പ്രസം​ഗി​ക്കുക, സമ്പൂർണ സാക്ഷ്യം നൽകുക

¹ ഭാവിയിലെ ബൃഹത്തായ പ്രസം​ഗ​വേ​ല​യ്‌ക്കാ​യി, “നേതാ​വും നായക​നും” ആയ യേശു തന്റെ ശിഷ്യ​ന്മാ​രെ പരിശീ​ലി​പ്പി​ച്ചു. (യെശ. 55:4, ഓശാന ബൈബിൾ; ലൂക്കൊ. 10:1-12; പ്രവൃ. 1:8) യേശു നൽകിയ നിയോ​ഗത്തെ കുറിച്ച്‌ അപ്പൊ​സ്‌ത​ല​നായ പത്രൊസ്‌ ഇങ്ങനെ പറഞ്ഞു: “ജീവി​കൾക്കും മരിച്ച​വർക്കും ന്യായാ​ധി​പ​തി​യാ​യി ദൈവ​ത്താൽ നിയമി​ക്ക​പ്പെ​ട്ടവൻ അവൻ തന്നേ എന്നു ജനത്തോ​ടു പ്രസം​ഗി​ച്ചു സാക്ഷീ​ക​രി​പ്പാൻ അവൻ ഞങ്ങളോ​ടു കല്‌പി​ച്ചു.” (പ്രവൃ. 10:42) ‘പ്രസം​ഗി​ച്ചു സാക്ഷീ​ക​രി​ക്കു​ന്ന​തിൽ’ അഥവാ പുതി​യ​ലോക ഭാഷാന്തര പ്രകാരം സമ്പൂർണ സാക്ഷ്യം നൽകു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

² സാക്ഷീകരണത്തിൽ അപ്പൊ​സ്‌ത​ല​നായ പൗലൊസ്‌ വെച്ച മാതൃക പരി​ശോ​ധി​ച്ചാൽ ഇതു സംബന്ധി​ച്ചു ധാരാളം കാര്യങ്ങൾ നമുക്കു പഠിക്കാൻ കഴിയും. എഫെ​സൊ​സി​ലെ സഭയിൽനി​ന്നുള്ള മൂപ്പന്മാ​രു​മാ​യി കൂടി​വ​ന്ന​പ്പോൾ അവൻ അവരെ ഇങ്ങനെ ഓർമി​പ്പി​ച്ചു: “ഞാൻ . . . പ്രയോ​ജ​ന​മു​ള്ളതു ഒന്നും മറെച്ചു​വെ​ക്കാ​തെ പരസ്യ​മാ​യും വീടു​തോ​റും നിങ്ങ​ളോ​ടു അറിയി​ക്ക​യും ഉപദേ​ശി​ക്ക​യും ചെയ്‌തു എന്നും ദൈവ​ത്തി​ങ്ക​ലേ​ക്കുള്ള മാനസാ​ന്ത​ര​വും നമ്മുടെ കർത്താ​വായ യേശു​ക്രി​സ്‌തു​വി​ലുള്ള വിശ്വാ​സ​വും യെഹൂ​ദ​ന്മാർക്കും യവനന്മാർക്കും സാക്ഷീ​ക​രി​ച്ചു [“സമ്പൂർണ സാക്ഷ്യം നൽകി,” NW] എന്നും നിങ്ങൾ അറിയു​ന്നു​വ​ല്ലോ.” അനേകം പ്രാതി​കൂ​ല്യ​ങ്ങൾ നേരി​ട്ടി​ട്ടും പരമാ​വധി ആളുക​ളു​ടെ അടുക്കൽ സുവാർത്ത എത്തിക്കാൻ അവൻ തീവ്ര​മാ​യി യത്‌നി​ച്ചു. തന്റെ ശ്രോ​താ​ക്ക​ളു​മാ​യി അടിസ്ഥാന സത്യങ്ങൾ മാത്രം പങ്കു​വെ​ച്ചു​കൊണ്ട്‌ അവൻ തൃപ്‌തി​യ​ട​ഞ്ഞില്ല. മറിച്ച്‌, ‘ദൈവ​ത്തി​ന്റെ ആലോചന മുഴു​വ​നും’ അവൻ അവരെ അറിയി​ക്കാൻ ശ്രമിച്ചു. അതിനു​വേണ്ടി ത്യാഗങ്ങൾ ചെയ്യാ​നും കഠിന​മാ​യി പ്രയത്‌നി​ക്കാ​നും അവൻ സന്നദ്ധനാ​യി​രു​ന്നു. അവൻ തുടർന്ന്‌ ഇങ്ങനെ പ്രസ്‌താ​വി​ച്ചു: “ഞാൻ എന്റെ പ്രാണനെ വില​യേ​റി​യ​താ​യി എണ്ണുന്നില്ല; എന്റെ ഓട്ടവും ദൈവ​കൃ​പ​യു​ടെ സുവി​ശേ​ഷ​ത്തി​ന്നു സാക്ഷ്യം പറയേ​ണ്ട​തി​ന്നു [“സമ്പൂർണ സാക്ഷ്യം വഹി​ക്കേ​ണ്ട​തി​നു,” NW] കർത്താ​വായ യേശുതന്ന ശുശ്രൂ​ഷ​യും തികെ​ക്കേണം എന്നേ എനിക്കു​ള്ളു.”—പ്രവൃ. 20:19-21, 24, 27.

