മീറ്റി​ങ്ങു​കൾ വീഡി​യോ കോൺഫ​റൻസി​ലൂ​ടെ നടത്തുന്നു

ലോക​മെ​ങ്ങു​മുള്ള ഗവൺമെ​ന്റു​കൾ നിർദേ​ശി​ച്ചി​രി​ക്കു​ന്നത്‌ സാമൂ​ഹിക അകലം പാലി​ക്കാ​നും പൊതു​കൂ​ടി​വ​രു​കൾ റദ്ദാക്കാ​നും ആണ്‌. ഈ നിർദേ​ശങ്ങൾ അനുസ​രി​ച്ചു​കൊ​ണ്ടു​തന്നെ സുരക്ഷി​ത​മാ​യി ആരാധ​ന​യ്‌ക്കാ​യി ഒരുമിച്ച്‌ കൂടാൻ യഹോ​വ​യു​ടെ സാക്ഷികൾ തീരുമാനിച്ചു. അതിനു​വേണ്ടി സൂം പോലുള്ള വീഡി​യോ കോൺഫ​റൻസിങ്‌ ആപ്പുക​ളി​ലൂ​ടെ മീറ്റി​ങ്ങു​കൾ നടത്തുന്നു.

തടസ്സമി​ല്ലാ​തെ, സുരക്ഷി​ത​മാ​യി യോഗങ്ങൾ നടത്തു​ന്ന​തി​നാ​യി, സംഭാ​വ​നകൾ ഉപയോ​ഗിച്ച്‌ സഭകൾക്കു​വേണ്ടി ഒരു സൂം അക്കൗണ്ട്‌ വാങ്ങാൻ ഭരണസം​ഘം തീരു​മാ​നി​ച്ചു. സൂം അക്കൗണ്ട്‌ വാങ്ങാ​നുള്ള ചെലവ്‌ താങ്ങാൻ ബുദ്ധി​മു​ട്ടുള്ള സഭകൾക്ക്‌ ഇതു വലി​യൊ​രു സഹായ​മാ​യി​രു​ന്നു. ഒരു സൂം അക്കൗണ്ടി​നാ​യി 1,100 മുതൽ 1,500 വരെയോ അതില​ധി​ക​മോ പണം നൽകണ​മാ​യി​രു​ന്നു. അതുവരെ പല സഭകളും സൗജന്യ ആപ്ലി​ക്കേ​ഷ​നു​ക​ളാണ്‌ അതിനാ​യി ഉപയോ​ഗി​ച്ചി​രു​ന്നത്‌. അത്തരം ആപ്ലി​ക്കേ​ഷ​നു​കൾക്ക്‌ വേണ്ടത്ര സുരക്ഷ ഇല്ലായി​രു​ന്നു, കൂടുതൽ ആളുകളെ ഉൾപ്പെ​ടു​ത്താ​നും കഴിയി​ല്ലാ​യി​രു​ന്നു. എന്നാൽ സംഘട​ന​യു​ടെ സൂം അക്കൗണ്ട്‌ ഉപയോ​ഗി​ക്കുന്ന എല്ലാ സഭകൾക്കും ഇപ്പോൾ സുരക്ഷി​ത​മാ​യി, ഒരുപാട്‌ ആളുകളെ ഉൾപ്പെ​ടു​ത്തി​കൊണ്ട്‌ യോഗങ്ങൾ നടത്താ​നാ​കു​ന്നു. ഇതുവ​രെ​യും 170-ലധികം രാജ്യ​ങ്ങ​ളി​ലാ​യി 65,000-ത്തിലധി​കം സഭകളാണ്‌ ഇതിൽനി​ന്നും പ്രയോ​ജനം നേടു​ന്നത്‌.

ഇന്തൊ​നേ​ഷ്യ​യിൽ നോർത്ത്‌ സുല​വേ​സി​യി​ലെ മാന​ഡോ​യി​ലുള്ള കൈരാ​ഗി സഭ സൗജന്യ വീഡി​യോ കോൺഫ​റൻസിങ്‌ ആപ്പിനു പകരം സംഘട​ന​യു​ടെ സൂം അക്കൗണ്ട്‌ ഉപയോ​ഗി​ക്കാൻ തുടങ്ങി. ഹാഡി സാന്റോ​സോ സഹോ​ദരൻ പറയുന്നു, “ഒരു മീറ്റി​ങ്ങി​നു വേണ്ടി​ത്തന്നെ പല തവണ ലോഗിൻ ചെയ്യേ​ണ്ട​തി​ല്ലാ​ത്ത​തി​നാൽ ഇല​ക്ട്രോ​ണിക്‌ ഉപകര​ണങ്ങൾ ഉപയോ​ഗി​ക്കാൻ അധികം അറിയി​ല്ലാത്ത സഹോ​ദ​ര​ങ്ങൾക്കു​പോ​ലും ഇപ്പോൾ മീറ്റിങ്ങ്‌ നന്നായി ആസ്വദി​ക്കാ​നാ​കു​ന്നു.”

