“കർത്താ​വിൽ മാത്രമേ വിവാഹം കഴിക്കാ​വൂ” അത്‌ പ്രാ​യോ​ഗി​ക​മോ?

ഇത്തരം അഭി​പ്രാ​യ​പ്ര​ക​ട​നങ്ങൾ നിങ്ങൾ കേട്ടി​ട്ടു​ണ്ടോ? കല്യാണം കഴിക്കാൻ യോജിച്ച ഒരാളെ സഭയിൽ കണ്ടെത്താ​നാ​കാ​തെ ചിലർ അങ്ങനെ പറഞ്ഞി​ട്ടുണ്ട്‌. എങ്കിൽപ്പോ​ലും, “കർത്താ​വിൽ മാത്രമേ വിവാഹം കഴിക്കാ​വൂ” എന്ന്‌ പൗലോസ്‌ അപ്പൊ​സ്‌തലൻ നൽകിയ ബുദ്ധി​യു​പ​ദേശം സകല ക്രിസ്‌ത്യാ​നി​കൾക്കും ബാധക​മാ​ണെന്ന്‌ അവർക്ക്‌ നന്നായി അറിയാം. (1 കൊരി. 7:39) പിന്നെ​യും എന്തേ പലരും അങ്ങനെ​യൊ​ക്കെ പറഞ്ഞു​പോ​കു​ന്നു?

പ്രാ​യോ​ഗി​ക​മാ​ണോ എന്ന്‌ ചിലർ സംശയി​ക്കു​ന്ന​തി​ന്റെ കാരണം

വിവാ​ഹ​പ്രാ​യ​മായ സഹോ​ദ​ര​ന്മാ​രു​ടെ​യും സഹോ​ദ​രി​മാ​രു​ടെ​യും എണ്ണത്തി​ലുള്ള വ്യത്യാ​സ​മാ​യി​രി​ക്കാം അനേക​രെ​യും ആകുല​പ്പെ​ടു​ത്തു​ന്നത്‌. പല രാജ്യ​ങ്ങ​ളി​ലും അത്‌ ഒരു വസ്‌തു​ത​യാ​ണു​താ​നും. ദൃഷ്ടാ​ന്ത​ത്തിന്‌, കൊറി​യ​യിൽനി​ന്നുള്ള കണക്കനു​സ​രിച്ച്‌, അവിടെ ഒറ്റക്കാ​രാ​യുള്ള 100 സാക്ഷി​ക​ളിൽ ശരാശരി 57 പേർ സഹോ​ദ​രി​മാ​രും 43 പേർ സഹോ​ദ​ര​ന്മാ​രും ആണെന്നാണ്‌. കൊളം​ബി​യ​യി​ലാ​കട്ടെ, സാക്ഷി​ക​ളിൽ 66 ശതമാ​ന​വും സഹോ​ദ​രി​മാ​രാണ്‌. 34 ശതമാ​നമേ സഹോ​ദ​ര​ന്മാ​രു​ള്ളൂ!

ചില ദേശങ്ങ​ളിൽ, വലിയ സ്‌ത്രീ​ധനം വാങ്ങി കല്യാണം കഴിക്ക​ണ​മെന്ന്‌ വിശ്വാ​സ​ത്തി​ല​ല്ലാത്ത മാതാ​പി​താ​ക്കൾ വാശി​പി​ടി​ക്കു​ന്നതു നിമിത്തം എളിയ ചുറ്റു​പാ​ടു​ക​ളുള്ള സഹോ​ദ​ര​ന്മാർക്ക്‌ വിവാഹം കഴിക്കുക ബുദ്ധി​മു​ട്ടാ​യി​ത്തീ​രു​ന്നു. ഇത്‌ പ്രശ്‌നം സങ്കീർണ​മാ​ക്കു​ന്നു. ഇത്തരം പ്രതി​ബ​ന്ധ​ങ്ങ​ളെ​ക്കു​റി​ച്ചെ​ല്ലാം ഓർക്കു​മ്പോൾ, “കർത്താ​വിൽ” വിവാഹം കഴിക്കുക എന്നുള്ളത്‌ ഒരു കാലത്തും നടക്കാൻപോ​കുന്ന കാര്യമല്ല എന്ന്‌ ഒരു സഹോ​ദരി ചിന്തി​ച്ചേ​ക്കാം. അതു​കൊണ്ട്‌, “സാക്ഷി​ക​ളു​ടെ ഇടയിൽനിന്ന്‌ നല്ലൊരു പങ്കാളി​യെ കിട്ടാൻ കാത്തി​രി​ക്കു​ന്നത്‌ ബുദ്ധി​യാ​ണോ” എന്ന്‌ ഒരുവേള ആ സഹോ​ദരി ചോദി​ച്ചു​പോ​യേ​ക്കാം.a

