‘സൽപ്ര​വൃ​ത്തി​ക​ളിൽ സമ്പന്നരാ​യി​രി​പ്പിൻ’

¹ അപ്പൊ​സ്‌ത​ല​നായ പൗലൊസ്‌ തന്റെ തീക്ഷ്‌ണ​മായ ശുശ്രൂ​ഷ​യു​ടെ അവസാന വർഷങ്ങ​ളിൽ തിമൊ​ഥെ​യൊ​സി​നോ​ടും തീത്തൊ​സി​നോ​ടും കൂടെ അടുത്തു പ്രവർത്തി​ച്ചി​രു​ന്നു. ഇരുവർക്കും അവൻ സമാന​മായ പ്രോ​ത്സാ​ഹന വാക്കുകൾ എഴുതി. “ദൈവ​ത്തിൽ വിശ്വ​സി​ച്ചവർ സൽപ്ര​വൃ​ത്തി​ക​ളിൽ ഉത്സാഹി​ക​ളാ​യി​രി​പ്പാൻ” കരു​തേണം എന്ന്‌ അവൻ തീത്തൊ​സി​നോ​ടു പറഞ്ഞു. (തീത്തൊ. 3:8) ദൈവ​ത്തിൽ ആശവെ​ക്കു​ന്നവർ “സൽപ്ര​വൃ​ത്തി​ക​ളിൽ സമ്പന്നരാ​യി”രിക്കണം എന്ന്‌ അവൻ തിമൊ​ഥെ​യൊ​സി​നോ​ടു പറഞ്ഞു. (1 തിമൊ. 6:18) നമു​ക്കേ​വർക്കു​മുള്ള ഉത്തമ മാർഗ​നിർദേ​ശ​മാ​ണിത്‌! എന്നാൽ ജീവി​ത​ത്തിൽ സത്‌പ്ര​വൃ​ത്തി​കൾ ചെയ്യാൻ നമ്മെ പ്രേരി​പ്പി​ക്കു​ന്നത്‌ എന്താണ്‌? വരും​ദി​ന​ങ്ങ​ളിൽ ഏതു പ്രത്യേക പ്രവൃ​ത്തി​കൾ നാം ചെയ്യു​ന്ന​താ​യി​രി​ക്കും?

² ശരിയായ പ്രവൃ​ത്തി​ക​ളിൽ സമ്പന്നരാ​യി​രി​ക്കു​ന്ന​തി​നുള്ള പ്രേരണ നമ്മിൽ ഉളവാ​കു​ന്നത്‌, യഹോ​വ​യി​ലുള്ള നമ്മുടെ വിശ്വാ​സ​ത്തിൽനി​ന്നും അവനോ​ടുള്ള നമ്മുടെ സ്‌നേ​ഹ​ത്തിൽനി​ന്നും അവൻ നമുക്കു നൽകി​യി​രി​ക്കുന്ന മഹത്തായ പ്രത്യാ​ശ​യിൽനി​ന്നും ആണ്‌. (1 തിമൊ. 6:19; തീത്തൊ. 2:11) പ്രത്യേ​കി​ച്ചും വർഷത്തി​ന്റെ ഈ സമയത്ത്‌, യഹോവ തന്റെ പുത്രനെ ഭൂമി​യി​ലേക്ക്‌ അയച്ചതു സംബന്ധിച്ച്‌ നാം ഓർമി​പ്പി​ക്ക​പ്പെ​ടു​ന്നു. യേശു​വിന്‌ തന്റെ പിതാ​വി​നെ നീതീ​ക​രി​ക്കാ​നും അർഹരായ എല്ലാവർക്കും ജീവനി​ലേ​ക്കുള്ള മാർഗം പ്രദാനം ചെയ്യാ​നും കഴി​യേ​ണ്ട​തി​നാണ്‌ അവൻ അങ്ങനെ ചെയ്‌തത്‌. (മത്താ. 20:28; യോഹ. 3:16) മാർച്ച്‌ 28-ന്‌ ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആചരി​ക്കവേ ഇത്‌ ഏറെ വ്യക്തമാ​ക്ക​പ്പെ​ടും. നമുക്കു ലഭിച്ചി​രി​ക്കുന്ന നിത്യ​ജീ​വന്റെ പ്രത്യാ​ശ​യോ​ടുള്ള പ്രതി​ക​ര​ണ​മെന്ന നിലയിൽ “സൽപ്ര​വൃ​ത്തി​ക​ളിൽ സമ്പന്നരാ​യി”രിക്കു​ന്ന​തിന്‌ നമ്മാലാ​വ​തെ​ല്ലാം ചെയ്യാൻ നാം പ്രേരി​ത​രാ​കു​ന്നി​ല്ലേ? തീർച്ച​യാ​യും! ഏതെല്ലാം പ്രവൃ​ത്തി​ക​ളാണ്‌ നമുക്ക്‌ ഇപ്പോൾ ചെയ്യാ​നാ​കുക?

