Tʋʋmdã Tigissi
Tʋʋlg r. 12 semena
Yɩɩll 112
Min. 10: Tigingã koeese. D Rĩungã Ministɛɛrã Koees b sẽn tũusi.
Min. 15: Yɛl sẽn pak tigingã.
Min. 20: “Tʋʋl-nif kiuugã yaa wakat d sẽn segd n ‘tʋm la d mao’ wʋsgo.’ ” (Sull a 1-13) Yel-gɛt taoor soabã n kõt sõs-kãngã. A sõsda ne yẽesem n wilgd bũmb ning d sẽn dat n maan tʋʋl-nif kiuugã. Raool-y tigingã neb tɩ b modg sẽn na yɩl tɩ b fãa tõog n kẽes b mens zãng koe-moonegã pʋgẽ ki-kãnga.
Yɩɩll 147 la baasg pʋʋsgo.
Tʋʋlg r. 19 semena
Yɩɩll 166
Min. a 8: Tigingã koeese. Ligdã gɛɛla koɛɛga.
Min. 17: Rɩk-y Annuaire 2001 wã n tʋm sõma. Diskuur la sõsg ne kɛlgdbã. Lebg-y n ges “Totaux pour 2000” sẽn be seb-neng 31 wã. Sõs-y “Lettre du Collège central” sẽn be seb-neng a 3-5 pʋgẽ wã zugu. Kɩt-y tɩ kɛlgdb kẽer togs kɩbar b sẽn karem Annuaire paalgã pʋgẽ tɩ raool-b la keng b tẽebã n yɩɩda. Sagl-y zagsã neb tɩ b lagem taab n karem Annuaire yʋʋmdã pʋgẽ, wala Betɛllã zags neb sẽn maand dũniyã gill zugã. Vaees-y sʋgsgã sẽn seb-neng 255 wã pʋgẽ. B tõe n tũnuga ne-b n lebg n ges bũmb nins b sẽn zãmsã. Kos-y tɩ neb kõ sagls sẽn wilgd d sẽn tõe n tũnug ne Annuaire to-to n sõng Biibl karen-biis tɩ b bãng a Zeova siglgã sõma n paase, la tɩ b bãng tɩ yaa zu-noog ne-b tɩ b zĩnd a pʋgẽ. (Yʋʋmd 2001 Annuaire sebrã sã n nan ka beẽ, bɩ y tũnug ne kɩbay nins sẽn be yʋʋmd 2001, yʋʋm-vẽkr kiuug 1 daar Gũusg Gasgã seb-nens 28 n tɩ ta 31 pʋsẽ wã, la yɛl kẽer b sẽn vɩɩmd tɩ b togs Annuaire 2000 pʋgẽ.)
Min. 20: “Tʋʋl-nif kiuugã yaa wakat d sẽn segd n ‘tʋm la d mao’ wʋsgo.’ ” (Sull 14-30) Tʋʋmdã yel-gɛt n kõt sõs-kãngã. Yaa diskuur sẽn naag ne sʋgsg la leoore. Ned kam fãa segd n yãka tʋʋmd na-kẽndr sẽn zems sẽn na yɩl n moon wʋsg wa a sẽn tõe tɛk tʋʋl-nif kiuugã. Wilg-y moonegã yiib tigissã fãa b sẽn na n maan ki-kãngã. Raool-y koe-moondb nins sẽn tõe n yɩ sõngr so-pakdbã tɩ b reeg kosg sebr tigisgã poore.
Yɩɩll 188 la baasg pʋʋsgo.
Tʋʋlg r. 26 semena
Yɩɩll 204
Min. 10: Tigingã koeese. Wilg-y tɩ b ket n tõe n kɩsa sõngr so-pakrã tʋʋmd kosg sɛb tʋʋl-nif kiuugã yĩnga. Raool-y neba fãa tɩ b karem Biiblã verse nins b sẽn yãk tɩ b karem tʋʋl-nif kiuug rasem a 3-8 wã. Verse-kãens bee D vaees Gʋlsgã daar fãa—2001 wã seb-bil pʋgẽ. Togs-y tigingã daar ning b sẽn na n maan Gũusg Gasgã zãmsg Tẽegrã semen pʋgẽ. Tẽeg-y n wilg tɩ zãma sõsg sẽn yaa zallã na n maana hatã sẽn watã, tʋʋl-nif kiuug 1 daarã. Sõsgã gom-zug la woto: “Ãnda n tõe n paam fãagre?” Raool-y ned kam fãa t’a moon koe-noogã baraare, n sɩng tʋʋl-nif kiuugã ne yẽesem.