യഹോ​വ​യി​ലുള്ള ആശ്രയം അത്യന്താ​പേ​ക്ഷി​തം

ഇത്തരം ചിന്തകൾ നിങ്ങളു​ടെ മനസ്സിനെ അലട്ടു​ന്നു​ണ്ടോ? എങ്കിൽ ഓർക്കുക: നിങ്ങളു​ടെ സാഹച​ര്യം യഹോ​വ​യ്‌ക്ക്‌ നന്നായി അറിയാം. അതെ, നിങ്ങളു​ടെ വികാ​ര​ങ്ങ​ളും സ്വകാ​ര്യ​ദുഃ​ഖ​ങ്ങ​ളും ദൈവം അറിയു​ന്നു.—2 ദിന. 6:29, 30.

എന്നിട്ടും, കർത്താ​വിൽ മാത്രമേ വിവാഹം കഴിക്കാ​വൂ എന്ന നിർദേശം തന്റെ വചനത്തിൽ യഹോവ നൽകി​യി​രി​ക്കു​ന്നത്‌ എന്തു​കൊ​ണ്ടാണ്‌? കാരണം, തന്റെ ജനത്തിന്‌ എന്താണ്‌ നല്ലതെന്ന്‌ ദൈവ​ത്തിന്‌ നന്നായി അറിയാം. ബുദ്ധി​യി​ല്ലാത്ത പ്രവൃ​ത്തി​ക​ളു​ടെ കയ്‌പു​നീ​രിൽനിന്ന്‌ തന്റെ ദാസരെ സംരക്ഷി​ക്കാൻ മാത്രമല്ല, അവർ സന്തുഷ്ട​രാ​യി​രി​ക്ക​ണ​മെ​ന്നും യഹോവ ആഗ്രഹി​ക്കു​ന്നു. നെഹമ്യാ​വി​ന്റെ കാലത്ത്‌, പല യഹൂദ​ന്മാ​രും സത്യാ​രാ​ധ​ക​ര​ല്ലാത്ത പുറജാ​തീ​യ​സ്‌ത്രീ​കളെ വിവാഹം ചെയ്‌ത​പ്പോൾ ശലോ​മോന്‌ പറ്റിയ അബദ്ധ​ത്തെ​ക്കു​റിച്ച്‌ നെഹെ​മ്യാവ്‌ അവരെ ഓർമി​പ്പി​ച്ചു. ശലോ​മോൻ “തന്റെ ദൈവ​ത്തി​ന്നു പ്രിയ​നാ​യി​രു”ന്നിട്ടു​പോ​ലും അദ്ദേഹത്തെ “അന്യജാ​തി​ക്കാ​ര​ത്തി​ക​ളായ ഭാര്യ​മാർ വശീക​രി​ച്ചു പാപം ചെയ്യിച്ചു.” (നെഹെ. 13:23-26) അതു​കൊണ്ട്‌, സത്യാ​രാ​ധ​കരെ മാത്രമേ വിവാഹം കഴിക്കാ​വൂ എന്ന്‌ യഹോവ നിഷ്‌കർഷി​ച്ചി​രി​ക്കു​ന്നത്‌ ദൈവ​ദാ​സ​രു​ടെ നന്മയ്‌ക്കു​വേ​ണ്ടി​യാണ്‌. (സങ്കീ. 19:7-10; യെശ. 48:17, 18) ദൈവ​ത്തി​ന്റെ സ്‌നേ​ഹ​പു​ര​സ്സ​ര​മായ പരിപാ​ല​ന​ത്തിന്‌ സത്യ​ക്രി​സ്‌ത്യാ​നി​കൾ നന്ദിയു​ള്ള​വ​രാണ്‌. അവർ യഹോ​വ​യു​ടെ മാർഗ​നിർദേ​ശ​ത്തിൽ പൂർണ​മാ​യി ആശ്രയി​ക്കു​ന്നു. അങ്ങനെ, ഭരണാ​ധി​കാ​രി​യെന്ന നിലയിൽ യഹോ​വ​യ്‌ക്ക്‌ പൂർണ​മാ​യും കീഴട​ങ്ങി​യി​രു​ന്നു​കൊണ്ട്‌, യഹോ​വയെ സാർവ​ത്രിക പരമാ​ധി​കാ​രി​യാ​യി അവർ അംഗീ​ക​രി​ക്കു​ന്നു.—സദൃ. 1:5.

