Yɩɩn-sõamyã sebre
Yɩɩlã taoor soab yĩnga. Yɩɩnda ne Gititi.* A Azaf yɩɩlle.+
81 Kaas-y ne sũ-noog Wẽnnaam sẽn yaa tõnd pãngã yĩnga.+
Kils-y-yã a Zakoob Wẽnnaamã, a tõogrã yĩnga.
2 Wẽ-y yʋʋm-teedo. Rɩk-y bembengo,*
pɛndg sẽn wẽed tɩ noomẽ, n paas yʋʋm-teoog sẽn tar rissi.
4 Bala yaa noor b sẽn kõ Israyɛlle,
noor a Zakoob Wẽnnaamã sẽn kõ.+
5 A lugl-a lame tɩ yɩ bũmb a Zozɛf yagensã sẽn segd n tẽegdẽ.+
Yɩɩ wakat ning a sẽn yi n na n zab ne Ezɩpt soolmã.+
Mam wʋma koɛɛg* m sẽn pa bãnge:
6 “Mam zẽka zɩɩbã n bas a bãokã.+
Mam deega peoogã a nusẽ.
Mam maka foo Meriba* koomã zĩigẽ.+ (Sela)
8 Mam neba, kelg-y tɩ m na n kõo kaset n ning-y taale.
Israyɛll neba, yãmb sã n da tõe n kelgẽ maam!+
9 Wẽn-zẽng pa na n zĩnd yãmb sʋk ye.
Yãmb pa na n wõgemd wẽn-sãang taoor ye.+
10 Maam a Zeova yaa yãmb Wẽnnaam,
soab ning sẽn yiis yãmb Ezɩpt soolmẽ wã.+
Yaag-y y noyã yalenga, tɩ m na n pids-b lame.+
11 La mam nin-buiidã pa kelg mam koɛɛgã ye.
Israyɛll nebã pa tʋll n sak maam ye.+
14 Mam da na n zaba ne b bɛɛbã n tõog-b tao-tao.
Mam da na n wẽnemda m nugã n zab ne b zabd-n-taasã.+
15 Neb nins sẽn kis a Zeova wã na n sulga b zut a taoor ne rabeem.
B baasgã* na n yɩɩ wakat fãa yĩnga.