ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ജൂലൈ 4-10

ദൈവ​വ​ച​ന​ത്തി​ലെ നിധികൾ | 2 ശമുവേൽ 18-19

“ബർസി​ല്ലാ​യി—എളിമ​യു​ടെ ഒരു നല്ല മാതൃക”

w07 7/15 14 ¶5

വിനയ​പൂർവം ബർസി​ല്ലാ​യി

വ്യക്തമാ​യും, ബർസി​ല്ലാ​യി​യു​ടെ സഹായം ദാവീദ്‌ അത്യന്തം വിലമ​തി​ച്ചി​രു​ന്നു. എന്നാൽ കേവലം ഭൗതി​കാ​വ​ശ്യ​ങ്ങൾ നിറ​വേ​റ്റി​ക്കൊ​ടു​ത്തു​കൊണ്ട്‌ ആ കടപ്പാടു തീർക്കാൻ രാജാവ്‌ ഉദ്ദേശി​ക്കു​ക​യാ​യി​രു​ന്നില്ല എന്നു​വേണം കരുതാൻ. ധനവാ​നായ ബർസി​ല്ലാ​യിക്ക്‌ അത്തര​മൊ​രു സഹായം ആവശ്യ​മി​ല്ലാ​യി​രു​ന്നു. പ്രായം​ചെന്ന ആ മനുഷ്യ​ന്റെ സ്‌തു​ത്യർഹ​മായ ഗുണങ്ങൾ നിമിത്തം ദാവീദ്‌ അവനെ തന്റെ കൊട്ടാ​ര​ത്തിൽ നിയമി​ക്കാൻ തീരു​മാ​നി​ച്ചി​രു​ന്നി​രി​ക്കാം. അവി​ടെ​യാ​യി​രി​ക്കു​ന്നതു ബർസി​ല്ലാ​യിക്ക്‌ ഒരു ബഹുമ​തി​യാ​യി​രി​ക്കു​മാ​യി​രു​ന്നു. കൂടാതെ, രാജാ​വു​മാ​യുള്ള അടുത്ത സഹവാ​സ​വും അതിന്റെ പ്രയോ​ജ​ന​ങ്ങ​ളും അവന്‌ ആസ്വദി​ക്കാൻ കഴിയു​മാ​യി​രു​ന്നു.

w07 7/15 14 ¶7

വിനയ​പൂർവം ബർസി​ല്ലാ​യി

വാർധ​ക്യ​വും അതി​ന്റേ​തായ പ്രശ്‌ന​ങ്ങ​ളു​മാ​യി​രു​ന്നി​രി​ക്കാം ബർസി​ല്ലാ​യി​യു​ടെ തീരു​മാ​ന​ത്തി​ന്റെ ഒരു കാരണം. ഏറെനാൾ ഇനി ജീവി​ച്ചി​രി​ക്കി​ല്ലെന്ന്‌ അവനു തോന്നി​യി​രു​ന്നി​രി​ക്കാം. (സങ്കീർത്തനം 90:10) ദാവീ​ദി​നെ പിന്തു​ണയ്‌ക്കാൻ തന്നെ​ക്കൊ​ണ്ടാ​കു​ന്ന​തെ​ല്ലാം അവൻ ചെയ്‌തെ​ങ്കി​ലും പ്രായാ​ധി​ക്യ​ത്തി​ന്റെ പരിമി​തി സംബന്ധിച്ച്‌ അവനു നല്ല ബോധ്യ​മു​ണ്ടാ​യി​രു​ന്നു. പ്രതാ​പ​ത്തി​ന്റെ​യും പ്രശസ്‌തി​യു​ടെ​യും തിളക്കം, യാഥാർഥ്യ​ബോ​ധ​ത്തോ​ടെ സ്വന്തം കഴിവു​കൾ തൂക്കി​നോ​ക്കു​ന്ന​തി​നു തടസ്സമാ​കാൻ അവൻ അനുവ​ദി​ച്ചില്ല. അധികാ​ര​മോ​ഹി​യായ അബ്‌ശാ​ലോ​മിൽനി​ന്നു തികച്ചും വ്യത്യസ്‌ത​നാ​യി​രുന്ന അവൻ ജ്ഞാനവും വിനയ​വും പ്രകട​മാ​ക്കി.—സദൃശ​വാ​ക്യ​ങ്ങൾ 11:2.

w07 7/15 15 ¶1-2

വിനയ​പൂർവം ബർസി​ല്ലാ​യി

സമനി​ല​യു​ള്ള​വ​രാ​യി​രി​ക്കേ​ണ്ടത്‌ എത്ര പ്രധാ​ന​മാ​ണെന്ന കാര്യ​ത്തിന്‌ അടിവ​ര​യി​ടു​ന്ന​താണ്‌ ബർസി​ല്ലാ​യി​യെ​ക്കു​റി​ച്ചുള്ള ഈ വിവരണം. സ്വസ്ഥമായ ജീവിതം നയിക്കാ​നുള്ള ആഗ്രഹ​ത്താ​ലോ ഉത്തരവാ​ദി​ത്വ​ങ്ങൾ കയ്യേൽക്കാൻ പ്രാപ്‌തി​യി​ല്ലെന്ന ചിന്തയാ​ലോ നാം സേവന​പ​ദ​വി​കൾ നിഷേ​ധി​ക്കു​ക​യോ അത്തരം പദവികൾ എത്തിപ്പി​ടി​ക്കാൻ ശ്രമി​ക്കാ​തി​രി​ക്കു​ക​യോ ചെയ്യരുത്‌. ശക്തിക്കും ജ്ഞാനത്തി​നു​മാ​യി നാം ദൈവ​ത്തിൽ ആശ്രയി​ക്കു​ന്ന​പക്ഷം അവൻ നമ്മുടെ കുറവു​കൾ പരിഹ​രി​ച്ചു​കൊ​ള്ളും.—ഫിലി​പ്പി​യർ 4:13; യാക്കോബ്‌ 4:17; 1 പത്രൊസ്‌ 4:11.

അതേസ​മ​യം, നാം നമ്മുടെ പരിമി​തി​കൾ തിരി​ച്ച​റി​യു​ക​യും വേണം. ഉദാഹ​ര​ണ​ത്തിന്‌ ആത്മീയ പ്രവർത്ത​ന​ങ്ങ​ളിൽ നല്ല തിരക്കുള്ള ഒരു സഹോ​ദ​രന്റെ കാര്യ​മെ​ടു​ക്കുക. കൂടു​ത​ലായ പദവികൾ സ്വീക​രി​ക്കു​ന്ന​പക്ഷം കുടും​ബ​ത്തി​നാ​യി കരുതു​ന്ന​തു​പോ​ലുള്ള തിരു​വെ​ഴുത്ത്‌ ഉത്തരവാ​ദി​ത്വ​ങ്ങൾ അവഗണി​ക്കേ​ണ്ട​താ​യി വന്നേക്കു​മെന്ന്‌ അദ്ദേഹം തിരി​ച്ച​റി​യു​ന്നു. അത്തര​മൊ​രു സാഹച​ര്യ​ത്തിൽ തത്‌കാ​ലം മറ്റു പദവികൾ കയ്യേൽക്കാ​തി​രി​ക്കു​ന്നത്‌, അദ്ദേഹം വിനയ​വും ന്യായ​ബോ​ധ​വു​മുള്ള വ്യക്തി​യാ​ണെ​ന്ന​തി​ന്റെ തെളി​വാ​യി​രി​ക്കി​ല്ലേ?—ഫിലി​പ്പി​യർ 4:5, NW; 1 തിമൊ​ഥെ​യൊസ്‌ 5:8.

ആത്മീയരത്നങ്ങൾ

w20.04 30 ¶19

‘ഓട്ടം പൂർത്തി​യാ​ക്കുക’

¹⁹ നിങ്ങൾക്ക്‌ ആരോ​ഗ്യ​പ്രശ്‌ന​ങ്ങ​ളു​ണ്ടോ? മറ്റുള്ളവർ നിങ്ങളെ മനസ്സി​ലാ​ക്കു​ന്നി​ല്ലെന്നു തോന്നു​ന്നു​ണ്ടോ? എങ്കിൽ മെഫി​ബോ​ശെ​ത്തി​ന്റെ മാതൃക നിങ്ങൾക്ക്‌ ഒരു പ്രോ​ത്സാ​ഹ​ന​മാ​യി​രി​ക്കും. (2 ശമു. 4:4) മെഫി​ബോ​ശെ​ത്തി​നു ശാരീ​രി​ക​വൈ​ക​ല്യ​ങ്ങ​ളു​ണ്ടാ​യി​രു​ന്നു. ദാവീദ്‌ രാജാവ്‌ മെഫി​ബോ​ശെ​ത്തി​നെ തെറ്റി​ദ്ധ​രി​ക്കു​ക​യും അദ്ദേഹ​ത്തോട്‌ അന്യാ​യ​മാ​യി പെരു​മാ​റു​ക​യും ചെയ്‌തു. മെഫി​ബോ​ശെ​ത്തി​ന്റെ എന്തെങ്കി​ലും തെറ്റു​കൊ​ണ്ടല്ല ഇതൊക്കെ സംഭവി​ച്ചത്‌. എങ്കിലും ഇതി​ന്റെ​യൊ​ന്നും പേരിൽ മെഫി​ബോ​ശെ​ത്തിന്‌ ആരോ​ടും നീരസം തോന്നി​യില്ല. പകരം ജീവി​ത​ത്തി​ലെ നല്ല കാര്യ​ങ്ങൾക്കു അദ്ദേഹം നന്ദിയു​ള്ള​വ​നാ​യി​രു​ന്നു. മുമ്പ്‌ ദാവീദ്‌ കാണിച്ച ദയ അദ്ദേഹം മറന്നില്ല. (2 ശമു. 9:6-10) അതു​കൊണ്ട്‌ ദാവീദ്‌ കാര്യം മുഴുവൻ മനസ്സി​ലാ​ക്കാ​തെ തന്നോട്‌ ഇടപെ​ട്ട​പ്പോൾ മെഫി​ബോ​ശെത്ത്‌ ദേഷ്യ​പ്പെ​ടു​ക​യോ നീരസ​പ്പെ​ടു​ക​യോ ചെയ്‌തില്ല. ദാവീദ്‌ ചെയ്‌ത തെറ്റിന്‌ യഹോ​വയെ കുറ്റ​പ്പെ​ടു​ത്തു​ന്ന​തി​നു പകരം യഹോവ നിയമിച്ച രാജാ​വി​നെ എങ്ങനെ പിന്തു​ണയ്‌ക്കാ​മെ​ന്നാ​ണു മെഫി​ബോ​ശെത്ത്‌ ചിന്തി​ച്ചത്‌. (2 ശമു. 16:1-4; 19:24-30) നമ്മുടെ പ്രയോ​ജ​ന​ത്തി​നു​വേണ്ടി യഹോവ തന്റെ വചനത്തിൽ മെഫി​ബോ​ശെ​ത്തി​ന്റെ ഈ നല്ല മാതൃക രേഖ​പ്പെ​ടു​ത്തി.—റോമ. 15:4.