ദൈവ​വു​മാ​യു​ള്ള ബന്ധത്തിൽനിന്ന്‌ നിങ്ങളെ അകറ്റി​ക്ക​ള​ഞ്ഞേ​ക്കാ​വുന്ന ആരെങ്കി​ലു​മാ​യി “ചേർച്ച​യി​ല്ലാത്ത പങ്കാളി​ത്തം” ഒഴിവാ​ക്കാൻ നിങ്ങൾ ആഗ്രഹി​ക്കും എന്നതിൽ സംശയ​മില്ല. (2 കൊരി. 6:14, അടിക്കു​റിപ്പ്‌) പിഴവ​റ്റ​തെന്ന്‌ കാലം തെളി​യി​ച്ചി​രി​ക്കുന്ന ആ ദിവ്യ​മാർഗ​നിർദേശം അനുസ​രി​ച്ച​തി​ന്റെ ഫലമായി അനേകം ക്രിസ്‌ത്യാ​നി​കൾ സംരക്ഷണം ആസ്വദി​ച്ചി​രി​ക്കു​ന്നു. തങ്ങൾ തിര​ഞ്ഞെ​ടു​ത്തത്‌ ജ്ഞാനത്തി​ന്റെ മാർഗ​മാ​യി​രു​ന്നെന്ന്‌ അവർ നന്ദി​യോ​ടെ സ്‌മരി​ക്കു​ന്നു. പക്ഷേ, ഖേദക​ര​മെന്നു പറയട്ടെ, മറ്റുചി​ലർ ആ മാർഗ​നിർദേശം കാറ്റിൽപ്പ​റ​ത്തി​യി​രി​ക്കു​ന്നു!

ഇന്നും പ്രാ​യോ​ഗി​കം

യഹോ​വ​യു​ടെ സാക്ഷി​യ​ല്ലാത്ത ഒരാളു​മാ​യി പ്രണയ​ത്തി​ലാ​യ​തി​നെ തുടർന്ന്‌ സംഭവി​ച്ച​തി​നെ​പ്പറ്റി ഓസ്‌​ട്രേ​ലി​യ​യിൽ താമസി​ക്കുന്ന മാഗിb ഇങ്ങനെ പറയുന്നു: “കാമു​ക​നോ​ടൊ​പ്പം ആയിരി​ക്കാൻവേണ്ടി ഞാൻ കൂടെ​ക്കൂ​ടെ യോഗങ്ങൾ മുടക്കാൻ തുടങ്ങി. എന്റെ ആത്മീയത കുത്തനെ ഇടിഞ്ഞു.” ഇന്ത്യക്കാ​രി​യായ രത്തന കൂടെ​പ്പ​ഠി​ക്കുന്ന ചെറു​പ്പ​ക്കാ​ര​നു​മാ​യി പ്രണയ​ത്തി​ലാ​യി. അയാൾ ബൈബിൾ പഠിക്കാ​നും തുടങ്ങി​യി​രു​ന്നു. എന്നാൽ കാല​ക്ര​മേണ കള്ളി വെളി​ച്ച​ത്താ​യി. അവളെ പ്രേമി​ക്കാ​നുള്ള അയാളു​ടെ ഒരു അടവു മാത്ര​മാ​യി​രു​ന്നു അത്‌. കാമു​കനെ കല്യാണം കഴിക്കാ​നാ​യി രത്തന ഒടുവിൽ മതം മാറു​ക​യും സത്യം ഉപേക്ഷി​ക്കു​ക​യും ചെയ്‌തു.

