പ്രസം​ഗ​വേ​ല​യി​ലെ നിങ്ങളു​ടെ സന്തോഷം വർധി​പ്പി​ക്കു​ക

¹ സുവാർത്ത പങ്കു​വെ​ക്കു​ന്ന​തി​ലെ സന്തോഷം—നിങ്ങളു​ടെ ശുശ്രൂ​ഷ​യിൽ നിങ്ങൾക്ക്‌ അതു ലഭിക്കു​ന്നു​ണ്ടോ? നാം ശ്രദ്ധാ​ലു​ക്ക​ള​ല്ലെ​ങ്കിൽ, പ്രസം​ഗ​വേ​ല​യു​ടെ കാര്യ​ത്തിൽ നാം അധൈ​ര്യ​പ്പെ​ടു​ന്ന​തി​നും അങ്ങനെ നമ്മുടെ സന്തോഷം നഷ്ടമാ​കു​ന്ന​തി​നും നമുക്കു ചുറ്റു​മുള്ള ലോകം ഇടയാ​ക്കി​യേ​ക്കാം. യാതൊ​രു പ്രതി​ക​ര​ണ​വു​മി​ല്ലാത്ത പ്രദേ​ശത്തു പ്രവർത്തി​ക്കു​ന്ന​തും നമ്മെ നിരു​ത്സാ​ഹ​പ്പെ​ടു​ത്തി​യേ​ക്കാം. പ്രസം​ഗ​വേ​ല​യി​ലെ സന്തോഷം വർധി​പ്പി​ക്കാൻ നമുക്ക്‌ ഏതെല്ലാം പ്രാ​യോ​ഗിക നടപടി​കൾ സ്വീക​രി​ക്കാ​വു​ന്ന​താണ്‌?

² ശുഭാ​പ്‌തി​വി​ശ്വാ​സ​മു​ള്ളവർ ആയിരി​ക്കുക: ശുഭാപ്‌തി​വി​ശ്വാ​സം ഉള്ളവരാ​യി​രി​ക്കു​ന്നത്‌ വളരെ സഹായ​ക​മാണ്‌. അതിനുള്ള ഒരു മാർഗം “ദൈവ​ത്തി​ന്റെ കൂട്ടു​വേ​ല​ക്കാർ” ആയിരി​ക്കു​ന്ന​തി​നുള്ള നമ്മുടെ മഹത്തായ പദവിയെ കുറിച്ചു ധ്യാനി​ക്കുക എന്നതാണ്‌. (1 കൊരി. 3:9) ഈ വേല നിർവ​ഹി​ക്കു​ന്ന​തിൽ യേശു​വും നമ്മോ​ടൊ​പ്പ​മുണ്ട്‌. (മത്താ. 28:20) ഒരു ദൂത സൈന്യ​ത്തെ ഉപയോ​ഗിച്ച്‌ അവൻ നമ്മെ പിന്തു​ണയ്‌ക്കു​ന്നു. (മത്താ. 13:41, 49) അതു​കൊണ്ട്‌, നമ്മുടെ ശ്രമങ്ങ​ളു​ടെ​മേൽ ദിവ്യ​ന​ട​ത്തി​പ്പു​ണ്ടെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. (വെളി. 14:6, 7) അതു​കൊണ്ട്‌, ചിലർ നമ്മുടെ വേല​യോട്‌ എങ്ങനെ പ്രതി​ക​രി​ച്ചാ​ലും ശരി, സ്വർഗ​ത്തിൽനി​ന്നുള്ള പ്രതി​ക​രണം അത്യധി​കം ആഹ്ലാദ​ത്തി​ന്റേ​താണ്‌!