³ പൗലൊസിന്റെ മാതൃക ഇന്നു നമുക്ക്‌ എങ്ങനെ അനുക​രി​ക്കാൻ കഴിയും? (1 കൊരി. 11:1) പ്രതി​കൂല സാഹച​ര്യ​ങ്ങൾ നേരി​ടു​മ്പോൾ പോലും യോഗ്യ​രായ വ്യക്തി​ക​ളെ​യും കുടും​ബ​ങ്ങ​ളെ​യും അന്വേ​ഷി​ക്കു​ന്ന​തിൽ തുടർന്നു​കൊ​ണ്ടും എല്ലാ പശ്ചാത്ത​ല​ങ്ങ​ളി​ലും ഭാഷക​ളി​ലും നിന്നുള്ള ആളുക​ളു​ടെ അടുക്കൽ സുവാർത്ത എത്തിക്കാൻ ശ്രമി​ച്ചു​കൊ​ണ്ടും താത്‌പ​ര്യ​ക്കാ​രെ സഹായി​ക്കു​ന്ന​തിൽ ശുഷ്‌കാ​ന്തി പ്രകട​മാ​ക്കി​ക്കൊ​ണ്ടും നമുക്ക്‌ അതു ചെയ്യാൻ കഴിയും. (മത്താ. 10:12, 13) ഇതിന്‌ സമയവും ശ്രമവും ആളുക​ളോ​ടുള്ള സ്‌നേ​ഹ​വും ആവശ്യ​മാണ്‌.

⁴ നിങ്ങൾക്ക്‌ ഒരു സഹായ പയനി​യ​റാ​യി സേവി​ക്കാൻ കഴിയു​മോ? സഹായ പയനി​യ​റിങ്‌ ചെയ്‌തു​കൊണ്ട്‌ സമ്പൂർണ സാക്ഷ്യം നൽകാ​നുള്ള ഒരു നല്ല അവസര​മാ​യി​രു​ന്നേ​ക്കാം മാർച്ച്‌, ഏപ്രിൽ മാസങ്ങൾ. സഹായ പയനി​യ​റിങ്‌ ചെയ്യാൻ നിരവധി പ്രസാ​ധകർ കഴിഞ്ഞ വർഷം പ്രത്യേക ശ്രമം നടത്തി എന്നു കാണു​ന്നത്‌ എത്ര പ്രോ​ത്സാ​ഹ​ജ​ന​ക​മാണ്‌!

