Tʋʋmdã Tigissi
Tʋʋl-nif r. a 8 semena
Yɩɩll 39
Min. 13: Tigingã koeese. Rĩungã Tʋʋmd Koees b sẽn tũusi. Tũnug-y ne sagls sẽn be masã la pĩnd Rĩungã Tʋʋmd zĩ-gũbr ning sẽn yaa “Bũmb ning d sẽn na n yeel n wilg zʋrno rãmbã” pʋgẽ, n kɩt tɩ b maan mak-n-wilg a yiib sẽn wilgd b sẽn tõe n kãab yaoolem Gũusg Gasgã la Réveillez-vous ! wã to-to. Mak-n-wilg fãa pʋgẽ, wilg-y b sẽn tõe n maan to-to n leok kɩɩsg gomd ning sẽn yaa: ‘M tara m tũudmã.’—Ges-y Biibl Sõss seb-bilã, seb-neng 10-11 pʋgẽ.
Min. 12: Yɛl sẽn pak tigingã.
Min. 20: “Bɩ d maan neba fãa yel-sõmde.”* Sʋgsg ne leoorã sõasg poore, bɩ y bool koe-moond a yembr bɩ a yiib n sʋk-b tɩ b togs b sẽn maand to-to n wɩngd ne b moonegã n paasdẽ wã.
Yɩɩll 157 la baasg pʋʋsgo.
Tʋʋl-nif r. 15 semena
Yɩɩll 101
Min. 10: Tigingã koeese. Ligdã gɛɛla koɛɛga.
Min. 15: So-pakdbã ket n sõngda neb a taaba. Neb sull sẽn sõsda. Tʋʋmdã yel-gɛt sõsda ne Tigingã Sebr Zãmsg yel-gɛta, so-pakda, la ne koe-moonda. Tʋʋmdã yel-gɛt lebgd n geta So-pakdbã sõngda neb a taabã tʋʋmd na-kẽndr b sẽn wilg yʋʋmd 1998, bõn-bɩʋʋng kiuug Rĩungã Tʋʋmd pʋgẽ wã, seb-neng a 4. Rẽ poore a na n sõsa ne sullã ned kam fãa a tʋʋmd sẽn ya a soab tʋʋmdã na-kẽndr pʋgẽ, la tʋʋmdã na-kẽndr sẽn sɩd pidsd a bõn-datl to-to wã zugu. Bõe la b maan sẽn na yɩl tɩ segl-kãensã kẽng taoore? Tʋʋmdã yel-gɛt sagenda koe-moondba fãa tɩ ned ning sẽn dat-a sõngr koe-moonegã pʋgẽ bɩ a togs-a. Neb nins sẽn zoe n paam sõngr pĩndã tõe n leb n kosame tɩ b sõng-b koe-moonegã neng a to pʋgẽ.
Min. 20: “Wakat fãa tʋʋmdã sũ-noogo.” * Sagl-y kom-bɩɩsã tɩ b kos n yɩ sõngr so-pakdb vakãas rãmbã wakate.
Yɩɩll 199 la baasg pʋʋsgo.
Tʋʋl-nif r. 22 semena
Yɩɩll 90
Min. 10: Tigingã koeese. Tũnug-y ne sagls sẽn be masã la pĩnd Rĩungã Tʋʋmd zĩ-gũbr ning sẽn yaa “Bũmb ning d sẽn na n yeel n wilg zʋrno rãmbã” pʋgẽ, n kɩt tɩ kãsemb sõngd maan mak-n-wilg a yembr sẽn wilgd b sẽn tõe n kãab yaoolem Gũusg Gasgã to-to la tɩ saam-bi-poak mak n wilg yaoolem Réveillez-vous ! wã sẽn kãabd to-to. Mak-n-wilg fãa poore, lebs-y n dɩk pipi gomd a yembr bɩ a yiib nins b sẽn tũnug ne n kɩt tɩ nedã tʋlg n na n deeg sebrã.
Min. 15: Wa-y lɛɛre! Diskuuri. Tʋʋm nins sẽn tɩ loe ne tõnd balengã tara yõod wʋsgo, tɩ rẽ baoodẽ tɩ b ‘tar b wakate.’ (Koɛ. 3:1) D ratame n dɩ segls nins b sẽn maan Wẽnnaam tʋʋma wɛɛngẽ wã nafa tɩ pidi. Tigingã tigiss la moonegã yiib tigiss segd n sɩnga lɛɛr ning b sẽn yãkã takɩ n da gũ ye. A Zeova zɩ n maan retaar a tʋʋma maaneg pʋgẽ ye. (Hab. 2:3) Tõnd segd n demsa yɛl zĩ-kãng wɛɛngẽ bɩ? B ka tõe tɩ wakat ning bɩ ned ra wa retaar ye. La d sã n sigl d mengã yɛl neere, ka tɩlae tɩ d minim n wat retaare, n nong n tat yɩɩllã la pʋʋsgã poore, bɩ moonegã yiib tigisg sẽn wat n sa tɩ b zoe n maan seglsã n sa poor ye. Togs-y yɛl b sẽn tõe n maan vẽeneg n tall minung sẽn yaa sõma, sẽn na n sõng-d tɩ d maand tẽebã tʋʋma b wakate.—Ges-y yʋʋmd 1990, sigr kiuug rasem 15 Gũusg Gasgã (ne farende), seb-neng 29.