³ നന്നായി തയ്യാറാ​കുക: നല്ല തയ്യാറാ​ക​ലും നമ്മുടെ സന്തോഷം വർധി​പ്പി​ക്കു​ന്നു. ശുശ്രൂ​ഷയ്‌ക്കു വേണ്ടി​യുള്ള തയ്യാറാ​കൽ വളരെ ശ്രമക​ര​മായ വേല​യൊ​ന്നു​മല്ല. ഓരോ മാസ​ത്തെ​യും മാസി​ക​യിൽനി​ന്നോ സമർപ്പ​ണ​സാ​ഹി​ത്യ​ത്തിൽനി​ന്നോ ശുശ്രൂ​ഷ​യിൽ വിശേ​ഷ​വത്‌ക​രി​ക്കാ​വുന്ന ഒരു ആശയം കണ്ടുപി​ടി​ക്കാൻ ഏതാനും മിനി​ട്ടു​കളേ വേണ്ടൂ. നമ്മുടെ രാജ്യ ശുശ്രൂ​ഷ​യിൽ കൊടു​ത്തി​രി​ക്കുന്ന “മാസി​കകൾ വിശേ​ഷ​വത്‌ക​രി​ക്കാൻ പറയാ​വു​ന്നത്‌” എന്നതിനു കീഴിൽനിന്ന്‌ ഒരു അവതരണം തിര​ഞ്ഞെ​ടു​ക്കുക. 2002 ജനുവരി ലക്കത്തിലെ “നിർദേ​ശി​ച്ചി​രി​ക്കുന്ന വയൽസേവന അവതര​ണങ്ങൾ” എന്ന അനുബന്ധം പരി​ശോ​ധി​ക്കുക. അല്ലെങ്കിൽ ഫലകര​മായ മുഖവു​രയ്‌ക്കു​വേണ്ടി ന്യായ​വാ​ദം പുസ്‌തകം നോക്കുക. വീട്ടു​കാർ സാധാരണ ഉന്നയി​ക്കാ​റുള്ള ഒരു തടസ്സവാ​ദ​ത്തെ​യാ​ണു നേരി​ടു​ന്ന​തെ​ങ്കിൽ, അവരുടെ അഭി​പ്രാ​യത്തെ മാനി​ച്ചു​കൊ​ണ്ടു​ള്ള​തും എന്നാൽ താത്‌പ​ര്യ​ജ​ന​ക​മായ ഒരു വിഷയ​ത്തി​ലേക്ക്‌ അവരുടെ ശ്രദ്ധ തിരി​ച്ചു​വി​ടു​ന്ന​തു​മായ ഒരു മറുപടി തയ്യാറാ​കുക. ഇക്കാര്യ​ത്തിൽ ന്യായ​വാ​ദം പുസ്‌തകം വളരെ സഹായ​ക​മാണ്‌. ഈ സഹായങ്ങൾ ഉപയോ​ഗ​പ്പെ​ടു​ത്തു​ന്നത്‌ സന്തോ​ഷ​പൂർവം പ്രസം​ഗി​ക്കാൻ ആവശ്യ​മായ ആത്മവി​ശ്വാ​സം നമുക്കു നൽകും.

⁴ ഉള്ളുരു​കി പ്രാർഥി​ക്കുക: നിലനിൽക്കുന്ന സന്തോ​ഷ​ത്തി​നു പ്രാർഥന അത്യാ​വ​ശ്യ​മാണ്‌. നാം ചെയ്യു​ന്നത്‌ യഹോ​വ​യു​ടെ വേല ആയതി​നാൽ അവന്റെ ആത്മാവി​നു​വേണ്ടി നാം യാചി​ക്കേ​ണ്ട​തുണ്ട്‌. ആത്മാവി​ന്റെ ഒരു ഫലമാണു സന്തോഷം. (ഗലാ. 5:22) തുടർന്നു പ്രസം​ഗി​ക്കു​ന്ന​തിന്‌ ആവശ്യ​മായ ശക്തി യഹോവ നമുക്കു നൽകും. (ഫിലി. 4:13) നമ്മുടെ ശുശ്രൂ​ഷയെ കുറിച്ചു പ്രാർഥി​ക്കു​ന്നത്‌, വിപരീത ഫലങ്ങൾ ഉണ്ടാകു​മ്പോൾ പോലും ശരിയായ കാഴ്‌ച​പ്പാ​ടു നിലനി​റു​ത്താൻ നമ്മെ സഹായി​ക്കും. (പ്രവൃ. 13:52; 1 പത്രൊ. 4:13, 14) ഭയം തോന്നു​ന്നെ​ങ്കിൽപ്പോ​ലും ധൈര്യ​ത്തോ​ടും സന്തോ​ഷ​ത്തോ​ടും കൂടെ തുടരാൻ പ്രാർഥ​നയ്‌ക്കു നമ്മെ സഹായി​ക്കാ​നാ​കും.—പ്രവൃ. 4:31.

