‘മനുഷ്യ​രാം ദാനങ്ങൾ’ ഉത്സുക​രാ​യി ദൈവ​ത്തി​ന്റെ ആട്ടിൻകൂ​ട്ടത്തെ മേയി​ക്കു​ന്നു

¹ “മനുഷ്യ​രാം ദാനങ്ങളെ” പ്രദാനം ചെയ്യു​ക​വഴി യഹോ​വ​യാം ദൈവം തന്റെ പുത്രൻ മുഖാ​ന്തരം എത്ര സ്‌നേ​ഹ​പൂർവ​ക​മായ കരുത​ലാ​ണു ചെയ്‌തി​രി​ക്കു​ന്നത്‌! (എഫെ. 4:8, 11, 12, NW) ദൈവ​ത്തി​ന്റെ ആട്ടിൻകൂ​ട്ടത്തെ സജീവ​വും ഉത്സുക​വു​മാ​യി മേയി​ക്കു​ന്നത്‌ ഉൾപ്പെടെ അനേകം ഉത്തരവാ​ദി​ത്വ​ങ്ങൾ അവർക്കുണ്ട്‌. (1 പത്രൊ. 5:2, 3, NW) നമ്മെ സംബന്ധി​ച്ചി​ട​ത്തോ​ളം വളരെ ആവശ്യ​മായ ഈ കരുത​ലിൽനിന്ന്‌ നാമെ​ല്ലാം പ്രയോ​ജനം അനുഭ​വി​ക്കു​ന്നു. പ്രയാ​സ​ങ്ങളെ നേരി​ടു​ന്ന​വ​രോ പുതു​താ​യി സഹവസി​ച്ചു തുടങ്ങി​യ​വ​രോ ചില ബലഹീ​ന​തകൾ ഉള്ളവരോ വഴി​തെ​റ്റി​പ്പോ​യ​വ​രോ ആയാലും എല്ലാവ​രു​ടെ​യും ആത്മീയ ക്ഷേമത്തിൽ ഈ പുരു​ഷ​ന്മാർക്ക്‌ അതിയായ വ്യക്തിഗത താത്‌പ​ര്യം ഉണ്ട്‌.—ഫിലി. 2:4; 1 തെസ്സ. 5:12-14.

² അസ്വസ്ഥ​ജ​ന​ക​മായ ലോക സംഭവങ്ങൾ ഒരളവി​ലുള്ള ആശങ്ക ജനിപ്പി​ക്കു​മ്പോൾ, ഈ ഉപ ഇടയന്മാർ “കാററി​ന്നു ഒരു മറവും പിശറി​ന്നു ഒരു സങ്കേത​വും” ആണെന്നു തെളി​യു​ന്നു. നാം ക്ഷീണി​ത​രോ ഭാര​പ്പെ​ടു​ന്ന​വ​രോ ആയിത്തീ​രു​ക​യും നമുക്ക്‌ ആശ്വാ​സ​ത്തി​ന്റെ ആവശ്യം അനുഭ​വ​പ്പെ​ടു​ക​യും ചെയ്യു​മ്പോൾ, “വരണ്ട നിലത്തു നീർത്തോ​ടു​കൾപോ​ലെ”യോ “ക്ഷീണമുള്ള ദേശത്തു ഒരു വമ്പാറ​യു​ടെ തണൽപോ​ലെ”യോ ആയിരു​ന്നു​കൊണ്ട്‌ അവർ നമുക്കു നവോ​ന്മേഷം പകരുന്നു.—യെശ. 32:2.