³ മാർച്ചി​ലും അതിനു​ശേ​ഷ​വും ചെയ്യാ​നാ​കുന്ന സത്‌പ്ര​വൃ​ത്തി​കൾ: തീർച്ച​യാ​യും, നാമെ​ല്ലാം സ്‌മാ​ര​ക​ത്തി​നു ഹാജരാ​കും. ലോക​വ്യാ​പ​ക​മാ​യുള്ള യഹോ​വ​യു​ടെ സാക്ഷി​കളെ സംബന്ധി​ച്ചി​ട​ത്തോ​ളം വർഷത്തി​ലെ ഏറ്റവും പ്രധാ​ന​പ്പെട്ട സംഭവ​മാ​ണിത്‌. (ലൂക്കൊ. 22:19) എന്നാൽ ആ സന്തോ​ഷാ​വ​സരം സാധ്യ​മാ​കു​ന്നത്ര ആളുക​ളു​മാ​യി പങ്കു​വെ​ക്കാൻ നാം ആഗ്രഹി​ക്കു​ന്നു. വാർഷി​ക​പുസ്‌തകം 2002-ലെ സേവന റിപ്പോർട്ട്‌ പരി​ശോ​ധി​ച്ചാൽ ഭൂവ്യാ​പ​ക​മാ​യി പല രാജ്യ​ങ്ങ​ളി​ലും കഴിഞ്ഞ​വർഷത്തെ സ്‌മാരക ഹാജർ പ്രസാ​ധ​ക​രു​ടെ എണ്ണത്തിന്റെ മൂന്നോ നാലോ അഞ്ചോ അതിൽ കൂടു​ത​ലോ മടങ്ങാ​യി​രു​ന്നെന്നു കാണാ​നാ​കും. സഭയി​ലുള്ള എല്ലാവ​രും തങ്ങളുടെ പ്രദേ​ശത്ത്‌ ഉടനീളം സ്‌മാരക ക്ഷണക്കത്ത്‌ വിപു​ല​മാ​യി വിതരണം ചെയ്യാൻ ആത്മാർഥ​മാ​യി ശ്രമി​ച്ച​തി​ന്റെ ഫലമാ​ണത്‌. അതു​കൊണ്ട്‌, രക്ഷയുടെ പ്രത്യാ​ശയെ കുറിച്ചു പഠിക്കാൻ ആളുകളെ സഹായി​ക്കാൻ തക്കവണ്ണം അവരെ സ്‌മാ​ര​ക​ത്തി​നു ക്ഷണിക്കു​ന്ന​തിന്‌ ഇന്നു മുതൽ മാർച്ച്‌ 28 വരെ പരമാ​വധി സമയം ചെലവ​ഴി​ക്കാൻ നാം ആഗ്രഹി​ക്കു​ന്നു.