⁵ അവസരങ്ങൾ ഉണ്ടാക്കുക: ആളുകളെ കണ്ടുമു​ട്ടാ​നും അവരോ​ടു സാക്ഷീ​ക​രി​ക്കാ​നും കഴിയു​മ്പോൾ നമ്മുടെ ശുശ്രൂഷ ഏറെ സന്തോ​ഷ​ക​ര​മാ​യി​ത്തീ​രു​ന്നു. വീടു​തോ​റു​മുള്ള വേല ഒരുപക്ഷേ ഉച്ചകഴിഞ്ഞ നേര​ത്തേ​ക്കോ വൈകു​ന്നേ​ര​ത്തേ​ക്കോ മാറ്റി​ക്കൊണ്ട്‌ പ്രവർത്തന പട്ടിക​യിൽ അൽപ്പം വ്യതി​യാ​നം വരുത്തു​ന്നത്‌ ഏറെ നല്ല ഫലങ്ങൾ ഉളവാ​ക്കി​യേ​ക്കാം. വഴിന​ട​ക്കു​മ്പോ​ഴോ കടയിൽ പോകു​മ്പോ​ഴോ ബസ്സിൽ യാത്ര ചെയ്യു​മ്പോ​ഴോ പാർക്കിൽ ഉലാത്തു​മ്പോ​ഴോ ഒക്കെ നിങ്ങൾ ആളുകളെ കണ്ടുമു​ട്ടു​ന്നു. ഒരു സംഭാ​ഷ​ണ​ത്തി​നു തുടക്ക​മി​ടു​ന്ന​തി​നുള്ള ഏതാനും വാചകങ്ങൾ തയ്യാറാ​യി​ക്കൊണ്ട്‌ സൗഹൃ​ദ​ഭാ​വ​മു​ള്ള​വ​രെന്നു തോന്നി​ക്കു​ന്ന​വരെ സമീപി​ക്കാൻ എന്തു​കൊണ്ട്‌ മുൻകൈ എടുത്തു​കൂ​ടാ? അല്ലെങ്കിൽ നിങ്ങൾ മറ്റുള്ള​വ​രു​മാ​യി നിരന്തരം സംഭാ​ഷ​ണ​ത്തിൽ ഏർപ്പെ​ടാൻ അവസര​മുള്ള ഒരു ലൗകിക തൊഴി​ലിൽ ഏർപ്പെ​ട്ടി​രി​ക്കു​ക​യോ സ്‌കൂ​ളിൽ പോകു​ക​യോ ചെയ്യു​ന്നു​ണ്ടാ​യി​രി​ക്കാം. താത്‌പ​ര്യ​ജ​ന​ക​മായ ഒരു തിരു​വെ​ഴു​ത്തു വിഷയം പരാമർശി​ക്കുക മാത്രം ചെയ്യു​ന്ന​തി​ലൂ​ടെ സാക്ഷ്യം നൽകാ​നുള്ള അവസരം നിങ്ങൾക്കു ലഭി​ച്ചേ​ക്കാം. 2002 ജനുവരി ലക്കം നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തി​ന്റെ ഒന്നാം പേജിൽ സഹായ​ക​മായ നിർദേ​ശങ്ങൾ കാണാ​നാ​കും. ഇത്തരത്തി​ലുള്ള ഏതൊരു ശ്രമവും പ്രസം​ഗ​വേ​ല​യി​ലെ സന്തോഷം വർധി​പ്പി​ക്കാൻ നിങ്ങളെ സഹായി​ക്കും.

⁶ സഹിച്ചു​നിൽക്കാൻ സന്തോഷം നമ്മെ സഹായി​ക്കു​ന്ന​തി​നാൽ, അതു നിലനി​റു​ത്തു​ന്നത്‌ എത്ര പ്രധാ​ന​മാണ്‌! അപ്രകാ​രം ചെയ്യു​ന്ന​തി​നാൽ, ഒരിക്ക​ലും ആവർത്തി​ക്ക​പ്പെ​ടു​ക​യി​ല്ലാത്ത ഈ വേല അതിന്റെ പരിസ​മാപ്‌തി​യി​ലേക്കു വരു​മ്പോൾ നമുക്കു വലിയ പ്രതി​ഫലം കൊയ്യാ​നാ​കും. ആ പ്രത്യാ​ശയ്‌ക്കു​തന്നെ പ്രസം​ഗ​വേ​ല​യി​ലെ നമ്മുടെ സന്തോ​ഷത്തെ അതിയാ​യി വർധി​പ്പി​ക്കാ​നാ​കും.—മത്താ. 25:21.