Tʋʋmdã Tigissi

Vẽnegre: Rĩungã Tʋʋmd na n talla Tʋʋmd tigisg semen fãa yĩng tigims gĩn sull tigis-kãsemsã wakate. Tigimsã tõe n maana toeeng wa sẽn segd sẽn na yɩl n paam weer n tõog n kẽng “Tũ-y Wẽnnaam” tigims gĩn sull tigis-kãsengã. Zĩig ning sẽn zemsã, tũnug-y ne minit 15 yaoolem Tʋʋmd tigisg ning sẽn deng tigis-kãsengã n gom n tadg tagsa sẽn zems ne tigingã zugu, sẽn yit tʋʋl-nif kiuugã seb-paasdem pʋgẽ. Yʋʋmd 2005 wao-fugdg kiuugã pʋgẽ, tʋʋmd tigisg tõr la b na n dɩk n lebg n ges tigis-kãsengã tags-kãsemse. Tõnd fãa tõe n gʋlsa tigis-kãsengã tags-kãsems n segl d mens sõs-kãng yĩnga. Tagsa takɩ d sẽn dat n tũ d vɩɩmã la koe-moonegã pʋgẽ wã segd n zĩnda tags-kãens sʋka. Woto, d tõe n kenga neb a taab raoodo, n wilg tõnd mens sẽn tũ sagl-kãens to-to.

Zĩ-likr r. 11 semena

Yɩɩll 20 (sb29-MM)

Min. 12: Tigingã koeese. Rĩungã Tʋʋmd koees b sẽn tũusi. Tẽeg-y koe-moondbã tɩ sɛb nins d sẽn na n kãab zĩ-likr kiuugã yaa Gũusg Gasgã la Réveillez-vous ! wã. Tũnug-y ne sagls nins sẽn be seb-neng a 8 wã n wilg d sẽn na n wilg yaoolem Gũusg Gasgã la Réveillez-vous ! wã to-to. Lebg-y n ges-y Yãmb Sogsgã Leoore.

Min. 13: Maan-y sũ-noog ne neb a taabã sõngre. (Zã 4:34) Bool-n-sogse. D sã n neẽ tɩ ned tar sũ-noog a sẽn bãng sɩdã sẽn be Wẽnnaam Gomdã pʋgẽ wã yĩnga, yaa bũmb sẽn kõt sũ-noogo. (w94 1/3 s.n. 29 s. a 6-7) Bool-y koe-moondb bɩ so-pakdb a yiib bɩ a tãab sẽn talld Biiblã n tʋmd sõma koe-moonegã wakate, n sɩngdẽ la b maand Biibl zãmsg ne neb n soke. Wãn to la b gʋʋnd ratem ning b sẽn yãtã? B sẽn maand dẽ wã, sũ-no-bʋg la b paamda? Kɩt-y tɩ b togse, bɩ n lebs n mak yell b sẽn vɩɩmd koe-moonegã wakat n wilgi.

Min. 20: “D tũnug ne zʋrno rãmbã n taas neb a taabã koe-noogã.” Sõasg ne kɛlgdbã. Maan-y mak-n-wilg a ye bɩ a yiib n wilg b sẽn tõe n tũ sagls nins sẽn be sull a 3 la a 4 pʋgẽ wã to-to.

Yɩɩll a 6 (sb29-MM) la baasg pʋʋsgo.

Zĩ-likr r. 18 semena

Yɩɩll 15 (sb29-MM)

Min. a 5: Tigingã koeese.

Min. 20: D lagem taab n zẽk a yʋʋrã. Diskuur kãsem soab sẽn kõta, sẽn tik yʋʋmd 2004 tʋʋl-nif kiuugã Rĩungã Tʋʋmde, seb-neng a 3-4 zugu. Wilg-y tagsa sẽn kengd neb a taabã raoodo. Wilg-y b sẽn tõe n tũ zãmsgã to-to tigingã pʋgẽ. Gom-y n tadg-y zĩ-gũbrã tags-kãsems zutu. Paas-y tagsa sẽn yit sõasg ning gom-zug sẽn yaa “Tẽeb rɩɩbo, wakat sẽn zemsã” pʋgẽ, sẽn be Rĩungã Tʋʋmd kãng pʋgẽ wã.

Min. 20: Yɩ-y sõma y yel-manesmã fãa pʋgẽ.a Sẽn tik yʋʋmd 2004, tʋʋl-nif kiuug Rĩungã Tʋʋmde, seb-neng a 4-6 zugu. Sõs-y sõasg ning gom-zug sẽn yaa “Meng yalẽ sẽn yaa sõma la sẽn zems pẽgrã” sẽn be Rĩungã Tʋʋmd kãng pʋgẽ wã zugu.