കാമറൂ​ണി​ലെ എൻഡെൻകെ​യു​ടെ​താണ്‌ മറ്റൊരു ഉദാഹ​രണം. 19-ാം വയസ്സിൽ അവളുടെ വിവാഹം കഴിഞ്ഞു. സ്വന്തം മതം ആചരി​ക്കാ​നുള്ള സർവസ്വാ​ത​ന്ത്ര്യ​വും പ്രതി​ശ്രു​ത​വരൻ അവൾക്ക്‌ ഉറപ്പ്‌ നൽകി​യി​രു​ന്നു. എന്നാൽ വിവാഹം കഴിഞ്ഞ്‌ രണ്ടാഴ്‌ച​യ്‌ക്കു​ള്ളിൽ അയാളു​ടെ തനിനി​റം പുറത്താ​യി. അവൾ ക്രിസ്‌തീ​യ​യോ​ഗ​ങ്ങൾക്ക്‌ പോകു​ന്നത്‌ ഭർത്താവ്‌ വിലക്കി. അവൾ പറയു​ന്ന​തി​ങ്ങനെ: “ഞാൻ ശരിക്കും ഒറ്റപ്പെട്ടു. കരഞ്ഞു​ക​രഞ്ഞ്‌ ഞാൻ തളർന്നു. ജീവി​ത​ത്തി​ന്റെ കടിഞ്ഞാൺ കൈവി​ട്ടു​പോ​യി. കുറ്റ​ബോ​ധ​വും നിരാ​ശ​യും എന്നെ വേട്ടയാ​ടി.”

വിശ്വാ​സ​ത്തി​ല​ല്ലാത്ത ഇണക​ളെ​ല്ലാം ക്രൂര​രും ന്യായ​ബോ​ധ​മി​ല്ലാ​ത്ത​വ​രും ആയിത്തീ​രും എന്നൊ​ന്നു​മല്ല പറഞ്ഞു​വ​രു​ന്ന​തി​ന്റെ സാരം. അവിശ്വാ​സി​യെ വിവാഹം കഴിച്ച​തു​കൊണ്ട്‌ അത്തരം പരിണ​ത​ഫ​ലങ്ങൾ നിങ്ങൾ ഒരുപക്ഷേ നേരി​ട​ണ​മെ​ന്നു​മില്ല. പക്ഷേ, സ്‌നേ​ഹ​നി​ധി​യായ സ്വർഗീ​യ​പി​താ​വു​മാ​യുള്ള നിങ്ങളു​ടെ ബന്ധത്തെ അത്‌ എങ്ങനെ ബാധി​ക്കും? നിങ്ങളു​ടെ നന്മയ്‌ക്കു​വേണ്ടി ദൈവം നൽകിയ ബുദ്ധി​യു​പ​ദേശം ശ്രദ്ധി​ക്കാൻ നിങ്ങൾ കൂട്ടാ​ക്കി​യി​ല്ല​ല്ലോ എന്ന്‌ ചിന്തി​ക്കു​മ്പോൾ എന്താണ്‌ നിങ്ങൾക്ക്‌ അനുഭ​വ​പ്പെ​ടു​ന്നത്‌? അതി​ലെ​ല്ലാ​മു​പരി, നിങ്ങളു​ടെ തീരു​മാ​ന​ത്തെ​ക്കു​റിച്ച്‌ ദൈവ​ത്തിന്‌ എന്തായി​രി​ക്കും തോന്നു​ന്നത്‌?—സദൃ. 1:33.