Min. 20: “Yãmb maanda modgr sẽn na yɩl n tõog n bãng kareng la gʋlsg bɩ?”* Lekollã yel-gɛt bɩ kãsem soab a to, sẽn na n wɛgs tagsa wã tɩ b zems ne yɛl nins sẽn sɩd pak tigingã. Sʋgsg la leoorã sõasg poore, bɩ y sʋk koe-moond a yembr bɩ a yiib b sẽn sõng tɩ b zãms kareng la gʋlsg ne karem-moorã maasem, tɩ b togs b sũ-noog la b mi-beoog segl-kãensã yĩnga. Y sã n dat n paam kɩbay la yɛl neb sẽn vɩɩmd n paase, bɩ y ges Les Témoins de Jéhovah et l’instruction seb-bilã, seb-neng 10-13, la yʋʋmd 2000, yʋʋm-sar kiuug rasem 22 Réveillez-vous ! wã, seb-neng a 8 ne a 9. Y sã n baasdẽ bɩ y wilg segls nins b sẽn maan tigingã pʋgẽ karem-moorã wɛɛngẽ.
Yɩɩll 191 (21) la baasg pʋʋsgo.
Tʋʋl-nif r. 29 semena
Yɩɩll 162 (18)
Min. 10: Tigingã koeese. Tẽeg-y koe-moondbã tɩ b kɩs tʋʋl-nif kiuugã tʋʋmd kɩbay sɛba.
Min. 15: “Rĩungã mooneg fãagda yõyã!”* Kɩt-y tɩ kɛlgdbã wilg b tagsa verse rãmbã võor zugu.
Min. 20: Tũnug-y ne Comment raisonner sebrã n maan vaeesgo. Sõasg ne kɛlgdbã. Naoor wʋsgo koe-moonegã wakate, neb n maand tõnd sʋgsg sẽn tɩ loe ne gom-zut sẽn ka be Comment raisonner sebrã “Table des matières” (seb-neng a 5-6) pʋgẽ ye. “Index” (seb-neng 439-45) yaa zĩig sẽn tar yõod d sẽn tõe n ges n paam tagsa sẽn tik Gʋlsg Sõamyã zug n teel d zãmsgã. Kos-y kɛlgdbã tɩ b ges ẽndɛgsã pʋgẽ gom-biis nins b sẽn ning ne italik tẽngrã n yã sʋgsg nins sẽn pʋgdã leoore: Kiris-ned tagsg yaa bõe ne tẽngã tãb-kaoor (drapeaux) la a yɩɩlle (Hymnes)? Bõe yĩng tɩ Wẽnnaam basd tɩ sabaab rãmbã (Catastrophes) watẽ? Wãn to la y tõe n wilg Biiblã sẽn yet bũmb ning kãadem kaoobã (Divorce) zug võore? Bõe yĩng la wakat bʋg la mi n yaa tɩlae tɩ saam-bi-pogsã pil b zutu (Coiffure)? Ma rãmb kibsã (Fêtes des Mères) sɩnga wãn-wãn to? Wãn to la d mi tɩ 144 000 sẽn be Biiblã pʋgẽ wã yaa sõor sɩd-sɩda? Arzɛk soabã ne a Lazaar (Homme riche et Lazare) kɩbarã võor yaa bõe? Sagl-y neba fãa tɩ b tũnug ne Comment raisonner sebrã koe-moonegã wakate.
Yɩɩll 28 la baasg pʋʋsgo.
Sig-noy r. a 6 semena
Yɩɩll 141
Min. 10: Tigingã koeese. Sõs-y “Ket-y n dɩt Gũusg Gasgã la Réveillez-vous ! wã kareng nafa!” wã zugu.
Min. 10: D reng pĩnd n maan magb vakãas rãmbã yĩnga. Diskuur la sõasg ne kɛlgdbã. Wilg-y tʋʋm nins nebã sẽn nong n magd n na n maan vakãas rãmbã wakatã: tigims gĩn sulli, tigims gĩndi, bɩ raar a yembr tigis-kãsems kẽngre, sõngr so-pakrã kiuug a ye bɩ sẽn yɩɩd woto rɩkre, zakã manegre, la so-toaka bɩ pemsem kokr buud maanego. Kos-y neb kẽer tɩ b togs bũmb ning b sẽn magd n na n maan vakãas rãmbã wakate, la b sẽn maan to-to n modg tɩ zak pʋgẽ zãmsgã, tigingã tigiss kẽnde, la koe-moonegã ra leb poorẽ, baa b sã n toga sor n tɩ be zĩig a to. Tigingã sã n tara zĩig a sẽn ka minim n moond tao-tao, bɩ y wilg segls nins b sẽn maand tɩ b na n moon zĩ-kãng sõma wã. Tẽeg-y koe-moondba fãa tɩ b modge, b bee yir tɩ b toga sor me, tɩ Tigingã sebr zãmsg taoor lʋɩt paam b tʋʋmd kɩbay sebre.
Min. 25: “Zagsã tõe n maana wãn n tall pãng tẽebã wɛɛngẽ?”* Y sã n vaees sõasgã n sa poor bɩ y togs yɛl neb sẽn vɩɩmde, sẽn be yʋʋmd 1999, wao-fugdg kiuug rasem 15 Gũusg Gasgã (ne farende), seb-neng 10-12 pʋgẽ.
Yɩɩll 17 la baasg pʋʋsgo.
[Tẽngr not rãmbã]
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.