⁵ അനേകം ആരോ​ഗ്യ​പ്ര​ശ്‌നങ്ങൾ അലട്ടി​യി​രുന്ന 80 വയസ്സുള്ള ഒരു സഹോ​ദരി യഹോ​വ​യു​ടെ സംഘടന നൽകിയ പ്രോ​ത്സാ​ഹ​ന​ത്താൽ ഉത്സാഹ​ഭ​രി​ത​യാ​യി. സഹോ​ദരി ഇങ്ങനെ എഴുതി: “വളരെ​ക്കാ​ല​മാ​യി എന്റെ ഉള്ളിൽ കിടന്നി​രുന്ന ഒരു തീപ്പൊ​രി ആളിക്ക​ത്താൻ അത്‌ ഇടയാക്കി. ഒരു പ്രാവ​ശ്യം കൂടെ​യെ​ങ്കി​ലും സഹായ പയനി​യ​റിങ്‌ ചെയ്‌തേ തീരൂ എന്ന്‌ എനിക്കു തോന്നി.” അങ്ങനെ മാർച്ചിൽ സഹായ പയനി​യ​റിങ്‌ ചെയ്യാൻ സഹോ​ദരി തീരു​മാ​നി​ച്ചു. “എനിക്ക്‌ അതു ചെയ്‌തു തീർക്കാൻ കഴിയു​മോ എന്നു കണക്കു​കൂ​ട്ടു​ക​യാണ്‌ ഞാൻ ആദ്യം ചെയ്‌തത്‌,” അവർ പറഞ്ഞു. “ഇക്കാര്യം ഞാൻ എന്റെ മകളോ​ടു സംസാ​രി​ച്ചു, കാരണം അവളുടെ സഹായം എനിക്ക്‌ ആവശ്യ​മാ​യി​രു​ന്നു. സഹായ പയനി​യ​റിങ്‌ ചെയ്യാൻ അവളും അപേക്ഷ നൽകി​യത്‌ എന്നെ അത്ഭുത​പ്പെ​ടു​ത്തി.” പ്രായം​ചെന്ന ആ സഹോ​ദരി ആ മാസം 52 മണിക്കൂർ ശുശ്രൂ​ഷ​യിൽ ചെലവ​ഴി​ച്ചു. “ശക്തി​ചോർന്നു പോകു​ന്ന​താ​യി തോന്നി​യ​പ്പോ​ഴെ​ല്ലാം എന്നെ ബലപ്പെ​ടു​ത്തേ​ണമേ എന്ന്‌ ഞാൻ യഹോ​വ​യോ​ടു പ്രാർഥി​ച്ചു. ആ മാസാ​വ​സാ​നം എനിക്ക്‌ എന്തൊരു സന്തോ​ഷ​വും സംതൃ​പ്‌തി​യും ആയിരു​ന്നെ​ന്നോ, എന്നെ സഹായി​ച്ച​തിന്‌ ഞാൻ യഹോ​വ​യോട്‌ ആവർത്തി​ച്ചു നന്ദിപ​റഞ്ഞു. ഇനിയും സഹായ പയനി​യ​റിങ്‌ ചെയ്യാൻ എനിക്ക്‌ ആഗ്രഹ​മുണ്ട്‌.” ഗുരു​ത​ര​മായ ആരോ​ഗ്യ​പ്ര​ശ്‌നങ്ങൾ ഉണ്ടെങ്കി​ലും സഹായ പയനി​യ​റിങ്‌ ചെയ്യാൻ ആത്മാർഥ​മാ​യി ആഗ്രഹി​ക്കുന്ന മറ്റനേകം സഹോ​ദ​ര​ങ്ങൾക്ക്‌ ഈ സഹോ​ദ​രി​യു​ടെ സന്തോ​ഷ​ക​ര​മായ അനുഭവം പ്രോ​ത്സാ​ഹനം പ്രദാനം ചെയ്‌തേ​ക്കും.