³ നിഷ്‌ക്രി​യരെ പ്രോ​ത്സാ​ഹി​പ്പി​ക്കൽ: മുഴു സഭാ​പ്ര​വർത്ത​ന​ങ്ങ​ളി​ലും ക്രമമാ​യി പങ്കെടു​ക്കു​ന്ന​തി​ലേക്കു മടങ്ങി​വ​രാൻ നടപടി​ക​ളെ​ടു​ക്കു​ന്ന​തിൽ സഹായി​ച്ചു​കൊണ്ട്‌ ക്രമമി​ല്ലാ​ത്ത​വ​രെ​യും നിഷ്‌ക്രി​യ​രെ​യും, പ്രോ​ത്സാ​ഹി​പ്പി​ക്കു​ന്ന​തിന്‌ മൂപ്പന്മാർ ഒരു പ്രത്യേക ശ്രമം ചെയ്യു​ന്ന​താ​യി​രി​ക്കും. സഭാ​യോ​ഗ​ങ്ങൾക്കു ക്രമമാ​യി ഹാജരാ​കു​ന്ന​തി​നും വയൽ ശുശ്രൂ​ഷ​യിൽ വീണ്ടും പങ്കെടു​ക്കുന്ന അളവോ​ളം ആത്മീയ​മാ​യി ബലിഷ്‌ഠ​രാ​യി​ത്തീ​രു​ന്ന​തി​നും സ്‌നേ​ഹ​പൂർവ​ക​മായ ഇടയസ​ന്ദർശ​നങ്ങൾ അനേകരെ സഹായി​ച്ചി​ട്ടുണ്ട്‌. മൂപ്പന്മാ​രു​ടെ ഭാഗത്തെ അത്തരം ശ്രമങ്ങ​ളെ​ല്ലാം യഹോ​വ​യു​ടെ സ്‌നേ​ഹ​പൂർവ​ക​മായ കരുത​ലി​നെ​യും യേശു​ക്രിസ്‌തു​വി​ന്റെ ക്രിയാ​ത്മ​ക​മായ നേതൃ​ത്വ​ത്തെ​യും പ്രതി​ഫ​ലി​പ്പി​ക്കു​ന്നു. വഴി​തെ​റ്റി​പ്പോ​കു​ക​യോ നഷ്ടപ്പെ​ടു​ക​യോ ചെയ്‌ത തന്റെ ഏതൊരു ആടിന്റെ കാര്യ​ത്തി​ലും പ്രകട​മാ​ക്കേണ്ട താത്‌പ​ര്യ​ത്തി​ന്റെ മാതൃക അവൻ കാണി​ച്ചു​ത​ന്നി​ട്ടുണ്ട്‌.—മത്താ. 18:12-14; യോഹ. 10:16, 27-29.

⁴ ആർക്കെ​ങ്കി​ലും ആത്മീയ ഇടർച്ച​യു​ടെ ലക്ഷണങ്ങൾ ഉണ്ടോ എന്ന്‌ ഉപ ഇടയന്മാർ നിരീ​ക്ഷി​ക്കു​ന്നു. യോഗ​ങ്ങൾക്കു ക്രമമാ​യി ഹാജരാ​കാ​തി​രി​ക്കു​ന്ന​തോ വയൽസേ​വ​ന​ത്തിൽ മാന്ദ്യ​മു​ള്ള​വ​രാ​യി​ത്തീ​രു​ന്ന​തോ പോലുള്ള നിരു​ത്സാ​ഹ​ത്തി​ന്റെ ലക്ഷണങ്ങൾ ആരെങ്കി​ലും പ്രകട​മാ​ക്കു​ന്നെ​ങ്കിൽ സാധ്യ​ത​യ​നു​സ​രിച്ച്‌ അവർക്ക്‌ ആത്മീയ സഹായം ആവശ്യ​മുണ്ട്‌. വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽ ലോക​ത്തി​ന്റെ പ്രവണത അനുക​രി​ച്ചു തുടങ്ങി​യി​രി​ക്കു​ന്ന​വ​രോ സഭയെ സംബന്ധിച്ച്‌ വിമർശ​നാ​ത്മക മനോ​ഭാ​വം വളർത്തി​യെ​ടു​ക്കു​ന്ന​വ​രോ ആയ ആരെങ്കി​ലും ഉണ്ടെങ്കിൽ അവരെ സഹായി​ക്കാൻ മൂപ്പന്മാർ ഉത്സുക​രാണ്‌. യഹോ​വ​യോ​ടുള്ള തങ്ങളുടെ സ്‌നേഹം പുനർജ്ജ്വ​ലി​പ്പി​ക്കാൻ അത്തരം ആളുകളെ സഹായി​ക്കാ​നുള്ള ശ്രമത്തിൽ ആത്മാർഥ താത്‌പ​ര്യ​ത്തോ​ടും ആർദ്ര​പ്രി​യ​ത്തോ​ടും കൂടെ, സ്‌നേ​ഹ​നി​ധി​ക​ളായ മേൽവി​ചാ​ര​ക​ന്മാർ മനസ്സോ​ടെ ‘തങ്ങളുടെ പ്രാണൻ വെച്ചു​കൊ​ടു​ക്കു​ന്നു.’—1 തെസ്സ. 2:8.

