ക​ളു​ടെ ശീർഷ​കങ്ങൾ ഹൃദയാ​വർജ​ക​ങ്ങ​ളാണ്‌, ചിത്രങ്ങൾ വർണശ​ബ​ള​വും ആകർഷ​ക​വു​മാണ്‌. ലഘുലേഖ ചെറു​താ​യി​രി​ക്കു​ന്ന​തി​നാൽ, അതു വായി​ച്ചു​തീർക്കാൻ ഒരുപാ​ടു സമയം വേണമെന്ന ചിന്ത വ്യക്തിക്ക്‌ ഉണ്ടാകു​ന്നില്ല. അവയിലെ ഹ്രസ്വ സന്ദേശങ്ങൾ ശ്രദ്ധ പിടി​ച്ചു​പ​റ്റു​ന്ന​വ​യും ഒരു ബൈബിൾ അധ്യയ​ന​ത്തി​ലേക്കു നയിക്കാ​നാ​യി ഉപയോ​ഗി​ക്കാൻ കഴിയു​ന്ന​വ​യു​മാണ്‌.

³ ഒരു സഹോ​ദ​രി​ക്കു തോന്നി​യത്‌ ഇങ്ങനെ​യാണ്‌: “ഇന്നത്തെ തിരക്കു​പി​ടിച്ച ലോക​ത്തിൽ, വായന​യ്‌ക്ക്‌ അധികം സമയം ചെലവ​ഴി​ക്കാൻ ആളുകൾ പലപ്പോ​ഴും ആഗ്രഹി​ക്കു​ന്നില്ല. എന്നാൽ സുപ്ര​ധാന സന്ദേശം അടങ്ങുന്ന ലഘു​ലേ​ഖ​കൾക്ക്‌, ആളുകൾ കാണുന്ന മാത്ര​യിൽത്തന്നെ നിരസി​ക്കാൻ പോന്നത്ര വലിപ്പ​മില്ല. അനേകം ലഘു​ലേ​ഖകൾ വായി​ച്ച​തി​ന്റെ ഫലമാ​യാണ്‌ ഞാൻ സത്യം പഠിച്ചത്‌.” ഈ ഹ്രസ്വ സന്ദേശ​ങ്ങ​ളിൽ അടങ്ങി​യി​രി​ക്കുന്ന ദൈവ​വ​ച​ന​ത്തി​ന്റെ ശക്തിയെ ഒരിക്ക​ലും താഴ്‌ത്തി​മ​തി​ക്ക​രുത്‌.—എബ്രാ. 4:12.

⁴ നാല്‌ എളുപ്പ​വ​ഴി​കൾ: ലളിത​മായ സമീപ​ന​രീ​തി​യി​ലൂ​ടെ അനേകർക്കും നല്ല ഫലം ലഭിച്ചി​ട്ടുണ്ട്‌. (1) വ്യക്തിയെ ഏതാനും ചില ലഘു​ലേ​ഖകൾ കാണി​ച്ചിട്ട്‌ ഏതു വിഷയ​ത്തി​ലാണ്‌ അദ്ദേഹ​ത്തിന്‌ താത്‌പ​ര്യ​മു​ള്ള​തെന്ന്‌ ചോദി​ക്കുക. (2) അയാൾ അതിൽ ഒന്ന്‌ എടുത്തു കഴിയു​മ്പോൾ, പ്രസ്‌തുത ലഘു​ലേ​ഖ​യി​ലെ മുഖ്യ ആശയത്തെ വിശേ​ഷ​വ​ത്‌ക​രി​ക്കുന്ന നന്നായി തയ്യാറായ ഒരു ചോദ്യം ചോദി​ക്കുക. (3) അതിന്റെ ഉത്തരമാ​യി, ലഘു​ലേ​ഖ​യിൽനിന്ന്‌ ഉചിത​മായ ഖണ്ഡിക​യോ തിരു​വെ​ഴു​ത്തോ വായി​ക്കുക. (4) അനുകൂ​ല​മായ പ്രതി​ക​രണം ലഭിക്കു​ന്നെ​ങ്കിൽ, ലഘു​ലേ​ഖ​യി​ലെ വിവരങ്ങൾ തുടർന്നു ചർച്ച ചെയ്യുക. അല്ലെങ്കിൽ സൃഷ്ടി പുസ്‌ത​ക​ത്തി​ന്റെ 16-20 അധ്യാ​യ​ങ്ങ​ളിൽ നിന്നുള്ള ഉചിത​മായ ഒരു ആശയത്തി​ലേക്കു ശ്രദ്ധ ക്ഷണിക്കുക. ലഘു​ലേ​ഖ​ക​ളിൽ നാലെണ്ണം ഉപയോ​ഗി​ക്കു​മ്പോൾ പറയേണ്ട കാര്യങ്ങൾ തയ്യാറാ​കാൻ പിൻവ​രുന്ന നിർദേ​ശങ്ങൾ നിങ്ങളെ സഹായി​ക്കും.