⁴ ഏപ്രി​ലിൽ സ്‌കൂ​ളു​കൾക്ക്‌ അവധി​യാ​യ​തി​നാൽ മാതാ​പി​താ​ക്കൾക്കും കുട്ടി​കൾക്കും അത്ര തിരക്കു​ണ്ടാ​യി​രി​ക്കില്ല, അതു​കൊ​ണ്ടു​തന്നെ അവർക്ക്‌ ഏറെ സമയവും ഉണ്ട്‌. “സൽപ്ര​വൃ​ത്തി​ക​ളിൽ സമ്പന്നരാ​യി”രിക്കു​ന്ന​തിന്‌ ഈ അനുകൂല സാഹച​ര്യം നമുക്ക്‌ എങ്ങനെ മെച്ചമാ​യി ഉപയോ​ഗി​ക്കാൻ കഴിയും? സുവാർത്താ പ്രസം​ഗ​വേ​ല​യിൽ ഉത്സാഹ​പൂർവം പങ്കുപ​റ്റി​ക്കൊണ്ട്‌ “സൽപ്ര​വൃ​ത്തി​ക​ളിൽ ശുഷ്‌കാ​ന്തി​യു”ള്ളവരാ​യി​രി​ക്കു​ന്ന​തി​നാൽ. (തീത്തൊ. 2:14; മത്താ. 24:14) മാർച്ചിൽ സഹായ പയനി​യ​റിങ്‌ ചെയ്യാൻ കഴിഞ്ഞി​ല്ലെ​ങ്കിൽ ഏപ്രി​ലി​ലും മേയി​ലു​മോ അല്ലെങ്കിൽ അതിൽ ഏതെങ്കി​ലും ഒരു മാസമോ അപ്രകാ​രം ചെയ്യാൻ നിങ്ങൾക്കു കഴിയു​മോ? നിങ്ങൾ മാർച്ചിൽ പയനി​യ​റിങ്‌ ചെയ്യു​ന്നെ​ങ്കിൽ അതു തുടരാൻ നിങ്ങൾക്കാ​കു​മോ?

⁵ ലൗകിക ജോലി​യുള്ള ചിലർ, തെരുവു സാക്ഷീ​ക​ര​ണ​ത്തിൽ ഏർപ്പെ​ട്ടു​കൊ​ണ്ടോ അതിരാ​വി​ലെ ബിസി​നസ്‌ തുടങ്ങു​ന്ന​വ​രു​മാ​യി സംസാ​രി​ച്ചു​കൊ​ണ്ടോ ജോലി​ക്കു പോകും​വഴി ഒരു മണിക്കൂ​റോ മറ്റോ സേവന​ത്തിൽ ചെലവ​ഴി​ക്കാൻ കഴിയു​ന്ന​താ​യി കണ്ടെത്തു​ന്നു. മറ്റുള്ളവർ തങ്ങളുടെ ഉച്ചയ്‌ക്കത്തെ ഇടവേ​ള​യിൽ കുറച്ചു സമയം സാക്ഷീ​ക​ര​ണ​ത്തി​നാ​യി മാറ്റി​വെ​ക്കു​ന്നു. ആ സമയത്ത്‌ ഒരു സഹജോ​ലി​ക്കാ​ര​നു​മാ​യി അധ്യയനം നടത്തുക സാധ്യ​മാ​ണെന്നു ചിലർ കണ്ടെത്തി​യി​രി​ക്കു​ന്നു. വീട്ടമ്മ​മാ​രായ പല സഹോ​ദ​രി​മാർക്കും സ്‌കൂൾ ഉള്ള സമയത്തു​പോ​ലും വയൽസേ​വ​ന​ത്തി​നു സമയം കണ്ടെത്താൻ കഴിയുന്ന സ്ഥിതിക്ക്‌ സ്‌കൂൾ അവധി​ക്കാ​ലത്ത്‌ കൂടു​ത​ലാ​യി അതിനു സാധി​ക്കും. വീട്ടു​ജോ​ലി​കൾ തീർക്കു​ന്ന​തിന്‌ ചില ദിവസ​ങ്ങ​ളിൽ അൽപ്പം നേരത്തേ ഉണർന്നു​കൊണ്ട്‌ പകൽനേ​രത്ത്‌ പ്രസംഗ-പഠിപ്പി​ക്കൽ വേലയ്‌ക്കാ​യി അവർക്ക്‌ ഏറെ സമയം കണ്ടെത്താൻ കഴിയും.—എഫെ. 5:15, 16.

⁶ സഹായ പയനി​യ​റിങ്‌ ചെയ്യാൻ കഴിയാത്ത ഒരു സാഹച​ര്യ​മാ​ണു നിങ്ങളു​ടേത്‌ എങ്കിലും ശുശ്രൂ​ഷ​യിൽ കൂടു​ത​ലായ പങ്കുണ്ടാ​യി​രി​ക്കാൻ തക്കവണ്ണം വ്യക്തി​പ​ര​മായ ഒരു പട്ടിക ഉണ്ടാക്കാൻ നിങ്ങൾക്കു കഴി​ഞ്ഞേ​ക്കും. അങ്ങനെ ‘നന്മ ചെയ്‌ത്‌, സൽപ്ര​വൃ​ത്തി​ക​ളിൽ സമ്പന്നരാ​യി ദാനശീ​ല​രും ഔദാ​ര്യ​മു​ള്ള​വ​രു​മാ​യി’രുന്നു​കൊണ്ട്‌ മറ്റുള്ള​വ​രു​മാ​യി സത്യം പങ്കു​വെ​ക്കു​ന്ന​തിൽ നിങ്ങളു​ടെ പരമാ​വധി ചെയ്യാൻ കഴിയും.—1 തിമൊ. 6:18.