⁵ കഴിഞ്ഞ കാലങ്ങ​ളിൽ, സമർപ്പി​ത​രായ ചില ക്രിസ്‌ത്യാ​നി​കൾക്കു സഭയു​മാ​യുള്ള ബന്ധം നഷ്ടപ്പെ​ട്ടി​ട്ടുണ്ട്‌. അവർ ആത്മീയ നിഷ്‌ക്രി​യാ​വ​സ്ഥ​യി​ലേക്കു വീണു​പോ​യി​രി​ക്കു​ന്നു. ആരോഗ്യ പ്രശ്‌ന​ങ്ങ​ളാ​ലോ സാമ്പത്തിക പരാജ​യ​ങ്ങ​ളാ​ലോ കുടുംബ സമ്മർദ​ങ്ങ​ളാ​ലോ അമിത​മാ​യി ഭാര​പ്പെ​ടു​ത്ത​പ്പെ​ട്ട​താണ്‌ അതിനു കാരണം. ഇത്തരം സന്ദർഭ​ങ്ങ​ളിൽ മൂപ്പന്മാർ വിമർശ​നാ​ത്മക മനോ​ഭാ​വം പ്രകടി​പ്പി​ക്കാ​തെ, യഹോവ തന്റെ എല്ലാ ആടുകൾക്കും വേണ്ടി കരുതു​ന്നു​ണ്ടെ​ന്നും പ്രയാസ കാലങ്ങ​ളിൽ അവരെ താങ്ങു​മെ​ന്നും ദയാപൂർവം ഉറപ്പു നൽകുന്നു. (സങ്കീ. 55:22; 1 പത്രൊ. 5:7) അവർ ‘ദൈവ​ത്തോട്‌ അടുത്തു ചെല്ലു​ന്നെ​ങ്കിൽ’ അവർക്ക്‌ ആശ്വാ​സ​വും നവോ​ന്മേ​ഷ​വും പ്രദാനം ചെയ്‌തു​കൊണ്ട്‌ ‘അവൻ അവരോ​ടും അടുത്തു​വ​രും’ എന്ന വസ്‌തുത തിരി​ച്ച​റി​യു​ന്ന​തിന്‌ ആടുകളെ സഹായി​ക്കാൻ ശ്രദ്ധാ​ലു​ക്ക​ളായ ഇടയന്മാർക്കു കഴിയും.—യാക്കോ. 4:8; സങ്കീ. 23:3, 4, NW.

