സുവാർത്ത​യു​ടെ ഘോഷ​ക​രാ​കാൻ ബൈബിൾവി​ദ്യാർഥി​കളെ സഹായി​ക്കു​ക

¹ മത്തായി 28:19, 20-ൽ യേശു തന്റെ ശിഷ്യ​ന്മാർക്കു നൽകിയ നിയമനം വിപു​ല​വ്യാ​പ​ക​മായ ഒരു പ്രവർത്ത​ന​ത്തി​നു തുടക്കം​കു​റി​ച്ചു. കൂടുതൽ ശിഷ്യരെ ഉളവാ​ക്കാൻ ആ ക്രിസ്‌തു​ശി​ഷ്യർക്കു നിർദേശം ലഭിച്ചു, പുതു​താ​യി എത്തുന്ന​വ​രും അതുതന്നെ ചെയ്യു​മാ​യി​രു​ന്നു. നാം ജീവി​ക്കുന്ന നിർണാ​യ​ക​മായ ഈ അന്ത്യനാ​ളു​ക​ളിൽ ലോക​വ്യാ​പ​ക​മാ​യി നിർവ​ഹി​ക്ക​പ്പെ​ടുന്ന അന്തിമ​മായ രാജ്യ​സു​വാർത്താ പ്രസം​ഗ​ത്തിന്‌ അത്‌ അടിസ്ഥാ​ന​മി​ട്ടു.—മത്താ. 24:14.

² സ്വന്തം മക്കളോ ബൈബിൾ പഠിക്കാൻ മനസ്സൊ​രു​ക്ക​മുള്ള മറ്റുള്ള​വ​രോ ആയിരി​ക്കാം നമ്മുടെ ബൈബിൾവി​ദ്യാർഥി​കൾ. യേശു​ക്രി​സ്‌തു​വി​ന്റെ ശിഷ്യ​രാ​കാൻ മറ്റുള്ള​വരെ സഹായി​ക്കു​ക​യെന്ന ഉത്തരവാ​ദി​ത്വം കയ്യേൽക്കു​ന്ന​തിന്‌ അവരെ ഓരോ​രു​ത്ത​രെ​യും സഹായി​ക്കാൻ നാം ആത്മാർഥ​മാ​യി ആഗ്രഹി​ക്കു​ന്നു.—ലൂക്കൊ. 6:40.

³ സാക്ഷ്യം​നൽകാൻ സജ്ജരാ​ക്കുക: രസകര​മായ വയൽസേവന അനുഭ​വങ്ങൾ വിദ്യാർഥി​ക​ളു​മാ​യി പങ്കു​വെ​ക്കുക. പഠിക്കുന്ന കാര്യങ്ങൾ മറ്റുള്ള​വ​രോ​ടു പറയാൻ അവരെ പ്രോ​ത്സാ​ഹി​പ്പി​ക്കുക. കഴിവു​പോ​ലെ ശുശ്രൂ​ഷ​യിൽ അർഥവ​ത്താ​യി പങ്കുപ​റ്റാൻ ചെറു​പ്പം​മു​തലേ മക്കളെ പരിശീ​ലി​പ്പി​ക്കുക. (സങ്കീ. 148:12, 13) വാക്കാ​ലും മാതൃ​ക​യാ​ലും ശുശ്രൂ​ഷ​യോ​ടുള്ള നിങ്ങളു​ടെ വിലമ​തി​പ്പു പ്രകട​മാ​ക്കുക.—1 തിമൊ. 1:12.

⁴ തന്റെ നീതി​യുള്ള നിലവാ​രങ്ങൾ അംഗീ​ക​രി​ക്കു​ക​യും പിൻപ​റ്റു​ക​യും ചെയ്യു​ന്ന​വരെ മാത്രമേ യഹോവ ഉപയോ​ഗി​ക്കു​ന്നു​ള്ളൂ. സമർപ്പി​ത​രും സ്‌നാ​ന​മേ​റ്റ​വ​രും അനുഭ​വ​സ​മ്പ​ന്ന​രു​മായ ശുശ്രൂ​ഷ​കർക്കു​ള്ളത്ര അറിവ്‌ പുതിയ പ്രസാ​ധ​കർക്കില്ല എന്നതു സത്യം​തന്നെ. എന്നാൽ അടിസ്ഥാന ബൈബിൾപ​ഠി​പ്പി​ക്ക​ലു​ക​ളിൽ അവർക്കു വിശ്വാ​സ​മു​ണ്ടാ​യി​രി​ക്കണം, മറ്റുള്ള​വർക്ക്‌ അവ വിശദീ​ക​രി​ച്ചു​കൊ​ടു​ക്കാൻ അവർ പ്രാപ്‌ത​രു​മാ​യി​രി​ക്കണം. (സംഘടി​തർ, പേ. 79-82 കാണുക.) ‘മഹാബാ​ബി​ലോ​ണിൽനി​ന്നും’ രാഷ്‌ട്രീയ കാര്യാ​ദി​ക​ളിൽനി​ന്നും പൂർണ​മാ​യി വേർപെ​ട്ടി​രി​ക്കു​ന്ന​വ​രും ക്രമമാ​യി സഭാ​യോ​ഗ​ങ്ങ​ളിൽ സംബന്ധി​ക്കു​ന്ന​വ​രും ആയിരി​ക്കണം അവർ.—വെളി. 18:2, 4; യോഹ. 17:16; എബ്രാ. 10:24, 25.

⁵ സ്‌നാ​ന​മേ​റ്റി​ട്ടി​ല്ലാത്ത പ്രസാ​ധ​ക​നാ​കാൻ ഒരു ബൈബിൾവി​ദ്യാർഥി​ക്കു യോഗ്യ​ത​യു​ള്ള​താ​യി നിങ്ങൾക്കു തോന്നു​ന്ന​പക്ഷം ഉടൻതന്നെ അക്കാര്യം അധ്യക്ഷ​മേൽവി​ചാ​ര​കനെ അറിയി​ക്കുക. രണ്ടു മൂപ്പന്മാർ നിങ്ങളി​രു​വ​രു​മാ​യി സംസാ​രി​ക്കാൻ അദ്ദേഹം ക്രമീ​ക​രി​ക്കും. സ്‌നാ​ന​മേ​റ്റി​ട്ടി​ല്ലാത്ത പ്രസാ​ധകൻ എന്നനി​ല​യിൽ സഭയോ​ടൊ​പ്പം ഒരു രാജ്യ​ഘോ​ഷ​ക​നാ​യി സേവി​ക്കാൻ വിദ്യാർഥി​ക്കു യോഗ്യ​ത​യു​ണ്ടോ​യെന്നു കണ്ടെത്തു​ന്ന​തി​നാ​ണിത്‌. തുടർന്ന്‌ വിദ്യാർഥി​യോ​ടൊ​പ്പം വയൽസേ​വ​ന​ത്തി​നു പോകാ​നും അദ്ദേഹത്തെ കൂടു​ത​ലാ​യി പരിശീ​ലി​പ്പി​ക്കാ​നു​മുള്ള അവസര​വും നിങ്ങൾക്കുണ്ട്‌.