⁷ ശിഷ്യ​രാ​ക്കൽ എന്ന സത്‌പ്ര​വൃ​ത്തി ഓർമി​ക്കുക: എല്ലാ വർഷവും സ്‌മാ​ര​ക​ത്തി​നു ഹാജരാ​കുന്ന താത്‌പ​ര്യ​ക്കാ​രുണ്ട്‌. അങ്ങനെ ഹാജരാ​കു​ക​യും എന്നാൽ ഇപ്പോൾ ഒരു അധ്യയനം ഇല്ലാതി​രി​ക്കു​ക​യും ചെയ്യു​ന്ന​വ​രു​ടെ കാര്യ​ത്തിൽ ശ്രദ്ധി​ക്കാൻ സഭയിൽ ആർക്കെ​ങ്കി​ലും കഴിയു​മോ? ആത്മീയ പുരോ​ഗതി വരുത്താൻ സഹായി​ക്കുക എന്ന ലക്ഷ്യത്തിൽ അവർക്കു മടക്കസ​ന്ദർശനം നടത്താൻ കഴിയു​മോ? സ്‌മാ​ര​ക​ത്തി​നു ഹാജരായ ചിലർ സാക്ഷി​ക​ളു​ടെ സ്വന്തക്കാ​രാ​യി​രി​ക്കാം. മറ്റുള്ളവർ, മുമ്പ്‌ ബൈബിൾ പഠിച്ചു​കൊ​ണ്ടി​രു​ന്ന​വ​രും അധ്യയനം പുനഃ​രാ​രം​ഭി​ക്കു​ന്ന​തി​നും ക്രമമാ​യി യോഗ​ങ്ങൾക്കു ഹാജരാ​കു​ന്ന​തി​നും ചെറി​യൊ​രു പ്രോ​ത്സാ​ഹനം മാത്രം ആവശ്യ​മു​ള്ള​വ​രും ആയിരി​ക്കാം. യഹോ​വ​യു​ടെ പ്രവർത്ത​ന​നി​ര​ത​രായ ദാസരാ​യി അവർ നമ്മോ​ടൊ​പ്പം ചേരു​ന്നത്‌ നമ്മെ എത്രമാ​ത്രം സന്തോ​ഷി​പ്പി​ക്കും!

⁸ മാർച്ചി​ലും അതിനു​ശേ​ഷ​വും ശുശ്രൂ​ഷ​യിൽ വർധിച്ച പങ്കുണ്ടാ​യി​രി​ക്കു​ന്ന​തി​ലൂ​ടെ, മടക്കസ​ന്ദർശനം നടത്തേ​ണ്ട​തായ കൂടുതൽ താത്‌പ​ര്യ​ക്കാ​രെ നാം കണ്ടെത്താൻ ഏറെ സാധ്യ​ത​യുണ്ട്‌. പോരു​ന്ന​തി​നു മുമ്പ്‌ ഒരു ചോദ്യം ചോദി​ക്കുക. എന്നിട്ട്‌ മടങ്ങി​വന്ന്‌ അതിനുള്ള ഉത്തരം നൽകാ​മെന്നു പറയുക. അങ്ങനെ ചെയ്യു​മ്പോൾ നാം ഒരു മടക്കസ​ന്ദർശ​ന​ത്തി​നുള്ള വഴി ഒരുക്കു​ക​യാണ്‌. എത്രയും പെട്ടെന്ന്‌ മടക്കസ​ന്ദർശനം നടത്തു​ന്നു​വോ അത്‌ അത്രയും നന്ന്‌. ആദ്യ സന്ദർശ​ന​ത്തിൽ ഒരു അധ്യയനം തുടങ്ങാൻ സാധി​ച്ചി​ല്ലെ​ങ്കിൽ എങ്ങനെ​യും അടുത്ത സന്ദർശ​ന​ത്തിൽത്തന്നെ അധ്യയനം തുടങ്ങാൻ ശ്രമി​ക്കു​ന്ന​തി​നു നാം ആഗ്രഹി​ക്കു​ന്നു.