ജൂലൈ 11-17

ദൈവ​വ​ച​ന​ത്തി​ലെ നിധികൾ | 2 ശമുവേൽ 20-21

“യഹോവ നീതി​യു​ടെ ദൈവ​മാണ്‌”

w22.03 13 ¶4, 7

വായന​ക്കാ​രിൽനി​ന്നുള്ള ചോദ്യ​ങ്ങൾ

ശൗൽ രാജാ​വി​ന്റെ ഭരണകാ​ല​ത്തും ആ ഉടമ്പടി നിലവി​ലു​ണ്ടാ​യി​രു​ന്നു. എന്നിട്ടാ​ണു ഗിബെ​യോ​ന്യ​രെ ഇല്ലാതാ​ക്കാൻ ശൗൽ ശ്രമി​ച്ചത്‌. അങ്ങനെ ചെയ്‌ത​തി​ലൂ​ടെ ‘ശൗലും ശൗലിന്റെ ഗൃഹവും രക്തം ചൊരിഞ്ഞ കുറ്റമു​ള്ള​വ​രാ​യി.’ എന്നാൽ ചില ഗിബെ​യോ​ന്യർ രക്ഷപ്പെ​ട്ടി​രു​ന്നു. ദാവീദ്‌ ഇസ്രാ​യേ​ലിൽ രാജാ​വാ​യ​പ്പോൾ അവർ വന്ന്‌ അദ്ദേഹ​ത്തോട്‌ ശൗൽ കാണിച്ച ക്രൂര​ത​യെ​ക്കു​റിച്ച്‌ പറഞ്ഞു. ശൗലിന്റെ തെറ്റിന്‌ എന്തു പ്രായ​ശ്ചി​ത്ത​മാ​ണു ചെയ്യേ​ണ്ട​തെന്നു ദാവീദ്‌ അവരോ​ടു ചോദി​ച്ചു. കാരണം യഹോവ വീണ്ടും ദേശത്തെ അനു​ഗ്ര​ഹി​ക്ക​ണ​മെ​ങ്കിൽ അതു ചെയ്യണ​മാ​യി​രു​ന്നു. ഗിബെ​യോ​ന്യർക്കു വേണ്ടതു പണമാ​യി​രു​ന്നില്ല. പകരം തങ്ങളെ ‘ഇല്ലായ്‌മ ചെയ്യാൻ പദ്ധതി​യിട്ട’ ആ മനുഷ്യ​ന്റെ ഏഴ്‌ ആൺമക്കളെ കൊല്ലാൻ വിട്ടു​ത​രണം എന്നാണ്‌ അവർ പറഞ്ഞത്‌. ദാവീദ്‌ അങ്ങനെ ചെയ്‌തു.

വെറു​മൊ​രു ചരിത്ര സംഭവ​മാ​യി കാണേണ്ട ഒരു വിവര​ണമല്ല ഇത്‌. ‘പിതാ​ക്ക​ന്മാ​രു​ടെ പ്രവൃ​ത്തി​കൾക്കു മക്കൾ മരണശിക്ഷ അനുഭ​വി​ക്ക​രുത്‌’ എന്നു വ്യക്തമായ ദൈവ​നി​യ​മ​മു​ണ്ടാ​യി​രു​ന്നു. അതു​കൊ​ണ്ടു​തന്നെ ശൗലിന്റെ ആ രണ്ട്‌ ആൺമക്ക​ളും അഞ്ച്‌ കൊച്ചു​മ​ക്ക​ളും നിരപ​രാ​ധി​ക​ളാ​യി​രു​ന്നെ​ങ്കിൽ ഈ പ്രവൃ​ത്തി​യെ യഹോവ ഒരിക്ക​ലും അംഗീ​ക​രി​ക്കു​മാ​യി​രു​ന്നില്ല. “ഓരോ​രു​ത്ത​നും ചെയ്‌ത പാപത്തിന്‌ അവനവൻതന്നെ മരണശിക്ഷ അനുഭ​വി​ക്കണം” എന്നും നിയമ​ത്തിൽ പറഞ്ഞി​രു​ന്നു. സാധ്യ​ത​യ​നു​സ​രിച്ച്‌ ഗിബെ​യോ​ന്യ​രെ ഇല്ലാതാ​ക്കാൻവേണ്ടി ശൗൽ തുനി​ഞ്ഞി​റ​ങ്ങി​യ​പ്പോൾ ആ ഏഴു പേർക്കും അതിൽ ഒരു പങ്കുണ്ടാ​യി​രു​ന്നു. അതു​കൊണ്ട്‌ സ്വന്തം തെറ്റിന്റെ ഫലമാണ്‌ അവർ അനുഭ​വി​ച്ചത്‌.

ആത്മീയരത്നങ്ങൾ

w13 1/15 31 ¶14

ക്രിസ്‌തീയ മൂപ്പന്മാർ, ‘നമ്മുടെ സന്തോ​ഷ​ത്തി​നാ​യുള്ള കൂട്ടു​വേ​ല​ക്കാർ’

¹⁴ സാത്താ​നും അവന്റെ പിണയാ​ളു​ക​ളും പ്രതി​ബ​ന്ധങ്ങൾ സൃഷ്ടി​ക്കു​ന്നു​ണ്ടെ​ങ്കി​ലും യഹോ​വ​യു​ടെ ജനമെന്ന നിലയിൽ നാം ലോക​വ്യാ​പ​ക​മാ​യി നമ്മുടെ ശുശ്രൂഷ നിർവ​ഹി​ക്കു​ന്നു. നമ്മിൽ പലർക്കും കടുത്ത വെല്ലു​വി​ളി​കളെ നേരി​ടേ​ണ്ടി​വ​ന്നി​ട്ടുണ്ട്‌. എന്നാൽ യഹോ​വ​യിൽ പൂർണ​മാ​യി ആശ്രയി​ച്ചു​കൊണ്ട്‌ നാം അത്തരം ‘ഗൊല്യാ​ത്തു’സമാന പ്രതി​ബ​ന്ധ​ങ്ങ​ളു​ടെ​മേൽ വിജയം​വ​രി​ച്ചി​രി​ക്കു​ന്നു. എന്നിരു​ന്നാ​ലും ഈ ലോക​ത്തി​ന്റെ സമ്മർദ​ങ്ങ​ളു​മാ​യി നിരന്തരം പോരാ​ടു​ന്ന​തി​ന്റെ ഫലമായി ചില സാഹച​ര്യ​ങ്ങ​ളിൽ നാം തളർന്നു​പോ​കു​ക​യോ നിരു​ത്സാ​ഹി​ത​രാ​കു​ക​യോ ചെയ്‌തേ​ക്കാം. മറ്റൊരു സാഹച​ര്യ​ത്തിൽ വിജയ​ക​ര​മാ​യി കൈകാ​ര്യം ചെയ്യാ​നാ​കു​മാ​യി​രുന്ന ഒരു സമ്മർദം തളർന്നി​രി​ക്കുന്ന ഈ അവസ്ഥയിൽ നമ്മെ എളുപ്പം കീഴ്‌പെ​ടു​ത്തി​യേ​ക്കാം. അത്തരം സന്ദർഭ​ങ്ങ​ളിൽ, ഒരു മൂപ്പൻ നൽകുന്ന സമയോ​ചി​ത​മായ സഹായം സന്തോ​ഷ​വും ബലവും വീണ്ടെ​ടു​ക്കാൻ നമ്മെ സഹായി​ക്കും; അനേകർ അത്‌ അനുഭ​വി​ച്ച​റി​ഞ്ഞി​രി​ക്കു​ന്നു. 60-കളുടെ മധ്യത്തി​ലുള്ള ഒരു പയനി​യർസ​ഹോ​ദരി ഇങ്ങനെ പറഞ്ഞു: “കുറെ​ക്കാ​ലം മുമ്പ്‌ എനിക്ക്‌ അത്ര നല്ല സുഖമി​ല്ലാ​യി​രു​ന്നു; വയൽസേ​വനം എന്നെ വല്ലാതെ ക്ഷീണി​പ്പി​ച്ചു. എന്റെ അവസ്ഥ ശ്രദ്ധിച്ച ഒരു മൂപ്പൻ സഹായി​ക്കാൻ മുൻകൈ​യെ​ടു​ത്തു. ഒരു ബൈബിൾ വിവര​ണത്തെ ആധാര​മാ​ക്കി​യുള്ള പ്രോ​ത്സാ​ഹ​ജ​ന​ക​മായ സംഭാ​ഷ​ണ​ത്തി​ലേക്ക്‌ അത്‌ നയിച്ചു. അദ്ദേഹം നൽകിയ നിർദേ​ശങ്ങൾ ബാധക​മാ​ക്കി​യത്‌ എനിക്ക്‌ പ്രയോ​ജനം ചെയ്‌തു.” സഹോ​ദരി ഇങ്ങനെ​യും കൂട്ടി​ച്ചേർത്തു: “ആ മൂപ്പൻ, എന്റെ അവസ്ഥ ശ്രദ്ധി​ക്കു​ക​യും വേണ്ട സഹായം നൽകു​ക​യും ചെയ്‌തത്‌ എത്ര സ്‌നേ​ഹ​പൂർവ​ക​മായ ഒരു കാര്യ​മാ​യി​രു​ന്നു!” അതെ, പുരാതന നാളിലെ അബീശാ​യി​യെ​പ്പോ​ലെ സ്‌നേ​ഹ​ത്തോ​ടെ നിരന്തരം നമ്മെ ശ്രദ്ധി​ക്കു​ക​യും ഏതുസ​മ​യ​ത്തും ‘തുണ​യേ​കാൻ’ തയ്യാറാ​യി​രി​ക്കു​ക​യും ചെയ്യുന്ന മൂപ്പന്മാർ നമുക്കു​ണ്ടെന്ന്‌ അറിയു​ന്നത്‌ എത്ര സന്തോ​ഷ​ക​ര​മാണ്‌!