‘കർത്താ​വിൽ മാത്രം’ വിവാഹം കഴിക്കു​ന്ന​താണ്‌ ഏറ്റവും മികച്ച തീരു​മാ​ന​മെന്ന്‌ സാക്ഷ്യ​പ്പെ​ടു​ത്താൻ ലോക​മെ​ങ്ങും​നി​ന്നുള്ള സഹോ​ദ​രീ​സ​ഹോ​ദ​ര​ന്മാർക്ക്‌ സാധി​ക്കും. ഏകാകി​ക​ളാ​യി​ട്ടു​ള്ളവർ, ദൈവ​ത്തി​ന്റെ ഹൃദയത്തെ സന്തോ​ഷി​പ്പി​ക്കാൻ തീരു​മാ​നി​ച്ചു​റ​ച്ചി​രി​ക്കു​ന്നു, അതു​കൊണ്ട്‌ സഹാരാ​ധ​ക​രു​ടെ ഇടയിൽനി​ന്നു മാത്രം യോജിച്ച ഒരു വ്യക്തിയെ ജീവി​ത​പ​ങ്കാ​ളി​യാ​യി സ്വീക​രി​ക്കു​ന്നു. ജപ്പാനി​ലെ മിച്ചി​ക്കോ എന്ന സഹോ​ദ​രി​യു​ടെ അനുഭവം നോക്കാം. ഒരു സാക്ഷി​യ​ല്ലാത്ത ഒരാളെ വിവാഹം ചെയ്യാൻ ബന്ധുക്കൾ അവളു​ടെ​മേൽ സമ്മർദം ചെലുത്തി. ആ സമ്മർദം ചെറു​ത്തു​നിൽക്കു​ന്ന​തോ​ടൊ​പ്പം, തന്റെ പല സുഹൃ​ത്തു​ക്ക​ളും പരിച​യ​ക്കാ​രും സഭയിൽനി​ന്നു​തന്നെ യോജിച്ച പങ്കാളി​കളെ കണ്ടെത്തു​ന്ന​തും അവൾ നിരീ​ക്ഷി​ച്ചു. അവൾ ഇങ്ങനെ പറയുന്നു: ‘യഹോവ “സന്തുഷ്ട​നായ” ദൈവ​മാ​യ​തു​കൊണ്ട്‌ നമ്മൾ വിവാ​ഹി​ത​രാ​ണോ അല്ലയോ എന്നുള്ളതല്ല നമ്മുടെ സന്തുഷ്ടിക്ക്‌ ആധാരം എന്ന്‌ ഞാൻ എന്നോ​ടു​തന്നെ ആവർത്തിച്ച്‌ പറഞ്ഞു​കൊ​ണ്ടി​രു​ന്നു. നമ്മുടെ ഹൃദയ​ത്തി​ലെ ആഗ്രഹ​ങ്ങ​ളൊ​ക്കെ​യും അവൻ നമുക്കു തരു​മെ​ന്നും ഞാൻ വിശ്വ​സി​ക്കു​ന്നു. അതു​കൊണ്ട്‌, വിവാഹം കഴിക്കാ​നാ​ഗ്ര​ഹി​ച്ചി​ട്ടും യോജിച്ച ഒരാളെ കണ്ടെത്താ​നാ​കു​ന്നി​ല്ലെ​ങ്കിൽ, തൽക്കാലം വിവാഹം കഴിക്കാ​തെ നിൽക്കു​ന്ന​താണ്‌ ഏറ്റവും നല്ലത്‌.’ (1 തിമൊ. 1:11, അടിക്കു​റിപ്പ്‌) ഒടുവിൽ മിച്ചി​ക്കോ തനിക്ക്‌ യോജിച്ച ഒരു സഹോ​ദ​രനെ വിവാഹം ചെയ്‌തു. കാത്തി​രു​ന്നത്‌ നന്നാ​യെന്ന്‌ അവൾക്ക്‌ ബോധ്യ​മാ​യി.

സമാന​മാ​യി ചില സഹോ​ദ​ര​ന്മാ​രും യോജിച്ച ഒരു വധുവി​നെ കണ്ടെത്തു​ന്ന​തു​വരെ കാത്തി​രു​ന്നി​ട്ടുണ്ട്‌. ഓസ്‌​ട്രേ​ലി​യ​ക്കാ​രൻ ബിൽ ആ ഗണത്തിൽപ്പെ​ടും. സഭയ്‌ക്കു​പു​റത്ത്‌ ചില പെൺകു​ട്ടി​കളെ ചില​പ്പോ​ഴെ​ങ്കി​ലും തനിക്ക്‌ ഇഷ്ടപ്പെ​ട്ടി​ട്ടുണ്ട്‌ എന്ന്‌ അദ്ദേഹം തുറന്നു പറയുന്നു. പക്ഷേ, ഒരു അവിശ്വാ​സി​യു​മാ​യും അടുത്ത ചങ്ങാത്ത​ത്തി​ലേക്കു വഴുതി​വീ​ഴാ​തി​രി​ക്കാൻ അദ്ദേഹം എല്ലായ്‌പോ​ഴും ജാഗ്രത പാലിച്ചു. എന്തു​കൊണ്ട്‌? “ചേർച്ച​യി​ല്ലാത്ത പങ്കാളിത്ത”ത്തിലേ​ക്കുള്ള ആദ്യചു​വ​ടു​വെ​പ്പാ​യി​രി​ക്കും അതെന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു. ജ്ഞാനപൂർവം അദ്ദേഹം അത്‌ ഒഴിവാ​ക്കി. അതിനി​ടെ ചില സഹോ​ദ​രി​മാ​രെ അദ്ദേഹ​ത്തിന്‌ ഇഷ്ടപ്പെ​ട്ട​താണ്‌. പക്ഷേ, അവർക്ക്‌ സമ്മതമ​ല്ലാ​യി​രു​ന്നു. അങ്ങനെ 30 വർഷം ബിൽ കാത്തി​രു​ന്നു. പക്ഷേ ഒടുവിൽ യോജിച്ച ഒരു ഇണയെ അദ്ദേഹം കണ്ടെത്തു​ക​തന്നെ ചെയ്‌തു. ബിൽ പറയുന്നു: “ഇത്രയും നാൾ കാത്തി​രു​ന്ന​തിൽ എനിക്ക്‌ ഒരു വിഷമ​വു​മില്ല. പകരം അനുഗൃ​ഹീ​ത​നാ​യാണ്‌ എനിക്ക്‌ തോന്നു​ന്നത്‌. ഞങ്ങൾക്ക്‌ ഒരുമിച്ച്‌ ശുശ്രൂ​ഷ​യ്‌ക്കു പോകാ​നാ​കു​ന്നു, ഒരുമിച്ച്‌ പഠിക്കാ​നാ​കു​ന്നു, ഒരുമിച്ച്‌ ആരാധി​ക്കാ​നാ​കു​ന്നു. എന്റെ ഭാര്യ​യോ​ടൊ​പ്പം അവളുടെ കൂട്ടു​കാ​രെ സന്ദർശി​ക്കാ​നും അവരു​മാ​യി സഹവസി​ക്കാ​നും കഴിയു​ന്ന​തിൽ എനിക്ക്‌ സന്തോ​ഷമേ ഉള്ളൂ. കാരണം അവരെ​ല്ലാം യഹോ​വ​യു​ടെ ആരാധ​ക​രാണ്‌. ബൈബിൾത​ത്ത്വ​ങ്ങ​ളു​ടെ അടിസ്ഥാ​ന​ത്തിൽ വിവാ​ഹത്തെ കെട്ടു​റ​പ്പു​ള്ള​താ​യി കൊണ്ടു​പോ​കാൻ ഞങ്ങൾക്ക്‌ കഴിയു​ന്നു.”