⁶ അപ്രതീക്ഷിതമായി ജോലി നഷ്ടപ്പെട്ട ഒരു സഹോ​ദരൻ സഹായ പയനി​യ​റിങ്‌ ചെയ്യാ​നാ​യി ആ അവസരം വിനി​യോ​ഗി​ച്ചു. ദിവസങ്ങൾ പിന്നി​ട്ട​പ്പോൾ പ്രസം​ഗ​വേ​ല​യിൽ സഹോ​ദ​രനു പൂർവാ​ധി​കം ഉത്സാഹം തോന്നി​ത്തു​ടങ്ങി. മാസാ​വ​സാ​നം ആയപ്പോ​ഴേ​ക്കും അദ്ദേഹം ഒരു പുതിയ ബൈബി​ള​ധ്യ​യനം ആരംഭി​ച്ചു കഴിഞ്ഞി​രു​ന്നു. “എത്ര പ്രതി​ഫ​ല​ദാ​യ​ക​മാ​യി​രു​ന്നു ആ മാസം,” അദ്ദേഹം സ്‌മരി​ക്കു​ന്നു. യഹോ​വ​യു​ടെ സഹായ​വും വഴിന​ട​ത്തി​പ്പും അനുഭ​വി​ക്കാൻ സാധി​ച്ച​തിൽ അദ്ദേഹം വളരെ സന്തുഷ്ട​നാ​യി​രു​ന്നു. അതേ, ശുശ്രൂ​ഷ​യിൽ സഹോ​ദരൻ ചെലു​ത്തിയ കൂടു​ത​ലായ ശ്രമത്തെ യഹോവ സമൃദ്ധ​മാ​യി അനു​ഗ്ര​ഹി​ച്ചു. അപ്രകാ​രം പ്രവർത്തി​ക്കു​മ്പോൾ യഹോവ നിങ്ങ​ളെ​യും അനു​ഗ്ര​ഹി​ക്കും.—മലാ. 3:10.

⁷ പല പ്രസാ​ധ​ക​രെ​യും സംബന്ധി​ച്ചി​ട​ത്തോ​ളം സഹായ പയനി​യ​റിങ്‌ ചെയ്യുക എന്നത്‌ അത്ര എളുപ്പമല്ല. എന്നുവ​രി​കി​ലും, ലൗകിക തൊഴി​ലും കുടുംബ ഉത്തരവാ​ദി​ത്വ​ങ്ങ​ളും വ്യക്തി​പ​ര​മായ പല വെല്ലു​വി​ളി​ക​ളും ഉണ്ടായി​രു​ന്നി​ട്ടു​പോ​ലും നിരവധി സഹോ​ദ​രീ​സ​ഹോ​ദ​ര​ന്മാർക്ക്‌ സഹായ പയനി​യ​റിങ്‌ ചെയ്യാൻ സാധി​ച്ചി​ട്ടുണ്ട്‌. സമ്പൂർണ സാക്ഷ്യം നൽകു​ന്ന​തിന്‌ നമ്മുടെ വിലപ്പെട്ട സമയത്തി​ന്റെ​യും ഊർജ​ത്തി​ന്റെ​യും വലി​യൊ​രു ഭാഗം ശുശ്രൂ​ഷ​യ്‌ക്കാ​യി ചെലവ​ഴി​ക്കേണ്ടി വരു​മെ​ങ്കി​ലും അതുല്യ​മായ അനു​ഗ്ര​ഹ​ങ്ങ​ളാണ്‌ അതു കൈവ​രു​ത്തു​ന്നത്‌.—സദൃ. 10:22.