ജൂലൈ 18-24

ദൈവ​വ​ച​ന​ത്തി​ലെ നിധികൾ | 2 ശമുവേൽ 22

“സഹായ​ത്തി​നാ​യി യഹോ​വ​യിൽ ആശ്രയി​ക്കുക”

cl 19 ¶11

നിങ്ങൾക്ക്‌ യഥാർഥ​ത്തിൽ ‘ദൈവ​ത്തോട്‌ അടുത്തു ചെല്ലാൻ’ കഴിയു​മോ?

¹¹ ദൈവം “ശക്തിയു​ടെ ആധിക്യം” ഉള്ളവനാ​ണെന്നു നാം ബൈബി​ളിൽ വായി​ക്കു​ന്നു. (യെശയ്യാ​വു 40:26) എന്നാൽ അവൻ ഇസ്രാ​യേ​ലി​നെ ചെങ്കട​ലി​ലൂ​ടെ എങ്ങനെ വിടു​വി​ച്ചെ​ന്നും പിന്നീട്‌ ആ ജനതയെ മരുഭൂ​മി​യിൽ 40 വർഷം എങ്ങനെ പുലർത്തി​യെ​ന്നും വായി​ക്കു​മ്പോൾ യഹോ​വയെ കുറിച്ചു കൂടുതൽ ഉജ്ജ്വല​മായ ഒരു ചിത്രം നമുക്കു ലഭിക്കു​ന്നു. അലയടി​ക്കുന്ന വെള്ളങ്ങൾ വേർപി​രി​യു​ന്നതു നിങ്ങൾക്കു വിഭാവന ചെയ്യാൻ കഴിയും. ആ ജനത—ഒരുപക്ഷേ മൊത്തം 30,00,000 പേർ—ഉണങ്ങിയ കടൽത്ത​ട്ടി​ലൂ​ടെ നടന്നു​നീ​ങ്ങു​ന്ന​തും ജലം സ്‌ഫടി​ക​ഭി​ത്തി​കൾ പോലെ ഇരുവ​ശ​ങ്ങ​ളി​ലാ​യി നില​കൊ​ള്ളു​ന്ന​തും നിങ്ങൾക്കു ഭാവന​യിൽ കാണാ​നാ​കും. (പുറപ്പാ​ടു 14:21; 15:8) അതു​പോ​ലെ, മരുഭൂ​മി​യി​ലെ ദൈവിക പരിപാ​ല​ന​ത്തി​ന്റെ തെളി​വും നിങ്ങൾക്കു ദർശി​ക്കാ​നാ​കും. പാറയിൽനി​ന്നു വെള്ളം പ്രവഹി​ച്ച​തും വെളുത്ത ധാന്യ​ത്തി​നു സദൃശ​മായ ആഹാര​പ​ദാർഥം നിലത്തു പ്രത്യ​ക്ഷ​മാ​യ​തു​മെ​ല്ലാം. (പുറപ്പാ​ടു 16:31; സംഖ്യാ​പുസ്‌തകം 20:11) തനിക്കു ശക്തി ഉണ്ടെന്നു മാത്രമല്ല, തന്റെ ജനത്തി​നു​വേണ്ടി താൻ അത്‌ ഉപയോ​ഗി​ക്കു​ന്നെ​ന്നും യഹോവ ഇവിടെ വെളി​പ്പെ​ടു​ത്തു​ന്നു. ‘നമ്മുടെ സങ്കേത​വും ബലവും കഷ്ടങ്ങളിൽ ഏററവും അടുത്ത തുണയു’മായി​രി​ക്കുന്ന ശക്തനായ ഒരു ദൈവ​ത്തി​ങ്ക​ലേ​ക്കാണ്‌ നമ്മുടെ പ്രാർഥ​നകൾ പോകു​ന്നത്‌ എന്നറി​യു​ന്നത്‌ ആശ്വാ​സ​ക​ര​മല്ലേ?—സങ്കീർത്തനം 46:1.

w13 6/15 18 ¶4-5

“അങ്ങ്‌ വിശ്വസ്‌തത കാണി​ക്കു​ന്നു”

യഹോവ എങ്ങനെ​യാണ്‌ വിശ്വസ്‌തത കാണി​ക്കു​ന്നത്‌? തന്റെ ഭക്തന്മാരെ അവൻ ഒരിക്ക​ലും ഉപേക്ഷി​ച്ചു​ക​ള​യു​ക​യില്ല. യഹോ​വ​യു​ടെ ദാസനാ​യി​രുന്ന ദാവീ​ദു​രാ​ജാവ്‌ യഹോ​വ​യു​ടെ വിശ്വസ്‌ത​തയ്‌ക്ക്‌ സാക്ഷ്യം നൽകുന്നു. അവൻ ഇങ്ങനെ പറഞ്ഞു: “വിശ്വസ്‌ത​നോട്‌ അവിടു​ന്നു വിശ്വസ്‌തത പുലർത്തു​ന്നു.” (2 ശമൂ. 22:26, പി.ഒ.സി.) ദാവീദ്‌ പരി​ശോ​ധ​ന​ക​ളിൽപ്പെട്ട്‌ ഉഴലവെ യഹോവ അവനെ വിശ്വസ്‌ത​മാ​യി വഴിന​യി​ക്കു​ക​യും സംരക്ഷി​ക്കു​ക​യും വിടു​വി​ക്കു​ക​യും ചെയ്‌തു. (2 ശമൂ. 22:1) യഹോ​വ​യു​ടെ വിശ്വസ്‌തത വാക്കു​ക​ളിൽമാ​ത്രം ഒതുങ്ങു​ന്നതല്ല എന്നു ദാവീ​ദിന്‌ അറിയാ​മാ​യി​രു​ന്നു. യഹോവ എന്തു​കൊ​ണ്ടാണ്‌ ദാവീ​ദി​നോട്‌ വിശ്വസ്‌തത കാണി​ച്ചത്‌? എന്തു​കൊ​ണ്ടെ​ന്നാൽ ദാവീദ്‌ “വിശ്വസ്‌ത”നായി​രു​ന്നു. തന്റെ “വിശു​ദ്ധ​ന്മാ​രു​ടെ” (“വിശ്വസ്‌ത​രു​ടെ,” NW) വിശ്വസ്‌തത യഹോവ അമൂല്യ​മാ​യി കാണു​ക​യും തിരിച്ച്‌ അവരോട്‌ വിശ്വസ്‌തത കാണി​ച്ചു​കൊണ്ട്‌ അവൻ അവർക്ക്‌ പകരം നൽകു​ക​യും ചെയ്യുന്നു.—സദൃ. 2:6-8.

യഹോവ വിശ്വസ്‌തത കാണിച്ച സന്ദർഭ​ങ്ങ​ളെ​ക്കു​റിച്ച്‌ ഓർത്തു​കൊണ്ട്‌ നമുക്ക്‌ ഉൾക്കരുത്ത്‌ ആർജി​ക്കാ​നാ​കും. “കഷ്ടതയു​ടെ സമയങ്ങ​ളിൽ യഹോവ ദാവീ​ദി​നോട്‌ ഇടപെ​ട്ട​തി​നെ​ക്കു​റി​ച്ചുള്ള വിവര​ണങ്ങൾ വായി​ക്കു​ന്നത്‌ എന്നെ വളരെ​യേറെ സഹായി​ക്കു​ന്നു” എന്ന്‌ റീഡ്‌ എന്നു പേരുള്ള വിശ്വസ്‌ത​നായ ഒരു സഹോ​ദരൻ പറയുന്നു. “ദാവീദ്‌ പ്രാണ​ര​ക്ഷാർഥം ഗുഹക​ളി​ലും വെളി​മ്പ്ര​ദേ​ശ​ങ്ങ​ളി​ലും ഓടി​നടന്ന കാലത്ത്‌ യഹോവ എല്ലായ്‌പോ​ഴും അവനെ പുലർത്തി. ആ വിവരണം എനിക്കു വളരെ പ്രോ​ത്സാ​ഹനം പകരുന്നു. ഏതു സാഹച​ര്യ​ത്തി​ലും, ജീവിതം എത്ര ഇരുള​ട​ഞ്ഞ​താ​യി തോന്നി​യാ​ലും യഹോ​വ​യോ​ടു വിശ്വസ്‌ത​നാ​യി തുടരു​ന്നി​ട​ത്തോ​ളം അവൻ എന്നോ​ടൊ​പ്പ​മു​ണ്ടാ​കും എന്ന്‌ ദാവീ​ദി​ന്റെ അനുഭവം എനിക്ക്‌ ഉറപ്പേ​കു​ന്നു.” നിങ്ങൾക്കും അങ്ങനെ​തന്നെ തോന്നു​ന്നി​ല്ലേ?—റോമ. 8:38, 39.

ആത്മീയരത്നങ്ങൾ

w12 11/15 17 ¶7

‘ചെറി​യ​വ​നാ​യി​രി​ക്കാൻ’ ശ്രമി​ക്കുക!