യഹോ​വ​യ്‌ക്കാ​യി കാത്തി​രി​ക്കവെ. . .

യഹോ​വ​യു​ടെ കരുത​ലുള്ള കരങ്ങളിൽ കാര്യങ്ങൾ ഭരമേൽപ്പിച്ച്‌ കാത്തി​രി​ക്കവെ നിങ്ങൾക്ക്‌ എന്തു ചെയ്യാ​നാ​കും? ഒന്നാമ​താ​യി, നിങ്ങൾ വിവാഹം കഴിക്കാ​ത്തത്‌ എന്തു​കൊ​ണ്ടാണ്‌ എന്നതി​നെ​ക്കു​റിച്ച്‌ ചിന്തി​ക്കുക. “കർത്താ​വിൽ മാത്രമേ വിവാഹം കഴിക്കാ​വൂ” എന്ന ബൈബിൾനിർദേശം പിൻപ​റ്റു​ന്ന​തി​നാ​ലാണ്‌ നിങ്ങൾ വിവാഹം കഴിക്കാ​ത്ത​തെ​ങ്കിൽ ആ ദിവ്യ​ക​ല്‌പന അനുസ​രി​ക്കു​ന്ന​തി​നെ​പ്രതി നിങ്ങൾ തീർച്ച​യാ​യും അഭിന​ന്ദനം അർഹി​ക്കു​ന്നു. തന്റെ വചനം അനുസ​രി​ക്കാ​നാ​യി നിങ്ങൾ കാണി​ക്കുന്ന നിശ്ചയ​ദാർഢ്യ​ത്തിൽ യഹോവ സംപ്രീ​ത​നാ​ണെന്ന്‌ ഉറപ്പു​ള്ള​വ​രാ​യി​രി​ക്കുക. (1 ശമൂ. 15:22; സദൃ. 27:11) പ്രാർഥ​ന​യിൽ “നിങ്ങളു​ടെ ഹൃദയം അവന്റെ മുമ്പിൽ പകരു”ന്നതിൽ തുടരുക. (സങ്കീ. 62:8) ഇടവി​ടാ​തെ ആത്മാർഥ​മാ​യി നിങ്ങൾ അഭയയാ​ചന നടത്തു​മ്പോൾ നിങ്ങളു​ടെ പ്രാർഥ​നകൾ കൂടുതൽ അർഥപൂർണ​മാ​കും. സഭയിൽനി​ന്നും പുറത്തു​നി​ന്നും ഉള്ള സമ്മർദങ്ങൾ ഗണ്യമാ​ക്കാ​തെ നിങ്ങൾ ഉറച്ചു നിൽക്കു​മ്പോൾ ദൈവ​വു​മാ​യുള്ള നിങ്ങളു​ടെ ബന്ധം അനുദി​നം ദൃഢമാ​കും. അത്യു​ന്ന​ത​നായ ദൈവം തന്റെ സകല വിശ്വ​സ്‌താ​രാ​ധ​ക​രി​ലും താത്‌പ​ര്യം എടുക്കു​ന്നു​വെ​ന്നും ദൈവ​ത്തി​ന്റെ കണ്ണിൽ നിങ്ങൾ വില​യേ​റി​യ​വ​രാ​ണെ​ന്നും ഉറപ്പു​ള്ള​വ​രാ​യി​രി​ക്കുക. നിങ്ങളു​ടെ ആവശ്യ​ങ്ങ​ളും ഹൃദയ​വാ​ഞ്‌ഛ​ക​ളും ദൈവം കാണു​ക​യും അവയ്‌ക്കാ​യി കരുതു​ക​യും ചെയ്യുന്നു. താൻ ജീവി​ത​പ​ങ്കാ​ളി​യെ കൊടു​ത്തു​കൊ​ള്ളാ​മെന്ന്‌ ദൈവം ആർക്കും വാക്കു കൊടു​ക്കു​ന്നില്ല. പക്ഷേ, നിങ്ങൾക്ക്‌ ഒരു വിവാഹ ഇണയെ യഥാർഥ​ത്തിൽ ആവശ്യ​മാ​ണെ​ങ്കിൽ നിങ്ങളു​ടെ ന്യായ​മായ ആഗ്രഹങ്ങൾ ഉചിത​മായ വിധത്തിൽ തൃപ്‌തി​പ്പെ​ടു​ത്തേ​ണ്ടത്‌ എങ്ങനെ​യെന്ന്‌ ദൈവ​ത്തിന്‌ അറിയാം.—സങ്കീ. 145:16; മത്താ. 6:32.

