Tʋʋmdã Tigissi

Sig-noy r. 12 semena

Yɩɩll a 1

Min. 10: Tigingã koeese. Rĩungã Tʋʋmd Koees b sẽn tũusi. Tũnug-y ne sagls nins sẽn be seb-neng a 8 wã pʋgẽ, bɩ b rãmb nins sẽn zems n be pĩnd Rĩungã Tʋʋmd sɛb pʋsẽ wã, n maan mak-n-wilg a yiib sẽn wilgd d sẽn na n kãab yaoolem Gũusg Gasgã la Réveillez-vous  ! wã to-to. Mak-n-wilg fãa pʋgẽ b segd n naaga zʋrno rãmb a yiibã n kãab nedã, baa sã n ya a yembr zug la d gom-yã. Togs-y nedã t’a tõe n maana kũun n teel dũni gill tʋʋmdã.

Min. 20: Roagdba: Sõng-y y kambã tɩ b bɩ tẽebã wɛɛngẽ. Sõasg sẽn tik École du ministère sebrã tags-kãsems zutu, sẽn yit seb-neng a 9 n tɩ ta 12 n paas 21 n tɩ ta 38 pʋgẽ. Sagl-y roagdbã tɩ b tũnug ne sagl-kãensã kẽer b zak pʋgẽ zãmsgã pʋgẽ, n zãms b kambã tɩ b bãng koe-moonegã tʋʋmd n paase. Wilg-y sagls takɩ b sẽn tõe n tũnug ne n sõng kambã tɩ b paam tõod nins b sẽn dat tɩ b paamã.

Min. 15: “B kõo tõnd koe-noogã mooneg tʋʋmde.”a Reng-y pĩnd n yãk koe-moond a yembr bɩ a yiib tɩ b segl n wa togs b sẽn tõog n maneg b yɛlã to-to sẽn na yɩl n moon koe-noogã n paas koɛɛg-koɛɛga.

Yɩɩll 46 (5) la baasg pʋʋsgo.

Sig-noy r. 19 semena

Yɩɩll 62

Min. 15: Tigingã koeese. Ligdã gɛɛla koɛɛga. Sõs-y “Rĩungã Rot meeb dũniyã gill zugu, Erop tẽns kẽer pʋsẽ” wã wɛɛngẽ. Wilg-y tɩ yaa ligdã b sẽn kõ tɩ b me Rĩung Rotã la b yãk n sõng ne Rĩungã Rotã meeb tẽns nins sẽn ka tar laog wʋsgã pʋgẽ, wala tõnd tẽngã.

Min. 15: Yɛl sẽn pak tigingã.

Min. 15: “Kõ-y kaset sẽn ka yãk wakat n pẽg a Zeova.” Diskuur la sõasg ne kɛlgdbã. Y sã n wa sõsd sull a 3 zugu, bɩ y sok kɛlgdbã tɩ b togs bũmb ning b sẽn tõe n yeel n sɩng sõasg yel-kãensã sẽn pʋgdã kẽer pʋsẽ: 1) y sã n wa be raagẽ, 2) y sã n wa rɩk biis bɩ tagsi n dabd zĩig ninga, 3) y sã n sõsd ne yak sẽn tʋmd a zak tʋʋma, 4) y sã n wa sõsd ne tʋmd-n-taag tʋʋma zĩigẽ, la 5) y sã n sõsd ne y karen-bi-taaga. Reng-y pĩnd n segl tɩ koe-moond togs yell a sẽn vɩɩmde, sẽn wilgd a sẽn maan to-to n tõog n kõ kaset sẽn ka yãk wakate.

Yɩɩll 135 la baasg pʋʋsgo.

Sig-noy r. 26 semena

Yɩɩll 174

Min. 10: Tigingã koeese. Tẽeg-y koe-moondba fãa tɩ b kɩs b sig-noy kiuugã koe-mooneg tʋʋmd kɩbay sɛba. Tũnug-y ne sagls nins sẽn be seb-neng a 8 wã pʋgẽ, bɩ b rãmb nins sẽn zems n be pĩnd Rĩungã Tʋʋmd sɛb pʋsẽ wã, n maan mak-n-wilg a yiib sẽn wilgd d sẽn na n kãab yaoolem Gũusg Gasgã la Réveillez-vous ! wã to-to. Mak-n-wilg fãa pʋgẽ b segd n naaga zʋrno rãmb a yiibã n kãab nedã, baa sã n ya a yembr zug la d gom-yã. Mak-n-wilg a yembr baasgẽ, bas-y seb-vãoog ning gom-zug sẽn yaa Aimeriez-vous en savoir plus sur la Bible ? ne ned sẽn ka sak zʋrno rãmbã.