⁸ മാർച്ച്‌, ഏപ്രിൽ മാസങ്ങൾ സഹായ പയനി​യ​റിങ്‌ നടത്താൻ തികച്ചും അനു​യോ​ജ്യ​മായ സമയമാണ്‌. മാർച്ചിൽ അഞ്ചു വാരാ​ന്തങ്ങൾ ഉണ്ട്‌. ഇവയും മറ്റുദി​വ​സ​ങ്ങ​ളി​ലെ സായാ​ഹ്ന​ങ്ങ​ളും ബുദ്ധി​പൂർവം ഉപയോ​ഗി​ച്ചാൽ മുഴു​സമയ ലൗകിക ജോലി​യു​ള്ള​വർക്കു​പോ​ലും സഹായ പയനി​യ​റിങ്‌ ചെയ്യാൻ സാധി​ച്ചേ​ക്കും. കൂടാതെ ഏപ്രിൽ മാസത്തെ പൊതു​അ​വ​ധി​ക​ളും പ്രയോ​ജ​ന​പ്പെ​ടു​ത്താൻ കഴിയും. സ്‌കൂ​ളിൽനി​ന്നും തൊഴി​ലിൽനി​ന്നും ഒഴിവു ലഭിക്കു​ന്ന​തി​നാൽ 50 മണിക്കൂർ എന്ന ലക്ഷ്യത്തിൽ എത്തി​ച്ചേ​രാൻ പലർക്കും സാധി​ക്കും. മാർച്ച്‌, ഏപ്രിൽ മാസങ്ങ​ളിൽ 50 മണിക്കൂർ ലക്ഷ്യത്തിൽ എത്തി​ച്ചേ​രാൻ തക്കവണ്ണം ആസൂ​ത്രണം ചെയ്യാൻ ഈ ലേഖന​ത്തോ​ടൊ​പ്പം കൊടു​ത്തി​രി​ക്കുന്ന സഹായ പയനിയർ പട്ടിക​ക​ളിൽ ഒന്ന്‌ നിങ്ങൾക്ക്‌ ഉപയോ​ഗി​ക്കാൻ കഴിയു​മോ? നിങ്ങളു​ടെ പട്ടികയെ കുറിച്ച്‌ മറ്റുള്ള​വ​രു​മാ​യി ചർച്ച ചെയ്യുക. അങ്ങനെ ചെയ്‌താൽ നിങ്ങ​ളോ​ടൊ​പ്പം ശുശ്രൂ​ഷ​യിൽ ഏർപ്പെ​ടാൻ അവരിൽ ചില​രെ​ങ്കി​ലും തീർച്ച​യാ​യും പ്രോ​ത്സാ​ഹി​ത​രാ​കും. നിങ്ങൾക്കു സഹായ പയനി​യ​റിങ്‌ ചെയ്യാൻ സാധി​ക്കി​ല്ലെ​ങ്കിൽ, ഈ മാസങ്ങ​ളി​ലേക്ക്‌ നിശ്ചിത ലക്ഷ്യങ്ങൾ വെക്കു​ക​യും പയനി​യ​റിങ്‌ ചെയ്യു​ന്ന​വരെ പിന്തു​ണ​യ്‌ക്കു​ക​യും ചെയ്യുക. മാർച്ചി​ലും ഏപ്രി​ലി​ലും വേലയിൽ വർധിച്ച പങ്കുണ്ടാ​യി​രി​ക്കാൻ ഇപ്പോൾത്തന്നെ ആസൂ​ത്രണം ചെയ്യുക.

⁹ സ്‌മാരകത്തോടു വിലമ​തി​പ്പു പ്രകട​മാ​ക്കൽ: മറുവില ക്രമീ​ക​ര​ണ​ത്തോ​ടുള്ള വിലമ​തിപ്പ്‌ എല്ലാവർഷ​വും സ്‌മാ​ര​ക​കാ​ലത്ത്‌ സഹായ പയനി​യ​റിങ്‌ ചെയ്യു​ന്ന​തിന്‌ ‘സമയം വിലയ്‌ക്കു വാങ്ങാൻ’ ആയിര​ങ്ങളെ പ്രേരി​പ്പി​ക്കു​ന്നു. (എഫെ. 5:15, 16, NW) ഇന്ത്യയിൽ കഴിഞ്ഞ മാർച്ചിൽ 2,509 പേരും ഏപ്രി​ലിൽ 1,349 പേരും സഹായ പയനി​യ​റിങ്‌ ചെയ്യു​ക​യു​ണ്ടാ​യി. ആ മാസങ്ങ​ളിൽ ശരാശരി 1,929 സഹായ പയനി​യർമാർ ഉണ്ടായി​രു​ന്നു എന്നാണ്‌ ഇതു കാണി​ക്കു​ന്നത്‌. ആ സേവന​വർഷ​ത്തിൽത്തന്നെ അതിനു മുമ്പുള്ള മാസങ്ങ​ളി​ലെ 657 എന്ന സഹായ പയനിയർ ശരാശ​രി​യു​മാ​യി ഇതു താരത​മ്യം ചെയ്‌തു​നോ​ക്കുക. ഈ വരുന്ന സ്‌മാ​ര​ക​കാ​ലം, വയൽശു​ശ്രൂ​ഷ​യി​ലെ നമ്മുടെ പങ്കുവർധി​പ്പി​ച്ചു​കൊണ്ട്‌ ക്രിസ്‌തു​വി​ന്റെ മറുവി​ല​യാ​ഗ​ത്തോട്‌ ആത്മാർഥ​മായ വിലമ​തി​പ്പു കാണി​ക്കാ​നുള്ള മറ്റൊ​ര​വ​സരം പ്രദാനം ചെയ്യും.