ചില സാഹച​ര്യ​ങ്ങ​ളിൽ സങ്കീർത്ത​ന​ക്കാ​ര​നായ ദാവീ​ദി​ന്റേ​തു​പോ​ലെ നിങ്ങളു​ടെ ഹൃദയം വിതു​മ്പി​യേ​ക്കാം: “യഹോവേ, വേഗം എനിക്കു ഉത്തരമ​രു​ളേ​ണമേ; എന്റെ ആത്മാവു കാംക്ഷി​ക്കു​ന്നു. ഞാൻ കുഴി​യിൽ ഇറങ്ങു​ന്ന​വ​രെ​പ്പോ​ലെ ആകാതി​രി​പ്പാൻ നിന്റെ മുഖത്തെ എനിക്കു മറെക്ക​രു​തേ.” (സങ്കീ. 143:5-7, 10) അത്തരം സമയങ്ങ​ളിൽ, നിങ്ങ​ളെ​ക്കു​റി​ച്ചുള്ള തന്റെ ഇഷ്ടം എന്തെന്ന്‌ കാണി​ച്ചു​ത​രാൻ നിങ്ങളു​ടെ സ്വർഗീ​യ​പി​താ​വിന്‌ സമയം അനുവ​ദി​ക്കുക. നിങ്ങൾക്ക്‌ അത്‌ എങ്ങനെ ചെയ്യാ​നാ​കും? ദൈവ​വ​ചനം വായി​ക്കാ​നും വായി​ക്കുന്ന കാര്യ​ങ്ങ​ളെ​ക്കു​റി​ച്ചു ധ്യാനി​ക്കാ​നും സമയ​മെ​ടു​ക്കുക. ദൈവ​ത്തി​ന്റെ കല്‌പ​നകൾ എന്താ​ണെന്ന്‌ നിങ്ങൾ മനസ്സി​ലാ​ക്കും. തന്റെ ജനത്തി​നു​വേണ്ടി മുൻകാ​ല​ങ്ങ​ളിൽ ദൈവം പ്രവർത്തിച്ച വിധം നിങ്ങൾ കാണു​ക​യും ചെയ്യും. അങ്ങനെ യഹോ​വയെ ശ്രദ്ധി​ക്കു​ന്ന​തു​വഴി, ദൈവത്തെ അനുസ​രി​ക്കു​ന്ന​തി​ലെ ജ്ഞാന​ത്തെ​ക്കു​റി​ച്ചുള്ള നിങ്ങളു​ടെ ബോധ്യം വർധി​ച്ചു​വ​രും.

