കുർദിഷ്‌ ഭാഷക്കാർ സത്യ​ത്തോ​ടു താത്‌പ​ര്യം കാണി​ക്കു​ന്നു

ഗുലി​സാർ എന്ന സ്‌ത്രീ പറയുന്നു: “യഹോ​വ​യെ​ക്കു​റിച്ച്‌ എന്റെ മാതൃ​ഭാ​ഷ​യിൽ കേൾക്കാ​നാ​യ​തിൽ സന്തോ​ഷ​മുണ്ട്‌. അതെക്കു​റിച്ച്‌ ഞാൻ പലപ്പോ​ഴും വിലമ​തി​പ്പോ​ടെ നന്ദിപ​റഞ്ഞ്‌ പ്രാർഥി​ക്കാ​റുണ്ട്‌.”

ഗുലി​സാർ യഹോ​വ​യു​ടെ സാക്ഷി​ക​ളോ​ടൊത്ത്‌ സഹവസി​ക്കാൻ തുടങ്ങി​യിട്ട്‌ എട്ടു വർഷമാ​യി. പക്ഷേ, അവൾ സ്‌നാ​ന​മേ​റ്റതു സ്വന്തം ഭാഷയായ കുർദി​ഷി​ലുള്ള മീറ്റി​ങ്ങിൽ പങ്കെടു​ക്കാൻ തുടങ്ങി​യ​തി​നു ശേഷമാണ്‌. ഗുലി​സാ​റി​നെ​പ്പോ​ലെ കുർദിഷ്‌ ഭാഷ സംസാ​രി​ക്കുന്ന അനേക​രും ഈ അടുത്ത കാലത്ത്‌ സത്യ​ത്തോ​ടു പ്രതി​ക​രി​ച്ചി​ട്ടുണ്ട്‌. എന്നാൽ ആരാണ്‌ ഈ കുർദു​കൾ?

കുർദു​കൾ നൂറ്റാ​ണ്ടു​ക​ളാ​യി മധ്യപൂർവ ദേശത്ത്‌ ജീവി​ച്ചു​വ​രു​ന്ന​വ​രാണ്‌. ഇവർ ബൈബി​ളിൽ കാണുന്ന പുരാതന മേദ്യ​രു​ടെ പിൻത​ല​മു​റ​ക്കാ​രാ​ണെന്നു ചില പണ്ഡിത​ന്മാർ പറയുന്നു. (2 രാജാ. 18:11; പ്രവൃ. 2:9) ഇറാനി​യൻ ഭാഷാ​കൂ​ട്ട​ത്തിൽപ്പെ​ടു​ന്ന​താണ്‌ ഇവരുടെ ഭാഷയായ കുർദിഷ്‌.

അർമേ​നി​യ, ഇറാൻ, ഇറാഖ്‌, സിറിയ, തുർക്കി എന്നിവ ഉൾപ്പെടെ വിവിധ രാജ്യ​ങ്ങ​ളി​ലാ​യി ഇന്നു ലക്ഷക്കണ​ക്കി​നു കുർദു​ക​ളുണ്ട്‌. ജോർജി​യ​യി​ലാ​കട്ടെ, ഏതാണ്ട്‌ 20,000 പേരും. ഇവർ പൊതു​വേ ദൈവ​ഭ​യ​മു​ള്ള​വ​രും ആത്മീയ​കാ​ര്യ​ങ്ങളെ നന്നായി വിലമ​തി​ക്കു​ന്ന​വ​രും ആണ്‌.

ഇന്നു ജോർജി​യ​യിൽ മൂന്നു കുർദിഷ്‌ ഭാഷാ​സ​ഭ​ക​ളി​ലാ​യി 500 പ്രചാ​ര​ക​രുണ്ട്‌. എല്ലാവ​രെ​യും പുളകം​കൊ​ള്ളി​ച്ചു​കൊണ്ട്‌ 2014-ൽ കുർദിഷ്‌ ഭാഷയി​ലുള്ള ആദ്യത്തെ മേഖലാ കൺ​വെൻ​ഷൻ ടിബി​ലി​സി​യിൽ വെച്ച്‌ നടന്നു. അർമേ​നിയ, ജർമനി, തുർക്കി, യു​ക്രെ​യിൻ തുടങ്ങിയ രാജ്യ​ങ്ങ​ളിൽനി​ന്നുള്ള പ്രതി​നി​ധി​കൾ ഇതിൽ പങ്കെടു​ത്തു.