Egumi ya Mparayizu yari Mowiddi?

Jeova amwinya Adau ni Eva dhithu dhawadda dhapama. Gênesis 1:28

Jeova ampaddusa mwihiyana oobajha, Eva, amwinya Adau wihina akale mwariye.—Gênesis 2:21, 22.

Jeova ampaddunse ni yubuwelo vamodha ni mwili wologomana, ehinna dhoothega.

Muraliwa wa Mparayizu wari mudda wa Ideni—mburo wapama, wahikalamo mwihinjhe, mithanko dhowima ni anenyama.

Jeova anawoga naaliwa ni aanahudhiha. Aliwa yahanvuruwane, yamakalawo malabo matene Mparayizu mwilaboni yavati.

Mulugu enre wi ehijhe dha muthanko mmodha ola. Gênesis 2:16, 17

Jeova amoniha Adau ni Eva muthanko mmodha mmaddani eraga munoojha dhawima ndha mummakwa.

Mungero Mmodha kamwiwelele Mulugu. Mungero ola abure di Sathana, Diyabo.

Sathana kafunne wi Adau ni Eva emwiwelele Jeova. Bumwahaya adheleye mwa enowa amulekethaga Eva egihina onoojha dhawima dha muthanko ola kunakwa nahuna onerege maligana ni Mulugu. Ndhandha, dhahoneya wi dhari dhawota.—Gênesis 3:1-5.