⁷ ദൈവ​ത്തി​ന്റെ താഴ്‌മ സങ്കീർത്ത​ന​ക്കാ​ര​നായ ദാവീ​ദി​ന്റെ മനസ്സിൽ വലിയ പ്രഭാവം ചെലുത്തി. അവൻ യഹോ​വ​യെ​ക്കു​റിച്ച്‌ ഇങ്ങനെ പാടി: “നിന്റെ രക്ഷ എന്ന പരിചയെ നീ എനിക്കു തന്നിരി​ക്കു​ന്നു; നിന്റെ സൌമ്യത എന്നെ വലിയ​വ​നാ​ക്കി​യി​രി​ക്കു​ന്നു.” (2 ശമൂ. 22:36) ഇസ്രാ​യേ​ലിൽ തനിക്കു ലഭിച്ച സകല മഹത്ത്വ​ത്തി​ന്റെ​യും കീർത്തി ദാവീദ്‌ യഹോ​വയ്‌ക്കാ​ണു നൽകി​യത്‌; തന്നെ ശ്രദ്ധി​ക്കാ​നും സഹായി​ക്കാ​നും ഉള്ള താഴ്‌മ ദൈവം കാണി​ച്ച​തു​കൊ​ണ്ടാണ്‌ തനിക്ക്‌ ആ മഹത്ത്വം ലഭിക്കാൻ ഇടയാ​യ​തെന്നു ദാവീദ്‌ സമ്മതിച്ചു പറയുന്നു. (സങ്കീ. 113:5-7) നമ്മുടെ കാര്യ​മോ? ഗുണങ്ങ​ളോ കഴിവു​ക​ളോ പദവി​ക​ളോ എന്തുത​ന്നെ​യാ​യി​ക്കൊ​ള്ളട്ടെ, യഹോ​വ​യിൽനി​ന്നു ‘ലഭിച്ച​ത​ല്ലാ​ത്ത​താ​യി’ നമുക്ക്‌ എന്താണു​ള്ളത്‌? (1 കൊരി. 4:7) തന്നെത്തന്നെ ചെറി​യ​വ​നാ​യി കണക്കാ​ക്കുന്ന ഒരു ദൈവ​ദാ​സൻ, യഹോ​വ​യു​ടെ ദൃഷ്ടി​യിൽ കൂടുതൽ മൂല്യ​മു​ള്ള​വ​നാ​യി​ത്തീ​രു​ന്നു, അതാണ്‌ അവനെ ‘വലിയ​വ​നാ​ക്കു​ന്നത്‌.’ (ലൂക്കോ. 9:48) ഇത്‌ എങ്ങനെ​യാ​ണെന്ന്‌ നമുക്കു നോക്കാം.

ജൂലൈ 25-31

ദൈവ​വ​ച​ന​ത്തി​ലെ നിധികൾ | 2 ശമുവേൽ 23-24

“നിങ്ങൾ കൊടു​ക്കു​ന്നുണ്ട്‌, പക്ഷേ ത്യാഗം ചെയ്യു​ന്നു​ണ്ടോ?”

it-1-E 146

അരവ്‌ന

ആ സ്ഥലവും യാഗത്തി​നുള്ള ആടുമാ​ടു​ക​ളും വിറകും സൗജന്യ​മാ​യി കൊടു​ക്കാ​മെന്ന്‌ അരവ്‌ന പറഞ്ഞു. പക്ഷേ പണം കൊടു​ക്കാ​തെ വാങ്ങി​ല്ലെന്നു ദാവീദ്‌ തീർത്തു​പ​റഞ്ഞു. 50 ശേക്കെൽ വെള്ളി കൊടുത്ത്‌ ദാവീദ്‌ മെതി​ക്ക​ള​വും ആടുമാ​ടു​ക​ളും വാങ്ങി​യെന്ന്‌ 2 ശമുവേൽ 24:24 പറയുന്നു. എന്നാൽ 600 ശേക്കെൽ സ്വർണം കൊടു​ത്താണ്‌ ദാവീദ്‌ ആ സ്ഥലം വാങ്ങി​യ​തെന്ന്‌ 1 ദിനവൃ​ത്താ​ന്തം 21:25 പറയുന്നു. എന്തു​കൊ​ണ്ടാണ്‌ ഈ വ്യത്യാ​സം? 2 ശമു​വേ​ലിൽ പറയു​ന്നത്‌, ആടുമാ​ടു​ക​ളും വിറകും യാഗമർപ്പി​ക്കാ​നുള്ള ചെറിയ സ്ഥലവും വാങ്ങിയ തുകയാണ്‌. എന്നാൽ 1 ദിനവൃ​ത്താ​ന്ത​ത്തിൽ നമ്മൾ വായി​ക്കു​ന്നത്‌ പിന്നീട്‌ അവി​ടെ​ത്തന്നെ പണിത ആലയ​ത്തെ​ക്കു​റി​ച്ചാണ്‌. (1ദിന 22:1-6; 2ദിന 3:1) ആലയ​പ്ര​ദേശം വളരെ വലുതാ​യി​രു​ന്ന​തു​കൊണ്ട്‌ അതു വാങ്ങു​ന്ന​തി​നാ​യി​രി​ക്കണം 600 ശേക്കെൽ സ്വർണം കൊടു​ത്തത്‌. അല്ലാതെ യാഗപീ​ഠം പണിയാ​നുള്ള ചെറിയ സ്ഥലം വാങ്ങാനല്ല.

w12 1/15 18 ¶8

‘സത്യത്തി​ന്റെ രൂപരേഖ’യിൽനിന്ന്‌ പഠിക്കുക

⁸ യഹോ​വ​യോ​ടുള്ള നന്ദിസൂ​ച​ക​മാ​യോ, ഹോമ​യാ​ഗ​ത്തി​ന്റെ കാര്യ​ത്തിൽ, ദൈവ​ത്തി​ന്റെ അംഗീ​കാ​രം കാംക്ഷി​ച്ചു​കൊ​ണ്ടോ മനസ്സോ​ടെ​യാണ്‌ ഒരു ഇസ്രാ​യേ​ല്യൻ യാഗമർപ്പി​ക്കു​ന്ന​തെ​ങ്കിൽ ഏറ്റവും ഉത്തമമായ മൃഗത്തെ തിര​ഞ്ഞെ​ടു​ക്കാൻ അദ്ദേഹ​ത്തിന്‌ ബുദ്ധി​മുട്ട്‌ തോന്നു​മാ​യി​രു​ന്നില്ല. ഇന്ന്‌, മോ​ശൈക ന്യായ​പ്ര​മാ​ണ​ത്തിൽ പറഞ്ഞി​രി​ക്കുന്ന യാഗങ്ങൾ ക്രിസ്‌ത്യാ​നി​കൾ അർപ്പി​ക്കു​ന്നി​ല്ലെ​ങ്കി​ലും യഹോ​വയെ സേവി​ക്കാ​നാ​യി തങ്ങളുടെ സമയവും ഊർജ​വും വിഭവ​ങ്ങ​ളും അർപ്പി​ച്ചു​കൊണ്ട്‌ ഒരർഥ​ത്തിൽ അവർ ഇന്നും യാഗങ്ങൾ അർപ്പി​ക്കു​ന്നുണ്ട്‌. ക്രിസ്‌തീയ പ്രത്യാശ ‘ഘോഷി​ക്കു​ന്ന​തും’ ‘നന്മ ചെയ്യു​ന്ന​തും’ നമുക്കു​ള്ളത്‌ ‘മറ്റുള്ള​വ​രു​മാ​യി പങ്കു​വെ​ക്കു​ന്ന​തും’ ദൈവത്തെ പ്രസാ​ദി​പ്പി​ക്കുന്ന യാഗങ്ങ​ളാ​ണെന്ന്‌ പൗലോസ്‌ അപ്പൊസ്‌തലൻ എഴുതി. (എബ്രാ. 13:15, 16) ഇത്തരം പ്രവർത്ത​ന​ങ്ങ​ളിൽ ഏർപ്പെ​ടു​മ്പോ​ഴുള്ള നമ്മുടെ മനോ​ഭാ​വം, ദൈവം നമുക്കു​വേണ്ടി ചെയ്‌തി​ട്ടുള്ള കാര്യ​ങ്ങ​ളെ​പ്രതി നമുക്ക്‌ എത്രമാ​ത്രം നന്ദിയും വിലമ​തി​പ്പു​മു​ണ്ടെന്ന്‌ വെളി​പ്പെ​ടു​ത്തും. അതു​കൊണ്ട്‌ ദൈവ​സേ​വ​നത്തെ നാം എങ്ങനെ​യാണ്‌ കാണു​ന്ന​തെ​ന്നും അവനെ സേവി​ക്കാൻ നമ്മെ പ്രേരി​പ്പി​ക്കു​ന്നത്‌ എന്താ​ണെ​ന്നും ഇസ്രാ​യേ​ല്യ​രെ​പ്പോ​ലെ നമ്മളും വിലയി​രു​ത്തേ​ണ്ട​താണ്‌.

ആത്മീയരത്നങ്ങൾ

w05 5/15 19 ¶6

രണ്ടു ശമൂ​വേ​ലിൽനി​ന്നുള്ള വിശേ​ഷാ​ശ​യ​ങ്ങൾ

23:15-17. ജീവനും രക്തവും സംബന്ധി​ച്ചുള്ള ദൈവ​നി​യ​മ​ത്തോട്‌ അങ്ങേയ​റ്റത്തെ ആദരവു​ണ്ടാ​യി​രു​ന്ന​തി​നാൽ, അതിന്റെ ലംഘനം ആയിരി​ക്കു​മെന്നു തോന്നിയ ഒരു കാര്യം ചെയ്യു​ന്ന​തു​പോ​ലും ഈ സന്ദർഭ​ത്തിൽ ദാവീദ്‌ ഒഴിവാ​ക്കി. ദൈവ​ത്തി​ന്റെ എല്ലാ കൽപ്പന​ക​ളെ​യും സംബന്ധിച്ച്‌ നാമും സമാന​മായ ഒരു മനോ​ഭാ​വം വളർത്തി​യെ​ടു​ക്കണം.

