ആരായിരുന്നു മോശ?

മോശയുടെ ജീവിതത്തിലെ ഏതാനും അനുഭവങ്ങൾ മാത്രമാണ്‌ ഇവ. ക്രിസ്‌ത്യാനികളും യഹൂദരും മുസ്ലീങ്ങളും ഒരുപോലെ ഈ വിശ്വസ്‌തമനുഷ്യനെ ആദരിക്കുന്നതിൽ അതിശയിക്കാനില്ല.

‘ഭയങ്കര കാര്യങ്ങൾ’ പ്രവർത്തിച്ച ഒരു പ്രവാചകനായിരുന്നു മോശ എന്നതിനു സംശയമില്ല. (ആവർത്തനപുസ്‌തകം 34:10-12) അത്ഭുതകരമായ വിധത്തിൽ തന്നെ ഉപയോഗിക്കാൻ അവൻ ദൈവത്തെ അനുവദിച്ചു. എന്നിരുന്നാലും, മോശ ഒരു സാധാരണ മനുഷ്യനായിരുന്നു. ഇത്തരത്തിലുള്ള മറ്റൊരു പ്രവാചകനായിരുന്ന ഏലിയാവിനെ “നമ്മെപ്പോലെതന്നെയുള്ള” ഒരു മനുഷ്യൻ എന്നാണ്‌ ബൈബിൾ വിശേഷിപ്പിക്കുന്നത്‌. യേശുവിന്റെ ഭൗമികശുശ്രൂഷക്കാലത്ത്‌ ഒരു ദർശനത്തിൽ ഈ ഏലിയാവിനോടൊപ്പം മോശയെയും കാണുകയുണ്ടായി. (യാക്കോബ്‌ 5:17; മത്തായി 17:1-9) അവരും നമ്മൾ അഭിമുഖീകരിക്കുന്നതുപോലെയുള്ള പല പ്രശ്‌നങ്ങളും നേരിട്ടിട്ടുണ്ട്‌. ആകട്ടെ, മോശ എങ്ങനെയാണ്‌ അത്തരം പ്രശ്‌നങ്ങളെ വിജയകരമായി തരണം ചെയ്‌തത്‌?

അത്‌ അറിയാൻ നിങ്ങൾക്ക്‌ ആഗ്രഹമുണ്ടോ? മോശ പ്രകടമാക്കിയ മൂന്നു ഗുണങ്ങളും അതിൽനിന്നു നമുക്ക്‌ എന്തു പഠിക്കാമെന്നും പരിചിന്തിക്കാം. (w13-E 02/01)