¹⁰ ഏപ്രിൽ 16 അടുത്തു​വ​രവേ, സ്‌മാ​രകം നിങ്ങൾക്ക്‌ എന്തർഥ​മാ​ക്കു​ന്നു എന്നു ചിന്തി​ക്കുക. ക്രിസ്‌തു​വി​ന്റെ മരണത്തി​ലേക്കു നയിച്ച സംഭവ​വി​കാ​സ​ങ്ങ​ളെ​യും ആ സമയങ്ങ​ളി​ലെ​ല്ലാം അവന്റെ ഹൃദയ​ത്തെ​യും മനസ്സി​നെ​യും ആകുല​പ്പെ​ടു​ത്തി​ക്കൊ​ണ്ടി​രുന്ന കാര്യ​ങ്ങ​ളെ​യും കുറിച്ചു വിചി​ന്തനം ചെയ്യുക. കൂടാതെ, യേശു​വി​ന്റെ മുമ്പിൽ ഉണ്ടായി​രുന്ന സന്തോ​ഷ​ത്തെ​യും ദുഷ്‌പെ​രു​മാ​റ്റം സഹിക്കാൻ അത്‌ അവനെ സഹായിച്ച വിധ​ത്തെ​യും കുറിച്ചു ധ്യാനി​ക്കുക. പ്രസംഗ-ശിഷ്യ​രാ​ക്കൽ വേലയ്‌ക്കു നേതൃ​ത്വം വഹിച്ചു​കൊണ്ട്‌ സഭയുടെ ശിരസ്സ്‌ എന്ന നിലയിൽ ഇന്ന്‌ അവൻ വഹിക്കുന്ന സ്ഥാനം സംബന്ധി​ച്ചും ഓർക്കുക. (1 കൊരി. 11:3; എബ്രാ. 12:2; വെളി. 14:14-16) ക്രിസ്‌തു ചെയ്‌തി​രി​ക്കുന്ന സകലതി​നോ​ടു​മുള്ള നിങ്ങളു​ടെ വിലമ​തിപ്പ്‌ സാഹച​ര്യ​ങ്ങൾ അനുവ​ദി​ക്കുന്ന അളവോ​ളം പ്രസംഗ പ്രവർത്ത​ന​ത്തിൽ പൂർണ​മാ​യി പങ്കെടു​ത്തു​കൊണ്ട്‌ പ്രകട​മാ​ക്കുക.