ആഗസ്റ്റ്‌ 1-7

ദൈവ​വ​ച​ന​ത്തി​ലെ നിധികൾ | 1 രാജാ​ക്ക​ന്മാർ 1-2

“നിങ്ങളു​ടെ തെറ്റു​ക​ളിൽനിന്ന്‌ നിങ്ങൾ പഠിക്കു​ന്നു​ണ്ടോ?”

it-2-E 987 ¶4

ശലോ​മോൻ

“ശലോ​മോൻ രാജാവ്‌ നീണാൾ വാഴട്ടെ” എന്നു ജനം ആർപ്പി​ടു​ന്നതു കേട്ട​പ്പോൾ അദോ​നി​യ​യും കൂടെ​യു​ണ്ടാ​യി​രുന്ന ഗൂഢാ​ലോ​ച​ക​രും ഭയന്നു​വി​റച്ചു. എല്ലാവ​രും അവരവ​രു​ടെ വഴിക്കു പോയി. ശലോ​മോൻ തന്നെ വധിക്കു​മോ എന്നു ഭയന്ന്‌ അദോ​നിയ വിശു​ദ്ധ​മ​ന്ദി​ര​ത്തി​ലേക്ക്‌ ഓടി​പ്പോ​യി. ശലോ​മോ​ന്റെ ഭരണം സമാധാ​ന​ത്തി​ന്റെ​യും ശാന്തി​യു​ടെ​യും ഒരു ഭരണമാ​യി​രി​ക്ക​ണ​മാ​യി​രു​ന്നു. ഭരണത്തി​ന്റെ തുടക്ക​ത്തിൽ പ്രതി​കാ​രം ചെയ്യാ​തി​രു​ന്നു​കൊണ്ട്‌ ശലോ​മോൻ അതു തെളി​യി​ച്ചു. ശലോ​മോൻ അദോ​നി​യയെ വിളി​ച്ചു​വ​രു​ത്തി അയാളെ കൊല്ലി​ല്ലെന്നു പറഞ്ഞു. പക്ഷേ ഒരു വ്യവസ്ഥ ഉണ്ടായി​രു​ന്നു. അയാൾ ‘യോഗ്യ​മാ​യി പെരു​മാ​റ​ണ​മാ​യി​രു​ന്നു.’—1രാജ 1:41-53.

w05 7/1 29 ¶1

ഒന്നു രാജാ​ക്ക​ന്മാ​രിൽനി​ന്നുള്ള വിശേ​ഷാ​ശ​യ​ങ്ങൾ

1:49-53; 2:13-25—അദോ​നീ​യാ​വി​നോ​ടു ക്ഷമിച്ച​ശേ​ഷ​വും എന്തു​കൊ​ണ്ടാണ്‌ ശലോ​മോൻ അവനെ വധിച്ചത്‌? അബീശ​ഗി​നെ തനിക്കു ഭാര്യ​യാ​യി നൽകാൻ രാജാ​വി​നോ​ടു ചോദി​ക്കാ​മോ​യെന്ന്‌ അദോ​നീ​യാവ്‌ ബത്ത്‌-ശേബ​യോട്‌ അഭ്യർഥി​ച്ച​പ്പോൾ അതിന്റെ പിന്നി​ലുള്ള യഥാർഥ ഉദ്ദേശ്യം തിരി​ച്ച​റി​യാൻ ബത്ത്‌-ശേബയ്‌ക്കു കഴിഞ്ഞില്ല. എന്നാൽ ശലോ​മോൻ അതു മനസ്സി​ലാ​ക്കി. അബീശ​ഗു​മാ​യി ദാവീദ്‌ ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​രു​ന്നി​ല്ലെ​ങ്കി​ലും സുന്ദരി​യായ ആ സ്‌ത്രീ ദാവീ​ദി​ന്റെ ഒരു വെപ്പാ​ട്ടി​യാ​യി​രു​ന്നു. അക്കാലത്തെ സമ്പ്രദാ​യം അനുസ​രിച്ച്‌ അവൾ, ദാവീ​ദി​നു​ശേഷം ഭരി​ക്കേ​ണ്ടി​യി​രുന്ന നിയമാ​നു​സൃത അവകാ​ശി​യു​ടെ​മാ​ത്രം സ്വത്താ​യി​രി​ക്ക​ണ​മാ​യി​രു​ന്നു. അബീശ​ഗി​നെ ഭാര്യ​യാ​യി കിട്ടി​യാൽ സിംഹാ​സനം സ്വന്തമാ​ക്കാൻ വീണ്ടു​മൊ​രു ശ്രമം നടത്താൻ കഴിയു​മെന്ന്‌ അദോ​നീ​യാവ്‌ ചിന്തി​ച്ചി​രി​ക്കാം. ഭരണം പിടി​ച്ചെ​ടു​ക്കാ​നുള്ള മോഹ​മാണ്‌ ഈ അഭ്യർഥ​ന​യു​ടെ പിന്നി​ലെന്നു തിരി​ച്ച​റിഞ്ഞ ശലോ​മോൻ ഇനി അവനോ​ടു ക്ഷമി​ക്കേ​ണ്ട​തി​ല്ലെന്നു തീരു​മാ​നി​ച്ചു.

ആത്മീയരത്നങ്ങൾ

w05 7/1 30 ¶1

ഒന്നു രാജാ​ക്ക​ന്മാ​രിൽനി​ന്നുള്ള വിശേ​ഷാ​ശ​യ​ങ്ങൾ

2:37, 41-46. ദിവ്യ​നി​യ​മ​ങ്ങ​ളു​ടെ ലംഘനം ശിക്ഷ കൈവ​രു​ത്തു​ക​യി​ല്ലെന്നു ചിന്തി​ക്കു​ന്നത്‌ എത്ര അപകട​ക​ര​മാണ്‌! ‘ജീവനി​ലേക്കു നയിക്കുന്ന ഞെരു​ക്ക​മുള്ള വഴി’യിൽനി​ന്നു മനഃപൂർവം വ്യതി​ച​ലി​ക്കു​ന്നവർ ജ്ഞാനര​ഹി​ത​മായ ആ തീരു​മാ​ന​ത്തി​ന്റെ പരിണ​ത​ഫ​ലങ്ങൾ കൊയ്യും.—മത്തായി 7:14.

ആഗസ്റ്റ്‌ 8-14

ദൈവ​വ​ച​ന​ത്തി​ലെ നിധികൾ | 1 രാജാ​ക്ക​ന്മാർ 3-4

“ജ്ഞാനത്തി​ന്റെ മൂല്യം”

w11 12/15 8 ¶4-6

ആ ജീവിതം പഠിപ്പി​ക്കുന്ന പാഠം

⁴ ശലോ​മോ​ന്റെ വാഴ്‌ച​യു​ടെ ആരംഭ​ത്തിൽ ദൈവം അവന്‌ ഒരു സ്വപ്‌ന​ത്തിൽ പ്രത്യ​ക്ഷ​നാ​യി ഇഷ്ടമുള്ള വരം ചോദി​ച്ചു​കൊ​ള്ളാൻ പറഞ്ഞു. തനിക്ക്‌ അനുഭ​വ​പ​രി​ച​യ​മി​ല്ലെന്ന്‌ അറിയാ​മാ​യി​രു​ന്ന​തി​നാൽ ശലോ​മോൻ, ജ്ഞാനമാണ്‌ ചോദി​ച്ചത്‌. (1 രാജാ​ക്ക​ന്മാർ 3:5-9 വായി​ക്കുക.) സമ്പത്തോ മഹത്ത്വ​മോ അപേക്ഷി​ക്കാ​ഞ്ഞ​തിൽ സംപ്രീ​ത​നായ യഹോവ അവന്‌ “ജ്ഞാനവും വിവേ​ക​വു​മു​ള്ളോ​രു ഹൃദയം” നൽകി, ഒപ്പം സമ്പദ്‌സ​മൃ​ദ്ധി​യും. (1 രാജാ. 3:10-14) ശലോ​മോ​ന്റെ കീർത്തി മറ്റു ദേശങ്ങ​ളി​ലേ​ക്കും വ്യാപി​ച്ചു. അങ്ങനെ​യാണ്‌ യേശു പരാമർശിച്ച ശെബാ​യി​ലെ രാജ്ഞി ശലോ​മോ​ന്റെ ജ്ഞാന​മൊ​ഴി​കൾ കേൾക്കാൻ കാതങ്ങൾ സഞ്ചരിച്ച്‌ അവന്റെ അരമന​യിൽ എത്തിയത്‌.—1 രാജാ. 10:1, 4-9.

⁵ ശലോ​മോന്‌ ലഭിച്ച​തു​പോ​ലെ അത്ഭുത​ക​ര​മാ​യി ജ്ഞാനം ലഭിക്കു​മെന്ന്‌ ഇന്ന്‌ നാം പ്രതീ​ക്ഷി​ക്കു​ന്നില്ല. “യഹോ​വ​യ​ല്ലോ ജ്ഞാനം നല്‌കു​ന്നത്‌” എന്നെഴു​തിയ ശലോ​മോൻ, ആ ദിവ്യ​ഗു​ണം നേടു​ന്ന​തി​നാ​യി നാം പരി​ശ്ര​മി​ക്കേ​ണ്ട​തു​ണ്ടെ​ന്നും പറയു​ക​യു​ണ്ടാ​യി. “ജ്ഞാനത്തി​ന്നു ചെവി​കൊ​ടു​ക്ക​യും ബോധ​ത്തി​ന്നു നിന്റെ ഹൃദയം ചായി​ക്ക​യും” ചെയ്യുക എന്ന്‌ അവൻ പറഞ്ഞു. ‘വിളി​ക്കുക,’ ‘അന്വേ​ഷി​ക്കുക,’ ‘തിരയുക’ എന്നിങ്ങ​നെ​യുള്ള പദങ്ങൾ അവൻ അതുമാ​യി ബന്ധപ്പെട്ട്‌ ഉപയോ​ഗി​ച്ചു. (സദൃ. 2:1-6) നമുക്ക്‌ ജ്ഞാനം നേടാൻ കഴിയും എന്നാണ്‌ ഇത്‌ കാണി​ക്കു​ന്നത്‌.

