Bũmb ning d sẽn na n yeel n wilg zʋrno rãmbã

Gũusg Gasgã Sẽoogo, 15

“Yãmb tagsdame tɩ b sɩbgda nin-wẽnsã bugum yir bɩ? [Bas-y t’a leoke.] Biiblã wilgda yel-wẽnd sɩbgr sẽn ya a soab vẽenega. [Karm-y Rom dãmba 6:23a.] Rẽ yĩnga, bugum yirã yaa zĩig bugum sẽn beẽ n namsd neb bɩ? Yaa bũmb sẽn wilgd bal tɩ ned zãaga ne Wẽnnaam bɩ? Zʋrnall kãngã tika Gʋlsg Sõamyã zug n leokd sʋgs-kãensã.”

Réveillez-vous ! 22 juillet

“Neb wʋsg getame tɩ reem-n-bao-ligdã yaa bũmb sẽn sakde. Neb a taab tagsdame t’a sãamdã zags la a maand neb wʋsg wẽnga. Réveillez-vous  ! kãngã tika kɩbay b sẽn nan yiis paalem reem-n-bao-ligdã zug n gom a yelle. Y leb n tõe n karm-a lame n bãng Biiblã noy nins sẽn tɩ loe ne reem-n-bao-ligdã.” Wala makre, karm-y 1 Tɩmote 6:10.

Gũusg Gasgã Sa-sika, 1

“Neb wʋsg tagsdame tɩ tẽeb ziri tagsa wã la rog-m-migsã yɛl ka tar b toorẽ yell ye. [Wilg-y tagsg a yembr bɩ a yiib sẽn be zĩ-gũbrã sẽn be seb-neng a 5 wã pʋgẽ.] Yãmb zoe n sʋka y meng n na n bãng bũmb ning sẽn wa ne tagsa a woto bɩ? [A soabã leokr poore, bɩ y karem 2 Korẽnt dãmba 11:14.] Zʋrnall kãngã wilgda Biiblã sẽn yet bũmb ning tẽeb ziri wã zugu.”

Réveillez-vous ! 8 août

“Nen-kɛglem tʋʋmã la teroriismã sẽn tar paasgã yaa yell sẽn pak neb wʋsgo. Tõe tɩ y sak tɩ Koɛɛg Soaba 8:9 wã goam yaa sɩda. [Karm-y la y bas t’a leoke.] Réveillez-vous ! kãngã wilgda yɛl nins sẽn zĩnd pĩndã sẽn zãmsd tõnd bũmb ninga, la a wilgd naam a woto buud sẽn na n sa ka la bilf to-to.”