Tõnd sẽn kot yãmb tɩ y maane

D sũy yɩɩ noogo, d sẽn tũnug ne seb-kãngã n gom ne yãmbã. D saagdame tɩ y sẽn bãng a Zeova Kaset rãmbã n paasã yɩɩ bũmb sẽn yɩ-y noogo. Wa-y n ges-d d Rĩungã Roogẽ. Wa-y n ges tõnd tigissã sẽn maand to-to. Wa-y n ges-y d sẽn modgd n na n taas neb a taabã tẽng zug arzãnã koe-noog Kirist Rĩungã naam wakat wɛɛngẽ wã.

Yaa Wẽnnaam n kãab rẽ. “Tõnd gũuda yĩngr paalga la tẽng paalga, tɩrlem sẽn na n zĩnd b pʋsẽ.” (2 Pɩɛɛr 3:13) Yʋʋm kob-gĩn wʋsg n looge. Gũubã wakat rebda a saab zĩigẽ. Yaa woto la yɛl nins sẽn maand dũniyã zugã wilgda.

Tʋm-tʋmd a Poll yeelame: “Tõnd sẽn yã tɩ daar kolgdame wã yĩnga, bɩ tõnd tẽeg taab yelle la d yik taab ratem tɩ maan nonglem la tʋʋm sõama.” (Hebre dãmba 10:24, 25) Kelg-y a Poll saglgã n wa tigim ne-do.