⁶ ‘ശലോ​മോ​നെ​പ്പോ​ലെ ഞാൻ ദിവ്യ​ജ്ഞാ​നത്തെ അമൂല്യ​മാ​യി കാണു​ന്നു​ണ്ടോ?’ എന്ന്‌ ഒരു ആത്മപരി​ശോ​ധന നടത്തു​ന്നത്‌ നല്ലതാണ്‌. സാമ്പത്തിക അനിശ്ചി​ത​ത്വ​ങ്ങൾ നിമിത്തം പലരും ജോലി​യി​ലും പണം സമ്പാദി​ക്കു​ന്ന​തി​ലും കൂടുതൽ ശ്രദ്ധപ​തി​പ്പി​ക്കാൻ തുടങ്ങി​യി​രി​ക്കു​ന്നു. ഏതു കോഴ്‌സ്‌ തിര​ഞ്ഞെ​ടു​ക്കണം, എത്ര​ത്തോ​ളം പഠിക്കണം എന്ന പലരു​ടെ​യും തീരു​മാ​ന​ത്തെ​യും ഇത്തരം അനിശ്ചി​ത​ത്വ​ങ്ങൾ സ്വാധീ​നി​ക്കാ​റുണ്ട്‌. നിങ്ങളു​ടെ​യും നിങ്ങളു​ടെ കുടും​ബ​ത്തി​ന്റെ​യും കാര്യ​മോ? ദിവ്യ​ജ്ഞാ​നത്തെ ഒരു നിധി​പോ​ലെ തിരയു​ന്നു എന്നാണോ നിങ്ങളു​ടെ തിര​ഞ്ഞെ​ടു​പ്പു​കൾ കാണി​ക്കു​ന്നത്‌? പണത്തെ​യും വിദ്യാ​ഭ്യാ​സ​ത്തെ​യും വീക്ഷി​ക്കുന്ന വിധത്തിൽ അൽപ്പം മാറ്റം വരുത്തി​യാൽ ദൈവിക ജ്ഞാനം കൂടുതൽ സമ്പാദി​ക്കാൻ നിങ്ങൾക്കാ​കു​മോ? ജ്ഞാനം സമ്പാദി​ക്കു​ന്ന​തും ജ്ഞാനപൂർവം പ്രവർത്തി​ക്കു​ന്ന​തും നിലനിൽക്കുന്ന പ്രയോ​ജ​ന​ങ്ങ​ളിൽ കലാശി​ക്കു​ക​തന്നെ ചെയ്യും. “അങ്ങനെ നീ നീതി​യും ന്യായ​വും നേരും സകലസ​ന്മാർഗ്ഗ​വും ഗ്രഹി​ക്കും” എന്ന്‌ ശലോ​മോൻ എഴുതി.—സദൃ. 2:9.

ആത്മീയരത്നങ്ങൾ

w98 2/1 11 ¶15

യഹോവ ഉടമ്പടി​ക​ളു​ടെ ദൈവ​മാണ്‌

¹⁵ അബ്രാ​ഹാ​മി​ന്റെ പിൻഗാ​മി​കൾ ന്യായ​പ്ര​മാ​ണ​ത്തിൻകീ​ഴിൽ ഒരു ജനത​യെ​ന്ന​നി​ല​യിൽ സംഘടി​പ്പി​ക്ക​പ്പെ​ട്ട​തോ​ടെ, യഹോവ ഗോ​ത്ര​പി​താ​വി​നു കൊടുത്ത വാഗ്‌ദാ​ന​ങ്ങൾക്കു​ചേർച്ച​യിൽ അവരെ അനു​ഗ്ര​ഹി​ച്ചു. പൊ.യു.മു. 1473-ൽ, മോശ​യു​ടെ പിൻഗാ​മി​യായ യോശുവ ഇസ്രാ​യേ​ല്യ​രെ കനാൻദേ​ശ​ത്തേക്കു നയിച്ചു. അതേത്തു​ടർന്ന്‌ ദേശം ഗോ​ത്ര​ങ്ങൾക്കി​ട​യിൽ വിഭാ​ഗി​ക്ക​പ്പെ​ട്ടത്‌ അബ്രാ​ഹാ​മി​ന്റെ സന്തതിക്കു ദേശം നൽകു​മെന്ന യഹോ​വ​യു​ടെ വാഗ്‌ദാ​നം നിവർത്തി​ച്ചു. ഇസ്രാ​യേൽ വിശ്വസ്‌ത​രാ​യി​രു​ന്ന​പ്പോൾ, ശത്രു​ക്ക​ളു​ടെ​മേൽ അവർക്കു വിജയം നൽകു​മെന്ന തന്റെ വാഗ്‌ദാ​നം യഹോവ നിവർത്തി​ച്ചു. ഇതു ദാവീദ്‌ രാജാ​വി​ന്റെ ഭരണകാ​ലത്ത്‌ വിശേ​ഷാൽ സത്യമാ​യി​രു​ന്നു. ദാവീ​ദി​ന്റെ പുത്ര​നായ ശലോ​മോ​ന്റെ കാലമാ​യ​പ്പോ​ഴേ​ക്കും, അബ്രാ​ഹാ​മ്യ ഉടമ്പടി​യു​ടെ മൂന്നാ​മത്തെ വശത്തിനു നിവൃ​ത്തി​യാ​യി. “യെഹൂ​ദ​യും യിസ്രാ​യേ​ലും കടൽക്ക​ര​യി​ലെ മണൽ പോലെ അസംഖ്യ​മാ​യി​രു​ന്നു; അവർ തിന്നു​ക​യും കുടി​ക്ക​യും സന്തോ​ഷി​ക്ക​യും ചെയ്‌തു പോന്നു.”—1 രാജാ​ക്ക​ന്മാർ 4:20.

ആഗസ്റ്റ്‌ 15-21

ദൈവ​വ​ച​ന​ത്തി​ലെ നിധികൾ | 1 രാജാ​ക്ക​ന്മാർ 5-6

“കഠിനാ​ധ്വാ​ന​വും സ്‌നേ​ഹ​വും ചേർന്ന ഒരു നിർമാ​ണ​പ്ര​വർത്തനം”

w99 1/1 പേ. 32

‘ലെബാ​നോ​നി​ലെ ദേവദാ​രു പോലെ ഉയരമു​ള്ളത്‌’

ലെബാ​നോ​നി​ലെ മതിപ്പു​ള​വാ​ക്കുന്ന ഈ ദേവദാ​രു​ക്കളെ വർണി​ക്കാൻ തിരു​വെ​ഴു​ത്തു​കൾ “ഉൽകൃഷ്ട”മായ, “പ്രൗഢ​മായ” എന്നിങ്ങ​നെ​യുള്ള പദങ്ങൾ ഉപയോ​ഗി​ക്കു​ന്നു. (ഉത്തമഗീ​തം 5:15; യെഹെസ്‌കേൽ 17:23, NW) വലിപ്പം നിമി​ത്ത​വും തടി ദീർഘ​കാ​ലം കേടു​കൂ​ടാ​തി​രി​ക്കു​ന്ന​തി​നാ​ലും വീടു​പ​ണി​യി​ലും കപ്പൽ നിർമാ​ണ​ത്തി​ലും ഗൃഹോ​പ​ക​ര​ണങ്ങൾ ഉണ്ടാക്കു​ന്ന​തി​ലും ദേവദാ​രു വളരെ​ക്കാ​ല​മാ​യി ജനപ്രീ​തി ആർജി​ച്ചി​ട്ടുണ്ട്‌. തടിയു​ടെ നറുമ​ണ​വും ഊഷ്‌മ​ള​മായ അരുണ വർണവും വളരെ ആകർഷ​ക​മാണ്‌. അതിലെ മരക്കറ​യു​ടെ (resin) ഉയർന്ന അളവു നിമിത്തം ഷഡ്‌പ​ദ​ങ്ങ​ളു​ടെ ആക്രമ​ണ​ത്തെ​യും ആ തടി ചെറു​ക്കു​ന്നു. ഇവ നല്ല ഉയരമുള്ള കൂറ്റൻ വൃക്ഷങ്ങ​ളാണ്‌. അവയ്‌ക്ക്‌ 37 മീറ്റർ വരെ ഉയരവും 12 മീറ്റർ വരെ വണ്ണവും വെക്കുന്നു. അവയുടെ വേരുകൾ നല്ല നീളമു​ള്ള​വ​യും ബലിഷ്‌ഠ​വു​മാണ്‌. ചില ആധുനിക വനപാ​ലകർ അവയെ “സസ്യ​ലോ​ക​ത്തി​ന്റെ മഹത്ത്വ​മാർന്ന മകുടം” എന്നു വർണി​ച്ചി​രി​ക്കു​ന്ന​തിൽ അതിശ​യി​ക്കാ​നില്ല!

it-1-E 424

ദേവദാ​രു

ദേവാ​ല​യ​ത്തി​ന്റെ പണികൾക്കു ധാരാളം ദേവദാ​രു തടികൾ ആവശ്യ​മാ​യി​രു​ന്നു. മരങ്ങൾ മുറിച്ച്‌ മധ്യധ​ര​ണ്യാ​ഴിക്ക്‌ അടുത്തുള്ള സോരി​ലേ​ക്കും സീദോ​നി​ലേ​ക്കും കയറ്റി അയയ്‌ക്കണം. അത്‌ അവി​ടെ​നിന്ന്‌ ചങ്ങാട​ങ്ങ​ളാ​യി കെട്ടി തീരത്തു​കൂ​ടെ ഒഴുക്കണം, സാധ്യ​ത​യ​നു​സ​രിച്ച്‌ യോപ്പ​യി​ലേക്ക്‌. എന്നിട്ട്‌ ഈ വലിയ മരത്തടി​കൾ യരുശ​ലേ​മിൽ എത്തിച്ചി​രു​ന്നു. ഇതി​നെ​ല്ലാം ആയിര​ക്ക​ണ​ക്കി​നു പണിക്കാർ വേണമാ​യി​രു​ന്നു.—1രാജ 5:6-18; 2ദിന 2:3-10.

it-2-E 1077 ¶1

ദേവാ​ല​യം

ശലോ​മോൻ ഇസ്രാ​യേ​ലിൽനി​ന്നും 30,000 പുരു​ഷ​ന്മാ​രെ കൂട്ടി​വ​രു​ത്തി. ഓരോ മാസവും അവരിൽ 10,000 പേരെ വീതം അദ്ദേഹം ലബാ​നോ​നി​ലേക്ക്‌ അയയ്‌ക്കും; അവർ ഒരു മാസം അവി​ടെ​യും രണ്ടു മാസം അവരവ​രു​ടെ വീട്ടി​ലും ചെലവ​ഴി​ക്കും. (1രാജ 5:13, 14) ഇസ്രാ​യേ​ലിൽ വന്നുതാ​മ​സി​ക്കുന്ന വിദേ​ശി​ക​ളു​ടെ ഇടയിൽനിന്ന്‌ ശലോ​മോൻ 70,000 പേരെ ചുമട്ടു​കാ​രാ​യും 80,000 പേരെ കല്ലു​വെ​ട്ടു​കാ​രാ​യും എടുത്തു. (1രാജ 5:15; 9:20, 21; 2ദിന 2:2) പണിക്കു മേൽനോ​ട്ടം വഹിക്കാൻ 550 പുരു​ഷ​ന്മാ​രെ​യും സാധ്യ​ത​യ​നു​സ​രിച്ച്‌ അവരെ സഹായി​ക്കാൻ 3,300 പേരെ​യും ശലോ​മോൻ നിയമി​ച്ചു. (1രാജ 5:16; 9:22, 23) അതിൽ 250 പേർ ഇസ്രാ​യേ​ല്യ​രും 3,600 പേർ ഇസ്രാ​യേ​ലിൽ വന്നുതാ​മ​സി​ക്കുന്ന വിദേ​ശി​ക​ളും ആയിരു​ന്നി​രി​ക്കാം.—2ദിന 2:17, 18.