⁶ ശാരീ​രിക ബലഹീനത ഉള്ളവർക്കു​വേണ്ടി കരുതൽ: സ്‌നേ​ഹ​മുള്ള ഉപ ഇടയന്മാർ, സാധാ​ര​ണ​ഗ​തി​യിൽ അവഗണി​ക്ക​പ്പെ​ട്ടേ​ക്കാ​വു​ന്ന​വ​രു​ടെ കാര്യ​ത്തി​ലും തത്‌പ​ര​രാണ്‌. ബലഹീ​ന​രായ ചിലർ മിക്ക സഭകളി​ലും ഉണ്ട്‌. ആതുരാ​ല​യ​ങ്ങ​ളിൽ കഴിയു​ന്ന​വ​രോ മറ്റു രീതി​യിൽ ദുർബ​ല​രാ​യ​വ​രോ ആണ്‌ അവർ. അവരുടെ സാഹച​ര്യം നിമിത്തം രാജ്യ​സ​ന്ദേശം ഘോഷി​ക്കു​ന്ന​തി​ലെ അവരുടെ പങ്ക്‌ പരിമി​ത​പ്പെ​ട്ടി​രി​ക്കു​ന്നു. ഒരുപക്ഷേ അവർക്ക്‌, സന്ദർശ​ക​രോ​ടോ, മറ്റു രോഗി​ക​ളോ​ടോ തങ്ങളെ ശുശ്രൂ​ഷി​ക്കു​ന്ന​വ​രോ​ടോ മാത്രമേ സാക്ഷീ​ക​രി​ക്കാ​നാ​വൂ. എന്നിരു​ന്നാ​ലും, ശുശ്രൂ​ഷ​യിൽ അവർക്കു ചെയ്യാൻ കഴിയു​ന്നത്‌ എന്തുതന്നെ ആയിരു​ന്നാ​ലും അതു മൊത്തം പ്രസം​ഗ​വേ​ലയ്‌ക്കുള്ള മൂല്യ​വ​ത്തായ സംഭാ​വ​ന​യാ​യി കണക്കാ​ക്ക​പ്പെ​ടു​ന്നു. (മത്താ. 25:15) അവർ കേവലം 15 മിനിട്ടേ സാക്ഷീ​ക​രി​ക്കു​ന്നു​ള്ളൂ എങ്കിൽപ്പോ​ലും അതു റിപ്പോർട്ടു ചെയ്യണം. അവരെ ക്രമമുള്ള രാജ്യ​പ്ര​സാ​ധ​ക​രാ​യി കണക്കാ​ക്കു​ന്ന​താ​യി​രി​ക്കും.

⁷ വർഷത്തി​ലെ ഈ സമയത്ത്‌, അതായത്‌ സ്‌മാ​ര​ക​കാ​ലത്ത്‌ തങ്ങളുടെ സഹോ​ദ​ര​ങ്ങ​ളു​ടെ ആത്മീയ ആവശ്യം സംബന്ധിച്ച്‌ ‘മനുഷ്യ​രാം ദാനങ്ങൾ’ വിശേ​ഷാൽ ശ്രദ്ധാ​ലു​ക്ക​ളാണ്‌. സഭയിലെ ഊഷ്‌മ​ള​മായ സഹവാ​സ​ത്തിൽനി​ന്നു ലഭിക്കുന്ന സന്തോ​ഷ​വും മനസ്സമാ​ധാ​ന​വും വീണ്ടും ആസ്വദി​ക്കാൻ തക്കവണ്ണം, വഴി​തെ​റ്റി​പ്പോയ എല്ലാവ​രെ​യും സഹായി​ക്കു​ന്ന​തിന്‌ മൂപ്പന്മാർ പ്രത്യേക ശ്രമം ചെയ്യു​ന്ന​തി​നുള്ള എത്ര ഉചിത​മായ സമയമാ​ണിത്‌! മറുവി​ല​യാ​ഗ​ത്തി​ലുള്ള തങ്ങളുടെ വിശ്വാ​സം ഉറപ്പി​ച്ചു​കൊണ്ട്‌ അത്തരം “സഹവി​ശ്വാ​സി​കൾ” സഭാ​യോ​ഗ​ങ്ങ​ളിൽ ഹാജരാ​കു​ന്ന​തും ശുശ്രൂ​ഷ​യിൽ പങ്കെടു​ക്കു​ന്ന​തും കാണു​മ്പോൾ നാം സന്തോ​ഷി​ക്കു​ന്നു.—ഗലാ. 6:10; ലൂക്കൊ. 15:4-7; യോഹ. 10:11, 14.