Leʼek a Kuxtal u Kʼati a Dʼios Tiʼitoʼono

A Bʼibʼle walak u yadʼik ti leʼek u kuxtal a kristiyaanojo ‹koom u pach y top yaabʼ a yajili.› (Job 14:1) Leʼek wa a kuxtal abʼeeʼ u kʼati tiʼitoʼon a Dʼioso? Wa maʼ leʼeke, pues kʼuʼtun u kʼati tiʼitoʼono? Top bʼel wa u kaʼa ti uchul kʼuʼ u kʼati tiʼitoʼon? Tzʼa ti kuentaj bʼiki ti bʼel u kaʼa u nuukte Bʼibʼle a kʼaatchiʼooʼ abʼeeʼ.

1. Kʼuʼ ti kuxtalil u kʼati a Jehovah tiʼitoʼono?

A Jehovah u kʼati a kuxtal a kiʼ tiʼitoʼono. Leʼek kaʼ u bʼetaj a primero winik etel ix chʼup leʼek aj Adan etel ix Eva, u tzʼajooʼ ichil a lugaar a kichʼpan leʼek a Eden u kʼabʼaʼ. «A Dʼioso u kiʼkiʼtʼantajooʼ y u yadʼaj tiʼijooʼ: ‹Kaʼ uchukeʼex a pʼoʼtesaj, kaʼ yaabʼakeʼex, kaʼ a tudʼseʼex u wich a yokʼolkabʼa y kaʼ a meyajteʼex u wich.›» (Genesis 1:28) A Jehovah u kʼatiintaj tiʼijooʼ kaʼ yaabʼakooʼ u tzʼubʼ, tiʼi kaʼ u kichʼpankuntooʼ u wich a yokʼolkabʼa y kaʼ u tzʼaaʼooʼ ti kuentaj a bʼaʼalcheʼe. U kʼatiintaj ti tulakal mak kaʼ u yilooʼ u kiʼil a maʼloʼ kuxtal ti bʼebʼeel.

Kaʼax maʼ uchi kʼuʼ u kʼatiintaj a Jehovah, apero siempre u kʼati u tzʼaaʼ tiʼitoʼon a kuxtal a kiʼi. (Isaias 46:10, 11) Siempre u kʼati kaʼ u yilooʼ u kiʼil a maʼloʼ kuxtal ti bʼebʼeel a mak a tanooʼ u tzʼokʼsaj.​—Xoko a Revelacion 21:3, 4.

2. Bʼiki ti jedʼeʼek ti wilik u kiʼil ti kuxtal aleebʼe?

Leʼek kaʼ u bʼetajoʼon a Jehovah, u bʼetajoʼon ti kʼabʼeet toʼon alaji. U nuʼkul abʼeeʼ ti kʼatijak ti weelte u pektzil y ti tzʼaaʼ u yanil. (Xoko a Mateo 4:4; 5: 4-6.) A Jehovah u kʼati kaʼ ti ʼamiingojte, «kaʼ ti bʼenes ti kuxtal jabʼix tukʼati, kaʼ ti yakunte» y kaʼ ti tzʼaaʼ u yanil «etel tulakal [u yool ti] päsäkʼal.» (Deuteronomio 10:12; Salmo 25:14) Wa kaʼ ti bʼeteʼ abʼeeʼ kiʼak ti wool kaʼax bʼoon yan ti probʼlema ichil ti kuxtal. Leʼek ti tan ti tzʼeek u yanil a Jehovah ti weel ti yan u nuʼkul ti kuxtal umen tan ti kuxtal jabʼix bʼiki tukʼati.

3. A Jehovah u kʼati a kuxtal a kiʼ tiʼijooʼ a kristiyaano

Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.

VIDʼEO: Kʼuʼkaʼa u Bʼetik a Yokʼolkabʼ a Dʼioso?​—Neneʼ Parte (1:41)

• Kʼuʼkaʼa u bʼetik toʼon a kichʼpan yokʼolkabʼ a Dʼioso?

Xokeʼex a Eclesiastes 3:11, kaʼtun tzikbʼalteʼex a kʼaatchiʼ adʼaʼa:

• Kʼuʼ a tan u kaʼansik tech adʼaaʼ tupektzil a Jehovah?

4. Maʼ jeelek kʼuʼ u kʼati tiʼitoʼon a Jehovah

Xokeʼex a Salmo 37:11, 29 etel a Isaias 55:11, kaʼtun tzikbʼalteʼex a kʼaatchiʼ adʼaʼa:

• Bʼiki ti weel ti bʼeltoj u kaʼa u bʼeteʼ kʼuʼ u kʼati a Jehovah tiʼitoʼono?

5. Leʼek kaʼ ti tzʼaaʼ u yanil a Jehovah bʼel ti kaʼa ti wilaʼ u kiʼil ti kuxtal

VIDʼEO: In Känaj ti Yan kʼuʼ u Nuʼkul a Kuxtala (5:03)

• Kʼuʼ u kiʼil tiʼi ix Terumi kaʼ u känaj ti yan kʼuʼkaʼa kuxaʼan?

Xokeʼex a Eclesiastes 12:13, kaʼtun tzikbʼalteʼex a kʼaatchiʼ adʼaʼa:

• Umen yaabʼ u bʼeteʼ toʼon a Jehovah, kʼuʼ a kʼabʼeet kaʼ ti kaʼ bʼeteʼ inoʼono?

KʼUʼ A KÄNAJA

A Jehovah u kʼati kaʼ ti wilaʼ u kiʼil a kuxtal ti bʼebʼeel tuwich a yokʼolkabʼ adʼaaʼ ti perfectojoʼon. Leʼek ti tan ti tzʼeek u yanil a Jehovah etel tulakal ti päsäkʼala yan u nuʼkul ti kuxtal​—aleebʼe.

Tzikbʼalbʼäl kʼuʼ ti känaja

• Kʼuʼ u kʼatiintaj a Jehovah tiʼi aj Adan etel ix Eva?

• Bʼiki ti weel ti leʼek a kuxtal u kʼati u tzʼaaʼ a Dʼios tiʼijooʼ a kristiyaano bʼel u kaʼa ti jajtal?

• Bʼiki ti jedʼeʼek a wilik u kiʼil a kuxtal?

MAS ILATOJ

Kambʼalte kʼuʼkaʼa ti weel ti jaj ti yanaji a Kichʼpan kuuchil Eden.

«Jaj wa ti Yanajaʼan a Kʼichpʼan Kuuchil Eden Waxan Chen Kuxkinbʼil Kuentaj?» (The Watchtower, January 1, 2011)

Kambʼalte kʼuʼkaʼa ti weel ti yanak ti bʼebʼeel a yokʼolkabʼa.

«Bʼel wa u Kaʼa ti Jobʼsabʼäl a Yokʼolkabʼa?» (Web article)

Tzʼaj ti kuentaj kʼuʼ u yadʼaj a Bʼibʼle tupektzil u käxtabʼäl u nuʼkul a kuxtala.

«Yan wa Kʼuʼkaʼa Kuxaʼanoʼon?» (Web article)

Yan juntuul a winiki u tuklaj ti laj yan tiʼi kʼuʼ u kʼati ich kuxtal. Pero yanto mas kʼuʼ a bʼini u käxte.

Aleebʼe Yan u Nuʼkul in Kuxtal (3:55)