ആത്മീയരത്നങ്ങൾ

g-E 5/12 17, ചതുരം

ബൈബിൾ—കൃത്യ​മായ പ്രവച​ന​ങ്ങ​ളു​ടെ ഒരു പുസ്‌തകം, ഭാഗം 1

കൃത്യ​ത​യുള്ള വിവരണം

ചില സംഭവങ്ങൾ നടന്നതി​ന്റെ കൃത്യ​മായ വർഷവും തീയതി​യും ബൈബിൾ രേഖ​പ്പെ​ടു​ത്തു​ന്നുണ്ട്‌. 1 രാജാ​ക്ക​ന്മാർ 6:1-ൽ ഇങ്ങനെ കൃത്യ​മായ ഒരു സമയം പറഞ്ഞി​രി​ക്കു​ന്ന​തി​ന്റെ ഉദാഹ​രണം കാണാം. ശലോ​മോൻ രാജാവ്‌ ആലയം പണി തുടങ്ങി​യത്‌ എപ്പോ​ഴാ​ണെ​ന്നാണ്‌ ആ വാക്യം പറയു​ന്നത്‌. അവിടെ ഇങ്ങനെ പറയുന്നു: “ഇസ്രാ​യേ​ല്യർ ഈജിപ്‌തിൽനിന്ന്‌ പുറ​പ്പെ​ട്ടു​പോ​ന്ന​തി​ന്റെ 480-ാം വർഷം, (479 സമ്പൂർണ​വർഷങ്ങൾ) ശലോ​മോ​ന്റെ വാഴ്‌ച​യു​ടെ നാലാം വർഷം, സീവ്‌ മാസത്തിൽ (അതായത്‌, രണ്ടാം മാസത്തിൽ) ശലോ​മോൻ യഹോ​വ​യു​ടെ ഭവനം പണിയാൻതു​ടങ്ങി.”

ബൈബിൾ പറയു​ന്ന​ത​നു​സ​രിച്ച്‌ ശലോ​മോ​ന്റെ ഭരണത്തി​ന്റെ 4-ാം വർഷം ബി.സി. 1034 ആണ്‌. അവി​ടെ​നിന്ന്‌ 479 വർഷങ്ങൾ പുറ​കോട്ട്‌ എണ്ണിയാൽ നമ്മൾ ബി.സി. 1513-ൽ വന്നുനിൽക്കും, ഇസ്രാ​യേ​ല്യർ ഈജിപ്‌തിൽനിന്ന്‌ പോന്ന അതേ വർഷം.

ആഗസ്റ്റ്‌ 22-28

ദൈവ​വ​ച​ന​ത്തി​ലെ നിധികൾ | 1 രാജാ​ക്ക​ന്മാർ 7

“രണ്ടു തൂണു​ക​ളിൽനിന്ന്‌ നമുക്ക്‌ എന്തു പഠിക്കാം?”

w13-E 12/1 13 ¶3

“മലകളിൽനിന്ന്‌ നിങ്ങൾ ചെമ്പു കുഴി​ച്ചെ​ടു​ക്കും”

ആലയം​പ​ണിക്ക്‌ ശലോ​മോൻ രാജാവ്‌ ഒരുപാട്‌ ചെമ്പ്‌ ഉപയോ​ഗി​ച്ചി​രു​ന്നു. ദാവീദ്‌ രാജാവ്‌ സിറിയ കീഴട​ക്കി​യ​പ്പോൾ പിടി​ച്ചെ​ടു​ത്ത​താണ്‌ അതിൽ അധിക​വും. (1ദിനവൃത്താന്തം 18:6-8) പുരോ​ഹി​ത​ന്മാർക്ക്‌ കഴുകാൻ ചെമ്പു​കൊണ്ട്‌ ഒരു കടൽ അതായത്‌, വെള്ളം നിറച്ചു​വെ​ക്കാ​നുള്ള ഒരു വലിയ പാത്രം വാർത്തു​ണ്ടാ​ക്കി. അതിന്റെ ഭാരം ഏകദേശം 30,000 കിലോ​ഗ്രാം ആയിരു​ന്നു. അതിൽ 66,000 ലിറ്റർ വെള്ളം കൊള്ളു​മാ​യി​രു​ന്നു. (1രാജാക്കന്മാർ 7:23-26, 44-46) അതു​പോ​ലെ ആലയത്തി​ന്റെ പ്രവേ​ശ​ന​ത്തിൽ ചെമ്പു​കൊ​ണ്ടുള്ള രണ്ടു വലിയ തൂണുകൾ ഉണ്ടായി​രു​ന്നു. അതിന്‌ 26 അടി (8 മീ.) ഉയരമു​ണ്ടാ​യി​രു​ന്നു. ഓരോ​ന്നി​ന്റെ​യും മുകളിൽ ഓരോ മകുടം ഉണ്ടായി​രു​ന്നു. അതിന്റെ ഉയരം 7.3 അടി (2.2 മീ.) ആയിരു​ന്നു. 3 ഇഞ്ച്‌ (7.5 സെമീ.) കനത്തിൽ നിർമിച്ച ആ തൂണു​ക​ളു​ടെ അകം പൊള്ള​യാ​യി​രു​ന്നു. അതിന്റെ വ്യാസം 5.6 അടി (1.7 മീ.) ആയിരു​ന്നു. (1 രാജാ​ക്ക​ന്മാർ 7:15, 16; 2 ദിനവൃ​ത്താ​ന്തം 4:17) ഇതു മുഴുവൻ ഉണ്ടാക്കി​യത്‌ ചെമ്പു​കൊ​ണ്ടാ​ണെന്ന്‌ ഓർക്കണം.

it-1-E 348

ബോവസ്‌, II

വടക്കുവശത്തെ തൂണിനു ബോവസ്‌ എന്നായി​രു​ന്നു പേര്‌. അതിന്റെ അർഥം “ശക്തിയിൽ” എന്നായി​രി​ക്കാം. തെക്കുവശത്തെ തൂണിന്റെ പേര്‌ യാഖീൻ എന്നായി​രു​ന്നു. അതിന്റെ അർഥം “(യഹോവ) ദൃഢമാ​യി ഉറപ്പി​ക്കട്ടെ” എന്നും. നമ്മൾ ആലയത്തി​ന്റെ മുന്നിൽ നിന്ന്‌ തൂണു​ക​ളു​ടെ പേരുകൾ ഒന്നിച്ചു​വാ​യി​ക്കു​മ്പോൾ അത്‌ ഈ അർഥം തരുമാ​യി​രു​ന്നു: “(യഹോവ തന്റെ) ശക്തിയിൽ (ദേവാ​ല​യത്തെ) ദൃഢമാ​യി ഉറപ്പി​ക്കട്ടെ.” —1രാജ 7:15-21.

ആത്മീയരത്നങ്ങൾ

it-1-E 263

കുളി​ക്കു​ന്നത്‌

തന്റെ ജനം ശുദ്ധി​യു​ള്ള​വ​രാ​യി​രി​ക്കാൻ യഹോവ പ്രതീ​ക്ഷി​ക്കു​ന്നു. ആലയത്തിൽ ചെയ്‌തി​രുന്ന ചില ക്രമീ​ക​ര​ണ​ങ്ങ​ളിൽനിന്ന്‌ നമുക്ക്‌ അതു മനസ്സി​ലാ​ക്കാം. പുരോ​ഹി​ത​ന്മാർക്ക്‌ കൈകാ​ലു​കൾ കഴുകു​ന്ന​തി​നു​വേണ്ടി ലോഹം​കൊണ്ട്‌ ഒരു വലിയ പാത്രം ഉണ്ടാക്കി അതിൽ വെള്ളം നിറച്ചു​വെ​ച്ചി​രു​ന്നു. (2ദിന 4:2-6) അതു​പോ​ലെ പാപപ​രി​ഹാ​ര​ദി​വ​സ​ത്തിൽ മഹാപു​രോ​ഹി​തൻ രണ്ടു പ്രാവ​ശ്യം കുളി​ക്കും. (ലേവ 16:4, 23, 24) അസസേ​ലി​നുള്ള കോലാ​ടി​നെ​യും​കൊണ്ട്‌ പോകു​ന്ന​വ​രും മൃഗയാ​ഗ​ങ്ങ​ളു​ടെ അവശേ​ഷിപ്പ്‌ കൊണ്ടു​പോ​കു​ന്ന​വ​രും യാഗം അർപ്പി​ക്കാ​നുള്ള ചുവന്ന പശുവി​നെ പാളയ​ത്തി​നു പുറ​ത്തേക്ക്‌ കൊണ്ടു​പോ​കു​ന്ന​വ​രും ദേഹം കഴുകി വസ്‌ത്രം അലക്കിയ ശേഷമേ ആരാധ​നാ​സ്ഥ​ലത്ത്‌ വീണ്ടും പ്രവേ​ശി​ക്കാൻ സാധി​ക്കു​മാ​യി​രു​ന്നു​ള്ളൂ.—ലേവ 16:26-28; സംഖ 19:2-10.

