‘നിങ്ങളു​ടെ വാക്ക്‌ എപ്പോ​ഴും ഉപ്പിനാൽ രുചി​വ​രു​ത്തി​യത്‌ ആയിരി​ക്കട്ടെ’

1. ‘നമ്മുടെ വാക്ക്‌ ഉപ്പിനാൽ രുചി​വ​രു​ത്തി​യ​താ​യി​രി​ക്കണം’ എന്നതു​കൊണ്ട്‌ എന്താണ്‌ ഉദ്ദേശി​ക്കു​ന്നത്‌?

¹ “ഓരോ​രു​ത്ത​നോ​ടു നിങ്ങൾ എങ്ങനെ ഉത്തരം പറയേണം എന്നു അറി​യേ​ണ്ട​തി​ന്നു നിങ്ങളു​ടെ വാക്കു എപ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തും ആയിരി​ക്കട്ടെ.” (കൊലൊ. 4:6) ശരിയായ വാക്കുകൾ ഉപയോ​ഗിച്ച്‌, കേൾവി​ക്കാ​രന്‌ അസ്വസ്ഥത ഉളവാ​ക്കാ​തെ, ഹൃദ്യ​മാ​യി സംസാ​രി​ക്കു​ന്ന​താണ്‌ ഉപ്പിനാൽ രുചി​വ​രു​ത്തുക എന്നതു​കൊണ്ട്‌ ഉദ്ദേശി​ക്കു​ന്നത്‌. ശുശ്രൂ​ഷ​യിൽ ഇത്‌ വളരെ പ്രധാ​ന​മാണ്‌.

2. ഒരു ശമര്യ​സ്‌ത്രീ​യോ​ടു സാക്ഷീ​ക​രി​ക്കാൻ യേശു​വി​നു സാധി​ച്ച​തെ​ങ്ങനെ?

² യേശു​വി​ന്റെ മാതൃക: ഒരു കിണറ്റിൻക​ര​യിൽ വിശ്ര​മി​ച്ചു​കൊ​ണ്ടി​രി​ക്കെ, വെള്ളം കോരാൻ വന്ന ഒരു ശമര്യ​ക്കാ​രി​യോ​ടു സംസാ​രി​ക്കാൻ യേശു മുൻക​യ്യെ​ടു​ത്തു. സംഭാ​ഷ​ണ​ത്തി​നി​ടെ പലതവണ അവൾ, യഹൂദ​ന്മാർക്കും ശമര്യർക്കും ഇടയിൽ കാലങ്ങ​ളാ​യി നിലനി​ന്നി​രുന്ന ശത്രു​ത​യെ​ക്കു​റി​ച്ചു സൂചി​പ്പി​ക്കു​ക​യു​ണ്ടാ​യി. ശമര്യ​ക്കാർ യാക്കോ​ബി​ന്റെ പിൻഗാ​മി​ക​ളാ​ണെന്ന തന്റെ വിശ്വാ​സ​ത്തെ​ക്കു​റി​ച്ചും അവൾ പറഞ്ഞു—അവർ വിജാ​തീ​യ​രു​ടെ പിൻമു​റ​ക്കാ​രാ​ണെ​ന്നാണ്‌ യഹൂദ​ന്മാർ വിശ്വ​സി​ച്ചി​രു​ന്ന​തെ​ങ്കി​ലും. ആ സ്‌ത്രീ​യു​ടെ വാക്കുകൾ ഖണ്ഡിക്കാൻ മുതി​രു​ന്ന​തി​നു​പ​കരം സംഭാ​ഷണം ഹൃദ്യ​മാ​ക്കി​നി​റു​ത്താൻ യേശു ശ്രദ്ധിച്ചു. ഫലമോ? ആ സ്‌ത്രീ​യും പട്ടണത്തി​ലെ മറ്റുചി​ല​രും വിശ്വ​സി​ക്കാൻ ഇടയാ​കും​വി​ധം ഒരു സാക്ഷ്യം നൽകാൻ യേശു​വി​നു സാധിച്ചു.—യോഹ. 4:7-15, 39.

3. ശുശ്രൂ​ഷ​യിൽ നമുക്ക്‌ എങ്ങനെ യേശു​വി​ന്റെ മാതൃക അനുക​രി​ക്കാ​നാ​കും?