⁵ “ആർ യഥാർത്ഥ​ത്തിൽ ഈ ലോകത്തെ ഭരിക്കു​ന്നു?” എന്ന ലഘു​ലേ​ഖ​യു​ടെ ശീർഷ​കം​തന്നെ ഒരു ചോദ്യ​മാ​യി ഉപയോ​ഗി​ക്കാ​വു​ന്ന​താണ്‌.

◼ നിങ്ങൾ സംസാ​രി​ച്ചു​കൊ​ണ്ടി​രി​ക്കുന്ന ആൾ “ദൈവം” അല്ലെങ്കിൽ “എനിക്ക​റി​യില്ല” എന്നാണു മറുപടി പറയു​ന്ന​തെ​ങ്കിൽ, 2-ാം പേജിലെ ആദ്യത്തെ രണ്ടു വാചക​ങ്ങ​ളും 3-ാം പേജിലെ ആദ്യ ഖണ്ഡിക​യും വായി​ക്കുക. 1 യോഹ​ന്നാൻ 5:19-ഉം വെളി​പ്പാ​ടു 12:9-ഉം വിശേ​ഷ​വ​ത്‌ക​രി​ക്കുക. പിശാ​ചായ സാത്താന്റെ അസ്‌തി​ത്വ​ത്തെ​യോ അവൻ ഈ ലോകത്തെ സ്വാധീ​നി​ക്കു​ന്നു എന്നതി​നെ​യോ വ്യക്തി സംശയി​ച്ചാ​ലും ഇല്ലെങ്കി​ലും “ലോകാ​വ​സ്ഥ​ക​ളിൽനി​ന്നും ഒരു സൂചന” എന്ന ഉപതല​ക്കെ​ട്ടിൻ കീഴിലെ ന്യായ​വാ​ദങ്ങൾ നിങ്ങൾക്ക്‌ തുടർന്ന്‌ ഉപയോ​ഗി​ക്കാ​വു​ന്ന​താണ്‌. വ്യക്തി ആ വിഷയ​ത്തിൽ താത്‌പ​ര്യം കാട്ടു​ന്നെ​ങ്കിൽ, ലഘു​ലേ​ഖ​യു​ടെ 3-ഉം 4-ഉം പേജു​ക​ളി​ലെ വിവരങ്ങൾ ഉപയോ​ഗി​ച്ചു​കൊണ്ട്‌, പിശാച്‌ എവി​ടെ​നി​ന്നു വന്നു എന്നു വിശദീ​ക​രി​ക്കാ​മെന്നു പറയുക.

⁶ “മരിച്ച പ്രിയ​പ്പെ​ട്ട​വർക്ക്‌ എന്തു പ്രത്യാശ?” എന്ന ലഘുലേഖ പെട്ടെ​ന്നു​തന്നെ ആളുക​ളു​ടെ താത്‌പ​ര്യം ഉണർത്തി​യേ​ക്കാം. ഇങ്ങനെ ചോദി​ച്ചു​കൊണ്ട്‌ നിങ്ങൾക്ക്‌ ഒരു സംഭാ​ഷണം തുടങ്ങാ​വു​ന്ന​താണ്‌:

◼ “നമ്മുടെ മരിച്ച പ്രിയ​പ്പെ​ട്ട​വരെ എന്നെങ്കി​ലും കാണാ​നാ​കു​മെന്ന്‌ നിങ്ങൾ വിചാ​രി​ക്കു​ന്നു​ണ്ടോ?” വ്യക്തി​യു​ടെ പ്രതി​ക​രണം കേട്ട​ശേഷം 4-ാം പേജിലെ രണ്ടാം ഖണ്ഡിക​യി​ലേക്കു ശ്രദ്ധ ക്ഷണിക്കു​ക​യും തുടർന്ന്‌ യോഹ​ന്നാൻ 5:28, 29 വായി​ക്കു​ക​യും ചെയ്യുക. ലഘു​ലേ​ഖ​യി​ലെ ആദ്യത്തെ ഉപതല​ക്കെ​ട്ടിൻ കീഴിലെ വിവരങ്ങൾ മനസ്സി​ലാ​ക്കാൻ ഈ വാക്യം സഹായി​ക്കു​മെന്നു വിശദീ​ക​രി​ക്കുക. അത്‌ ഒന്നിച്ചി​രു​ന്നു ചർച്ച ചെയ്യാ​മെന്നു പറയുക.

⁷ “കുടും​ബ​ജീ​വി​തം ആസ്വദി​ക്കുക” എന്ന ലഘുലേഖ ലോക​ത്തെ​ങ്ങു​മുള്ള കുടും​ബ​ങ്ങൾക്ക്‌ ആകർഷ​ക​മാണ്‌. അത്‌ ഉപയോ​ഗിച്ച്‌ നിങ്ങൾക്ക്‌ ഇങ്ങനെ പറയാം:

◼ “കുടും​ബ​ങ്ങൾക്ക്‌ ഇന്ന്‌ നിരവധി പ്രശ്‌ന​ങ്ങളെ അഭിമു​ഖീ​ക​രി​ക്കേ​ണ്ടി​വ​രു​ന്നു എന്നത്‌ ശരിയല്ലേ? കുടും​ബ​ബ​ന്ധ​ങ്ങളെ ബലിഷ്‌ഠ​മാ​ക്കാൻ എന്തു ചെയ്യാ​നാ​കു​മെ​ന്നാ​ണു താങ്കൾ വിചാ​രി​ക്കു​ന്നത്‌?” മറുപടി കേട്ട​ശേഷം, 6-ാം പേജിലെ ആദ്യ ഖണ്ഡിക​യി​ലെ വിവര​ങ്ങ​ളി​ലേക്കു വ്യക്തി​യു​ടെ ശ്രദ്ധ ക്ഷണിക്കുക. 4-ഉം 5-ഉം പേജു​ക​ളിൽ ഉദ്ധരി​ച്ചി​രി​ക്കുന്ന തിരു​വെ​ഴു​ത്തു​ക​ളി​ലൊന്ന്‌ തിര​ഞ്ഞെ​ടുത്ത്‌ അതിന്റെ അർഥം വിശദീ​ക​രി​ക്കുക. എന്നിട്ട്‌ ഒരു സൗജന്യ ഭവന ബൈബിൾ അധ്യയനം വാഗ്‌ദാ​നം ചെയ്യുക.

⁸ “ബൈബിൾ വിശ്വാ​സ്യ​മാ​യി​രി​ക്കു​ന്ന​തി​ന്റെ കാരണം” എന്ന ലഘുലേഖ നിങ്ങൾക്ക്‌ ഈ വിധത്തിൽ പരിച​യ​പ്പെ​ടു​ത്താ​വു​ന്ന​താണ്‌:

◼ “ബൈബി​ളി​ന്റെ ആദ്യ പുസ്‌ത​ക​ത്തിൽ പറഞ്ഞി​രി​ക്കുന്ന കയീ​ന്റെ​യും ഹാബെ​ലി​ന്റെ​യും കഥ മിക്കവ​രും കേട്ടി​ട്ടുണ്ട്‌. ഉല്‌പ​ത്തി​യി​ലെ ആ വിവര​ണ​ത്തിൽ കയീന്റെ ഭാര്യ​യെ​ക്കു​റി​ച്ചും പരാമർശ​മുണ്ട്‌. എന്നാൽ കയീന്‌ ഭാര്യയെ കിട്ടി​യത്‌ എവി​ടെ​നി​ന്നാ​ണെന്നു താങ്കൾ എന്നെങ്കി​ലും ചിന്തി​ച്ചി​ട്ടു​ണ്ടോ?” ലഘു​ലേ​ഖ​യു​ടെ 2-ാം പേജിലെ അവസാന ഖണ്ഡിക ഉപയോ​ഗിച്ച്‌ ഉത്തരം നൽകുക. ഭാവി എന്തു വെച്ചു​നീ​ട്ടു​ന്നു എന്നതു സംബന്ധിച്ച്‌ ബൈബിൾ പറയുന്ന കാര്യ​ങ്ങ​ളും ഈ ലഘുലേഖ ചർച്ച ചെയ്യു​ന്നു​ണ്ടെന്നു വിശദീ​ക​രി​ക്കുക. തുടർന്ന്‌ 5-ാം പേജിലെ മൂന്നാ​മത്തെ ഖണ്ഡിക മുതൽ ചർച്ച ചെയ്യുക, കൊടു​ത്തി​രി​ക്കുന്ന തിരു​വെ​ഴു​ത്തു​കൾ അതിലെ വിവര​ങ്ങൾക്ക്‌ ഉപോ​ദ്‌ബ​ല​ക​മാ​യി ഉപയോ​ഗി​ക്കുക.

⁹ സുവാർത്ത അവതരി​പ്പി​ക്കു​ന്ന​തിൽ ഫലകര​മെന്നു കാലം തെളി​യിച്ച ഒരു മാർഗ​മാണ്‌ ലഘു​ലേഖാ സമർപ്പണം. കാരണം, അതു കൊണ്ടു​ന​ട​ക്കാൻ എളുപ്പ​മാണ്‌, വീടു​തോ​റു​മുള്ള സാക്ഷീ​ക​ര​ണ​ത്തി​ലും അനൗപ​ചാ​രിക സാക്ഷീ​ക​ര​ണ​ത്തി​ലും നിങ്ങൾക്ക്‌ അവ ഫലകര​മാ​യി ഉപയോ​ഗി​ക്കാം. നമ്മുടെ ശുശ്രൂഷ നിറ​വേ​റ്റു​ന്ന​തിൽ ലഘു​ലേ​ഖകൾ ഒരു സുപ്ര​ധാന പങ്കു വഹിക്കു​ന്നു. അതു​കൊണ്ട്‌, നാനാ വിധത്തി​ലുള്ള ലഘു​ലേ​ഖകൾ കൂടെ കരുതു​ക​യും സംഭാ​ഷണം തുടങ്ങു​ന്ന​തി​നാ​യി അവ മടികൂ​ടാ​തെ ഉപയോ​ഗി​ക്കു​ക​യും ചെയ്യുക.—കൊലൊ. 4:17.