4 | വെറു​പ്പി​നെ കീഴ്‌പെ​ടു​ത്താൻ ദൈവ​ത്തി​ന്റെ സഹായം തേടുക

അർഥം:

വെറു​പ്പി​ന്റെ ചങ്ങല പൊട്ടി​ക്ക​ണ​മെ​ങ്കിൽ നമുക്കു ദൈവ​ത്തി​ന്റെ സഹായം വേണം. നമുക്കി​ല്ലാത്ത സദ്‌ഗു​ണങ്ങൾ വളർത്തി​യെ​ടു​ക്കാൻ ദൈവ​ത്തി​ന്റെ പരിശു​ദ്ധാ​ത്മാ​വിന്‌ നമ്മളെ സഹായി​ക്കാ​നാ​കും. അതു​കൊണ്ട്‌ സ്വന്തം ശക്തി​കൊണ്ട്‌ വെറു​പ്പി​നെ കീഴ്‌പെ​ടു​ത്താൻ ശ്രമി​ക്കു​ന്ന​തി​നു പകരം നമ്മൾ ദൈവ​ത്തിൽ ആശ്രയി​ക്കണം. അപ്പോൾ പൗലോസ്‌ പറഞ്ഞില്ലേ, “എല്ലാം ചെയ്യാ​നുള്ള ശക്തി, എന്നെ ശക്തനാ​ക്കുന്ന ദൈവ​ത്തിൽനിന്ന്‌ എനിക്കു കിട്ടുന്നു” എന്ന്‌, അതു​പോ​ലെ നമുക്കും അനുഭ​വ​പ്പെ​ടും. (ഫിലി​പ്പി​യർ 4:13) നമുക്കും പറയാൻ പറ്റും, “യഹോവ എനിക്കു സഹായ​മേ​കും.”—സങ്കീർത്തനം 121:2.

നിങ്ങൾക്കു ചെയ്യാ​നാ​കു​ന്നത്‌:

പരിശുദ്ധാത്മാവിനെ തരണേ എന്ന്‌ യഹോ​വ​യോട്‌ ആത്മാർഥ​മാ​യി അപേക്ഷി​ക്കാം. (ലൂക്കോസ്‌ 11:13) ജീവി​ത​ത്തിൽ ദൈവ​ത്തി​ന്റെ ഗുണങ്ങൾ കാണി​ക്കാ​നുള്ള സഹായ​ത്തി​നാ​യി യാചി​ക്കാം. നമ്മുടെ ഉള്ളിലെ വെറു​പ്പി​നെ കീഴട​ക്കാൻ സഹായി​ക്കുന്ന സ്‌നേഹം, സമാധാ​നം, ക്ഷമ, ആത്മനി​യ​ന്ത്രണം പോലുള്ള ഗുണങ്ങ​ളെ​ക്കു​റിച്ച്‌ ബൈബി​ളിൽനിന്ന്‌ പഠിക്കുക. ജീവി​ത​ത്തിൽ ഇത്തരം ഗുണങ്ങൾ കാണി​ക്കാ​നുള്ള അവസര​ങ്ങൾക്കാ​യി നോക്കി​യി​രി​ക്കുക. അങ്ങനെ​യുള്ള ഗുണങ്ങൾ കാണി​ക്കാൻ ശ്രമി​ക്കു​ന്നവ​രോ​ടൊ​പ്പ​മാ​യി​രി​ക്കു​ന്ന​തും പ്രയോ​ജനം ചെയ്യും. “സ്‌നേ​ഹി​ക്കാ​നും നല്ല കാര്യങ്ങൾ ചെയ്യാ​നും” നമ്മളെ പ്രചോ​ദി​പ്പി​ക്കാൻ അവർക്കാ​കും.—എബ്രായർ 10:24.