ഒറ്റയ്‌ക്കാ​യി​രി​ക്കുന്ന നാളുകൾ സന്തോ​ഷ​പ്ര​ദ​വും ഫലപ്ര​ദ​വും ആക്കാൻ നിങ്ങൾക്ക്‌ മറ്റെ​ന്തെ​ങ്കി​ലും ചെയ്യാ​നാ​കു​മോ? ഒരു സന്തുഷ്ട കുടും​ബ​ജീ​വി​ത​ത്തിന്‌ അത്യന്താ​പേ​ക്ഷി​ത​മായ ആത്മീയ വിവേ​ച​നാ​പ്രാ​പ്‌തി, ഉദാര​മ​ന​സ്‌കത, അധ്വാ​ന​ശീ​ലം, പ്രസന്ന​മ​നോ​ഭാ​വം, ദൈവ​ഭക്തി, സത്‌കീർത്തി തുടങ്ങി​യവ ആർജി​ച്ചെ​ടു​ക്കാൻ ഏകാകി​യാ​യി​രി​ക്കുന്ന നാളുകൾ നന്നായി ഉപയോ​ഗ​പ്പെ​ടു​ത്താ​നാ​കും. ഭാവി​യിൽ സന്തുഷ്ട​ദാ​മ്പ​ത്യ​ത്തിന്‌ ഇവ തീർച്ച​യാ​യും ഒരു മുതൽക്കൂ​ട്ടാ​യി​രി​ക്കും എന്നതിൽ സംശയ​മില്ല. (ഉല്‌പ. 24:16-21; രൂത്ത്‌ 1:16, 17; 2:6, 7, 11; സദൃ. 31:10-27) പ്രസം​ഗ​വേ​ല​യി​ലും മറ്റു ക്രിസ്‌തീ​യ​പ്ര​വർത്ത​ന​ങ്ങ​ളി​ലും പൂർണ​മാ​യി പങ്കെടു​ത്തു​കൊണ്ട്‌ രാജ്യം ഒന്നാമത്‌ അന്വേ​ഷി​ക്കുക. അങ്ങനെ ചെയ്യു​ന്നത്‌ നിങ്ങൾക്ക്‌ ഒരു സംരക്ഷ​ണ​മാ​യി​രി​ക്കും. നേരത്തേ പരാമർശിച്ച ബിൽ തന്റെ വിവാ​ഹ​ത്തി​നു മുമ്പുള്ള നാളു​ക​ളെ​ക്കു​റിച്ച്‌ ഇങ്ങനെ പറയുന്നു: “ആ നാളുകൾ പറന്നു​പോ​യ​തു​പോ​ലെ തോന്നി! പയനി​യ​റിങ്‌ ചെയ്‌തു​കൊണ്ട്‌ ഞാൻ ആ സമയം യഹോ​വ​യു​ടെ സേവന​ത്തിൽ ഉപയോ​ഗി​ച്ചു.”

അതെ, “കർത്താ​വിൽ മാത്രമേ വിവാഹം കഴിക്കാ​വൂ” എന്ന കല്‌പന ഇക്കാല​ത്തും യാഥാർഥ്യ​ത്തി​നു നിരക്കു​ന്ന​തു​ത​ന്നെ​യാണ്‌. അത്‌ അനുസ​രി​ക്കു​ന്ന​തു​മൂ​ലം യഹോ​വയെ ബഹുമാ​നി​ക്കാ​നും നിലനിൽക്കുന്ന സംതൃ​പ്‌തി നേടി​യെ​ടു​ക്കാ​നും നിങ്ങൾക്കും സാധി​ക്കും. “യഹോ​വയെ സ്‌തു​തി​പ്പിൻ; യഹോ​വയെ ഭയപ്പെട്ട്‌, അവന്റെ കല്‌പ​ന​ക​ളിൽ ഏറ്റവും ഇഷ്ടപ്പെ​ടുന്ന മനുഷ്യൻ ഭാഗ്യ​വാൻ. . . . ഐശ്വ​ര്യ​വും സമ്പത്തും അവന്റെ വീട്ടിൽ ഉണ്ടാകും; അവന്റെ നീതി എന്നേക്കും നിലനി​ല്‌ക്കു​ന്നു” എന്ന്‌ ബൈബിൾ പറയുന്നു. (സങ്കീ. 112:1, 3) അതു​കൊണ്ട്‌, “കർത്താ​വിൽ മാത്രമേ വിവാഹം കഴിക്കാ​വൂ” എന്ന ദിവ്യ​ക​ല്‌പന അനുസ​രി​ക്കാൻ നിശ്ചയി​ച്ചു​റ​യ്‌ക്കുക.