³ പ്രസംഗ പ്രവർത്ത​ന​ത്തിൽ ഏർപ്പെ​ട്ടി​രി​ക്കെ, “നന്മ സുവി​ശേ​ഷി​ക്കു”കയെന്ന​താണ്‌ നമ്മുടെ ഉദ്ദേശ്യം എന്നതു നാം മനസ്സിൽപ്പി​ടി​ക്കണം. (റോമ. 10:15) വീട്ടു​കാ​രന്‌ ആകർഷ​ക​വും പ്രോ​ത്സാ​ഹ​ജ​ന​ക​വു​മായ ഒരു ആശയം ബൈബി​ളിൽനി​ന്നു കാണി​ച്ചു​കൊ​ടു​ക്കാ​നാ​ണു നാം ശ്രമി​ക്കേ​ണ്ടത്‌; അദ്ദേഹ​ത്തി​ന്റെ വിശ്വാ​സ​ങ്ങളെ കുറ്റം​വി​ധി​ക്കാൻ ശ്രമി​ക്കു​ക​യാ​ണു നാം എന്ന പ്രതീതി ഉളവാ​ക്കാ​തി​രി​ക്കാൻ ശ്രദ്ധി​ക്കണം. വീട്ടു​കാ​രന്റെ വീക്ഷണ​ഗതി തെറ്റാ​ണെ​ങ്കിൽ അതിൽക്ക​യ​റി​പ്പി​ടി​ക്കേണ്ട ആവശ്യ​മില്ല. നമുക്കു യോജി​ക്കാ​നാ​കുന്ന എന്തെങ്കി​ലും അദ്ദേഹ​ത്തി​ന്റെ വാക്കു​ക​ളി​ലു​ണ്ടോ? അല്ലെങ്കിൽ അദ്ദേഹത്തെ അനു​മോ​ദി​ക്കാൻ വക നൽകുന്ന എന്തെങ്കി​ലും? ഒരുപക്ഷേ, “ഇങ്ങനെ​യൊ​രു സാധ്യ​ത​യെ​ക്കു​റി​ച്ചു ചിന്തി​ച്ചു​നോ​ക്കി​യി​ട്ടു​ണ്ടോ?” എന്നു ചോദി​ച്ചു​കൊണ്ട്‌ ഒരു തിരു​വെ​ഴു​ത്തി​ലേക്ക്‌ വീട്ടു​കാ​രന്റെ ശ്രദ്ധ തിരി​ക്കാ​നാ​യേ​ക്കും.

4. വീട്ടു​കാ​രൻ അപമര്യാ​ദ​യാ​യി സംസാ​രി​ക്കു​ന്നെ​ങ്കിൽ എന്തു ചെയ്യണം?

⁴ വീട്ടു​കാ​രൻ അപമര്യാ​ദ​യാ​യി സംസാ​രി​ക്കു​ക​യോ തർക്കി​ക്കാൻ ശ്രമി​ക്കു​ക​യോ ചെയ്യു​ന്നെ​ങ്കി​ലോ? അപ്പോ​ഴും ശാന്തത​യും മാന്യ​ത​യും കൈവി​ടാ​തി​രി​ക്കാൻ ശ്രദ്ധി​ക്കണം, വാക്കി​ലും പെരു​മാ​റ്റ​ത്തി​ലും. (2 തിമൊ. 2:24-26) രാജ്യ​സ​ന്ദേ​ശ​ത്തിൽ വീട്ടു​കാ​രനു താത്‌പ​ര്യ​മി​ല്ലെ​ങ്കിൽ നയപൂർവം അവിടം​വി​ടു​ന്ന​താ​ണു ബുദ്ധി.—മത്താ. 7:6; 10:11-14.

5. ഒരു സഹോ​ദ​രി​യു​ടെ ഹൃദ്യ​മായ മറുപ​ടിക്ക്‌ എന്തു ഫലമു​ണ്ടാ​യി?

⁵ നല്ല ഫലങ്ങൾ: അയൽക്കാ​രി​യോ​ടു സാക്ഷീ​ക​രി​ക്കാൻ ശ്രമി​ക്കു​ക​യാ​യി​രു​ന്നു നമ്മുടെ ഒരു സഹോ​ദരി. ദേഷ്യം അടക്കാ​നാ​വാ​തെ ആ സ്‌ത്രീ ഒച്ചവെ​ക്കാ​നും അസഭ്യം പറയാ​നും തുടങ്ങി. ശാന്തത കൈവി​ടാ​തെ​തന്നെ സഹോ​ദരി പറഞ്ഞു: “നിങ്ങൾക്ക്‌ ഇങ്ങനെ തോന്നി​യ​തിൽ എനിക്കു വിഷമ​മുണ്ട്‌. ശരി, വരട്ടെ!” രണ്ടാഴ്‌ച​യ്‌ക്കു​ശേഷം വാതിൽക്കൽ ആരോ മുട്ടു​ന്നതു കേട്ട്‌ വാതിൽ തുറന്ന സഹോ​ദരി കണ്ടത്‌ തന്റെ പെരു​മാ​റ്റ​ത്തി​നു ക്ഷമ പറയാൻ കാത്തു​നിൽക്കുന്ന ആ സ്‌ത്രീ​യെ​യാണ്‌. സഹോ​ദ​രി​ക്കു പറയാ​നു​ള്ളതു കേൾക്കാ​നും അവർ മനസ്സു കാണിച്ചു. ദയാപു​ര​സ്സ​ര​മായ ഒരു മറുപടി മിക്ക​പ്പോ​ഴും നല്ല ഫലങ്ങൾ ഉളവാ​ക്കും!—സദൃ. 15:1; 25:15.

6. ശുശ്രൂ​ഷ​യിൽ, ഉപ്പിനാൽ രുചി​വ​രു​ത്തിയ വാക്കുകൾ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁶ സുവാർത്ത പങ്കു​വെ​ക്കു​മ്പോൾ ഉപ്പിനാൽ രുചി​വ​രു​ത്തിയ വാക്കുകൾ ഉപയോ​ഗി​ക്കാൻ ശ്രമി​ക്കുക. ഇപ്പോൾ ശ്രദ്ധി​ക്കാൻ മനസ്സു കാണി​ക്കാത്ത വീട്ടു​കാ​രൻപോ​ലും നാളെ​യൊ​രി​ക്കൽ തന്റെ വീട്ടിൽ വരുന്ന സാക്ഷി​കളെ ശ്രദ്ധി​ക്കി​ല്ലെന്ന്‌ ആരുകണ്ടു?