ആഗസ്റ്റ്‌ 29–സെപ്‌റ്റം​ബർ 4

ദൈവ​വ​ച​ന​ത്തി​ലെ നിധികൾ | 1 രാജാ​ക്ക​ന്മാർ 8

“ശലോ​മോ​ന്റെ താഴ്‌മ​യോ​ടെ​യുള്ള, ഹൃദയസ്‌പർശി​യായ പ്രാർഥന”

w09 11/15 9 ¶9-10

പ്രാർഥ​നകൾ സമ്പുഷ്ട​മാ​ക്കാൻ ബൈബിൾ പഠിക്കുക

⁹ ഹൃദയ​ത്തിൽനി​ന്നുള്ള പ്രാർഥ​ന​കൾക്കേ ദൈവം ചെവി​ചായ്‌ക്കൂ. 1 രാജാ​ക്ക​ന്മാർ 8-ാം അധ്യാ​യ​ത്തിൽ ശലോ​മോ​ന്റെ ഹൃദയം​ഗ​മ​മായ ഒരു പ്രാർഥന രേഖ​പ്പെ​ടു​ത്തി​യി​ട്ടുണ്ട്‌. ബി.സി. 1026-ൽ യഹോ​വ​യു​ടെ ആലയ സമർപ്പ​ണ​ത്തോ​ടു ബന്ധപ്പെട്ട്‌ യെരു​ശ​ലേ​മിൽ കൂടിവന്ന ജനങ്ങളു​ടെ മുമ്പാ​കെ​യാണ്‌ അവൻ ആ പ്രാർഥന നടത്തി​യത്‌. നിയമ​പെ​ട്ടകം അതിവി​ശു​ദ്ധ​ത്തിൽ സ്ഥാപി​ച്ച​പ്പോൾ മേഘം ആലയത്തെ മൂടി. അപ്പോൾ ശലോ​മോൻ യഹോ​വയെ സ്‌തു​തി​ച്ചു​കൊണ്ട്‌ പ്രാർഥി​ച്ചു.

¹⁰ ശലോ​മോ​ന്റെ പ്രാർഥ​ന​യൊന്ന്‌ അപഗ്ര​ഥി​ച്ചു നോക്കുക. അതിൽ പലവട്ടം ഹൃദയത്തെ പരാമർശി​ച്ചി​രി​ക്കു​ന്നത്‌ നിങ്ങൾക്കു കാണാ​നാ​കും. യഹോ​വയ്‌ക്കു മാത്രമേ ഹൃദയ​ങ്ങളെ ശോധന ചെയ്യാൻ കഴിയൂ എന്ന്‌ ശലോ​മോൻ അംഗീ​ക​രി​ക്കു​ന്നു. (1 രാജാ. 8:38, 39) ആ പ്രാർഥന സൂചി​പ്പി​ക്കു​ന്ന​തു​പോ​ലെ, പാപം ചെയ്‌ത ഒരാൾ ‘പൂർണ്ണ​ഹൃ​ദ​യ​ത്തോ​ടെ ദൈവ​ത്തി​ങ്ക​ലേക്കു തിരി​ഞ്ഞു​വ​രു​ന്നെ​ങ്കിൽ,’ ക്ഷമ ലഭിക്കു​മെന്ന്‌ അയാൾക്ക്‌ പ്രതീ​ക്ഷി​ക്കാ​നാ​കും. ദൈവ​ജനം ശത്രു​ക്ക​ളു​ടെ കയ്യില​ക​പ്പെ​ടുന്ന സാഹച​ര്യ​ങ്ങ​ളിൽ, അവർ പൂർണ​ഹൃ​ദ​യ​ത്തോ​ടെ യഹോ​വ​യോട്‌ പ്രാർഥി​ക്കു​ന്നെ​ങ്കിൽ അവരുടെ അപേക്ഷ ദൈവം കേൾക്കും. (1 രാജാ. 8:48, 58, 61) നിങ്ങളു​ടെ പ്രാർഥ​നകൾ ഹൃദയ​ത്തിൽനി​ന്നു​ള്ള​താ​യി​രി​ക്കണം എന്ന്‌ ഇതു കാണി​ക്കു​ന്നി​ല്ലേ?

w99 1/15 17 ¶7-8

വിശ്വസ്‌ത കൈകൾ ഉയർത്തി പ്രാർഥി​ക്കു​വിൻ

⁷ നാം പ്രാർഥി​ക്കു​ന്നതു പരസ്യ​മാ​യി​ട്ടാ​ണെ​ങ്കി​ലും രസഹ്യ​മാ​യി​ട്ടാ​ണെ​ങ്കി​ലും നമ്മുടെ പ്രാർഥ​ന​ക​ളിൽ താഴ്‌മ പ്രകട​മാ​ക്കണം എന്നതു നാം മനസ്സിൽ പിടി​ക്കേണ്ട ഒരു സുപ്ര​ധാന തിരു​വെ​ഴു​ത്തു തത്ത്വമാണ്‌. (2 ദിനവൃ​ത്താ​ന്തം 7:13, 14) യെരൂ​ശ​ലേ​മിൽ യഹോ​വ​യു​ടെ ആലയത്തി​ന്റെ സമർപ്പ​ണ​സ​മ​യത്തു ശലോ​മോൻ രാജാവ്‌ പരസ്യ​മാ​യി പ്രാർഥി​ച്ച​പ്പോൾ താഴ്‌മ പ്രകട​മാ​ക്കി. ഭൂമി​യിൽ നിർമി​ക്ക​പ്പെ​ട്ടി​ട്ടു​ള്ള​തി​ലേ​ക്കും ഏറ്റവും പ്രൗഢ​മ​നോ​ജ്ഞ​മായ മന്ദിര​ങ്ങ​ളിൽ ഒന്ന്‌ ശലോ​മോൻ പൂർത്തി​യാ​ക്കി​യതേ ഉണ്ടായി​രു​ന്നു​ള്ളൂ. എന്നിട്ടും, അവൻ താഴ്‌മ​യോ​ടെ ഇങ്ങനെ പ്രാർഥി​ച്ചു: “ദൈവം യഥാർത്ഥ​മാ​യി ഭൂമി​യിൽ വസിക്കു​മോ? സ്വർഗ്ഗ​ത്തി​ലും സ്വർഗ്ഗാ​ധി​സ്വർഗ്ഗ​ത്തി​ലും നീ അടങ്ങു​ക​യി​ല്ല​ല്ലോ; പിന്നെ ഞാൻ പണിതി​രി​ക്കുന്ന ഈ ആലയത്തിൽ അടങ്ങു​ന്നതു എങ്ങനെ?”—1 രാജാ​ക്ക​ന്മാർ 8:27.

⁸ പരസ്യ പ്രാർഥ​ന​യിൽ മറ്റുള്ള​വരെ പ്രതി​നി​ധീ​ക​രി​ക്കു​മ്പോൾ ശലോ​മോ​നെ​പ്പോ​ലെ നാം താഴ്‌മ​യു​ള്ളവർ ആയിരി​ക്കണം. നാം കൃത്രിമ ഭക്തിയു​ടെ നാട്യം ഒഴിവാ​ക്കണം. എങ്കിലും, നമ്മുടെ സ്വരത്തിൽ താഴ്‌മ പ്രകട​മാ​ക്കാ​നാ​കും. താഴ്‌മ​യോ​ടെ ഉള്ള പ്രാർഥ​നകൾ പൊള്ള വാചക​ക്ക​സർത്തോ നാടകീ​യത നിറഞ്ഞ​തോ ആയിരി​ക്കില്ല. പ്രാർഥി​ക്കുന്ന വ്യക്തി​യി​ലേക്കല്ല, മറിച്ച്‌ ദൈവ​ത്തി​ലേക്ക്‌ ആയിരി​ക്കണം അവ ശ്രദ്ധ ആകർഷി​ക്കേ​ണ്ടത്‌. (മത്തായി 6:5) നാം പ്രാർഥ​ന​യിൽ പറയുന്ന സംഗതി​ക​ളാ​ലും താഴ്‌മ പ്രകട​മാ​ക്കാ​വു​ന്ന​താണ്‌. താഴ്‌മ​യോ​ടെ നാം പ്രാർഥി​ക്കു​ന്നെ​ങ്കിൽ, നമ്മുടെ ഇഷ്ടപ്ര​കാ​രം ദൈവം കാര്യങ്ങൾ ചെയ്യാൻ നാം ആവശ്യ​പ്പെ​ടു​ന്നു​വെന്ന തോന്നൽ ഉളവാ​ക്കുന്ന വിധത്തിൽ ആയിരി​ക്കില്ല നമ്മുടെ പ്രാർഥ​നകൾ. മറിച്ച്‌, യഹോ​വ​യു​ടെ വിശുദ്ധ ഹിതത്തി​നു ചേരുന്ന വിധത്തിൽ പ്രവർത്തി​ക്കാൻ നാം അവനോട്‌ അപേക്ഷി​ക്കും. “യഹോവേ, ഞങ്ങളെ രക്ഷി​ക്കേ​ണമേ; യഹോവേ, ഞങ്ങൾക്കു ശുഭത [“വിജയം,” NW] നല്‌കേ​ണമേ” എന്ന്‌ അപേക്ഷി​ച്ച​പ്പോൾ സങ്കീർത്ത​ന​ക്കാ​രൻ ഉചിത​മായ മനോ​ഭാ​വ​ത്തിന്‌ മാതൃക വെച്ചു.—സങ്കീർത്തനം 118:25; ലൂക്കൊസ്‌ 18:9-14.

ആത്മീയരത്നങ്ങൾ

it-1-E 1060 ¶4

സ്വർഗം

ദൈവം സർവവ്യാ​പി​യാണ്‌ അഥവാ ദൈവം തൂണി​ലും തുരു​മ്പി​ലും ഉണ്ട്‌ എന്നല്ല ശലോ​മോൻ പറഞ്ഞതി​ന്റെ അർഥം. ദൈവ​ത്തിന്‌ ഒരു പ്രത്യേക വാസസ്ഥ​ല​മി​ല്ലെ​ന്നും അത്‌ അർഥമാ​ക്കു​ന്നില്ല. കാരണം, തുടർന്ന്‌ ശലോ​മോൻ യഹോ​വ​യോ​ടു പ്രാർഥി​ച്ച​പ്പോൾ “അങ്ങയുടെ വാസസ്ഥ​ല​മായ സ്വർഗ​ത്തിൽനിന്ന്‌ കേട്ട്‌ ഞങ്ങളോ​ടു ക്ഷമി​ക്കേ​ണമേ” എന്നു പറഞ്ഞു. ആത്മസൃ​ഷ്ടി​കൾ വസിക്കുന്ന സ്വർഗ​മാണ്‌ ശലോ​മോൻ ഇവിടെ ഉദ്ദേശി​ച്ചത്‌, നക്ഷത്ര​ങ്ങ​ളും ഗ്രഹങ്ങ​ളും എല്ലാം ഉൾപ്പെ​ടുന്ന ആകാശ​ഗോ​ള​ങ്ങൾക്ക്‌ അപ്പുറ​മുള്ള സ്ഥലം.—1രാജ 8:30, 39.