⁹ തെരുവു സാക്ഷീ​ക​ര​ണ​ത്തിൽ ഏർപ്പെ​ട്ടി​രി​ക്കു​മ്പോൾ ആളുക​ളു​മാ​യി സംഭാ​ഷണം തുടങ്ങാൻ നാം ശ്രദ്ധാ​ലു​ക്ക​ളാ​യി​രി​ക്കണം. അനേകം പ്രസാ​ധ​കർക്കും, തെരു​വു​വേ​ല​യിൽ ഏർപ്പെ​ട്ടി​രി​ക്കെ കണ്ടുമു​ട്ടിയ താത്‌പ​ര്യ​ക്കാ​രിൽനി​ന്നു പേരും മേൽവി​ലാ​സ​വും ടെലി​ഫോൺ നമ്പരു​ക​ളും കിട്ടി​യി​ട്ടുണ്ട്‌. കണ്ടുമു​ട്ടിയ വ്യക്തി നിങ്ങളു​ടെ സഭാ പ്രദേ​ശത്തല്ല താമസി​ക്കു​ന്ന​തെ​ങ്കിൽ രാജ്യ​ഹാ​ളിൽനി​ന്നും ‘ദയവായി മടങ്ങി​ച്ചെ​ല്ലുക’ ഫാറം (S-43) വാങ്ങി പൂരി​പ്പിച്ച്‌ സഭാ സെക്ര​ട്ട​റി​യെ ഏൽപ്പി​ക്കുക. അദ്ദേഹം അത്‌ പ്രസ്‌തുത വ്യക്തി ഏതു സഭയുടെ പ്രദേ​ശ​ത്തുള്ള ആളാണോ ആ സഭയ്‌ക്കു കൈമാ​റും. സെക്ര​ട്ട​റിക്ക്‌ അതിനു കഴിയാത്ത പക്ഷം, അതു കൈകാ​ര്യം ചെയ്യു​ന്ന​തി​നാ​യി അദ്ദേഹം അത്‌ ബ്രാഞ്ച്‌ ഓഫീ​സി​ലേക്ക്‌ അയയ്‌ക്കും. അങ്ങനെ താത്‌പ​ര്യം നട്ടുവ​ളർത്താൻ കഴിയും.

¹⁰ മേൽവി​ലാ​സ​മി​ല്ലാ​തെ ടെലി​ഫോൺ നമ്പർ മാത്രമേ ലഭിച്ചി​ട്ടു​ള്ളു​വെ​ങ്കിൽ ആ വ്യക്തിക്കു ഫോൺ ചെയ്‌തു​കൊണ്ട്‌ മടക്കസ​ന്ദർശനം നടത്തുക. ചർച്ച ചെയ്യാൻ ഉദ്ദേശി​ക്കുന്ന ആശയങ്ങൾ നേര​ത്തേ​തന്നെ തയ്യാറാ​കുക. പെട്ടെന്നു മറിച്ചു നോക്കാൻ തക്കവണ്ണം ന്യായ​വാ​ദം പുസ്‌തകം അടുത്തു​തന്നെ വെക്കുക. വീട്ടിൽ കണ്ടുമു​ട്ടാൻ പ്രയാ​സ​മാ​യി​രു​ന്നവർ ഉൾപ്പെടെ ഉള്ള ആളുക​ളു​മാ​യി ടെലി​ഫോ​ണി​ലൂ​ടെ അധ്യയനം നടത്തു​ന്ന​തിൽ ചിലർ നല്ല വിജയം കണ്ടെത്തി​യി​രി​ക്കു​ന്നു. ഒരു സഹോ​ദരി വീടു​തോ​റു​മുള്ള ശുശ്രൂ​ഷ​യിൽ കണ്ടുമു​ട്ടിയ താത്‌പ​ര്യ​ക്കാ​രായ സ്‌ത്രീ​ക​ളോട്‌ ടെലി​ഫോൺ നമ്പരുകൾ ചോദി​ക്കാൻ തുടങ്ങി. തത്‌ഫ​ല​മാ​യി, അവർക്കു രണ്ട്‌ ബൈബിൾ അധ്യയ​നങ്ങൾ ആരംഭി​ക്കാൻ കഴിഞ്ഞു.