Yɩɩll a 7 (sb29-MM) la baasg pʋʋsgo.

Zĩ-likr r. 25 semena

Yɩɩll 12 (sb29-MM)

Min. 12: Tigingã koeese. Ligdã gɛɛla koɛɛga. Tũnug-y ne sagls nins sẽn be seb-neng a 8 wã n wilg d sẽn na n wilg yaoolem Gũusg Gasgã la Réveillez-vous ! wã to-to. Mak-n-wilg fãa pʋgẽ, wilg-y manesem zẽng sẽn na yɩl n leok kɩɩsg gomd ning sẽn yaa “Mam pa kelgd a Zeova Kaset rãmbã ye.”—Ges-y Biibl Sõss seb-bilã, seb-neng a 9-10.

Min. 15: Yɛl sẽn pak tigingã.

Min. 18: Kõ-y kaset sẽn teend Wẽnnaam Gomdã. Sõasg ne kɛlgdbã sẽn tik École du ministère sebrã, seb-neng 256-7 zugu. Wãn to la d tõe n tik neb sẽn gʋls bɩ b sẽn yeele, n sõng nebã tɩ b bãng tɩ Gʋlsg Sõamyã sẽn yeela zemsa reegre? Kos-y kɛlgdbã tɩ b togs b tagsg sogs-kãensã zutu: Bõe makr la d tõe n dɩk ãndũniyã pʋgẽ n wilg tɩ Naand beeme? (rs s.n. 73-4) Wãn to la d tõe n tik bãngdbã sẽn yeelã zug n sõng neb a taabã tɩ b bãng tɩ Biiblã sɩd yaa Wẽnnaam Gomde? (rs s.n. 55-7) Mak-bʋg la d tõe n dɩk n sõng neb a taabã tɩ b bãng bũmb ning sẽn kɩt tɩ Wẽnnaam bas tɩ wẽnemã beẽ wã? (rs s.n. 239) Yel-bʋs bɩ mak-bʋs la yãmb zoe n tũnug ne n sõng neb a taabã tɩ b bãng tɩ yaa yam tʋʋmd tɩ d tũ Biiblã saglse?

Yɩɩll 22 (sb29-MM) la baasg pʋʋsgo.

Sɩpaolg 1 daar semena

Yɩɩll a 2 (sb29-MM)

Min. 10: Tigingã koeese. Tẽeg-y koe-moondba fãa tɩ b kɩs b moonegã tʋʋmd kɩbay sɛba. Sɩpaolg kiuugã d na n kãaba Écoute le grand Enseignant sebrã. Koɛɛg-koɛɛg bala, lebg-y n ges sagls nins b sẽn kõ sebrã kãabg yĩngã yʋʋmd 2004 sig-noy kiuugã Rĩungã Tʋʋmde, seb-neng a 3 pʋgẽ wã, la y tik saglg a yembr zug n maan mak-n-wilgi. Manesem a to sã n tõe n yɩ sõma ne yãmb moonegã zĩiga, y tõe n sõsa rẽ zug la y mak-a n wilgi. Sẽk sã n beẽ, kos-y kɛlgdbã tɩ b togs b sẽn tõog n tall seb-kãngã n tʋm to-to koe-moonegã wakate.

Min. 15: “Zak-zak moonegã nafda tõnd mense.”b Y sã n wa vaeesd sull a 3 wã tagsa, bɩ y kos kɛlgdbã tɩ b togs yɛl b sẽn vɩɩmde, sẽn tɩ loe ne yɛl nins b sẽn sõdgã. Maan-y sõasgã tɩ zems ne yɛlã sẽn sɩd yaa to-to wã, sẽn na yɩl n keng koe-moondbã raood tɩ b moon koɛɛgã zak-zak sõma n paase.

Min. 20: “D ra tũus neb d koe-moonegã wakat ye.”c Gom-y n tadg-y gom-zugã zĩis nins sẽn pak tigingã n yɩɩdã zutu. Wilg-y tɩ d sã n seg ned tõnd moonegã zĩigẽ t’a yaool n vɩ zĩig a to, d tõeeme me n tall S-43 sebrã n tʋme. Sõasdã, la sã n tõeyã, koe-moondbã fãa segd n tara (S-43) sebrã tɩ be ne-ba, wakat ning b sẽn wilgd b sẽn tõe n tall-a n tʋm to-to wã sasa.

Yɩɩll 25 (sb29-MM) la baasg pʋʋsgo.

[Tẽngr not rãmbã]