‘ഞാൻ ഇതാ, എന്നെ അയയ്‌ക്കേണമേ!’

1. ഇന്നു ദൈവത്തിൻ നാമത്തെ

അപമാനിക്കുന്നു ചിലർ,

‘ദുഷ്ടനുമശക്തനെന്നും, അവനില്ലെ’ന്നും

ചൊൽകയാൽ. ആർ പോകും

നിന്ദ നീക്കുവാൻ? ആർ പാടും

അവനു സ്‌തുതി? ‘ഇതാ ഞാൻ,

അയയ്‌ക്ക എന്നെ; ഞാൻ പാടും

വിശ്വസ്‌തം സ്‌തുതി.

2. വൈകിടുന്നു ദൈവമെന്ന്‌

നിന്ദിച്ചിടുന്നു മാനവർ;

വണങ്ങുന്നു വിഗ്രഹത്തെ,

കൈസരെ ദൈവമാക്കുന്നു.

ആർ ചൊല്ലും ദുഷ്ടന്റെയന്ത്യം,

ദൈവത്തിൻ അന്ത്യയുദ്ധവും?

‘ഇതാ ഞാൻ, അയയ്‌ക്ക എന്നെ;

നിർഭയമായ്‌ ഞാൻ കേൾപ്പിക്കും.

3. സൗമ്യർ വിലപിച്ചിടുന്നു,

ദുഷ്ടതയേറുന്നതിനാൽ.

ശുദ്ധഹൃദയർ തേടുന്നു,

മനശ്ശാന്തിയേകും സത്യം.

ആർ പോകും ആശ്വസിപ്പിക്കാൻ,

നീതി തേടാൻ സഹായിക്കാൻ?

‘ഇതാ ഞാൻ, അയയ്‌ക്ക എന്നെ;

പഠിപ്പിക്കാം ക്ഷമയോടെ.