¹¹ നിഷ്‌ക്രി​യരെ സഹായി​ക്കു​ന്ന​തിൽ മൂപ്പന്മാ​രു​മാ​യി സഹകരി​ക്കുക: ഇവർക്ക്‌ സ്‌നേ​ഹ​പൂർവ​ക​മായ ശ്രദ്ധ കൊടു​ക്കു​ന്ന​തിൽ മൂപ്പന്മാർ അതീവ തത്‌പ​ര​രാണ്‌. അവരിൽ ചില​രെ​ങ്കി​ലും സ്വ​പ്രേ​ര​ണ​യാൽ സഭാ​യോ​ഗ​ങ്ങൾക്കു ഹാജരാ​കാൻ തുടങ്ങി​യി​ട്ടുണ്ട്‌. സങ്കീർത്തനം 91-ൽ പറഞ്ഞി​രി​ക്കുന്ന ആത്മീയ സുരക്ഷി​ത​ത്വം ആസ്വദി​ക്കു​ന്ന​തിന്‌ യഹോ​വ​യു​ടെ സംഘട​ന​യു​മാ​യി അടുത്തു സഹവസി​ക്കേ​ണ്ട​തി​ന്റെ ആവശ്യം അവർ തിരി​ച്ച​റി​യു​ന്നു. അവരിൽ ചിലർ വീണ്ടും വയൽസേ​വ​ന​ത്തിൽ പങ്കെടു​ക്കാ​റാ​യി​രി​ക്കു​ന്നു. നിഷ്‌ക്രി​യ​രായ മറ്റുചി​ലർ ഈ മാസം സ്‌മാ​ര​ക​ത്തി​നു ഹാജരാ​കു​ന്നെ​ങ്കിൽ വ്യക്തി​പ​ര​മായ ഒരു ബൈബിൾ അധ്യയനം ഉണ്ടായി​രി​ക്കു​ന്ന​തി​നെ അവർ സ്വാഗതം ചെയ്‌തേ​ക്കാം. അങ്ങനെ​യെ​ങ്കിൽ സഹായം ആഗ്രഹി​ക്കു​ന്ന​വ​രു​മാ​യി ആരെങ്കി​ലും അധ്യയനം നടത്തു​ന്ന​തി​നുള്ള ക്രമീ​ക​രണം മൂപ്പന്മാർ ചെയ്യും. ഈ വിധത്തിൽ സഹായി​ക്കാൻ നിങ്ങ​ളോട്‌ ആവശ്യ​പ്പെ​ടു​ന്നെ​ങ്കിൽ അക്കാര്യ​ത്തി​ലുള്ള നിങ്ങളു​ടെ സഹകരണം വളരെ​യ​ധി​കം വിലമ​തി​ക്ക​പ്പെ​ടും.—റോമ. 15:1, 2.

¹² “സൽപ്ര​വൃ​ത്തി​ക​ളിൽ ഉത്സാഹി​ക​ളാ​യി​രി”ക്കുന്നതിൽ തുടരുക: ഒരു മാസമോ അതിൽ കൂടു​ത​ലോ സഹായ പയനിയർ സേവന​ത്തിൽ പങ്കുപ​റ്റിയ അനേക​രും, തുടർന്നുള്ള മാസങ്ങ​ളി​ലും തങ്ങളുടെ വയൽപ്ര​വർത്തനം വർധി​ച്ച​താ​യി കണ്ടെത്തി. കണ്ടുമു​ട്ടിയ താത്‌പ​ര്യ​ക്കാ​രെ വീണ്ടും സന്ദർശി​ക്കേ​ണ്ട​തി​ന്റെ ആവശ്യം അവർക്കു തോന്നി. അതിനാ​യി വയൽസേ​വ​ന​ത്തിൽ കൂടുതൽ പ്രാവ​ശ്യം പങ്കെടു​ക്കു​ന്ന​തിന്‌ ഏറെ ശ്രമം ചെയ്യാൻ അവർ പ്രേരി​ത​രാ​യി. ചിലർ അധ്യയ​നങ്ങൾ തുടങ്ങി, അത്‌ ശുശ്രൂ​ഷ​യിൽ വീണ്ടും കൂടു​ത​ലായ പങ്കുണ്ടാ​യി​രി​ക്കാൻ അവരെ സഹായി​ച്ചു.