¹¹ സമ്പൂർണ സാക്ഷ്യം നൽകാൻ മറ്റുള്ള​വരെ പ്രോ​ത്സാ​ഹി​പ്പി​ക്കുക: സഹായ പയനി​യ​റിങ്‌ ചെയ്യു​ന്ന​തിൽ മാതൃ​ക​വെ​ച്ചു​കൊണ്ട്‌ മൂപ്പന്മാർക്കും ശുശ്രൂ​ഷാ​ദാ​സ​ന്മാർക്കും മറ്റുള്ള​വരെ പ്രോ​ത്സാ​ഹി​പ്പി​ക്കാൻ കഴിയും. പ്രസാ​ധ​ക​രു​മൊ​ത്തു വയലിൽ പ്രവർത്തി​ക്കു​മ്പോ​ഴും ഇടയസ​ന്ദർശ​നങ്ങൾ നടത്തു​മ്പോ​ഴും ഈ പ്രത്യേക പ്രവർത്ത​ന​ത്തിൽ ഒരു പൂർണ​പ​ങ്കു​ണ്ടാ​യി​രി​ക്കാൻ മറ്റുള്ള​വരെ വ്യക്തി​പ​ര​മാ​യി സഹായി​ക്കു​ന്ന​തിന്‌ അവർക്ക്‌ അവസരം ലഭിക്കു​ന്നു. സമ്പൂർണ സാക്ഷ്യം നൽകാ​നുള്ള നമ്മുടെ ഏകീകൃത ശ്രമങ്ങൾക്കു ശക്തി പകരാ​നാ​യി ഈ വിഷയം നമുക്കു പ്രാർഥ​ന​യിൽ ഉൾപ്പെ​ടു​ത്താം.

¹² മാർച്ച്‌, ഏപ്രിൽ മാസങ്ങ​ളി​ലെ വർധിച്ച പ്രവർത്ത​ന​ത്തി​നാ​യുള്ള സഭാ​ക്ര​മീ​ക​ര​ണ​ങ്ങളെ എല്ലാ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും പിന്തു​ണ​യ്‌ക്കു​മെ​ങ്കി​ലും വയൽസേവന ക്രമീ​ക​ര​ണങ്ങൾ ഏകോ​പി​പ്പി​ക്കു​ന്ന​തിൽ നേതൃ​ത്വം എടു​ക്കേ​ണ്ടത്‌ സേവന മേൽവി​ചാ​രകൻ ആണ്‌. ഭൂരി​പക്ഷം പ്രസാ​ധ​ക​രു​ടെ​യും സൗകര്യം കണക്കി​ലെ​ടു​ത്തു​കൊണ്ട്‌ അദ്ദേഹം വയൽസേ​വ​ന​ത്തിന്‌ കൂടി​വ​രേണ്ട സ്ഥലം, ദിവസം, സമയം എന്നിവ​യൊ​ക്കെ ക്രമീ​ക​രി​ക്കു​ക​യും അതു സംബന്ധിച്ച്‌ ക്രമമാ​യി അറിയി​പ്പു​കൾ നടത്താ​നുള്ള ഏർപ്പാ​ടു​കൾ ചെയ്യു​ക​യും വേണം. ഒരേ ദിവസം​തന്നെ വ്യത്യസ്‌ത സമയങ്ങ​ളിൽ കൂടി​വ​രു​ന്ന​തി​നുള്ള ക്രമീ​ക​ര​ണങ്ങൾ ചെയ്യാൻ കഴിയും. സാക്ഷീ​ക​ര​ണ​ത്തി​ന്റെ വിവിധ വശങ്ങളിൽ പങ്കെടു​ക്കു​ന്ന​തിന്‌ അതു സഭയിലെ എല്ലാ പ്രസാ​ധ​കർക്കും അവസരം നൽകും. വ്യാപാ​ര​പ്ര​ദേ​ശത്തു പ്രവർത്തി​ക്കു​ന്ന​തും തെരു​വു​സാ​ക്ഷീ​ക​ര​ണ​ത്തിൽ ഏർപ്പെ​ടു​ന്ന​തും വീടു​തോ​റും പോകു​ന്ന​തും മടക്കസ​ന്ദർശ​നങ്ങൾ നടത്തു​ന്ന​തും ടെലി​ഫോ​ണി​ലൂ​ടെ സാക്ഷീ​ക​രി​ക്കു​ന്ന​തു​മെ​ല്ലാം അതിൽ ഉൾപ്പെ​ട്ടേ​ക്കാം. കൂടാതെ, ഈ മാസങ്ങ​ളിൽ മതിയായ അളവിൽ സാഹി​ത്യ​ങ്ങ​ളും മാസി​ക​ക​ളും പ്രദേ​ശ​വും ഉണ്ടായി​രി​ക്കാൻ അദ്ദേഹം ക്രമീ​ക​രണം ചെയ്യണം.

