Bõe la d segd n maan n noog Wẽnnaam sũuri?

Zãag-y y meng ne sẽn yaa wẽnga. 1 Korẽnt dãmba 6:9, 10

D sã n nong a Zeova, d pa na n maand a sẽn kisã ye.

A Zeova pa rat tɩ d zu, tɩ d yũ rãam n su, bɩ n dɩk dorg ye.

Wẽnnaam kisa rao sẽn kẽed ne raoa, nin-kʋʋr la pʋg-yiisgu. A pa rat me tɩ d yɩ rat-tɩ-loog soab bɩ zab-zabd ye.

D pa segd n pʋʋs bõn-naands bɩ n kẽes d mens tɩt la zĩn-dãmb yɛlẽ ye.

Wẽnnaam sã n wa kɩt tɩ tẽngã lebg arzãna, sẽn maand-b wẽngã pa na n zĩnd be ye.

Maand-y sẽn yaa neere. Matɩe 7:12

D sã n dat tɩ Wẽnd sũur noom ne-do, d segd n modgdame n dɩkd a togs-n-taare.

D segd n nonga nebã, n maand-b neer la d sõngd-ba.

Yɩ-y pʋ-peelem soaba.

Yɩ-y nimbãan-zoɛt la sugr soaba.

Gomd-y-yã a Zeova ne a tʋʋmã yell ne nebã.—Ezai 43:10.