¹³ പ്രസംഗ-ശിഷ്യ​രാ​ക്കൽ വേലയിൽ കൂടു​ത​ലാ​യി പ്രവർത്തി​ക്കു​ന്ന​തിൽ വർധിച്ച സന്തോഷം കണ്ടെത്തിയ മറ്റുചി​ലർ തങ്ങളുടെ മുൻഗ​ണ​നകൾ അവലോ​കനം ചെയ്യാൻ പ്രേരി​ത​രാ​യി. തത്‌ഫ​ല​മാ​യി, ലൗകിക ജോലി​സ​മയം അൽപ്പം വെട്ടി​ക്കു​റ​ച്ചു​കൊണ്ട്‌ തുടർച്ച​യാ​യി സഹായ പയനി​യ​റിങ്‌ ചെയ്യാൻ ചിലർക്കു കഴിഞ്ഞി​രി​ക്കു​ന്നു. മറ്റുചി​ലർക്ക്‌ സാധാരണ പയനിയർ സേവന​ത്തിൽ പ്രവേ​ശി​ക്കാൻ സാധി​ച്ചി​ട്ടുണ്ട്‌. തങ്ങളുടെ പ്രത്യാശ ഏറെ പൂർണ​മാ​യി ദൈവ​ത്തിൽ അർപ്പി​ക്കാൻ അവർക്കു കഴിഞ്ഞി​രി​ക്കു​ന്നു, ഈ ലോകം വാഗ്‌ദാ​നം ചെയ്യുന്ന കാര്യ​ങ്ങ​ളി​ലല്ല. “ദാനശീ​ല​രും ഔദാ​ര്യ​മു​ള്ള​വ​രു​മാ​യി”രിക്കു​ന്നത്‌ യഹോ​വ​യിൽ നിന്നുള്ള സമൃദ്ധ​മായ അനു​ഗ്ര​ഹങ്ങൾ കൈവ​രു​ത്തി​യി​രി​ക്കു​ന്ന​താ​യും “സാക്ഷാ​ലുള്ള ജീവ”ൻ ആസ്വദി​ക്കു​ന്ന​തി​നുള്ള തങ്ങളുടെ പ്രത്യാ​ശയെ ശക്തി​പ്പെ​ടു​ത്തി​യി​രി​ക്കു​ന്ന​താ​യും അവർ കണ്ടെത്തി​യി​രി​ക്കു​ന്നു. (1 തിമൊ. 6:18, 19) തീർച്ച​യാ​യും കൂടുതൽ പേർ പയനിയർ സേവനം ഏറ്റെടു​ക്കു​ന്നത്‌ മുഴു സഭയ്‌ക്കും പ്രയോ​ജനം കൈവ​രു​ത്തു​ന്നു. പയനി​യർമാർ തങ്ങളുടെ അനുഭ​വങ്ങൾ പങ്കു​വെ​ക്കാ​നും തങ്ങളോ​ടൊ​പ്പം ശുശ്രൂ​ഷ​യിൽ പങ്കെടു​ക്കു​ന്ന​തി​നു മറ്റുള്ള​വരെ ക്ഷണിക്കാ​നും ചായ്‌വു​ള്ള​വ​രാണ്‌. അത്‌ സഭയിൽ മെച്ചപ്പെട്ട ആത്മീയ അന്തരീക്ഷം സൃഷ്ടി​ക്കു​ന്നു.

¹⁴ ഈ സ്‌മാ​ര​ക​കാ​ല​ത്തും അതിനു ശേഷവും ക്രിസ്‌തീയ ശുശ്രൂ​ഷ​യി​ലെ പങ്കു വർധി​പ്പി​ച്ചു​കൊണ്ട്‌ നമു​ക്കേ​വർക്കും “സൽപ്ര​വൃ​ത്തി​ക​ളിൽ സമ്പന്നരാ​യി”രിക്കാം. നീതി​യുള്ള പുതിയ ഭൂമി​യി​ലെ നിത്യ​ജീ​വന്റെ പ്രത്യാശ നൽകി​യ​തി​ലൂ​ടെ യഹോവ നമുക്കാ​യി ചെയ്‌തി​രി​ക്കുന്ന കാര്യ​ങ്ങ​ളോ​ടുള്ള വിലമ​തിപ്പ്‌ നമുക്കു പ്രകടി​പ്പി​ക്കാം.—2 പത്രൊ. 3:13.