Min. 10: Yãmb sogsgã leoore. Diskuuri. Koɛɛg-koɛɛg bala, lebg-y n ges sagls kẽer b sẽn kõ kaset kũun ne telefõnã wɛɛngẽ tɩ be yʋʋmd 2001, wao-fugdg kiuug Rĩungã Tʋʋmd pʋgẽ, seb-neng a 6, sul 12-15, bɩ sagls a taab sẽn yɩ sõma yãmb tigingã mooneg zĩigẽ.

Min. 25: “Wẽnnaam Gomdã yaa sɩda.”b Tũnug-y ne sogsg nins b sẽn kõ wã. Kos-y kɛlgdbã tɩ b togs koe-moondã sẽn tũnug ne Biiblã n leok b sogsgã sẽn sõng-b to-to tɩ b bãng sɩdã. Y sã n wa sõsd sull a 4 zugu, kɩt-y tɩ koe-moond sẽn tar tõog mak a sẽn tũnugd ne Biiblã to-to pipi kẽngrẽ wã n wilgi, n tũ sagls kẽer sẽn be sõasg ning gom-zug sẽn yaa “Togs-y sɩd koɛɛgã tɩrga” pʋgẽ.”—km 12/01 s.n. a 1 s. a 3-4.

Yɩɩll 188 la baasg pʋʋsgo.

Sigr r. a 2 semena

Yɩɩll 210

Min. 10: Tigingã koeese. Lebg-y n ges saglg a yembr bɩ a yiib sẽn yit yʋʋmd 2002 yʋʋm-vẽkr kiuugã Rĩungã Tʋʋmd seb-paasdmã pʋgẽ, sẽn wilgd Baood seb-bilã la Bãngr sebrã sẽn kãabd to-to wã.

Min. 20: Wẽnnaam baoodame tɩ kãadem zĩnd waoogre. Diskuur la sõasg ne kɛlgdbã. Tẽns wʋsg pʋsẽ, b minim n yãtame tɩ rap ne pagb vɩ ne taab n yaool n pa kẽ kãadem tɩ zems ne laloa wã ye. Neb kẽer yetame tɩ woto tara nafa. Wilg-y Biiblã sẽn yet bũmb ning rẽ zugu, la y wilg tɩ kãadem yita Wẽnnaam nengẽ. (rs s.n. 224-5) Pag ne rao sã n vɩ ne taab n yaool n pa kẽ kãadem yaa yoobo. (fy s.n. 17) Sẽn yaa lebend ne neb wʋsg sẽn tẽedã, b vaees n yãame tɩ pag ne rao sã n vɩ ne taab n yaool n pa kẽ kãadem, kɩtdame tɩ na n wa yɩ toog n yɩɩd tɩ b paam sũ-noog b sã n wa kẽ kãadem ne taaba. (g02 8/3 s.n. 29; g92 8/9 s.n. 28; g91 8/5 s.n. 28) Kiris-nebã waoogda a Zeova, n tũud a noyã. B sẽn maand woto wã, nafda bãmb me.—Ezai 48:17, 18.

Min. 15: Wãn-wãn la yãmb rɩt Wẽnnaam Tʋʋmdã lekoll yõodo? Sõasg ne kɛlgdbã lekoll yel-gɛtã sẽn maanda. Sẽn sɩng ne yʋʋm-vẽkr kiuugã, tõnd sɩnga Wẽnnaam Tʋʋmdã lekoll modɛll paalgã. Lebg-y n ges-y lekollã zĩ-paals kẽer koɛɛg-koɛɛga. Wilg-y d sẽn zoe n dɩ a yõod to-to. Rẽ yĩnga neb a taab n gʋls b yʋy n paas lekollẽ wã bɩ? Neba sakdame n kẽesd b mens n yɩɩd bɩ? Saglsã kũun manesem sẽn toeemã nafda karen-biisã wãn-wãn to? Kos-y kɛlgdbã tɩ b togs lekollã sẽn zoe n naf bãmb to-to, la b sẽn tagsd tɩ lekollã modɛll paalgã na n naf-b-la to-to beoog-daare.

Yɩɩll 225 la baasg pʋʋsgo.

[Tẽngr not rãmbã]