യഹോവയുടെ സഖിത്വം നേടുക

1. ആർ നിൻ പ്രിയൻ, യാഹേ?

നിൻ സവിധെ പാർക്കും?

നിൻ വിശ്വാസം, നിൻ സൗഹൃദവും

നേടിടാനാർക്കാകും?

നിൻ വചനം കാത്ത്‌,

ആശ്രയമർപ്പിപ്പോൻ;

നീതിമാനും വിശ്വസ്‌തനുമായ്‌

നിൻ മാർഗെ ചരിപ്പോൻ.

2. ആർ നിൻ സഖി, യാഹേ?

ആരണയും ചാരെ?

ആർ നിനക്കേകും ഹൃദ്യാനന്ദം?

ആരെ നീ അറിയും?

നിൻ നാമമുയർത്തി,

നിൻ മൊഴി പാലിപ്പോൻ;

നേരായ്‌ നടന്ന്‌ ഭോഷ്‌കില്ലാതെ

നേരു ചൊല്ലുന്നോനും.

3. എൻ ദുഃഖങ്ങളെല്ലാം

നിന്നിൽ നിവേദിച്ചും

ചാരെയണഞ്ഞ്‌ സ്‌നേഹത്താലെൻ

മാനസമർപ്പിച്ചും

നിൻ സഖിത്വം നേടാൻ

ഞാനെന്നും വാഞ്‌ഛിപ്പൂ.

ഈ സ്‌നേഹബന്ധം

നിത്യതയിൽ വളർന്നിടട്ടെന്നും.