Ónhka Né꞉ʼe ne Ié꞉sos?

Jehovah iahontenniéhte ne Ié꞉sos onhontsà꞉ke. 1 John 4:9

Tókaʼ teionkwatonhontsó꞉ni atshitewaʼnikonhraié꞉rite ne Jehovah, akó꞉ren ó꞉niʼ raʼiatanó꞉ron ó꞉nenʼk tsi entshitewatahónhsatate. Wahón꞉nise ohén꞉ton tsi niió꞉re wahoiaʼtísa ne Adam, Jehovah wahoiaʼtísa í꞉siʼ nón꞉we tsi roʼshatstenhserá꞉ien ne karonhià꞉ke.

Ohnà꞉ken, Jehovah kí꞉ken tho Bethlehem iahotenniéhte tsi nón꞉ ne Wá꞉ri iáh tekanahkwaienté꞉ri iahonakerátsten. Kí꞉ken raksá꞉ʼa, Ié꞉sos wahonwahsén꞉non.​—John 6:38.

Kí꞉ken rón꞉kwe onhontsà꞉ke í꞉reʼs, Ié꞉sos shoié꞉ren Shonkwaiaʼtíson ráhawe tsi nihaweiennò꞉ten. Teshakorʼhó꞉tonʼs, rotenoronhkhwátʼskon, tánon rateroʼserí꞉o. Iáh tehatshá꞉nis ashakorihónnien ne orihwí꞉io nahò꞉ten ne Jehovah raorihwà꞉ke.

Ioiánere tsi nahá꞉iere ne Ié꞉sos nek tsi wahonwatakwáhswen. 1 Peter 2:21-24

Né꞉ne karihwiioʼstóntshera ohén꞉ton rónnete wahonwáhswen Ié꞉sos ne tsi wathateriʼhókwaʼte tsi iáh tetkaié꞉ri naho꞉ten shakotirihonnién꞉ni tánon nahò꞉ten wahétken tsi nihotirihò꞉ten.

Ié꞉sos ó꞉niʼ wahshakotsenʼte ne rotinonhwáktani tánon ótiaʼke sahshakaʼónhnhete ne ronenhé꞉ion.

Kí꞉ken karihwiioʼstóntshera ohén꞉ton rónnete wahshakotiʼnikonhrátaʼ ne Romans ahonwaié꞉sathe ne Ié꞉sos tánon ahonwáhsehte.