ഇക്വ​ഡോ​റിൽ ഗ്വൈ​യാ​കീ​ലി​ലെ ഗ്വൈ​യാ​കെ​യ്‌ൻസ്‌ ഒസ്റ്റെ സഭയിലെ ഒരു മൂപ്പനായ ലെസ്റ്റർ ജിജോൺ ജൂനിയർ പറയുന്നു, “പല സഹോ​ദ​ര​ങ്ങ​ളും പാവ​പ്പെ​ട്ട​വ​രാ​യ​തു​കൊണ്ട്‌ സഭയിലെ എല്ലാവർക്കും പങ്കെടു​ക്കാ​വുന്ന ഒരു സൂമിന്റെ ലൈസൻസ്‌ വാങ്ങാൻ ചില സഭകൾക്ക്‌ എളുപ്പ​മ​ല്ലാ​യി​രു​ന്നു. എന്നാൽ ഇപ്പോൾ ഒരുപാട്‌ പേരെ ഉൾപ്പെ​ടു​ത്താൻ പറ്റുന്ന ഒരു അക്കൗണ്ട്‌ തന്നതിനു സംഘട​ന​യ്‌ക്കു വളരെ നന്ദി. അതു​കൊണ്ട്‌ ഞങ്ങൾക്ക്‌ യാതൊ​രു പേടി​യു​മി​ല്ലാ​തെ, സന്തോ​ഷ​ത്തോ​ടെ ആളുകളെ മീറ്റി​ങ്ങി​നു ക്ഷണിക്കാ​നാ​കു​ന്നു. അതും ഒരുപാട്‌ പേരെ.”

സാംമ്പി​യ​യിൽ ലുസാ​കാ​യി​ലുള്ള നഗ്വെ​രേരെ നോർത്ത്‌ സഭയിലെ മൂപ്പനായ ജോൺസൺ മവൻസ പറയുന്നു: “പല സഹോ​ദ​രീ​സ​ഹോ​ദ​ര​ന്മാ​രും കൂടെ​ക്കൂ​ടെ പറഞ്ഞത്‌ ഇതായി​രു​ന്നു, സംഘട​ന​യു​ടെ ഈ ക്രമീ​ക​രണം സഹോ​ദ​ര​ങ്ങ​ളു​മാ​യുള്ള ബന്ധം ശക്തി​പ്പെ​ടു​ത്തി​യെന്നു മാത്രമല്ല അതിലൂ​ടെ യഹോ​വ​യു​ടെ സ്‌നേ​ഹ​വും കരുത​ലും അനുഭ​വി​ച്ച​റി​യാ​നും ഞങ്ങൾക്കാ​യി.”

ദുരി​താ​ശ്വാ​സ പ്രവർത്ത​ന​ങ്ങൾക്കുള്ള ഫണ്ടിൽനി​ന്നാണ്‌ ഈ അക്കൗണ്ട്‌ വാങ്ങു​ന്ന​തിന്‌ ആവശ്യ​മായ പണം കണ്ടെത്തി​യത്‌. ലോക​വ്യാ​പക വേലയ്‌ക്കു​വേ​ണ്ടി​യുള്ള ഈ സ്വമേ​ധയാ സംഭാ​വ​നകൾ കൂടു​ത​ലും ലഭിക്കു​ന്നത്‌ donate.jw.org-ലൂടെയാണ്‌. ലോക​മെ​ങ്ങു​മാ​യി നടക്കുന്ന ഇത്തരം ദുരി​താ​ശ്വാ​സ പ്രവർത്ത​ന​ങ്ങൾക്കു​വേണ്ടി നിങ്ങൾ നൽകുന്ന ഉദാര​മായ സംഭാ​വ​ന​കൾക്കു വളരെ നന്ദി.—2 കൊരി​ന്ത്യർ 8:14.