¹³ ബൈബിളധ്യയനങ്ങൾ തുടങ്ങാ​നു​ളള ലക്ഷ്യത്തിൽ മാർച്ചി​ലെ സാഹിത്യ സമർപ്പണം പരിജ്ഞാ​നം പുസ്‌തകം ആയിരി​ക്കും. പരിജ്ഞാ​നം പുസ്‌തകം സമർപ്പി​ക്കു​ന്ന​തി​നുള്ള ഫലപ്ര​ദ​മായ നിർദേ​ശങ്ങൾ 2002 ജനുവരി ലക്കം നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തിൽ കാണാൻ കഴിയും. ഏപ്രി​ലി​ലെ സാഹിത്യ സമർപ്പണം വീക്ഷാ​ഗോ​പു​രം, ഉണരുക! മാസി​കകൾ ആയിരി​ക്കും. “മാസി​കകൾ വിശേ​ഷ​വ​ത്‌ക​രി​ക്കാൻ പറയാ​വു​ന്നത്‌” എന്ന ഭാഗത്തു കൊടു​ത്തി​ട്ടുള്ള അവതര​ണങ്ങൾ ഉപയോ​ഗി​ക്കാൻ ശ്രമി​ക്കുക. ഒരു സമ്പൂർണ സാക്ഷ്യം നൽകാൻ കഴി​യേ​ണ്ട​തിന്‌ നന്നായി തയ്യാർ ചെയ്യാൻ എല്ലാവ​രും സമയം കണ്ടെത്തണം.

¹⁴ സഭയുടെ ശിരസ്സായ യേശു​ക്രി​സ്‌തു​വി​ന്റെ നേതൃ​ത്വ​ത്തിൻ കീഴിൽ പ്രവർത്തി​ച്ചു​കൊണ്ട്‌ മറ്റാളു​ക​ളു​മാ​യി സുവാർത്ത പങ്കു​വെ​ക്കാ​നുള്ള പദവി നമുക്കു​ള്ള​തിൽ നാം എത്ര സന്തുഷ്ട​രാണ്‌! മാർച്ച്‌, ഏപ്രിൽ മാസങ്ങൾ അടുത്തു​വ​രി​ക​യാണ്‌. പ്രസം​ഗി​ക്കാ​നും സമ്പൂർണ സാക്ഷ്യം നൽകാ​നു​മുള്ള ക്രിസ്‌തു​വി​ന്റെ കൽപ്പന അനുസ​രി​ച്ചു​കൊണ്ട്‌, അവയെ നമ്മുടെ ഏറ്റവും മെച്ചപ്പെട്ട മാസങ്ങൾ ആക്കിത്തീർക്കാൻ നമുക്ക്‌ ഒരിക്കൽക്കൂ​ടി പ്രയത്‌നി​ക്കാം.

[4-ാം പേജിലെ ചതുരം]

2003 മാർച്ച്‌, ഏപ്രിൽ മാസങ്ങ​ളിൽ സഹായ പയനി​യ​റിങ്‌ ചെയ്യാൻ സഹായി​ക്കുന്ന വിവിധ സമയപ്പ​ട്ടി​ക​കൾ

ദിവസം മണിക്കൂർ

തിങ്കൾ 1 2 — — 2 —

ചൊവ്വ 1 — 3 — — —

ബുധൻ 1 2 — 5 — —

വ്യാഴം 1 — 3 — — —

വെള്ളി 1 2 — — — —

ശനി 5 4 3 5 6 7

ഞായർ 2 2 3 2 2 3

മാർച്ച്‌ 56 56 54 55 50 50

ഏപ്രിൽ 50 50 51 53 — —

ഇതിൽ ഏതെങ്കി​ലും പട്ടിക നിങ്ങൾക്കു പ്രാ​യോ​ഗി​ക​മാ​ണോ?