Min. 20: “Bɩ d fãa waoog a Zeova la a Biriblã.” Sõsg sẽn kengd tẽeb kãsem soab sẽn kõte. Raool-y ned kam fãa t’a moon wʋsg wa a sẽn tõe tɛk tʋʋl-nif kiuugã, la b modg wʋsg n paas n bool nebã tɩ b wa Tẽegrã.
Min. 15: D segl d sẽn na n wilg zʋrno rãmbã to-to. Tʋʋl-nif kiuugã d na n kãabã neba Gũusg Gasgã la Réveillez-vous! wã. Lebg-y n ges yʋʋmd 1996, zĩ-likr kiuug D Rĩungã Ministɛɛrã seb-neng a 8, sull a 3 la 10. Yãk-y 1) sõsg sẽn be zʋrnallã pʋgẽ, 2) gom-zug sẽn zemse, 3) sʋkr sẽn kɩtd tɩ ned rat n bãnge, la 4) verse sẽn zems ne wakatã yɛla, b sẽn tõe n tũnug ne sõma n wilg yaoolem zʋrno rãmbã. Modg-y n tũnug ne Baood seb-bilã bɩ ne Bãngr sebrã n sɩng yirẽ Biibl zãmsg ne neb sẽn nong sɩdã. Sẽn na n baase, maan-y mak-n-wilg sẽn deng n segl sõma, n wilg b sẽn tõe n tũ sagl-kãensã to-to pipi kẽngrẽ wã.
Yɩɩll 207 la baasg pʋʋsgo.
Tʋʋl-nif r. a 2 semena
Yɩɩll 220
Min. a 9: Tigingã koeese. Tẽeg-y koe-moondbã tɩ b kɩs b tʋʋlg kiuugã koe-mooneg rapoore. Lebg-y n ges “Sagls kãsem dãmbã yĩng Tẽegrã wɛɛngẽ.”
Min. 18: “Yaa nonglmã n tusd tõnd tɩ d moondẽ.”* Gom-y n tadg sõsgã verse rãmb zutu. Paas-y tagsa sẽn be Étude perspicace sebrã, volum a 2, seb-neng 633, sull a 3 pʋgẽ. Kos-y koe-moond sẽn moon koe-noogã yʋʋm wʋsg t’a togs a nonglmã ne Wẽnnaamã sẽn tus-a to-to t’a nang pãng ne moonegã tʋʋmde. Raool-y koe-moondba fãa tɩ b moon koe-noogã tʋʋl-nif kiuugã la kiis a taabã fãa sẽn na n pʋglã pʋgẽ.
Min. 18: “Sõng-y neb a taabã tɩ b wa tigissã.”* Yʋʋmd 1996, sigr kiuug D Rĩungã Ministɛɛrã seb-paasdem, sull 14-16 pʋgẽ, b kõo sagls n paase, sẽn wilgd d sẽn tõe n maan to-to n tees Biibl karen-biisã siglgã pʋgẽ. Wilg-y b sẽn tõe n tũnug ne Baood seb-bilã (sak a 5, sull a 7) la Bãngr sebrã (sak a 5, sull 22) to-to pĩnd-pĩnd n daool karen-biigã t’a wa tigissã. Sẽn na yɩl n wilg rẽ sẽn maand to-to, kɩt-y tɩ koe-moond sẽn tar tõog maan mak-n-wilg sẽn deng n segl sõma. Mak-n-wilgã pʋgẽ a raoonda karen-biigã ne nonglem t’a wa tigissã.
Yɩɩll 47 la baasg pʋʋsgo.
[Tẽngr not rãmbã]
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.